| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൦. ഉദായിസുത്തവണ്ണനാ
10. Udāyisuttavaṇṇanā
൪൦. ദസമേ അഭിസങ്ഖതന്തി രാസികതം. നിരാരമ്ഭന്തി പാണസമാരമ്ഭരഹിതം. യഞ്ഞന്തി ദേയ്യധമ്മം. തഞ്ഹി യജിതബ്ബത്താ യഞ്ഞന്തി വുച്ചതി. കാലേനാതി യുത്തപ്പത്തകാലേന. ഉപസംയന്തീതി ഉപഗച്ഛന്തി. കുലം ഗതിന്തി വട്ടകുലഞ്ചേവ വട്ടഗതിഞ്ച അതിക്കന്താ. യഞ്ഞസ്സ കോവിദാതി ചതുഭൂമകയഞ്ഞേ കുസലാ. യഞ്ഞേതി പകതിദാനേ. സദ്ധേതി മതകദാനേ. ഹബ്യം കത്വാതി ഹുനിതബ്ബം ദേയ്യധമ്മം ഉപകപ്പേത്വാ. സുഖേത്തേ ബ്രഹ്മചാരിസൂതി ബ്രഹ്മചാരിസങ്ഖാതേ സുഖേത്തമ്ഹീതി അത്ഥോ. സുപ്പത്തന്തി സുട്ഠു പത്തം. ദക്ഖിണേയ്യേസു യം കതന്തി യം ദക്ഖിണായ അനുച്ഛവികേസു ഉപകപ്പിതം, തം സുഹുതം സുയിട്ഠം സുപ്പത്തന്തി അത്ഥോ. സദ്ധോതി ബുദ്ധധമ്മസങ്ഘഗുണാനം സദ്ദഹനതായ സദ്ധോ. മുത്തേന ചേതസാതി വിസ്സട്ഠേന ചിത്തേന. ഇമിനാസ്സ മുത്തചാഗം ദീപേതീതി.
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
ചക്കവഗ്ഗോ ചതുത്ഥോ.
Cakkavaggo catuttho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. ഉദായീസുത്തം • 10. Udāyīsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧൦. ഉദായിസുത്തവണ്ണനാ • 10. Udāyisuttavaṇṇanā
