| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. උද්‌දාලකදායකත්‌ථෙරඅපදානං
10. Uddālakadāyakattheraapadānaṃ
34.
34.
‘‘කකුධො නාම නාමෙන, සයම්‌භූ අපරාජිතො;
‘‘Kakudho nāma nāmena, sayambhū aparājito;
පවනා නික්‌ඛමිත්‌වාන, අනුප්‌පත්‌තො මහානදිං.
Pavanā nikkhamitvāna, anuppatto mahānadiṃ.
35.
35.
‘‘උද්‌දාලකං ගහෙත්‌වාන, සයම්‌භුස්‌ස අදාසහං;
‘‘Uddālakaṃ gahetvāna, sayambhussa adāsahaṃ;
සංයතස්‌සුජුභූතස්‌ස, පසන්‌නමානසො අහං.
Saṃyatassujubhūtassa, pasannamānaso ahaṃ.
36.
36.
‘‘එකත්‌තිංසෙ ඉතො කප්‌පෙ, යං පුප්‌ඵමභිපූජයිං;
‘‘Ekattiṃse ito kappe, yaṃ pupphamabhipūjayiṃ;
දුග්‌ගතිං නාභිජානාමි, පුප්‌ඵදානස්‌සිදං ඵලං.
Duggatiṃ nābhijānāmi, pupphadānassidaṃ phalaṃ.
37.
37.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා උද්‌දාලකදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā uddālakadāyako thero imā gāthāyo abhāsitthāti.
උද්‌දාලකදායකත්‌ථෙරස්‌සාපදානං දසමං.
Uddālakadāyakattherassāpadānaṃ dasamaṃ.
තුවරදායකවග්‌ගො පඤ්‌චවීසතිමො.
Tuvaradāyakavaggo pañcavīsatimo.
තස්‌සුද්‌දානං –
Tassuddānaṃ –
තුවරනාගනළිනා, විරවී කුටිධූපකො;
Tuvaranāganaḷinā, viravī kuṭidhūpako;
පත්‌තො ධාතුසත්‌තලියො, බිම්‌බි උද්‌දාලකෙන ච;
Patto dhātusattaliyo, bimbi uddālakena ca;
සත්‌තතිංසති ගාථායො, ගණිතායො විභාවිභි.
Sattatiṃsati gāthāyo, gaṇitāyo vibhāvibhi.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. තුවරදායකත්‌ථෙරඅපදානාදිවණ්‌ණනා • 1-10. Tuvaradāyakattheraapadānādivaṇṇanā
