| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. ཨུདཱཡིསུཏྟཝཎྞནཱ
10. Udāyisuttavaṇṇanā
༤༠. དསམེ ཨབྷིསངྑཏནྟི རཱསིཀཏཾ། ནིརཱརམྦྷནྟི པཱཎསམཱརམྦྷརཧིཏཾ། ཡཉྙནྟི དེཡྻདྷམྨཾ། ཏཉྷི ཡཛིཏབྦཏྟཱ ཡཉྙནྟི ཝུཙྩཏི། ཀཱལེནཱཏི ཡུཏྟཔྤཏྟཀཱལེན། ཨུཔསཾཡནྟཱིཏི ཨུཔགཙྪནྟི། ཀུལཾ གཏིནྟི ཝཊྚཀུལཉྩེཝ ཝཊྚགཏིཉྩ ཨཏིཀྐནྟཱ། ཡཉྙསྶ ཀོཝིདཱཏི ཙཏུབྷཱུམཀཡཉྙེ ཀུསལཱ། ཡཉྙེཏི པཀཏིདཱནེ། སདྡྷེཏི མཏཀདཱནེ། ཧབྱཾ ཀཏྭཱཏི ཧུནིཏབྦཾ དེཡྻདྷམྨཾ ཨུཔཀཔྤེཏྭཱ། སུཁེཏྟེ བྲཧྨཙཱརིསཱུཏི བྲཧྨཙཱརིསངྑཱཏེ སུཁེཏྟམྷཱིཏི ཨཏྠོ། སུཔྤཏྟནྟི སུཊྛུ པཏྟཾ། དཀྑིཎེཡྻེསུ ཡཾ ཀཏནྟི ཡཾ དཀྑིཎཱཡ ཨནུཙྪཝིཀེསུ ཨུཔཀཔྤིཏཾ, ཏཾ སུཧུཏཾ སུཡིཊྛཾ སུཔྤཏྟནྟི ཨཏྠོ། སདྡྷོཏི བུདྡྷདྷམྨསངྒྷགུཎཱནཾ སདྡཧནཏཱཡ སདྡྷོ། མུཏྟེན ཙེཏསཱཏི ཝིསྶཊྛེན ཙིཏྟེན། ཨིམིནཱསྶ མུཏྟཙཱགཾ དཱིཔེཏཱིཏི།
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
ཙཀྐཝགྒོ ཙཏུཏྠོ།
Cakkavaggo catuttho.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཨུདཱཡཱིསུཏྟཾ • 10. Udāyīsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. ཨུདཱཡིསུཏྟཝཎྞནཱ • 10. Udāyisuttavaṇṇanā
