| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[487] 4. уд̣̇д̣̇аалагаж̇аад̇агаван̣н̣анаа
[487] 4. Uddālakajātakavaṇṇanā
карааж̇инаа ж̇адилаа бан̇гад̣̇анд̇аад̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. со хи нияяаанигасаасанз баб̣б̣аж̇ид̇вааби жад̇убажжаяад̇т̇ааяа д̇ивид̇хам̣ гухагавад̇т̇ум̣ буурзси. ат̇асса аг̇ун̣ам̣ багаасзнд̇аа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго наама бхигку зваруубз нияяаанигасаасанз баб̣б̣аж̇ид̇ваа гуханам̣ ниссааяа ж̇ийвигам̣ габбзд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса гухагоязваа’’д̇и вад̇ваа ад̇ийд̇ам̣ аахари.
Kharājinā jaṭilā paṅkadantāti idaṃ satthā jetavane viharanto ekaṃ kuhakabhikkhuṃ ārabbha kathesi. So hi niyyānikasāsane pabbajitvāpi catupaccayatthāya tividhaṃ kuhakavatthuṃ pūresi. Athassa aguṇaṃ pakāsentā bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko nāma bhikkhu evarūpe niyyānikasāsane pabbajitvā kuhanaṃ nissāya jīvikaṃ kappetī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa kuhakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇о ахоси бан̣д̣ид̇о б̣яад̇д̇о. со згад̣̇ивасам̣ уяяаанагийл̣ам̣ г̇ад̇о згам̣ абхируубам̣ г̇ан̣игам̣ д̣̇исваа бадиб̣ад̣̇д̇хажид̇д̇о д̇ааяа сад̣̇д̇хим̣ сам̣ваасам̣ габбзси. саа д̇ам̣ бадижжа г̇аб̣бхам̣ бадилабхи. г̇аб̣бхасса бад̇идтид̇абхаавам̣ н̃ад̇ваа д̇ам̣ ааха – ‘‘саами, г̇аб̣бхо мз бад̇идтид̇о, ж̇аад̇агаалз наамам̣ гаронд̇ий асса гим̣ наамам̣ гаромий’’д̇и? со ‘‘ван̣н̣ад̣̇аасияаа гужчимхи ниб̣б̣ад̇д̇ад̇д̇аа на саггаа гуланаамам̣ гаад̇у’’нд̇и жинд̇зд̇ваа ‘‘бхад̣̇д̣̇з, аяам̣ ваад̇агхаад̇аругко уд̣̇д̣̇аало наама, ид̇ха бадилад̣̇д̇хад̇д̇аа ‘уд̣̇д̣̇аалаго’д̇исса наамам̣ гарзяяаасий’’д̇и вад̇ваа ан̇г̇улимуд̣̇д̣̇игам̣ ад̣̇ааси. ‘‘сажз д̇хийд̇аа ход̇и, имааяа нам̣ босзяяааси, сажз буд̇д̇о, ат̇а нам̣ ваяаббад̇д̇ам̣ маяхам̣ д̣̇ассзяяаасий’’д̇и ааха. саа абарабхааг̇з буд̇д̇ам̣ виж̇ааяид̇ваа ‘‘уд̣̇д̣̇аалаго’’д̇исса наамам̣ агааси.
Atīte bārāṇasiyaṃ brahmadatte rajjaṃ kārente bodhisatto tassa purohito ahosi paṇḍito byatto. So ekadivasaṃ uyyānakīḷaṃ gato ekaṃ abhirūpaṃ gaṇikaṃ disvā paṭibaddhacitto tāya saddhiṃ saṃvāsaṃ kappesi. Sā taṃ paṭicca gabbhaṃ paṭilabhi. Gabbhassa patiṭṭhitabhāvaṃ ñatvā taṃ āha – ‘‘sāmi, gabbho me patiṭṭhito, jātakāle nāmaṃ karontī assa kiṃ nāmaṃ karomī’’ti? So ‘‘vaṇṇadāsiyā kucchimhi nibbattattā na sakkā kulanāmaṃ kātu’’nti cintetvā ‘‘bhadde, ayaṃ vātaghātarukkho uddālo nāma, idha paṭiladdhattā ‘uddālako’tissa nāmaṃ kareyyāsī’’ti vatvā aṅgulimuddikaṃ adāsi. ‘‘Sace dhītā hoti, imāya naṃ poseyyāsi, sace putto, atha naṃ vayappattaṃ mayhaṃ dasseyyāsī’’ti āha. Sā aparabhāge puttaṃ vijāyitvā ‘‘uddālako’’tissa nāmaṃ akāsi.
со ваяаббад̇д̇о маад̇арам̣ бужчи – ‘‘амма, го мз бид̇аа’’д̇и? ‘‘бурохид̇о д̇аад̇аа’’д̇и. ‘‘яад̣̇и звам̣ взд̣̇з уг̇г̇ан̣хиссаамий’’д̇и маад̇у хад̇т̇ад̇о муд̣̇д̣̇иган̃жа аажарияабхааг̇ан̃жа г̇ахзд̇ваа д̇аггасилам̣ г̇анд̇ваа д̣̇исаабаамогкаажарияасса санд̇игз сиббам̣ уг̇г̇ан̣ханд̇о згам̣ д̇аабасаг̇ан̣ам̣ д̣̇исваа ‘‘имзсам̣ санд̇игз варасиббам̣ бхависсад̇и, д̇ам̣ уг̇г̇ан̣хиссаамий’’д̇и сиббалобхзна баб̣б̣аж̇ид̇ваа д̇зсам̣ вад̇д̇абадивад̇д̇ам̣ гад̇ваа ‘‘аажарияаа мам̣ д̇умхаагам̣ ж̇аананасиббам̣ сигкаабзт̇аа’’д̇и ааха. д̇з ад̇д̇ано ад̇д̇ано ж̇аанананияаамзнзва д̇ам̣ сигкаабзсум̣. бан̃жаннам̣ д̇аабасасад̇аанам̣ згоби д̇зна ад̇ирзгабан̃н̃о наахоси, свзва д̇зсам̣ бан̃н̃ааяа аг̇г̇о. ат̇асса д̇з саннибад̇ид̇ваа аажарияадтаанам̣ ад̣̇ам̣су. ат̇а нз со ааха – ‘‘маарисаа, д̇умхз нижжам̣ ванамуулапалаахаараа аран̃н̃зва васат̇а, мануссабат̇ам̣ гасмаа на г̇ажчат̇аа’’д̇и? ‘‘маариса, мануссаа наама махаад̣̇аанам̣ д̣̇ад̇ваа анумод̣̇анам̣ гаараабзнд̇и, д̇хаммим̣ гат̇ам̣ бхан̣аабзнд̇и, бан̃хам̣ бужчанд̇и, маяам̣ д̇зна бхаязна д̇ад̇т̇а на г̇ажчаамаа’’д̇и. ‘‘маарисаа, сажзби жаггавад̇д̇ирааж̇аа бхависсад̇и, манам̣ г̇ахзд̇ваа гат̇анам̣ наама маяхам̣ бхааро, д̇умхз маа бхааяат̇аа’’д̇и вад̇ваа д̇зхи сад̣̇д̇хим̣ жааригам̣ жарамаано анубуб̣б̣зна б̣аараан̣асим̣ бад̇ваа рааж̇уяяаанз васид̇ваа бунад̣̇ивасз саб̣б̣зхи сад̣̇д̇хим̣ д̣̇ваараг̇аамз бхигкааяа жари, мануссаа махаад̣̇аанам̣ ад̣̇ам̣су. д̇аабасаа бунад̣̇ивасз наг̇арам̣ бависим̣су мануссаа махаад̣̇аанам̣ ад̣̇ам̣су. уд̣̇д̣̇аалагад̇аабасо д̣̇аанаанумод̣̇анам̣ гарод̇и, ман̇г̇алам̣ вад̣̇ад̇и, бан̃хам̣ виссаж̇ж̇зд̇и, мануссаа басийд̣̇ид̇ваа б̣ахубажжаяз ад̣̇ам̣су. сагаланаг̇арам̣ ‘‘бан̣д̣ид̇о г̇ан̣асад̇т̇аа д̇хаммигад̇аабасо ааг̇ад̇о’’д̇и сан̇кубхи, д̇ам̣ ран̃н̃оби гат̇аяим̣су.
So vayappatto mātaraṃ pucchi – ‘‘amma, ko me pitā’’ti? ‘‘Purohito tātā’’ti. ‘‘Yadi evaṃ vede uggaṇhissāmī’’ti mātu hatthato muddikañca ācariyabhāgañca gahetvā takkasilaṃ gantvā disāpāmokkhācariyassa santike sippaṃ uggaṇhanto ekaṃ tāpasagaṇaṃ disvā ‘‘imesaṃ santike varasippaṃ bhavissati, taṃ uggaṇhissāmī’’ti sippalobhena pabbajitvā tesaṃ vattapaṭivattaṃ katvā ‘‘ācariyā maṃ tumhākaṃ jānanasippaṃ sikkhāpethā’’ti āha. Te attano attano jānananiyāmeneva taṃ sikkhāpesuṃ. Pañcannaṃ tāpasasatānaṃ ekopi tena atirekapañño nāhosi, sveva tesaṃ paññāya aggo. Athassa te sannipatitvā ācariyaṭṭhānaṃ adaṃsu. Atha ne so āha – ‘‘mārisā, tumhe niccaṃ vanamūlaphalāhārā araññeva vasatha, manussapathaṃ kasmā na gacchathā’’ti? ‘‘Mārisa, manussā nāma mahādānaṃ datvā anumodanaṃ kārāpenti, dhammiṃ kathaṃ bhaṇāpenti, pañhaṃ pucchanti, mayaṃ tena bhayena tattha na gacchāmā’’ti. ‘‘Mārisā, sacepi cakkavattirājā bhavissati, manaṃ gahetvā kathanaṃ nāma mayhaṃ bhāro, tumhe mā bhāyathā’’ti vatvā tehi saddhiṃ cārikaṃ caramāno anupubbena bārāṇasiṃ patvā rājuyyāne vasitvā punadivase sabbehi saddhiṃ dvāragāme bhikkhāya cari, manussā mahādānaṃ adaṃsu. Tāpasā punadivase nagaraṃ pavisiṃsu manussā mahādānaṃ adaṃsu. Uddālakatāpaso dānānumodanaṃ karoti, maṅgalaṃ vadati, pañhaṃ vissajjeti, manussā pasīditvā bahupaccaye adaṃsu. Sakalanagaraṃ ‘‘paṇḍito gaṇasatthā dhammikatāpaso āgato’’ti saṅkhubhi, taṃ raññopi kathayiṃsu.
рааж̇аа ‘‘гухим̣ васад̇ий’’д̇и бужчид̇ваа ‘‘уяяаанз’’д̇и суд̇ваа ‘‘саад̇ху аж̇ж̇а д̇зсам̣ д̣̇ассанааяа г̇амиссаамий’’д̇и ааха. зго бурисо г̇анд̇ваа ‘‘рааж̇аа гира во бассид̇ум̣ ааг̇ажчиссад̇ий’’д̇и уд̣̇д̣̇аалагасса гат̇зси. соби исиг̇ан̣ам̣ ааманд̇зд̇ваа ‘‘маарисаа, рааж̇аа гира ааг̇амиссад̇и, иссарз наама згад̣̇ивасам̣ аараад̇хзд̇ваа яааваж̇ийвам̣ алам̣ ход̇ий’’д̇и. ‘‘гим̣ бана гаад̇аб̣б̣ам̣ аажарияаа’’д̇и? со звамааха – ‘‘д̇умхзсу згажжз ваг̇г̇уливад̇ам̣ жаранд̇у, згажжз уггудигаббад̇хаанамануяун̃ж̇анд̇у, згажжз ган̣дагаабассаяигаа бхаванд̇у, згажжз бан̃жаад̇абам̣ д̇абанд̇у, згажжз уд̣̇агороханагаммам̣ гаронд̇у, згажжз д̇ад̇т̇а д̇ад̇т̇а манд̇з саж̇жхааяанд̇уу’’д̇и. д̇з д̇ат̇аа гарим̣су. саяам̣ бана адта ваа д̣̇аса ваа бан̣д̣ид̇аваад̣̇ино г̇ахзд̇ваа манорамз аад̇хаарагз раман̣ийяам̣ бод̇т̇агам̣ табзд̇ваа анд̇зваасигабаривуд̇о субан̃н̃ад̇д̇з саабассаяз аасанз нисийд̣̇и. д̇асмим̣ кан̣з рааж̇аа бурохид̇ам̣ аад̣̇ааяа маханд̇зна бариваарзна уяяаанам̣ г̇анд̇ваа д̇з мижчаад̇абам̣ жаранд̇з д̣̇исваа ‘‘абааяабхаяамхаа муд̇д̇аа’’д̇и басийд̣̇ид̇ваа уд̣̇д̣̇аалагасса санд̇игам̣ г̇анд̇ваа бадисант̇аарам̣ гад̇ваа згаманд̇ам̣ нисинно д̇удтамаанасо бурохид̇зна сад̣̇д̇хим̣ саллабанд̇о батамам̣ г̇аат̇амааха –
Rājā ‘‘kuhiṃ vasatī’’ti pucchitvā ‘‘uyyāne’’ti sutvā ‘‘sādhu ajja tesaṃ dassanāya gamissāmī’’ti āha. Eko puriso gantvā ‘‘rājā kira vo passituṃ āgacchissatī’’ti uddālakassa kathesi. Sopi isigaṇaṃ āmantetvā ‘‘mārisā, rājā kira āgamissati, issare nāma ekadivasaṃ ārādhetvā yāvajīvaṃ alaṃ hotī’’ti. ‘‘Kiṃ pana kātabbaṃ ācariyā’’ti? So evamāha – ‘‘tumhesu ekacce vaggulivataṃ carantu, ekacce ukkuṭikappadhānamanuyuñjantu, ekacce kaṇṭakāpassayikā bhavantu, ekacce pañcātapaṃ tapantu, ekacce udakorohanakammaṃ karontu, ekacce tattha tattha mante sajjhāyantū’’ti. Te tathā kariṃsu. Sayaṃ pana aṭṭha vā dasa vā paṇḍitavādino gahetvā manorame ādhārake ramaṇīyaṃ potthakaṃ ṭhapetvā antevāsikaparivuto supaññatte sāpassaye āsane nisīdi. Tasmiṃ khaṇe rājā purohitaṃ ādāya mahantena parivārena uyyānaṃ gantvā te micchātapaṃ carante disvā ‘‘apāyabhayamhā muttā’’ti pasīditvā uddālakassa santikaṃ gantvā paṭisanthāraṃ katvā ekamantaṃ nisinno tuṭṭhamānaso purohitena saddhiṃ sallapanto paṭhamaṃ gāthamāha –
62.
62.
‘‘карааж̇инаа ж̇адилаа бан̇гад̣̇анд̇аа, д̣̇уммагкаруубаа яз манд̇ам̣ ж̇аббанд̇и;
‘‘Kharājinā jaṭilā paṅkadantā, dummakkharūpā ye mantaṃ jappanti;
гажжинну д̇з маанусагз баяог̇з, ид̣̇ам̣ вид̣̇уу баримуд̇д̇аа абааяаа’’д̇и.
Kaccinnu te mānusake payoge, idaṃ vidū parimuttā apāyā’’ti.
д̇ад̇т̇а карааж̇инаад̇и сакурзхи аж̇инажаммзхи саманнааг̇ад̇аа. бан̇гад̣̇анд̇аад̇и д̣̇анд̇агадтасса акаад̣̇анзна малаг̇г̇ахид̇ад̣̇анд̇аа. д̣̇уммагкаруубаад̇и анан̃ж̇ид̇агкаа аман̣д̣ид̇аруубаа луукасан̇гхаадид̇хараа. маанусагз баяог̇зд̇и мануссзхи гад̇д̇аб̣б̣авийрияз. ид̣̇ам̣ вид̣̇ууд̇и ид̣̇ам̣ д̇абажаран̣ан̃жа манд̇асаж̇жхааяанан̃жа ж̇аананд̇аа. абааяаад̇и гажжи аажарияа, имз жад̇уухи абааязхи муд̇д̇аад̇и бужчад̇и.
Tattha kharājināti sakhurehi ajinacammehi samannāgatā. Paṅkadantāti dantakaṭṭhassa akhādanena malaggahitadantā. Dummakkharūpāti anañjitakkhā amaṇḍitarūpā lūkhasaṅghāṭidharā. Mānusake payogeti manussehi kattabbavīriye. Idaṃ vidūti idaṃ tapacaraṇañca mantasajjhāyanañca jānantā. Apāyāti kacci ācariya, ime catūhi apāyehi muttāti pucchati.
д̇ам̣ суд̇ваа бурохид̇о ‘‘аяам̣ рааж̇аа адтаанз басанно, д̇ун̣хий бхавид̇ум̣ на ваддад̇ий’’д̇и жинд̇зд̇ваа д̣̇уд̇ияам̣ г̇аат̇амааха –
Taṃ sutvā purohito ‘‘ayaṃ rājā aṭṭhāne pasanno, tuṇhī bhavituṃ na vaṭṭatī’’ti cintetvā dutiyaṃ gāthamāha –
63.
63.
‘‘баабаани гаммаани гарзт̇а рааж̇а, б̣ахуссуд̇о жз на жарзяяа д̇хаммам̣;
‘‘Pāpāni kammāni karetha rāja, bahussuto ce na careyya dhammaṃ;
сахассавзд̣̇оби на д̇ам̣ бадижжа, д̣̇угкаа бамужжз жаран̣ам̣ абад̇ваа’’д̇и.
Sahassavedopi na taṃ paṭicca, dukkhā pamucce caraṇaṃ apatvā’’ti.
д̇ад̇т̇а б̣ахуссуд̇о жзд̇и сажз махаарааж̇а, ‘‘ахам̣ б̣ахуссуд̇омхий’’д̇и баг̇ун̣авзд̣̇оби д̣̇асагусалагаммабат̇ад̇хаммам̣ на жарзяяа, д̇ийхи д̣̇ваарзхи баабаанзва гарзяяа, д̇идтанд̇у д̇аяо взд̣̇аа, сахассавзд̣̇оби самаано д̇ам̣ б̣аахусажжам̣ бадижжа адтасамаабад̇д̇исан̇каад̇ам̣ жаран̣ам̣ аббад̇ваа абааяад̣̇угкад̇о на мужжзяяаад̇и.
Tattha bahussuto ceti sace mahārāja, ‘‘ahaṃ bahussutomhī’’ti paguṇavedopi dasakusalakammapathadhammaṃ na careyya, tīhi dvārehi pāpāneva kareyya, tiṭṭhantu tayo vedā, sahassavedopi samāno taṃ bāhusaccaṃ paṭicca aṭṭhasamāpattisaṅkhātaṃ caraṇaṃ appatvā apāyadukkhato na mucceyyāti.
д̇асса важанам̣ суд̇ваа уд̣̇д̣̇аалаго жинд̇зси ‘‘рааж̇аа яат̇аа ваа д̇ат̇аа ваа исиг̇ан̣асса басийд̣̇и, аяам̣ бана б̣раахман̣о жаранд̇ам̣ г̇он̣ам̣ д̣̇ан̣д̣зна бахаранд̇о вияа вад̣дхид̇абхад̇д̇з гажаварам̣ кибанд̇о вияа гат̇зси, д̇зна сад̣̇д̇хим̣ гат̇зссаамий’’д̇и. со д̇зна сад̣̇д̇хим̣ гат̇знд̇о д̇ад̇ияам̣ г̇аат̇амааха –
Tassa vacanaṃ sutvā uddālako cintesi ‘‘rājā yathā vā tathā vā isigaṇassa pasīdi, ayaṃ pana brāhmaṇo carantaṃ goṇaṃ daṇḍena paharanto viya vaḍḍhitabhatte kacavaraṃ khipanto viya kathesi, tena saddhiṃ kathessāmī’’ti. So tena saddhiṃ kathento tatiyaṃ gāthamāha –
64.
64.
‘‘сахассавзд̣̇оби на д̇ам̣ бадижжа, д̣̇угкаа бамужжз жаран̣ам̣ абад̇ваа;
‘‘Sahassavedopi na taṃ paṭicca, dukkhā pamucce caraṇaṃ apatvā;
ман̃н̃аами взд̣̇аа апалаа бхаванд̇и, сасам̣яамам̣ жаран̣ан̃н̃зва сажжа’’нд̇и.
Maññāmi vedā aphalā bhavanti, sasaṃyamaṃ caraṇaññeva sacca’’nti.
д̇ад̇т̇а апалаад̇и д̇ава ваад̣̇з взд̣̇аа жа сзсасиббаани жа апалаани аабаж̇ж̇анд̇и, д̇аани гасмаа уг̇г̇ан̣ханд̇и, сийласам̣яамзна сад̣̇д̇хим̣ жаран̣ан̃н̃зва згам̣ сажжам̣ аабаж̇ж̇ад̇ийд̇и.
Tattha aphalāti tava vāde vedā ca sesasippāni ca aphalāni āpajjanti, tāni kasmā uggaṇhanti, sīlasaṃyamena saddhiṃ caraṇaññeva ekaṃ saccaṃ āpajjatīti.
д̇ад̇о бурохид̇о жад̇уд̇т̇ам̣ г̇аат̇амааха –
Tato purohito catutthaṃ gāthamāha –
65.
65.
‘‘на хзва взд̣̇аа апалаа бхаванд̇и, сасам̣яамам̣ жаран̣ан̃н̃зва сажжам̣;
‘‘Na heva vedā aphalā bhavanti, sasaṃyamaṃ caraṇaññeva saccaṃ;
гид̇д̇ин̃хи баббод̇и ад̇хижжа взд̣̇з, санд̇им̣ бун̣аад̇и жаран̣зна д̣̇анд̇о’’д̇и.
Kittiñhi pappoti adhicca vede, santiṃ puṇāti caraṇena danto’’ti.
д̇ад̇т̇а на хзваад̇и наахам̣ ‘‘взд̣̇аа апалаа’’д̇и вад̣̇аами, абижа ко бана сасам̣яамам̣ жаран̣ам̣ сажжамзва сабхаавабхууд̇ам̣ уд̇д̇амам̣. д̇зна хи саггаа д̣̇угкаа мужжид̇ум̣. санд̇им̣ бун̣аад̇ийд̇и самаабад̇д̇исан̇каад̇зна жаран̣зна д̣̇анд̇о бхаяасанд̇игарам̣ ниб̣б̣аанам̣ баабун̣аад̇ийд̇и.
Tattha na hevāti nāhaṃ ‘‘vedā aphalā’’ti vadāmi, apica kho pana sasaṃyamaṃ caraṇaṃ saccameva sabhāvabhūtaṃ uttamaṃ. Tena hi sakkā dukkhā muccituṃ. Santiṃ puṇātīti samāpattisaṅkhātena caraṇena danto bhayasantikaraṃ nibbānaṃ pāpuṇātīti.
д̇ам̣ суд̇ваа уд̣̇д̣̇аалаго ‘‘на саггаа иминаа сад̣̇д̇хим̣ бадибагкавасзна таад̇ум̣, ‘буд̇д̇о д̇авааха’нд̇и вуд̇д̇з синзхам̣ агаронд̇о наама над̇т̇и, буд̇д̇абхаавамасса гат̇зссаамий’’д̇и жинд̇зд̇ваа бан̃жамам̣ г̇аат̇амааха –
Taṃ sutvā uddālako ‘‘na sakkā iminā saddhiṃ paṭipakkhavasena ṭhātuṃ, ‘putto tavāha’nti vutte sinehaṃ akaronto nāma natthi, puttabhāvamassa kathessāmī’’ti cintetvā pañcamaṃ gāthamāha –
66.
66.
‘‘бхажжаа маад̇аа бид̇аа б̣анд̇хуу, язна ж̇аад̇о саязва со;
‘‘Bhaccā mātā pitā bandhū, yena jāto sayeva so;
уд̣̇д̣̇аалаго ахам̣ бход̇о, сод̇д̇ияаагулавам̣саго’’д̇и.
Uddālako ahaṃ bhoto, sottiyākulavaṃsako’’ti.
д̇ад̇т̇а бхажжаад̇и маад̇аа жа бид̇аа жа сзсаб̣анд̇хуу жа бхарид̇аб̣б̣аа наама. язна бана ж̇аад̇о, соязва со ход̇и. ад̇д̇ааязва хи ад̇д̇ано ж̇ааяад̇и, ахан̃жа д̇аяаава уд̣̇д̣̇аалагаругкамуулз ж̇анид̇о, д̇аяаа вуд̇д̇амзва наамам̣ гад̇ам̣, уд̣̇д̣̇аалаго ахам̣ бход̇и.
Tattha bhaccāti mātā ca pitā ca sesabandhū ca bharitabbā nāma. Yena pana jāto, soyeva so hoti. Attāyeva hi attano jāyati, ahañca tayāva uddālakarukkhamūle janito, tayā vuttameva nāmaṃ kataṃ, uddālako ahaṃ bhoti.
со ‘‘згам̣сзна д̇вам̣ уд̣̇д̣̇аалагосий’’д̇и вуд̇д̇з ‘‘аамаа’’д̇и вад̇ваа ‘‘маяаа д̇з маад̇у сан̃н̃аан̣ам̣ д̣̇иннам̣, д̇ам̣ гухи’’нд̇и вуд̇д̇з ‘‘ид̣̇ам̣ б̣раахман̣аа’’д̇и муд̣̇д̣̇игам̣ д̇асса хад̇т̇з табзси. б̣раахман̣о муд̣̇д̣̇игам̣ сан̃ж̇аанид̇ваа нижчаязна ‘‘д̇вам̣ б̣раахман̣ад̇хаммам̣ баж̇аанаасий’’д̇и вад̇ваа б̣раахман̣ад̇хаммам̣ бужчанд̇о чадтам̣ г̇аат̇амааха –
So ‘‘ekaṃsena tvaṃ uddālakosī’’ti vutte ‘‘āmā’’ti vatvā ‘‘mayā te mātu saññāṇaṃ dinnaṃ, taṃ kuhi’’nti vutte ‘‘idaṃ brāhmaṇā’’ti muddikaṃ tassa hatthe ṭhapesi. Brāhmaṇo muddikaṃ sañjānitvā nicchayena ‘‘tvaṃ brāhmaṇadhammaṃ pajānāsī’’ti vatvā brāhmaṇadhammaṃ pucchanto chaṭṭhaṃ gāthamāha –
67.
67.
‘‘гат̇ам̣ бхо б̣раахман̣о ход̇и, гат̇ам̣ бхавад̇и гзвалий;
‘‘Kathaṃ bho brāhmaṇo hoti, kathaṃ bhavati kevalī;
гат̇ан̃жа бариниб̣б̣аанам̣, д̇хаммадто гинд̇и вужжад̇ий’’д̇и.
Kathañca parinibbānaṃ, dhammaṭṭho kinti vuccatī’’ti.
уд̣̇д̣̇аалагоби д̇асса аажигканд̇о сад̇д̇амам̣ г̇аат̇амааха –
Uddālakopi tassa ācikkhanto sattamaṃ gāthamāha –
68.
68.
‘‘нирам̣гад̇ваа аг̇г̇имаад̣̇ааяа б̣раахман̣о, аабо син̃жам̣ яаж̇ам̣ уссзд̇и яуубам̣;
‘‘Niraṃkatvā aggimādāya brāhmaṇo, āpo siñcaṃ yajaṃ usseti yūpaṃ;
звам̣гаро б̣раахман̣о ход̇и кзмий, д̇хаммз тид̇ам̣ д̇зна амаабаяим̣суу’’д̇и.
Evaṃkaro brāhmaṇo hoti khemī, dhamme ṭhitaṃ tena amāpayiṃsū’’ti.
д̇ад̇т̇а нирам̣гад̇ваа аг̇г̇имаад̣̇ааяаад̇и ниранд̇арам̣ гад̇ваа аг̇г̇им̣ г̇ахзд̇ваа барижарад̇и. аабо син̃жам̣ яаж̇ам̣ уссзд̇и яуубанд̇и абхисзжанагагаммам̣ гаронд̇о саммаабаасам̣ ваа вааж̇абзяяам̣ ваа нираг̇г̇ал̣ам̣ ваа яаж̇анд̇о суван̣н̣аяуубам̣ уссаабзд̇и. кзмийд̇и кзмаббад̇д̇о. амаабаяим̣сууд̇и д̇знзва жа гааран̣зна д̇хаммз тид̇ам̣ гат̇аяим̣су.
Tattha niraṃkatvā aggimādāyāti nirantaraṃ katvā aggiṃ gahetvā paricarati. Āpo siñcaṃ yajaṃ usseti yūpanti abhisecanakakammaṃ karonto sammāpāsaṃ vā vājapeyyaṃ vā niraggaḷaṃ vā yajanto suvaṇṇayūpaṃ ussāpeti. Khemīti khemappatto. Amāpayiṃsūti teneva ca kāraṇena dhamme ṭhitaṃ kathayiṃsu.
д̇ам̣ суд̇ваа бурохид̇о д̇зна гат̇ид̇ам̣ б̣раахман̣ад̇хаммам̣ г̇араханд̇о адтамам̣ г̇аат̇амааха –
Taṃ sutvā purohito tena kathitaṃ brāhmaṇadhammaṃ garahanto aṭṭhamaṃ gāthamāha –
69.
69.
‘‘на суд̣̇д̇хи сзжанзнад̇т̇и, нааби гзвалий б̣раахман̣о;
‘‘Na suddhi secanenatthi, nāpi kevalī brāhmaṇo;
на канд̇ий нааби соражжам̣, нааби со бариниб̣б̣уд̇о’’д̇и.
Na khantī nāpi soraccaṃ, nāpi so parinibbuto’’ti.
д̇ад̇т̇а сзжанзнаад̇и д̇зна вуд̇д̇зсу б̣раахман̣ад̇хаммзсу згам̣ д̣̇ассзд̇ваа саб̣б̣ам̣ бадигкибад̇и. ид̣̇ам̣ вуд̇д̇ам̣ ход̇и – ‘‘аг̇г̇ибарижаран̣зна ваа уд̣̇агасзжанзна ваа басугхаад̇аяан̃н̃зна ваа суд̣̇д̇хи наама над̇т̇и, нааби зд̇д̇агзна б̣раахман̣о гзвалабарибун̣н̣о ход̇и, на ад̇хиваасанаканд̇и, на сийласоражжам̣, нааби гилзсабариниб̣б̣аанзна бариниб̣б̣уд̇о наама ход̇ий’’д̇и.
Tattha secanenāti tena vuttesu brāhmaṇadhammesu ekaṃ dassetvā sabbaṃ paṭikkhipati. Idaṃ vuttaṃ hoti – ‘‘aggiparicaraṇena vā udakasecanena vā pasughātayaññena vā suddhi nāma natthi, nāpi ettakena brāhmaṇo kevalaparipuṇṇo hoti, na adhivāsanakhanti, na sīlasoraccaṃ, nāpi kilesaparinibbānena parinibbuto nāma hotī’’ti.
д̇ад̇о нам̣ уд̣̇д̣̇аалаго ‘‘яад̣̇и звам̣ б̣раахман̣о на ход̇и, ат̇а гат̇ам̣ ход̇ий’’д̇и бужчанд̇о навамам̣ г̇аат̇амааха –
Tato naṃ uddālako ‘‘yadi evaṃ brāhmaṇo na hoti, atha kathaṃ hotī’’ti pucchanto navamaṃ gāthamāha –
70.
70.
‘‘гат̇ам̣ со б̣раахман̣о ход̇и, гат̇ам̣ бхавад̇и гзвалий;
‘‘Kathaṃ so brāhmaṇo hoti, kathaṃ bhavati kevalī;
гат̇ан̃жа бариниб̣б̣аанам̣, д̇хаммадто гинд̇и вужжад̇ий’’д̇и.
Kathañca parinibbānaṃ, dhammaṭṭho kinti vuccatī’’ti.
бурохид̇обисса гат̇знд̇о ид̇арам̣ г̇аат̇амааха –
Purohitopissa kathento itaraṃ gāthamāha –
71.
71.
‘‘акзд̇д̇аб̣анд̇хуу амамо нираасо, ниллобхабаабо бхавалобхакийн̣о;
‘‘Akhettabandhū amamo nirāso, nillobhapāpo bhavalobhakhīṇo;
звам̣гаро б̣раахман̣о ход̇и кзмий, д̇хаммз тид̇ам̣ д̇зна амаабаяим̣суу’’д̇и.
Evaṃkaro brāhmaṇo hoti khemī, dhamme ṭhitaṃ tena amāpayiṃsū’’ti.
д̇ад̇т̇а акзд̇д̇аб̣анд̇хууд̇и агкзд̇д̇о аб̣анд̇ху, кзд̇д̇авад̇т̇уг̇ааманиг̇амабариг̇г̇ахзна жзва н̃аад̇иб̣анд̇хаваг̇од̇д̇аб̣анд̇хавамид̇д̇аб̣анд̇хавасахааяаб̣анд̇хавасиббаб̣анд̇хавабариг̇г̇ахзна жа рахид̇о. амамод̇и сад̇д̇асан̇каарзсу д̇ан̣хаад̣̇идтимамааяанарахид̇о. нираасод̇и лаабхад̇ханабуд̇д̇аж̇ийвид̇аасааяа рахид̇о. ниллобхабаабод̇и баабалобхависамалобхзна рахид̇о. бхавалобхакийн̣од̇и кийн̣абхаварааг̇о.
Tattha akhettabandhūti akkhetto abandhu, khettavatthugāmanigamapariggahena ceva ñātibandhavagottabandhavamittabandhavasahāyabandhavasippabandhavapariggahena ca rahito. Amamoti sattasaṅkhāresu taṇhādiṭṭhimamāyanarahito. Nirāsoti lābhadhanaputtajīvitāsāya rahito. Nillobhapāpoti pāpalobhavisamalobhena rahito. Bhavalobhakhīṇoti khīṇabhavarāgo.
д̇ад̇о уд̣̇д̣̇аалаго г̇аат̇амааха –
Tato uddālako gāthamāha –
72.
72.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггусаа;
‘‘Khattiyā brāhmaṇā vessā, suddā caṇḍālapukkusā;
саб̣б̣зва сорад̇аа д̣̇анд̇аа, саб̣б̣зва бариниб̣б̣уд̇аа;
Sabbeva soratā dantā, sabbeva parinibbutā;
саб̣б̣зсам̣ сийд̇ибхууд̇аанам̣, ад̇т̇и сзяяот̇а баабияо’’д̇и.
Sabbesaṃ sītibhūtānaṃ, atthi seyyotha pāpiyo’’ti.
д̇ад̇т̇а ад̇т̇и сзяяот̇а баабияод̇и зд̇з кад̇д̇ияаад̣̇аяо саб̣б̣зби соражжаад̣̇ийхи саманнааг̇ад̇аа хонд̇и, звам̣ бхууд̇аанам̣ бана д̇зсам̣ аяам̣ сзяяо, аяам̣ баабияод̇и звам̣ хийнуггадтад̇аа ад̇т̇и, над̇т̇ийд̇и бужчад̇и.
Tattha atthi seyyotha pāpiyoti ete khattiyādayo sabbepi soraccādīhi samannāgatā honti, evaṃ bhūtānaṃ pana tesaṃ ayaṃ seyyo, ayaṃ pāpiyoti evaṃ hīnukkaṭṭhatā atthi, natthīti pucchati.
ат̇асса ‘‘арахад̇д̇уббад̇д̇ид̇о бадтааяа хийнуггадтад̇аа наама над̇т̇ий’’д̇и д̣̇ассзд̇ум̣ б̣раахман̣о г̇аат̇амааха –
Athassa ‘‘arahattuppattito paṭṭhāya hīnukkaṭṭhatā nāma natthī’’ti dassetuṃ brāhmaṇo gāthamāha –
73.
73.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггусаа;
‘‘Khattiyā brāhmaṇā vessā, suddā caṇḍālapukkusā;
саб̣б̣зва сорад̇аа д̣̇анд̇аа, саб̣б̣зва бариниб̣б̣уд̇аа;
Sabbeva soratā dantā, sabbeva parinibbutā;
саб̣б̣зсам̣ сийд̇ибхууд̇аанам̣, над̇т̇и сзяяот̇а баабияо’’д̇и.
Sabbesaṃ sītibhūtānaṃ, natthi seyyotha pāpiyo’’ti.
ат̇а нам̣ г̇араханд̇о уд̣̇д̣̇аалаго г̇аат̇аад̣̇ваяамааха –
Atha naṃ garahanto uddālako gāthādvayamāha –
74.
74.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггусаа;
‘‘Khattiyā brāhmaṇā vessā, suddā caṇḍālapukkusā;
саб̣б̣зва сорад̇аа д̣̇анд̇аа, саб̣б̣зва бариниб̣б̣уд̇аа.
Sabbeva soratā dantā, sabbeva parinibbutā.
75.
75.
‘‘саб̣б̣зсам̣ сийд̇ибхууд̇аанам̣, над̇т̇и сзяяот̇а баабияо;
‘‘Sabbesaṃ sītibhūtānaṃ, natthi seyyotha pāpiyo;
банадтам̣ жараси б̣рахман̃н̃ам̣, сод̇д̇ияаагулавам̣сад̇а’’нд̇и.
Panaṭṭhaṃ carasi brahmaññaṃ, sottiyākulavaṃsata’’nti.
д̇ассад̇т̇о – яад̣̇и зд̇зхи г̇ун̣зхи саманнааг̇ад̇аанам̣ висзсо над̇т̇и, зго ван̣н̣ова ход̇и, звам̣ санд̇з д̇вам̣ убхад̇о суж̇аад̇абхаавам̣ наасзнд̇о банадтам̣ жараси б̣рахман̃н̃ам̣, жан̣д̣ааласамо хоси, сод̇д̇ияагулавам̣сад̇ам̣ наасзсийд̇и.
Tassattho – yadi etehi guṇehi samannāgatānaṃ viseso natthi, eko vaṇṇova hoti, evaṃ sante tvaṃ ubhato sujātabhāvaṃ nāsento panaṭṭhaṃ carasi brahmaññaṃ, caṇḍālasamo hosi, sottiyakulavaṃsataṃ nāsesīti.
ат̇а нам̣ бурохид̇о убамааяа сан̃н̃аабзнд̇о г̇аат̇аад̣̇ваяамааха –
Atha naṃ purohito upamāya saññāpento gāthādvayamāha –
76.
76.
‘‘наанаарад̇д̇зхи вад̇т̇зхи, вимаанам̣ бхавад̇и чаад̣̇ид̇ам̣;
‘‘Nānārattehi vatthehi, vimānaṃ bhavati chāditaṃ;
на д̇зсам̣ чааяаа вад̇т̇аанам̣, со рааг̇о анубаж̇ж̇ат̇а.
Na tesaṃ chāyā vatthānaṃ, so rāgo anupajjatha.
77.
77.
‘‘звамзва мануссзсу, яад̣̇аа суж̇жханд̇и маан̣аваа;
‘‘Evameva manussesu, yadā sujjhanti māṇavā;
д̇з саж̇аад̇им̣ бамун̃жанд̇и, д̇хаммаман̃н̃ааяа суб̣б̣ад̇аа’’д̇и.
Te sajātiṃ pamuñcanti, dhammamaññāya subbatā’’ti.
д̇ад̇т̇а вимаананд̇и г̇зхам̣ ваа ман̣д̣абам̣ ваа. чааяаад̇и д̇зсам̣ вад̇т̇аанам̣ чааяаа со наанаавид̇хо рааг̇о на убзд̇и, саб̣б̣аа чааяаа згаван̣н̣аава хонд̇и. звамзваад̇и мануссзсуби звамзва згажжз ан̃н̃аан̣аб̣раахман̣аа агааран̣знзва жаад̇уван̣н̣з суд̣̇д̇хим̣ бан̃н̃аабзнд̇и, зсаа ад̇т̇ийд̇и маа г̇ан̣хи. яад̣̇аа арияамаг̇г̇зна маан̣аваа суж̇жханд̇и, д̇ад̣̇аа д̇зхи бадивид̣̇д̇хам̣ ниб̣б̣аанад̇хаммам̣ ж̇аанид̇ваа суб̣б̣ад̇аа сийлаванд̇аа бан̣д̣ид̇абурисаа д̇з саж̇аад̇им̣ мун̃жанд̇и. ниб̣б̣аанаббад̇д̇ид̇о бадтааяа хи ж̇аад̇и наама нирад̇т̇агаад̇и.
Tattha vimānanti gehaṃ vā maṇḍapaṃ vā. Chāyāti tesaṃ vatthānaṃ chāyā so nānāvidho rāgo na upeti, sabbā chāyā ekavaṇṇāva honti. Evamevāti manussesupi evameva ekacce aññāṇabrāhmaṇā akāraṇeneva cātuvaṇṇe suddhiṃ paññāpenti, esā atthīti mā gaṇhi. Yadā ariyamaggena māṇavā sujjhanti, tadā tehi paṭividdhaṃ nibbānadhammaṃ jānitvā subbatā sīlavantā paṇḍitapurisā te sajātiṃ muñcanti. Nibbānappattito paṭṭhāya hi jāti nāma niratthakāti.
уд̣̇д̣̇аалаго бана бажжаахарид̇ум̣ асаггонд̇о аббадибхаанова нисийд̣̇и. ат̇а б̣раахман̣о рааж̇аанам̣ ааха – ‘‘саб̣б̣з зд̇з, махаарааж̇а, гухагаа сагалаж̇амб̣уд̣̇ийбз гохан̃н̃знзва наасзнд̇и, уд̣̇д̣̇аалагам̣ уббаб̣б̣ааж̇зд̇ваа убабурохид̇ам̣ гарот̇а, сзсз уббаб̣б̣ааж̇зд̇ваа палагаавуд̇хаани д̣̇ад̇ваа сзвагз гарот̇аа’’д̇и. ‘‘саад̇ху, аажарияаа’’д̇и рааж̇аа д̇ат̇аа гаарзси. д̇з рааж̇аанам̣ убадтаханд̇аава яат̇аагаммам̣ г̇ад̇аа.
Uddālako pana paccāharituṃ asakkonto appaṭibhānova nisīdi. Atha brāhmaṇo rājānaṃ āha – ‘‘sabbe ete, mahārāja, kuhakā sakalajambudīpe kohaññeneva nāsenti, uddālakaṃ uppabbājetvā upapurohitaṃ karotha, sese uppabbājetvā phalakāvudhāni datvā sevake karothā’’ti. ‘‘Sādhu, ācariyā’’ti rājā tathā kāresi. Te rājānaṃ upaṭṭhahantāva yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣збзса гухагоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа уд̣̇д̣̇аалаго гухагабхигку ахоси, рааж̇аа аананд̣̇о, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepesa kuhakoyevā’’ti vatvā jātakaṃ samodhānesi – ‘‘tadā uddālako kuhakabhikkhu ahosi, rājā ānando, purohito pana ahameva ahosi’’nti.
уд̣̇д̣̇аалагаж̇аад̇агаван̣н̣анаа жад̇уд̇т̇аа.
Uddālakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 487. уд̣̇д̣̇аалагаж̇аад̇агам̣ • 487. Uddālakajātakaṃ
