| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. уд̣̇ааяид̇т̇зраг̇аат̇ааван̣н̣анаа
2. Udāyittheragāthāvaṇṇanā
мануссабхууд̇анд̇иаад̣̇игаа ааяасмад̇о уд̣̇ааяид̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ б̣раахман̣агулз ниб̣б̣ад̇д̇ид̇ваа уд̣̇ааяийд̇и лад̣̇д̇ханаамо ваяаббад̇д̇о сад̇т̇у н̃аад̇исамааг̇амз б̣уд̣̇д̇хаанубхаавам̣ д̣̇исваа, бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇аяо хи имз уд̣̇ааяид̇т̇зраа амажжабуд̇д̇о буб̣б̣з ааг̇ад̇о гаал̣уд̣̇ааяий, говарияабуд̇д̇о лаалуд̣̇ааяий, аяам̣ б̣раахман̣абуд̇д̇о махаауд̣̇ааяийд̇и. свааяам̣ згад̣̇ивасам̣ сад̇т̇аараа сзд̇авааран̣ам̣ саб̣б̣аалан̇гаарабадиман̣д̣ид̇ам̣ махааж̇анзна басам̣сияамаанам̣ адтуббад̇д̇им̣ гад̇ваа нааг̇обамасуд̇д̇анд̇з (а. ни. 6.43) д̣̇зсид̇з д̣̇зсанаабарияосаанз ад̇д̇ано н̃аан̣аб̣алаануруубам̣ сад̇т̇у г̇ун̣з ануссарид̇ваа, б̣уд̣̇д̇хаарамман̣ааяа бийд̇ияаа самуссаахид̇амаанасо ‘‘аяам̣ махааж̇ано имам̣ д̇иражчаанаг̇ад̇ам̣ нааг̇ам̣ басам̣сад̇и, на б̣уд̣̇д̇хамахаанааг̇ам̣. ханд̣̇аахам̣ б̣уд̣̇д̇хамахааг̇анд̇хахад̇т̇ино г̇ун̣з баагадз гариссаамий’’д̇и сад̇т̇аарам̣ т̇омзнд̇о –
Manussabhūtantiādikā āyasmato udāyittherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinitvā devamanussesu saṃsaranto imasmiṃ buddhuppāde kapilavatthusmiṃ brāhmaṇakule nibbattitvā udāyīti laddhanāmo vayappatto satthu ñātisamāgame buddhānubhāvaṃ disvā, paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi. Tayo hi ime udāyittherā amaccaputto pubbe āgato kāḷudāyī, kovariyaputto lāludāyī, ayaṃ brāhmaṇaputto mahāudāyīti. Svāyaṃ ekadivasaṃ satthārā setavāraṇaṃ sabbālaṅkārapaṭimaṇḍitaṃ mahājanena pasaṃsiyamānaṃ aṭṭhuppattiṃ katvā nāgopamasuttante (a. ni. 6.43) desite desanāpariyosāne attano ñāṇabalānurūpaṃ satthu guṇe anussaritvā, buddhārammaṇāya pītiyā samussāhitamānaso ‘‘ayaṃ mahājano imaṃ tiracchānagataṃ nāgaṃ pasaṃsati, na buddhamahānāgaṃ. Handāhaṃ buddhamahāgandhahatthino guṇe pākaṭe karissāmī’’ti satthāraṃ thomento –
689.
689.
‘‘мануссабхууд̇ам̣ самб̣уд̣̇д̇хам̣, ад̇д̇ад̣̇анд̇ам̣ самаахид̇ам̣;
‘‘Manussabhūtaṃ sambuddhaṃ, attadantaṃ samāhitaṃ;
ирияамаанам̣ б̣рахмабат̇з, жид̇д̇ассуубасамз рад̇ам̣.
Iriyamānaṃ brahmapathe, cittassūpasame rataṃ.
690.
690.
‘‘яам̣ мануссаа намассанд̇и, саб̣б̣ад̇хаммаана баараг̇ум̣;
‘‘Yaṃ manussā namassanti, sabbadhammāna pāraguṃ;
д̣̇звааби д̇ам̣ намассанд̇и, ид̇и мз арахад̇о суд̇ам̣.
Devāpi taṃ namassanti, iti me arahato sutaṃ.
691.
691.
‘‘саб̣б̣асам̣яож̇анаад̇ийд̇ам̣ , ванаа ниб̣б̣анамааг̇ад̇ам̣;
‘‘Sabbasaṃyojanātītaṃ , vanā nibbanamāgataṃ;
гаамзхи нзгкаммарад̇ам̣, муд̇д̇ам̣ сзлаава ган̃жанам̣.
Kāmehi nekkhammarataṃ, muttaṃ selāva kañcanaṃ.
692.
692.
‘‘са вз ажжаружи нааг̇о, химавааван̃н̃з силужжаяз;
‘‘Sa ve accaruci nāgo, himavāvaññe siluccaye;
саб̣б̣зсам̣ нааг̇анаамаанам̣, сажжанаамо ануд̇д̇аро.
Sabbesaṃ nāganāmānaṃ, saccanāmo anuttaro.
693.
693.
‘‘нааг̇ам̣ во гид̇д̇аяиссаами, на хи ааг̇ум̣ гарод̇и со;
‘‘Nāgaṃ vo kittayissāmi, na hi āguṃ karoti so;
соражжам̣ авихим̣саа жа, баад̣̇аа нааг̇асса д̇з д̣̇увз.
Soraccaṃ avihiṃsā ca, pādā nāgassa te duve.
694.
694.
‘‘сад̇и жа самбаж̇ан̃н̃ан̃жа, жаран̣аа нааг̇асса д̇збарз;
‘‘Sati ca sampajaññañca, caraṇā nāgassa tepare;
сад̣̇д̇хаахад̇т̇о махаанааг̇о, убзгкаасзд̇ад̣̇анд̇аваа.
Saddhāhattho mahānāgo, upekkhāsetadantavā.
695.
695.
‘‘сад̇и г̇ийваа сиро бан̃н̃аа, виймам̣саа д̇хаммажинд̇анаа;
‘‘Sati gīvā siro paññā, vīmaṃsā dhammacintanā;
д̇хаммагужчисамааваасо, вивзго д̇асса ваалад̇хи.
Dhammakucchisamāvāso, viveko tassa vāladhi.
696.
696.
‘‘со жхааяий ассаасарад̇о, аж̇жхад̇д̇ам̣ сусамаахид̇о;
‘‘So jhāyī assāsarato, ajjhattaṃ susamāhito;
г̇ажчам̣ самаахид̇о нааг̇о, тид̇о нааг̇о самаахид̇о.
Gacchaṃ samāhito nāgo, ṭhito nāgo samāhito.
697.
697.
‘‘саяам̣ самаахид̇о нааг̇о, нисинноби самаахид̇о;
‘‘Sayaṃ samāhito nāgo, nisinnopi samāhito;
саб̣б̣ад̇т̇а сам̣вуд̇о нааг̇о, зсаа нааг̇асса самбад̣̇аа.
Sabbattha saṃvuto nāgo, esā nāgassa sampadā.
698.
698.
‘‘бхун̃ж̇ад̇и анаваж̇ж̇аани, сааваж̇ж̇аани на бхун̃ж̇ад̇и;
‘‘Bhuñjati anavajjāni, sāvajjāni na bhuñjati;
гхаасамажчаад̣̇анам̣ лад̣̇д̇хаа, саннид̇хим̣ бариваж̇ж̇аяам̣.
Ghāsamacchādanaṃ laddhā, sannidhiṃ parivajjayaṃ.
699.
699.
‘‘сам̣яож̇анам̣ ан̣ум̣ т̇уулам̣, саб̣б̣ам̣ чзд̇ваана б̣анд̇ханам̣;
‘‘Saṃyojanaṃ aṇuṃ thūlaṃ, sabbaṃ chetvāna bandhanaṃ;
язна язнзва г̇ажчад̇и, анабзгкова г̇ажчад̇и.
Yena yeneva gacchati, anapekkhova gacchati.
700.
700.
‘‘яат̇ааби уд̣̇агз ж̇аад̇ам̣, бун̣д̣арийгам̣ бавад̣дхад̇и;
‘‘Yathāpi udake jātaṃ, puṇḍarīkaṃ pavaḍḍhati;
нобалиббад̇и д̇оязна, сужиг̇анд̇хам̣ манорамам̣.
Nopalippati toyena, sucigandhaṃ manoramaṃ.
701.
701.
‘‘д̇ат̇зва жа логз ж̇аад̇о, б̣уд̣̇д̇хо логз вихарад̇и;
‘‘Tatheva ca loke jāto, buddho loke viharati;
нобалиббад̇и логзна, д̇оязна бад̣̇умам̣ яат̇аа.
Nopalippati lokena, toyena padumaṃ yathā.
702.
702.
‘‘махааг̇ини баж̇ж̇алид̇о, анаахааробасаммад̇и;
‘‘Mahāgini pajjalito, anāhāropasammati;
ан̇г̇аарзсу жа санд̇зсу, ниб̣б̣уд̇од̇и бавужжад̇и.
Aṅgāresu ca santesu, nibbutoti pavuccati.
703.
703.
‘‘ад̇т̇ассааяам̣ вин̃н̃аабаний, убамаа вин̃н̃уухи д̣̇зсид̇аа;
‘‘Atthassāyaṃ viññāpanī, upamā viññūhi desitā;
вин̃н̃иссанд̇и махаанааг̇аа, нааг̇ам̣ нааг̇зна д̣̇зсид̇ам̣.
Viññissanti mahānāgā, nāgaṃ nāgena desitaṃ.
704.
704.
‘‘вийд̇арааг̇о вийд̇ад̣̇осо, вийд̇амохо анаасаво;
‘‘Vītarāgo vītadoso, vītamoho anāsavo;
сарийрам̣ виж̇ахам̣ нааг̇о, бариниб̣б̣иссад̇яанаасаво’’д̇и. – имаа г̇аат̇аа абхааси;
Sarīraṃ vijahaṃ nāgo, parinibbissatyanāsavo’’ti. – imā gāthā abhāsi;
д̇ад̇т̇а мануссабхууд̇анд̇и мануссзсу бхууд̇ам̣, ниб̣б̣ад̇д̇ам̣; мануссад̇д̇абхаавам̣ ваа бад̇д̇ам̣. сад̇т̇аа хи аасавагкаяан̃аан̣аад̇хиг̇амзна саб̣б̣аг̇ад̇ивимуд̇д̇оби жаримад̇д̇абхаавз г̇ахид̇абадисанд̇хивасзна ‘‘мануссо’’д̇взва вохарийяад̇ийд̇и. г̇ун̣авасзна бана д̣̇зваанам̣ ад̇ид̣̇зво, б̣рахмаанам̣ ад̇иб̣рахмаа. самб̣уд̣̇д̇ханд̇и саяамзва б̣уж̇жхид̇аб̣б̣аб̣уд̣̇д̇хаванд̇ам̣. ад̇д̇ад̣̇анд̇анд̇и ад̇д̇анааязва д̣̇анд̇ам̣. бхаг̇аваа хи ад̇д̇анааязва уббаад̣̇ид̇зна арияамаг̇г̇зна жагкуд̇оби…бз… манад̇оби уд̇д̇амзна д̣̇амат̇зна д̣̇анд̇о. самаахид̇анд̇и адтавид̇хзна самаад̇хинаа маг̇г̇апаласамаад̇хинаа жа самаахид̇ам̣. ирияамаанам̣ б̣рахмабат̇зд̇и жад̇уб̣б̣ид̇хзби б̣рахмавихаарабат̇з, б̣рахмз ваа сздтз паласамаабад̇д̇ибат̇з самаабаж̇ж̇анавасзна бавад̇д̇амаанам̣. гин̃жааби бхаг̇аваа на саб̣б̣агаалам̣ яат̇аавуд̇д̇з б̣рахмабат̇з ирияад̇и, д̇ад̇т̇а ирияасаамад̇т̇ияам̣ бана д̇анниннад̇ан̃жа убаад̣̇ааяа ‘‘ирияамаана’’нд̇и вуд̇д̇ам̣. жид̇д̇ассуубасамз рад̇анд̇и жид̇д̇асса убасамахзд̇убхууд̇з саб̣б̣асан̇каарасамат̇з, ниб̣б̣аанз, абхирад̇ам̣. яам̣ мануссаа намассанд̇и, саб̣б̣ад̇хаммаана баараг̇унд̇и яам̣ саммаасамб̣уд̣̇д̇хам̣ саб̣б̣зсам̣ канд̇хааяад̇анаад̣̇ид̇хаммаанам̣ абхин̃н̃аабаараг̇уу, барин̃н̃аабаараг̇уу, бахаанабаараг̇уу, бхааванаабаараг̇уу, сажчигирияабаараг̇уу, самаабад̇д̇ибаараг̇ууд̇и чад̇хаа баараг̇ум̣ барамуггам̣саг̇ад̇асамбад̇д̇им̣ кад̇д̇ияабан̣д̣ид̇аад̣̇аяо мануссаа намассанд̇и. д̇хаммаануд̇хаммабадибад̇д̇ияаа бууж̇знд̇аа гааязна ваажааяа манасаа жа д̇анниннаа д̇аббон̣аа д̇аббаб̣бхаараа хонд̇и. д̣̇звааби д̇ам̣ намассанд̇ийд̇и на гзвалам̣ мануссаа зва, ат̇а ко абаримаан̣аасу логад̇хаад̇уусу д̣̇звааби д̇ам̣ намассанд̇и. ид̇и мз арахад̇о суд̇анд̇и звам̣ маяаа аарагад̇д̇аад̣̇ийхи гааран̣зхи арахад̇о, бхаг̇авад̇о, д̇хаммасзнаабад̇иаад̣̇ийнан̃жа ‘‘сад̇т̇аа д̣̇звамануссаана’’нд̇иаад̣̇игам̣ вад̣̇анд̇аанам̣ санд̇игз звам̣ суд̇анд̇и д̣̇ассзд̇и.
Tattha manussabhūtanti manussesu bhūtaṃ, nibbattaṃ; manussattabhāvaṃ vā pattaṃ. Satthā hi āsavakkhayañāṇādhigamena sabbagativimuttopi carimattabhāve gahitapaṭisandhivasena ‘‘manusso’’tveva voharīyatīti. Guṇavasena pana devānaṃ atidevo, brahmānaṃ atibrahmā. Sambuddhanti sayameva bujjhitabbabuddhavantaṃ. Attadantanti attanāyeva dantaṃ. Bhagavā hi attanāyeva uppāditena ariyamaggena cakkhutopi…pe… manatopi uttamena damathena danto. Samāhitanti aṭṭhavidhena samādhinā maggaphalasamādhinā ca samāhitaṃ. Iriyamānaṃ brahmapatheti catubbidhepi brahmavihārapathe, brahme vā seṭṭhe phalasamāpattipathe samāpajjanavasena pavattamānaṃ. Kiñcāpi bhagavā na sabbakālaṃ yathāvutte brahmapathe iriyati, tattha iriyasāmatthiyaṃ pana tanninnatañca upādāya ‘‘iriyamāna’’nti vuttaṃ. Cittassūpasame ratanti cittassa upasamahetubhūte sabbasaṅkhārasamathe, nibbāne, abhirataṃ. Yaṃ manussā namassanti, sabbadhammāna pāragunti yaṃ sammāsambuddhaṃ sabbesaṃ khandhāyatanādidhammānaṃ abhiññāpāragū, pariññāpāragū, pahānapāragū, bhāvanāpāragū, sacchikiriyapāragū, samāpattipāragūti chadhā pāraguṃ paramukkaṃsagatasampattiṃ khattiyapaṇḍitādayo manussā namassanti. Dhammānudhammapaṭipattiyā pūjentā kāyena vācāya manasā ca tanninnā tappoṇā tappabbhārā honti. Devāpi taṃ namassantīti na kevalaṃ manussā eva, atha kho aparimāṇāsu lokadhātūsu devāpi taṃ namassanti. Iti me arahato sutanti evaṃ mayā ārakattādīhi kāraṇehi arahato, bhagavato, dhammasenāpatiādīnañca ‘‘satthā devamanussāna’’ntiādikaṃ vadantānaṃ santike evaṃ sutanti dasseti.
саб̣б̣асам̣яож̇анаад̇ийд̇анд̇и саб̣б̣аани д̣̇асаби сам̣яож̇анаани яат̇аарахам̣ жад̇уухи маг̇г̇зхи саха ваасанааяа ад̇игганд̇ам̣. ванаа ниб̣б̣анамааг̇ад̇анд̇и гилзсаванад̇о д̇аб̣б̣ирахид̇ам̣ ниб̣б̣анам̣ убаг̇ад̇ам̣. гаамзхи нзгкаммарад̇анд̇и саб̣б̣асо гаамзхи нигкамид̇ваа баб̣б̣аж̇ж̇аажхаанавибассанаад̣̇ибхзд̣̇з нзгкаммз абхирад̇ам̣. муд̇д̇ам̣ сзлаава ган̃жананд̇и асаарад̇о ниссадасаарасабхаавад̇д̇аа сзлад̇о ниссадаган̃жанасад̣̇исам̣ д̣̇звааби д̇ам̣ намассанд̇ийд̇и яож̇анаа.
Sabbasaṃyojanātītanti sabbāni dasapi saṃyojanāni yathārahaṃ catūhi maggehi saha vāsanāya atikkantaṃ. Vanā nibbanamāgatanti kilesavanato tabbirahitaṃ nibbanaṃ upagataṃ. Kāmehi nekkhammaratanti sabbaso kāmehi nikkhamitvā pabbajjājhānavipassanādibhede nekkhamme abhirataṃ. Muttaṃ selāva kañcananti asārato nissaṭasārasabhāvattā selato nissaṭakañcanasadisaṃ devāpi taṃ namassantīti yojanā.
са вз ажжаружи нааг̇од̇и со згам̣сад̇о ааг̇ум̣ на гарод̇и, бунаб̣бхавам̣ на г̇ажчад̇и; нааг̇о вияа б̣алаваад̇и. ‘‘нааг̇о’’д̇и лад̣̇д̇ханаамо саммаасамб̣уд̣̇д̇хо, ажжаружийд̇и ад̇д̇ано гааяаружияаа н̃аан̣аружияаа жа сад̣̇звагам̣ логам̣ ад̇иггамид̇ваа ружи, собхи. яат̇аа гим̣? химавааван̃н̃з силужжаяз, яат̇аа хи химаваа баб̣б̣ад̇арааж̇аа ад̇д̇ано т̇ираг̇арумахаасаарабхааваад̣̇ийхи г̇ун̣зхи ан̃н̃з баб̣б̣ад̇з ад̇ирожад̇и, звам̣ ад̇ирожад̇ийд̇и ад̇т̇о. саб̣б̣зсам̣ нааг̇анаамаананд̇и ахинааг̇ахад̇т̇инааг̇абурисанааг̇аанам̣ , сзкаасзкабажжзгаб̣уд̣̇д̇ханааг̇аанам̣ ваа. сажжанаамод̇и сажжзнзва нааг̇анаамо. д̇ам̣ бана сажжанаамад̇ам̣ ‘‘на хи ааг̇ум̣ гарод̇ий’’д̇иаад̣̇инаа саяамзва вагкад̇и.
Save accaruci nāgoti so ekaṃsato āguṃ na karoti, punabbhavaṃ na gacchati; nāgo viya balavāti. ‘‘Nāgo’’ti laddhanāmo sammāsambuddho, accarucīti attano kāyaruciyā ñāṇaruciyā ca sadevakaṃ lokaṃ atikkamitvā ruci, sobhi. Yathā kiṃ? Himavāvaññe siluccaye, yathā hi himavā pabbatarājā attano thiragarumahāsārabhāvādīhi guṇehi aññe pabbate atirocati, evaṃ atirocatīti attho. Sabbesaṃ nāganāmānanti ahināgahatthināgapurisanāgānaṃ , sekhāsekhapaccekabuddhanāgānaṃ vā. Saccanāmoti sacceneva nāganāmo. Taṃ pana saccanāmataṃ ‘‘na hi āguṃ karotī’’tiādinā sayameva vakkhati.
ид̣̇аани б̣уд̣̇д̇ханааг̇ам̣ аваяавад̇о жа д̣̇ассзнд̇о наамад̇о д̇аава д̣̇ассзд̇ум̣ ‘‘на хи ааг̇ум̣ гарод̇и со’’д̇и ааха. яасмаа ааг̇ум̣, баабам̣, саб̣б̣зна саб̣б̣ам̣ на гарод̇и, д̇асмаа нааг̇од̇и ад̇т̇о. соражжанд̇и сийлам̣. авихим̣саад̇и гарун̣аа. д̇ад̣̇убхаяам̣ саб̣б̣ассаби г̇ун̣араасисса буб̣б̣ан̇г̇аманд̇и, гад̇ваа б̣уд̣̇д̇ханааг̇асса буримабаад̣̇абхааво д̇асса яуд̇д̇од̇и ааха ‘‘баад̣̇аа нааг̇асса д̇з д̣̇увз’’д̇и.
Idāni buddhanāgaṃ avayavato ca dassento nāmato tāva dassetuṃ ‘‘na hi āguṃ karoti so’’ti āha. Yasmā āguṃ, pāpaṃ, sabbena sabbaṃ na karoti, tasmā nāgoti attho. Soraccanti sīlaṃ. Avihiṃsāti karuṇā. Tadubhayaṃ sabbassapi guṇarāsissa pubbaṅgamanti, katvā buddhanāgassa purimapādabhāvo tassa yuttoti āha ‘‘pādā nāgassa te duve’’ti.
абарабаад̣̇абхаавзна вад̣̇анд̇о ‘‘сад̇и жа самбаж̇ан̃н̃ан̃жа, жаран̣аа нааг̇асса д̇збарз’’д̇и ааха. ‘‘д̇яаабарз’’д̇и ваа баато. д̇з абарзд̇взва бад̣̇авибхааг̇о. анаваж̇ж̇ад̇хаммаанам̣ аад̣̇аанз сад̣̇д̇хаа хад̇т̇о зд̇ассаад̇и, сад̣̇д̇хаахад̇т̇о. субарисуд̣̇д̇хавзд̣̇анаа н̃аан̣аббабхзд̣̇аа убзгкаа сзд̇ад̣̇анд̇аа д̇з зд̇асса ад̇т̇ийд̇и, убзгкаасзд̇ад̣̇анд̇аваа.
Aparapādabhāvena vadanto ‘‘sati ca sampajaññañca, caraṇā nāgassa tepare’’ti āha. ‘‘Tyāpare’’ti vā pāṭho. Te aparetveva padavibhāgo. Anavajjadhammānaṃ ādāne saddhā hattho etassāti, saddhāhattho. Suparisuddhavedanā ñāṇappabhedā upekkhā setadantā te etassa atthīti, upekkhāsetadantavā.
уд̇д̇аман̇г̇ам̣ бан̃н̃аа, д̇ассаа ад̇хидтаанам̣ сад̇ийд̇и ааха ‘‘сад̇и г̇ийваа сиро бан̃н̃аа’’д̇и. виймам̣саа д̇хаммажинд̇анаад̇и яат̇аа каад̣̇ид̇аб̣б̣аакаад̣̇ид̇аб̣б̣асса сон̣д̣ааяа бараамасанам̣ гхааяанан̃жа хад̇т̇инааг̇асса виймам̣саа наама ход̇и, звам̣ б̣уд̣̇д̇ханааг̇асса гусалаад̣̇ид̇хаммажинд̇анаа виймам̣саа. самаа васанд̇и зд̇т̇аад̇и, самааваасо, бхааж̇анам̣ гужчи зва самааваасо, абхин̃н̃аасамат̇аанам̣ аад̇хаанабхаавад̇о самат̇авибассанаасан̇каад̇о д̇хаммо гужчисамааваасо зд̇ассаад̇и д̇хаммагужчисамааваасо. вивзгод̇и убад̇хививзго. д̇ассаад̇и б̣уд̣̇д̇ханааг̇асса. ваалад̇хи, барияосаанан̇г̇абхаавад̇о.
Uttamaṅgaṃ paññā, tassā adhiṭṭhānaṃ satīti āha ‘‘sati gīvā siro paññā’’ti. Vīmaṃsā dhammacintanāti yathā khāditabbākhāditabbassa soṇḍāya parāmasanaṃ ghāyanañca hatthināgassa vīmaṃsā nāma hoti, evaṃ buddhanāgassa kusalādidhammacintanā vīmaṃsā. Samā vasanti etthāti, samāvāso, bhājanaṃ kucchi eva samāvāso, abhiññāsamathānaṃ ādhānabhāvato samathavipassanāsaṅkhāto dhammo kucchisamāvāso etassāti dhammakucchisamāvāso. Vivekoti upadhiviveko. Tassāti buddhanāgassa. Vāladhi, pariyosānaṅgabhāvato.
жхааяийд̇и аарамман̣уубаниж̇жхаанзна жа жхааяанасийло. ассаасарад̇од̇и барамассаасабхууд̇з ниб̣б̣аанз рад̇о. аж̇жхад̇д̇ам̣ сусамаахид̇од̇и висаяаж̇жхад̇д̇з паласамаабад̇д̇ияам̣ судту самаахид̇о д̇ад̣̇ид̣̇ам̣ самаад̇хаанам̣ судту саб̣б̣агаалиганд̇и д̣̇ассзд̇ум̣ ‘‘г̇ажчам̣ самаахид̇о нааг̇о’’д̇иаад̣̇и вуд̇д̇ам̣. бхаг̇аваа хи саваасанасса уд̣̇д̇хажжасса бахийнад̇д̇аа вигкзбаабхаавад̇о нижжам̣ самаахид̇ова. д̇асмаа яам̣ яам̣ ирияаабат̇ам̣ габбзд̇и, д̇ам̣ д̇ам̣ самаахид̇ова габбзсийд̇и.
Jhāyīti ārammaṇūpanijjhānena ca jhāyanasīlo. Assāsaratoti paramassāsabhūte nibbāne rato. Ajjhattaṃ susamāhitoti visayajjhatte phalasamāpattiyaṃ suṭṭhu samāhito tadidaṃ samādhānaṃ suṭṭhu sabbakālikanti dassetuṃ ‘‘gacchaṃ samāhito nāgo’’tiādi vuttaṃ. Bhagavā hi savāsanassa uddhaccassa pahīnattā vikkhepābhāvato niccaṃ samāhitova. Tasmā yaṃ yaṃ iriyāpathaṃ kappeti, taṃ taṃ samāhitova kappesīti.
саб̣б̣ад̇т̇аад̇и, саб̣б̣асмим̣ г̇ожарз, саб̣б̣асмин̃жа д̣̇ваарз саб̣б̣асо бихид̇авуд̇д̇и. д̇знааха – ‘‘саб̣б̣ам̣ гааяагаммам̣ н̃аан̣абуб̣б̣ан̇г̇амам̣ н̃аан̣аанубаривад̇д̇а’’нд̇иаад̣̇и (нзд̇д̇и. 15). зсаа нааг̇асса самбад̣̇аад̇и зсаа ‘‘на хи ааг̇ум̣ гарод̇и со’’д̇иаад̣̇инаа ‘‘самб̣уд̣̇д̇ха’’нд̇иаад̣̇инаа зва ваа яат̇аавуд̇д̇аа вагкамаанаа жа б̣уд̣̇д̇хаг̇анд̇хахад̇т̇ино самбад̇д̇и г̇ун̣абарибун̣н̣аа.
Sabbatthāti, sabbasmiṃ gocare, sabbasmiñca dvāre sabbaso pihitavutti. Tenāha – ‘‘sabbaṃ kāyakammaṃ ñāṇapubbaṅgamaṃ ñāṇānuparivatta’’ntiādi (netti. 15). Esā nāgassa sampadāti esā ‘‘na hi āguṃ karoti so’’tiādinā ‘‘sambuddha’’ntiādinā eva vā yathāvuttā vakkhamānā ca buddhagandhahatthino sampatti guṇaparipuṇṇā.
бхун̃ж̇ад̇и анаваж̇ж̇аанийд̇и саммааж̇ийвасса уггам̣сабаарамиббад̇д̇ияаа бхун̃ж̇ад̇и аг̇арахид̇аб̣б̣аани, мижчааж̇ийвасса саб̣б̣асо саваасанаанан̃жа бахийнад̇д̇аа сааваж̇ж̇аани г̇арахид̇аб̣б̣аани на бхун̃ж̇ад̇и анаваж̇ж̇аани бхун̃ж̇анд̇о жа саннид̇хим̣ бариваж̇ж̇аяам̣ бхун̃ж̇ад̇ийд̇и яож̇анаа.
Bhuñjatianavajjānīti sammājīvassa ukkaṃsapāramippattiyā bhuñjati agarahitabbāni, micchājīvassa sabbaso savāsanānañca pahīnattā sāvajjāni garahitabbāni na bhuñjati anavajjāni bhuñjanto ca sannidhiṃ parivajjayaṃ bhuñjatīti yojanā.
сам̣яож̇ананд̇и ваддад̣̇угкзна сад̣̇д̇хим̣ санд̇аанам̣ сам̣яож̇анад̇о ваддз осийд̣̇аабанасамад̇т̇ам̣ д̣̇асавид̇хамби сам̣яож̇анам̣. ан̣ум̣ т̇ууланд̇и куд̣̇д̣̇аган̃жзва маханд̇ан̃жа. саб̣б̣ам̣ чзд̇ваана б̣анд̇хананд̇и маг̇г̇ан̃аан̣зна анавасзсам̣ гилзсаб̣анд̇ханам̣ чинд̣̇ид̇ваа. язна язнаад̇и язна язна д̣̇исаабхааг̇зна.
Saṃyojananti vaṭṭadukkhena saddhiṃ santānaṃ saṃyojanato vaṭṭe osīdāpanasamatthaṃ dasavidhampi saṃyojanaṃ. Aṇuṃ thūlanti khuddakañceva mahantañca. Sabbaṃ chetvāna bandhananti maggañāṇena anavasesaṃ kilesabandhanaṃ chinditvā. Yena yenāti yena yena disābhāgena.
яат̇аа хи уд̣̇агз ж̇аад̇ам̣ бун̣д̣арийгам̣ уд̣̇агз бавад̣дхад̇и нобалиббад̇и д̇оязна, анубалзбасабхаавад̇д̇аа, д̇ат̇зва логз ж̇аад̇о б̣уд̣̇д̇хо логз вихарад̇и, нобалиббад̇и логзна д̇ан̣хаад̣̇идтимааналзбаабхаавад̇од̇и яож̇анаа.
Yathā hi udake jātaṃ puṇḍarīkaṃ udake pavaḍḍhati nopalippati toyena, anupalepasabhāvattā, tatheva loke jāto buddho loke viharati, nopalippati lokena taṇhādiṭṭhimānalepābhāvatoti yojanā.
г̇инийд̇и аг̇г̇и. анаахаарод̇и анинд̇хано.
Ginīti aggi. Anāhāroti anindhano.
ад̇т̇ассааяам̣ вин̃н̃аабанийд̇и сад̇т̇у г̇ун̣асан̇каад̇асса убамзяяад̇т̇асса вин̃н̃аабаний, багаасаний аяам̣ нааг̇уубамаа. вин̃н̃уухийд̇и сад̇т̇у бадивид̣̇д̇хажад̇усажжад̇хаммам̣ бариж̇аананд̇зхи ад̇д̇аанам̣ санд̇хааяа вад̣̇ад̇и. вин̃н̃иссанд̇ийд̇иаад̣̇и гааран̣аважанам̣, яасмаа нааг̇зна маяаа д̣̇зсид̇ам̣ нааг̇ам̣ д̇ат̇ааг̇ад̇аг̇анд̇хахад̇т̇им̣ махаанааг̇аа кийн̣аасаваа ад̇д̇ано висаяз тад̇ваа виж̇ааниссанд̇и, д̇асмаа ан̃н̃зсам̣ бут̇уж̇ж̇анаанам̣ н̃аабанад̇т̇ам̣ аяам̣ убамаа амхзхи бхаасид̇аад̇и ад̇хиббааяо.
Atthassāyaṃ viññāpanīti satthu guṇasaṅkhātassa upameyyatthassa viññāpanī, pakāsanī ayaṃ nāgūpamā. Viññūhīti satthu paṭividdhacatusaccadhammaṃ parijānantehi attānaṃ sandhāya vadati. Viññissantītiādi kāraṇavacanaṃ, yasmā nāgena mayā desitaṃ nāgaṃ tathāgatagandhahatthiṃ mahānāgā khīṇāsavā attano visaye ṭhatvā vijānissanti, tasmā aññesaṃ puthujjanānaṃ ñāpanatthaṃ ayaṃ upamā amhehi bhāsitāti adhippāyo.
сарийрам̣ виж̇ахам̣ нааг̇о, бариниб̣б̣иссад̇яанаасавод̇и б̣од̇химуулз саубаад̣̇исзсабариниб̣б̣аанзна анаасаво саммаасамб̣уд̣̇д̇ханааг̇о, ид̣̇аани сарийрам̣ ад̇д̇абхаавам̣ виж̇аханд̇о канд̇хабариниб̣б̣аанзна бариниб̣б̣ааяиссад̇ийд̇и.
Sarīraṃvijahaṃ nāgo, parinibbissatyanāsavoti bodhimūle saupādisesaparinibbānena anāsavo sammāsambuddhanāgo, idāni sarīraṃ attabhāvaṃ vijahanto khandhaparinibbānena parinibbāyissatīti.
звам̣ жуд̣̇д̣̇асахи убамаахи ман̣д̣зд̇ваа, сол̣асахи г̇аат̇аахи, жад̇усадтияаа баад̣̇зхи сад̇т̇у г̇ун̣з ван̣н̣знд̇о анубаад̣̇исзсааяа ниб̣б̣аанад̇хаад̇уяаа д̣̇зсанам̣ нидтаабзси.
Evaṃ cuddasahi upamāhi maṇḍetvā, soḷasahi gāthāhi, catusaṭṭhiyā pādehi satthu guṇe vaṇṇento anupādisesāya nibbānadhātuyā desanaṃ niṭṭhāpesi.
уд̣̇ааяид̇т̇зраг̇аат̇ааван̣н̣анаа нидтид̇аа.
Udāyittheragāthāvaṇṇanā niṭṭhitā.
сол̣асаганибаад̇аван̣н̣анаа нидтид̇аа.
Soḷasakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. уд̣̇ааяид̇т̇зраг̇аат̇аа • 2. Udāyittheragāthā
