Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā

    уд̣̇д̣̇аанаг̇аат̇ааван̣н̣анаа

    Uddānagāthāvaṇṇanā

    ‘‘яуд̇хан̃ж̇аяо’’д̇иаад̣̇игаа уд̣̇д̣̇аанаг̇аат̇аа. д̇ад̇т̇а бхисзнаад̇и бхисаабад̣̇зсзна махааган̃жанажарияам̣ (жарияаа. 3.34 аад̣̇аяо) д̣̇ассзд̇и. сон̣ананд̣̇од̇и иминаа сон̣абан̣д̣ид̇ажарияам̣ (жарияаа. 3.42 аад̣̇аяо ) д̣̇ассзд̇и. д̇ат̇аа мууг̇абагкод̇и мууг̇абагкаабад̣̇зсзна д̇змияабан̣д̣ид̇ажарияам̣ (жарияаа. 3.48 аад̣̇аяо) д̣̇ассзд̇и. убзгкаабаарамисийсзна махааломахам̣сажарияам̣ (жарияаа. 3.119 аад̣̇аяо) д̣̇ассзд̇и. ааси ид̇и вудтам̣ махзсинаад̇и яат̇аа, саарибуд̇д̇а, д̇уяхам̣ зд̇арахи д̣̇зсид̇ам̣, ид̇и звам̣ иминаа вид̇хаанзна маханд̇аанам̣ д̣̇аанабаарамиаад̣̇ийнам̣ б̣од̇хисамбхаараанам̣ зсанад̇о махзсинаа д̇ад̣̇аа б̣од̇хисад̇д̇абхууд̇зна маяаа вудтам̣ жин̣н̣ам̣ жарид̇ам̣ бадибаннам̣ ааси ахосийд̇и ад̇т̇о . ид̣̇аани баарамибарибууран̣авасзна жирагаалаббавад̇д̇ид̇ам̣ ид̇ха вуд̇д̇ам̣ авуд̇д̇ан̃жа ад̇д̇ано д̣̇уггарагирияам̣ згаж̇жхам̣ гад̇ваа яад̣̇ад̇т̇ам̣ саа бавад̇д̇ид̇аа, д̇ан̃жа сан̇кзбзнзва д̣̇ассзд̇ум̣ ‘‘звам̣ б̣ахуб̣б̣ид̇ха’’нд̇и г̇аат̇амааха.

    ‘‘Yudhañjayo’’tiādikā uddānagāthā. Tattha bhisenāti bhisāpadesena mahākañcanacariyaṃ (cariyā. 3.34 ādayo) dasseti. Soṇanandoti iminā soṇapaṇḍitacariyaṃ (cariyā. 3.42 ādayo ) dasseti. Tathā mūgapakkhoti mūgapakkhāpadesena temiyapaṇḍitacariyaṃ (cariyā. 3.48 ādayo) dasseti. Upekkhāpāramisīsena mahālomahaṃsacariyaṃ (cariyā. 3.119 ādayo) dasseti. Āsi iti vuṭṭhaṃ mahesināti yathā, sāriputta, tuyhaṃ etarahi desitaṃ, iti evaṃ iminā vidhānena mahantānaṃ dānapāramiādīnaṃ bodhisambhārānaṃ esanato mahesinā tadā bodhisattabhūtena mayā vuṭṭhaṃ ciṇṇaṃ caritaṃ paṭipannaṃ āsi ahosīti attho . Idāni pāramiparipūraṇavasena cirakālappavattitaṃ idha vuttaṃ avuttañca attano dukkarakiriyaṃ ekajjhaṃ katvā yadatthaṃ sā pavattitā, tañca saṅkhepeneva dassetuṃ ‘‘evaṃ bahubbidha’’nti gāthamāha.

    д̇ад̇т̇а званд̇и иминаа вуд̇д̇анаязна. б̣ахуб̣б̣ид̇хам̣ д̣̇угканд̇и агид̇д̇ибан̣д̣ид̇аад̣̇игаалз гаарабан̣н̣аад̣̇иаахаарад̇ааяа д̇ан̃жа яаажагасса д̣̇ад̇ваа аахааруубажчзд̣̇аад̣̇инаа жа б̣ахувид̇хам̣ наанаббагаарам̣ д̣̇угкам̣. д̇ат̇аа гурурааж̇аад̣̇игаалз саггасамбад̇д̇исад̣̇исаа самбад̇д̇ий жа б̣ахуб̣б̣ид̇хаа. бхаваабхавзд̇и куд̣̇д̣̇агз жзва маханд̇з жа бхавз. бхаваабхавз ваа вуд̣̇д̇хихаанияо анубхавид̇ваа б̣ахувид̇хзхи д̣̇угкзхи авихан̃н̃амаано б̣ахувид̇хаахи жа самбад̇д̇ийхи анаагад̣дхияамаано баарамибарибууран̣абасуд̇о зва худ̇ваа д̇ад̣̇ануруубам̣ бадибад̇д̇им̣ бадибанно уд̇д̇амам̣ ануд̇д̇арам̣ саммаасамб̣од̇хим̣ саб̣б̣ан̃н̃уд̇ам̣ бад̇д̇о, ад̇хиг̇ад̇осмийд̇и ад̇т̇о.

    Tattha evanti iminā vuttanayena. Bahubbidhaṃ dukkhanti akittipaṇḍitādikāle kārapaṇṇādiāhāratāya tañca yācakassa datvā āhārūpacchedādinā ca bahuvidhaṃ nānappakāraṃ dukkhaṃ. Tathā kururājādikāle sakkasampattisadisā sampattī ca bahubbidhā. Bhavābhaveti khuddake ceva mahante ca bhave. Bhavābhave vā vuddhihāniyo anubhavitvā bahuvidhehi dukkhehi avihaññamāno bahuvidhāhi ca sampattīhi anākaḍḍhiyamāno pāramiparipūraṇapasuto eva hutvā tadanurūpaṃ paṭipattiṃ paṭipanno uttamaṃ anuttaraṃ sammāsambodhiṃ sabbaññutaṃ patto, adhigatosmīti attho.

    ид̣̇аани яаасам̣ баарамийнам̣ барибууран̣ад̇т̇ам̣ зсаа д̣̇уггаражарияаа жирам̣ бавад̇д̇ид̇аа, д̇аасам̣ анавасзсад̇о барибун̣н̣абхаавам̣ д̇зна жа бад̇д̇аб̣б̣апаласса ад̇д̇анаа ад̇хиг̇ад̇абхаавам̣ д̣̇ассзд̇ум̣ ‘‘д̣̇ад̇ваа д̣̇аад̇аб̣б̣агам̣ д̣̇аанам̣, сийлам̣ буурзд̇ваа асзсад̇о’’д̇иаад̣̇и вуд̇д̇ам̣.

    Idāni yāsaṃ pāramīnaṃ paripūraṇatthaṃ esā dukkaracariyā ciraṃ pavattitā, tāsaṃ anavasesato paripuṇṇabhāvaṃ tena ca pattabbaphalassa attanā adhigatabhāvaṃ dassetuṃ ‘‘datvā dātabbakaṃ dānaṃ, sīlaṃ pūretvā asesato’’tiādi vuttaṃ.

    д̇ад̇т̇а д̣̇ад̇ваа д̣̇аад̇аб̣б̣агам̣ д̣̇аананд̇и д̇ад̣̇аа ануд̇д̇арам̣ саммаасамб̣од̇хим̣ абхисамб̣уж̇жхид̇ум̣ аг̇г̇аяаанабадибад̣̇ам̣ бадибаннзна махааб̣од̇хисад̇д̇зна д̣̇аад̇аб̣б̣ам̣ д̣̇зяяад̇хаммам̣ б̣аахирам̣ раж̇ж̇аад̣̇им̣ аб̣бханд̇арам̣ ад̇д̇абарижжааг̇од̇и бан̃жа махаабарижжааг̇абарияосаанам̣ д̣̇аанабаарамид̣̇аанаубабаарамид̣̇аанабарамад̇т̇абаарамиббабхзд̣̇ам̣ д̣̇аанам̣ анавасзсад̇о самбаад̣̇зд̇ваад̇и ад̇т̇о. д̇ад̇т̇а агид̇д̇иб̣раахман̣агаалз (жарияаа. 1.1 аад̣̇аяо; ж̇аа. 1.13.83 аад̣̇аяо) сан̇каб̣раахман̣агаалзд̇и (жарияаа. 1.11 аад̣̇аяо; ж̇аа. 1.10.39 аад̣̇аяо) звамаад̣̇ийсу ид̇ха ааг̇ад̇зсу анааг̇ад̇зсу жа висаяхасздтигаалз (ж̇аа. 1.4.157 аад̣̇аяо) взлаамагаалзд̇и (а. ни. 9.20) звамаад̣̇ийсуби д̣̇аанабаарамияаа махаабурисасса буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сасабан̣д̣ид̇агаалз –

    Tattha datvā dātabbakaṃ dānanti tadā anuttaraṃ sammāsambodhiṃ abhisambujjhituṃ aggayānapaṭipadaṃ paṭipannena mahābodhisattena dātabbaṃ deyyadhammaṃ bāhiraṃ rajjādiṃ abbhantaraṃ attapariccāgoti pañca mahāpariccāgapariyosānaṃ dānapāramidānaupapāramidānaparamatthapāramippabhedaṃ dānaṃ anavasesato sampādetvāti attho. Tattha akittibrāhmaṇakāle (cariyā. 1.1 ādayo; jā. 1.13.83 ādayo) saṅkhabrāhmaṇakāleti (cariyā. 1.11 ādayo; jā. 1.10.39 ādayo) evamādīsu idha āgatesu anāgatesu ca visayhaseṭṭhikāle (jā. 1.4.157 ādayo) velāmakāleti (a. ni. 9.20) evamādīsupi dānapāramiyā mahāpurisassa pūritattabhāvānaṃ parimāṇaṃ nāma natthi. Ekantena panassa sasapaṇḍitakāle –

    ‘‘бхигкааяа убаг̇ад̇ам̣ д̣̇исваа, сагад̇д̇аанам̣ барижжаж̇им̣;

    ‘‘Bhikkhāya upagataṃ disvā, sakattānaṃ pariccajiṃ;

    д̣̇аанзна мз само над̇т̇и, зсаа мз д̣̇аанабаарамий’’д̇и. (жарияаа. 1. д̇ассуд̣̇д̣̇аана) –

    Dānena me samo natthi, esā me dānapāramī’’ti. (cariyā. 1. tassuddāna) –

    звам̣ ад̇д̇абарижжааг̇ам̣ гаронд̇асса д̣̇аанабаарамий барамад̇т̇абаарамий наама ж̇аад̇аа. ид̇арзсу бана яат̇аарахам̣ баарамиубабаарамияо взд̣̇ид̇аб̣б̣аа.

    Evaṃ attapariccāgaṃ karontassa dānapāramī paramatthapāramī nāma jātā. Itaresu pana yathārahaṃ pāramiupapāramiyo veditabbā.

    сийлам̣ буурзд̇ваа асзсад̇од̇и д̇ат̇аа анавасзсад̇о гааяиго сам̣варо, ваажасиго сам̣варо, гааяигаваажасиго сам̣варо, инд̣̇рияасам̣варо, бхож̇анз мад̇д̇ан̃н̃уд̇аа, сувисуд̣̇д̇хааж̇ийвад̇аад̇и звамаад̣̇игам̣ б̣од̇хисад̇д̇асийлам̣ самбаад̣̇знд̇зна сийлабаарамисийлаубабаарамисийлабарамад̇т̇абаарамиббабхзд̣̇ам̣ буурзд̇аб̣б̣ам̣ саб̣б̣ам̣ сийлам̣ буурзд̇ваа саммад̣̇зва самбаад̣̇зд̇ваа. ид̇хааби сийлаванааг̇арааж̇агаалз (жарияаа. 2.1 аад̣̇аяо; ж̇аа. 1.1.72) жамбзяяанааг̇арааж̇агаалзд̇и (жарияаа. 2.20 аад̣̇аяо; ж̇аа. 1.15.240 аад̣̇аяо) звамаад̣̇ийсу ид̇ха ааг̇ад̇зсу, анааг̇ад̇зсу жа махаагабигаалз (жарияаа. 3.67 аад̣̇аяо; ж̇аа. 1.7.83 аад̣̇аяо; 1.16.178 аад̣̇аяо) чад̣̇д̣̇анд̇агаалзд̇и (ж̇аа. 1.16.97 аад̣̇аяо) звамаад̣̇ийсу махаасад̇д̇асса сийлабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сан̇кабаалагаалз –

    Sīlaṃ pūretvā asesatoti tathā anavasesato kāyiko saṃvaro, vācasiko saṃvaro, kāyikavācasiko saṃvaro, indriyasaṃvaro, bhojane mattaññutā, suvisuddhājīvatāti evamādikaṃ bodhisattasīlaṃ sampādentena sīlapāramisīlaupapāramisīlaparamatthapāramippabhedaṃ pūretabbaṃ sabbaṃ sīlaṃ pūretvā sammadeva sampādetvā. Idhāpi sīlavanāgarājakāle (cariyā. 2.1 ādayo; jā. 1.1.72) campeyyanāgarājakāleti (cariyā. 2.20 ādayo; jā. 1.15.240 ādayo) evamādīsu idha āgatesu, anāgatesu ca mahākapikāle (cariyā. 3.67 ādayo; jā. 1.7.83 ādayo; 1.16.178 ādayo) chaddantakāleti (jā. 1.16.97 ādayo) evamādīsu mahāsattassa sīlapāramiyā pūritattabhāvānaṃ parimāṇaṃ nāma natthi. Ekantena panassa saṅkhapālakāle –

    ‘‘суулзхи винивиж̇жханд̇з, годдаяанд̇зби сад̇д̇ибхи;

    ‘‘Sūlehi vinivijjhante, koṭṭayantepi sattibhi;

    бхож̇абуд̇д̇з на губбаами, зсаа мз сийлабаарамий’’д̇и. (жарияаа. 2.91) –

    Bhojaputte na kuppāmi, esā me sīlapāramī’’ti. (cariyā. 2.91) –

    звам̣ ад̇д̇абарижжааг̇ам̣ гаронд̇асса сийлабаарамий барамад̇т̇абаарамий наама ж̇аад̇аа. ид̇арзсу бана яат̇аарахам̣ баарамиубабаарамияо взд̣̇ид̇аб̣б̣аа.

    Evaṃ attapariccāgaṃ karontassa sīlapāramī paramatthapāramī nāma jātā. Itaresu pana yathārahaṃ pāramiupapāramiyo veditabbā.

    нзгкаммз баарамим̣ г̇анд̇ваад̇и д̇ат̇аа д̇ивид̇хзби махаабхинигкаманз баарамим̣ барамуггам̣сам̣ г̇анд̇ваа. д̇ад̇т̇а яуд̇хан̃ж̇аяагаалз (жарияаа. 3.1 аад̣̇аяо; ж̇аа. 1.11.73 аад̣̇аяо) соманассагумаарагаалзд̇и (жарияаа. 3.7 аад̣̇аяо; ж̇аа. 1.15.211 аад̣̇аяо) звамаад̣̇ийсу ид̇ха ааг̇ад̇зсу, анааг̇ад̇зсу жа хад̇т̇ибаалагумаарагаалз (ж̇аа. 1.15.337 аад̣̇аяо) магхад̣̇звагаалзд̇и (ма. ни. 2.308 аад̣̇аяо; ж̇аа. 1.1.9) звамаад̣̇ийсу махаараж̇ж̇ам̣ бахааяа нзгкаммабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса жуул̣асуд̇асомагаалз –

    Nekkhammepāramiṃ gantvāti tathā tividhepi mahābhinikkhamane pāramiṃ paramukkaṃsaṃ gantvā. Tattha yudhañjayakāle (cariyā. 3.1 ādayo; jā. 1.11.73 ādayo) somanassakumārakāleti (cariyā. 3.7 ādayo; jā. 1.15.211 ādayo) evamādīsu idha āgatesu, anāgatesu ca hatthipālakumārakāle (jā. 1.15.337 ādayo) maghadevakāleti (ma. ni. 2.308 ādayo; jā. 1.1.9) evamādīsu mahārajjaṃ pahāya nekkhammapāramiyā pūritattabhāvānaṃ parimāṇaṃ nāma natthi. Ekantena panassa cūḷasutasomakāle –

    ‘‘махаараж̇ж̇ам̣ хад̇т̇аг̇ад̇ам̣, кзл̣абин̣д̣ам̣ва чад̣д̣аяим̣;

    ‘‘Mahārajjaṃ hatthagataṃ, kheḷapiṇḍaṃva chaḍḍayiṃ;

    жаж̇ад̇о на ход̇и лаг̇г̇анам̣, зсаа мз нзгкаммабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа);

    Cajato na hoti lagganaṃ, esā me nekkhammapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā);

    звам̣ ниссан̇г̇ад̇ааяа раж̇ж̇ам̣ чад̣д̣зд̇ваа нигкаманд̇асса нзгкаммабаарамий барамад̇т̇абаарамий наама ж̇аад̇аа. ид̇арзсу бана яат̇аарахам̣ баарамиубабаарамияо взд̣̇ид̇аб̣б̣аа.

    Evaṃ nissaṅgatāya rajjaṃ chaḍḍetvā nikkhamantassa nekkhammapāramī paramatthapāramī nāma jātā. Itaresu pana yathārahaṃ pāramiupapāramiyo veditabbā.

    бан̣д̣ид̇з барибужчид̇ваад̇и гим̣ гусалам̣ гим̣ агусалам̣ гим̣ сааваж̇ж̇ам̣ гим̣ анаваж̇ж̇анд̇иаад̣̇инаа гусалаад̣̇ид̇хаммавибхааг̇ам̣ гаммагаммапалавибхааг̇ам̣ сад̇д̇аанам̣ убагаараавахам̣ анаваж̇ж̇агаммааяад̇анасиббааяад̇анавиж̇ж̇аадтаанаад̣̇им̣ бан̣д̣ид̇з саббан̃н̃з барибужчид̇ваа. зд̇зна бан̃н̃аабаарамим̣ д̣̇ассзд̇и. д̇ад̇т̇а вид̇хурабан̣д̣ид̇агаалз (ж̇аа. 2.22.1346 аад̣̇аяо) махааг̇овинд̣̇абан̣д̣ид̇агаалз (д̣̇ий. ни. 2.293 аад̣̇аяо; жарияаа 1.37 аад̣̇аяо) гуд̣̇аалабан̣д̣ид̇агаалз (ж̇аа. 1.1.70) арагабан̣д̣ид̇агаалз (ж̇аа. 1.2.37 аад̣̇аяо) б̣од̇хибариб̣б̣ааж̇агагаалз махосад̇хабан̣д̣ид̇агаалзд̇и (ж̇аа. 2.22.590 аад̣̇аяо) звамаад̣̇ийсу бан̃н̃аабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сзнагабан̣д̣ид̇агаалз –

    Paṇḍiteparipucchitvāti kiṃ kusalaṃ kiṃ akusalaṃ kiṃ sāvajjaṃ kiṃ anavajjantiādinā kusalādidhammavibhāgaṃ kammakammaphalavibhāgaṃ sattānaṃ upakārāvahaṃ anavajjakammāyatanasippāyatanavijjāṭṭhānādiṃ paṇḍite sappaññe paripucchitvā. Etena paññāpāramiṃ dasseti. Tattha vidhurapaṇḍitakāle (jā. 2.22.1346 ādayo) mahāgovindapaṇḍitakāle (dī. ni. 2.293 ādayo; cariyā 1.37 ādayo) kudālapaṇḍitakāle (jā. 1.1.70) arakapaṇḍitakāle (jā. 1.2.37 ādayo) bodhiparibbājakakāle mahosadhapaṇḍitakāleti (jā. 2.22.590 ādayo) evamādīsu paññāpāramiyā pūritattabhāvānaṃ parimāṇaṃ nāma natthi. Ekantena panassa senakapaṇḍitakāle –

    ‘‘бан̃н̃ааяа вижинанд̇охам̣, б̣раахман̣ам̣ можаяим̣ д̣̇укаа;

    ‘‘Paññāya vicinantohaṃ, brāhmaṇaṃ mocayiṃ dukhā;

    бан̃н̃ааяа мз само над̇т̇и, зсаа мз бан̃н̃аабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанаггат̇аа) –

    Paññāya me samo natthi, esā me paññāpāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakkathā) –

    анд̇обхасд̇аг̇ад̇ам̣ саббам̣ д̣̇ассзнд̇асса бан̃н̃аабаарамий барамад̇т̇абаарамий наама ж̇аад̇аа. вийрияам̣ гад̇ваана уд̇д̇аманд̇и саммаасамб̣од̇хим̣ баабзд̇ум̣ самад̇т̇ад̇ааяа уд̇д̇амам̣ бад̇хаанам̣ вийрияанд̇и вивид̇хамби вийрияабаарамим̣ гад̇ваа уббаад̣̇зд̇ваа. д̇ад̇т̇а махаасийлаварааж̇агаалз (ж̇аа. 1.1.51) бан̃жаавуд̇хагумаарагаалз (ж̇аа. 1.1.55) махааваанаринд̣̇агаалзд̇и (ж̇аа. 1.1.57) звамаад̣̇ийсу вийрияабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса махааж̇анагагаалз –

    Antobhastagataṃ sappaṃ dassentassa paññāpāramī paramatthapāramī nāma jātā. Vīriyaṃ katvāna uttamanti sammāsambodhiṃ pāpetuṃ samatthatāya uttamaṃ padhānaṃ vīriyanti vividhampi vīriyapāramiṃ katvā uppādetvā. Tattha mahāsīlavarājakāle (jā. 1.1.51) pañcāvudhakumārakāle (jā. 1.1.55) mahāvānarindakāleti (jā. 1.1.57) evamādīsu vīriyapāramiyā pūritattabhāvānaṃ parimāṇaṃ nāma natthi. Ekantena panassa mahājanakakāle –

    ‘‘ад̇ийрад̣̇ассий ж̇аламаж̇жхз, хад̇аа саб̣б̣зва маанусаа;

    ‘‘Atīradassī jalamajjhe, hatā sabbeva mānusā;

    жид̇д̇асса ан̃н̃ат̇аа над̇т̇и, зсаа мз вийрияабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Cittassa aññathā natthi, esā me vīriyapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ махаасамуд̣̇д̣̇ам̣ д̇аранд̇асса вийрияабаарамий барамад̇т̇абаарамий наама ж̇аад̇аа.

    Evaṃ mahāsamuddaṃ tarantassa vīriyapāramī paramatthapāramī nāma jātā.

    канд̇ияаа баарамим̣ г̇анд̇ваад̇и ад̇хиваасанаканд̇иаад̣̇и канд̇ибарамуггам̣сабхаавам̣ баабзнд̇о канд̇ияаа баарамим̣ барамагодим̣ г̇анд̇ваа, канд̇ибаарамим̣ самбаад̣̇зд̇ваад̇и ад̇т̇о. д̇ад̇т̇а махаагабигаалз (жарияаа. 3.67 аад̣̇аяо; ж̇аа. 1.7.83 аад̣̇аяо) махим̣сарааж̇агаалз (ж̇аа. 1.3.82 аад̣̇аяо) рурумиг̇арааж̇агаалз (ж̇аа. 1.13.117 аад̣̇аяо) д̇хаммад̣̇звабуд̇д̇агаалзд̇и (ж̇аа. 1.11.26 аад̣̇аяо) звамаад̣̇ийсу канд̇ибаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса канд̇иваад̣̇игаалз –

    Khantiyā pāramiṃ gantvāti adhivāsanakhantiādi khantiparamukkaṃsabhāvaṃ pāpento khantiyā pāramiṃ paramakoṭiṃ gantvā, khantipāramiṃ sampādetvāti attho. Tattha mahākapikāle (cariyā. 3.67 ādayo; jā. 1.7.83 ādayo) mahiṃsarājakāle (jā. 1.3.82 ādayo) rurumigarājakāle (jā. 1.13.117 ādayo) dhammadevaputtakāleti (jā. 1.11.26 ādayo) evamādīsu khantipāramiyā pūritattabhāvānaṃ parimāṇaṃ nāma natthi. Ekantena panassa khantivādikāle –

    ‘‘ажзд̇анам̣ ва годдзнд̇з, д̇ин̣хзна парасунаа мамам̣;

    ‘‘Acetanaṃ va koṭṭente, tiṇhena pharasunā mamaṃ;

    гаасирааж̇з на губбаами, зсаа мз канд̇ибаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Kāsirāje na kuppāmi, esā me khantipāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ ажзд̇анабхаавзна вияа махаад̣̇угкам̣ анубхаванд̇асса канд̇ибаарамий барамад̇т̇абаарамий наама ж̇аад̇аа.

    Evaṃ acetanabhāvena viya mahādukkhaṃ anubhavantassa khantipāramī paramatthapāramī nāma jātā.

    гад̇ваа д̣̇ал̣хамад̇хидтаананд̇и гусаласамаад̣̇аанаад̇хидтаанам̣ д̇асса д̇асса баарамисамаад̣̇аанасса д̇ад̣̇убагаарагасамаад̣̇аанасса жа ад̇хидтаанам̣ д̣̇ал̣хад̇арам̣ асит̇илам̣ гад̇ваа, д̇ам̣ д̇ам̣ вад̇асамаад̣̇аанам̣ анивад̇д̇ибхаавзна ад̇хидтахид̇ваад̇и ад̇т̇о. д̇ад̇т̇а ж̇од̇ибаалагаалз (ма. ни. 2.282 аад̣̇аяо) сарабхан̇г̇агаалз (ж̇аа. 2.17.50 аад̣̇аяо) нзмигаалзд̇и (жарияаа. 1.40 аад̣̇аяо; ж̇аа.2.22.421 аад̣̇аяо) звамаад̣̇ийсу ад̇хидтаанабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса д̇змияагумаарагаалз –

    Katvā daḷhamadhiṭṭhānanti kusalasamādānādhiṭṭhānaṃ tassa tassa pāramisamādānassa tadupakārakasamādānassa ca adhiṭṭhānaṃ daḷhataraṃ asithilaṃ katvā, taṃ taṃ vatasamādānaṃ anivattibhāvena adhiṭṭhahitvāti attho. Tattha jotipālakāle (ma. ni. 2.282 ādayo) sarabhaṅgakāle (jā. 2.17.50 ādayo) nemikāleti (cariyā. 1.40 ādayo; jā.2.22.421 ādayo) evamādīsu adhiṭṭhānapāramiyā pūritattabhāvānaṃ parimāṇaṃ nāma natthi. Ekantena panassa temiyakumārakāle –

    ‘‘маад̇аабид̇аа на мз д̣̇зссаа, ад̇д̇аа мз на жа д̣̇зссияо;

    ‘‘Mātāpitā na me dessā, attā me na ca dessiyo;

    саб̣б̣ан̃н̃уд̇ам̣ бияам̣ маяхам̣, д̇асмаа вад̇амад̇хидтахи’’нд̇и. (жарияаа. 3.65) –

    Sabbaññutaṃ piyaṃ mayhaṃ, tasmā vatamadhiṭṭhahi’’nti. (cariyā. 3.65) –

    звам̣ ж̇ийвид̇ам̣ барижжаж̇ид̇ваа вад̇ам̣ ад̇хидтаханд̇асса ад̇хидтаанабаарамий барамад̇т̇абаарамий наама ж̇аад̇аа.

    Evaṃ jīvitaṃ pariccajitvā vataṃ adhiṭṭhahantassa adhiṭṭhānapāramī paramatthapāramī nāma jātā.

    сажжаваажаанурагкияаад̇и сажжаваажам̣ анурагкид̇ваа ж̇ийвид̇анд̇арааязби анарияавохаарам̣ г̇уут̇ам̣ вияа ж̇иг̇ужчанд̇о барихарид̇ваа саб̣б̣асо ависам̣ваад̣̇ибхаавам̣ рагкид̇ваа. д̇ад̇т̇а габирааж̇агаалз (жарияаа. 3.67 аад̣̇аяо) сажжад̇аабасагаалз мажчарааж̇агаалзд̇и звамаад̣̇ийсу сажжабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса махаасуд̇асомагаалз –

    Saccavācānurakkhiyāti saccavācaṃ anurakkhitvā jīvitantarāyepi anariyavohāraṃ gūthaṃ viya jigucchanto pariharitvā sabbaso avisaṃvādibhāvaṃ rakkhitvā. Tattha kapirājakāle (cariyā. 3.67 ādayo) saccatāpasakāle maccharājakāleti evamādīsu saccapāramiyā pūritattabhāvānaṃ parimāṇaṃ nāma natthi. Ekantena panassa mahāsutasomakāle –

    ‘‘сажжаваажам̣ анурагканд̇о, жаж̇ид̇ваа мама ж̇ийвид̇ам̣;

    ‘‘Saccavācaṃ anurakkhanto, cajitvā mama jīvitaṃ;

    можзсим̣ згасад̇ам̣ кад̇д̇ияз, зсаа мз сажжабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Mocesiṃ ekasataṃ khattiye, esā me saccapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ ж̇ийвид̇ам̣ жаж̇ид̇ваа сажжам̣ анурагканд̇асса сажжабаарамий барамад̇т̇абаарамий наама ж̇аад̇аа.

    Evaṃ jīvitaṃ cajitvā saccaṃ anurakkhantassa saccapāramī paramatthapāramī nāma jātā.

    мзд̇д̇ааяа баарамим̣ г̇анд̇ваад̇и саб̣б̣асад̇д̇зсу анод̇хисо хид̇уубасам̣хааралагкан̣ааяа мзд̇д̇ааяа баарамим̣ барамуггам̣сад̇ам̣ бад̇ваа. д̇ад̇т̇а жуул̣ад̇хаммабаалагаалз (ж̇аа. 1.5.44 аад̣̇аяо) махаасийлаварааж̇агаалз (ж̇аа. 1.1.51) саамабан̣д̣ид̇агаалзд̇и (жарияаа. 3.111 аад̣̇аяо; ж̇аа. 2.22.296 аад̣̇аяо) звамаад̣̇ийсу мзд̇д̇аабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса суван̣н̣асаамагаалз –

    Mettāyapāramiṃ gantvāti sabbasattesu anodhiso hitūpasaṃhāralakkhaṇāya mettāya pāramiṃ paramukkaṃsataṃ patvā. Tattha cūḷadhammapālakāle (jā. 1.5.44 ādayo) mahāsīlavarājakāle (jā. 1.1.51) sāmapaṇḍitakāleti (cariyā. 3.111 ādayo; jā. 2.22.296 ādayo) evamādīsu mettāpāramiyā pūritattabhāvānaṃ parimāṇaṃ nāma natthi. Ekantena panassa suvaṇṇasāmakāle –

    ‘‘на мам̣ гожи уд̇д̇асад̇и, набихам̣ бхааяаами гассажи;

    ‘‘Na maṃ koci uttasati, napihaṃ bhāyāmi kassaci;

    мзд̇д̇ааб̣алзнубад̇т̇ад̣̇д̇хо, рамаами баванз д̇ад̣̇аа’’д̇и. (жарияаа. 3.113) –

    Mettābalenupatthaddho, ramāmi pavane tadā’’ti. (cariyā. 3.113) –

    звам̣ ж̇ийвид̇амби анологзд̇ваа мзд̇д̇ааяанд̇асса мзд̇д̇аабаарамий барамад̇т̇абаарамий наама ж̇аад̇аа.

    Evaṃ jīvitampi anoloketvā mettāyantassa mettāpāramī paramatthapāramī nāma jātā.

    саммаананаавамаананзд̇и саггажжам̣ бууж̇аасаггаараад̣̇инаа саммаананз одтубханаад̣̇инаа авамаананз жа саб̣б̣ад̇т̇а логад̇хаммз самаго самажид̇д̇о ниб̣б̣игааро худ̇ваа уд̇д̇амам̣ ануд̇д̇арам̣ лаб̣б̣ан̃н̃уд̇ам̣ ад̇хиг̇ад̇осмийд̇и ад̇т̇о. д̇ад̇т̇а махааваанаринд̣̇агаалз (ж̇аа. 1.1.57) гаасирааж̇агаалз кзмаб̣раахман̣агаалз адтисзнабариб̣б̣ааж̇агагаалзд̇и (ж̇аа. 1.7.54 аад̣̇аяо) звамаад̣̇ийсу убзгкаабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса махааломахам̣сагаалз –

    Sammānanāvamānaneti sakkaccaṃ pūjāsakkārādinā sammānane oṭṭhubhanādinā avamānane ca sabbattha lokadhamme samako samacitto nibbikāro hutvā uttamaṃ anuttaraṃ labbaññutaṃ adhigatosmīti attho. Tattha mahāvānarindakāle (jā. 1.1.57) kāsirājakāle khemabrāhmaṇakāle aṭṭhisenaparibbājakakāleti (jā. 1.7.54 ādayo) evamādīsu upekkhāpāramiyā pūritattabhāvānaṃ parimāṇaṃ nāma natthi. Ekantena panassa mahālomahaṃsakāle –

    ‘‘сусаанз сзяяам̣ габбзми, чавадтигам̣ убанид̇хааяахам̣;

    ‘‘Susāne seyyaṃ kappemi, chavaṭṭhikaṃ upanidhāyahaṃ;

    г̇ааман̣д̣алаа убааг̇анд̇ваа, руубам̣ д̣̇ассзнд̇инаббага’’нд̇и. (жарияаа. 3.119) –

    Gāmaṇḍalā upāgantvā, rūpaṃ dassentinappaka’’nti. (cariyā. 3.119) –

    звам̣ г̇аамад̣̇аарагзсу одтубханаад̣̇ийхи жзва маалааг̇анд̇хуубахаараад̣̇ийхи жа сукад̣̇угкам̣ уббаад̣̇знд̇зсуби убзгкам̣ анад̇ивад̇д̇анд̇асса убзгкаабаарамий барамад̇т̇абаарамий наама ж̇аад̇аа. ид̇и бхаг̇аваа –

    Evaṃ gāmadārakesu oṭṭhubhanādīhi ceva mālāgandhūpahārādīhi ca sukhadukkhaṃ uppādentesupi upekkhaṃ anativattantassa upekkhāpāramī paramatthapāramī nāma jātā. Iti bhagavā –

    ‘‘звам̣ б̣ахуб̣б̣ид̇хам̣ д̣̇угкам̣, самбад̇д̇ий жа б̣ахуб̣б̣ид̇хаа;

    ‘‘Evaṃ bahubbidhaṃ dukkhaṃ, sampattī ca bahubbidhā;

    бхаваабхавз анубхавид̇ваа, бад̇д̇о самб̣од̇химуд̇д̇ама’’нд̇и. –

    Bhavābhave anubhavitvā, patto sambodhimuttama’’nti. –

    саммаасамб̣од̇хим̣ ад̇хиг̇анд̇ум̣ имасмим̣ бхад̣̇д̣̇агаббз ад̇д̇анаа гад̇ам̣ д̣̇уггаражарияам̣ сан̇кзбзнзва вад̇ваа буна –

    Sammāsambodhiṃ adhigantuṃ imasmiṃ bhaddakappe attanā kataṃ dukkaracariyaṃ saṅkhepeneva vatvā puna –

    ‘‘д̣̇ад̇ваа д̣̇аад̇аб̣б̣агам̣ д̣̇аанам̣, сийлам̣ буурзд̇ваа асзсад̇о;

    ‘‘Datvā dātabbakaṃ dānaṃ, sīlaṃ pūretvā asesato;

    нзгкаммз баарамим̣ г̇анд̇ваа, бад̇д̇о самб̣од̇химуд̇д̇амам̣.

    Nekkhamme pāramiṃ gantvā, patto sambodhimuttamaṃ.

    ‘‘бан̣д̣ид̇з барибужчид̇ваа, вийрияам̣ гад̇ваана муд̇д̇амам̣;

    ‘‘Paṇḍite paripucchitvā, vīriyaṃ katvāna muttamaṃ;

    канд̇ияаа баарамим̣ г̇анд̇ваа, бад̇д̇о самб̣од̇химуд̇д̇амам̣.

    Khantiyā pāramiṃ gantvā, patto sambodhimuttamaṃ.

    ‘‘гад̇ваа д̣̇ал̣хамад̇хидтаанам̣, сажжаваажаанурагкияа;

    ‘‘Katvā daḷhamadhiṭṭhānaṃ, saccavācānurakkhiya;

    мзд̇д̇ааяа баарамим̣ г̇анд̇ваа, бад̇д̇о самб̣од̇химуд̇д̇амам̣.

    Mettāya pāramiṃ gantvā, patto sambodhimuttamaṃ.

    ‘‘лаабхаалаабхз яасааяасз, саммаананаавамаананз;

    ‘‘Lābhālābhe yasāyase, sammānanāvamānane;

    саб̣б̣ад̇т̇а самаго худ̇ваа, бад̇д̇о самб̣од̇химуд̇д̇ама’’нд̇и. –

    Sabbattha samako hutvā, patto sambodhimuttama’’nti. –

    ад̇д̇анаа саммад̣̇зва барибуурид̇аа д̣̇аса баарамияо д̣̇ассзд̇и.

    Attanā sammadeva paripūritā dasa pāramiyo dasseti.

    багин̣н̣агагат̇аа

    Pakiṇṇakakathā

    имасмим̣ бана таанз тад̇ваа махааб̣од̇хияаанабадибад̇д̇ияам̣ уссаахаж̇аад̇аанам̣ гулабуд̇д̇аанам̣ б̣од̇хисамбхаарзсу наанаббагаарагосаллад̇т̇ам̣ саб̣б̣абаарамийсу багин̣н̣агагат̇аа гат̇зд̇аб̣б̣аа.

    Imasmiṃ pana ṭhāne ṭhatvā mahābodhiyānapaṭipattiyaṃ ussāhajātānaṃ kulaputtānaṃ bodhisambhāresu nānappakārakosallatthaṃ sabbapāramīsu pakiṇṇakakathā kathetabbā.

    д̇ад̇рид̣̇ам̣ бан̃хагаммам̣ – гаа банзд̇аа баарамияо? гзнадтзна баарамияо? гад̇ивид̇хаа жзд̇аа? го д̇аасам̣ гамо? гаани лагкан̣арасабажжубадтаанабад̣̇адтаанаани? го бажжаяо? го сам̣гилзсо? гим̣ вод̣̇аанам̣? го бадибагко? гаа бадибад̇д̇и? го вибхааг̇о? го сан̇г̇ахо? го самбаад̣̇ануубааяо? гид̇д̇агзна гаалзна самбаад̣̇анам̣? го аанисам̣со? гим̣ жзд̇аасам̣ паланд̇и?

    Tatridaṃ pañhakammaṃ – kā panetā pāramiyo? Kenaṭṭhena pāramiyo? Katividhā cetā? Ko tāsaṃ kamo? Kāni lakkhaṇarasapaccupaṭṭhānapadaṭṭhānāni? Ko paccayo? Ko saṃkileso? Kiṃ vodānaṃ? Ko paṭipakkho? Kā paṭipatti? Ko vibhāgo? Ko saṅgaho? Ko sampādanūpāyo? Kittakena kālena sampādanaṃ? Ko ānisaṃso? Kiṃ cetāsaṃ phalanti?

    д̇ад̇рид̣̇ам̣ виссаж̇ж̇анам̣ – гаа банзд̇аа баарамияод̇и? д̇ан̣хаамаанад̣̇идтийхи анубахад̇аа гарун̣уубааяагосаллабариг̇г̇ахид̇аа д̣̇аанаад̣̇аяо г̇ун̣аа баарамияо.

    Tatridaṃ vissajjanaṃ – kā panetā pāramiyoti? Taṇhāmānadiṭṭhīhi anupahatā karuṇūpāyakosallapariggahitā dānādayo guṇā pāramiyo.

    гзнадтзна баарамияод̇и? д̣̇аанасийлаад̣̇иг̇ун̣ависзсаяог̇зна сад̇д̇уд̇д̇амад̇ааяа барамаа махаасад̇д̇аа б̣од̇хисад̇д̇аа, д̇зсам̣ бхааво гаммам̣ ваа баарамий, д̣̇аанаад̣̇игирияаа. ат̇а ваа барад̇ийд̇и барамо, д̣̇аанаад̣̇иг̇ун̣аанам̣ буураго баалаго жаад̇и б̣од̇хисад̇д̇о, барамасса аяам̣, барамасса ваа бхааво, гаммам̣ ваа баарамий, д̣̇аанаад̣̇игирияаава. ат̇а ваа барам̣ сад̇д̇ам̣ ад̇д̇ани мавад̇и б̣анд̇хад̇и г̇ун̣ависзсаяог̇зна, барам̣ ваа ад̇хигад̇арам̣ маж̇ж̇ад̇и суж̇жхад̇и сам̣гилзсамалад̇о, барам̣ ваа сздтам̣ ниб̣б̣аанам̣ висзсзна маяад̇и г̇ажчад̇и, барам̣ ваа логам̣ бамаан̣абхууд̇зна н̃аан̣ависзсзна ид̇халогам̣ вияа мунаад̇и барижчинд̣̇ад̇и, барам̣ ваа ад̇ивияа сийлаад̣̇иг̇ун̣аг̇ан̣ам̣ ад̇д̇ано санд̇аанз минод̇и багкибад̇и, барам̣ ваа ад̇д̇абхууд̇ад̇о д̇хаммагааяад̇о ан̃н̃ам̣ бадибагкам̣ ваа д̇ад̣̇анад̇т̇агарам̣ гилзсажораг̇ан̣ам̣ минаад̇и хим̣сад̇ийд̇и барамо, махаасад̇д̇о. барамасса аяанд̇иаад̣̇и вуд̇д̇анаязна яож̇зд̇аб̣б̣ам̣. баарз ваа ниб̣б̣аанз маж̇ж̇ад̇и суж̇жхад̇и сад̇д̇з жа сод̇хзд̇и, д̇ад̇т̇а ваа сад̇д̇з мавад̇и б̣анд̇хад̇и яож̇зд̇и, д̇ам̣ ваа маяад̇и г̇ажчад̇и г̇амзд̇и жа, мунаад̇и ваа д̇ам̣ яаат̇аавад̇о , д̇ад̇т̇а ваа сад̇д̇з минод̇и багкибад̇и, гилзсаараяо ваа сад̇д̇аанам̣ д̇ад̇т̇а минаад̇и хим̣сад̇ийд̇и баарамий, махаабурисо. д̇асса бхааво гаммам̣ ваа баарамид̇аа, д̣̇аанаад̣̇игирияаава. иминаа наязна баарамийсад̣̇д̣̇ад̇т̇о взд̣̇ид̇аб̣б̣о.

    Kenaṭṭhena pāramiyoti? Dānasīlādiguṇavisesayogena sattuttamatāya paramā mahāsattā bodhisattā, tesaṃ bhāvo kammaṃ vā pāramī, dānādikiriyā. Atha vā paratīti paramo, dānādiguṇānaṃ pūrako pālako cāti bodhisatto, paramassa ayaṃ, paramassa vā bhāvo, kammaṃ vā pāramī, dānādikiriyāva. Atha vā paraṃ sattaṃ attani mavati bandhati guṇavisesayogena, paraṃ vā adhikataraṃ majjati sujjhati saṃkilesamalato, paraṃ vā seṭṭhaṃ nibbānaṃ visesena mayati gacchati, paraṃ vā lokaṃ pamāṇabhūtena ñāṇavisesena idhalokaṃ viya munāti paricchindati, paraṃ vā ativiya sīlādiguṇagaṇaṃ attano santāne minoti pakkhipati, paraṃ vā attabhūtato dhammakāyato aññaṃ paṭipakkhaṃ vā tadanatthakaraṃ kilesacoragaṇaṃ mināti hiṃsatīti paramo, mahāsatto. Paramassa ayantiādi vuttanayena yojetabbaṃ. Pāre vā nibbāne majjati sujjhati satte ca sodheti, tattha vā satte mavati bandhati yojeti, taṃ vā mayati gacchati gameti ca, munāti vā taṃ yāthāvato , tattha vā satte minoti pakkhipati, kilesārayo vā sattānaṃ tattha mināti hiṃsatīti pāramī, mahāpuriso. Tassa bhāvo kammaṃ vā pāramitā, dānādikiriyāva. Iminā nayena pāramīsaddattho veditabbo.

    гад̇ивид̇хаад̇и? сан̇кзбад̇о д̣̇асавид̇хаа. д̇аа бана баал̣ияам̣ саруубад̇о ааг̇ад̇ааязва. яат̇ааха –

    Katividhāti? Saṅkhepato dasavidhā. Tā pana pāḷiyaṃ sarūpato āgatāyeva. Yathāha –

    ‘‘вижинанд̇о д̇ад̣̇аа д̣̇агким̣, батамам̣ д̣̇аанабаарамим̣;

    ‘‘Vicinanto tadā dakkhiṃ, paṭhamaṃ dānapāramiṃ;

    буб̣б̣агзхи махзсийхи, анужин̣н̣ам̣ махаабат̇а’’нд̇и. (б̣у. вам̣. 2.116) –

    Pubbakehi mahesīhi, anuciṇṇaṃ mahāpatha’’nti. (bu. vaṃ. 2.116) –

    аад̣̇и. яат̇аа жааха – ‘‘гад̇и ну ко, бханд̇з, б̣уд̣̇д̇хагаарагаа д̇хаммаа? д̣̇аса ко, саарибуд̇д̇а, б̣уд̣̇д̇хагаарагаа д̇хаммаа. гад̇амз д̣̇аса? д̣̇аанам̣ ко, саарибуд̇д̇а, б̣уд̣̇д̇хагаараго д̇хаммо, сийлам̣, нзгкаммам̣, бан̃н̃аа, вийрияам̣, канд̇и, сажжам̣, ад̇хидтаанам̣, мзд̇д̇аа, убзгкаа б̣уд̣̇д̇хагаараго д̇хаммо. имз ко, саарибуд̇д̇а, д̣̇аса б̣уд̣̇д̇хагаарагаа д̇хаммаа’’д̇и. ид̣̇амавожа бхаг̇аваа, ид̣̇ам̣ вад̇ваа суг̇ад̇о ат̇аабарам̣ зд̇ад̣̇авожа сад̇т̇аа –

    Ādi. Yathā cāha – ‘‘kati nu kho, bhante, buddhakārakā dhammā? Dasa kho, sāriputta, buddhakārakā dhammā. Katame dasa? Dānaṃ kho, sāriputta, buddhakārako dhammo, sīlaṃ, nekkhammaṃ, paññā, vīriyaṃ, khanti, saccaṃ, adhiṭṭhānaṃ, mettā, upekkhā buddhakārako dhammo. Ime kho, sāriputta, dasa buddhakārakā dhammā’’ti. Idamavoca bhagavā, idaṃ vatvā sugato athāparaṃ etadavoca satthā –

    ‘‘д̣̇аанам̣ сийлан̃жа нзгкаммам̣, бан̃н̃аа вийриязна бан̃жамам̣;

    ‘‘Dānaṃ sīlañca nekkhammaṃ, paññā vīriyena pañcamaṃ;

    канд̇и сажжамад̇хидтаанам̣, мзд̇д̇убзгкаад̇и д̇з д̣̇асаа’’д̇и. (б̣у. вам̣. 1.76 т̇огам̣ висад̣̇исам̣);

    Khanti saccamadhiṭṭhānaṃ, mettupekkhāti te dasā’’ti. (bu. vaṃ. 1.76 thokaṃ visadisaṃ);

    гзжи бана ‘‘чаб̣б̣ид̇хаа’’д̇и вад̣̇анд̇и. д̇ам̣ зд̇аасам̣ сан̇г̇ахавасзна вуд̇д̇ам̣. со бана сан̇г̇ахо барад̇о аави бхависсад̇и.

    Keci pana ‘‘chabbidhā’’ti vadanti. Taṃ etāsaṃ saṅgahavasena vuttaṃ. So pana saṅgaho parato āvi bhavissati.

    го д̇аасам̣ гамод̇и? зд̇т̇а гамод̇и д̣̇зсанааггамо, со жа батамасамаад̣̇аанахзд̇уго, самаад̣̇аанам̣ бавижаяахзд̇угам̣, ид̇и яат̇аа аад̣̇имхи бавижид̇аа самаад̣̇иннаа жа, д̇ат̇аа д̣̇зсид̇аа. д̇ад̇т̇а д̣̇аанам̣ сийласса б̣ахуубагаарам̣ сугаран̃жаад̇и д̇ам̣ аад̣̇имхи вуд̇д̇ам̣. д̣̇аанам̣ сийлабариг̇г̇ахид̇ам̣ махабпалам̣ ход̇и махаанисам̣санд̇и д̣̇аанаананд̇арам̣ сийлам̣ вуд̇д̇ам̣. сийлам̣ нзгкаммабариг̇г̇ахид̇ам̣, нзгкаммам̣ бан̃н̃аабариг̇г̇ахид̇ам̣, бан̃н̃аа вийрияабариг̇г̇ахид̇аа, вийрияам̣ канд̇ибариг̇г̇ахид̇ам̣, канд̇и сажжабариг̇г̇ахид̇аа, сажжам̣ ад̇хидтаанабариг̇г̇ахид̇ам̣, ад̇хидтаанам̣ мзд̇д̇аабариг̇г̇ахид̇ам̣, мзд̇д̇аа убзгкаабариг̇г̇ахид̇аа махабпалаа ход̇и махаанисам̣саад̇и мзд̇д̇аананд̇арамубзгкаа вуд̇д̇аа. убзгкаа бана гарун̣аабариг̇г̇ахид̇аа гарун̣аа жа убзгкаабариг̇г̇ахид̇аад̇и взд̣̇ид̇аб̣б̣аа. ‘‘гат̇ам̣ бана махаагаарун̣игаа б̣од̇хисад̇д̇аа сад̇д̇зсу убзгкагаа хонд̇ий’’д̇и? ‘‘убзгкид̇аб̣б̣аяуд̇д̇зсу ган̃жи гаалам̣ убзгкагаа хонд̇и , на бана саб̣б̣ад̇т̇а саб̣б̣ад̣̇аа жаа’’д̇и гзжи. абарз бана – ‘‘на сад̇д̇зсу убзгкагаа, сад̇д̇агад̇зсу бана виббагаарзсу убзгкагаа хонд̇ий’’д̇и.

    Ko tāsaṃ kamoti? Ettha kamoti desanākkamo, so ca paṭhamasamādānahetuko, samādānaṃ pavicayahetukaṃ, iti yathā ādimhi pavicitā samādinnā ca, tathā desitā. Tattha dānaṃ sīlassa bahūpakāraṃ sukarañcāti taṃ ādimhi vuttaṃ. Dānaṃ sīlapariggahitaṃ mahapphalaṃ hoti mahānisaṃsanti dānānantaraṃ sīlaṃ vuttaṃ. Sīlaṃ nekkhammapariggahitaṃ, nekkhammaṃ paññāpariggahitaṃ, paññā vīriyapariggahitā, vīriyaṃ khantipariggahitaṃ, khanti saccapariggahitā, saccaṃ adhiṭṭhānapariggahitaṃ, adhiṭṭhānaṃ mettāpariggahitaṃ, mettā upekkhāpariggahitā mahapphalā hoti mahānisaṃsāti mettānantaramupekkhā vuttā. Upekkhā pana karuṇāpariggahitā karuṇā ca upekkhāpariggahitāti veditabbā. ‘‘Kathaṃ pana mahākāruṇikā bodhisattā sattesu upekkhakā hontī’’ti? ‘‘Upekkhitabbayuttesu kañci kālaṃ upekkhakā honti , na pana sabbattha sabbadā cā’’ti keci. Apare pana – ‘‘na sattesu upekkhakā, sattakatesu pana vippakāresu upekkhakā hontī’’ti.

    абаро наяо – бажураж̇анзсуби бавад̇д̇ияаа саб̣б̣асад̇д̇асаад̇хааран̣ад̇д̇аа аббапалад̇д̇аа сугарад̇д̇аа жа аад̣̇имхи д̣̇аанам̣ вуд̇д̇ам̣. сийлзна д̣̇ааяагабадиг̇г̇аахагасуд̣̇д̇хид̇о бараануг̇г̇ахам̣ вад̇ваа барабийл̣аанивад̇д̇иважанад̇о гирияад̇хаммам̣ вад̇ваа агирияад̇хаммаважанад̇о бхог̇асамбад̇д̇ихзд̇ум̣ вад̇ваа бхавасамбад̇д̇ихзд̇уважанад̇о жа д̣̇аанасса ананд̇арам̣ сийлам̣ вуд̇д̇ам̣. нзгкаммзна сийласамбад̇д̇исид̣̇д̇хид̇о гааяаважийсужарид̇ам̣ вад̇ваа маносужарид̇аважанад̇о висуд̣̇д̇хасийласса сукзнзва жхаанасамиж̇жханад̇о гаммаабараад̇хаббахаанзна баяог̇асуд̣̇д̇хим̣ вад̇ваа гилзсаабараад̇хаббахаанзна аасаяасуд̣̇д̇хиважанад̇о вийд̇иггамаббахаанзна жид̇д̇асса барияудтаанаббахаанаважанад̇о жа сийласса ананд̇арам̣ нзгкаммам̣ вуд̇д̇ам̣. бан̃н̃ааяа нзгкаммасса сид̣̇д̇хибарисуд̣̇д̇хид̇о жхаанаабхаавзна бан̃н̃аабхаававажанад̇о ‘‘самаад̇хибад̣̇адтаанаа хи бан̃н̃аа, бан̃н̃аабажжубадтаано жа самаад̇хи’’. самат̇анимид̇д̇ам̣ вад̇ваа убзгкаанимид̇д̇аважанад̇о барахид̇аж̇жхаанзна барахид̇агаран̣уубааяагосаллаважанад̇о жа нзгкаммасса ананд̇арам̣ бан̃н̃аа вуд̇д̇аа. вийрияаарамбхзна бан̃н̃аагижжасид̣̇д̇хид̇о сад̇д̇асун̃н̃ад̇аад̇хамманиж̇жхаанагканд̇им̣ вад̇ваа сад̇д̇ахид̇ааяа аарамбхасса ажчарияад̇ааважанад̇о убзгкаанимид̇д̇ам̣ вад̇ваа баг̇г̇аханимид̇д̇аважанад̇о нисаммагаарид̇ам̣ вад̇ваа удтаанаважанад̇о жа ‘‘нисаммагаарино хи удтаанам̣ палависзсамаавахад̇ий’’д̇и бан̃н̃ааяа ананд̇арам̣ вийрияам̣ вуд̇д̇ам̣.

    Aparo nayo – pacurajanesupi pavattiyā sabbasattasādhāraṇattā appaphalattā sukarattā ca ādimhi dānaṃ vuttaṃ. Sīlena dāyakapaṭiggāhakasuddhito parānuggahaṃ vatvā parapīḷānivattivacanato kiriyadhammaṃ vatvā akiriyadhammavacanato bhogasampattihetuṃ vatvā bhavasampattihetuvacanato ca dānassa anantaraṃ sīlaṃ vuttaṃ. Nekkhammena sīlasampattisiddhito kāyavacīsucaritaṃ vatvā manosucaritavacanato visuddhasīlassa sukheneva jhānasamijjhanato kammāparādhappahānena payogasuddhiṃ vatvā kilesāparādhappahānena āsayasuddhivacanato vītikkamappahānena cittassa pariyuṭṭhānappahānavacanato ca sīlassa anantaraṃ nekkhammaṃ vuttaṃ. Paññāya nekkhammassa siddhiparisuddhito jhānābhāvena paññābhāvavacanato ‘‘samādhipadaṭṭhānā hi paññā, paññāpaccupaṭṭhāno ca samādhi’’. Samathanimittaṃ vatvā upekkhānimittavacanato parahitajjhānena parahitakaraṇūpāyakosallavacanato ca nekkhammassa anantaraṃ paññā vuttā. Vīriyārambhena paññākiccasiddhito sattasuññatādhammanijjhānakkhantiṃ vatvā sattahitāya ārambhassa acchariyatāvacanato upekkhānimittaṃ vatvā paggahanimittavacanato nisammakāritaṃ vatvā uṭṭhānavacanato ca ‘‘nisammakārino hi uṭṭhānaṃ phalavisesamāvahatī’’ti paññāya anantaraṃ vīriyaṃ vuttaṃ.

    вийриязна д̇ид̇игкаасид̣̇д̇хид̇о ‘‘вийрияаваа хи аарад̣̇д̇хавийрияад̇д̇аа сад̇д̇асан̇каарзхи убанийд̇ам̣ д̣̇угкам̣ абхибхуяяа вихарад̇и’’. вийрияасса д̇ид̇игкаалан̇гаарабхаавад̇о ‘‘вийрияавад̇о хи д̇ид̇игкаа собхад̇и’’. баг̇г̇аханимид̇д̇ам̣ вад̇ваа самат̇анимид̇д̇аважанад̇о ажжаарамбхзна уд̣̇д̇хажжад̣̇осаббахаанаважанад̇о ‘‘д̇хамманиж̇жхаанагканд̇ияаа хи уд̣̇д̇хажжад̣̇осо бахийяад̇и’’. вийрияавад̇о саад̇ажжагаран̣аважанад̇о ‘‘канд̇иб̣ахуло хи ануд̣̇д̇хад̇о саад̇ажжагаарий ход̇и’’. аббамаад̣̇авад̇о барахид̇агирияаарамбхз бажжубагаарад̇ан̣хаабхаававажанад̇о ‘‘яаат̇аавад̇о д̇хамманиж̇жхаанз хи сад̇и д̇ан̣хаа на ход̇и’’. барахид̇аарамбхз барамзби барагад̇ад̣̇угкасаханад̇ааважанад̇о жа вийрияасса ананд̇арам̣ канд̇и вуд̇д̇аа. сажжзна канд̇ияаа жираад̇хидтаанад̇о абагаарино абагаараканд̇им̣ вад̇ваа д̇ад̣̇убагаарагаран̣з ависам̣ваад̣̇аважанад̇о канд̇ияаа абаваад̣̇аваажаавигамбанзна бхууд̇аваад̣̇ид̇ааяа авиж̇аханаважанад̇о сад̇д̇асун̃н̃ад̇аад̇хамманиж̇жхаанагканд̇им̣ вад̇ваа д̇ад̣̇убаб̣руухид̇ан̃аан̣асажжаважанад̇о жа канд̇ияаа ананд̇арам̣ сажжам̣ вуд̇д̇ам̣.

    Vīriyena titikkhāsiddhito ‘‘vīriyavā hi āraddhavīriyattā sattasaṅkhārehi upanītaṃ dukkhaṃ abhibhuyya viharati’’. Vīriyassa titikkhālaṅkārabhāvato ‘‘vīriyavato hi titikkhā sobhati’’. Paggahanimittaṃ vatvā samathanimittavacanato accārambhena uddhaccadosappahānavacanato ‘‘dhammanijjhānakkhantiyā hi uddhaccadoso pahīyati’’. Vīriyavato sātaccakaraṇavacanato ‘‘khantibahulo hi anuddhato sātaccakārī hoti’’. Appamādavato parahitakiriyārambhe paccupakārataṇhābhāvavacanato ‘‘yāthāvato dhammanijjhāne hi sati taṇhā na hoti’’. Parahitārambhe paramepi parakatadukkhasahanatāvacanato ca vīriyassa anantaraṃ khanti vuttā. Saccena khantiyā cirādhiṭṭhānato apakārino apakārakhantiṃ vatvā tadupakārakaraṇe avisaṃvādavacanato khantiyā apavādavācāvikampanena bhūtavāditāya avijahanavacanato sattasuññatādhammanijjhānakkhantiṃ vatvā tadupabrūhitañāṇasaccavacanato ca khantiyā anantaraṃ saccaṃ vuttaṃ.

    ад̇хидтаанзна сажжасид̣̇д̇хид̇о ‘‘ажалаад̇хидтаанасса хи вирад̇и сиж̇жхад̇и’’. ависам̣ваад̣̇ид̇ам̣ вад̇ваа д̇ад̇т̇а ажалабхаававажанад̇о ‘‘сажжасанд̇хо хи д̣̇аанаад̣̇ийсу бадин̃н̃аануруубам̣ нижжалова бавад̇д̇ад̇и’’. н̃аан̣асажжам̣ вад̇ваа самбхаарзсу бавад̇д̇инидтаабанаважанад̇о ‘‘яат̇аабхууд̇ан̃аан̣аваа хи б̣од̇хисамбхаарз ад̇хидтаад̇и, д̇з жа нидтаабзд̇и бадибагкзхи агамбияабхаавад̇о’’д̇и сажжасса ананд̇арам̣ ад̇хидтаанам̣ вуд̇д̇ам̣. мзд̇д̇ааяа барахид̇агаран̣асамаад̣̇аанаад̇хидтаанасид̣̇д̇хид̇о ад̇хидтаанам̣ вад̇ваа хид̇уубасам̣хаараважанад̇о ‘‘б̣од̇хисамбхаарз хи ад̇хид̇идтамаано мзд̇д̇аавихаарий ход̇и’’. ажалаад̇хидтаанасса самаад̣̇аанаавигобанзна самаад̣̇аанасамбхавад̇о жа ад̇хидтаанасса ананд̇арам̣ мзд̇д̇аа вуд̇д̇аа. убзгкааяа мзд̇д̇аависуд̣̇д̇хид̇о сад̇д̇зсу хид̇уубасам̣хаарам̣ вад̇ваа д̇ад̣̇абараад̇хзсу уд̣̇аасийнад̇ааважанад̇о мзд̇д̇аабхааванам̣ вад̇ваа д̇анниссанд̣̇абхааванааважанад̇о хид̇агаамасад̇д̇зби убзгкагод̇и ажчарияаг̇ун̣ад̇ааважанад̇о жа мзд̇д̇ааяа ананд̇арам̣ убзгкаа вуд̇д̇аад̇и звамзд̇аасам̣ гамо взд̣̇ид̇аб̣б̣о.

    Adhiṭṭhānena saccasiddhito ‘‘acalādhiṭṭhānassa hi virati sijjhati’’. Avisaṃvāditaṃ vatvā tattha acalabhāvavacanato ‘‘saccasandho hi dānādīsu paṭiññānurūpaṃ niccalova pavattati’’. Ñāṇasaccaṃ vatvā sambhāresu pavattiniṭṭhāpanavacanato ‘‘yathābhūtañāṇavā hi bodhisambhāre adhiṭṭhāti, te ca niṭṭhāpeti paṭipakkhehi akampiyabhāvato’’ti saccassa anantaraṃ adhiṭṭhānaṃ vuttaṃ. Mettāya parahitakaraṇasamādānādhiṭṭhānasiddhito adhiṭṭhānaṃ vatvā hitūpasaṃhāravacanato ‘‘bodhisambhāre hi adhitiṭṭhamāno mettāvihārī hoti’’. Acalādhiṭṭhānassa samādānāvikopanena samādānasambhavato ca adhiṭṭhānassa anantaraṃ mettā vuttā. Upekkhāya mettāvisuddhito sattesu hitūpasaṃhāraṃ vatvā tadaparādhesu udāsīnatāvacanato mettābhāvanaṃ vatvā tannissandabhāvanāvacanato hitakāmasattepi upekkhakoti acchariyaguṇatāvacanato ca mettāya anantaraṃ upekkhā vuttāti evametāsaṃ kamo veditabbo.

    гаани лагкан̣арасабажжубадтаанабад̣̇адтаанаанийд̇и зд̇т̇а ависзсзна д̇аава саб̣б̣ааби баарамияо бараануг̇г̇ахалагкан̣аа, барзсам̣ убагаарагаран̣арасаа, авигамбанарасаа ваа, хид̇зсид̇аабажжубадтаанаа, б̣уд̣̇д̇хад̇д̇абажжубадтаанаа ваа, махаагарун̣аабад̣̇адтаанаа, гарун̣уубааяагосаллабад̣̇адтаанаа ваа.

    Kāni lakkhaṇarasapaccupaṭṭhānapadaṭṭhānānīti ettha avisesena tāva sabbāpi pāramiyo parānuggahalakkhaṇā, paresaṃ upakārakaraṇarasā, avikampanarasā vā, hitesitāpaccupaṭṭhānā, buddhattapaccupaṭṭhānā vā, mahākaruṇāpadaṭṭhānā, karuṇūpāyakosallapadaṭṭhānā vā.

    висзсзна бана яасмаа гарун̣уубааяагосаллабариг̇г̇ахид̇аа ад̇д̇уубагаран̣абарижжааг̇ажзд̇анаа д̣̇аанабаарамид̇аа, гарун̣уубааяагосаллабариг̇г̇ахид̇ам̣ гааяаважийсужарид̇ам̣ ад̇т̇ад̇о агад̇д̇аб̣б̣авирад̇игад̇д̇аб̣б̣агаран̣ажзд̇анаад̣̇аяо жа сийлабаарамид̇аа. гарун̣уубааяагосаллабариг̇г̇ахид̇о аад̣̇ийнавад̣̇ассанабуб̣б̣ан̇г̇амо гаамабхавзхи нигкаманажид̇д̇уббаад̣̇о нзгкаммабаарамид̇аа, гарун̣уубааяагосаллабариг̇г̇ахид̇о д̇хаммаанам̣ сааман̃н̃ависзсалагкан̣ааваб̣од̇хо бан̃н̃аабаарамид̇аа . гарун̣уубааяагосаллабариг̇г̇ахид̇о гааяажид̇д̇зхи барахид̇аарамбхо вийрияабаарамид̇аа, гарун̣уубааяагосаллабариг̇г̇ахид̇ам̣ сад̇д̇асан̇каараабараад̇хасаханам̣ ад̣̇осаббад̇хаано д̇ад̣̇аагаараббавад̇д̇ажид̇д̇уббаад̣̇о канд̇ибаарамид̇аа, гарун̣уубааяагосаллабариг̇г̇ахид̇ам̣ вирад̇ижзд̇анаад̣̇ибхзд̣̇ам̣ ависам̣ваад̣̇анам̣ сажжабаарамид̇аа, гарун̣уубааяагосаллабариг̇г̇ахид̇ам̣ ажаласамаад̣̇аанаад̇хидтаанам̣ д̇ад̣̇аагаараббавад̇д̇о жид̇д̇уббаад̣̇о ад̇хидтаанабаарамид̇аа, гарун̣уубааяагосаллабариг̇г̇ахид̇о логасса хид̇асукуубасам̣хааро ад̇т̇ад̇о аб̣яаабаад̣̇о мзд̇д̇аабаарамид̇аа, гарун̣уубааяагосаллабариг̇г̇ахид̇аа анунаяабадигхавид̣̇д̇хам̣саний идтаанидтзсу сад̇д̇асан̇каарзсу самаббавад̇д̇и убзгкаабаарамид̇аа.

    Visesena pana yasmā karuṇūpāyakosallapariggahitā attūpakaraṇapariccāgacetanā dānapāramitā, karuṇūpāyakosallapariggahitaṃ kāyavacīsucaritaṃ atthato akattabbaviratikattabbakaraṇacetanādayo ca sīlapāramitā. Karuṇūpāyakosallapariggahito ādīnavadassanapubbaṅgamo kāmabhavehi nikkhamanacittuppādo nekkhammapāramitā, karuṇūpāyakosallapariggahito dhammānaṃ sāmaññavisesalakkhaṇāvabodho paññāpāramitā. Karuṇūpāyakosallapariggahito kāyacittehi parahitārambho vīriyapāramitā, karuṇūpāyakosallapariggahitaṃ sattasaṅkhārāparādhasahanaṃ adosappadhāno tadākārappavattacittuppādo khantipāramitā, karuṇūpāyakosallapariggahitaṃ viraticetanādibhedaṃ avisaṃvādanaṃ saccapāramitā, karuṇūpāyakosallapariggahitaṃ acalasamādānādhiṭṭhānaṃ tadākārappavatto cittuppādo adhiṭṭhānapāramitā, karuṇūpāyakosallapariggahito lokassa hitasukhūpasaṃhāro atthato abyāpādo mettāpāramitā, karuṇūpāyakosallapariggahitā anunayapaṭighaviddhaṃsanī iṭṭhāniṭṭhesu sattasaṅkhāresu samappavatti upekkhāpāramitā.

    д̇асмаа барижжааг̇алагкан̣аа д̣̇аанабаарамий, д̣̇зяяад̇хаммз лобхавид̣̇д̇хам̣санарасаа, анаасад̇д̇ибажжубадтаанаа, бхававибхавасамбад̇д̇ибажжубадтаанаа ваа, барижжаж̇ид̇аб̣б̣авад̇т̇убад̣̇адтаанаа. сийланалагкан̣аа сийлабаарамий, самаад̇хааналагкан̣аа бад̇идтааналагкан̣аа жаад̇и вуд̇д̇ам̣ ход̇и. д̣̇уссийляавид̣̇д̇хам̣санарасаа, анаваж̇ж̇арасаа ваа, сожзяяабажжубадтаанаа, хирод̇д̇аббабад̣̇адтаанаа. гаамад̇о жа бхавад̇о жа нигкаманалагкан̣аа нзгкаммабаарамий, д̇ад̣̇аад̣̇ийнававибхааванарасаа, д̇ад̇о зва вимукабхаавабажжубадтаанаа, сам̣взг̇абад̣̇адтаанаа. яат̇аасабхаавабадивзд̇халагкан̣аа бан̃н̃аабаарамий, агкалид̇абадивзд̇халагкан̣аа ваа гусалиссаасакид̇д̇аусубадивзд̇хо вияа, висаяобхаасанарасаа бад̣̇ийбо вияа, асаммохабажжубадтаанаа аран̃н̃аг̇ад̇асуд̣̇зсиго вияа, самаад̇хибад̣̇адтаанаа, жад̇усажжабад̣̇адтаанаа ваа. уссаахалагкан̣аа вийрияабаарамий, убад̇т̇амбханарасаа, асам̣сийд̣̇анабажжубадтаанаа, вийрияаарамбхавад̇т̇убад̣̇адтаанаа, сам̣взг̇абад̣̇адтаанаа ваа. каманалагкан̣аа канд̇ибаарамий, идтаанидтасаханарасаа, ад̇хиваасанабажжубадтаанаа, авирод̇хабажжубадтаанаа ваа, яат̇аабхууд̇ад̣̇ассанабад̣̇адтаанаа. ависам̣ваад̣̇аналагкан̣аа сажжабаарамий, яат̇аасабхаававибхааванарасаа, саад̇худ̇аабажжубадтаанаа, соражжабад̣̇адтаанаа. б̣од̇хисамбхаарзсу ад̇хидтааналагкан̣аа ад̇хидтаанабаарамий, д̇зсам̣ бадибагкаабхибхаванарасаа, д̇ад̇т̇а ажалад̇аабажжубадтаанаа, б̣од̇хисамбхаарабад̣̇адтаанаа. хид̇аагаараббавад̇д̇илагкан̣аа мзд̇д̇аабаарамий, хид̇уубасам̣хаарарасаа, аагхаад̇авинаяанарасаа ваа, соммабхаавабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. маж̇жхад̇д̇аагаараббавад̇д̇илагкан̣аа убзгкаабаарамий, самабхаавад̣̇ассанарасаа, бадигхаанунаяавуубасамабажжубадтаанаа, гаммассагад̇аабажжавзгкан̣абад̣̇адтаанаа.

    Tasmā pariccāgalakkhaṇā dānapāramī, deyyadhamme lobhaviddhaṃsanarasā, anāsattipaccupaṭṭhānā, bhavavibhavasampattipaccupaṭṭhānā vā, pariccajitabbavatthupadaṭṭhānā. Sīlanalakkhaṇā sīlapāramī, samādhānalakkhaṇā patiṭṭhānalakkhaṇā cāti vuttaṃ hoti. Dussīlyaviddhaṃsanarasā, anavajjarasā vā, soceyyapaccupaṭṭhānā, hirottappapadaṭṭhānā. Kāmato ca bhavato ca nikkhamanalakkhaṇā nekkhammapāramī, tadādīnavavibhāvanarasā, tato eva vimukhabhāvapaccupaṭṭhānā, saṃvegapadaṭṭhānā. Yathāsabhāvapaṭivedhalakkhaṇā paññāpāramī, akkhalitapaṭivedhalakkhaṇā vā kusalissāsakhittausupaṭivedho viya, visayobhāsanarasā padīpo viya, asammohapaccupaṭṭhānā araññagatasudesiko viya, samādhipadaṭṭhānā, catusaccapadaṭṭhānā vā. Ussāhalakkhaṇā vīriyapāramī, upatthambhanarasā, asaṃsīdanapaccupaṭṭhānā, vīriyārambhavatthupadaṭṭhānā, saṃvegapadaṭṭhānā vā. Khamanalakkhaṇā khantipāramī, iṭṭhāniṭṭhasahanarasā, adhivāsanapaccupaṭṭhānā, avirodhapaccupaṭṭhānā vā, yathābhūtadassanapadaṭṭhānā. Avisaṃvādanalakkhaṇā saccapāramī, yathāsabhāvavibhāvanarasā, sādhutāpaccupaṭṭhānā, soraccapadaṭṭhānā. Bodhisambhāresu adhiṭṭhānalakkhaṇā adhiṭṭhānapāramī, tesaṃ paṭipakkhābhibhavanarasā, tattha acalatāpaccupaṭṭhānā, bodhisambhārapadaṭṭhānā. Hitākārappavattilakkhaṇā mettāpāramī, hitūpasaṃhārarasā, āghātavinayanarasā vā, sommabhāvapaccupaṭṭhānā, sattānaṃ manāpabhāvadassanapadaṭṭhānā. Majjhattākārappavattilakkhaṇā upekkhāpāramī, samabhāvadassanarasā, paṭighānunayavūpasamapaccupaṭṭhānā, kammassakatāpaccavekkhaṇapadaṭṭhānā.

    зд̇т̇а жа гарун̣уубааяагосаллабариг̇г̇ахид̇ад̇аа д̣̇аанаад̣̇ийнам̣ барижжааг̇аад̣̇илагкан̣асса висзсанабхаавзна вад̇д̇аб̣б̣аа. гарун̣уубааяагосаллабариг̇г̇ахид̇аани хи д̣̇аанаад̣̇ийни б̣од̇хисад̇д̇асанд̇аанз бавад̇д̇аани д̣̇аанаад̣̇ибаарамияо наама хонд̇и.

    Ettha ca karuṇūpāyakosallapariggahitatā dānādīnaṃ pariccāgādilakkhaṇassa visesanabhāvena vattabbā. Karuṇūpāyakosallapariggahitāni hi dānādīni bodhisattasantāne pavattāni dānādipāramiyo nāma honti.

    го бажжаяод̇и? абхинийхааро д̇аава баарамийнам̣ бажжаяо. яо хи аяам̣ –

    Kopaccayoti? Abhinīhāro tāva pāramīnaṃ paccayo. Yo hi ayaṃ –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59) –

    звам̣ вуд̇д̇о адтад̇хаммасамод̇хаанасамбаад̣̇ид̇о ‘‘д̇ин̣н̣о д̇аарзяяам̣ муд̇д̇о можзяяам̣ д̣̇анд̇о д̣̇амзяяам̣ санд̇о самзяяам̣ ассад̇т̇о ассаасзяяам̣ бариниб̣б̣уд̇о бариниб̣б̣аабзяяам̣ суд̣̇д̇хо сод̇хзяяам̣ б̣уд̣̇д̇хо б̣од̇хзяяа’’нд̇иаад̣̇инаяаббавад̇д̇о абхинийхааро. со ависзсзна саб̣б̣абаарамийнам̣ бажжаяо. д̇аббавад̇д̇ияаа хи уд̣̇д̇хам̣ баарамийнам̣ бавижаяубадтаанасамаад̣̇аанаад̇хидтаананибпад̇д̇ияо махаабурисаанам̣ самбхаванд̇и.

    Evaṃ vutto aṭṭhadhammasamodhānasampādito ‘‘tiṇṇo tāreyyaṃ mutto moceyyaṃ danto dameyyaṃ santo sameyyaṃ assattho assāseyyaṃ parinibbuto parinibbāpeyyaṃ suddho sodheyyaṃ buddho bodheyya’’ntiādinayappavatto abhinīhāro. So avisesena sabbapāramīnaṃ paccayo. Tappavattiyā hi uddhaṃ pāramīnaṃ pavicayupaṭṭhānasamādānādhiṭṭhānanipphattiyo mahāpurisānaṃ sambhavanti.

    д̇ад̇т̇а мануссад̇д̇анд̇и мануссад̇д̇абхааво. мануссад̇д̇абхаавзязва хи тад̇ваа б̣уд̣̇д̇хад̇д̇ам̣ бад̇т̇знд̇асса бад̇т̇анаа самиж̇жхад̇и, на нааг̇асубан̣н̣аад̣̇иж̇аад̇ийсу тид̇асса. гасмаад̇и жз? б̣уд̣̇д̇хабхаавасса ананужчавигабхаавад̇о.

    Tattha manussattanti manussattabhāvo. Manussattabhāveyeva hi ṭhatvā buddhattaṃ patthentassa patthanā samijjhati, na nāgasupaṇṇādijātīsu ṭhitassa. Kasmāti ce? Buddhabhāvassa ananucchavikabhāvato.

    лин̇г̇асамбад̇д̇ийд̇и мануссад̇д̇абхаавз тид̇ассааби бурисассзва бад̇т̇анаа самиж̇жхад̇и, на ид̇т̇ияаа на бан̣д̣аганабум̣сагаубхад̇об̣яан̃ж̇анагаанам̣ ваа самиж̇жхад̇и. гасмаад̇и жз? яат̇аавуд̇д̇агааран̣ад̇о лагкан̣абаарибуурияаа абхаавад̇о жа. вуд̇д̇ан̃жзд̇ам̣ – ‘‘адтаанамзд̇ам̣, бхигкавз, анавагаасо, яам̣ ид̇т̇ий арахам̣ асса саммаасамб̣уд̣̇д̇хо’’д̇и (а. ни. 1.279; вибха. 809) вид̇т̇ааро. д̇асмаа мануссаж̇аад̇игассааби ид̇т̇илин̇г̇з тид̇асса бан̣д̣агаад̣̇ийнам̣ ваа бад̇т̇анаа на самиж̇жхад̇и.

    Liṅgasampattīti manussattabhāve ṭhitassāpi purisasseva patthanā samijjhati, na itthiyā na paṇḍakanapuṃsakaubhatobyañjanakānaṃ vā samijjhati. Kasmāti ce? Yathāvuttakāraṇato lakkhaṇapāripūriyā abhāvato ca. Vuttañcetaṃ – ‘‘aṭṭhānametaṃ, bhikkhave, anavakāso, yaṃ itthī arahaṃ assa sammāsambuddho’’ti (a. ni. 1.279; vibha. 809) vitthāro. Tasmā manussajātikassāpi itthiliṅge ṭhitassa paṇḍakādīnaṃ vā patthanā na samijjhati.

    хзд̇ууд̇и убаниссаяасамбад̇д̇и. мануссабурисассааби хи убаниссаяасамбаннассзва хзд̇усамбад̇д̇ияаа бад̇т̇анаа самиж̇жхад̇и, на ид̇арасса.

    Hetūti upanissayasampatti. Manussapurisassāpi hi upanissayasampannasseva hetusampattiyā patthanā samijjhati, na itarassa.

    сад̇т̇аарад̣̇ассананд̇и сад̇т̇усаммукийбхааво. д̇харамаанагаб̣уд̣̇д̇хассзва хи санд̇игз бад̇т̇знд̇асса бад̇т̇анаа самиж̇жхад̇и, бариниб̣б̣уд̇з бана бхаг̇авад̇и жзд̇ияасса санд̇игз ваа б̣од̇химуулз ваа бадимааяа ваа бажжзгаб̣уд̣̇д̇хаб̣уд̣̇д̇хасаавагаанам̣ ваа санд̇игз бад̇т̇анаа на самиж̇жхад̇и. гасмаа? ад̇хигаарасса б̣алавабхааваабхаавад̇о. б̣уд̣̇д̇хаанам̣ зва бана санд̇игз бад̇т̇анаа самиж̇жхад̇и, аж̇жхаасаяасса ул̣аарабхаавзна д̇ад̣̇ад̇хигаарасса б̣алавабхааваабад̇д̇ид̇о.

    Satthāradassananti satthusammukhībhāvo. Dharamānakabuddhasseva hi santike patthentassa patthanā samijjhati, parinibbute pana bhagavati cetiyassa santike vā bodhimūle vā paṭimāya vā paccekabuddhabuddhasāvakānaṃ vā santike patthanā na samijjhati. Kasmā? Adhikārassa balavabhāvābhāvato. Buddhānaṃ eva pana santike patthanā samijjhati, ajjhāsayassa uḷārabhāvena tadadhikārassa balavabhāvāpattito.

    баб̣б̣аж̇ж̇аад̇и б̣уд̣̇д̇хасса бхаг̇авад̇о санд̇игз бад̇т̇знд̇ассааби гаммагирияаваад̣̇ийсу д̇аабасзсу ваа бхигкуусу ваа баб̣б̣аж̇ид̇ассзва бад̇т̇анаа самиж̇жхад̇и, но г̇ихилин̇г̇з тид̇асса. гасмаа? б̣уд̣̇д̇хабхаавасса ананужчавигабхаавад̇о. баб̣б̣аж̇ид̇аа зва хи махааб̣од̇хисад̇д̇аа саммаасамб̣од̇хим̣ ад̇хиг̇ажчанд̇и, на г̇ахадтабхууд̇аа, д̇асмаа бан̣ид̇хаанагаалз жа баб̣б̣аж̇ж̇аалин̇г̇ам̣ зва хи яуд̇д̇аруубам̣ гин̃жа г̇ун̣асамбад̇д̇иад̇хидтаанабхаавад̇о.

    Pabbajjāti buddhassa bhagavato santike patthentassāpi kammakiriyavādīsu tāpasesu vā bhikkhūsu vā pabbajitasseva patthanā samijjhati, no gihiliṅge ṭhitassa. Kasmā? Buddhabhāvassa ananucchavikabhāvato. Pabbajitā eva hi mahābodhisattā sammāsambodhiṃ adhigacchanti, na gahaṭṭhabhūtā, tasmā paṇidhānakāle ca pabbajjāliṅgaṃ eva hi yuttarūpaṃ kiñca guṇasampattiadhiṭṭhānabhāvato.

    г̇ун̣асамбад̇д̇ийд̇и абхин̃н̃аад̣̇иг̇ун̣асамбад̣̇аа. баб̣б̣аж̇ид̇ассааби хи адтасамаабад̇д̇илаабхино бан̃жаабхин̃н̃ассзва бад̇т̇анаа самиж̇жхад̇и, на яат̇аавуд̇д̇аг̇ун̣асамбад̇д̇ияаа вирахид̇асса. гасмаа? баарамибавижаяасса асамад̇т̇абхаавад̇о, убаниссаяасамбад̇д̇ияаа абхин̃н̃аасамбад̇д̇ияаа жа саманнааг̇ад̇ад̇д̇аа махаабурисаа гад̇аабхинийхаараа саяамзва баарамий бавижзд̇ум̣ самад̇т̇аа хонд̇и.

    Guṇasampattīti abhiññādiguṇasampadā. Pabbajitassāpi hi aṭṭhasamāpattilābhino pañcābhiññasseva patthanā samijjhati, na yathāvuttaguṇasampattiyā virahitassa. Kasmā? Pāramipavicayassa asamatthabhāvato, upanissayasampattiyā abhiññāsampattiyā ca samannāgatattā mahāpurisā katābhinīhārā sayameva pāramī pavicetuṃ samatthā honti.

    ад̇хигаарод̇и ад̇хиго убагааро. яат̇аавуд̇д̇аг̇ун̣асамбанноби хи яо ад̇д̇ано ж̇ийвид̇амби б̣уд̣̇д̇хаанам̣ барижжаж̇ид̇ваа д̇асмим̣ гаалз ад̇хигам̣ убагаарам̣ гарод̇и, д̇ассзва абхинийхааро самиж̇жхад̇и, на ид̇арасса.

    Adhikāroti adhiko upakāro. Yathāvuttaguṇasampannopi hi yo attano jīvitampi buddhānaṃ pariccajitvā tasmiṃ kāle adhikaṃ upakāraṃ karoti, tasseva abhinīhāro samijjhati, na itarassa.

    чанд̣̇ад̇аад̇и гад̇д̇угаамад̇аагусалажчанд̣̇о. яасса хи яат̇аавуд̇д̇ад̇хаммасаманнааг̇ад̇асса б̣уд̣̇д̇хагаарагад̇хаммаанам̣ ад̇т̇ааяа маханд̇о чанд̣̇о махад̇ий бад̇т̇анаа махад̇ий гад̇д̇угаамад̇аа ад̇т̇и, д̇ассзва самиж̇жхад̇и, на ид̇арасса.

    Chandatāti kattukāmatākusalacchando. Yassa hi yathāvuttadhammasamannāgatassa buddhakārakadhammānaṃ atthāya mahanto chando mahatī patthanā mahatī kattukāmatā atthi, tasseva samijjhati, na itarassa.

    д̇ад̇рид̣̇ам̣ чанд̣̇амаханд̇ад̇ааяа обаммам̣ – яо сагалажаггаваал̣аг̇аб̣бхам̣ згод̣̇агийбхууд̇ам̣ ад̇д̇ано б̣аахуб̣алзнзва уд̇д̇арид̇ваа баарам̣ г̇анд̇ум̣ самад̇т̇о, со б̣уд̣̇д̇хад̇д̇ам̣ баабун̣аад̇ийд̇и суд̇ваа д̇ам̣ д̣̇уггарад̇о ад̣̇аханд̇о ‘‘ахам̣ д̇ам̣ уд̇д̇арид̇ваа баарам̣ г̇амиссаамий’’д̇и чанд̣̇аж̇аад̇о ход̇и, на д̇ад̇т̇а сан̇гожам̣ аабаж̇ж̇ад̇и. д̇ат̇аа яо сагалажаггаваал̣ам̣ вийд̇ажжигаанам̣ виг̇ад̇ад̇хуумаанам̣ ан̇г̇аараанам̣ буурам̣ баад̣̇зхи аггаманд̇о ад̇иггамид̇ваа барабхааг̇ам̣ баабун̣ид̇ум̣ самад̇т̇о…бз… на д̇ад̇т̇а сан̇гожам̣ аабаж̇ж̇ад̇и. д̇ат̇аа яо сагалажаггаваал̣ам̣ сад̇д̇исуулзхи сунисид̇апалзхи ниранд̇арам̣ аагин̣н̣ам̣ баад̣̇зхи аггаманд̇о ад̇иггамид̇ваа…бз… на д̇ад̇т̇а сан̇гожам̣ аабаж̇ж̇ад̇и. д̇ат̇аа яо сагалажаггаваал̣ам̣ ниранд̇арам̣ гханавзл̣уг̇умб̣асан̃чаннам̣ ган̣дагалад̇ааванаг̇аханам̣ винивиж̇жхид̇ваа барабхааг̇ам̣ г̇анд̇ум̣ самад̇т̇о…бз… на д̇ад̇т̇а сан̇гожам̣ аабаж̇ж̇ад̇и. д̇ат̇аа яо ‘‘жад̇д̇аари асан̇кязяяаани сад̇асахассан̃жа габбз нираяз бажжид̇ваа б̣уд̣̇д̇хад̇д̇ам̣ бад̇д̇аб̣б̣а’’нд̇и суд̇ваа д̇ам̣ д̣̇уггарад̇о ад̣̇аханд̇о ‘‘ахам̣ д̇ад̇т̇а бажжид̇ваа б̣уд̣̇д̇хад̇д̇ам̣ баабун̣иссаамий’’д̇и чанд̣̇аж̇аад̇о ход̇и, на д̇ад̇т̇а сан̇гожам̣ аабаж̇ж̇ад̇ийд̇и звамаад̣̇инаа наязна зд̇т̇а чанд̣̇асса маханд̇абхааво взд̣̇ид̇аб̣б̣о.

    Tatridaṃ chandamahantatāya opammaṃ – yo sakalacakkavāḷagabbhaṃ ekodakībhūtaṃ attano bāhubaleneva uttaritvā pāraṃ gantuṃ samattho, so buddhattaṃ pāpuṇātīti sutvā taṃ dukkarato adahanto ‘‘ahaṃ taṃ uttaritvā pāraṃ gamissāmī’’ti chandajāto hoti, na tattha saṅkocaṃ āpajjati. Tathā yo sakalacakkavāḷaṃ vītaccikānaṃ vigatadhūmānaṃ aṅgārānaṃ pūraṃ pādehi akkamanto atikkamitvā parabhāgaṃ pāpuṇituṃ samattho…pe… na tattha saṅkocaṃ āpajjati. Tathā yo sakalacakkavāḷaṃ sattisūlehi sunisitaphalehi nirantaraṃ ākiṇṇaṃ pādehi akkamanto atikkamitvā…pe… na tattha saṅkocaṃ āpajjati. Tathā yo sakalacakkavāḷaṃ nirantaraṃ ghanaveḷugumbasañchannaṃ kaṇṭakalatāvanagahanaṃ vinivijjhitvā parabhāgaṃ gantuṃ samattho…pe… na tattha saṅkocaṃ āpajjati. Tathā yo ‘‘cattāri asaṅkhyeyyāni satasahassañca kappe niraye paccitvā buddhattaṃ pattabba’’nti sutvā taṃ dukkarato adahanto ‘‘ahaṃ tattha paccitvā buddhattaṃ pāpuṇissāmī’’ti chandajāto hoti, na tattha saṅkocaṃ āpajjatīti evamādinā nayena ettha chandassa mahantabhāvo veditabbo.

    звам̣ адтан̇г̇асаманнааг̇ад̇о банааяам̣ абхинийхааро ад̇т̇ад̇о д̇зсам̣ адтаннам̣ ан̇г̇аанам̣ самод̇хаанзна д̇ат̇аабавад̇д̇о жид̇д̇уббаад̣̇од̇и взд̣̇ид̇аб̣б̣о. со саммад̣̇зва саммаасамб̣од̇хияаа бан̣ид̇хааналагкан̣о. ‘‘ахо вад̇аахам̣ ануд̇д̇арам̣ саммаасамб̣од̇хим̣ абхисамб̣уж̇жхзяяам̣, саб̣б̣асад̇д̇аанам̣ хид̇асукам̣ нибпаад̣̇зяяа’’нд̇и звамаад̣̇ибад̇т̇анаарасо, б̣од̇хисамбхаарахзд̇убхаавабажжубадтаано, махаагарун̣аабад̣̇адтаано, убаниссаяасамбад̇д̇ибад̣̇адтаано ваа. ажинд̇зяяам̣ б̣уд̣̇д̇хабхуумим̣ абаримаан̣ам̣ сад̇д̇алогахид̇ан̃жа аараб̣бха бавад̇д̇ияаа саб̣б̣аб̣уд̣̇д̇хагаарагад̇хаммамуулабхууд̇о барамабхад̣̇д̣̇аго барамагаляаан̣о абаримзяяаббабхааво бун̃н̃ависзсод̇и д̣̇адтаб̣б̣о.

    Evaṃ aṭṭhaṅgasamannāgato panāyaṃ abhinīhāro atthato tesaṃ aṭṭhannaṃ aṅgānaṃ samodhānena tathāpavatto cittuppādoti veditabbo. So sammadeva sammāsambodhiyā paṇidhānalakkhaṇo. ‘‘Aho vatāhaṃ anuttaraṃ sammāsambodhiṃ abhisambujjheyyaṃ, sabbasattānaṃ hitasukhaṃ nipphādeyya’’nti evamādipatthanāraso, bodhisambhārahetubhāvapaccupaṭṭhāno, mahākaruṇāpadaṭṭhāno, upanissayasampattipadaṭṭhāno vā. Acinteyyaṃ buddhabhūmiṃ aparimāṇaṃ sattalokahitañca ārabbha pavattiyā sabbabuddhakārakadhammamūlabhūto paramabhaddako paramakalyāṇo aparimeyyappabhāvo puññavisesoti daṭṭhabbo.

    яасса жа уббад̇д̇ияаа сахзва махаабурисо махааб̣од̇хияаанабадибад̇д̇им̣ од̇ин̣н̣о наама ход̇и нияад̇абхаавасамад̇хиг̇аманад̇о д̇ад̇о анивад̇д̇анасабхаавад̇д̇аа б̣од̇хисад̇д̇од̇и саман̃н̃ам̣ бадилабхад̇и, саб̣б̣абхаавзна саммаасамб̣од̇хияам̣ самаасад̇д̇амаанасад̇аа б̣од̇хисамбхаарасигкаасамад̇т̇ад̇аа жасса санд̇идтад̇и. яат̇аавуд̇д̇аабхинийхаарасамиж̇жханзна хи махаабурисаа саб̣б̣ан̃н̃уд̇ан̃н̃аан̣аад̇хиг̇аманабуб̣б̣алин̇г̇зна саяамбхун̃аан̣зна саммад̣̇зва саб̣б̣абаарамияо бавижинид̇ваа самаад̣̇ааяа ануггамзна барибуурзнд̇и. д̇ат̇аа гад̇амахаабхинийхааро хи сумзд̇хабан̣д̣ид̇о бадибаж̇ж̇и. яат̇ааха –

    Yassa ca uppattiyā saheva mahāpuriso mahābodhiyānapaṭipattiṃ otiṇṇo nāma hoti niyatabhāvasamadhigamanato tato anivattanasabhāvattā bodhisattoti samaññaṃ paṭilabhati, sabbabhāvena sammāsambodhiyaṃ samāsattamānasatā bodhisambhārasikkhāsamatthatā cassa santiṭṭhati. Yathāvuttābhinīhārasamijjhanena hi mahāpurisā sabbaññutaññāṇādhigamanapubbaliṅgena sayambhuñāṇena sammadeva sabbapāramiyo pavicinitvā samādāya anukkamena paripūrenti. Tathā katamahābhinīhāro hi sumedhapaṇḍito paṭipajji. Yathāha –

    ‘‘ханд̣̇а б̣уд̣̇д̇хагарз д̇хаммз, вижинаами ид̇о жид̇о;

    ‘‘Handa buddhakare dhamme, vicināmi ito cito;

    уд̣̇д̇хам̣ ад̇хо д̣̇аса д̣̇исаа, яаавад̇аа д̇хаммад̇хаад̇уяаа;

    Uddhaṃ adho dasa disā, yāvatā dhammadhātuyā;

    вижинанд̇о д̇ад̣̇аа д̣̇агким̣, батамам̣ д̣̇аанабаарами’’нд̇и. (б̣у. вам̣. 2.115-116) –

    Vicinanto tadā dakkhiṃ, paṭhamaṃ dānapārami’’nti. (bu. vaṃ. 2.115-116) –

    вид̇т̇ааро. д̇асса жа абхинийхаарасса жад̇д̇ааро бажжаяаа жад̇д̇ааро хзд̇уу жад̇д̇аари жа б̣алаани взд̣̇ид̇аб̣б̣аани.

    Vitthāro. Tassa ca abhinīhārassa cattāro paccayā cattāro hetū cattāri ca balāni veditabbāni.

    д̇ад̇т̇а гад̇амз жад̇д̇ааро бажжаяаа? ид̇ха махаабурисо бассад̇и д̇ат̇ааг̇ад̇ам̣ махад̇аа б̣уд̣̇д̇хаанубхаавзна ажчарияаб̣бхуд̇ам̣ баадихаарияам̣ гаронд̇ам̣. д̇асса д̇ам̣ ниссааяа д̇ам̣ аарамман̣ам̣ гад̇ваа махааб̣од̇хияам̣ жид̇д̇ам̣ санд̇идтад̇и – ‘‘махаанубхааваа вад̇ааяам̣ д̇хаммад̇хаад̇у, яассаа суббадивид̣̇д̇хад̇д̇аа бхаг̇аваа звам̣ ажчарияаб̣бхуд̇ад̇хаммо ажинд̇зяяаанубхааво жаа’’д̇и . со д̇амзва махаанубхаавад̣̇ассанам̣ ниссааяа д̇ам̣ бажжаяам̣ гад̇ваа самб̣од̇хияам̣ ад̇химужжанд̇о д̇ад̇т̇а жид̇д̇ам̣ табзд̇и. аяам̣ батамо бажжаяо махаабхинийхаарааяа.

    Tattha katame cattāro paccayā? Idha mahāpuriso passati tathāgataṃ mahatā buddhānubhāvena acchariyabbhutaṃ pāṭihāriyaṃ karontaṃ. Tassa taṃ nissāya taṃ ārammaṇaṃ katvā mahābodhiyaṃ cittaṃ santiṭṭhati – ‘‘mahānubhāvā vatāyaṃ dhammadhātu, yassā suppaṭividdhattā bhagavā evaṃ acchariyabbhutadhammo acinteyyānubhāvo cā’’ti . So tameva mahānubhāvadassanaṃ nissāya taṃ paccayaṃ katvā sambodhiyaṃ adhimuccanto tattha cittaṃ ṭhapeti. Ayaṃ paṭhamo paccayo mahābhinīhārāya.

    на хзва ко бассад̇и д̇ат̇ааг̇ад̇асса яат̇аавуд̇д̇ам̣ махаанубхаавад̇ам̣, аби жа ко сун̣аад̇и ‘‘зд̣̇исо жа зд̣̇исо жа бхаг̇аваа’’д̇и. со д̇ам̣ ниссааяа д̇ам̣ бажжаяам̣ гад̇ваа самб̣од̇хияам̣ ад̇химужжанд̇о д̇ад̇т̇а жид̇д̇ам̣ табзд̇и. аяам̣ д̣̇уд̇ияо бажжаяо махаабхинийхаарааяа.

    Na heva kho passati tathāgatassa yathāvuttaṃ mahānubhāvataṃ, api ca kho suṇāti ‘‘ediso ca ediso ca bhagavā’’ti. So taṃ nissāya taṃ paccayaṃ katvā sambodhiyaṃ adhimuccanto tattha cittaṃ ṭhapeti. Ayaṃ dutiyo paccayo mahābhinīhārāya.

    на хзва ко бассад̇и д̇ат̇ааг̇ад̇асса яат̇аавуд̇д̇ам̣ махаанубхаавад̇ам̣, наби д̇ам̣ барад̇о сун̣аад̇и, аби жа ко д̇ат̇ааг̇ад̇асса д̇хаммам̣ д̣̇зсзнд̇асса ‘‘д̣̇асаб̣аласаманнааг̇ад̇о, бхигкавз, д̇ат̇ааг̇ад̇о’’д̇иаад̣̇инаа (сам̣. ни. 2.21-22) б̣уд̣̇д̇хаанубхаавабадисам̣яуд̇д̇ам̣ д̇хаммам̣ сун̣аад̇и. со д̇ам̣ ниссааяа д̇ам̣ бажжаяам̣ гад̇ваа самб̣од̇хияам̣ ад̇химужжанд̇о д̇ад̇т̇а жид̇д̇ам̣ табзд̇и. аяам̣ д̇ад̇ияо бажжаяо махаабхинийхаарааяа.

    Na heva kho passati tathāgatassa yathāvuttaṃ mahānubhāvataṃ, napi taṃ parato suṇāti, api ca kho tathāgatassa dhammaṃ desentassa ‘‘dasabalasamannāgato, bhikkhave, tathāgato’’tiādinā (saṃ. ni. 2.21-22) buddhānubhāvapaṭisaṃyuttaṃ dhammaṃ suṇāti. So taṃ nissāya taṃ paccayaṃ katvā sambodhiyaṃ adhimuccanto tattha cittaṃ ṭhapeti. Ayaṃ tatiyo paccayo mahābhinīhārāya.

    на хзва ко бассад̇и д̇ат̇ааг̇ад̇асса яат̇аавуд̇д̇ам̣ махаанубхаавад̇ам̣, наби д̇ам̣ барад̇о сун̣аад̇и, наби д̇ат̇ааг̇ад̇асса д̇хаммам̣ сун̣аад̇и, аби жа ко ул̣аараж̇жхаасаяо галяаан̣аад̇химуд̇д̇иго ‘‘ахамзд̇ам̣ б̣уд̣̇д̇хавам̣сам̣ б̣уд̣̇д̇хад̇анд̇им̣ б̣уд̣̇д̇хабавзн̣им̣ б̣уд̣̇д̇хад̇хаммад̇ам̣ барибаалзссаамий’’д̇и яаавад̣̇зва д̇хаммам̣ зва саггаронд̇о г̇аругаронд̇о маанзнд̇о бууж̇знд̇о д̇хаммам̣ абажааяамаано д̇ам̣ ниссааяа д̇ам̣ бажжаяам̣ гад̇ваа самб̣од̇хияам̣ ад̇химужжанд̇о д̇ад̇т̇а жид̇д̇ам̣ табзд̇и. аяам̣ жад̇уд̇т̇о бажжаяо махаабхинийхаарааяа.

    Na heva kho passati tathāgatassa yathāvuttaṃ mahānubhāvataṃ, napi taṃ parato suṇāti, napi tathāgatassa dhammaṃ suṇāti, api ca kho uḷārajjhāsayo kalyāṇādhimuttiko ‘‘ahametaṃ buddhavaṃsaṃ buddhatantiṃ buddhapaveṇiṃ buddhadhammataṃ paripālessāmī’’ti yāvadeva dhammaṃ eva sakkaronto garukaronto mānento pūjento dhammaṃ apacāyamāno taṃ nissāya taṃ paccayaṃ katvā sambodhiyaṃ adhimuccanto tattha cittaṃ ṭhapeti. Ayaṃ catuttho paccayo mahābhinīhārāya.

    д̇ад̇т̇а гад̇амз жад̇д̇ааро хзд̇уу махаабхинийхаарааяа? ид̇ха махаабурисо багад̇ияаа убаниссаяасамбаннова ход̇и буримагзсу б̣уд̣̇д̇хзсу гад̇аад̇хигааро. аяам̣ батамо хзд̇у махаабхинийхаарааяа. буна жабарам̣ махаабурисо багад̇ияаа гарун̣ааж̇жхаасаяо ход̇и гарун̣аад̇химуд̇д̇о сад̇д̇аанам̣ д̣̇угкам̣ абанзд̇угаамо аби жа ад̇д̇ано гааяаж̇ийвид̇ам̣ барижжаж̇ид̇ваа. аяам̣ д̣̇уд̇ияо хзд̇у махаабхинийхаарааяа. буна жабарам̣ махаабурисо сагалад̇оби ваддад̣̇угкад̇о сад̇д̇ахид̇ааяа жа д̣̇уггаражарияад̇о сужирамби гаалам̣ гхадзнд̇о вааяаманд̇о аниб̣б̣инно ход̇и ануд̇раасий яаава ижчид̇ад̇т̇анибпад̇д̇и. аяам̣ д̇ад̇ияо хзд̇у махаабхинийхаарааяа. буна жабарам̣ махаабурисо галяаан̣амид̇д̇асанниссид̇о ход̇и, яо ахид̇ад̇о ниваарзд̇и, хид̇з бад̇идтабзд̇и. аяам̣ жад̇уд̇т̇о хзд̇у махаабхинийхаарааяа.

    Tattha katame cattāro hetū mahābhinīhārāya? Idha mahāpuriso pakatiyā upanissayasampannova hoti purimakesu buddhesu katādhikāro. Ayaṃ paṭhamo hetu mahābhinīhārāya. Puna caparaṃ mahāpuriso pakatiyā karuṇājjhāsayo hoti karuṇādhimutto sattānaṃ dukkhaṃ apanetukāmo api ca attano kāyajīvitaṃ pariccajitvā. Ayaṃ dutiyo hetu mahābhinīhārāya. Puna caparaṃ mahāpuriso sakalatopi vaṭṭadukkhato sattahitāya ca dukkaracariyato sucirampi kālaṃ ghaṭento vāyamanto anibbinno hoti anutrāsī yāva icchitatthanipphatti. Ayaṃ tatiyo hetu mahābhinīhārāya. Puna caparaṃ mahāpuriso kalyāṇamittasannissito hoti, yo ahitato nivāreti, hite patiṭṭhapeti. Ayaṃ catuttho hetu mahābhinīhārāya.

    д̇ад̇рааяам̣ махаабурисасса убаниссаяасамбад̣̇аа – зганд̇знзвасса яат̇аа аж̇жхаасаяо самб̣од̇хининно ход̇и самб̣од̇хибон̣о самб̣од̇хибаб̣бхааро, д̇ат̇аа сад̇д̇аанам̣ хид̇ажарияаа. яад̇о жаанзна буримаб̣уд̣̇д̇хаанам̣ санд̇игз самб̣од̇хияаа бан̣ид̇хаанам̣ гад̇ам̣ ход̇и манасаа ваажааяа жа ‘‘ахамби зд̣̇исо саммаасамб̣уд̣̇д̇хо худ̇ваа саммад̣̇зва сад̇д̇аанам̣ хид̇асукам̣ нибпаад̣̇зяяа’’нд̇и. звам̣ самбаннуубаниссаяасса банасса имаани убаниссаяасамбад̇д̇ияаа лин̇г̇аани бхаванд̇и язхи саманнааг̇ад̇асса саавагаб̣од̇хисад̇д̇зхи жа бажжзгаб̣од̇хисад̇д̇зхи жа махаависзсо маханд̇ам̣ наанаагаран̣ам̣ бан̃н̃ааяад̇и инд̣̇рияад̇о бадибад̇д̇ид̇о госаллад̇о жа. ид̇ха убаниссаяасамбанно махаабурисо яат̇аа висад̣̇инд̣̇рияо ход̇и висад̣̇ан̃аан̣о, на д̇ат̇аа ид̇арз. барахид̇ааяа бадибанно ход̇и, на ад̇д̇ахид̇ааяа. д̇ат̇аа хи со яат̇аа б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣ бадибаж̇ж̇ад̇и, на д̇ат̇аа ид̇арз. д̇ад̇т̇а жа госаллам̣ аавахад̇и таануббад̇д̇игабадибхаанзна таанаатаанагусалад̇ааяа жа.

    Tatrāyaṃ mahāpurisassa upanissayasampadā – ekantenevassa yathā ajjhāsayo sambodhininno hoti sambodhipoṇo sambodhipabbhāro, tathā sattānaṃ hitacariyā. Yato cānena purimabuddhānaṃ santike sambodhiyā paṇidhānaṃ kataṃ hoti manasā vācāya ca ‘‘ahampi ediso sammāsambuddho hutvā sammadeva sattānaṃ hitasukhaṃ nipphādeyya’’nti. Evaṃ sampannūpanissayassa panassa imāni upanissayasampattiyā liṅgāni bhavanti yehi samannāgatassa sāvakabodhisattehi ca paccekabodhisattehi ca mahāviseso mahantaṃ nānākaraṇaṃ paññāyati indriyato paṭipattito kosallato ca. Idha upanissayasampanno mahāpuriso yathā visadindriyo hoti visadañāṇo, na tathā itare. Parahitāya paṭipanno hoti, na attahitāya. Tathā hi so yathā bahujanahitāya bahujanasukhāya lokānukampāya atthāya hitāya sukhāya devamanussānaṃ paṭipajjati, na tathā itare. Tattha ca kosallaṃ āvahati ṭhānuppattikapaṭibhānena ṭhānāṭhānakusalatāya ca.

    д̇ат̇аа махаабурисо багад̇ияаа д̣̇аанаж̇жхаасаяо ход̇и д̣̇аанаабхирад̇о, сад̇и д̣̇зяяад̇хаммз д̣̇зд̇и зва, на д̣̇аанад̇о сан̇гожам̣ аабаж̇ж̇ад̇и, сад̇ад̇ам̣ самид̇ам̣ сам̣вибхааг̇асийло ход̇и, бамуд̣̇ид̇ова д̣̇зд̇и аад̣̇араж̇аад̇о, на уд̣̇аасийнажид̇д̇о, маханд̇амби д̣̇аанам̣ д̣̇ад̇ваа на жа д̣̇аанзна санд̇удто ход̇и, баг̇зва аббам̣, барзсан̃жа уссаахам̣ ж̇анзнд̇о д̣̇аанз ван̣н̣ам̣ бхаасад̇и, д̣̇аанабадисам̣яуд̇д̇ам̣ д̇хаммагат̇ам̣ гарод̇и, ан̃н̃з жа барзсам̣ д̣̇знд̇з д̣̇исваа ад̇д̇амано ход̇и, бхаяадтаанзсу жа барзсам̣ абхаяам̣ д̣̇зд̇ийд̇и звамаад̣̇ийни д̣̇аанаж̇жхаасаяасса махаабурисасса д̣̇аанабаарамияаа лин̇г̇аани.

    Tathā mahāpuriso pakatiyā dānajjhāsayo hoti dānābhirato, sati deyyadhamme deti eva, na dānato saṅkocaṃ āpajjati, satataṃ samitaṃ saṃvibhāgasīlo hoti, pamuditova deti ādarajāto, na udāsīnacitto, mahantampi dānaṃ datvā na ca dānena santuṭṭho hoti, pageva appaṃ, paresañca ussāhaṃ janento dāne vaṇṇaṃ bhāsati, dānapaṭisaṃyuttaṃ dhammakathaṃ karoti, aññe ca paresaṃ dente disvā attamano hoti, bhayaṭṭhānesu ca paresaṃ abhayaṃ detīti evamādīni dānajjhāsayassa mahāpurisassa dānapāramiyā liṅgāni.

    д̇ат̇аа баан̣аад̇ибаад̇аад̣̇ийхи баабад̇хаммзхи хирийяад̇и од̇д̇аббад̇и, сад̇д̇аанам̣ авихзтанаж̇аад̇иго ход̇и сорад̇о сукасийло асато амааяаавий уж̇уж̇аад̇иго суважо соважассагаран̣ийязхи д̇хаммзхи саманнааг̇ад̇о муд̣̇уж̇аад̇иго ад̇т̇ад̣̇д̇хо анад̇имааний, барасанд̇агам̣ наад̣̇ияад̇и анд̇амасо д̇ин̣асалаагам̣ убаад̣̇ааяа, ад̇д̇ано хад̇т̇з нигкид̇д̇ам̣ ин̣ам̣ ваа г̇ахзд̇ваа барам̣ на висам̣ваад̣̇зд̇и, барасмим̣ ваа ад̇д̇ано санд̇агз б̣яаамуул̣хз виссарид̇з ваа д̇ам̣ сан̃н̃аабзд̇ваа бадибаад̣̇зд̇и яат̇аа д̇ам̣ на барахад̇т̇аг̇ад̇ам̣ ход̇и, алолуббо ход̇и, барабариг̇г̇ахзсу баабагам̣ жид̇д̇амби на уббаад̣̇зд̇и, ид̇т̇иб̣яасанаад̣̇ийни д̣̇уурад̇о бариваж̇ж̇зд̇и, сажжаваад̣̇ий сажжасанд̇хо бхиннаанам̣ санд̇хаад̇аа сахид̇аанам̣ ануббад̣̇аад̇аа, бияаваад̣̇ий михид̇абуб̣б̣ан̇г̇амо буб̣б̣абхаасий ад̇т̇аваад̣̇ий д̇хаммаваад̣̇ий анабхиж̇жхаалу аб̣яаабаннажид̇д̇о авибарийд̇ад̣̇ассано, гаммассагад̇ан̃аан̣зна сажжаануломиган̃аан̣зна гад̇ан̃н̃уу гад̇авзд̣̇ий вуд̣̇д̇хаабажааяий сувисуд̣̇д̇хааж̇ийво д̇хаммагаамо барзби д̇хаммз самаад̣̇абзд̇аа саб̣б̣зна саб̣б̣ам̣ агижжад̇о сад̇д̇з ниваарзд̇аа гижжзсу бад̇идтабзд̇аа ад̇д̇анаа жа д̇ад̇т̇а гижжз яог̇ам̣ аабаж̇ж̇ид̇аа, гад̇ваа ваа бана саяам̣ агад̇д̇аб̣б̣ам̣ сийгхан̃н̃зва д̇ад̇о бадивирад̇о ход̇ийд̇и звамаад̣̇ийни сийлаж̇жхаасаяасса махаабурисасса сийлабаарамияаа лин̇г̇аани.

    Tathā pāṇātipātādīhi pāpadhammehi hirīyati ottappati, sattānaṃ aviheṭhanajātiko hoti sorato sukhasīlo asaṭho amāyāvī ujujātiko suvaco sovacassakaraṇīyehi dhammehi samannāgato mudujātiko atthaddho anatimānī, parasantakaṃ nādiyati antamaso tiṇasalākaṃ upādāya, attano hatthe nikkhittaṃ iṇaṃ vā gahetvā paraṃ na visaṃvādeti, parasmiṃ vā attano santake byāmūḷhe vissarite vā taṃ saññāpetvā paṭipādeti yathā taṃ na parahatthagataṃ hoti, aloluppo hoti, parapariggahesu pāpakaṃ cittampi na uppādeti, itthibyasanādīni dūrato parivajjeti, saccavādī saccasandho bhinnānaṃ sandhātā sahitānaṃ anuppadātā, piyavādī mihitapubbaṅgamo pubbabhāsī atthavādī dhammavādī anabhijjhālu abyāpannacitto aviparītadassano, kammassakatañāṇena saccānulomikañāṇena kataññū katavedī vuddhāpacāyī suvisuddhājīvo dhammakāmo parepi dhamme samādapetā sabbena sabbaṃ akiccato satte nivāretā kiccesu patiṭṭhapetā attanā ca tattha kicce yogaṃ āpajjitā, katvā vā pana sayaṃ akattabbaṃ sīghaññeva tato paṭivirato hotīti evamādīni sīlajjhāsayassa mahāpurisassa sīlapāramiyā liṅgāni.

    д̇ат̇аа манд̣̇агилзсо ход̇и манд̣̇анийваран̣о, бавивзгаж̇жхаасаяо авигкзбаб̣ахуло, на д̇асса баабагаа вид̇аггаа жид̇д̇ам̣ анваассаванд̇и, вивзгаг̇ад̇асса жасса аббагасирзнзва жид̇д̇ам̣ самаад̇хияад̇и, амид̇д̇абагкзби д̇увадам̣ мзд̇д̇ажид̇д̇ад̇аа санд̇идтад̇и, баг̇зва ид̇арасмим̣, сад̇имаа жа ход̇и жирагад̇амби жирабхаасид̇амби сарид̇аа ануссарид̇аа, мзд̇хаавий жа ход̇и д̇хаммож̇абан̃н̃ааяа саманнааг̇ад̇о, нибаго жа ход̇и д̇аасу д̇аасу ид̇игад̇д̇аб̣б̣ад̇аасу, аарад̣̇д̇хавийрияо жа ход̇и сад̇д̇аанам̣ хид̇агирияаасу, канд̇иб̣аласаманнааг̇ад̇о жа ход̇и саб̣б̣асахо, ажалаад̇хидтаано жа ход̇и д̣̇ал̣хасамаад̣̇аано , аж̇жхубзгкаго жа ход̇и убзгкаатаанийязсу д̇хаммзсууд̇и звамаад̣̇ийни махаабурисасса нзгкаммаж̇жхаасаяаад̣̇ийнам̣ васзна нзгкаммабаарамиаад̣̇ийнам̣ лин̇г̇аани взд̣̇ид̇аб̣б̣аани.

    Tathā mandakileso hoti mandanīvaraṇo, pavivekajjhāsayo avikkhepabahulo, na tassa pāpakā vitakkā cittaṃ anvāssavanti, vivekagatassa cassa appakasireneva cittaṃ samādhiyati, amittapakkhepi tuvaṭaṃ mettacittatā santiṭṭhati, pageva itarasmiṃ, satimā ca hoti cirakatampi cirabhāsitampi saritā anussaritā, medhāvī ca hoti dhammojapaññāya samannāgato, nipako ca hoti tāsu tāsu itikattabbatāsu, āraddhavīriyo ca hoti sattānaṃ hitakiriyāsu, khantibalasamannāgato ca hoti sabbasaho, acalādhiṭṭhāno ca hoti daḷhasamādāno , ajjhupekkhako ca hoti upekkhāṭhānīyesu dhammesūti evamādīni mahāpurisassa nekkhammajjhāsayādīnaṃ vasena nekkhammapāramiādīnaṃ liṅgāni veditabbāni.

    звамзд̇зхи б̣од̇хисамбхааралин̇г̇зхи саманнааг̇ад̇асса махаабурисасса яам̣ вуд̇д̇ам̣ ‘‘махаабхинийхаарааяа галяаан̣амид̇д̇асанниссаяо хзд̇уу’’д̇и. д̇ад̇рид̣̇ам̣ сан̇кзбад̇о галяаан̣амид̇д̇алагкан̣ам̣ – ид̇ха галяаан̣амид̇д̇о сад̣̇д̇хаасамбанно ход̇и сийласамбанно суд̇асамбанно жааг̇асамбанно вийрияасамбанно сад̇исамбанно самаад̇хисамбанно бан̃н̃аасамбанно. д̇ад̇т̇а сад̣̇д̇хаасамбад̇д̇ияаа сад̣̇д̣̇ахад̇и д̇ат̇ааг̇ад̇асса б̣од̇хим̣ гаммапалан̃жа, д̇зна саммаасамб̣од̇хияаа хзд̇убхууд̇ам̣ сад̇д̇зсу хид̇зсид̇ам̣ на барижжаж̇ад̇и, сийласамбад̇д̇ияаа сад̇д̇аанам̣ бияо ход̇и манаабо г̇ару бхааванийяо жод̣̇аго баабаг̇арахий вад̇д̇аа важанагкамо, суд̇асамбад̇д̇ияаа сад̇д̇аанам̣ хид̇асукаавахам̣ г̇амбхийрам̣ д̇хаммагат̇ам̣ гад̇д̇аа ход̇и, жааг̇асамбад̇д̇ияаа аббижчо ход̇и санд̇удто бавивид̇д̇о асам̣садто, вийрияасамбад̇д̇ияаа аарад̣̇д̇хавийрияо ход̇и сад̇д̇аанам̣ хид̇абадибад̇д̇ияам̣, сад̇исамбад̇д̇ияаа убадтид̇асад̇и ход̇и анаваж̇ж̇ад̇хаммзсу, самаад̇хисамбад̇д̇ияаа авигкид̇д̇о ход̇и самаахид̇ажид̇д̇о, бан̃н̃аасамбад̇д̇ияаа авибарийд̇ам̣ баж̇аанаад̇и, со сад̇ияаа гусалаагусалаанам̣ д̇хаммаанам̣ г̇ад̇ияо саманвзсамаано бан̃н̃ааяа сад̇д̇аанам̣ хид̇аахид̇ам̣ яат̇аабхууд̇ам̣ ж̇аанид̇ваа самаад̇хинаа д̇ад̇т̇а згаг̇г̇ажид̇д̇о худ̇ваа вийриязна ахид̇аа сад̇д̇з нисзд̇хзд̇ваа хид̇з нияож̇зд̇и. д̇знааха –

    Evametehi bodhisambhāraliṅgehi samannāgatassa mahāpurisassa yaṃ vuttaṃ ‘‘mahābhinīhārāya kalyāṇamittasannissayo hetū’’ti. Tatridaṃ saṅkhepato kalyāṇamittalakkhaṇaṃ – idha kalyāṇamitto saddhāsampanno hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa bodhiṃ kammaphalañca, tena sammāsambodhiyā hetubhūtaṃ sattesu hitesitaṃ na pariccajati, sīlasampattiyā sattānaṃ piyo hoti manāpo garu bhāvanīyo codako pāpagarahī vattā vacanakkhamo, sutasampattiyā sattānaṃ hitasukhāvahaṃ gambhīraṃ dhammakathaṃ kattā hoti, cāgasampattiyā appiccho hoti santuṭṭho pavivitto asaṃsaṭṭho, vīriyasampattiyā āraddhavīriyo hoti sattānaṃ hitapaṭipattiyaṃ, satisampattiyā upaṭṭhitasati hoti anavajjadhammesu, samādhisampattiyā avikkhitto hoti samāhitacitto, paññāsampattiyā aviparītaṃ pajānāti, so satiyā kusalākusalānaṃ dhammānaṃ gatiyo samanvesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena ahitā satte nisedhetvā hite niyojeti. Tenāha –

    ‘‘бияо г̇ару бхааванийяо, вад̇д̇аа жа важанагкамо;

    ‘‘Piyo garu bhāvanīyo, vattā ca vacanakkhamo;

    г̇амбхийран̃жа гат̇ам̣ гад̇д̇аа, но жадтаанз нияож̇аго’’д̇и. (а. ни. 7.37; нзд̇д̇и. 113) –

    Gambhīrañca kathaṃ kattā, no caṭṭhāne niyojako’’ti. (a. ni. 7.37; netti. 113) –

    звам̣ г̇ун̣асаманнааг̇ад̇ан̃жа галяаан̣амид̇д̇ам̣ убаниссааяа махаабурисо ад̇д̇ано убаниссаяасамбад̇д̇им̣ саммад̣̇зва барияод̣̇абзд̇и. сувисуд̣̇д̇хаасаяабаяог̇о жа худ̇ваа жад̇уухи б̣алзхи саманнааг̇ад̇о на жирзнзва адтан̇г̇з самод̇хаанзд̇ваа махаабхинийхаарам̣ гаронд̇о б̣од̇хисад̇д̇абхаавз бад̇идтахад̇и анивад̇д̇ид̇хаммо нияад̇о самб̣од̇хибарааяано.

    Evaṃ guṇasamannāgatañca kalyāṇamittaṃ upanissāya mahāpuriso attano upanissayasampattiṃ sammadeva pariyodapeti. Suvisuddhāsayapayogo ca hutvā catūhi balehi samannāgato na cireneva aṭṭhaṅge samodhānetvā mahābhinīhāraṃ karonto bodhisattabhāve patiṭṭhahati anivattidhammo niyato sambodhiparāyano.

    д̇ассимаани жад̇д̇аари б̣алаани. аж̇жхад̇д̇игаб̣алам̣ яаа саммаасамб̣од̇хияам̣ ад̇д̇асанниссаяаа д̇хаммаг̇ааравзна абхиружи зганд̇аниннаж̇жхаасаяад̇аа, яааяа махаабурисо ад̇д̇аад̇хибад̇и лаж̇ж̇аабассаяо абхинийхаарасамбанно жа худ̇ваа баарамияо буурзд̇ваа саммаасамб̣од̇хим̣ баабун̣аад̇и. б̣аахираб̣алам̣ яаа саммаасамб̣од̇хияам̣ барасанниссаяаа абхиружи зганд̇аниннаж̇жхаасаяад̇аа, яааяа махаабурисо логаад̇хибад̇и маанаабассаяо абхинийхаарасамбанно жа худ̇ваа баарамияо буурзд̇ваа саммаасамб̣од̇хим̣ баабун̣аад̇и. убаниссаяаб̣алам̣ яаа саммаасамб̣од̇хияам̣ убаниссаяасамбад̇д̇ияаа абхиружи зганд̇аниннаж̇жхаасаяад̇аа, яааяа махаабурисо д̇игкинд̣̇рияо висад̣̇ад̇хаад̇уго сад̇исанниссаяо абхинийхаарасамбанно жа худ̇ваа баарамияо буурзд̇ваа саммаасамб̣од̇хим̣ баабун̣аад̇и. баяог̇аб̣алам̣ яаа саммаасамб̣од̇хияам̣ д̇аж̇ж̇аа баяог̇асамбад̣̇аа саггажжагаарид̇аа саад̇ажжагаарид̇аа, яааяа махаабурисо висуд̣̇д̇хабаяог̇о ниранд̇арагаарий абхинийхаарасамбанно жа худ̇ваа баарамияо буурзд̇ваа саммаасамб̣од̇хим̣ баабун̣аад̇и.

    Tassimāni cattāri balāni. Ajjhattikabalaṃ yā sammāsambodhiyaṃ attasannissayā dhammagāravena abhiruci ekantaninnajjhāsayatā, yāya mahāpuriso attādhipati lajjāpassayo abhinīhārasampanno ca hutvā pāramiyo pūretvā sammāsambodhiṃ pāpuṇāti. Bāhirabalaṃ yā sammāsambodhiyaṃ parasannissayā abhiruci ekantaninnajjhāsayatā, yāya mahāpuriso lokādhipati mānāpassayo abhinīhārasampanno ca hutvā pāramiyo pūretvā sammāsambodhiṃ pāpuṇāti. Upanissayabalaṃ yā sammāsambodhiyaṃ upanissayasampattiyā abhiruci ekantaninnajjhāsayatā, yāya mahāpuriso tikkhindriyo visadadhātuko satisannissayo abhinīhārasampanno ca hutvā pāramiyo pūretvā sammāsambodhiṃ pāpuṇāti. Payogabalaṃ yā sammāsambodhiyaṃ tajjā payogasampadā sakkaccakāritā sātaccakāritā, yāya mahāpuriso visuddhapayogo nirantarakārī abhinīhārasampanno ca hutvā pāramiyo pūretvā sammāsambodhiṃ pāpuṇāti.

    звамаяам̣ жад̇уухи бажжаязхи жад̇уухи хзд̇уухи жад̇уухи жа б̣алзхи самбаннасамуд̣̇ааг̇амо адтан̇г̇асамод̇хаанасамбаад̣̇ид̇о абхинийхааро баарамийнам̣ бажжаяо муулагааран̣абхаавад̇о. яасса жа бавад̇д̇ияаа махаабурисз жад̇д̇ааро ажчарияаа аб̣бхуд̇аа д̇хаммаа бад̇идтаханд̇и, саб̣б̣асад̇д̇анигааяам̣ ад̇д̇ано орасабуд̇д̇ам̣ вияа бияажид̇д̇зна бариг̇г̇ан̣хаад̇и. на жасса жид̇д̇ам̣ буд̇д̇асам̣гилзсавасзна сам̣гилиссад̇и. сад̇д̇аанам̣ хид̇асукаавахо жасса аж̇жхаасаяо баяог̇о жа ход̇и. ад̇д̇ано жа б̣уд̣̇д̇хагаарагад̇хаммаа убаруубари вад̣дханд̇и барибажжанд̇и жа. яад̇о жа махаабурисо ул̣аарад̇амзна бун̃н̃аабхисанд̣̇зна гусалаабхисанд̣̇зна бавад̇д̇ияаа бажжаязна сукассаахаарзна саманнааг̇ад̇о сад̇д̇аанам̣ д̣̇агкин̣зяяо уд̇д̇амаг̇ааравадтаанам̣ асад̣̇исам̣ бун̃н̃агкзд̇д̇ан̃жа ход̇и. зваманзгаг̇ун̣о анзгаанисам̣со махаабхинийхааро баарамийнам̣ бажжаяод̇и взд̣̇ид̇аб̣б̣о.

    Evamayaṃ catūhi paccayehi catūhi hetūhi catūhi ca balehi sampannasamudāgamo aṭṭhaṅgasamodhānasampādito abhinīhāro pāramīnaṃ paccayo mūlakāraṇabhāvato. Yassa ca pavattiyā mahāpurise cattāro acchariyā abbhutā dhammā patiṭṭhahanti, sabbasattanikāyaṃ attano orasaputtaṃ viya piyacittena pariggaṇhāti. Na cassa cittaṃ puttasaṃkilesavasena saṃkilissati. Sattānaṃ hitasukhāvaho cassa ajjhāsayo payogo ca hoti. Attano ca buddhakārakadhammā uparūpari vaḍḍhanti paripaccanti ca. Yato ca mahāpuriso uḷāratamena puññābhisandena kusalābhisandena pavattiyā paccayena sukhassāhārena samannāgato sattānaṃ dakkhiṇeyyo uttamagāravaṭṭhānaṃ asadisaṃ puññakkhettañca hoti. Evamanekaguṇo anekānisaṃso mahābhinīhāro pāramīnaṃ paccayoti veditabbo.

    яат̇аа жа абхинийхааро, звам̣ махаагарун̣аа убааяагосаллан̃жа. д̇ад̇т̇а убааяагосаллам̣ наама д̣̇аанаад̣̇ийнам̣ б̣од̇хисамбхаарабхаавасса нимид̇д̇абхууд̇аа бан̃н̃аа, яаахи махаагарун̣уубааяагосаллад̇аахи махаабурисаанам̣ ад̇д̇асуканирабзгкад̇аа ниранд̇арам̣ барахид̇агаран̣абасуд̇ад̇аа суд̣̇уггарзхиби махааб̣од̇хисад̇д̇ажарид̇зхи висаад̣̇аабхааво басаад̣̇асамб̣уд̣̇д̇хид̣̇ассанасаванаануссаран̣агаалзсуби сад̇д̇аанам̣ хид̇асукаббадилаабхахзд̇убхааво жа самбаж̇ж̇ад̇и. д̇ат̇аа хисса бан̃н̃ааяа б̣уд̣̇д̇хабхаавасид̣̇д̇хи, гарун̣ааяа б̣уд̣̇д̇хагаммасид̣̇д̇хи, бан̃н̃ааяа саяам̣ д̇арад̇и, гарун̣ааяа барз д̇аарзд̇и, бан̃н̃ааяа барад̣̇угкам̣ бариж̇аанаад̇и, гарун̣ааяа барад̣̇угкабад̇игаарам̣ аарабхад̇и, бан̃н̃ааяа жа д̣̇угкз ниб̣б̣инд̣̇ад̇и, гарун̣ааяа д̣̇угкам̣ самбадижчад̇и, д̇ат̇аа бан̃н̃ааяа ниб̣б̣аанаабхимуко ход̇и, гарун̣ааяа ваддам̣ баабун̣аад̇и, д̇ат̇аа гарун̣ааяа сам̣саараабхимуко ход̇и, бан̃н̃ааяа д̇ад̇ра наабхирамад̇и, бан̃н̃ааяа жа саб̣б̣ад̇т̇а вираж̇ж̇ад̇и, гарун̣аануг̇ад̇ад̇д̇аа на жа на саб̣б̣зсам̣ ануг̇г̇ахааяа бавад̇д̇о, гарун̣ааяа саб̣б̣зби анугамбад̇и, бан̃н̃аануг̇ад̇ад̇д̇аа на жа на саб̣б̣ад̇т̇а вирад̇д̇ажид̇д̇о, бан̃н̃ааяа жа ахам̣гаарамамам̣гаараабхааво, гарун̣ааяа ааласияад̣̇ийнад̇аабхааво, д̇ат̇аа бан̃н̃аагарун̣аахи яат̇ааггамам̣ ад̇д̇абаранаат̇ад̇аа д̇хийравийрабхааво, анад̇д̇анд̇абаабаранд̇абад̇аа, ад̇д̇ахид̇абарахид̇анибпад̇д̇и, ниб̣бхаяаабхим̣санагабхааво, д̇хаммаад̇хибад̇илогаад̇хибад̇ид̇аа, гад̇ан̃н̃убуб̣б̣агаарибхааво, мохад̇ан̣хаавиг̇амо, виж̇ж̇аажаран̣асид̣̇д̇хи, б̣алавзсаараж̇ж̇анибпад̇д̇ийд̇и саб̣б̣ассааби баарамид̇аапаласса висзсзна убааяабхаавад̇о бан̃н̃аагарун̣аа баарамийнам̣ бажжаяо. ид̣̇ан̃жа д̣̇ваяам̣ баарамийнам̣ вияа бан̣ид̇хаанассааби бажжаяо.

    Yathā ca abhinīhāro, evaṃ mahākaruṇā upāyakosallañca. Tattha upāyakosallaṃ nāma dānādīnaṃ bodhisambhārabhāvassa nimittabhūtā paññā, yāhi mahākaruṇūpāyakosallatāhi mahāpurisānaṃ attasukhanirapekkhatā nirantaraṃ parahitakaraṇapasutatā sudukkarehipi mahābodhisattacaritehi visādābhāvo pasādasambuddhidassanasavanānussaraṇakālesupi sattānaṃ hitasukhappaṭilābhahetubhāvo ca sampajjati. Tathā hissa paññāya buddhabhāvasiddhi, karuṇāya buddhakammasiddhi, paññāya sayaṃ tarati, karuṇāya pare tāreti, paññāya paradukkhaṃ parijānāti, karuṇāya paradukkhapatikāraṃ ārabhati, paññāya ca dukkhe nibbindati, karuṇāya dukkhaṃ sampaṭicchati, tathā paññāya nibbānābhimukho hoti, karuṇāya vaṭṭaṃ pāpuṇāti, tathā karuṇāya saṃsārābhimukho hoti, paññāya tatra nābhiramati, paññāya ca sabbattha virajjati, karuṇānugatattā na ca na sabbesaṃ anuggahāya pavatto, karuṇāya sabbepi anukampati, paññānugatattā na ca na sabbattha virattacitto, paññāya ca ahaṃkāramamaṃkārābhāvo, karuṇāya ālasiyadīnatābhāvo, tathā paññākaruṇāhi yathākkamaṃ attaparanāthatā dhīravīrabhāvo, anattantapaaparantapatā, attahitaparahitanipphatti, nibbhayābhiṃsanakabhāvo, dhammādhipatilokādhipatitā, kataññupubbakāribhāvo, mohataṇhāvigamo, vijjācaraṇasiddhi, balavesārajjanipphattīti sabbassāpi pāramitāphalassa visesena upāyabhāvato paññākaruṇā pāramīnaṃ paccayo. Idañca dvayaṃ pāramīnaṃ viya paṇidhānassāpi paccayo.

    д̇ат̇аа уссаахаумман̇г̇аавад̇т̇аанахид̇ажарияаа жа баарамийнам̣ бажжаяаад̇и взд̣̇ид̇аб̣б̣аа, яаа б̣уд̣̇д̇хабхаавасса уббад̇д̇идтаанад̇ааяа б̣уд̣̇д̇хабхуумияод̇и вужжанд̇и. д̇ад̇т̇а уссаахо наама б̣од̇хисамбхаараанам̣ аб̣бхуссаханавийрияам̣. умман̇г̇о наама б̣од̇хисамбхаарзсу убааяагосаллабхууд̇аа бан̃н̃аа. авад̇т̇аанам̣ наама ад̇хидтаанам̣ ажалаад̇хидтаанад̇аа. хид̇ажарияаа наама мзд̇д̇аабхааванаа гарун̣аабхааванаа жа.

    Tathā ussāhaummaṅgaavatthānahitacariyā ca pāramīnaṃ paccayāti veditabbā, yā buddhabhāvassa uppattiṭṭhānatāya buddhabhūmiyoti vuccanti. Tattha ussāho nāma bodhisambhārānaṃ abbhussahanavīriyaṃ. Ummaṅgo nāma bodhisambhāresu upāyakosallabhūtā paññā. Avatthānaṃ nāma adhiṭṭhānaṃ acalādhiṭṭhānatā. Hitacariyā nāma mettābhāvanā karuṇābhāvanā ca.

    д̇ат̇аа нзгкаммабавивзгаалобхаад̣̇осаамоханиссаран̣аббабхзд̣̇аа ча аж̇жхаасаяаа. нзгкаммаж̇жхаасаяаа хи б̣од̇хисад̇д̇аа хонд̇и гаамзсу гхарааваасз жа д̣̇осад̣̇ассаавино, д̇ат̇аа бавивзгаж̇жхаасаяаа сан̇г̇ан̣игааяа д̣̇осад̣̇ассаавино, алобхаж̇жхаасаяаа лобхз д̣̇осад̣̇ассаавино, ад̣̇осаж̇жхаасаяаа д̣̇осз д̣̇осад̣̇ассаавино, амохаж̇жхаасаяаа мохз д̣̇осад̣̇ассаавино, ниссаран̣аж̇жхаасаяаа саб̣б̣абхавзсу д̣̇осад̣̇ассаавинод̇и. д̇асмаа зд̇з б̣од̇хисад̇д̇аанам̣ ча аж̇жхаасаяаа д̣̇аанаад̣̇ийнам̣ баарамийнам̣ бажжаяаад̇и взд̣̇ид̇аб̣б̣аа. на хи лобхаад̣̇ийсу аад̣̇ийнавад̣̇ассанзна алобхаад̣̇ийнам̣ ад̇хигабхаавзна жа винаа д̣̇аанаад̣̇ибаарамияо самбхаванд̇и, алобхаад̣̇ийнан̃хи ад̇хигабхаавзна барижжааг̇аад̣̇ининнажид̇д̇ад̇аа алобхаж̇жхаасаяаад̣̇ид̇аад̇и взд̣̇ид̇аб̣б̣аа.

    Tathā nekkhammapavivekaalobhādosāmohanissaraṇappabhedā cha ajjhāsayā. Nekkhammajjhāsayā hi bodhisattā honti kāmesu gharāvāse ca dosadassāvino, tathā pavivekajjhāsayā saṅgaṇikāya dosadassāvino, alobhajjhāsayā lobhe dosadassāvino, adosajjhāsayā dose dosadassāvino, amohajjhāsayā mohe dosadassāvino, nissaraṇajjhāsayā sabbabhavesu dosadassāvinoti. Tasmā ete bodhisattānaṃ cha ajjhāsayā dānādīnaṃ pāramīnaṃ paccayāti veditabbā. Na hi lobhādīsu ādīnavadassanena alobhādīnaṃ adhikabhāvena ca vinā dānādipāramiyo sambhavanti, alobhādīnañhi adhikabhāvena pariccāgādininnacittatā alobhajjhāsayāditāti veditabbā.

    яат̇аа жзд̇з звам̣ д̣̇аанаж̇жхаасаяад̇аад̣̇аяоби б̣од̇хияаа жаранд̇аанам̣ б̣од̇хисад̇д̇аанам̣ д̣̇аанаад̣̇ибаарамийнам̣ бажжаяо. д̣̇аанаж̇жхаасаяад̇ааяа хи б̣од̇хисад̇д̇аа д̇аббадибагкз мажчзрз д̣̇осад̣̇ассаавино худ̇ваа саммад̣̇зва д̣̇аанабаарамим̣ барибуурзнд̇и. сийлаж̇жхаасаяад̇ааяа д̣̇уссийляз д̣̇осад̣̇ассаавино худ̇ваа саммад̣̇зва сийлабаарамим̣ барибуурзнд̇и. нзгкаммаж̇жхаасаяад̇ааяа гаамзсу гхарааваасз жа , яат̇аабхууд̇ан̃аан̣аж̇жхаасаяад̇ааяа ан̃н̃аан̣з вижигижчааяа жа, вийрияаж̇жхаасаяад̇ааяа госаж̇ж̇з, канд̇ияаж̇жхаасаяад̇ааяа агканд̇ияам̣, сажжаж̇жхаасаяад̇ааяа висам̣ваад̣̇з, ад̇хидтаанаж̇жхаасаяад̇ааяа анад̇хидтаанз, мзд̇д̇ааж̇жхаасаяад̇ааяа б̣яаабаад̣̇з, убзгкааж̇жхаасаяад̇ааяа логад̇хаммзсу аад̣̇ийнавад̣̇ассаавино худ̇ваа саммад̣̇зва нзгкаммаад̣̇ибаарамияо барибуурзнд̇и. д̣̇аанаж̇жхаасаяад̇аад̣̇аяо д̣̇аанаад̣̇ибаарамийнам̣ нибпад̇д̇игааран̣ад̇д̇аа бажжаяо.

    Yathā cete evaṃ dānajjhāsayatādayopi bodhiyā carantānaṃ bodhisattānaṃ dānādipāramīnaṃ paccayo. Dānajjhāsayatāya hi bodhisattā tappaṭipakkhe macchere dosadassāvino hutvā sammadeva dānapāramiṃ paripūrenti. Sīlajjhāsayatāya dussīlye dosadassāvino hutvā sammadeva sīlapāramiṃ paripūrenti. Nekkhammajjhāsayatāya kāmesu gharāvāse ca , yathābhūtañāṇajjhāsayatāya aññāṇe vicikicchāya ca, vīriyajjhāsayatāya kosajje, khantiyajjhāsayatāya akkhantiyaṃ, saccajjhāsayatāya visaṃvāde, adhiṭṭhānajjhāsayatāya anadhiṭṭhāne, mettājjhāsayatāya byāpāde, upekkhājjhāsayatāya lokadhammesu ādīnavadassāvino hutvā sammadeva nekkhammādipāramiyo paripūrenti. Dānajjhāsayatādayo dānādipāramīnaṃ nipphattikāraṇattā paccayo.

    д̇ат̇аа абарижжааг̇абарижжааг̇аад̣̇ийсу яат̇ааггамам̣ аад̣̇ийнаваанисам̣сабажжавзгкан̣аа д̣̇аанаад̣̇ибаарамийнам̣ бажжаяо. д̇ад̇т̇ааяам̣ бажжавзгкан̣аавид̇хикзд̇д̇авад̇т̇ухиран̃н̃асуван̣н̣аг̇омахим̣сад̣̇аасид̣̇аасабуд̇д̇ад̣̇аараад̣̇ибариг̇г̇ахаб̣яаасад̇д̇ажид̇д̇аанам̣ сад̇д̇аанам̣ кзд̇д̇аад̣̇ийнам̣ вад̇т̇угаамабхаавзна б̣ахубад̇т̇анийяабхаавад̇о рааж̇ажораад̣̇исаад̇хааран̣абхаавад̇о виваад̣̇аад̇хидтаанад̇о сабад̇д̇агаран̣ад̇о ниссаарад̇о бадилаабхабарибааланзсу баравихзтанахзд̇уд̇о винаасанимид̇д̇ан̃жа согаад̣̇ианзгавихид̇аб̣яасанаавахад̇о д̇ад̣̇аасад̇д̇инид̣̇аанан̃жа мажчзрамалабарияудтид̇ажид̇д̇аанам̣ абааяуубабад̇д̇ихзд̇убхаавад̇од̇и звам̣ вивид̇хавибулаанад̇т̇аавахаани бариг̇г̇ахавад̇т̇ууни наама. д̇зсам̣ барижжааг̇оязва зго сод̇т̇ибхаавод̇и барижжааг̇з аббамаад̣̇о гаран̣ийяо.

    Tathā apariccāgapariccāgādīsu yathākkamaṃ ādīnavānisaṃsapaccavekkhaṇā dānādipāramīnaṃ paccayo. Tatthāyaṃ paccavekkhaṇāvidhikhettavatthuhiraññasuvaṇṇagomahiṃsadāsidāsaputtadārādipariggahabyāsattacittānaṃ sattānaṃ khettādīnaṃ vatthukāmabhāvena bahupatthanīyabhāvato rājacorādisādhāraṇabhāvato vivādādhiṭṭhānato sapattakaraṇato nissārato paṭilābhaparipālanesu paraviheṭhanahetuto vināsanimittañca sokādianekavihitabyasanāvahato tadāsattinidānañca maccheramalapariyuṭṭhitacittānaṃ apāyūpapattihetubhāvatoti evaṃ vividhavipulānatthāvahāni pariggahavatthūni nāma. Tesaṃ pariccāgoyeva eko sotthibhāvoti pariccāge appamādo karaṇīyo.

    аби жа яаажаго яаажамаано ад̇д̇ано г̇уяхасса аажигканад̇о ‘‘маяхам̣ виссаасиго’’д̇и жа, ‘‘бахааяа г̇аманийяамад̇д̇ано санд̇агам̣ г̇ахзд̇ваа баралогам̣ яаахийд̇и маяхам̣ убад̣̇зсаго’’д̇и жа, ‘‘аад̣̇ид̇д̇з вияа аг̇аарз маран̣аг̇г̇инаа аад̣̇ид̇д̇з логз д̇ад̇о маяхам̣ санд̇агасса абаваахагасахааяо’’д̇и жа, ‘‘абаваахид̇асса жасса ажхаабананигкзбадтаанабхууд̇о’’д̇и жа д̣̇аанасан̇каад̇з галяаан̣агаммасмим̣ сахааяабхаавад̇о саб̣б̣асамбад̇д̇ийнам̣ аг̇г̇абхууд̇ааяа барамад̣̇уллабхааяа б̣уд̣̇д̇хабхуумияаа самбад̇д̇ихзд̇убхаавад̇о жа ‘‘барамо галяаан̣амид̇д̇о’’д̇и жа бажжавзгкид̇аб̣б̣ам̣.

    Api ca yācako yācamāno attano guyhassa ācikkhanato ‘‘mayhaṃ vissāsiko’’ti ca, ‘‘pahāya gamanīyamattano santakaṃ gahetvā paralokaṃ yāhīti mayhaṃ upadesako’’ti ca, ‘‘āditte viya agāre maraṇagginā āditte loke tato mayhaṃ santakassa apavāhakasahāyo’’ti ca, ‘‘apavāhitassa cassa ajhāpananikkhepaṭṭhānabhūto’’ti ca dānasaṅkhāte kalyāṇakammasmiṃ sahāyabhāvato sabbasampattīnaṃ aggabhūtāya paramadullabhāya buddhabhūmiyā sampattihetubhāvato ca ‘‘paramo kalyāṇamitto’’ti ca paccavekkhitabbaṃ.

    д̇ат̇аа ‘‘ул̣аарз гаммани анзнаахам̣ самбхаавид̇о, д̇асмаа саа самбхааванаа авид̇ат̇аа гаад̇аб̣б̣аа’’д̇и жа, ‘‘зганд̇абхзд̣̇ид̇ааяа ж̇ийвид̇асса аяаажид̇знааби маяаа д̣̇аад̇аб̣б̣ам̣, баг̇зва яаажид̇знаа’’д̇и жа, ‘‘ул̣аараж̇жхаасаязхи г̇авзсид̇вааби д̣̇аад̇аб̣б̣ад̇о саяамзвааг̇ад̇о мама бун̃н̃знаа’’д̇и жа ‘‘яаажагасса д̣̇аанаабад̣̇зсзна маяхамзвааяамануг̇г̇ахо’’д̇и жа, ‘‘ахам̣ вияа аяам̣ саб̣б̣оби лого маяаа ануг̇г̇ахзд̇аб̣б̣о’’д̇и жа, ‘‘асад̇и яаажагз гат̇ам̣ маяхам̣ д̣̇аанабаарамий буурзяяаа’’д̇и жа, ‘‘яаажагаанамзва жад̇т̇ааяа маяаа саб̣б̣о бариг̇г̇ахзд̇аб̣б̣о’’д̇и жа, ‘‘мам̣ аяаажид̇ваава мама санд̇агам̣ яаажагаа гад̣̇аа саяамзва г̇ан̣хзяяу’’нд̇и жа, ‘‘гат̇амахам̣ яаажагаанам̣ бияо жассам̣ манаабо’’д̇и жа, ‘‘гат̇ам̣ ваа д̇з маяхам̣ бияаа жассу манаабаа’’д̇и жа, ‘‘гат̇ам̣ ваахам̣ д̣̇ад̣̇амаано д̣̇ад̇вааби жа ад̇д̇амано жассам̣ бамуд̣̇ид̇о бийд̇исоманассаж̇аад̇о’’д̇и жа, ‘‘гат̇ам̣ ваа мз яаажагаа бхавзяяум̣ ул̣ааро жа д̣̇аанаж̇жхаасаяо’’д̇и жа, ‘‘гат̇ам̣ ваахамаяаажид̇о зва яаажагаанам̣ хад̣̇аяаман̃н̃ааяа д̣̇ад̣̇зяяа’’нд̇и жа, ‘‘сад̇и д̇ханз яаажагз жа абарижжааг̇о махад̇ий маяхам̣ ван̃жанаа’’д̇и жа, ‘‘гат̇ам̣ ваахам̣ ад̇д̇ано ан̇г̇аани ж̇ийвид̇ам̣ вааби яаажагаанам̣ барижжаж̇зяяа’’нд̇и жа барижжааг̇аниннад̇аа убадтабзд̇аб̣б̣аа. аби жа ‘‘ад̇т̇о наамааяам̣ нирабзгкам̣ д̣̇ааяагамануг̇ажчад̇и, яат̇аа д̇ам̣ нирабзгкам̣ кзбагам̣ гидаго’’д̇и жа ад̇т̇з нирабзгкад̇ааяа жид̇д̇ам̣ уббаад̣̇зд̇аб̣б̣ам̣.

    Tathā ‘‘uḷāre kammani anenāhaṃ sambhāvito, tasmā sā sambhāvanā avitathā kātabbā’’ti ca, ‘‘ekantabheditāya jīvitassa ayācitenāpi mayā dātabbaṃ, pageva yācitenā’’ti ca, ‘‘uḷārajjhāsayehi gavesitvāpi dātabbato sayamevāgato mama puññenā’’ti ca ‘‘yācakassa dānāpadesena mayhamevāyamanuggaho’’ti ca, ‘‘ahaṃ viya ayaṃ sabbopi loko mayā anuggahetabbo’’ti ca, ‘‘asati yācake kathaṃ mayhaṃ dānapāramī pūreyyā’’ti ca, ‘‘yācakānameva catthāya mayā sabbo pariggahetabbo’’ti ca, ‘‘maṃ ayācitvāva mama santakaṃ yācakā kadā sayameva gaṇheyyu’’nti ca, ‘‘kathamahaṃ yācakānaṃ piyo cassaṃ manāpo’’ti ca, ‘‘kathaṃ vā te mayhaṃ piyā cassu manāpā’’ti ca, ‘‘kathaṃ vāhaṃ dadamāno datvāpi ca attamano cassaṃ pamudito pītisomanassajāto’’ti ca, ‘‘kathaṃ vā me yācakā bhaveyyuṃ uḷāro ca dānajjhāsayo’’ti ca, ‘‘kathaṃ vāhamayācito eva yācakānaṃ hadayamaññāya dadeyya’’nti ca, ‘‘sati dhane yācake ca apariccāgo mahatī mayhaṃ vañcanā’’ti ca, ‘‘kathaṃ vāhaṃ attano aṅgāni jīvitaṃ vāpi yācakānaṃ pariccajeyya’’nti ca pariccāganinnatā upaṭṭhapetabbā. Api ca ‘‘attho nāmāyaṃ nirapekkhaṃ dāyakamanugacchati, yathā taṃ nirapekkhaṃ khepakaṃ kiṭako’’ti ca atthe nirapekkhatāya cittaṃ uppādetabbaṃ.

    яаажамаано бана яад̣̇и бияабуг̇г̇ало ход̇и, ‘‘бияо мам̣ яаажад̇ий’’д̇и соманассам̣ уббаад̣̇зд̇аб̣б̣ам̣. ат̇а уд̣̇аасийнабуг̇г̇ало ход̇и, ‘‘аяам̣ мам̣ яаажамаано ад̣̇д̇хаа иминаа барижжааг̇зна мид̇д̇о ход̇ий’’д̇и соманассам̣ уббаад̣̇зд̇аб̣б̣ам̣. д̣̇ад̣̇анд̇оби хи яаажагаанам̣ бияо ход̇ийд̇и. ат̇а бана взрий буг̇г̇ало яаажад̇и, ‘‘бажжад̇т̇иго мам̣ яаажад̇и, аяам̣ мам̣ яаажамаано ад̣̇д̇хаа иминаа барижжааг̇зна взрий бияо мид̇д̇о ход̇ий’’д̇и висзсзна соманассам̣ уббаад̣̇зд̇аб̣б̣ам̣. звам̣ бияабуг̇г̇алз вияа маж̇жхад̇д̇авзрибуг̇г̇алзсуби мзд̇д̇аабуб̣б̣ан̇г̇амам̣ гарун̣ам̣ убадтабзд̇ваава д̣̇аад̇аб̣б̣ам̣.

    Yācamāno pana yadi piyapuggalo hoti, ‘‘piyo maṃ yācatī’’ti somanassaṃ uppādetabbaṃ. Atha udāsīnapuggalo hoti, ‘‘ayaṃ maṃ yācamāno addhā iminā pariccāgena mitto hotī’’ti somanassaṃ uppādetabbaṃ. Dadantopi hi yācakānaṃ piyo hotīti. Atha pana verī puggalo yācati, ‘‘paccatthiko maṃ yācati, ayaṃ maṃ yācamāno addhā iminā pariccāgena verī piyo mitto hotī’’ti visesena somanassaṃ uppādetabbaṃ. Evaṃ piyapuggale viya majjhattaveripuggalesupi mettāpubbaṅgamaṃ karuṇaṃ upaṭṭhapetvāva dātabbaṃ.

    сажз банасса жирагаалабарибхаавид̇ад̇д̇аа лобхасса д̣̇зяяад̇хаммависаяаа лобхад̇хаммаа уббаж̇ж̇зяяум̣, д̇зна б̣од̇хисад̇д̇абадин̃н̃зна ид̇и бадисан̃жигкид̇аб̣б̣ам̣ ‘‘нану д̇аяаа саббурисасамб̣од̇хааяа абхинийхаарам̣ гаронд̇зна саб̣б̣асад̇д̇аанам̣ убагаарад̇т̇ааяа аяам̣ гааяо ниссадто д̇аббарижжааг̇амаяан̃жа бун̃н̃ам̣, д̇ад̇т̇а наама д̇з б̣аахирзби вад̇т̇усмим̣ абхисан̇г̇аббавад̇д̇и хад̇т̇исинаанасад̣̇исий ход̇и, д̇асмаа д̇аяаа на гад̇т̇ажи сан̇г̇о уббаад̣̇зд̇аб̣б̣о. сзяяат̇ааби наама махад̇о бхзсаж̇ж̇аругкасса д̇идтад̇о муулам̣ муулад̇т̇игаа харанд̇и, бабадигам̣ д̇ажам̣ канд̇хам̣ видабам̣ саарам̣ саакам̣ балаасам̣ бубпам̣ палам̣ палад̇т̇игаа харанд̇и, на д̇асса ругкасса ‘маяхам̣ санд̇агам̣ зд̇з харанд̇ий’д̇и вид̇аггасамуд̣̇аажааро ход̇и, звамзва саб̣б̣алогахид̇ааяа уссуггамаабаж̇ж̇анд̇зна маяаа махаад̣̇угкз агад̇ан̃н̃угз нижжаасужимхи гааяз барзсам̣ убагаарааяа винияуж̇ж̇амаанз ан̣умад̇д̇оби мижчаавид̇агго на уббаад̣̇зд̇аб̣б̣о. го ваа зд̇т̇а висзсо аж̇жхад̇д̇игаб̣аахирзсу махаабхууд̇зсу зганд̇абхзд̣̇анавигиран̣авид̣̇д̇хам̣санад̇хаммзсу, гзвалам̣ бана саммохавиж̇амбхид̇амзд̇ам̣, яад̣̇ид̣̇ам̣ зд̇ам̣ мама зсохамасми зсо мз ад̇д̇аад̇и абхинивзсо. д̇асмаа б̣аахирзсу вияа аж̇жхад̇д̇игзсуби гаражаран̣анаяанаад̣̇ийсу мам̣саад̣̇ийсу жа анабзгкзна худ̇ваа ‘д̇ам̣ д̇ад̣̇ад̇т̇игаа харанд̇уу’д̇и ниссадтажид̇д̇зна бхавид̇аб̣б̣а’’нд̇и.

    Sace panassa cirakālaparibhāvitattā lobhassa deyyadhammavisayā lobhadhammā uppajjeyyuṃ, tena bodhisattapaṭiññena iti paṭisañcikkhitabbaṃ ‘‘nanu tayā sappurisasambodhāya abhinīhāraṃ karontena sabbasattānaṃ upakāratthāya ayaṃ kāyo nissaṭṭho tappariccāgamayañca puññaṃ, tattha nāma te bāhirepi vatthusmiṃ abhisaṅgappavatti hatthisinānasadisī hoti, tasmā tayā na katthaci saṅgo uppādetabbo. Seyyathāpi nāma mahato bhesajjarukkhassa tiṭṭhato mūlaṃ mūlatthikā haranti, papaṭikaṃ tacaṃ khandhaṃ viṭapaṃ sāraṃ sākhaṃ palāsaṃ pupphaṃ phalaṃ phalatthikā haranti, na tassa rukkhassa ‘mayhaṃ santakaṃ ete harantī’ti vitakkasamudācāro hoti, evameva sabbalokahitāya ussukkamāpajjantena mayā mahādukkhe akataññuke niccāsucimhi kāye paresaṃ upakārāya viniyujjamāne aṇumattopi micchāvitakko na uppādetabbo. Ko vā ettha viseso ajjhattikabāhiresu mahābhūtesu ekantabhedanavikiraṇaviddhaṃsanadhammesu, kevalaṃ pana sammohavijambhitametaṃ, yadidaṃ etaṃ mama esohamasmi eso me attāti abhiniveso. Tasmā bāhiresu viya ajjhattikesupi karacaraṇanayanādīsu maṃsādīsu ca anapekkhena hutvā ‘taṃ tadatthikā harantū’ti nissaṭṭhacittena bhavitabba’’nti.

    звам̣ бадисан̃жигкад̇о жасса самб̣од̇хааяа бахид̇ад̇д̇асса гааяаж̇ийвид̇зсу нирабзгкасса аббагасирзнзва гааяаважийманогаммаани сувисуд̣̇д̇хаани хонд̇и. со сувисуд̣̇д̇хагааяаважийманогамманд̇о висуд̣̇д̇хааж̇ийво н̃ааяабадибад̇д̇ияам̣ тид̇о абааяубааяагосалласаманнааг̇амзна бхияяосомад̇д̇ааяа д̣̇зяяад̇хаммабарижжааг̇зна абхаяад̣̇аанасад̣̇д̇хаммад̣̇аанзхи жа саб̣б̣асад̇д̇з ануг̇г̇ан̣хид̇ум̣ самад̇т̇о ход̇ийд̇и аяам̣ д̇аава д̣̇аанабаарамияам̣ бажжавзгкан̣аанаяо.

    Evaṃ paṭisañcikkhato cassa sambodhāya pahitattassa kāyajīvitesu nirapekkhassa appakasireneva kāyavacīmanokammāni suvisuddhāni honti. So suvisuddhakāyavacīmanokammanto visuddhājīvo ñāyapaṭipattiyaṃ ṭhito apāyupāyakosallasamannāgamena bhiyyosomattāya deyyadhammapariccāgena abhayadānasaddhammadānehi ca sabbasatte anuggaṇhituṃ samattho hotīti ayaṃ tāva dānapāramiyaṃ paccavekkhaṇānayo.

    сийлабаарамияам̣ бана звам̣ бажжавзгкид̇аб̣б̣ам̣ – ид̣̇ан̃хи сийлам̣ наама г̇ан̇г̇од̣̇агаад̣̇ийхи висод̇хзд̇ум̣ асаггун̣зяяасса д̣̇осамаласса вигкааланаж̇алам̣, харижанд̣̇анаад̣̇ийхи винзд̇ум̣ асаггун̣зяяасса рааг̇аад̣̇ибарил̣аахасса винаяанам̣, хаарамагудагун̣д̣алаад̣̇ийхи бажураж̇анаалан̇гаарзхи асаад̇хааран̣о саад̇хуунам̣ алан̇гаарависзсо, саб̣б̣ад̣̇исаавааяанад̇о агид̇д̇имо саб̣б̣агаалаануруубо жа сурабхиг̇анд̇хо, кад̇д̇ияамахаасаалаад̣̇ийхи д̣̇звад̇аахи жа ванд̣̇анийяаад̣̇ибхаавааваханад̇о барамо васийгаран̣аманд̇о, жаад̇умахаарааж̇игаад̣̇ид̣̇звалогаарохан̣асобаанабанд̇и , жхаанаабхин̃н̃аанам̣ ад̇хиг̇амуубааяо, ниб̣б̣аанамахаанаг̇арасса самбаабагамаг̇г̇о, саавагаб̣од̇хибажжзгаб̣од̇хисаммаасамб̣од̇хийнам̣ бад̇идтаанабхууми, яам̣ яам̣ ваа банижчид̇ам̣ бад̇т̇ид̇ам̣, д̇асса д̇асса самиж̇жхануубааяабхаавад̇о жинд̇ааман̣игаббаругкаад̣̇игз жа ад̇исзд̇и.

    Sīlapāramiyaṃ pana evaṃ paccavekkhitabbaṃ – idañhi sīlaṃ nāma gaṅgodakādīhi visodhetuṃ asakkuṇeyyassa dosamalassa vikkhālanajalaṃ, haricandanādīhi vinetuṃ asakkuṇeyyassa rāgādipariḷāhassa vinayanaṃ, hāramakuṭakuṇḍalādīhi pacurajanālaṅkārehi asādhāraṇo sādhūnaṃ alaṅkāraviseso, sabbadisāvāyanato akittimo sabbakālānurūpo ca surabhigandho, khattiyamahāsālādīhi devatāhi ca vandanīyādibhāvāvahanato paramo vasīkaraṇamanto, cātumahārājikādidevalokārohaṇasopānapanti , jhānābhiññānaṃ adhigamūpāyo, nibbānamahānagarassa sampāpakamaggo, sāvakabodhipaccekabodhisammāsambodhīnaṃ patiṭṭhānabhūmi, yaṃ yaṃ vā panicchitaṃ patthitaṃ, tassa tassa samijjhanūpāyabhāvato cintāmaṇikapparukkhādike ca atiseti.

    вуд̇д̇ан̃жзд̇ам̣ бхаг̇авад̇аа – ‘‘иж̇жхад̇и, бхигкавз, сийлавад̇о жзд̇обан̣ид̇хивисуд̣̇д̇хад̇д̇аа’’д̇и (д̣̇ий. ни. 3.337; а. ни. 8.35). абарамби вуд̇д̇ам̣ – ‘‘ааган̇кзяяа жз, бхигкавз, бхигку ‘саб̣рахмажаарийнам̣ бияо жа ассам̣ манаабо жа г̇ару жа бхааванийяо жаа’д̇и, сийлзсвзвасса барибуурагаарий’’д̇иаад̣̇и (ма. ни. 1.65). д̇ат̇аа ‘‘авиббадисаарад̇т̇аани ко, аананд̣̇а, гусалаани сийлааний’’д̇и (а. ни. 11.1). ‘‘бан̃жимз, г̇ахабад̇аяо, аанисам̣саа сийлавад̇о сийласамбад̣̇ааяаа’’д̇иаад̣̇исуд̇д̇аанан̃жа (д̣̇ий. ни. 2.150; 3.316; а. ни. 5.213; махаава. 285) васзна сийласса г̇ун̣аа бажжавзгкид̇аб̣б̣аа. д̇ат̇аа аг̇г̇игканд̇хобамасуд̇д̇аад̣̇ийнам̣ (а. ни. 7.72) васзна сийлавирахз аад̣̇ийнаваа. бийд̇исоманассанимид̇д̇ад̇о ад̇д̇аануваад̣̇абараабаваад̣̇ад̣̇ан̣д̣ад̣̇уг̇г̇ад̇ибхаяаабхаавад̇о вин̃н̃уухи баасам̣сабхаавад̇о авиббадисаарахзд̇уд̇о сод̇т̇идтаанад̇о ад̇иж̇анасаабад̇зяяаад̇хибад̇зяяааяуруубадтаанаб̣анд̇хумид̇д̇асамбад̇д̇ийнам̣ ад̇исаяанад̇о жа сийлам̣ бажжавзгкид̇аб̣б̣ам̣. сийлавад̇о хи ад̇д̇ано сийласамбад̣̇аахзд̇у маханд̇ам̣ бийд̇исоманассам̣ уббаж̇ж̇ад̇и – ‘‘гад̇ам̣ вад̇а маяаа гусалам̣, гад̇ам̣ галяаан̣ам̣, гад̇ам̣ бхийруд̇д̇аан̣а’’нд̇и.

    Vuttañcetaṃ bhagavatā – ‘‘ijjhati, bhikkhave, sīlavato cetopaṇidhivisuddhattā’’ti (dī. ni. 3.337; a. ni. 8.35). Aparampi vuttaṃ – ‘‘ākaṅkheyya ce, bhikkhave, bhikkhu ‘sabrahmacārīnaṃ piyo ca assaṃ manāpo ca garu ca bhāvanīyo cā’ti, sīlesvevassa paripūrakārī’’tiādi (ma. ni. 1.65). Tathā ‘‘avippaṭisāratthāni kho, ānanda, kusalāni sīlānī’’ti (a. ni. 11.1). ‘‘Pañcime, gahapatayo, ānisaṃsā sīlavato sīlasampadāyā’’tiādisuttānañca (dī. ni. 2.150; 3.316; a. ni. 5.213; mahāva. 285) vasena sīlassa guṇā paccavekkhitabbā. Tathā aggikkhandhopamasuttādīnaṃ (a. ni. 7.72) vasena sīlavirahe ādīnavā. Pītisomanassanimittato attānuvādaparāpavādadaṇḍaduggatibhayābhāvato viññūhi pāsaṃsabhāvato avippaṭisārahetuto sotthiṭṭhānato atijanasāpateyyādhipateyyāyurūpaṭṭhānabandhumittasampattīnaṃ atisayanato ca sīlaṃ paccavekkhitabbaṃ. Sīlavato hi attano sīlasampadāhetu mahantaṃ pītisomanassaṃ uppajjati – ‘‘kataṃ vata mayā kusalaṃ, kataṃ kalyāṇaṃ, kataṃ bhīruttāṇa’’nti.

    д̇ат̇аа сийлавад̇о ад̇д̇аа на убавад̣̇ад̇и, на барз вин̃н̃уу, д̣̇ан̣д̣ад̣̇уг̇г̇ад̇ибхаяаанам̣ самбхаво зва над̇т̇и. ‘‘сийлаваа бурисабуг̇г̇ало галяаан̣ад̇хаммо’’д̇и вин̃н̃уунам̣ баасам̣со ход̇и. д̇ат̇аа сийлавад̇о явааяам̣ ‘‘гад̇ам̣ вад̇а маяаа баабам̣, гад̇ам̣ луд̣̇д̣̇агам̣, гад̇ам̣ гиб̣б̣иса’’нд̇и д̣̇уссийласса виббадисааро уббаж̇ж̇ад̇и, со на ход̇и. сийлан̃жа наамзд̇ам̣ аббамаад̣̇аад̇хидтаанад̇о бхог̇аб̣яасанаад̣̇ибарихаарамукзна махад̇о ад̇т̇асса саад̇ханад̇о ман̇г̇алабхаавад̇о жа барамам̣ сод̇т̇идтаанам̣, нихийнаж̇ажжоби сийлаваа кад̇д̇ияамахаасаалаад̣̇ийнам̣ бууж̇анийяо ход̇ийд̇и гуласамбад̇д̇им̣ ад̇исзд̇и сийласамбад̣̇аа, ‘‘д̇ам̣ гим̣ ман̃н̃аси, махаарааж̇а? ид̇ха д̇з асса д̣̇аасо гаммагаро’’д̇иаад̣̇иважанан̃жзд̇т̇а (д̣̇ий. ни. 1.186) саад̇хагам̣. жораад̣̇ийхи асаад̇хааран̣ад̇о баралогаануг̇аманад̇о махабпалабхаавад̇о самат̇аад̣̇иг̇ун̣аад̇хидтаанад̇о жа б̣аахирад̇ханам̣ ад̇исзд̇и сийлам̣. барамасса жид̇д̇иссарияасса ад̇хидтаанабхаавад̇о кад̇д̇ияаад̣̇ийнам̣ иссарияам̣ ад̇исзд̇и сийлам̣. сийланимид̇д̇ан̃хи д̇ам̣д̇ам̣сад̇д̇анигааязсу сад̇д̇аанам̣ иссарияам̣, вассасад̇ад̣̇ийгхаббамаан̣ад̇о ж̇ийвид̇ад̇о згаахамби сийлавад̇о ж̇ийвид̇асса висидтад̇ааважанад̇о сад̇и жа ж̇ийвид̇з сигкаанигкибанасса маран̣ад̇ааважанад̇о сийлам̣ ж̇ийвид̇ад̇о висидтад̇арам̣ . взрийнамби манун̃н̃абхаавааваханад̇о ж̇араарог̇авибад̇д̇ийхи анабхибхаванийяад̇о жа руубасамбад̇д̇им̣ ад̇исзд̇и сийлам̣. баасаад̣̇ахаммияаад̣̇идтаанависзсз рааж̇аяуварааж̇асзнаабад̇иаад̣̇идтаанависзсз жа ад̇исзд̇и сийлам̣ сукависзсаад̇хидтаанабхаавад̇о. сабхаавасинид̣̇д̇хз санд̇игааважарзби б̣анд̇хуж̇анз мид̇д̇аж̇анз жа ад̇исзд̇и зганд̇ахид̇асамбаад̣̇анад̇о баралогаануг̇аманад̇о жа ‘‘на д̇ам̣ маад̇аабид̇аа гаяираа’’д̇иаад̣̇иважанан̃жзд̇т̇а (д̇ха. ба. 43) саад̇хагам̣. д̇ат̇аа хад̇т̇иассарат̇абад̇д̇иб̣алагааязхи манд̇ааг̇ад̣̇асод̇т̇аанаббаяог̇зхи жа д̣̇ураарагкам̣ ад̇д̇аанам̣ аарагкаабхаавзна сийламзва висидтад̇арам̣ ад̇д̇аад̇хийнад̇о абараад̇хийнад̇о махаависаяад̇о жа. д̇знзвааха – ‘‘д̇хаммо хавз рагкад̇и д̇хаммажаари’’нд̇иаад̣̇и (ж̇аа. 1.10.102). зваманзгаг̇ун̣асаманнааг̇ад̇ам̣ сийланд̇и бажжавзгканд̇асса абарибун̣н̣аа жзва сийласамбад̣̇аа баарибуурим̣ г̇ажчад̇и абарисуд̣̇д̇хаа жа баарисуд̣̇д̇хим̣.

    Tathā sīlavato attā na upavadati, na pare viññū, daṇḍaduggatibhayānaṃ sambhavo eva natthi. ‘‘Sīlavā purisapuggalo kalyāṇadhammo’’ti viññūnaṃ pāsaṃso hoti. Tathā sīlavato yvāyaṃ ‘‘kataṃ vata mayā pāpaṃ, kataṃ luddakaṃ, kataṃ kibbisa’’nti dussīlassa vippaṭisāro uppajjati, so na hoti. Sīlañca nāmetaṃ appamādādhiṭṭhānato bhogabyasanādiparihāramukhena mahato atthassa sādhanato maṅgalabhāvato ca paramaṃ sotthiṭṭhānaṃ, nihīnajaccopi sīlavā khattiyamahāsālādīnaṃ pūjanīyo hotīti kulasampattiṃ atiseti sīlasampadā, ‘‘taṃ kiṃ maññasi, mahārāja? Idha te assa dāso kammakaro’’tiādivacanañcettha (dī. ni. 1.186) sādhakaṃ. Corādīhi asādhāraṇato paralokānugamanato mahapphalabhāvato samathādiguṇādhiṭṭhānato ca bāhiradhanaṃ atiseti sīlaṃ. Paramassa cittissariyassa adhiṭṭhānabhāvato khattiyādīnaṃ issariyaṃ atiseti sīlaṃ. Sīlanimittañhi taṃtaṃsattanikāyesu sattānaṃ issariyaṃ, vassasatadīghappamāṇato jīvitato ekāhampi sīlavato jīvitassa visiṭṭhatāvacanato sati ca jīvite sikkhānikkhipanassa maraṇatāvacanato sīlaṃ jīvitato visiṭṭhataraṃ . Verīnampi manuññabhāvāvahanato jarārogavipattīhi anabhibhavanīyato ca rūpasampattiṃ atiseti sīlaṃ. Pāsādahammiyādiṭṭhānavisese rājayuvarājasenāpatiādiṭṭhānavisese ca atiseti sīlaṃ sukhavisesādhiṭṭhānabhāvato. Sabhāvasiniddhe santikāvacarepi bandhujane mittajane ca atiseti ekantahitasampādanato paralokānugamanato ca ‘‘na taṃ mātāpitā kayirā’’tiādivacanañcettha (dha. pa. 43) sādhakaṃ. Tathā hatthiassarathapattibalakāyehi mantāgadasotthānappayogehi ca durārakkhaṃ attānaṃ ārakkhābhāvena sīlameva visiṭṭhataraṃ attādhīnato aparādhīnato mahāvisayato ca. Tenevāha – ‘‘dhammo have rakkhati dhammacāri’’ntiādi (jā. 1.10.102). Evamanekaguṇasamannāgataṃ sīlanti paccavekkhantassa aparipuṇṇā ceva sīlasampadā pāripūriṃ gacchati aparisuddhā ca pārisuddhiṃ.

    сажз банасса д̣̇ийгхарад̇д̇ам̣ барижаязна сийлабадибагкаа д̇хаммаа д̣̇осаад̣̇аяо анд̇аранд̇араа уббаж̇ж̇зяяум̣, д̇зна б̣од̇хисад̇д̇абадин̃н̃зна звам̣ бадисан̃жигкид̇аб̣б̣ам̣ – нану д̇аяаа самб̣од̇хааяа бан̣ид̇хаанам̣ гад̇ам̣, сийлавигалзна жа на саггаа логияааби самбад̇д̇ияо баабун̣ид̇ум̣, баг̇зва логуд̇д̇араа, саб̣б̣асамбад̇д̇ийнам̣ бана аг̇г̇абхууд̇ааяа саммаасамб̣од̇хияаа ад̇хидтаанабхууд̇зна сийлзна барамуггам̣саг̇ад̇зна бхавид̇аб̣б̣ам̣, д̇асмаа ‘‘гигийва ан̣д̣а’’нд̇иаад̣̇инаа (висуд̣̇д̇хи. 1.19; д̣̇ий. ни. адта. 1.7) вуд̇д̇анаязна саммаа сийлам̣ рагканд̇зна судтуд̇арам̣ д̇аяаа бзсалзна бхавид̇аб̣б̣ам̣.

    Sace panassa dīgharattaṃ paricayena sīlapaṭipakkhā dhammā dosādayo antarantarā uppajjeyyuṃ, tena bodhisattapaṭiññena evaṃ paṭisañcikkhitabbaṃ – nanu tayā sambodhāya paṇidhānaṃ kataṃ, sīlavikalena ca na sakkā lokiyāpi sampattiyo pāpuṇituṃ, pageva lokuttarā, sabbasampattīnaṃ pana aggabhūtāya sammāsambodhiyā adhiṭṭhānabhūtena sīlena paramukkaṃsagatena bhavitabbaṃ, tasmā ‘‘kikīva aṇḍa’’ntiādinā (visuddhi. 1.19; dī. ni. aṭṭha. 1.7) vuttanayena sammā sīlaṃ rakkhantena suṭṭhutaraṃ tayā pesalena bhavitabbaṃ.

    аби жа д̇аяаа д̇хаммад̣̇зсанааяа яаанад̇д̇аяз сад̇д̇аанам̣ авад̇ааран̣абарибаажанаани гаад̇аб̣б̣аани, сийлавигаласса жа важанам̣ на бажжзд̇аб̣б̣ам̣ ход̇и, асаббааяаахааравижаарасса вияа взж̇ж̇асса д̇игижчанам̣, д̇асмаа гат̇аахам̣ сад̣̇д̇хзяяо худ̇ваа сад̇д̇аанам̣ авад̇ааран̣абарибаажанаани гарзяяанд̇и сабхаавабарисуд̣̇д̇хасийлзна бхавид̇аб̣б̣ам̣. гин̃жа жхаанаад̣̇иг̇ун̣ависзсаяог̇зна мз сад̇д̇аанам̣ убагаарагаран̣асамад̇т̇ад̇аа бан̃н̃аабаарамиаад̣̇ибарибууран̣ан̃жа, жхаанаад̣̇аяо жа г̇ун̣аа сийлабаарисуд̣̇д̇хим̣ винаа на самбхаванд̇ийд̇и саммад̣̇зва сийлам̣ барисод̇хзд̇аб̣б̣ам̣.

    Api ca tayā dhammadesanāya yānattaye sattānaṃ avatāraṇaparipācanāni kātabbāni, sīlavikalassa ca vacanaṃ na paccetabbaṃ hoti, asappāyāhāravicārassa viya vejjassa tikicchanaṃ, tasmā kathāhaṃ saddheyyo hutvā sattānaṃ avatāraṇaparipācanāni kareyyanti sabhāvaparisuddhasīlena bhavitabbaṃ. Kiñca jhānādiguṇavisesayogena me sattānaṃ upakārakaraṇasamatthatā paññāpāramiādiparipūraṇañca, jhānādayo ca guṇā sīlapārisuddhiṃ vinā na sambhavantīti sammadeva sīlaṃ parisodhetabbaṃ.

    д̇ат̇аа ‘‘самб̣аад̇хо гхарааваасо раж̇обат̇о’’д̇иаад̣̇инаа (д̣̇ий. ни. 1.191; сам̣. ни. 2.154; ма. ни. 1.291; 2.10) гхарааваасз, ‘‘адтиган̇галуубамаа гаамаа’’д̇иаад̣̇инаа (ма. ни. 1.234; баажи. 175) ‘‘маад̇ааби буд̇д̇зна вивад̣̇ад̇ий’’д̇иаад̣̇инаа (ма. ни. 1.178) жа гаамзсу, ‘‘сзяяат̇ааби бурисо ин̣ам̣ аад̣̇ааяа гамманд̇з баяож̇зяяаа’’д̇иаад̣̇инаа (д̣̇ий. ни. 1.218) гаамажчанд̣̇аад̣̇ийсу аад̣̇ийнавад̣̇ассанабуб̣б̣ан̇г̇амаа вуд̇д̇авибарияааязна ‘‘аб̣бхогаасо баб̣б̣аж̇ж̇аа’’д̇иаад̣̇инаа (д̣̇ий. ни. 1.191; сам̣. ни. 2.154) баб̣б̣аж̇ж̇аад̣̇ийсу аанисам̣сабадисан̇каавасзна нзгкаммабаарамияам̣ бажжавзгкан̣аа взд̣̇ид̇аб̣б̣аа. аяамзд̇т̇а сан̇кзбо, вид̇т̇ааро бана д̣̇угкагканд̇ха- (ма. ни. 1.163 аад̣̇аяо) аасивисобамасуд̇д̇аа- (сам̣. ни. 4.238) д̣̇ивасзна взд̣̇ид̇аб̣б̣о.

    Tathā ‘‘sambādho gharāvāso rajopatho’’tiādinā (dī. ni. 1.191; saṃ. ni. 2.154; ma. ni. 1.291; 2.10) gharāvāse, ‘‘aṭṭhikaṅkalūpamā kāmā’’tiādinā (ma. ni. 1.234; pāci. 175) ‘‘mātāpi puttena vivadatī’’tiādinā (ma. ni. 1.178) ca kāmesu, ‘‘seyyathāpi puriso iṇaṃ ādāya kammante payojeyyā’’tiādinā (dī. ni. 1.218) kāmacchandādīsu ādīnavadassanapubbaṅgamā vuttavipariyāyena ‘‘abbhokāso pabbajjā’’tiādinā (dī. ni. 1.191; saṃ. ni. 2.154) pabbajjādīsu ānisaṃsapaṭisaṅkhāvasena nekkhammapāramiyaṃ paccavekkhaṇā veditabbā. Ayamettha saṅkhepo, vitthāro pana dukkhakkhandha- (ma. ni. 1.163 ādayo) āsivisopamasuttā- (saṃ. ni. 4.238) divasena veditabbo.

    д̇ат̇аа ‘‘бан̃н̃ааяа винаа д̣̇аанаад̣̇аяо д̇хаммаа на висуж̇жханд̇и, яат̇аасагам̣ б̣яаабаарасамад̇т̇аа жа на хонд̇ий’’д̇и бан̃н̃ааг̇ун̣аа манасигаад̇аб̣б̣аа. яат̇зва хи ж̇ийвид̇зна винаа сарийраяанд̇ам̣ на собхад̇и, на жа ад̇д̇ано гирияаасу бадибад̇д̇исамад̇т̇ам̣ ход̇и, яат̇аа жа жагкаад̣̇ийни инд̣̇рияаани вин̃н̃аан̣зна винаа яат̇аасагам̣ висаязсу гижжам̣ гаад̇ум̣ наббахонд̇и, звам̣ сад̣̇д̇хаад̣̇ийни инд̣̇рияаани бан̃н̃ааяа винаа сагижжабадибад̇д̇ияам̣ асамад̇т̇аанийд̇и барижжааг̇аад̣̇ибадибад̇д̇ияам̣ бан̃н̃аа бад̇хаанагааран̣ам̣. уммийлид̇абан̃н̃аажагкугаа хи махааб̣од̇хисад̇д̇аа ад̇д̇ано ан̇г̇абажжан̇г̇ааниби д̣̇ад̇ваа анад̇д̇уггам̣сагаа абаравамбхагаа жа хонд̇и, бхзсаж̇ж̇аругкаа вияа вигаббарахид̇аа гаалад̇д̇аязби соманассаж̇аад̇аа. бан̃н̃аавасзна хи убааяагосаллаяог̇ад̇о барижжааг̇о барахид̇аббавад̇д̇ияаа д̣̇аанабаарамибхаавам̣ убзд̇и. ад̇д̇ад̇т̇ан̃хи д̣̇аанам̣ вад̣дхисад̣̇исам̣ ход̇и.

    Tathā ‘‘paññāya vinā dānādayo dhammā na visujjhanti, yathāsakaṃ byāpārasamatthā ca na hontī’’ti paññāguṇā manasikātabbā. Yatheva hi jīvitena vinā sarīrayantaṃ na sobhati, na ca attano kiriyāsu paṭipattisamatthaṃ hoti, yathā ca cakkhādīni indriyāni viññāṇena vinā yathāsakaṃ visayesu kiccaṃ kātuṃ nappahonti, evaṃ saddhādīni indriyāni paññāya vinā sakiccapaṭipattiyaṃ asamatthānīti pariccāgādipaṭipattiyaṃ paññā padhānakāraṇaṃ. Ummīlitapaññācakkhukā hi mahābodhisattā attano aṅgapaccaṅgānipi datvā anattukkaṃsakā aparavambhakā ca honti, bhesajjarukkhā viya vikapparahitā kālattayepi somanassajātā. Paññāvasena hi upāyakosallayogato pariccāgo parahitappavattiyā dānapāramibhāvaṃ upeti. Attatthañhi dānaṃ vaḍḍhisadisaṃ hoti.

    д̇ат̇аа бан̃н̃ааяа абхаавзна д̇ан̣хаад̣̇исам̣гилзсаавияог̇ад̇о сийласса висуд̣̇д̇хи зва на самбхавад̇и, гуд̇о саб̣б̣ан̃н̃уг̇ун̣аад̇хидтаанабхааво. бан̃н̃аваа зва жа гхарааваасз гаамаг̇ун̣зсу сам̣саарз жа аад̣̇ийнавам̣ баб̣б̣аж̇ж̇ааяа жхаанасамаабад̇д̇ияам̣ ниб̣б̣аанз жа аанисам̣сам̣ судту саллагкзнд̇о баб̣б̣аж̇ид̇ваа жхаанасамаабад̇д̇ияо ниб̣б̣ад̇д̇зд̇ваа ниб̣б̣аанаабхимуко барз жа д̇ад̇т̇а бад̇идтаабзд̇и. вийрияан̃жа бан̃н̃аавирахид̇ам̣ яат̇ижчид̇амад̇т̇ам̣ на саад̇хзд̇и д̣̇ураарамбхабхаавад̇о. варамзва хи анаарамбхо д̣̇ураарамбхад̇о, бан̃н̃аасахид̇зна бана вийриязна на гин̃жи д̣̇урад̇хиг̇амам̣ убааяабадибад̇д̇ид̇о. д̇ат̇аа бан̃н̃аваа зва бараабагаараад̣̇ийнам̣ ад̇хиваасагаж̇аад̇иго ход̇и, на д̣̇уббан̃н̃о. бан̃н̃аавирахид̇асса жа барзхи убанийд̇аа абагаараа канд̇ияаа бадибагкамзва ануб̣руухзнд̇и, бан̃н̃авад̇о бана д̇з канд̇исамбад̇д̇ияаа бариб̣рууханавасзна ассаа т̇ирабхаавааяа сам̣вад̇д̇анд̇и. бан̃н̃аваа зва д̇ийн̣иби сажжаани нзсам̣ гааран̣аани бадибагкз жа яат̇аабхууд̇ам̣ ж̇аанид̇ваа барзсам̣ ависам̣ваад̣̇аго ход̇и.

    Tathā paññāya abhāvena taṇhādisaṃkilesāviyogato sīlassa visuddhi eva na sambhavati, kuto sabbaññuguṇādhiṭṭhānabhāvo. Paññavā eva ca gharāvāse kāmaguṇesu saṃsāre ca ādīnavaṃ pabbajjāya jhānasamāpattiyaṃ nibbāne ca ānisaṃsaṃ suṭṭhu sallakkhento pabbajitvā jhānasamāpattiyo nibbattetvā nibbānābhimukho pare ca tattha patiṭṭhāpeti. Vīriyañca paññāvirahitaṃ yathicchitamatthaṃ na sādheti durārambhabhāvato. Varameva hi anārambho durārambhato, paññāsahitena pana vīriyena na kiñci duradhigamaṃ upāyapaṭipattito. Tathā paññavā eva parāpakārādīnaṃ adhivāsakajātiko hoti, na duppañño. Paññāvirahitassa ca parehi upanītā apakārā khantiyā paṭipakkhameva anubrūhenti, paññavato pana te khantisampattiyā paribrūhanavasena assā thirabhāvāya saṃvattanti. Paññavā eva tīṇipi saccāni nesaṃ kāraṇāni paṭipakkhe ca yathābhūtaṃ jānitvā paresaṃ avisaṃvādako hoti.

    д̇ат̇аа бан̃н̃ааб̣алзна ад̇д̇аанам̣ убад̇т̇амбхзд̇ваа д̇хид̇исамбад̣̇ааяа саб̣б̣абаарамийсу ажаласамаад̣̇аанаад̇хидтаано ход̇и. бан̃н̃аваа зва жа бияамаж̇жхад̇д̇авзривибхааг̇ам̣ агад̇ваа саб̣б̣ад̇т̇а хид̇уубасам̣хаарагусало ход̇и. д̇ат̇аа бан̃н̃аавасзна лаабхаалаабхаад̣̇илогад̇хаммасаннибаад̇з ниб̣б̣игаарад̇ааяа маж̇жхад̇д̇о ход̇и. звам̣ саб̣б̣аасам̣ баарамийнам̣ бан̃н̃аава баарисуд̣̇д̇хихзд̇ууд̇и бан̃н̃ааг̇ун̣аа бажжавзгкид̇аб̣б̣аа. аби жа бан̃н̃ааяа винаа на д̣̇ассанасамбад̇д̇и, анд̇арзна жа д̣̇идтисамбад̣̇ам̣ на сийласамбад̣̇аа , сийлад̣̇идтисамбад̣̇аавирахид̇асса на самаад̇хисамбад̣̇аа, асамаахид̇зна жа на саггаа ад̇д̇ахид̇амад̇д̇амби саад̇хзд̇ум̣, баг̇зва уггам̣саг̇ад̇ам̣ барахид̇анд̇и барахид̇ааяа бадибаннзна ‘‘нану д̇аяаа саггажжам̣ бан̃н̃ааяа баривуд̣̇д̇хияам̣ ааяог̇о гаран̣ийяо’’д̇и б̣од̇хисад̇д̇зна ад̇д̇аа овад̣̇ид̇аб̣б̣о. бан̃н̃аанубхаавзна хи махаасад̇д̇о жад̇урад̇хидтаанаад̇хидтид̇о жад̇уухи сан̇г̇ахавад̇т̇уухи логам̣ ануг̇г̇ан̣ханд̇о сад̇д̇з нияяаанамаг̇г̇з авад̇аарзд̇и, инд̣̇рияаани жа нзсам̣ барибаажзд̇и.

    Tathā paññābalena attānaṃ upatthambhetvā dhitisampadāya sabbapāramīsu acalasamādānādhiṭṭhāno hoti. Paññavā eva ca piyamajjhattaverivibhāgaṃ akatvā sabbattha hitūpasaṃhārakusalo hoti. Tathā paññāvasena lābhālābhādilokadhammasannipāte nibbikāratāya majjhatto hoti. Evaṃ sabbāsaṃ pāramīnaṃ paññāva pārisuddhihetūti paññāguṇā paccavekkhitabbā. Api ca paññāya vinā na dassanasampatti, antarena ca diṭṭhisampadaṃ na sīlasampadā , sīladiṭṭhisampadāvirahitassa na samādhisampadā, asamāhitena ca na sakkā attahitamattampi sādhetuṃ, pageva ukkaṃsagataṃ parahitanti parahitāya paṭipannena ‘‘nanu tayā sakkaccaṃ paññāya parivuddhiyaṃ āyogo karaṇīyo’’ti bodhisattena attā ovaditabbo. Paññānubhāvena hi mahāsatto caturadhiṭṭhānādhiṭṭhito catūhi saṅgahavatthūhi lokaṃ anuggaṇhanto satte niyyānamagge avatāreti, indriyāni ca nesaṃ paripāceti.

    д̇ат̇аа бан̃н̃ааб̣алзна канд̇хааяад̇анаад̣̇ийсу бавижаяаб̣ахулобавад̇д̇инивад̇д̇ияо яаат̇аавад̇о бариж̇аананд̇о д̣̇аанаад̣̇аяо г̇ун̣з висзсаниб̣б̣зд̇хабхааг̇ияабхаавам̣ наяанд̇о б̣од̇хисад̇д̇асигкааяа барибуурагаарий ход̇ийд̇и звамаад̣̇инаа анзгаагааравогаарз бан̃н̃ааг̇ун̣з вавад̇т̇абзд̇ваа бан̃н̃аабаарамий ануб̣руухзд̇аб̣б̣аа.

    Tathā paññābalena khandhāyatanādīsu pavicayabahulopavattinivattiyo yāthāvato parijānanto dānādayo guṇe visesanibbedhabhāgiyabhāvaṃ nayanto bodhisattasikkhāya paripūrakārī hotīti evamādinā anekākāravokāre paññāguṇe vavatthapetvā paññāpāramī anubrūhetabbā.

    д̇ат̇аа д̣̇иссамаанааниби логияаани гаммаани нихийнавийриязна баабун̣ид̇ум̣ асаггун̣зяяаани, аг̇ан̣ид̇акзд̣̇зна бана аарад̣̇д̇хавийриязна д̣̇урад̇хиг̇амам̣ наама над̇т̇и. нихийнавийрияо хи ‘‘сам̣саарамахогхад̇о саб̣б̣асад̇д̇з санд̇аарзссаамий’’д̇и аарабхид̇умзва на саггун̣аад̇и. маж̇жхимо аарабхид̇ваа анд̇араа восаанамаабаж̇ж̇ад̇и. уггадтавийрияо бана ад̇д̇асуканирабзгко аарамбхабаарамимад̇хиг̇ажчад̇ийд̇и вийрияасамбад̇д̇и бажжавзгкид̇аб̣б̣аа. аби жа ‘‘яасса ад̇д̇ано зва сам̣саарабан̇гад̇о самуд̣̇д̇харан̣ад̇т̇амаарамбхо, д̇ассааби на вийрияасса сит̇илабхаавз манорат̇аанам̣ мад̇т̇агаббад̇д̇и саггаа самбхаавзд̇ум̣, баг̇зва сад̣̇звагасса логасса самуд̣̇д̇харан̣ад̇т̇ам̣ гад̇аабхинийхаарзнаа’’д̇и жа ‘‘рааг̇аад̣̇ийнам̣ д̣̇осаг̇ан̣аанам̣ мад̇д̇амахааг̇аж̇аанам̣ вияа д̣̇унниваарабхаавад̇о д̇аннид̣̇аанаанан̃жа гаммасамаад̣̇аанаанам̣ угкид̇д̇аасигавад̇хагасад̣̇исабхаавад̇о д̇аннимид̇д̇аанан̃жа д̣̇уг̇г̇ад̇ийнам̣ саб̣б̣ад̣̇аа вивадамукабхаавад̇о, д̇ад̇т̇а нияож̇агаанан̃жа баабамид̇д̇аанам̣ сад̣̇аа саннихид̇абхаавад̇о д̇ад̣̇оваад̣̇агаарид̇ааяа жа б̣ааласса бут̇уж̇ж̇анабхаавасса сад̇исамбхавз яуд̇д̇ам̣ саяамзва сам̣саарад̣̇угкад̇о ниссарид̇унд̇и мижчаавид̇аггаа вийрияаанубхаавзна д̣̇уурийбхаванд̇ий’’д̇и жа ‘‘яад̣̇и бана самб̣од̇хи ад̇д̇аад̇хийнзна вийриязна саггаа самад̇хиг̇анд̇ум̣, гимзд̇т̇а д̣̇уггара’’нд̇и жа звамаад̣̇инаа наязна вийрияаг̇ун̣аа бажжавзгкид̇аб̣б̣аа.

    Tathā dissamānānipi lokiyāni kammāni nihīnavīriyena pāpuṇituṃ asakkuṇeyyāni, agaṇitakhedena pana āraddhavīriyena duradhigamaṃ nāma natthi. Nihīnavīriyo hi ‘‘saṃsāramahoghato sabbasatte santāressāmī’’ti ārabhitumeva na sakkuṇāti. Majjhimo ārabhitvā antarā vosānamāpajjati. Ukkaṭṭhavīriyo pana attasukhanirapekkho ārambhapāramimadhigacchatīti vīriyasampatti paccavekkhitabbā. Api ca ‘‘yassa attano eva saṃsārapaṅkato samuddharaṇatthamārambho, tassāpi na vīriyassa sithilabhāve manorathānaṃ matthakappatti sakkā sambhāvetuṃ, pageva sadevakassa lokassa samuddharaṇatthaṃ katābhinīhārenā’’ti ca ‘‘rāgādīnaṃ dosagaṇānaṃ mattamahāgajānaṃ viya dunnivārabhāvato tannidānānañca kammasamādānānaṃ ukkhittāsikavadhakasadisabhāvato tannimittānañca duggatīnaṃ sabbadā vivaṭamukhabhāvato, tattha niyojakānañca pāpamittānaṃ sadā sannihitabhāvato tadovādakāritāya ca bālassa puthujjanabhāvassa satisambhave yuttaṃ sayameva saṃsāradukkhato nissaritunti micchāvitakkā vīriyānubhāvena dūrībhavantī’’ti ca ‘‘yadi pana sambodhi attādhīnena vīriyena sakkā samadhigantuṃ, kimettha dukkara’’nti ca evamādinā nayena vīriyaguṇā paccavekkhitabbā.

    д̇ат̇аа канд̇и наамааяам̣ ниравасзсаг̇ун̣абадибагкасса год̇хасса вид̇хаманад̇о г̇ун̣асамбаад̣̇анз саад̇хуунамаббадихад̇амааяуд̇хам̣, бараабхибхавасамад̇т̇аанам̣ алан̇гааро, саман̣аб̣раахман̣аанам̣ б̣аласамбад̣̇аа, год̇хаг̇г̇ивинаяанауд̣̇агад̇хаараа, галяаан̣асса гид̇д̇исад̣̇д̣̇асса сан̃ж̇аад̇ид̣̇зсо, баабабуг̇г̇алаанам̣ важийвисавуубасамагаро манд̇ааг̇ад̣̇о, сам̣варз тид̇аанам̣ барамаа д̇хийрабагад̇и, г̇амбхийраасаяад̇ааяа сааг̇аро, д̣̇осамахаасааг̇арасса взлаа, абааяад̣̇ваарасса бид̣̇аханагаваадам̣, д̣̇зваб̣рахмалогаанам̣ аарохан̣асобаанам̣, саб̣б̣аг̇ун̣аанам̣ ад̇хиваасанабхууми, уд̇д̇амаа гааяаважиймановисуд̣̇д̇хийд̇и манасигаад̇аб̣б̣ам̣.

    Tathā khanti nāmāyaṃ niravasesaguṇapaṭipakkhassa kodhassa vidhamanato guṇasampādane sādhūnamappaṭihatamāyudhaṃ, parābhibhavasamatthānaṃ alaṅkāro, samaṇabrāhmaṇānaṃ balasampadā, kodhaggivinayanaudakadhārā, kalyāṇassa kittisaddassa sañjātideso, pāpapuggalānaṃ vacīvisavūpasamakaro mantāgado, saṃvare ṭhitānaṃ paramā dhīrapakati, gambhīrāsayatāya sāgaro, dosamahāsāgarassa velā, apāyadvārassa pidahanakavāṭaṃ, devabrahmalokānaṃ ārohaṇasopānaṃ, sabbaguṇānaṃ adhivāsanabhūmi, uttamā kāyavacīmanovisuddhīti manasikātabbaṃ.

    аби жа ‘‘зд̇з сад̇д̇аа канд̇исамбад̇д̇ияаа абхаавад̇о ид̇халогз д̇аббанд̇и, баралогз жа д̇абанийяад̇хаммаануяог̇ад̇о’’д̇и жа ‘‘яад̣̇иби бараабагааранимид̇д̇ам̣ д̣̇угкам̣ уббаж̇ж̇ад̇и, д̇асса бана д̣̇угкасса кзд̇д̇абхууд̇о ад̇д̇абхааво б̣ийж̇абхууд̇ан̃жа гаммам̣ маяаава абхисан̇кад̇а’’нд̇и жа ‘‘д̇асса жа д̣̇угкасса аан̣ан̣яагааран̣амзд̇а’’нд̇и жа ‘‘абагаарагз асад̇и гат̇ам̣ маяхам̣ канд̇исамбад̣̇аа самбхавад̇ий’’д̇и жа ‘‘яад̣̇ибааяам̣ зд̇арахи абагаараго, аяам̣ наама буб̣б̣з анзна маяхам̣ убагааро гад̇о’’д̇и жа ‘‘абагааро зва ваа канд̇инимид̇д̇ад̇ааяа убагааро’’д̇и жа ‘‘саб̣б̣збимз сад̇д̇аа маяхам̣ буд̇д̇асад̣̇исаа, буд̇д̇агад̇аабараад̇хзсу жа го гуж̇жхиссад̇ий’’д̇и жа ‘‘язна год̇хабисаажаавзсзна аяам̣ маяхам̣ абараж̇жхад̇и, свааяам̣ год̇хабхууд̇аавзсо маяаа винзд̇аб̣б̣о’’д̇и жа, ‘‘язна абагаарзна ид̣̇ам̣ маяхам̣ д̣̇угкам̣ уббаннам̣, д̇асса ахамби нимид̇д̇а’’нд̇и жа, ‘‘язхи д̇хаммзхи абагааро гад̇о, яад̇т̇а жа гад̇о, саб̣б̣зби д̇з д̇асмим̣ зва кан̣з нируд̣̇д̇хаа гассид̣̇аани гзна гобо гаад̇аб̣б̣о’’д̇и жа, ‘‘анад̇д̇ад̇ааяа саб̣б̣ад̇хаммаанам̣ го гасса абараж̇жхад̇ий’’д̇и жа бажжавзгканд̇зна канд̇исамбад̣̇аа ануб̣руухзд̇аб̣б̣аа.

    Api ca ‘‘ete sattā khantisampattiyā abhāvato idhaloke tappanti, paraloke ca tapanīyadhammānuyogato’’ti ca ‘‘yadipi parāpakāranimittaṃ dukkhaṃ uppajjati, tassa pana dukkhassa khettabhūto attabhāvo bījabhūtañca kammaṃ mayāva abhisaṅkhata’’nti ca ‘‘tassa ca dukkhassa āṇaṇyakāraṇameta’’nti ca ‘‘apakārake asati kathaṃ mayhaṃ khantisampadā sambhavatī’’ti ca ‘‘yadipāyaṃ etarahi apakārako, ayaṃ nāma pubbe anena mayhaṃ upakāro kato’’ti ca ‘‘apakāro eva vā khantinimittatāya upakāro’’ti ca ‘‘sabbepime sattā mayhaṃ puttasadisā, puttakatāparādhesu ca ko kujjhissatī’’ti ca ‘‘yena kodhapisācāvesena ayaṃ mayhaṃ aparajjhati, svāyaṃ kodhabhūtāveso mayā vinetabbo’’ti ca, ‘‘yena apakārena idaṃ mayhaṃ dukkhaṃ uppannaṃ, tassa ahampi nimitta’’nti ca, ‘‘yehi dhammehi apakāro kato, yattha ca kato, sabbepi te tasmiṃ eva khaṇe niruddhā kassidāni kena kopo kātabbo’’ti ca, ‘‘anattatāya sabbadhammānaṃ ko kassa aparajjhatī’’ti ca paccavekkhantena khantisampadā anubrūhetabbā.

    яад̣̇и банасса д̣̇ийгхарад̇д̇ам̣ барижаязна бараабагааранимид̇д̇аго год̇хо жид̇д̇ам̣ барияаад̣̇ааяа д̇идтзяяа, д̇зна ид̇и бадисан̃жигкид̇аб̣б̣ам̣ – ‘‘канд̇и наамзсаа бараабагаарасса бадибагкабадибад̇д̇ийнам̣ бажжубагаарагааран̣а’’нд̇и жа ‘‘абагааро жа маяхам̣ д̣̇угкуубанисаа сад̣̇д̇хаад̇и д̣̇угкуббаад̣̇анзна сад̣̇д̇хааяа саб̣б̣алогз анабхирад̇исан̃н̃ааяа жа бажжаяо’’д̇и жа, ‘‘инд̣̇рияабагад̇и хзсаа яад̣̇ид̣̇ам̣ идтаанидтависаяасамааяог̇о. д̇ад̇т̇а анидтависаяасамааяог̇о маяхам̣ на сияаад̇и д̇ам̣ гуд̇зд̇т̇а лаб̣бхаа’’д̇и жа ‘‘год̇хавасиго сад̇д̇о год̇хзна уммад̇д̇о вигкид̇д̇ажид̇д̇о, д̇ад̇т̇а гим̣ бажжабагаарзнаа’’д̇и жа ‘‘саб̣б̣збимз сад̇д̇аа саммаасамб̣уд̣̇д̇хзна орасабуд̇д̇аа вияа барибаалид̇аа, д̇асмаа на д̇ад̇т̇а маяаа жид̇д̇агобо гаад̇аб̣б̣о’’д̇и жа, ‘‘абараад̇хагз жа сад̇и г̇ун̣з г̇ун̣авад̇и маяаа гобо на гаад̇аб̣б̣о’’д̇и жа, ‘‘асад̇и г̇ун̣з висзсзна гарун̣ааяид̇аб̣б̣о’’д̇и жа ‘‘гобзна жа маяхам̣ г̇ун̣аяасаа нихийяанд̇ий’’д̇и жа, ‘‘гуж̇жханзна маяхам̣ д̣̇уб̣б̣ан̣н̣ад̣̇угкасзяяаад̣̇аяо сабад̇д̇аганд̇аа ааг̇ажчанд̇ий’’д̇и жа, ‘‘год̇хо жа наамааяам̣ саб̣б̣аахид̇агаараго саб̣б̣ахид̇авинаасаго б̣алаваа бажжад̇т̇иго’’д̇и жа, ‘‘сад̇и жа канд̇ияаа на гожи бажжад̇т̇иго’’д̇и жа, ‘‘абараад̇хагзна абараад̇ханимид̇д̇ам̣ яам̣ ааяад̇им̣ лад̣̇д̇хаб̣б̣ам̣ д̣̇угкам̣ сад̇и жа канд̇ияаа маяхам̣ д̇ад̣̇абхааво’’д̇и жа, ‘‘жинд̇анзна гуж̇жханд̇зна жа маяаа бажжад̇т̇игоязва анувад̇д̇ид̇о ход̇ий’’д̇и жа, ‘‘год̇хз жа маяаа канд̇ияаа абхибхууд̇з д̇асса д̣̇аасабхууд̇о бажжад̇т̇иго саммад̣̇зва абхибхууд̇о ход̇ий’’д̇и жа, ‘‘год̇ханимид̇д̇ам̣ канд̇иг̇ун̣абарижжааг̇о маяхам̣ на яуд̇д̇о’’д̇и жа, ‘‘сад̇и жа год̇хз г̇ун̣авирод̇хабажжанийгад̇хаммз гат̇ам̣ мз сийлаад̣̇ид̇хаммаа баарибуурим̣ г̇ажчзяяум̣, асад̇и жа д̇зсу гат̇аахам̣ сад̇д̇аанам̣ убагаараб̣ахуло бадин̃н̃аануруубам̣ уд̇д̇амам̣ самбад̇д̇им̣ баабун̣иссаамий’’д̇и жа, ‘‘канд̇ияаа жа сад̇и б̣ахид̣̇д̇хаа вигкзбаабхаавад̇о самаахид̇асса саб̣б̣з сан̇каараа анижжад̇о д̣̇угкад̇о саб̣б̣з д̇хаммаа анад̇д̇ад̇о ниб̣б̣аанан̃жа асан̇кад̇аамад̇асанд̇абан̣ийд̇ад̇аад̣̇ибхаавад̇о ниж̇жхаанам̣ каманд̇и б̣уд̣̇д̇хад̇хаммаа жа ажинд̇зяяаабаримзяяаббабхааваа’’д̇и.

    Yadi panassa dīgharattaṃ paricayena parāpakāranimittako kodho cittaṃ pariyādāya tiṭṭheyya, tena iti paṭisañcikkhitabbaṃ – ‘‘khanti nāmesā parāpakārassa paṭipakkhapaṭipattīnaṃ paccupakārakāraṇa’’nti ca ‘‘apakāro ca mayhaṃ dukkhūpanisā saddhāti dukkhuppādanena saddhāya sabbaloke anabhiratisaññāya ca paccayo’’ti ca, ‘‘indriyapakati hesā yadidaṃ iṭṭhāniṭṭhavisayasamāyogo. Tattha aniṭṭhavisayasamāyogo mayhaṃ na siyāti taṃ kutettha labbhā’’ti ca ‘‘kodhavasiko satto kodhena ummatto vikkhittacitto, tattha kiṃ paccapakārenā’’ti ca ‘‘sabbepime sattā sammāsambuddhena orasaputtā viya paripālitā, tasmā na tattha mayā cittakopo kātabbo’’ti ca, ‘‘aparādhake ca sati guṇe guṇavati mayā kopo na kātabbo’’ti ca, ‘‘asati guṇe visesena karuṇāyitabbo’’ti ca ‘‘kopena ca mayhaṃ guṇayasā nihīyantī’’ti ca, ‘‘kujjhanena mayhaṃ dubbaṇṇadukkhaseyyādayo sapattakantā āgacchantī’’ti ca, ‘‘kodho ca nāmāyaṃ sabbāhitakārako sabbahitavināsako balavā paccatthiko’’ti ca, ‘‘sati ca khantiyā na koci paccatthiko’’ti ca, ‘‘aparādhakena aparādhanimittaṃ yaṃ āyatiṃ laddhabbaṃ dukkhaṃ sati ca khantiyā mayhaṃ tadabhāvo’’ti ca, ‘‘cintanena kujjhantena ca mayā paccatthikoyeva anuvattito hotī’’ti ca, ‘‘kodhe ca mayā khantiyā abhibhūte tassa dāsabhūto paccatthiko sammadeva abhibhūto hotī’’ti ca, ‘‘kodhanimittaṃ khantiguṇapariccāgo mayhaṃ na yutto’’ti ca, ‘‘sati ca kodhe guṇavirodhapaccanīkadhamme kathaṃ me sīlādidhammā pāripūriṃ gaccheyyuṃ, asati ca tesu kathāhaṃ sattānaṃ upakārabahulo paṭiññānurūpaṃ uttamaṃ sampattiṃ pāpuṇissāmī’’ti ca, ‘‘khantiyā ca sati bahiddhā vikkhepābhāvato samāhitassa sabbe saṅkhārā aniccato dukkhato sabbe dhammā anattato nibbānañca asaṅkhatāmatasantapaṇītatādibhāvato nijjhānaṃ khamanti buddhadhammā ca acinteyyāparimeyyappabhāvā’’ti.

    д̇ад̇о жа ануломияам̣ канд̇ияам̣ тид̇о гзвалаа имз ад̇д̇ад̇д̇анияабхааварахид̇аа д̇хаммамад̇д̇аа яат̇аасагам̣ бажжаязхи уббаж̇ж̇анд̇и ваяанд̇и, на гуд̇ожи ааг̇ажчанд̇и, на гухин̃жи г̇ажчанд̇и, на жа гад̇т̇ажи бад̇идтид̇аа, на жзд̇т̇а гожи гассажи б̣яаабаарод̇и ахам̣гаарамамам̣гаараанад̇хидтаанад̇аа ниж̇жхаанам̣ камад̇и, язна б̣од̇хисад̇д̇о б̣од̇хияаа нияад̇о анаавад̇д̇ид̇хаммо ход̇ийд̇и звамаад̣̇инаа канд̇ибаарамияаа бажжавзгкан̣аа взд̣̇ид̇аб̣б̣аа.

    Tato ca anulomiyaṃ khantiyaṃ ṭhito kevalā ime attattaniyabhāvarahitā dhammamattā yathāsakaṃ paccayehi uppajjanti vayanti, na kutoci āgacchanti, na kuhiñci gacchanti, na ca katthaci patiṭṭhitā, na cettha koci kassaci byāpāroti ahaṃkāramamaṃkārānadhiṭṭhānatā nijjhānaṃ khamati, yena bodhisatto bodhiyā niyato anāvattidhammo hotīti evamādinā khantipāramiyā paccavekkhaṇā veditabbā.

    д̇ат̇аа сажжзна винаа сийлаад̣̇ийнам̣ асамбхавад̇о бадин̃н̃аануруубам̣ бадибад̇д̇ияаа абхаавад̇о жа, сажжад̇хаммаад̇иггамз жа саб̣б̣абаабад̇хаммаанам̣ самосаран̣ад̇о асажжасанд̇хасса абажжаяигабхаавад̇о ааяад̇ин̃жа анаад̣̇зяяаважанад̇ааваханад̇о самбаннасажжасса жа, саб̣б̣аг̇ун̣аад̇хидтаанабхаавад̇о сажжаад̇хидтаанзна саб̣б̣аб̣од̇хисамбхаараанам̣ баарисуд̣̇д̇хибаарибуурисаамад̇т̇ияад̇о сабхаавад̇хаммаависам̣ваад̣̇анзна саб̣б̣аб̣од̇хисамбхаарагижжагаран̣ад̇о б̣од̇хисад̇д̇абадибад̇д̇ияаа жа, баринибпад̇д̇ид̇од̇иаад̣̇инаа сажжабаарамияаа самбад̇д̇ияо бажжавзгкид̇аб̣б̣аа.

    Tathā saccena vinā sīlādīnaṃ asambhavato paṭiññānurūpaṃ paṭipattiyā abhāvato ca, saccadhammātikkame ca sabbapāpadhammānaṃ samosaraṇato asaccasandhassa apaccayikabhāvato āyatiñca anādeyyavacanatāvahanato sampannasaccassa ca, sabbaguṇādhiṭṭhānabhāvato saccādhiṭṭhānena sabbabodhisambhārānaṃ pārisuddhipāripūrisāmatthiyato sabhāvadhammāvisaṃvādanena sabbabodhisambhārakiccakaraṇato bodhisattapaṭipattiyā ca, parinipphattitotiādinā saccapāramiyā sampattiyo paccavekkhitabbā.

    д̇ат̇аа д̣̇аанаад̣̇ийсу д̣̇ал̣хасамаад̣̇аанам̣ д̇ам̣бадибагкасаннибаад̇з жа нзсам̣ ажалаад̇хидтаанам̣ д̇ад̇т̇а жа д̇хийравийрабхаавам̣ винаа на д̣̇аанаад̣̇исамбхаараа самб̣од̇хинимид̇д̇аа самбхаванд̇ийд̇иаад̣̇инаа ад̇хидтаанз г̇ун̣аа бажжавзгкид̇аб̣б̣аа.

    Tathā dānādīsu daḷhasamādānaṃ taṃpaṭipakkhasannipāte ca nesaṃ acalādhiṭṭhānaṃ tattha ca dhīravīrabhāvaṃ vinā na dānādisambhārā sambodhinimittā sambhavantītiādinā adhiṭṭhāne guṇā paccavekkhitabbā.

    д̇ат̇аа ‘‘ад̇д̇ахид̇амад̇д̇з авад̇идтанд̇знааби сад̇д̇зсу хид̇ажид̇д̇ад̇ам̣ винаа на саггаа ид̇халогабаралогасамбад̇д̇ияо баабун̣ид̇ум̣, баг̇зва саб̣б̣асад̇д̇з ниб̣б̣аанасамбад̇д̇ияам̣ бад̇идтаабзд̇угаамзнаа’’д̇и жа, ‘‘бажчаа саб̣б̣асад̇д̇аанам̣ логуд̇д̇арасамбад̇д̇им̣ ааган̇канд̇зна ид̣̇аани логияасамбад̇д̇иааган̇каа яуд̇д̇аруубаа’’д̇и жа, ‘‘ид̣̇аани аасаяамад̇д̇зна барзсам̣ хид̇асукуубасам̣хаарам̣ гаад̇ум̣ асаггонд̇о гад̣̇аа баяог̇зна д̇ам̣ саад̇хзссаамий’’д̇и жа, ‘‘ид̣̇аани маяаа хид̇асукуубасам̣хаарзна сам̣вад̣дхид̇аа бажчаа д̇хаммасам̣вибхааг̇асахааяаа маяхам̣ бхависсанд̇ий’’д̇и жа, ‘‘зд̇зхи винаа на маяхам̣ б̣од̇хисамбхаараа самбхаванд̇и, д̇асмаа саб̣б̣аб̣уд̣̇д̇хаг̇ун̣авибхууд̇инибпад̇д̇игааран̣ад̇д̇аа маяхам̣ зд̇з барамам̣ бун̃н̃агкзд̇д̇ам̣ ануд̇д̇арам̣ гусалааяад̇анам̣ уд̇д̇амам̣ г̇ааравадтаана’’нд̇и жа, сависзсам̣ сад̇д̇зсу саб̣б̣зсу хид̇аж̇жхаасаяад̇аа бажжубадтабзд̇аб̣б̣аа , гин̃жа гарун̣аад̇хидтаанад̇оби саб̣б̣асад̇д̇зсу мзд̇д̇аа ануб̣руухзд̇аб̣б̣аа. вимарияаад̣̇ийгад̇зна хи жзд̇асаа сад̇д̇зсу хид̇асукуубасам̣хааранирад̇асса д̇зсам̣ ахид̇ад̣̇угкаабанаяанагаамад̇аа б̣алавад̇ий уббаж̇ж̇ад̇и д̣̇ал̣хамуулаа. гарун̣аа жа саб̣б̣зсам̣ б̣уд̣̇д̇хагаарагад̇хаммаанам̣ аад̣̇и жаран̣ам̣ бад̇идтаа муулам̣ мукам̣ бамуканд̇и звамаад̣̇инаа мзд̇д̇ааяа г̇ун̣аа бажжавзгкид̇аб̣б̣аа.

    Tathā ‘‘attahitamatte avatiṭṭhantenāpi sattesu hitacittataṃ vinā na sakkā idhalokaparalokasampattiyo pāpuṇituṃ, pageva sabbasatte nibbānasampattiyaṃ patiṭṭhāpetukāmenā’’ti ca, ‘‘pacchā sabbasattānaṃ lokuttarasampattiṃ ākaṅkhantena idāni lokiyasampattiākaṅkhā yuttarūpā’’ti ca, ‘‘idāni āsayamattena paresaṃ hitasukhūpasaṃhāraṃ kātuṃ asakkonto kadā payogena taṃ sādhessāmī’’ti ca, ‘‘idāni mayā hitasukhūpasaṃhārena saṃvaḍḍhitā pacchā dhammasaṃvibhāgasahāyā mayhaṃ bhavissantī’’ti ca, ‘‘etehi vinā na mayhaṃ bodhisambhārā sambhavanti, tasmā sabbabuddhaguṇavibhūtinipphattikāraṇattā mayhaṃ ete paramaṃ puññakkhettaṃ anuttaraṃ kusalāyatanaṃ uttamaṃ gāravaṭṭhāna’’nti ca, savisesaṃ sattesu sabbesu hitajjhāsayatā paccupaṭṭhapetabbā , kiñca karuṇādhiṭṭhānatopi sabbasattesu mettā anubrūhetabbā. Vimariyādīkatena hi cetasā sattesu hitasukhūpasaṃhāraniratassa tesaṃ ahitadukkhāpanayanakāmatā balavatī uppajjati daḷhamūlā. Karuṇā ca sabbesaṃ buddhakārakadhammānaṃ ādi caraṇaṃ patiṭṭhā mūlaṃ mukhaṃ pamukhanti evamādinā mettāya guṇā paccavekkhitabbā.

    д̇ат̇аа ‘‘убзгкааяа абхаавз сад̇д̇зхи гад̇аа виббагаараа жид̇д̇асса вигаарам̣ уббаад̣̇зяяум̣, сад̇и жа жид̇д̇авигаарз д̣̇аанаад̣̇ийнам̣ самбхаараанам̣ самбхаво зва над̇т̇ий’’д̇и жа, ‘‘мзд̇д̇аасинзхзна синзхид̇з жид̇д̇з убзгкааяа винаа самбхаараанам̣ баарисуд̣̇д̇хи на ход̇ий’’д̇и жа, ‘‘анубзгкаго самбхаарзсу бун̃н̃асамбхаарам̣ д̇аб̣б̣ибааган̃жа сад̇д̇ахид̇ад̇т̇ам̣ барин̣аамзд̇ум̣ на саггод̇ий’’д̇и жа, ‘‘убзгкааяа абхаавз д̣̇зяяад̇хаммабадиг̇г̇аахагаанам̣ вибхааг̇ам̣ агад̇ваа барижжаж̇ид̇ум̣ на саггод̇ий’’д̇и жа, ‘‘убзгкаарахид̇зна ж̇ийвид̇абаригкаараанам̣ ж̇ийвид̇асса жа анд̇арааяам̣ аманасигарид̇ваа сийлависод̇ханам̣ гаад̇ум̣ на саггод̇ий’’д̇и жа, д̇ат̇аа убзгкаавасзна арад̇ирад̇исахассзва нзгкаммаб̣аласид̣̇д̇хид̇о убабад̇д̇ид̇о игкан̣авасзна саб̣б̣асамбхаарагижжанибпад̇д̇ид̇о ажжаарад̣̇д̇хасса вийрияасса анубзгкан̣з бад̇хаанагижжаагаран̣ад̇о убзгкад̇о зва д̇ид̇игкааниж̇жхаанасамбхавад̇о убзгкаавасзна сад̇д̇асан̇каараанам̣ ависам̣ваад̣̇анад̇о логад̇хаммаанам̣ аж̇жхубзгкан̣зна самаад̣̇иннад̇хаммзсу ажалаад̇хидтаанасид̣̇д̇хид̇о бараабагаараад̣̇ийсу анаабхог̇авасзнзва мзд̇д̇аавихааранибпад̇д̇ид̇од̇и саб̣б̣аб̣од̇хисамбхаараанам̣ самаад̣̇аанаад̇хидтаанабаарибууринибпад̇д̇ияо убзгкаанубхаавзна самбаж̇ж̇анд̇ийд̇и звамаад̣̇инаа наязна убзгкаабаарамий бажжавзгкид̇аб̣б̣аа. звам̣ абарижжааг̇абарижжааг̇аад̣̇ийсу яат̇ааггамам̣ аад̣̇ийнаваанисам̣сабажжавзгкан̣аа д̣̇аанаад̣̇ибаарамийнам̣ бажжаяод̇и д̣̇адтаб̣б̣ам̣.

    Tathā ‘‘upekkhāya abhāve sattehi katā vippakārā cittassa vikāraṃ uppādeyyuṃ, sati ca cittavikāre dānādīnaṃ sambhārānaṃ sambhavo eva natthī’’ti ca, ‘‘mettāsinehena sinehite citte upekkhāya vinā sambhārānaṃ pārisuddhi na hotī’’ti ca, ‘‘anupekkhako sambhāresu puññasambhāraṃ tabbipākañca sattahitatthaṃ pariṇāmetuṃ na sakkotī’’ti ca, ‘‘upekkhāya abhāve deyyadhammapaṭiggāhakānaṃ vibhāgaṃ akatvā pariccajituṃ na sakkotī’’ti ca, ‘‘upekkhārahitena jīvitaparikkhārānaṃ jīvitassa ca antarāyaṃ amanasikaritvā sīlavisodhanaṃ kātuṃ na sakkotī’’ti ca, tathā upekkhāvasena aratiratisahasseva nekkhammabalasiddhito upapattito ikkhaṇavasena sabbasambhārakiccanipphattito accāraddhassa vīriyassa anupekkhaṇe padhānakiccākaraṇato upekkhato eva titikkhānijjhānasambhavato upekkhāvasena sattasaṅkhārānaṃ avisaṃvādanato lokadhammānaṃ ajjhupekkhaṇena samādinnadhammesu acalādhiṭṭhānasiddhito parāpakārādīsu anābhogavaseneva mettāvihāranipphattitoti sabbabodhisambhārānaṃ samādānādhiṭṭhānapāripūrinipphattiyo upekkhānubhāvena sampajjantīti evamādinā nayena upekkhāpāramī paccavekkhitabbā. Evaṃ apariccāgapariccāgādīsu yathākkamaṃ ādīnavānisaṃsapaccavekkhaṇā dānādipāramīnaṃ paccayoti daṭṭhabbaṃ.

    д̇ат̇аа сабаригкаараа бан̃жад̣̇аса жаран̣ад̇хаммаа бан̃жа жа абхин̃н̃ааяо. д̇ад̇т̇а жаран̣ад̇хаммаа наама сийласам̣варо, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, ж̇ааг̇арияаануяог̇о, сад̇д̇а сад̣̇д̇хаммаа, жад̇д̇аари жхаанаани жа. д̇зсу сийлаад̣̇ийнам̣ жад̇уннам̣ д̇зрасааби д̇худ̇ад̇хаммаа аббижчад̇аад̣̇аяо жа баригкаараа. сад̣̇д̇хаммзсу сад̣̇д̇хааяа б̣уд̣̇д̇хад̇хаммасан̇гхасийлажааг̇ад̣̇звад̇уубасамаануссад̇илуукабуг̇г̇алабариваж̇ж̇ана- синид̣̇д̇хабуг̇г̇аласзванабасаад̣̇анийяад̇хаммабажжавзгкан̣ад̇ад̣̇ад̇химуд̇д̇ад̇аа баригкааро. хирод̇д̇аббаанам̣ агусалаад̣̇ийнавабажжавзгкан̣аабааяаад̣̇ийнавабажжавзгкан̣агусалад̇хаммуубад̇т̇амбхана- бхаавабажжавзгкан̣ахирод̇д̇аббарахид̇абуг̇г̇алабариваж̇ж̇анахирод̇д̇аббасамбаннабуг̇г̇аласзнад̇ад̣̇ад̇химуд̇д̇ад̇аа. б̣аахусажжасса буб̣б̣аяог̇абарибужчага- бхаавасад̣̇д̇хаммаабхияог̇аанаваж̇ж̇авиж̇ж̇аадтаанаад̣̇ибарижаяабарибаггинд̣̇рияад̇аагилзсад̣̇уурийбхаавааббассуд̇а- бариваж̇ж̇анаб̣ахуссуд̇асзванад̇ад̣̇ад̇химуд̇д̇ад̇аа. вийрияасса абааяабхаяабажжавзгкан̣а- г̇аманавийт̇ибажжавзгкан̣ад̇хаммамахад̇д̇абажжавзгкан̣ат̇инамид̣̇д̇хавинод̣̇анагусийд̇абуг̇г̇алабариваж̇ж̇ана- аарад̣̇д̇хавийрияабуг̇г̇аласзванасаммаббад̇хаанабажжавзгкан̣ад̇ад̣̇ад̇химуд̇д̇ад̇аа . сад̇ияаа сад̇исамбаж̇ан̃н̃амудтассад̇ибуг̇г̇алабариваж̇ж̇анаубадтид̇ассад̇ибуг̇г̇аласзванад̇ад̣̇ад̇химуд̇д̇ад̇аа. бан̃н̃ааяа барибужчагабхааравад̇т̇увисад̣̇агирияааинд̣̇рияасамад̇д̇абадибаад̣̇анад̣̇уббан̃н̃абуг̇г̇ала- бариваж̇ж̇анабан̃н̃аванд̇абуг̇г̇аласзванаг̇амбхийран̃аан̣ажарияабажжавзгкан̣ад̇ад̣̇ад̇химуд̇д̇ад̇аа. жад̇уннам̣ жхаанаанам̣ сийлаад̣̇ижад̇уггам̣ адтад̇им̣сааяа аарамман̣зсу буб̣б̣абхааг̇абхааванаа ааваж̇ж̇анаад̣̇ивасийбхаавагаран̣ан̃жа баригкааро. д̇ад̇т̇а сийлаад̣̇ийхи баяог̇асуд̣̇д̇хияаа сад̇д̇аанам̣ абхаяад̣̇аанз аасаяасуд̣̇д̇хияаа аамисад̣̇аанз убхаяасуд̣̇д̇хияаа д̇хаммад̣̇аанз самад̇т̇о ход̇ийд̇иаад̣̇инаа жаран̣аад̣̇ийнам̣ д̣̇аанаад̣̇исамбхаараанам̣ бажжаяабхааво яат̇аарахам̣ нид̣̇д̇хаарзд̇аб̣б̣о. ад̇ивид̇т̇аарабхаязна на нид̣̇д̇хаараяимхаад̇и. звам̣ самбад̇д̇ижаггаад̣̇аяоби д̣̇аанаад̣̇ийнам̣ бажжаяод̇и взд̣̇ид̇аб̣б̣аа.

    Tathā saparikkhārā pañcadasa caraṇadhammā pañca ca abhiññāyo. Tattha caraṇadhammā nāma sīlasaṃvaro, indriyesu guttadvāratā, bhojane mattaññutā, jāgariyānuyogo, satta saddhammā, cattāri jhānāni ca. Tesu sīlādīnaṃ catunnaṃ terasāpi dhutadhammā appicchatādayo ca parikkhārā. Saddhammesu saddhāya buddhadhammasaṅghasīlacāgadevatūpasamānussatilūkhapuggalaparivajjana- siniddhapuggalasevanapasādanīyadhammapaccavekkhaṇatadadhimuttatā parikkhāro. Hirottappānaṃ akusalādīnavapaccavekkhaṇaapāyādīnavapaccavekkhaṇakusaladhammūpatthambhana- bhāvapaccavekkhaṇahirottapparahitapuggalaparivajjanahirottappasampannapuggalasenatadadhimuttatā. Bāhusaccassa pubbayogaparipucchaka- bhāvasaddhammābhiyogaanavajjavijjāṭṭhānādiparicayaparipakkindriyatākilesadūrībhāvaappassuta- parivajjanabahussutasevanatadadhimuttatā. Vīriyassa apāyabhayapaccavekkhaṇa- gamanavīthipaccavekkhaṇadhammamahattapaccavekkhaṇathinamiddhavinodanakusītapuggalaparivajjana- āraddhavīriyapuggalasevanasammappadhānapaccavekkhaṇatadadhimuttatā . Satiyā satisampajaññamuṭṭhassatipuggalaparivajjanaupaṭṭhitassatipuggalasevanatadadhimuttatā. Paññāya paripucchakabhāravatthuvisadakiriyāindriyasamattapaṭipādanaduppaññapuggala- parivajjanapaññavantapuggalasevanagambhīrañāṇacariyapaccavekkhaṇatadadhimuttatā. Catunnaṃ jhānānaṃ sīlādicatukkaṃ aṭṭhatiṃsāya ārammaṇesu pubbabhāgabhāvanā āvajjanādivasībhāvakaraṇañca parikkhāro. Tattha sīlādīhi payogasuddhiyā sattānaṃ abhayadāne āsayasuddhiyā āmisadāne ubhayasuddhiyā dhammadāne samattho hotītiādinā caraṇādīnaṃ dānādisambhārānaṃ paccayabhāvo yathārahaṃ niddhāretabbo. Ativitthārabhayena na niddhārayimhāti. Evaṃ sampatticakkādayopi dānādīnaṃ paccayoti veditabbā.

    го сам̣гилзсод̇и? ависзсзна д̇ан̣хаад̣̇ийхи бараамадтабхааво баарамийнам̣ сам̣гилзсо, висзсзна бана д̣̇зяяад̇хаммабадиг̇г̇аахагавигаббаа д̣̇аанабаарамияаа сам̣гилзсо. сад̇д̇агаалавигаббаа сийлабаарамияаа, гаамабхавад̇ад̣̇убасамзсу абхирад̇ианабхирад̇ивигаббаа нзгкаммабаарамияаа, ахам̣ мамаад̇и вигаббаа бан̃н̃аабаарамияаа, лийнуд̣̇д̇хажжавигаббаа вийрияабаарамияаа, ад̇д̇абаравигаббаа канд̇ибаарамияаа, ад̣̇идтаад̣̇ийсу д̣̇идтаад̣̇ивигаббаа сажжабаарамияаа, б̣од̇хисамбхаарад̇аб̣б̣ибагкзсу д̣̇осаг̇ун̣авигаббаа ад̇хидтаанабаарамияаа, хид̇аахид̇авигаббаа мзд̇д̇аабаарамияаа, идтаанидтавигаббаа убзгкаабаарамияаа сам̣гилзсод̇и д̣̇адтаб̣б̣ам̣.

    Ko saṃkilesoti? Avisesena taṇhādīhi parāmaṭṭhabhāvo pāramīnaṃ saṃkileso, visesena pana deyyadhammapaṭiggāhakavikappā dānapāramiyā saṃkileso. Sattakālavikappā sīlapāramiyā, kāmabhavatadupasamesu abhiratianabhirativikappā nekkhammapāramiyā, ahaṃ mamāti vikappā paññāpāramiyā, līnuddhaccavikappā vīriyapāramiyā, attaparavikappā khantipāramiyā, adiṭṭhādīsu diṭṭhādivikappā saccapāramiyā, bodhisambhāratabbipakkhesu dosaguṇavikappā adhiṭṭhānapāramiyā, hitāhitavikappā mettāpāramiyā, iṭṭhāniṭṭhavikappā upekkhāpāramiyā saṃkilesoti daṭṭhabbaṃ.

    гим̣ вод̣̇аананд̇и? д̇ан̣хаад̣̇ийхи анубагхаад̇о яат̇аавуд̇д̇авигаббавирахо жа зд̇аасам̣ вод̣̇аананд̇и взд̣̇ид̇аб̣б̣ам̣. анубахад̇аа хи д̇ан̣хаамаанад̣̇идтигод̇хуубанаахамагкабал̣аасаиссаамажчарияа- мааяаасаатзяяат̇амбхасаарамбхамад̣̇аббамаад̣̇аад̣̇ийхи гилзсзхи д̣̇зяяад̇хаммабадиг̇г̇аахагавигаббаад̣̇ирахид̇аа жа д̣̇аанаад̣̇ибаарамияо барисуд̣̇д̇хаа бабхассараа бхаванд̇ийд̇и.

    Kiṃ vodānanti? Taṇhādīhi anupaghāto yathāvuttavikappaviraho ca etāsaṃ vodānanti veditabbaṃ. Anupahatā hi taṇhāmānadiṭṭhikodhūpanāhamakkhapaḷāsaissāmacchariya- māyāsāṭheyyathambhasārambhamadappamādādīhi kilesehi deyyadhammapaṭiggāhakavikappādirahitā ca dānādipāramiyo parisuddhā pabhassarā bhavantīti.

    го бадибагкод̇и? ависзсзна саб̣б̣зби сам̣гилзсаа саб̣б̣зби агусалаа д̇хаммаа зд̇аасам̣ бадибагко, висзсзна бана буб̣б̣з вуд̇д̇аа мажчзраад̣̇аяод̇и взд̣̇ид̇аб̣б̣аа. аби жа д̣̇зяяад̇хаммабадиг̇г̇аахагад̣̇аанапалзсу алобхаад̣̇осаамохаг̇ун̣аяог̇ад̇о лобхад̣̇осамохабадибагкам̣ д̣̇аанам̣, гааяаад̣̇ид̣̇осаван̇гаабаг̇амад̇о лобхаад̣̇ибадибагкам̣ сийлам̣, гаамасукабаруубагхаад̇аад̇д̇агиламат̇абариваж̇ж̇анад̇о д̣̇осад̇д̇аяабадибагкам̣ нзгкаммам̣, лобхаад̣̇ийнам̣ анд̇хийгаран̣ад̇о н̃аан̣асса жа ананд̇хийгаран̣ад̇о лобхаад̣̇ибадибагкаа бан̃н̃аа , алийнаануд̣̇д̇хад̇ан̃ааяаарамбхавасзна лобхаад̣̇ибадибагкам̣ вийрияам̣, идтаанидтасун̃н̃ад̇аанам̣ каманад̇о лобхаад̣̇ибадибагкаа канд̇и, сад̇иби барзсам̣ убагаарз абагаарз жа яат̇аабхууд̇аббавад̇д̇ияаа лобхаад̣̇ибадибагкам̣ сажжам̣, логад̇хаммз абхибхуяяа яат̇аасамаад̣̇иннзсу самбхаарзсу ажаланад̇о лобхаад̣̇ибадибагкам̣ ад̇хидтаанам̣, нийваран̣авивзгад̇о лобхаад̣̇ибадибагкаа мзд̇д̇аа, идтаанидтзсу анунаяабадигхавид̣̇д̇хам̣санад̇о самаббавад̇д̇ид̇о жа лобхаад̣̇ибадибагкаа убзгкаад̇и д̣̇адтаб̣б̣ам̣.

    Ko paṭipakkhoti? Avisesena sabbepi saṃkilesā sabbepi akusalā dhammā etāsaṃ paṭipakkho, visesena pana pubbe vuttā maccherādayoti veditabbā. Api ca deyyadhammapaṭiggāhakadānaphalesu alobhādosāmohaguṇayogato lobhadosamohapaṭipakkhaṃ dānaṃ, kāyādidosavaṅkāpagamato lobhādipaṭipakkhaṃ sīlaṃ, kāmasukhaparūpaghātaattakilamathaparivajjanato dosattayapaṭipakkhaṃ nekkhammaṃ, lobhādīnaṃ andhīkaraṇato ñāṇassa ca anandhīkaraṇato lobhādipaṭipakkhā paññā , alīnānuddhatañāyārambhavasena lobhādipaṭipakkhaṃ vīriyaṃ, iṭṭhāniṭṭhasuññatānaṃ khamanato lobhādipaṭipakkhā khanti, satipi paresaṃ upakāre apakāre ca yathābhūtappavattiyā lobhādipaṭipakkhaṃ saccaṃ, lokadhamme abhibhuyya yathāsamādinnesu sambhāresu acalanato lobhādipaṭipakkhaṃ adhiṭṭhānaṃ, nīvaraṇavivekato lobhādipaṭipakkhā mettā, iṭṭhāniṭṭhesu anunayapaṭighaviddhaṃsanato samappavattito ca lobhādipaṭipakkhā upekkhāti daṭṭhabbaṃ.

    гаа бадибад̇д̇ийд̇и? д̣̇аанабаарамияаа д̇аава сукуубагаран̣асарийраж̇ийвид̇абарижжааг̇зна бхаяаабануд̣̇анзна д̇хаммобад̣̇зсзна жа б̣ахуд̇хаа сад̇д̇аанам̣ ануг̇г̇ахагаран̣ам̣ бадибад̇д̇и. д̇ад̇т̇а аамисад̣̇аанам̣ абхаяад̣̇аанам̣ д̇хаммад̣̇аананд̇и д̣̇аад̇аб̣б̣авад̇т̇увасзна д̇ивид̇хам̣ д̣̇аанам̣. д̇зсу б̣од̇хисад̇д̇асса д̣̇аад̇аб̣б̣авад̇т̇у аж̇жхад̇д̇игам̣ б̣аахиранд̇и д̣̇увид̇хам̣. д̇ад̇т̇а б̣аахирам̣ аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяанд̇и д̣̇асавид̇хам̣. аннаад̣̇ийнам̣ каад̣̇анийяабхож̇анийяаад̣̇ивибхааг̇зна анзгавид̇хам̣. д̇ат̇аа руубаарамман̣ам̣ яаава д̇хаммаарамман̣анд̇и аарамман̣ад̇о чаб̣б̣ид̇хам̣. руубаарамман̣аад̣̇ийнан̃жа нийлаад̣̇ивибхааг̇зна анзгавид̇хам̣. д̇ат̇аа ман̣иганагараж̇ад̇амуд̇д̇аабаваал̣аад̣̇и, кзд̇д̇авад̇т̇уаараамаад̣̇и, д̣̇аасид̣̇аасаг̇омахим̣саад̣̇и наанаавид̇хавид̇д̇уубагаран̣авасзна анзгавид̇хам̣.

    Kā paṭipattīti? Dānapāramiyā tāva sukhūpakaraṇasarīrajīvitapariccāgena bhayāpanudanena dhammopadesena ca bahudhā sattānaṃ anuggahakaraṇaṃ paṭipatti. Tattha āmisadānaṃ abhayadānaṃ dhammadānanti dātabbavatthuvasena tividhaṃ dānaṃ. Tesu bodhisattassa dātabbavatthu ajjhattikaṃ bāhiranti duvidhaṃ. Tattha bāhiraṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyanti dasavidhaṃ. Annādīnaṃ khādanīyabhojanīyādivibhāgena anekavidhaṃ. Tathā rūpārammaṇaṃ yāva dhammārammaṇanti ārammaṇato chabbidhaṃ. Rūpārammaṇādīnañca nīlādivibhāgena anekavidhaṃ. Tathā maṇikanakarajatamuttāpavāḷādi, khettavatthuārāmādi, dāsidāsagomahiṃsādi nānāvidhavittūpakaraṇavasena anekavidhaṃ.

    д̇ад̇т̇а махаабурисо б̣аахирам̣ вад̇т̇ум̣ д̣̇знд̇о ‘‘яо язна ад̇т̇иго, д̇ам̣ д̇асса д̣̇зд̇и, д̣̇знд̇о жа д̇асса ад̇т̇иго’’д̇и саяамзва ж̇аананд̇о аяаажид̇оби д̣̇зд̇и баг̇зва яаажид̇о. муд̇д̇ажааг̇о д̣̇зд̇и, но амуд̇д̇ажааг̇о, барияад̇д̇ам̣ д̣̇зд̇и, но абарияад̇д̇ам̣ сад̇и д̣̇зяяад̇хаммз. на бажжубагаарасанниссид̇о д̣̇зд̇и. асад̇и д̣̇зяяад̇хаммз хи барияад̇д̇з сам̣вибхааг̇аарахам̣ сам̣вибхаж̇ад̇и. на жа д̣̇зд̇и баруубагхаад̇аавахам̣ сад̇т̇ависамаж̇ж̇аад̣̇игам̣, нааби гийл̣анагам̣ яам̣ анад̇т̇уубасам̣хид̇ам̣ бамаад̣̇аавахан̃жа. на жа г̇илаанасса яаажагасса баанабхож̇анаад̣̇иасаббааяам̣ бамаан̣арахид̇ам̣ ваа д̣̇зд̇и, бамаан̣аяуд̇д̇ам̣ бана саббааяамзва д̣̇зд̇и.

    Tattha mahāpuriso bāhiraṃ vatthuṃ dento ‘‘yo yena atthiko, taṃ tassa deti, dento ca tassa atthiko’’ti sayameva jānanto ayācitopi deti pageva yācito. Muttacāgo deti, no amuttacāgo, pariyattaṃ deti, no apariyattaṃ sati deyyadhamme. Na paccupakārasannissito deti. Asati deyyadhamme hi pariyatte saṃvibhāgārahaṃ saṃvibhajati. Na ca deti parūpaghātāvahaṃ satthavisamajjādikaṃ, nāpi kīḷanakaṃ yaṃ anatthūpasaṃhitaṃ pamādāvahañca. Na ca gilānassa yācakassa pānabhojanādiasappāyaṃ pamāṇarahitaṃ vā deti, pamāṇayuttaṃ pana sappāyameva deti.

    д̇ат̇аа яаажид̇о г̇ахадтаанам̣ г̇ахадтаанужчавигам̣ д̣̇зд̇и, баб̣б̣аж̇ид̇аанам̣ баб̣б̣аж̇ид̇аанужчавигам̣ д̣̇зд̇и, маад̇аабид̇аро н̃аад̇исаалохид̇аа мид̇д̇аамажжаа буд̇д̇ад̣̇аарад̣̇аасагаммагараад̇и зд̇зсу гассажи бийл̣ам̣ аж̇анзнд̇о д̣̇зд̇и, на жа ул̣аарам̣ д̣̇зяяад̇хаммам̣ бадиж̇аанид̇ваа луукам̣ д̣̇зд̇и, на жа лаабхасаггаарасилогасанниссид̇о д̣̇зд̇и, на жа бажжубагаарасанниссид̇о д̣̇зд̇и, на жа палабаадиган̇кий д̣̇зд̇и ан̃н̃ад̇ра саммаасамб̣од̇хияаа, на жа яаажагз д̣̇зяяад̇хаммам̣ ваа ж̇иг̇ужчанд̇о д̣̇зд̇и, на жа асан̃н̃ад̇аанам̣ яаажагаанам̣ аггосагаросагаанамби абавид̣̇д̇хам̣ д̣̇аанам̣ д̣̇зд̇и, ан̃н̃ад̣̇ад̇т̇у басаннажид̇д̇о анугамбанд̇о саггажжамзва д̣̇зд̇и, на жа год̇уухаламан̇г̇алиго худ̇ваа д̣̇зд̇и, гаммапаламзва бана сад̣̇д̣̇аханд̇о д̣̇зд̇и, наби яаажагз баяирубаасанаад̣̇ийхи баригилзсзд̇ваа д̣̇зд̇и, абаригилзсанд̇о зва бана д̣̇зд̇и, на жа барзсам̣ ван̃жанаад̇хиббааяо бхзд̣̇анаад̇хиббааяо ваа д̣̇аанам̣ д̣̇зд̇и, асам̣гилидтажид̇д̇о зва д̣̇зд̇и, наби парусаваажо бхаагудимуко д̣̇аанам̣ д̣̇зд̇и, бияаваад̣̇ий бана буб̣б̣абхаасий мид̇аважано худ̇ваа д̣̇зд̇и , яасмин̃жа д̣̇зяяад̇хаммз ул̣аараманун̃н̃ад̇ааяа ваа жирабарижаязна ваа г̇зд̇хасабхаавад̇ааяа ваа лобхад̇хаммо ад̇химад̇д̇о ход̇и, ж̇аананд̇о б̣од̇хисад̇д̇о д̇ам̣ киббамзва бадивинод̣̇зд̇ваа яаажагз бариязсид̇вааби д̣̇зд̇и, яан̃жа д̣̇зяяавад̇т̇у барид̇д̇ам̣ яаажагоби бажжубадтид̇о, д̇ам̣ ажинд̇зд̇вааби ад̇д̇аанам̣ б̣аад̇хзд̇ваа д̣̇знд̇о яаажагам̣ саммаанзд̇и яат̇аа д̇ам̣ агид̇д̇ибан̣д̣ид̇о. на жа махаабурисо ад̇д̇ано буд̇д̇ад̣̇аарад̣̇аасагаммагараборисз яаажид̇о д̇з асан̃н̃аабид̇з д̣̇оманассаббад̇д̇з яаажагаанам̣ д̣̇зд̇и, саммад̣̇зва бана сан̃н̃аабид̇з соманассаббад̇д̇з д̣̇зд̇и. д̣̇знд̇о жа яагкарагкасабисаажаад̣̇ийнам̣ ваа мануссаанам̣ гуруурагамманд̇аанам̣ ваа ж̇аананд̇о на д̣̇зд̇и, д̇ат̇аа раж̇ж̇амби д̇аад̣̇исаанам̣ на д̣̇зд̇и. яз логасса ахид̇ааяа д̣̇угкааяа анад̇т̇ааяа бадибаж̇ж̇анд̇и, яз бана д̇хаммигаа д̇хаммзна логам̣ баалзнд̇и, д̇зсам̣ д̣̇зд̇и. звам̣ д̇аава б̣аахирад̣̇аанз бадибад̇д̇и взд̣̇ид̇аб̣б̣аа.

    Tathā yācito gahaṭṭhānaṃ gahaṭṭhānucchavikaṃ deti, pabbajitānaṃ pabbajitānucchavikaṃ deti, mātāpitaro ñātisālohitā mittāmaccā puttadāradāsakammakarāti etesu kassaci pīḷaṃ ajanento deti, na ca uḷāraṃ deyyadhammaṃ paṭijānitvā lūkhaṃ deti, na ca lābhasakkārasilokasannissito deti, na ca paccupakārasannissito deti, na ca phalapāṭikaṅkhī deti aññatra sammāsambodhiyā, na ca yācake deyyadhammaṃ vā jigucchanto deti, na ca asaññatānaṃ yācakānaṃ akkosakarosakānampi apaviddhaṃ dānaṃ deti, aññadatthu pasannacitto anukampanto sakkaccameva deti, na ca kotūhalamaṅgaliko hutvā deti, kammaphalameva pana saddahanto deti, napi yācake payirupāsanādīhi parikilesetvā deti, aparikilesanto eva pana deti, na ca paresaṃ vañcanādhippāyo bhedanādhippāyo vā dānaṃ deti, asaṃkiliṭṭhacitto eva deti, napi pharusavāco bhākuṭimukho dānaṃ deti, piyavādī pana pubbabhāsī mitavacano hutvā deti , yasmiñca deyyadhamme uḷāramanuññatāya vā ciraparicayena vā gedhasabhāvatāya vā lobhadhammo adhimatto hoti, jānanto bodhisatto taṃ khippameva paṭivinodetvā yācake pariyesitvāpi deti, yañca deyyavatthu parittaṃ yācakopi paccupaṭṭhito, taṃ acintetvāpi attānaṃ bādhetvā dento yācakaṃ sammāneti yathā taṃ akittipaṇḍito. Na ca mahāpuriso attano puttadāradāsakammakaraporise yācito te asaññāpite domanassappatte yācakānaṃ deti, sammadeva pana saññāpite somanassappatte deti. Dento ca yakkharakkhasapisācādīnaṃ vā manussānaṃ kurūrakammantānaṃ vā jānanto na deti, tathā rajjampi tādisānaṃ na deti. Ye lokassa ahitāya dukkhāya anatthāya paṭipajjanti, ye pana dhammikā dhammena lokaṃ pālenti, tesaṃ deti. Evaṃ tāva bāhiradāne paṭipatti veditabbā.

    аж̇жхад̇д̇игад̣̇аанам̣ бана д̣̇вийхи аагаарзхи взд̣̇ид̇аб̣б̣ам̣. гат̇ам̣? яат̇аа наама гожи бурисо гхаасажчаад̣̇анахзд̇у ад̇д̇аанам̣ барасса ниссаж̇ж̇ад̇и, вид̇хзяяабхаавам̣ убаг̇ажчад̇и д̣̇аасаб̣яам̣, звамзва махаабурисо самб̣од̇хихзд̇у нираамисажид̇д̇о сад̇д̇аанам̣ ануд̇д̇арам̣ хид̇асукам̣ ижчанд̇о ад̇д̇ано д̣̇аанабаарамим̣ барибуурзд̇угаамо ад̇д̇аанам̣ барасса ниссаж̇ж̇ад̇и, вид̇хзяяабхаавам̣ убаг̇ажчад̇и яат̇аагаамагаран̣ийяад̇ам̣. гаражаран̣анаяанаад̣̇иан̇г̇абажжан̇г̇ам̣ д̇зна д̇зна ад̇т̇игаанам̣ агамбид̇о анолийно ануббад̣̇зд̇и, на д̇ад̇т̇а саж̇ж̇ад̇и на сан̇гожам̣ аабаж̇ж̇ад̇и яат̇аа д̇ам̣ б̣аахиравад̇т̇усмим̣, д̇ат̇аа хи махаабурисо д̣̇вийхи аагаарзхи б̣аахиравад̇т̇ум̣ барижжаж̇ад̇и яат̇аасукам̣ барибхог̇ааяа ваа яаажагаанам̣ д̇зсам̣ манорат̇ам̣ барибуурзнд̇о, ад̇д̇ано васийбхаавааяа ваа, д̇ад̇т̇а саб̣б̣зна саб̣б̣ам̣ муд̇д̇ажааг̇о, звамахам̣ ниссан̇г̇абхааванааяа самб̣од̇хим̣ баабун̣иссаамийд̇и. звам̣ аж̇жхад̇д̇игавад̇т̇усминд̇и взд̣̇ид̇аб̣б̣ам̣.

    Ajjhattikadānaṃ pana dvīhi ākārehi veditabbaṃ. Kathaṃ? Yathā nāma koci puriso ghāsacchādanahetu attānaṃ parassa nissajjati, vidheyyabhāvaṃ upagacchati dāsabyaṃ, evameva mahāpuriso sambodhihetu nirāmisacitto sattānaṃ anuttaraṃ hitasukhaṃ icchanto attano dānapāramiṃ paripūretukāmo attānaṃ parassa nissajjati, vidheyyabhāvaṃ upagacchati yathākāmakaraṇīyataṃ. Karacaraṇanayanādiaṅgapaccaṅgaṃ tena tena atthikānaṃ akampito anolīno anuppadeti, na tattha sajjati na saṅkocaṃ āpajjati yathā taṃ bāhiravatthusmiṃ, tathā hi mahāpuriso dvīhi ākārehi bāhiravatthuṃ pariccajati yathāsukhaṃ paribhogāya vā yācakānaṃ tesaṃ manorathaṃ paripūrento, attano vasībhāvāya vā, tattha sabbena sabbaṃ muttacāgo, evamahaṃ nissaṅgabhāvanāya sambodhiṃ pāpuṇissāmīti. Evaṃ ajjhattikavatthusminti veditabbaṃ.

    д̇ад̇т̇а яам̣ аж̇жхад̇д̇игавад̇т̇у д̣̇ийяамаанам̣ яаажагасса зганд̇знзва хид̇ааяа сам̣вад̇д̇ад̇и, д̇ам̣ д̣̇зд̇и, на ид̇арам̣. на жа махаабурисо маарасса маарагааяигаанам̣ д̣̇звад̇аанам̣ ваа вихим̣саад̇хиббааяаанам̣ ад̇д̇ано ад̇д̇абхаавам̣ ан̇г̇абажжан̇г̇аани ваа ж̇аанамаано д̣̇зд̇и ‘‘маа д̇зсам̣ анад̇т̇о ахосий’’д̇и. яат̇аа жа маарагааяигаанам̣, звам̣ д̇зхи анваавидтаанамби на д̣̇зд̇и, наби уммад̇д̇агаанам̣. ид̇арзсам̣ бана яаажияамаано самананд̇арамзва д̣̇зд̇и, д̇аад̣̇исааяа яаажанааяа д̣̇уллабхабхаавад̇о д̇аад̣̇исасса жа д̣̇аанасса д̣̇уггарабхаавад̇о.

    Tattha yaṃ ajjhattikavatthu dīyamānaṃ yācakassa ekanteneva hitāya saṃvattati, taṃ deti, na itaraṃ. Na ca mahāpuriso mārassa mārakāyikānaṃ devatānaṃ vā vihiṃsādhippāyānaṃ attano attabhāvaṃ aṅgapaccaṅgāni vā jānamāno deti ‘‘mā tesaṃ anattho ahosī’’ti. Yathā ca mārakāyikānaṃ, evaṃ tehi anvāviṭṭhānampi na deti, napi ummattakānaṃ. Itaresaṃ pana yāciyamāno samanantarameva deti, tādisāya yācanāya dullabhabhāvato tādisassa ca dānassa dukkarabhāvato.

    абхаяад̣̇аанам̣ бана рааж̇ад̇о жорад̇о аг̇г̇ид̇о уд̣̇агад̇о взрибуг̇г̇алад̇о сийхаб̣яаг̇гхаад̣̇иваал̣амиг̇ад̇о нааг̇аяагкарагкасабисаажаад̣̇ид̇о сад̇д̇аанам̣ бхаяз бажжубадтид̇з д̇ад̇о барид̇д̇аан̣абхаавзна взд̣̇ид̇аб̣б̣ам̣.

    Abhayadānaṃ pana rājato corato aggito udakato veripuggalato sīhabyagghādivāḷamigato nāgayakkharakkhasapisācādito sattānaṃ bhaye paccupaṭṭhite tato parittāṇabhāvena veditabbaṃ.

    д̇хаммад̣̇аанам̣ бана асам̣гилидтажид̇д̇асса авибарийд̇аа д̇хаммад̣̇зсанаа, обааяиго хид̇асса убад̣̇зсо д̣̇идтад̇хаммигасамбарааяигабарамад̇т̇авасзна язна саасанз анод̇ин̣н̣аанам̣ авад̇ааран̣ам̣ од̇ин̣н̣аанам̣ барибаажанам̣. д̇ад̇т̇ааяам̣ наяо – сан̇кзбад̇о д̇аава д̣̇аанагат̇аа сийлагат̇аа саг̇г̇агат̇аа гаамаанам̣ аад̣̇ийнаво сам̣гилзсо жа нзгкаммз аанисам̣со. вид̇т̇аарад̇о бана саавагаб̣од̇хияам̣ ад̇химуд̇д̇ажид̇д̇аанам̣ саран̣аг̇аманам̣ сийласам̣варо инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа ж̇ааг̇арияаануяог̇о сад̇д̇а сад̣̇д̇хаммаа адтад̇им̣сааяа аарамман̣зсу гаммагаран̣авасзна самат̇аануяог̇о руубагааяаад̣̇ийсу вибассанаабхинивзсзсу яат̇аарахам̣ абхинивзсамукзна вибассанаануяог̇о, д̇ат̇аа висуд̣̇д̇хибадибад̣̇аа саммад̇д̇аг̇ахан̣ам̣ д̇иссо виж̇ж̇аа ча абхин̃н̃аа жад̇ассо бадисамбхид̣̇аа саавагаб̣од̇хийд̇и зд̇зсам̣ г̇ун̣асам̣гид̇д̇анавасзна яат̇аарахам̣ д̇ад̇т̇а д̇ад̇т̇а бад̇идтаабанаа барияод̣̇абанаа жа. д̇ат̇аа бажжзгаб̣од̇хияам̣ саммаасамб̣од̇хияан̃жа ад̇химуд̇д̇аанам̣ сад̇д̇аанам̣ яат̇аарахам̣ д̣̇аанаад̣̇ибаарамийнам̣ сабхааварасалагкан̣аад̣̇исам̣гид̇д̇анамукзна д̇ийсуби авад̇т̇аасу д̇зсам̣ б̣уд̣̇д̇хаанам̣ махаанубхаавад̇аавибхааванзна яаанад̣̇ваяз бад̇идтаабанаа барияод̣̇абанаа жа. звам̣ махаабурисо сад̇д̇аанам̣ д̇хаммад̣̇аанам̣ д̣̇зд̇и.

    Dhammadānaṃ pana asaṃkiliṭṭhacittassa aviparītā dhammadesanā, opāyiko hitassa upadeso diṭṭhadhammikasamparāyikaparamatthavasena yena sāsane anotiṇṇānaṃ avatāraṇaṃ otiṇṇānaṃ paripācanaṃ. Tatthāyaṃ nayo – saṅkhepato tāva dānakathā sīlakathā saggakathā kāmānaṃ ādīnavo saṃkileso ca nekkhamme ānisaṃso. Vitthārato pana sāvakabodhiyaṃ adhimuttacittānaṃ saraṇagamanaṃ sīlasaṃvaro indriyesu guttadvāratā bhojane mattaññutā jāgariyānuyogo satta saddhammā aṭṭhatiṃsāya ārammaṇesu kammakaraṇavasena samathānuyogo rūpakāyādīsu vipassanābhinivesesu yathārahaṃ abhinivesamukhena vipassanānuyogo, tathā visuddhipaṭipadā sammattagahaṇaṃ tisso vijjā cha abhiññā catasso paṭisambhidā sāvakabodhīti etesaṃ guṇasaṃkittanavasena yathārahaṃ tattha tattha patiṭṭhāpanā pariyodapanā ca. Tathā paccekabodhiyaṃ sammāsambodhiyañca adhimuttānaṃ sattānaṃ yathārahaṃ dānādipāramīnaṃ sabhāvarasalakkhaṇādisaṃkittanamukhena tīsupi avatthāsu tesaṃ buddhānaṃ mahānubhāvatāvibhāvanena yānadvaye patiṭṭhāpanā pariyodapanā ca. Evaṃ mahāpuriso sattānaṃ dhammadānaṃ deti.

    д̇ат̇аа махаабурисо сад̇д̇аанам̣ аамисад̣̇аанам̣ д̣̇знд̇о ‘‘иминаахам̣ д̣̇аанзна сад̇д̇аанам̣ ааяуван̣н̣асукаб̣алабадибхаанаад̣̇исамбад̇д̇ин̃жа раман̣ийяам̣ аг̇г̇апаласамбад̇д̇ин̃жа нибпаад̣̇зяяа’’нд̇и аннад̣̇аанам̣ д̣̇зд̇и, д̇ат̇аа сад̇д̇аанам̣ гаамагилзсабибаасаавуубасамааяа баанам̣ д̣̇зд̇и, д̇ат̇аа суван̣н̣аван̣н̣ад̇ааяа хирод̇д̇аббаалан̇гаарасса жа нибпад̇д̇ияаа вад̇т̇аани д̣̇зд̇и, д̇ат̇аа ид̣̇д̇хивид̇хасса жзва ниб̣б̣аанасукасса жа нибпад̇д̇ияаа яаанам̣ д̣̇зд̇и, д̇ат̇аа сийлаг̇анд̇ханибпад̇д̇ияаа г̇анд̇хам̣ д̣̇зд̇и, д̇ат̇аа б̣уд̣̇д̇хаг̇ун̣асобхаанибпад̇д̇ияаа маалаавилзбанам̣ д̣̇зд̇и, б̣од̇химан̣д̣аасананибпад̇д̇ияаа аасанам̣ д̣̇зд̇и, д̇ат̇ааг̇ад̇асзяяаанибпад̇д̇ияаа сзяяам̣ д̣̇зд̇и, саран̣абхааванибпад̇д̇ияаа аавасат̇ам̣ д̣̇зд̇и, бан̃жажагкубадилаабхааяа бад̣̇ийбзяяам̣ д̣̇зд̇и, б̣яаамаббабхаанибпад̇д̇ияаа руубад̣̇аанам̣ д̣̇зд̇и, б̣рахмассаранибпад̇д̇ияаа сад̣̇д̣̇ад̣̇аанам̣ д̣̇зд̇и, саб̣б̣алогасса бияабхаавааяа расад̣̇аанам̣ д̣̇зд̇и, б̣уд̣̇д̇хасукумаалабхаавааяа подтаб̣б̣ад̣̇аанам̣ д̣̇зд̇и, аж̇араамарабхаавааяа бхзсаж̇ж̇ад̣̇аанам̣ д̣̇зд̇и, гилзсад̣̇аасаб̣яавиможанад̇т̇ам̣ д̣̇аасаанам̣ бхуж̇иссад̇аад̣̇аанам̣ д̣̇зд̇и, сад̣̇д̇хаммаабхирад̇ияаа анаваж̇ж̇акид̣д̣аарад̇ихзд̇уд̣̇аанам̣ д̣̇зд̇и, саб̣б̣зби сад̇д̇з арияааяа ж̇аад̇ияаа ад̇д̇ано буд̇д̇абхаавуубанаяанааяа буд̇д̇ад̣̇аанам̣ д̣̇зд̇и, сагалассаби логасса бад̇ибхаавуубаг̇аманааяа д̣̇аарад̣̇аанам̣ д̣̇зд̇и, субхалагкан̣асамбад̇д̇ияаа суван̣н̣аман̣имуд̇д̇аабаваал̣аад̣̇ид̣̇аанам̣, ануб̣яан̃ж̇анасамбад̇д̇ияаа наанаавид̇хавибхуусанад̣̇аанам̣, сад̣̇д̇хаммагосаад̇хиг̇амааяа вид̇д̇агосад̣̇аанам̣, д̇хаммарааж̇абхаавааяа раж̇ж̇ад̣̇аанам̣, жхаанаад̣̇исамбад̇д̇ияаа аараамуяяаанад̇ал̣аагаванад̣̇аанам̣, жагган̇гид̇зхи баад̣̇зхи б̣од̇химан̣д̣уубасан̇гаманааяа жаран̣ад̣̇аанам̣, жад̇урогханид̇т̇аран̣ааяа сад̇д̇аанам̣ сад̣̇д̇хаммахад̇т̇ад̣̇аанад̇т̇ам̣ хад̇т̇ад̣̇аанам̣, сад̣̇д̇хинд̣̇рияаад̣̇ибадилаабхааяа ган̣н̣анаасаад̣̇ид̣̇аанам̣, саманд̇ажагкубадилаабхааяа жагкуд̣̇аанам̣, ‘‘д̣̇ассанасаванаануссаран̣абаарижарияаад̣̇ийсу саб̣б̣агаалам̣ саб̣б̣асад̇д̇аанам̣ хид̇асукаавахо, саб̣б̣алогзна жа убаж̇ийвид̇аб̣б̣о мз гааяо бхавзяяаа’’д̇и мам̣салохид̇аад̣̇ид̣̇аанам̣, ‘‘саб̣б̣алогуд̇д̇амо бхавзяяа’’нд̇и уд̇д̇аман̇г̇ад̣̇аанам̣ д̣̇зд̇и.

    Tathā mahāpuriso sattānaṃ āmisadānaṃ dento ‘‘imināhaṃ dānena sattānaṃ āyuvaṇṇasukhabalapaṭibhānādisampattiñca ramaṇīyaṃ aggaphalasampattiñca nipphādeyya’’nti annadānaṃ deti, tathā sattānaṃ kāmakilesapipāsāvūpasamāya pānaṃ deti, tathā suvaṇṇavaṇṇatāya hirottappālaṅkārassa ca nipphattiyā vatthāni deti, tathā iddhividhassa ceva nibbānasukhassa ca nipphattiyā yānaṃ deti, tathā sīlagandhanipphattiyā gandhaṃ deti, tathā buddhaguṇasobhānipphattiyā mālāvilepanaṃ deti, bodhimaṇḍāsananipphattiyā āsanaṃ deti, tathāgataseyyānipphattiyā seyyaṃ deti, saraṇabhāvanipphattiyā āvasathaṃ deti, pañcacakkhupaṭilābhāya padīpeyyaṃ deti, byāmappabhānipphattiyā rūpadānaṃ deti, brahmassaranipphattiyā saddadānaṃ deti, sabbalokassa piyabhāvāya rasadānaṃ deti, buddhasukhumālabhāvāya phoṭṭhabbadānaṃ deti, ajarāmarabhāvāya bhesajjadānaṃ deti, kilesadāsabyavimocanatthaṃ dāsānaṃ bhujissatādānaṃ deti, saddhammābhiratiyā anavajjakhiḍḍāratihetudānaṃ deti, sabbepi satte ariyāya jātiyā attano puttabhāvūpanayanāya puttadānaṃ deti, sakalassapi lokassa patibhāvūpagamanāya dāradānaṃ deti, subhalakkhaṇasampattiyā suvaṇṇamaṇimuttāpavāḷādidānaṃ, anubyañjanasampattiyā nānāvidhavibhūsanadānaṃ, saddhammakosādhigamāya vittakosadānaṃ, dhammarājabhāvāya rajjadānaṃ, jhānādisampattiyā ārāmuyyānataḷākavanadānaṃ, cakkaṅkitehi pādehi bodhimaṇḍūpasaṅkamanāya caraṇadānaṃ, caturoghanittharaṇāya sattānaṃ saddhammahatthadānatthaṃ hatthadānaṃ, saddhindriyādipaṭilābhāya kaṇṇanāsādidānaṃ, samantacakkhupaṭilābhāya cakkhudānaṃ, ‘‘dassanasavanānussaraṇapāricariyādīsu sabbakālaṃ sabbasattānaṃ hitasukhāvaho, sabbalokena ca upajīvitabbo me kāyo bhaveyyā’’ti maṃsalohitādidānaṃ, ‘‘sabbalokuttamo bhaveyya’’nti uttamaṅgadānaṃ deti.

    звам̣ д̣̇ад̣̇анд̇о жа на анзсанааяа д̣̇зд̇и, на жа баробагхаад̇зна, на бхаязна, на лаж̇ж̇ааяа, на д̣̇агкин̣зяяаросанзна, на бан̣ийд̇з сад̇и луукам̣, на ад̇д̇уггам̣санзна, на баравамбханзна, на палаабхисан̇кааяа, на яаажагаж̇иг̇ужчааяа, на ажид̇д̇ийгаарзна д̣̇зд̇и, ат̇а ко саггажжам̣ д̣̇зд̇и, сахад̇т̇зна д̣̇зд̇и, гаалзна д̣̇зд̇и, жид̇д̇ийгад̇ваа д̣̇зд̇и, авибхааг̇зна д̣̇зд̇и. д̇ийсу гаалзсу соманассид̇о д̣̇зд̇и, д̇ад̇о зва жа д̣̇ад̇ваа на бажчаануд̇аабий ход̇и. на бадиг̇г̇аахагавасзна маанаавамаанам̣ гарод̇и, бадиг̇г̇аахагаанам̣ бияасамуд̣̇аажааро ход̇и вад̣̇ан̃н̃уу яаажаяог̇о сабариваарад̣̇ааяаго. аннад̣̇аанан̃хи д̣̇знд̇о ‘‘д̇ам̣ сабариваарам̣ гад̇ваа д̣̇ассаамий’’д̇и вад̇т̇аад̣̇ийхи сад̣̇д̇хим̣ д̣̇зд̇и. д̇ат̇аа вад̇т̇ад̣̇аанам̣ д̣̇знд̇о ‘‘д̇ам̣ сабариваарам̣ гад̇ваа д̣̇ассаамий’’д̇и аннаад̣̇ийхи сад̣̇д̇хим̣ д̣̇зд̇и. яаанад̣̇аанаад̣̇ийсуби зсзва наяо.

    Evaṃ dadanto ca na anesanāya deti, na ca paropaghātena, na bhayena, na lajjāya, na dakkhiṇeyyarosanena, na paṇīte sati lūkhaṃ, na attukkaṃsanena, na paravambhanena, na phalābhisaṅkhāya, na yācakajigucchāya, na acittīkārena deti, atha kho sakkaccaṃ deti, sahatthena deti, kālena deti, cittīkatvā deti, avibhāgena deti. Tīsu kālesu somanassito deti, tato eva ca datvā na pacchānutāpī hoti. Na paṭiggāhakavasena mānāvamānaṃ karoti, paṭiggāhakānaṃ piyasamudācāro hoti vadaññū yācayogo saparivāradāyako. Annadānañhi dento ‘‘taṃ saparivāraṃ katvā dassāmī’’ti vatthādīhi saddhiṃ deti. Tathā vatthadānaṃ dento ‘‘taṃ saparivāraṃ katvā dassāmī’’ti annādīhi saddhiṃ deti. Yānadānādīsupi eseva nayo.

    д̇ат̇аа руубад̣̇аанам̣ д̣̇знд̇о ид̇араарамман̣ааниби д̇асса бариваарам̣ гад̇ваа д̣̇зд̇и, звам̣ сзсзсуби. д̇ад̇т̇а руубад̣̇аанам̣ наама нийлабийд̇алохид̇аод̣̇аад̇аад̣̇иван̣н̣аасу бубпавад̇т̇ад̇хаад̇уусу ан̃н̃ад̇арам̣ лабхид̇ваа руубавасзна аабхуж̇ид̇ваа ‘‘руубад̣̇аанам̣ д̣̇ассаами, руубад̣̇аанам̣ маяха’’нд̇и жинд̇зд̇ваа д̇аад̣̇исз д̣̇агкин̣зяяз д̣̇аанам̣ бад̇идтаабзд̇и савад̇т̇угам̣ гад̇ваа. зд̇ам̣ руубад̣̇аанам̣ наама.

    Tathā rūpadānaṃ dento itarārammaṇānipi tassa parivāraṃ katvā deti, evaṃ sesesupi. Tattha rūpadānaṃ nāma nīlapītalohitaodātādivaṇṇāsu pupphavatthadhātūsu aññataraṃ labhitvā rūpavasena ābhujitvā ‘‘rūpadānaṃ dassāmi, rūpadānaṃ mayha’’nti cintetvā tādise dakkhiṇeyye dānaṃ patiṭṭhāpeti savatthukaṃ katvā. Etaṃ rūpadānaṃ nāma.

    сад̣̇д̣̇ад̣̇аанам̣ бана бхзрисад̣̇д̣̇аад̣̇ивасзна взд̣̇ид̇аб̣б̣ам̣. д̇ад̇т̇а сад̣̇д̣̇ам̣ ганд̣̇амуулаани вияа уббаадзд̇ваа нийлуббалахад̇т̇агам̣ вияа жа хад̇т̇з табзд̇ваа д̣̇аад̇ум̣ на саггаа, савад̇т̇угам̣ бана гад̇ваа д̣̇знд̇о сад̣̇д̣̇ад̣̇аанам̣ д̣̇зд̇и наама. д̇асмаа яад̣̇аа ‘‘сад̣̇д̣̇ад̣̇аанам̣ д̣̇ассаамий’’д̇и бхзримуд̣̇ин̇г̇аад̣̇ийсу ан̃н̃ад̇арзна д̇ууриязна д̇ин̣н̣ам̣ рад̇анаанам̣ убахаарам̣ гарод̇и гаарзд̇и жа, ‘‘сад̣̇д̣̇ад̣̇аанам̣ мз’’д̇и бхзриаад̣̇ийни табзд̇и табаабзд̇и жа. д̇хаммагат̇игаанам̣ бана сарабхзсаж̇ж̇ам̣ д̇злапаан̣ид̇аад̣̇им̣ д̣̇зд̇и, д̇хаммассаванам̣ гхосзд̇и, сарабхан̃н̃ам̣ бхан̣ад̇и, д̇хаммагат̇ам̣ гат̇зд̇и, убанисиннагагат̇ам̣ анумод̣̇анагат̇ан̃жа гарод̇и гаарзд̇и жа, д̇ад̣̇аа сад̣̇д̣̇ад̣̇аанам̣ наама ход̇и.

    Saddadānaṃ pana bherisaddādivasena veditabbaṃ. Tattha saddaṃ kandamūlāni viya uppāṭetvā nīluppalahatthakaṃ viya ca hatthe ṭhapetvā dātuṃ na sakkā, savatthukaṃ pana katvā dento saddadānaṃ deti nāma. Tasmā yadā ‘‘saddadānaṃ dassāmī’’ti bherimudiṅgādīsu aññatarena tūriyena tiṇṇaṃ ratanānaṃ upahāraṃ karoti kāreti ca, ‘‘saddadānaṃ me’’ti bheriādīni ṭhapeti ṭhapāpeti ca. Dhammakathikānaṃ pana sarabhesajjaṃ telaphāṇitādiṃ deti, dhammassavanaṃ ghoseti, sarabhaññaṃ bhaṇati, dhammakathaṃ katheti, upanisinnakakathaṃ anumodanakathañca karoti kāreti ca, tadā saddadānaṃ nāma hoti.

    д̇ат̇аа г̇анд̇хад̣̇аанам̣ муулаг̇анд̇хаад̣̇ийсу ан̃н̃ад̇арам̣ раж̇анийяам̣ г̇анд̇хавад̇т̇ум̣ бим̣сид̇амзва ваа г̇анд̇хам̣ яам̣гин̃жи лабхид̇ваа г̇анд̇хавасзна аабхуж̇ид̇ваа ‘‘г̇анд̇хад̣̇аанам̣ д̣̇ассаами, г̇анд̇хад̣̇аанам̣ маяха’’нд̇и б̣уд̣̇д̇харад̇анаад̣̇ийнам̣ бууж̇ам̣ гарод̇и гаарзд̇и жа, г̇анд̇хабууж̇анад̇т̇ааяа аг̇аружанд̣̇анаад̣̇игз г̇анд̇хавад̇т̇угз барижжаж̇ад̇и. ид̣̇ам̣ г̇анд̇хад̣̇аанам̣.

    Tathā gandhadānaṃ mūlagandhādīsu aññataraṃ rajanīyaṃ gandhavatthuṃ piṃsitameva vā gandhaṃ yaṃkiñci labhitvā gandhavasena ābhujitvā ‘‘gandhadānaṃ dassāmi, gandhadānaṃ mayha’’nti buddharatanādīnaṃ pūjaṃ karoti kāreti ca, gandhapūjanatthāya agarucandanādike gandhavatthuke pariccajati. Idaṃ gandhadānaṃ.

    д̇ат̇аа мууларасаад̣̇ийсу яам̣гин̃жи раж̇анийяам̣ расавад̇т̇ум̣ лабхид̇ваа расавасзна аабхуж̇ид̇ваа ‘‘расад̣̇аанам̣ д̣̇ассаами, расад̣̇аанам̣ маяха’’нд̇и д̣̇агкин̣зяяаанам̣ д̣̇зд̇и, расавад̇т̇умзва ваа д̇хан̃н̃аг̇аваад̣̇игам̣ барижжаж̇ад̇и. ид̣̇ам̣ расад̣̇аанам̣.

    Tathā mūlarasādīsu yaṃkiñci rajanīyaṃ rasavatthuṃ labhitvā rasavasena ābhujitvā ‘‘rasadānaṃ dassāmi, rasadānaṃ mayha’’nti dakkhiṇeyyānaṃ deti, rasavatthumeva vā dhaññagavādikaṃ pariccajati. Idaṃ rasadānaṃ.

    д̇ат̇аа подтаб̣б̣ад̣̇аанам̣ ман̃жабийтаад̣̇ивасзна ад̇т̇аран̣абаавуран̣аад̣̇ивасзна жа взд̣̇ид̇аб̣б̣ам̣. яад̣̇аа хи ман̃жабийтабхисиб̣имб̣оханаад̣̇игам̣ ниваасанабаарубанаад̣̇игам̣ ваа сукасампассам̣ раж̇анийяам̣ анаваж̇ж̇ам̣ подтаб̣б̣авад̇т̇ум̣ лабхид̇ваа подтаб̣б̣авасзна аабхуж̇ид̇ваа ‘‘подтаб̣б̣ад̣̇аанам̣ д̣̇ассаами, подтаб̣б̣ад̣̇аанам̣ маяха’’нд̇и д̣̇агкин̣зяяаанам̣ д̣̇зд̇и. яат̇аавуд̇д̇ам̣ подтаб̣б̣авад̇т̇ум̣ лабхид̇ваа барижжаж̇ад̇и, ид̣̇ам̣ подтаб̣б̣ад̣̇аанам̣.

    Tathā phoṭṭhabbadānaṃ mañcapīṭhādivasena attharaṇapāvuraṇādivasena ca veditabbaṃ. Yadā hi mañcapīṭhabhisibimbohanādikaṃ nivāsanapārupanādikaṃ vā sukhasamphassaṃ rajanīyaṃ anavajjaṃ phoṭṭhabbavatthuṃ labhitvā phoṭṭhabbavasena ābhujitvā ‘‘phoṭṭhabbadānaṃ dassāmi, phoṭṭhabbadānaṃ mayha’’nti dakkhiṇeyyānaṃ deti. Yathāvuttaṃ phoṭṭhabbavatthuṃ labhitvā pariccajati, idaṃ phoṭṭhabbadānaṃ.

    д̇хаммад̣̇аанам̣ бана д̇хаммаарамман̣асса ад̇хиббзд̇ад̇д̇аа ож̇абаанаж̇ийвид̇авасзна взд̣̇ид̇аб̣б̣ам̣. ож̇аад̣̇ийсу хи ан̃н̃ад̇арам̣ раж̇анийяам̣ вад̇т̇ум̣ лабхид̇ваа д̇хаммаарамман̣авасзна аабхуж̇ид̇ваа ‘‘д̇хаммад̣̇аанам̣ д̣̇ассаами, д̇хаммад̣̇аанам̣ маяха’’нд̇и саббинаванийд̇аад̣̇иож̇ад̣̇аанам̣ д̣̇зд̇и. амб̣абаанаад̣̇иадтавид̇хабаанад̣̇аанам̣ д̣̇зд̇и, ж̇ийвид̇ад̣̇аананд̇и аабхуж̇ид̇ваа салаагабхад̇д̇абагкигабхад̇д̇аад̣̇ийни д̣̇зд̇и, апаасугабхаавзна абхибхууд̇аанам̣ б̣яаад̇хид̇аанам̣ взж̇ж̇з бажжубадтаабзд̇и, ж̇аалам̣ паалаабзд̇и, гуминам̣ вид̣̇д̇хам̣саабзд̇и, сагун̣абан̃ж̇арам̣ вид̣̇д̇хам̣саабзд̇и, б̣анд̇ханзна б̣ад̣̇д̇хаанам̣ сад̇д̇аанам̣ б̣анд̇ханамогкам̣ гаарзд̇и, маагхаад̇абхзрим̣ жараабзд̇и, ан̃н̃аани жа сад̇д̇аанам̣ ж̇ийвид̇абарид̇д̇аан̣ад̇т̇ам̣ зваруубаани гаммаани гарод̇и гаараабзд̇и жа. ид̣̇ам̣ д̇хаммад̣̇аанам̣ наама.

    Dhammadānaṃ pana dhammārammaṇassa adhippetattā ojapānajīvitavasena veditabbaṃ. Ojādīsu hi aññataraṃ rajanīyaṃ vatthuṃ labhitvā dhammārammaṇavasena ābhujitvā ‘‘dhammadānaṃ dassāmi, dhammadānaṃ mayha’’nti sappinavanītādiojadānaṃ deti. Ambapānādiaṭṭhavidhapānadānaṃ deti, jīvitadānanti ābhujitvā salākabhattapakkhikabhattādīni deti, aphāsukabhāvena abhibhūtānaṃ byādhitānaṃ vejje paccupaṭṭhāpeti, jālaṃ phālāpeti, kuminaṃ viddhaṃsāpeti, sakuṇapañjaraṃ viddhaṃsāpeti, bandhanena baddhānaṃ sattānaṃ bandhanamokkhaṃ kāreti, māghātabheriṃ carāpeti, aññāni ca sattānaṃ jīvitaparittāṇatthaṃ evarūpāni kammāni karoti kārāpeti ca. Idaṃ dhammadānaṃ nāma.

    саб̣б̣амзд̇ам̣ яат̇аавуд̇д̇ам̣ д̣̇аанасамбад̣̇ам̣ сагалалогахид̇асукааяа барин̣аамзд̇и. ад̇д̇ано жа саммаасамб̣од̇хияаа агуббааяа вимуд̇д̇ияаа абаригкаяасса чанд̣̇асса абаригкаяасса вийрияасса абаригкаяасса самаад̇хисса абаригкаяасса бадибхаанасса абаригкаяасса н̃аан̣асса абаригкаяааяа вимуд̇д̇ияаа барин̣аамзд̇и . иман̃жа д̣̇аанабаарамим̣ бадибаж̇ж̇анд̇зна махаасад̇д̇зна ж̇ийвид̇з анижжасан̃н̃аа бажжубадтаабзд̇аб̣б̣аа д̇ат̇аа бхог̇зсу, б̣ахусаад̇хааран̣ад̇аа жа нзсам̣ манасигаад̇аб̣б̣аа, сад̇д̇зсу жа махаагарун̣аа сад̇ад̇ам̣ самид̇ам̣ бажжубадтаабзд̇аб̣б̣аа. зван̃хи бхог̇з г̇ахзд̇аб̣б̣асаарам̣ г̇ан̣ханд̇о аад̣̇ид̇д̇ад̇о вияа аг̇аарад̇о саб̣б̣ам̣ саабад̇зяяам̣ ад̇д̇аанан̃жа б̣ахи нийхаранд̇о на гин̃жи сзсзд̇и, на гад̇т̇ажи вибхааг̇ам̣ гарод̇и, ан̃н̃ад̣̇ад̇т̇у нирабзгко ниссаж̇ж̇ад̇и зва. аяам̣ д̇аава д̣̇аанабаарамияаа бадибад̇д̇иггамо.

    Sabbametaṃ yathāvuttaṃ dānasampadaṃ sakalalokahitasukhāya pariṇāmeti. Attano ca sammāsambodhiyā akuppāya vimuttiyā aparikkhayassa chandassa aparikkhayassa vīriyassa aparikkhayassa samādhissa aparikkhayassa paṭibhānassa aparikkhayassa ñāṇassa aparikkhayāya vimuttiyā pariṇāmeti . Imañca dānapāramiṃ paṭipajjantena mahāsattena jīvite aniccasaññā paccupaṭṭhāpetabbā tathā bhogesu, bahusādhāraṇatā ca nesaṃ manasikātabbā, sattesu ca mahākaruṇā satataṃ samitaṃ paccupaṭṭhāpetabbā. Evañhi bhoge gahetabbasāraṃ gaṇhanto ādittato viya agārato sabbaṃ sāpateyyaṃ attānañca bahi nīharanto na kiñci seseti, na katthaci vibhāgaṃ karoti, aññadatthu nirapekkho nissajjati eva. Ayaṃ tāva dānapāramiyā paṭipattikkamo.

    сийлабаарамияаа бана аяам̣ бадибад̇д̇иггамо – яасмаа саб̣б̣ан̃н̃усийлаалан̇гаарзхи сад̇д̇з алан̇гарид̇угаамзна махаабурисзна аад̣̇ид̇о ад̇д̇ано зва д̇аава сийлам̣ висод̇хзд̇аб̣б̣ам̣. д̇ад̇т̇а жа жад̇уухи аагаарзхи сийлам̣ висуж̇жхад̇и – аж̇жхаасаяависуд̣̇д̇хид̇о, самаад̣̇аанад̇о, авийд̇иггаманад̇о, сад̇и жа вийд̇иггамз буна бадибаагад̇игагаран̣ад̇о. висуд̣̇д̇хаасаяад̇ааяа хи згажжо ад̇д̇аад̇хибад̇и худ̇ваа баабаж̇иг̇ужчанасабхааво аж̇жхад̇д̇ам̣ хирид̇хаммам̣ бажжубадтаабзд̇ваа субарисуд̣̇д̇хасамаажааро ход̇и. д̇ат̇аа барад̇о самаад̣̇аанз сад̇и згажжо логаад̇хибад̇и худ̇ваа баабад̇о уд̇д̇асанд̇о од̇д̇аббад̇хаммам̣ бажжубадтаабзд̇ваа субарисуд̣̇д̇хасамаажааро ход̇и. ид̇и убхаяат̇ааби зд̇з авийд̇иггаманад̇о сийлз бад̇идтаханд̇и. ат̇а бана гад̣̇аажи сад̇исаммосзна сийласса кан̣д̣аад̣̇ибхааво сияаа. д̇ааяаязва яат̇аавуд̇д̇ааяа хирод̇д̇аббасамбад̇д̇ияаа киббамзва нам̣ вудтаанаад̣̇инаа бадибаагад̇игам̣ гарод̇и.

    Sīlapāramiyā pana ayaṃ paṭipattikkamo – yasmā sabbaññusīlālaṅkārehi satte alaṅkaritukāmena mahāpurisena ādito attano eva tāva sīlaṃ visodhetabbaṃ. Tattha ca catūhi ākārehi sīlaṃ visujjhati – ajjhāsayavisuddhito, samādānato, avītikkamanato, sati ca vītikkame puna paṭipākatikakaraṇato. Visuddhāsayatāya hi ekacco attādhipati hutvā pāpajigucchanasabhāvo ajjhattaṃ hiridhammaṃ paccupaṭṭhāpetvā suparisuddhasamācāro hoti. Tathā parato samādāne sati ekacco lokādhipati hutvā pāpato uttasanto ottappadhammaṃ paccupaṭṭhāpetvā suparisuddhasamācāro hoti. Iti ubhayathāpi ete avītikkamanato sīle patiṭṭhahanti. Atha pana kadāci satisammosena sīlassa khaṇḍādibhāvo siyā. Tāyayeva yathāvuttāya hirottappasampattiyā khippameva naṃ vuṭṭhānādinā paṭipākatikaṃ karoti.

    д̇аяид̣̇ам̣ сийлам̣ ваарид̇д̇ам̣, жаарид̇д̇анд̇и д̣̇увид̇хам̣. д̇ад̇т̇ааяам̣ б̣од̇хисад̇д̇асса ваарид̇д̇асийлз бадибад̇д̇иггамо – саб̣б̣асад̇д̇зсу д̇ат̇аа д̣̇аяаабаннажид̇д̇зна бхавид̇аб̣б̣ам̣, яат̇аа субинанд̇знаби на аагхаад̇о уббаж̇ж̇зяяа. баруубагааранирад̇ад̇ааяа барасанд̇аго алаг̇ад̣̇д̣̇о вияа на бараамасид̇аб̣б̣о. сажз баб̣б̣аж̇ид̇о ход̇и, аб̣рахмажарияад̇оби аараажаарий ход̇и сад̇д̇авид̇хамзт̇унасам̣яог̇авирахид̇о, баг̇зва барад̣̇аараг̇аманад̇о. сажз бана абаб̣б̣аж̇ид̇о г̇ахадто самаано барзсам̣ д̣̇аарзсу сад̣̇аа баабагам̣ жид̇д̇амби на уббаад̣̇зд̇и. гат̇знд̇о жа сажжам̣ хид̇ам̣ бияам̣ важанам̣ баримид̇амзва жа гаалзна д̇хаммим̣ гат̇ам̣ бхаасид̇аа ход̇и, саб̣б̣ад̇т̇а анабхиж̇жхаалу аб̣яаабаннажид̇д̇о авибарийд̇ад̣̇ассано гаммассагад̇ан̃аан̣зна жа саманнааг̇ад̇о саммаг̇г̇ад̇зсу саммаабадибаннзсу нивидтасад̣̇д̇хо ход̇и нивидтабзмо.

    Tayidaṃ sīlaṃ vārittaṃ, cārittanti duvidhaṃ. Tatthāyaṃ bodhisattassa vārittasīle paṭipattikkamo – sabbasattesu tathā dayāpannacittena bhavitabbaṃ, yathā supinantenapi na āghāto uppajjeyya. Parūpakāraniratatāya parasantako alagaddo viya na parāmasitabbo. Sace pabbajito hoti, abrahmacariyatopi ārācārī hoti sattavidhamethunasaṃyogavirahito, pageva paradāragamanato. Sace pana apabbajito gahaṭṭho samāno paresaṃ dāresu sadā pāpakaṃ cittampi na uppādeti. Kathento ca saccaṃ hitaṃ piyaṃ vacanaṃ parimitameva ca kālena dhammiṃ kathaṃ bhāsitā hoti, sabbattha anabhijjhālu abyāpannacitto aviparītadassano kammassakatañāṇena ca samannāgato sammaggatesu sammāpaṭipannesu niviṭṭhasaddho hoti niviṭṭhapemo.

    ид̇и жад̇ураабааяаваддад̣̇угкаанам̣ бат̇абхууд̇зхи агусалагаммабат̇зхи агусалад̇хаммзхи жа орамид̇ваа саг̇г̇амогкаанам̣ бат̇абхууд̇зсу гусалагаммабат̇зсу бад̇идтид̇асса махаабурисасса барисуд̣̇д̇хаасаяабаяог̇ад̇ааяа яат̇аабхибад̇т̇ид̇аа сад̇д̇аанам̣ хид̇асукуубасам̣хид̇аа манорат̇аа сийгхам̣ сийгхам̣ абхинибпаж̇ж̇анд̇и, баарамияо барибуурзнд̇и. звам̣бхууд̇о хи аяам̣. д̇ад̇т̇а хим̣саанивад̇д̇ияаа саб̣б̣асад̇д̇аанам̣ абхаяад̣̇аанам̣ д̣̇зд̇и, аббагасирзнзва мзд̇д̇аабхааванам̣ самбаад̣̇зд̇и, згаад̣̇аса мзд̇д̇аанисам̣сз ад̇хиг̇ажчад̇и, аббааб̣аад̇хо ход̇и аббаад̇ан̇го, д̣̇ийгхааяуго сукаб̣ахуло лагкан̣ависзсз баабун̣аад̇и, д̣̇осаваасанан̃жа самужчинд̣̇ад̇и.

    Iti caturāpāyavaṭṭadukkhānaṃ pathabhūtehi akusalakammapathehi akusaladhammehi ca oramitvā saggamokkhānaṃ pathabhūtesu kusalakammapathesu patiṭṭhitassa mahāpurisassa parisuddhāsayapayogatāya yathābhipatthitā sattānaṃ hitasukhūpasaṃhitā manorathā sīghaṃ sīghaṃ abhinipphajjanti, pāramiyo paripūrenti. Evaṃbhūto hi ayaṃ. Tattha hiṃsānivattiyā sabbasattānaṃ abhayadānaṃ deti, appakasireneva mettābhāvanaṃ sampādeti, ekādasa mettānisaṃse adhigacchati, appābādho hoti appātaṅko, dīghāyuko sukhabahulo lakkhaṇavisese pāpuṇāti, dosavāsanañca samucchindati.

    д̇ат̇аа ад̣̇иннаад̣̇аананивад̇д̇ияаа жораад̣̇ийхи асаад̇хааран̣з бхог̇з ад̇хиг̇ажчад̇и. барзхи анаасан̇ганийяо бияо манаабо виссасанийяо вибхавасамбад̇д̇ийсу алаг̇г̇ажид̇д̇о барижжааг̇асийло лобхаваасанан̃жа самужчинд̣̇ад̇и.

    Tathā adinnādānanivattiyā corādīhi asādhāraṇe bhoge adhigacchati. Parehi anāsaṅkanīyo piyo manāpo vissasanīyo vibhavasampattīsu alaggacitto pariccāgasīlo lobhavāsanañca samucchindati.

    аб̣рахмажарияанивад̇д̇ияаа алоло ход̇и санд̇агааяажид̇д̇о, сад̇д̇аанам̣ бияо ход̇и манаабо абарисан̇ганийяо , галяаан̣о жасса гид̇д̇исад̣̇д̣̇о аб̣бхуг̇г̇ажчад̇и, алаг̇г̇ажид̇д̇о ход̇и маад̇уг̇аамзсу алуд̣̇д̇хаасаяо, нзгкаммаб̣ахуло лагкан̣ависзсз ад̇хиг̇ажчад̇и, лобхаваасанан̃жа самужчинд̣̇ад̇и.

    Abrahmacariyanivattiyā alolo hoti santakāyacitto, sattānaṃ piyo hoti manāpo aparisaṅkanīyo , kalyāṇo cassa kittisaddo abbhuggacchati, alaggacitto hoti mātugāmesu aluddhāsayo, nekkhammabahulo lakkhaṇavisese adhigacchati, lobhavāsanañca samucchindati.

    мусааваад̣̇анивад̇д̇ияаа сад̇д̇аанам̣ бамаан̣абхууд̇о ход̇и бажжаяиго т̇зд̇о аад̣̇зяяаважано, д̣̇звад̇аанам̣ бияо манаабо, сурабхиг̇анд̇хамуко аарагкид̇агааяаважийсамаажааро, лагкан̣ависзсз жа ад̇хиг̇ажчад̇и, гилзсаваасанан̃жа самужчинд̣̇ад̇и.

    Musāvādanivattiyā sattānaṃ pamāṇabhūto hoti paccayiko theto ādeyyavacano, devatānaṃ piyo manāpo, surabhigandhamukho ārakkhitakāyavacīsamācāro, lakkhaṇavisese ca adhigacchati, kilesavāsanañca samucchindati.

    бзсун̃н̃анивад̇д̇ияаа баруубаггамзхиби абхзж̇ж̇агааяо ход̇и абхзж̇ж̇абаривааро, сад̣̇д̇хаммзсу жа абхзж̇ж̇анагасад̣̇д̇хо, д̣̇ал̣хамид̇д̇о бхаванд̇арабарижид̇аанам̣ вияа сад̇д̇аанам̣ зганд̇абияо асам̣гилзсаб̣ахуло.

    Pesuññanivattiyā parūpakkamehipi abhejjakāyo hoti abhejjaparivāro, saddhammesu ca abhejjanakasaddho, daḷhamitto bhavantaraparicitānaṃ viya sattānaṃ ekantapiyo asaṃkilesabahulo.

    парусаваажаанивад̇д̇ияаа сад̇д̇аанам̣ бияо ход̇и манаабо сукасийло мад̇хураважано самбхааванийяо, адтан̇г̇асаманнааг̇ад̇о жасса саро ниб̣б̣ад̇д̇ад̇и.

    Pharusavācānivattiyā sattānaṃ piyo hoti manāpo sukhasīlo madhuravacano sambhāvanīyo, aṭṭhaṅgasamannāgato cassa saro nibbattati.

    сампаббалаабанивад̇д̇ияаа сад̇д̇аанам̣ бияо ход̇и манаабо г̇ару бхааванийяо жа аад̣̇зяяаважано баримид̇аалаабо. махзсагко жа ход̇и махаанубхааво, таануббад̇д̇игзна бадибхаанзна бан̃хаанам̣ б̣яаагаран̣агусало, б̣уд̣̇д̇хабхуумияан̃жа згааяа зва ваажааяа анзгабхаасаанам̣ сад̇д̇аанам̣ анзгзсам̣ бан̃хаанам̣ б̣яаагаран̣асамад̇т̇о ход̇и.

    Samphappalāpanivattiyā sattānaṃ piyo hoti manāpo garu bhāvanīyo ca ādeyyavacano parimitālāpo. Mahesakkho ca hoti mahānubhāvo, ṭhānuppattikena paṭibhānena pañhānaṃ byākaraṇakusalo, buddhabhūmiyañca ekāya eva vācāya anekabhāsānaṃ sattānaṃ anekesaṃ pañhānaṃ byākaraṇasamattho hoti.

    анабхиж̇жхаалуд̇ааяа ижчид̇алаабхий ход̇и, ул̣аарзсу жа бхог̇зсу ружим̣ бадилабхад̇и, кад̇д̇ияамахаасаалаад̣̇ийнам̣ саммад̇о ход̇и, бажжад̇т̇игзхи анабхибхаванийяо, инд̣̇рияавзгаллам̣ на баабун̣аад̇и, аббадибуг̇г̇ало жа ход̇и.

    Anabhijjhālutāya icchitalābhī hoti, uḷāresu ca bhogesu ruciṃ paṭilabhati, khattiyamahāsālādīnaṃ sammato hoti, paccatthikehi anabhibhavanīyo, indriyavekallaṃ na pāpuṇāti, appaṭipuggalo ca hoti.

    аб̣яаабаад̣̇зна бияад̣̇ассано ход̇и, сад̇д̇аанам̣ самбхааванийяо барахид̇аабхинанд̣̇ид̇ааяа жа сад̇д̇з аббагасирзнзва басаад̣̇зд̇и, алуукасабхааво жа ход̇и мзд̇д̇аавихаарий, махзсагко жа ход̇и махаанубхааво.

    Abyāpādena piyadassano hoti, sattānaṃ sambhāvanīyo parahitābhinanditāya ca satte appakasireneva pasādeti, alūkhasabhāvo ca hoti mettāvihārī, mahesakkho ca hoti mahānubhāvo.

    мижчаад̣̇ассанаабхаавзна галяаан̣з сахааяз бадилабхад̇и, сийсажчзд̣̇амби баабун̣анд̇о баабагаммам̣ на гарод̇и, гаммассагад̇аад̣̇ассанад̇о агод̇уухаламан̇г̇алиго жа ход̇и, сад̣̇д̇хаммз жасса сад̣̇д̇хаа бад̇идтид̇аа ход̇и муулаж̇аад̇аа, сад̣̇д̣̇ахад̇и жа д̇ат̇ааг̇ад̇аанам̣ б̣од̇хим̣, самаяанд̇арзсу наабхирамад̇и уггаарадтаанз вияа рааж̇ахам̣со , лагкан̣ад̇д̇аяабариж̇аананагусало ход̇и, анд̇з жа анааваран̣ан̃аан̣алаабхий, яаава б̣од̇хим̣ на баабун̣аад̇и, д̇аава д̇асмим̣ д̇асмим̣ сад̇д̇анигааяз уггадтуггадто жа ход̇и, ул̣аарул̣аараа самбад̇д̇ияо баабун̣аад̇и. ид̇и хид̣̇ам̣ сийлам̣ наама саб̣б̣асамбад̇д̇ийнам̣ ад̇хидтаанам̣, саб̣б̣аб̣уд̣̇д̇хаг̇ун̣аанам̣ бабхавабхууми, саб̣б̣аб̣уд̣̇д̇хагаарагад̇хаммаанам̣ аад̣̇и жаран̣ам̣ мукам̣ бамуканд̇и б̣ахумаананам̣ уббаад̣̇зд̇ваа гааяаважийсам̣яамз инд̣̇рияад̣̇аманз ааж̇ийвависуд̣̇д̇хияам̣ бажжаяабарибхог̇зсу жа сад̇исамбаж̇ан̃н̃аб̣алзна аббамад̇д̇зна лаабхасаггаарасилогам̣ мид̇д̇амукабажжад̇т̇игам̣ вияа саллагкзд̇ваа ‘‘гигийва ан̣д̣а’’нд̇иаад̣̇инаа (висуд̣̇д̇хи. 1.19; д̣̇ий. ни. адта. 1.7) вуд̇д̇анаязна саггажжам̣ сийлам̣ самбаад̣̇зд̇аб̣б̣ам̣. аяам̣ д̇аава ваарид̇д̇асийлз бадибад̇д̇иггамо.

    Micchādassanābhāvena kalyāṇe sahāye paṭilabhati, sīsacchedampi pāpuṇanto pāpakammaṃ na karoti, kammassakatādassanato akotūhalamaṅgaliko ca hoti, saddhamme cassa saddhā patiṭṭhitā hoti mūlajātā, saddahati ca tathāgatānaṃ bodhiṃ, samayantaresu nābhiramati ukkāraṭṭhāne viya rājahaṃso , lakkhaṇattayaparijānanakusalo hoti, ante ca anāvaraṇañāṇalābhī, yāva bodhiṃ na pāpuṇāti, tāva tasmiṃ tasmiṃ sattanikāye ukkaṭṭhukkaṭṭho ca hoti, uḷāruḷārā sampattiyo pāpuṇāti. Iti hidaṃ sīlaṃ nāma sabbasampattīnaṃ adhiṭṭhānaṃ, sabbabuddhaguṇānaṃ pabhavabhūmi, sabbabuddhakārakadhammānaṃ ādi caraṇaṃ mukhaṃ pamukhanti bahumānanaṃ uppādetvā kāyavacīsaṃyame indriyadamane ājīvavisuddhiyaṃ paccayaparibhogesu ca satisampajaññabalena appamattena lābhasakkārasilokaṃ mittamukhapaccatthikaṃ viya sallakkhetvā ‘‘kikīva aṇḍa’’ntiādinā (visuddhi. 1.19; dī. ni. aṭṭha. 1.7) vuttanayena sakkaccaṃ sīlaṃ sampādetabbaṃ. Ayaṃ tāva vārittasīle paṭipattikkamo.

    жаарид̇д̇асийлз бана бадибад̇д̇и звам̣ взд̣̇ид̇аб̣б̣аа – ид̇ха б̣од̇хисад̇д̇о галяаан̣амид̇д̇аанам̣ г̇арудтаанияаанам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаалзна гаалам̣ гад̇д̇аа ход̇и, д̇ат̇аа д̇зсам̣ гаалзна гаалам̣ убадтаанам̣ гад̇д̇аа ход̇и, г̇илаанаанам̣ гааяавзяяаавадигам̣. субхаасид̇абад̣̇аани суд̇ваа саад̇хугаарам̣ гад̇д̇аа ход̇и, г̇ун̣аванд̇аанам̣ г̇ун̣з ван̣н̣зд̇аа барзсам̣ абагаарз канд̇аа, убагаарз ануссарид̇аа, бун̃н̃аани анумод̣̇ид̇аа, ад̇д̇ано бун̃н̃аани саммаасамб̣од̇хияаа барин̣аамзд̇аа, саб̣б̣агаалам̣ аббамаад̣̇авихаарий гусалзсу д̇хаммзсу, сад̇и жа ажжаяз ажжаяад̇о д̣̇исваа д̇аад̣̇исаанам̣ сахад̇хаммигаанам̣ яат̇аабхууд̇ам̣ аавигад̇д̇аа, уд̇д̇ари жа саммаабадибад̇д̇им̣ саммад̣̇зва барибуурзд̇аа.

    Cārittasīle pana paṭipatti evaṃ veditabbā – idha bodhisatto kalyāṇamittānaṃ garuṭṭhāniyānaṃ abhivādanaṃ paccuṭṭhānaṃ añjalikammaṃ sāmīcikammaṃ kālena kālaṃ kattā hoti, tathā tesaṃ kālena kālaṃ upaṭṭhānaṃ kattā hoti, gilānānaṃ kāyaveyyāvaṭikaṃ. Subhāsitapadāni sutvā sādhukāraṃ kattā hoti, guṇavantānaṃ guṇe vaṇṇetā paresaṃ apakāre khantā, upakāre anussaritā, puññāni anumoditā, attano puññāni sammāsambodhiyā pariṇāmetā, sabbakālaṃ appamādavihārī kusalesu dhammesu, sati ca accaye accayato disvā tādisānaṃ sahadhammikānaṃ yathābhūtaṃ āvikattā, uttari ca sammāpaṭipattiṃ sammadeva paripūretā.

    д̇ат̇аа ад̇д̇ано ануруубаасу ад̇т̇уубасам̣хид̇аасу сад̇д̇аанам̣ ид̇игад̇д̇аб̣б̣ад̇аасу д̣̇агко аналасо сахааяабхаавам̣ убаг̇ажчад̇и. уббаннзсу жа сад̇д̇аанам̣ б̣яаад̇хиаад̣̇ид̣̇угкзсу яат̇аарахам̣ бад̇игааравид̇хааяаго. н̃аад̇ибхог̇аад̣̇иб̣яасанабад̇ид̇зсу согаабанод̣̇ано уллумбанасабхааваавадтид̇о худ̇ваа ниг̇г̇ахаарахаанам̣ д̇хаммзнзва ниг̇г̇ан̣ханаго яаавад̣̇зва агусалаа вудтаабзд̇ваа гусалз бад̇идтаабанааяа. баг̇г̇ахаарахаанам̣ д̇хаммзнзва баг̇г̇ан̣ханаго. яаани буримагаанам̣ махааб̣од̇хисад̇д̇аанам̣ ул̣аарад̇амаани барамад̣̇уггараани ажинд̇зяяаанубхааваани сад̇д̇аанам̣ зганд̇ахид̇асукаавахаани жарид̇аани, язхи нзсам̣ б̣од̇хисамбхаараа саммад̣̇зва барибаагам̣ аг̇амам̣су, д̇аани суд̇ваа ануб̣б̣иг̇г̇о ануд̇раасо д̇зби махаабурисаа мануссаа зва, гамзна бана сигкаабаарибуурияаа бхаавид̇ад̇д̇абхааваа д̇аад̣̇исааяа ул̣аарад̇амааяа аанубхаавасамбад̇д̇ияаа б̣од̇хисамбхаарзсу уггам̣сабаарамиббад̇д̇аа ахзсум̣, д̇асмаа маяааби сийлаад̣̇исигкаасу саммад̣̇зва д̇ат̇аа бадибаж̇ж̇ид̇аб̣б̣ам̣, яааяа бадибад̇д̇ияаа ахамби ануггамзна сигкам̣ барибуурзд̇ваа зганд̇ад̇о д̇ам̣ бад̣̇ам̣ анубаабун̣иссаамийд̇и сад̣̇д̇хаабурзжааригам̣ вийрияам̣ ависсаж̇ж̇знд̇о саммад̣̇зва сийлзсу барибуурагаарий ход̇и.

    Tathā attano anurūpāsu atthūpasaṃhitāsu sattānaṃ itikattabbatāsu dakkho analaso sahāyabhāvaṃ upagacchati. Uppannesu ca sattānaṃ byādhiādidukkhesu yathārahaṃ patikāravidhāyako. Ñātibhogādibyasanapatitesu sokāpanodano ullumpanasabhāvāvaṭṭhito hutvā niggahārahānaṃ dhammeneva niggaṇhanako yāvadeva akusalā vuṭṭhāpetvā kusale patiṭṭhāpanāya. Paggahārahānaṃ dhammeneva paggaṇhanako. Yāni purimakānaṃ mahābodhisattānaṃ uḷāratamāni paramadukkarāni acinteyyānubhāvāni sattānaṃ ekantahitasukhāvahāni caritāni, yehi nesaṃ bodhisambhārā sammadeva paripākaṃ agamaṃsu, tāni sutvā anubbiggo anutrāso tepi mahāpurisā manussā eva, kamena pana sikkhāpāripūriyā bhāvitattabhāvā tādisāya uḷāratamāya ānubhāvasampattiyā bodhisambhāresu ukkaṃsapāramippattā ahesuṃ, tasmā mayāpi sīlādisikkhāsu sammadeva tathā paṭipajjitabbaṃ, yāya paṭipattiyā ahampi anukkamena sikkhaṃ paripūretvā ekantato taṃ padaṃ anupāpuṇissāmīti saddhāpurecārikaṃ vīriyaṃ avissajjento sammadeva sīlesu paripūrakārī hoti.

    д̇ат̇аа бадижчаннагаляаан̣о ход̇и вивадаабараад̇хо, аббижчо санд̇удто бавивид̇д̇о асам̣садто д̣̇угкасахо абарид̇ассанаж̇аад̇иго ануд̣̇д̇хад̇о ануннал̣о ажабало амукаро авигин̣н̣аваажо санд̇инд̣̇рияо санд̇амаанасо гуханаад̣̇имижчааж̇ийварахид̇о аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий самаад̣̇ааяа сигкад̇и сигкаабад̣̇зсу аарад̣̇д̇хавийрияо бахид̇ад̇д̇о гааяз жа ж̇ийвид̇з жа нирабзгко, аббамад̇д̇агамби гааяз ж̇ийвид̇з ваа абзгкам̣ наад̇хиваасзд̇и баж̇ахад̇и винод̣̇зд̇и, баг̇зва ад̇химад̇д̇ам̣. саб̣б̣зби д̣̇уссийляахзд̇убхууд̇з год̇хуубанаахаад̣̇игз убаггилзсз баж̇ахад̇и винод̣̇зд̇и. аббамад̇д̇агзна жа висзсаад̇хиг̇амзна абарид̇удто ход̇и, на сан̇гожам̣ аабаж̇ж̇ад̇и, убаруубари висзсаад̇хиг̇амааяа вааяамад̇и.

    Tathā paṭicchannakalyāṇo hoti vivaṭāparādho, appiccho santuṭṭho pavivitto asaṃsaṭṭho dukkhasaho aparitassanajātiko anuddhato anunnaḷo acapalo amukharo avikiṇṇavāco santindriyo santamānaso kuhanādimicchājīvarahito ācāragocarasampanno aṇumattesu vajjesu bhayadassāvī samādāya sikkhati sikkhāpadesu āraddhavīriyo pahitatto kāye ca jīvite ca nirapekkho, appamattakampi kāye jīvite vā apekkhaṃ nādhivāseti pajahati vinodeti, pageva adhimattaṃ. Sabbepi dussīlyahetubhūte kodhūpanāhādike upakkilese pajahati vinodeti. Appamattakena ca visesādhigamena aparituṭṭho hoti, na saṅkocaṃ āpajjati, uparūpari visesādhigamāya vāyamati.

    язна яат̇аалад̣̇д̇хаа самбад̇д̇и хаанабхааг̇ияаа ваа тид̇ибхааг̇ияаа ваа на ход̇и, д̇ат̇аа махаабурисо анд̇хаанам̣ барин̣ааяаго ход̇и, маг̇г̇ам̣ аажигкад̇и, б̣ад̇хираанам̣ хад̇т̇амуд̣̇д̣̇ааяа сан̃н̃ам̣ д̣̇зд̇и, ад̇т̇амануг̇г̇аахзд̇и, д̇ат̇аа мууг̇аанам̣. бийтасаббигаанам̣ бийтам̣ д̣̇зд̇и яаанам̣ д̣̇зд̇и ваахзд̇и ваа. ассад̣̇д̇хаанам̣ сад̣̇д̇хаабадилаабхааяа вааяамад̇и, гусийд̇аанам̣ уссаахаж̇ананааяа, мудтассад̇ийнам̣ сад̇исамааяог̇ааяа, виб̣бханд̇ажид̇д̇аанам̣ самаад̇хисамбад̣̇ааяа, д̣̇уббан̃н̃аанам̣ бан̃н̃аад̇хиг̇амааяа вааяамад̇и. гаамажчанд̣̇абарияудтид̇аанам̣ гаамажчанд̣̇абадивинод̣̇анааяа вааяамад̇и. б̣яаабаад̣̇ат̇инамид̣̇д̇хауд̣̇д̇хажжагуггужжавижигижчаабарияудтид̇аанам̣ вижигижчаавинод̣̇анааяа вааяамад̇и. гаамавид̇аггаад̣̇иабагад̇аанам̣ гаамавид̇аггаад̣̇имижчаавид̇аггавинод̣̇анааяа вааяамад̇и. буб̣б̣агаарийнам̣ сад̇д̇аанам̣ гад̇ан̃н̃уд̇ам̣ ниссааяа буб̣б̣абхаасий бияаваад̣̇ий сан̇г̇аахаго сад̣̇исзна ад̇хигзна ваа бажжубагаарзна саммаанзд̇аа ход̇и.

    Yena yathāladdhā sampatti hānabhāgiyā vā ṭhitibhāgiyā vā na hoti, tathā mahāpuriso andhānaṃ pariṇāyako hoti, maggaṃ ācikkhati, badhirānaṃ hatthamuddāya saññaṃ deti, atthamanuggāheti, tathā mūgānaṃ. Pīṭhasappikānaṃ pīṭhaṃ deti yānaṃ deti vāheti vā. Assaddhānaṃ saddhāpaṭilābhāya vāyamati, kusītānaṃ ussāhajananāya, muṭṭhassatīnaṃ satisamāyogāya, vibbhantacittānaṃ samādhisampadāya, duppaññānaṃ paññādhigamāya vāyamati. Kāmacchandapariyuṭṭhitānaṃ kāmacchandapaṭivinodanāya vāyamati. Byāpādathinamiddhauddhaccakukkuccavicikicchāpariyuṭṭhitānaṃ vicikicchāvinodanāya vāyamati. Kāmavitakkādiapakatānaṃ kāmavitakkādimicchāvitakkavinodanāya vāyamati. Pubbakārīnaṃ sattānaṃ kataññutaṃ nissāya pubbabhāsī piyavādī saṅgāhako sadisena adhikena vā paccupakārena sammānetā hoti.

    аабад̣̇аасу сахааяагижжам̣ ануд̇идтад̇и. д̇зсам̣ д̇зсан̃жа сад̇д̇аанам̣ багад̇исабхааван̃жа бариж̇аанид̇ваа язхи яат̇аа сам̣васид̇аб̣б̣ам̣ ход̇и, д̇зхи д̇ат̇аа сам̣васад̇и. язсу жа яат̇аа бадибаж̇ж̇ид̇аб̣б̣ам̣ ход̇и, д̇зсу д̇ат̇аа бадибаж̇ж̇ад̇и. д̇ан̃жа ко агусалад̇о вудтаабзд̇ваа гусалз бад̇идтаабанавасзна, на ан̃н̃ат̇аа. баражид̇д̇аанурагкан̣аа хи б̣од̇хисад̇д̇аанам̣ яаавад̣̇зва гусалаабхивад̣дхияаа. д̇ат̇аа хид̇аж̇жхаасаязнааби баро на хим̣сид̇аб̣б̣о, на бхан̣д̣ид̇аб̣б̣о, на ман̇губхаавамаабаад̣̇зд̇аб̣б̣о, на барасса гуггужжам̣ уббаад̣̇зд̇аб̣б̣ам̣, на ниг̇г̇ахадтаанз на жод̣̇зд̇аб̣б̣о, на нийжад̇арам̣ бадибаннасса ад̇д̇аа ужжад̇арз табзд̇аб̣б̣о, на жа барзсу саб̣б̣зна саб̣б̣ам̣ асзвинаа бхавид̇аб̣б̣ам̣, на ад̇исзвинаа бхавид̇аб̣б̣ам̣, на агааласзвинаа.

    Āpadāsu sahāyakiccaṃ anutiṭṭhati. Tesaṃ tesañca sattānaṃ pakatisabhāvañca parijānitvā yehi yathā saṃvasitabbaṃ hoti, tehi tathā saṃvasati. Yesu ca yathā paṭipajjitabbaṃ hoti, tesu tathā paṭipajjati. Tañca kho akusalato vuṭṭhāpetvā kusale patiṭṭhāpanavasena, na aññathā. Paracittānurakkhaṇā hi bodhisattānaṃ yāvadeva kusalābhivaḍḍhiyā. Tathā hitajjhāsayenāpi paro na hiṃsitabbo, na bhaṇḍitabbo, na maṅkubhāvamāpādetabbo, na parassa kukkuccaṃ uppādetabbaṃ, na niggahaṭṭhāne na codetabbo, na nīcataraṃ paṭipannassa attā uccatare ṭhapetabbo, na ca paresu sabbena sabbaṃ asevinā bhavitabbaṃ, na atisevinā bhavitabbaṃ, na akālasevinā.

    сзвид̇аб̣б̣аяуд̇д̇з бана сад̇д̇з д̣̇зсагаалаануруубам̣ сзвад̇и. на жа барзсам̣ бурад̇о бияз виг̇арахад̇и, аббияз ваа басам̣сад̇и. на ависсадтависсаасий ход̇и. на д̇хаммигам̣ убаниманд̇анам̣ бадигкибад̇и. на сан̃н̃ад̇д̇им̣ убаг̇ажчад̇и, наад̇хигам̣ бадиг̇г̇ан̣хаад̇и. сад̣̇д̇хаасамбаннз сад̣̇д̇хаанисам̣сагат̇ааяа самбахам̣сад̇и. сийласуд̇ажааг̇абан̃н̃аасамбаннз бан̃н̃аасамбаннагат̇ааяа самбахам̣сад̇и. сажз бана б̣од̇хисад̇д̇о абхин̃н̃ааб̣алаббад̇д̇о ход̇и, бамаад̣̇аабаннз сад̇д̇з абхин̃н̃ааб̣алзна яат̇аарахам̣ нираяаад̣̇игз д̣̇ассзнд̇о сам̣взж̇зд̇ваа ассад̣̇д̇хаад̣̇игз сад̣̇д̇хаад̣̇ийсу бад̇идтаабзд̇и. саасанз од̇аарзд̇и. сад̣̇д̇хаад̣̇иг̇ун̣асамбаннз барибаажзд̇и. звамаяам̣ махаабурисасса жаарид̇д̇абхууд̇о абаримаан̣о бун̃н̃аабхисанд̣̇о гусалаабхисанд̣̇о убаруубари абхивад̣дхад̇ийд̇и взд̣̇ид̇аб̣б̣ам̣.

    Sevitabbayutte pana satte desakālānurūpaṃ sevati. Na ca paresaṃ purato piye vigarahati, appiye vā pasaṃsati. Na avissaṭṭhavissāsī hoti. Na dhammikaṃ upanimantanaṃ paṭikkhipati. Na saññattiṃ upagacchati, nādhikaṃ paṭiggaṇhāti. Saddhāsampanne saddhānisaṃsakathāya sampahaṃsati. Sīlasutacāgapaññāsampanne paññāsampannakathāya sampahaṃsati. Sace pana bodhisatto abhiññābalappatto hoti, pamādāpanne satte abhiññābalena yathārahaṃ nirayādike dassento saṃvejetvā assaddhādike saddhādīsu patiṭṭhāpeti. Sāsane otāreti. Saddhādiguṇasampanne paripāceti. Evamayaṃ mahāpurisassa cārittabhūto aparimāṇo puññābhisando kusalābhisando uparūpari abhivaḍḍhatīti veditabbaṃ.

    аби жа яаа саа ‘‘гим̣ сийлам̣ гзнадтзна сийла’’нд̇иаад̣̇инаа бужчам̣ гад̇ваа ‘‘баан̣аад̇ибаад̇аад̣̇ийхи вираманд̇асса вад̇д̇абадибад̇д̇им̣ ваа буурзнд̇асса жзд̇анаад̣̇аяо д̇хаммаа сийла’’нд̇иаад̣̇инаа наязна наанаббагаарад̇о сийласса вид̇т̇аарагат̇аа висуд̣̇д̇химаг̇г̇з (висуд̣̇д̇хи. 1.6 аад̣̇аяо) вуд̇д̇аа, саа саб̣б̣ааби ид̇ха аахарид̇ваа вад̇д̇аб̣б̣аа. гзвалан̃хи д̇ад̇т̇а саавагаб̣од̇хисад̇д̇авасзна сийлагат̇аа ааг̇ад̇аа, ид̇ха махааб̣од̇хисад̇д̇авасзна гарун̣уубааяагосаллабуб̣б̣ан̇г̇амам̣ гад̇ваа вад̇д̇аб̣б̣аад̇и аяамзва висзсо. яад̇о ид̣̇ам̣ сийлам̣ махаабурисо яат̇аа на ад̇д̇ано д̣̇уг̇г̇ад̇ияам̣ бариггилзсавимуд̇д̇ияаа суг̇ад̇ияамби, на раж̇ж̇асамбад̇д̇ияаа, на жаггавад̇д̇и, на д̣̇зва, на сагга, на маара, на б̣рахмасамбад̇д̇ияаа барин̣аамзд̇и, д̇ат̇аа на ад̇д̇ано д̇звиж̇ж̇ад̇ааяа, на чал̣абхин̃н̃ад̇ааяа , на жад̇уббадисамбхид̣̇аад̇хиг̇амааяа, на саавагаб̣од̇хияаа, на бажжзгаб̣од̇хияаа, барин̣аамзд̇и, ат̇а ко саб̣б̣ан̃н̃убхаавзна саб̣б̣асад̇д̇аанам̣ ануд̇д̇арасийлаалан̇гаарасамбаад̣̇анад̇т̇амзва барин̣аамзд̇ийд̇и. аяам̣ сийлабаарамияаа бадибад̇д̇иггамо.

    Api ca yā sā ‘‘kiṃ sīlaṃ kenaṭṭhena sīla’’ntiādinā pucchaṃ katvā ‘‘pāṇātipātādīhi viramantassa vattapaṭipattiṃ vā pūrentassa cetanādayo dhammā sīla’’ntiādinā nayena nānappakārato sīlassa vitthārakathā visuddhimagge (visuddhi. 1.6 ādayo) vuttā, sā sabbāpi idha āharitvā vattabbā. Kevalañhi tattha sāvakabodhisattavasena sīlakathā āgatā, idha mahābodhisattavasena karuṇūpāyakosallapubbaṅgamaṃ katvā vattabbāti ayameva viseso. Yato idaṃ sīlaṃ mahāpuriso yathā na attano duggatiyaṃ parikkilesavimuttiyā sugatiyampi, na rajjasampattiyā, na cakkavatti, na deva, na sakka, na māra, na brahmasampattiyā pariṇāmeti, tathā na attano tevijjatāya, na chaḷabhiññatāya , na catuppaṭisambhidādhigamāya, na sāvakabodhiyā, na paccekabodhiyā, pariṇāmeti, atha kho sabbaññubhāvena sabbasattānaṃ anuttarasīlālaṅkārasampādanatthameva pariṇāmetīti. Ayaṃ sīlapāramiyā paṭipattikkamo.

    д̇ат̇аа яасмаа гарун̣уубааяагосаллабариг̇г̇ахид̇аа аад̣̇ийнавад̣̇ассанабуб̣б̣ан̇г̇амаа гаамзхи жа бхавзхи жа нигкаманавасзна бавад̇д̇аа гусалажид̇д̇уббад̇д̇и нзгкаммабаарамий, д̇асмаа сагаласам̣гилзсаниваасанадтаанад̇ааяа буд̇д̇ад̣̇аараад̣̇ийхи махаасамб̣аад̇хад̇ааяа гасиваан̣иж̇ж̇аад̣̇инаанаавид̇хагамманд̇аад̇хидтаанаб̣яаагулад̇ааяа жа гхарааваасасса нзгкаммасукаад̣̇ийнам̣ аногаасад̇ам̣, гаамаанан̃жа сад̇т̇ад̇хаараалаг̇г̇амад̇хуб̣инд̣̇у вияа жа авалияхамаанаа барид̇д̇ассаад̣̇аа вибулаанад̇т̇аануб̣анд̇хаад̇и жа, виж̇ж̇улад̇обхаасзна г̇ахзд̇аб̣б̣анажжам̣ вияа барид̇д̇агаалуубалаб̣бхаа, уммад̇д̇агаалан̇гааро вияа вибарийд̇асан̃н̃ааяа анубхавид̇аб̣б̣аа, гарийсааважчаад̣̇анаа вияа бад̇игаарабхууд̇аа, уд̣̇агад̇змид̇ан̇г̇улияаа д̇анууд̣̇агабаанам̣ вияа ад̇ид̇д̇игараа, чаад̇аж̇жхад̇д̇абхож̇анам̣ вияа сааб̣аад̇хаа, б̣ал̣исаамисам̣ вияа б̣яасанасаннибаад̇агааран̣ам̣, аг̇г̇исанд̇аабо вияа гаалад̇д̇аязби д̣̇угкуббад̇д̇ихзд̇убхууд̇аа, маггадалзбо вияа б̣анд̇ханимид̇д̇ам̣, гхаад̇агааважчаад̣̇анаа вияа анад̇т̇ажчаад̣̇анаа, сабад̇д̇аг̇аамаваасо вияа бхаяадтаанабхууд̇аа, бажжад̇т̇игабосаго вияа гилзсамаараад̣̇ийнам̣ аамисабхууд̇аа, чан̣асамбад̇д̇ияо вияа вибарин̣аамад̣̇угкаа, годараг̇г̇и вияа анд̇од̣̇аахагаа, бураан̣агуубааваламб̣ийб̣ийран̣амад̇хубин̣д̣ам̣ вияа анзгаад̣̇ийнаваа, лон̣ууд̣̇агабаанам̣ вияа бибаасаахзд̇убхууд̇аа, сураамзраяам̣ вияа нийжаж̇анасзвид̇аа, аббассаад̣̇ад̇ааяа адтиган̇галуубамаад̇иаад̣̇инаа (ма. ни. 1.234; 2.42; баажи. 417; махаани. 3; жуул̣ани. каг̇г̇ависаан̣асуд̇д̇анид̣̇д̣̇зса 147) жа наязна аад̣̇ийнавам̣ саллагкзд̇ваа д̇аб̣б̣ибарияааязна нзгкаммз аанисам̣сам̣ бассанд̇зна нзгкаммабавивзгаубасамасукаад̣̇ийсу ниннабон̣абаб̣бхааражид̇д̇зна нзгкаммабаарамияам̣ бадибаж̇ж̇ид̇аб̣б̣ам̣. яасмаа бана нзгкаммам̣ баб̣б̣аж̇ж̇аамуулагам̣, д̇асмаа баб̣б̣аж̇ж̇аа д̇аава анудтаад̇аб̣б̣аа. баб̣б̣аж̇ж̇амануд̇идтанд̇зна жа махаасад̇д̇зна асад̇и б̣уд̣̇д̇хуббаад̣̇з гаммаваад̣̇ийнам̣ гирияаваад̣̇ийнам̣ д̇аабасабариб̣б̣ааж̇агаанам̣ баб̣б̣аж̇ж̇аа анудтаад̇аб̣б̣аа.

    Tathā yasmā karuṇūpāyakosallapariggahitā ādīnavadassanapubbaṅgamā kāmehi ca bhavehi ca nikkhamanavasena pavattā kusalacittuppatti nekkhammapāramī, tasmā sakalasaṃkilesanivāsanaṭṭhānatāya puttadārādīhi mahāsambādhatāya kasivāṇijjādinānāvidhakammantādhiṭṭhānabyākulatāya ca gharāvāsassa nekkhammasukhādīnaṃ anokāsataṃ, kāmānañca satthadhārālaggamadhubindu viya ca avaliyhamānā parittassādā vipulānatthānubandhāti ca, vijjulatobhāsena gahetabbanaccaṃ viya parittakālūpalabbhā, ummattakālaṅkāro viya viparītasaññāya anubhavitabbā, karīsāvacchādanā viya patikārabhūtā, udakatemitaṅguliyā tanūdakapānaṃ viya atittikarā, chātajjhattabhojanaṃ viya sābādhā, baḷisāmisaṃ viya byasanasannipātakāraṇaṃ, aggisantāpo viya kālattayepi dukkhuppattihetubhūtā, makkaṭalepo viya bandhanimittaṃ, ghātakāvacchādanā viya anatthacchādanā, sapattagāmavāso viya bhayaṭṭhānabhūtā, paccatthikaposako viya kilesamārādīnaṃ āmisabhūtā, chaṇasampattiyo viya vipariṇāmadukkhā, koṭaraggi viya antodāhakā, purāṇakūpāvalambībīraṇamadhupiṇḍaṃ viya anekādīnavā, loṇūdakapānaṃ viya pipāsāhetubhūtā, surāmerayaṃ viya nīcajanasevitā, appassādatāya aṭṭhikaṅkalūpamātiādinā (ma. ni. 1.234; 2.42; pāci. 417; mahāni. 3; cūḷani. khaggavisāṇasuttaniddesa 147) ca nayena ādīnavaṃ sallakkhetvā tabbipariyāyena nekkhamme ānisaṃsaṃ passantena nekkhammapavivekaupasamasukhādīsu ninnapoṇapabbhāracittena nekkhammapāramiyaṃ paṭipajjitabbaṃ. Yasmā pana nekkhammaṃ pabbajjāmūlakaṃ, tasmā pabbajjā tāva anuṭṭhātabbā. Pabbajjamanutiṭṭhantena ca mahāsattena asati buddhuppāde kammavādīnaṃ kiriyavādīnaṃ tāpasaparibbājakānaṃ pabbajjā anuṭṭhātabbā.

    уббаннзсу бана саммаасамб̣уд̣̇д̇хзсу д̇зсам̣ саасанз зва баб̣б̣аж̇ид̇аб̣б̣ам̣. баб̣б̣аж̇ид̇ваа жа яат̇аавуд̇д̇з сийлз бад̇идтид̇зна д̇ассаа зва хи сийлабаарамияаа вод̣̇аабанад̇т̇ам̣ д̇худ̇аг̇ун̣аа самаад̣̇аад̇аб̣б̣аа. самаад̣̇иннад̇худ̇ад̇хаммаа хи махаабурисаа саммад̣̇зва д̇з барихаранд̇аа аббижчаасанд̇удтаасаллзкабавивзгаасам̣саг̇г̇авийрияаарамбхасубхарад̇аад̣̇и- г̇ун̣асалилавигкаалид̇агилзсамалад̇ааяа анаваж̇ж̇асийлавад̇аг̇ун̣абарисуд̣̇д̇хасаб̣б̣асамаажаараа бораан̣з арияавам̣сад̇д̇аяз бад̇идтид̇аа жад̇уд̇т̇ам̣ бхааванаараамад̇аасан̇каад̇ам̣ арияавам̣сам̣ ад̇хиг̇анд̇ум̣ жад̇д̇аарийсааяа аарамман̣зсу яат̇аарахам̣ убажаараббанаабхзд̣̇ам̣ жхаанам̣ убасамбаж̇ж̇а вихаранд̇и. звам̣ хисса саммад̣̇зва нзгкаммабаарамий барибуурид̇аа ход̇и.

    Uppannesu pana sammāsambuddhesu tesaṃ sāsane eva pabbajitabbaṃ. Pabbajitvā ca yathāvutte sīle patiṭṭhitena tassā eva hi sīlapāramiyā vodāpanatthaṃ dhutaguṇā samādātabbā. Samādinnadhutadhammā hi mahāpurisā sammadeva te pariharantā appicchāsantuṭṭhāsallekhapavivekaasaṃsaggavīriyārambhasubharatādi- guṇasalilavikkhālitakilesamalatāya anavajjasīlavataguṇaparisuddhasabbasamācārā porāṇe ariyavaṃsattaye patiṭṭhitā catutthaṃ bhāvanārāmatāsaṅkhātaṃ ariyavaṃsaṃ adhigantuṃ cattārīsāya ārammaṇesu yathārahaṃ upacārappanābhedaṃ jhānaṃ upasampajja viharanti. Evaṃ hissa sammadeva nekkhammapāramī paripūritā hoti.

    имасмим̣ бана таанз д̇зрасахи д̇худ̇ад̇хаммзхи сад̣̇д̇хим̣ д̣̇аса гасин̣аани, д̣̇аса асубхаани, д̣̇асаануссад̇ияо, жад̇д̇ааро б̣рахмавихаараа, жад̇д̇ааро ааруббаа, згаа сан̃н̃аа, згам̣ вавад̇т̇аананд̇и жад̇д̇аарийсааяа самаад̇хибхааванааяа гаммадтаанаани бхааванаавид̇хаанан̃жа вид̇т̇аарад̇о вад̇д̇аб̣б̣аани. д̇ам̣ банзд̇ам̣ саб̣б̣ам̣ яасмаа висуд̣̇д̇химаг̇г̇з (висуд̣̇д̇хи. 1.22 аад̣̇аяо, 47, 55) саб̣б̣аагаарад̇о вид̇т̇аарзд̇ваа вуд̇д̇ам̣, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣ам̣. гзвалан̃хи д̇ад̇т̇а саавагаб̣од̇хисад̇д̇асса васзна вуд̇д̇ам̣, ид̇ха махааб̣од̇хисад̇д̇асса васзна гарун̣уубааяагосаллабуб̣б̣ан̇г̇амам̣ гад̇ваа вад̇д̇аб̣б̣анд̇и аяамзва висзсод̇и. звамзд̇т̇а нзгкаммабаарамияаа бадибад̇д̇иггамо взд̣̇ид̇аб̣б̣о.

    Imasmiṃ pana ṭhāne terasahi dhutadhammehi saddhiṃ dasa kasiṇāni, dasa asubhāni, dasānussatiyo, cattāro brahmavihārā, cattāro āruppā, ekā saññā, ekaṃ vavatthānanti cattārīsāya samādhibhāvanāya kammaṭṭhānāni bhāvanāvidhānañca vitthārato vattabbāni. Taṃ panetaṃ sabbaṃ yasmā visuddhimagge (visuddhi. 1.22 ādayo, 47, 55) sabbākārato vitthāretvā vuttaṃ, tasmā tattha vuttanayeneva veditabbaṃ. Kevalañhi tattha sāvakabodhisattassa vasena vuttaṃ, idha mahābodhisattassa vasena karuṇūpāyakosallapubbaṅgamaṃ katvā vattabbanti ayameva visesoti. Evamettha nekkhammapāramiyā paṭipattikkamo veditabbo.

    д̇ат̇аа бан̃н̃аабаарамим̣ самбаад̣̇зд̇угаамзна яасмаа бан̃н̃аа аалого вияа анд̇хагаарзна мохзна саха на вад̇д̇ад̇и, д̇асмаа мохагааран̣аани д̇аава б̣од̇хисад̇д̇зна бариваж̇ж̇зд̇аб̣б̣аани. д̇ад̇т̇имаани мохагааран̣аани – арад̇и д̇анд̣̇и виж̇амбхид̇аа ааласияам̣ г̇ан̣асан̇г̇ан̣игаараамад̇аа нид̣̇д̣̇аасийлад̇аа анижчаяасийлад̇аа н̃аан̣асмим̣ агуд̇уухалад̇аа мижчаад̇химаано абарибужчагад̇аа гааяасса на саммаабарихааро асамаахид̇ажид̇д̇ад̇аа д̣̇уббан̃н̃аанам̣ буг̇г̇алаанам̣ сзванаа бан̃н̃аванд̇аанам̣ абаяирубаасанаа ад̇д̇абарибхаво мижчаавигаббо вибарийд̇аабхинивзсо гааяад̣̇ал̣хиб̣ахулад̇аа асам̣взг̇асийлад̇аа бан̃жа нийваран̣аани. сан̇кзбад̇о яз ваа бана д̇хаммз аасзвад̇о ануббаннаа бан̃н̃аа нуббаж̇ж̇ад̇и, уббаннаа барихааяад̇и. ид̇и имаани саммохагааран̣аани бариваж̇ж̇знд̇зна б̣аахусажжз жхаанаад̣̇ийсу жа яог̇о гаран̣ийяо.

    Tathā paññāpāramiṃ sampādetukāmena yasmā paññā āloko viya andhakārena mohena saha na vattati, tasmā mohakāraṇāni tāva bodhisattena parivajjetabbāni. Tatthimāni mohakāraṇāni – arati tandi vijambhitā ālasiyaṃ gaṇasaṅgaṇikārāmatā niddāsīlatā anicchayasīlatā ñāṇasmiṃ akutūhalatā micchādhimāno aparipucchakatā kāyassa na sammāparihāro asamāhitacittatā duppaññānaṃ puggalānaṃ sevanā paññavantānaṃ apayirupāsanā attaparibhavo micchāvikappo viparītābhiniveso kāyadaḷhibahulatā asaṃvegasīlatā pañca nīvaraṇāni. Saṅkhepato ye vā pana dhamme āsevato anuppannā paññā nuppajjati, uppannā parihāyati. Iti imāni sammohakāraṇāni parivajjentena bāhusacce jhānādīsu ca yogo karaṇīyo.

    д̇ад̇т̇ааяам̣ б̣аахусажжасса висаяавибхааг̇о – бан̃жагканд̇хаа д̣̇ваад̣̇асааяад̇анаани адтаараса д̇хаад̇уяо жад̇д̇аари сажжаани б̣аавийсад̇инд̣̇рияаани д̣̇ваад̣̇асабад̣̇иго бадижжасамуббаад̣̇о д̇ат̇аа сад̇ибадтаанаад̣̇аяо гусалаад̣̇ид̇хаммаббагаарабхзд̣̇аа жа, яаани жа логз анаваж̇ж̇аани виж̇ж̇аадтаанаани, яз жа сад̇д̇аанам̣ хид̇асукавид̇хаанаяог̇г̇аа б̣яаагаран̣ависзсаа, ид̇и звам̣ багаарам̣ сагаламзва суд̇ависаяам̣ убааяагосаллабуб̣б̣ан̇г̇амааяа бан̃н̃ааяа сад̇ияаа вийриязна жа саад̇хугам̣ уг̇г̇ахан̣асаванад̇хааран̣абарижаяабарибужчаахи ог̇аахзд̇ваа д̇ад̇т̇а жа барзсам̣ бад̇идтаабанзна суд̇амаяаа бан̃н̃аа ниб̣б̣ад̇д̇зд̇аб̣б̣аа.

    Tatthāyaṃ bāhusaccassa visayavibhāgo – pañcakkhandhā dvādasāyatanāni aṭṭhārasa dhātuyo cattāri saccāni bāvīsatindriyāni dvādasapadiko paṭiccasamuppādo tathā satipaṭṭhānādayo kusalādidhammappakārabhedā ca, yāni ca loke anavajjāni vijjāṭṭhānāni, ye ca sattānaṃ hitasukhavidhānayoggā byākaraṇavisesā, iti evaṃ pakāraṃ sakalameva sutavisayaṃ upāyakosallapubbaṅgamāya paññāya satiyā vīriyena ca sādhukaṃ uggahaṇasavanadhāraṇaparicayaparipucchāhi ogāhetvā tattha ca paresaṃ patiṭṭhāpanena sutamayā paññā nibbattetabbā.

    д̇ат̇аа сад̇д̇аанам̣ ид̇игад̇д̇аб̣б̣ад̇аасу таануббад̇д̇игабадибхаанабхууд̇аа ааяаабааяаубааяагосаллабхууд̇аа жа бан̃н̃аа хид̇зсид̇ам̣ ниссааяа д̇ад̇т̇а д̇ад̇т̇а яат̇аарахам̣ бавад̇д̇зд̇аб̣б̣аа. д̇ат̇аа канд̇хаад̣̇ийнам̣ сабхаавад̇хаммаанам̣ аагаарабаривид̇агганамукзна д̇з ниж̇жхаанам̣ камаабзнд̇зна жинд̇аамаяаа бан̃н̃аа ниб̣б̣ад̇д̇зд̇аб̣б̣аа. канд̇хаад̣̇ийнам̣язва бана салагкан̣асааман̃н̃алагкан̣абариг̇г̇ахан̣авасзна логияабарин̃н̃аа ниб̣б̣ад̇д̇знд̇зна буб̣б̣абхааг̇абхааванаабан̃н̃аа самбаад̣̇зд̇аб̣б̣аа. зван̃хи наамаруубамад̇д̇амид̣̇ам̣ яат̇аарахам̣ бажжаязхи уббаж̇ж̇ад̇и жзва нируж̇жхад̇и жа, на зд̇т̇а гожи гад̇д̇аа ваа гаарзд̇аа ваа, худ̇ваа абхаавадтзна анижжам̣, уд̣̇аяаб̣б̣аяабадибийл̣анадтзна д̣̇угкам̣, авасавад̇д̇анадтзна анад̇д̇аад̇и аж̇жхад̇д̇игад̇хаммз б̣аахирагад̇хаммз жа ниб̣б̣исзсам̣ бариж̇аананд̇о д̇ад̇т̇а аасан̇г̇ам̣ баж̇аханд̇о барз жа д̇ад̇т̇а д̇ам̣ ж̇ахаабзнд̇о гзвалам̣ гарун̣аавасзнзва яаава на б̣уд̣̇д̇хаг̇ун̣аа хад̇т̇ад̇алам̣ ааг̇ажчанд̇и, д̇аава яаанад̇д̇аяз сад̇д̇з авад̇ааран̣абарибаажанзхи бад̇идтабзнд̇о жхаанавимогкасамаад̇хисамаабад̇д̇ияо абхин̃н̃ааяо жа логияаа васийбхаавам̣ баабзнд̇о бан̃н̃ааяа мад̇т̇агам̣ баабун̣аад̇и.

    Tathā sattānaṃ itikattabbatāsu ṭhānuppattikapaṭibhānabhūtā āyāpāyaupāyakosallabhūtā ca paññā hitesitaṃ nissāya tattha tattha yathārahaṃ pavattetabbā. Tathā khandhādīnaṃ sabhāvadhammānaṃ ākāraparivitakkanamukhena te nijjhānaṃ khamāpentena cintāmayā paññā nibbattetabbā. Khandhādīnaṃyeva pana salakkhaṇasāmaññalakkhaṇapariggahaṇavasena lokiyapariññā nibbattentena pubbabhāgabhāvanāpaññā sampādetabbā. Evañhi nāmarūpamattamidaṃ yathārahaṃ paccayehi uppajjati ceva nirujjhati ca, na ettha koci kattā vā kāretā vā, hutvā abhāvaṭṭhena aniccaṃ, udayabbayapaṭipīḷanaṭṭhena dukkhaṃ, avasavattanaṭṭhena anattāti ajjhattikadhamme bāhirakadhamme ca nibbisesaṃ parijānanto tattha āsaṅgaṃ pajahanto pare ca tattha taṃ jahāpento kevalaṃ karuṇāvaseneva yāva na buddhaguṇā hatthatalaṃ āgacchanti, tāva yānattaye satte avatāraṇaparipācanehi patiṭṭhapento jhānavimokkhasamādhisamāpattiyo abhiññāyo ca lokiyā vasībhāvaṃ pāpento paññāya matthakaṃ pāpuṇāti.

    д̇ад̇т̇а яаа имаа ид̣̇д̇хивид̇хан̃аан̣ам̣ д̣̇иб̣б̣асод̇ад̇хаад̇ун̃аан̣ам̣ жзд̇обарияан̃аан̣ам̣ буб̣б̣зниваасаануссад̇ин̃аан̣ам̣ д̣̇иб̣б̣ажагкун̃аан̣ам̣ яат̇аагаммубаг̇ан̃аан̣ам̣ анааг̇ад̇ам̣сан̃аан̣анд̇и сабарибхан̣д̣аа бан̃жалогияаабхин̃н̃аасан̇каад̇аа бхааванаабан̃н̃аа, яаа жа канд̇хааяад̇анад̇хаад̇уинд̣̇рияасажжабадижжасамуббаад̣̇аад̣̇ибхзд̣̇зсу бхуумибхууд̇зсу д̇хаммзсу уг̇г̇ахабарибужчаавасзна н̃аан̣абарижаяам̣ гад̇ваа сийлависуд̣̇д̇хижид̇д̇ависуд̣̇д̇хийд̇и муулабхууд̇аасу имаасу д̣̇вийсу висуд̣̇д̇хийсу бад̇идтааяа д̣̇идтивисуд̣̇д̇хиган̇каавид̇аран̣ависуд̣̇д̇химаг̇г̇аамаг̇г̇ан̃аан̣ад̣̇ассанависуд̣̇д̇хи- бадибад̣̇аан̃аан̣ад̣̇ассанависуд̣̇д̇хин̃аан̣ад̣̇ассанависуд̣̇д̇хийд̇и сарийрабхууд̇аа имаа бан̃жа висуд̣̇д̇хияо самбаад̣̇знд̇зна бхаавзд̇аб̣б̣аа логияалогуд̇д̇арабхзд̣̇аа бхааванаабан̃н̃аа, д̇аасам̣ самбаад̣̇анавид̇хаанам̣ яасмаа ‘‘д̇ад̇т̇а згоби худ̇ваа б̣ахуд̇хаа ход̇ийд̇иаад̣̇игам̣ ид̣̇д̇хивигуб̣б̣анам̣ гаад̇угаамзна аад̣̇игаммигзна яог̇инаа’’д̇иаад̣̇инаа ‘‘канд̇хаад̇и руубагканд̇хо взд̣̇анаагканд̇хо сан̃н̃аагканд̇хо сан̇каарагканд̇хо вин̃н̃аан̣агканд̇хо’’д̇иаад̣̇инаа жа висаяавибхааг̇зна сад̣̇д̇хим̣ висуд̣̇д̇химаг̇г̇з (висуд̣̇д̇хи. 2.430 аад̣̇аяо) саб̣б̣аагаарад̇о вид̇т̇аарзд̇ваа вуд̇д̇ам̣, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣ам̣. гзвалан̃хи д̇ад̇т̇а саавагаб̣од̇хисад̇д̇асса васзна бан̃н̃аа ааг̇ад̇аа, ид̇ха махааб̣од̇хисад̇д̇асса васзна гарун̣уубааяагосаллабуб̣б̣ан̇г̇амам̣ гад̇ваа вад̇д̇аб̣б̣аа, н̃аан̣ад̣̇ассанависуд̣̇д̇хим̣ абаабзд̇ваа бадибад̣̇аан̃аан̣ад̣̇ассанависуд̣̇д̇хияам̣язва вибассанаа табзд̇аб̣б̣аад̇и аяамзва висзсо. звамзд̇т̇а бан̃н̃аабаарамияаа бадибад̇д̇иггамо взд̣̇ид̇аб̣б̣о.

    Tattha yā imā iddhividhañāṇaṃ dibbasotadhātuñāṇaṃ cetopariyañāṇaṃ pubbenivāsānussatiñāṇaṃ dibbacakkhuñāṇaṃ yathākammupagañāṇaṃ anāgataṃsañāṇanti saparibhaṇḍā pañcalokiyaabhiññāsaṅkhātā bhāvanāpaññā, yā ca khandhāyatanadhātuindriyasaccapaṭiccasamuppādādibhedesu bhūmibhūtesu dhammesu uggahaparipucchāvasena ñāṇaparicayaṃ katvā sīlavisuddhicittavisuddhīti mūlabhūtāsu imāsu dvīsu visuddhīsu patiṭṭhāya diṭṭhivisuddhikaṅkhāvitaraṇavisuddhimaggāmaggañāṇadassanavisuddhi- paṭipadāñāṇadassanavisuddhiñāṇadassanavisuddhīti sarīrabhūtā imā pañca visuddhiyo sampādentena bhāvetabbā lokiyalokuttarabhedā bhāvanāpaññā, tāsaṃ sampādanavidhānaṃ yasmā ‘‘tattha ekopi hutvā bahudhā hotītiādikaṃ iddhivikubbanaṃ kātukāmena ādikammikena yoginā’’tiādinā ‘‘khandhāti rūpakkhandho vedanākkhandho saññākkhandho saṅkhārakkhandho viññāṇakkhandho’’tiādinā ca visayavibhāgena saddhiṃ visuddhimagge (visuddhi. 2.430 ādayo) sabbākārato vitthāretvā vuttaṃ, tasmā tattha vuttanayeneva veditabbaṃ. Kevalañhi tattha sāvakabodhisattassa vasena paññā āgatā, idha mahābodhisattassa vasena karuṇūpāyakosallapubbaṅgamaṃ katvā vattabbā, ñāṇadassanavisuddhiṃ apāpetvā paṭipadāñāṇadassanavisuddhiyaṃyeva vipassanā ṭhapetabbāti ayameva viseso. Evamettha paññāpāramiyā paṭipattikkamo veditabbo.

    д̇ат̇аа яасмаа саммаасамб̣од̇хияаа гад̇аабхинийхаарзна махаасад̇д̇зна баарамибарибууран̣ад̇т̇ам̣ саб̣б̣агаалам̣ яуд̇д̇аббаяуд̇д̇зна бхавид̇аб̣б̣ам̣ ааб̣ад̣̇д̇хабаригаран̣зна, д̇асмаа гаалзна гаалам̣ ‘‘го ну ко аж̇ж̇а маяаа бун̃н̃асамбхааро н̃аан̣асамбхааро ваа убажид̇о, гим̣ ваа маяаа барахид̇ам̣ гад̇а’’нд̇и д̣̇ивасз д̣̇ивасз бажжавзгканд̇зна сад̇д̇ахид̇ад̇т̇ам̣ уссаахо гаран̣ийяо. саб̣б̣зсамби сад̇д̇аанам̣ убагаарааяа ад̇д̇ано бариг̇г̇ахабхууд̇ам̣ вад̇т̇у гааяз ж̇ийвид̇з жа нирабзгкажид̇д̇зна оссаж̇ид̇аб̣б̣ам̣. яам̣ гин̃жи гаммам̣ гарод̇и гааязна ваажааяа ваа, д̇ам̣ саб̣б̣ам̣ самб̣од̇хияам̣ ниннажид̇д̇знзва гаад̇аб̣б̣ам̣, б̣од̇хияаа барин̣аамзд̇аб̣б̣ам̣. ул̣аарзхи ид̇д̇арзхи жа гаамзхи винивад̇д̇ажид̇д̇знзва бхавид̇аб̣б̣ам̣. саб̣б̣аасуби ид̇игад̇д̇аб̣б̣ад̇аасу убааяагосаллам̣ бажжубадтаабзд̇ваава бадибаж̇ж̇ид̇аб̣б̣ам̣.

    Tathā yasmā sammāsambodhiyā katābhinīhārena mahāsattena pāramiparipūraṇatthaṃ sabbakālaṃ yuttappayuttena bhavitabbaṃ ābaddhaparikaraṇena, tasmā kālena kālaṃ ‘‘ko nu kho ajja mayā puññasambhāro ñāṇasambhāro vā upacito, kiṃ vā mayā parahitaṃ kata’’nti divase divase paccavekkhantena sattahitatthaṃ ussāho karaṇīyo. Sabbesampi sattānaṃ upakārāya attano pariggahabhūtaṃ vatthu kāye jīvite ca nirapekkhacittena ossajitabbaṃ. Yaṃ kiñci kammaṃ karoti kāyena vācāya vā, taṃ sabbaṃ sambodhiyaṃ ninnacitteneva kātabbaṃ, bodhiyā pariṇāmetabbaṃ. Uḷārehi ittarehi ca kāmehi vinivattacitteneva bhavitabbaṃ. Sabbāsupi itikattabbatāsu upāyakosallaṃ paccupaṭṭhāpetvāva paṭipajjitabbaṃ.

    д̇асмим̣ д̇асмим̣ сад̇д̇ахид̇з аарад̣̇д̇хавийриязна бхавид̇аб̣б̣ам̣ идтаанидтаад̣̇исаб̣б̣асахзна ависам̣ваад̣̇инаа. саб̣б̣зби сад̇д̇аа анод̇хисо мзд̇д̇ааяа гарун̣ааяа жа парид̇аб̣б̣аа. яаа гаажи сад̇д̇аанам̣ д̣̇угкуббад̇д̇и, саб̣б̣аа саа ад̇д̇ани баадиган̇кид̇аб̣б̣аа. саб̣б̣зсан̃жа сад̇д̇аанам̣ бун̃н̃ам̣ аб̣бханумод̣̇ид̇аб̣б̣ам̣. б̣уд̣̇д̇хаанам̣ маханд̇ад̇аа махаанубхаавад̇аа абхин̣хам̣ бажжавзгкид̇аб̣б̣аа. яан̃жа гин̃жи гаммам̣ гарод̇и гааязна ваажааяа ваа, д̇ам̣ саб̣б̣ам̣ б̣од̇хининнажид̇д̇абуб̣б̣ан̇г̇амам̣ гаад̇аб̣б̣ам̣. иминаа хи убааязна д̣̇аанаад̣̇ийсу яуд̇д̇аббаяуд̇д̇асса т̇аамавад̇о д̣̇ал̣хабараггамасса махаасад̇д̇асса б̣од̇хисад̇д̇асса абаримзяяо бун̃н̃асамбхааро н̃аан̣асамбхааро жа д̣̇ивасз д̣̇ивасз убажийяад̇и.

    Tasmiṃ tasmiṃ sattahite āraddhavīriyena bhavitabbaṃ iṭṭhāniṭṭhādisabbasahena avisaṃvādinā. Sabbepi sattā anodhiso mettāya karuṇāya ca pharitabbā. Yā kāci sattānaṃ dukkhuppatti, sabbā sā attani pāṭikaṅkhitabbā. Sabbesañca sattānaṃ puññaṃ abbhanumoditabbaṃ. Buddhānaṃ mahantatā mahānubhāvatā abhiṇhaṃ paccavekkhitabbā. Yañca kiñci kammaṃ karoti kāyena vācāya vā, taṃ sabbaṃ bodhininnacittapubbaṅgamaṃ kātabbaṃ. Iminā hi upāyena dānādīsu yuttappayuttassa thāmavato daḷhaparakkamassa mahāsattassa bodhisattassa aparimeyyo puññasambhāro ñāṇasambhāro ca divase divase upacīyati.

    аби жа сад̇д̇аанам̣ барибхог̇ад̇т̇ам̣ барибааланад̇т̇ан̃жа ад̇д̇ано сарийрам̣ ж̇ийвид̇ан̃жа барижжаж̇ид̇ваа куббибаасаасийд̇ун̣хаваад̇аад̇абаад̣̇ид̣̇угкабад̇игааро бариязсид̇аб̣б̣о убанзд̇аб̣б̣о жа. яан̃жа яат̇аавуд̇д̇ад̣̇угкабад̇игаараж̇ам̣ сукам̣ ад̇д̇анаа бадилабхад̇и, д̇ат̇аа раман̣ийязсу аараамуяяаанабаасаад̣̇ад̇ал̣аагаад̣̇ийсу аран̃н̃ааяад̇анзсу жа гааяажид̇д̇асанд̇аабаабхаавзна абхиниб̣б̣уд̇ад̇д̇аа ад̇д̇анаа сукам̣ бадилабхад̇и, яан̃жа сун̣аад̇и б̣уд̣̇д̇хаануб̣уд̣̇д̇хабажжзгаб̣уд̣̇д̇хаа махааб̣од̇хисад̇д̇аа жа нзгкаммабадибад̇д̇ияам̣ тид̇аа д̣̇идтад̇хаммасукавихаарабхууд̇ам̣ ийд̣̇исам̣ наама жхаанасамаабад̇д̇исукам̣ анубхаванд̇ийд̇и, д̇ам̣ саб̣б̣ам̣ саб̣б̣асад̇д̇зсу анод̇хисо убасам̣харад̇ийд̇и. аяам̣ д̇аава наяо асамаахид̇абхуумияам̣ бад̇идтид̇асса.

    Api ca sattānaṃ paribhogatthaṃ paripālanatthañca attano sarīraṃ jīvitañca pariccajitvā khuppipāsāsītuṇhavātātapādidukkhapatikāro pariyesitabbo upanetabbo ca. Yañca yathāvuttadukkhapatikārajaṃ sukhaṃ attanā paṭilabhati, tathā ramaṇīyesu ārāmuyyānapāsādataḷākādīsu araññāyatanesu ca kāyacittasantāpābhāvena abhinibbutattā attanā sukhaṃ paṭilabhati, yañca suṇāti buddhānubuddhapaccekabuddhā mahābodhisattā ca nekkhammapaṭipattiyaṃ ṭhitā diṭṭhadhammasukhavihārabhūtaṃ īdisaṃ nāma jhānasamāpattisukhaṃ anubhavantīti, taṃ sabbaṃ sabbasattesu anodhiso upasaṃharatīti. Ayaṃ tāva nayo asamāhitabhūmiyaṃ patiṭṭhitassa.

    самаахид̇абхуумияам̣ бана бад̇идтид̇о ад̇д̇анаа яат̇аанубхууд̇ам̣ висзсаад̇хиг̇аманиб̣б̣ад̇д̇ам̣ бийд̇им̣ бассад̣̇д̇хим̣ сукам̣ самаад̇хим̣ яат̇аабхууд̇ан̃аан̣ан̃жа сад̇д̇зсу ад̇химужжанд̇о убасам̣харад̇и барин̣аамзд̇и. д̇ат̇аа махад̇и сам̣саарад̣̇угкз д̇асса жа нимид̇д̇абхууд̇з гилзсаабхисан̇каарад̣̇угкз нимуг̇г̇ам̣ сад̇д̇анигааяам̣ д̣̇исваа д̇ад̇рааби чзд̣̇анабхзд̣̇анапааланабим̣санаг̇г̇исанд̇аабаад̣̇иж̇анид̇аа д̣̇угкаа д̇иб̣б̣аа караа гадугаа взд̣̇анаа ниранд̇арам̣ жирагаалам̣ взд̣̇ияанд̇з наарагз, ан̃н̃аман̃н̃ам̣ гуж̇жханасанд̇аабанавихзтанахим̣санабараад̇хийнад̇аад̣̇ийхи махаад̣̇угкам̣ анубхаванд̇з д̇иражчаанаг̇ад̇з, ж̇од̇имаалаагуласарийрз куббибаасааваад̇аад̇абаад̣̇ийхи д̣аяхамаанз жа висуссамаанз жа ванд̇акзл̣аад̣̇иаахаарз уд̣̇д̇хаб̣аахум̣ вираванд̇з ниж̇жхаамад̇ан̣хигаад̣̇игз махаад̣̇угкам̣ взд̣̇ияамаанз бзд̇з жа, барияздтимуулагам̣ маханд̇ам̣ анаяаб̣яасанам̣ баабун̣анд̇з хад̇т̇ажчзд̣̇аад̣̇игааран̣ааяог̇зна д̣̇уб̣б̣ан̣н̣ад̣̇уд̣̇д̣̇асигад̣̇алид̣̇д̣̇аад̣̇ибхаавзна куббибаасаад̣̇иааб̣аад̇хаяог̇зна б̣алаванд̇зхи абхибхаванийяад̇о барзсам̣ ваханад̇о бараад̇хийнад̇о жа, наарагз бзд̇з д̇иражчаанаг̇ад̇з жа, ад̇исаяанд̇з абааяад̣̇угканиб̣б̣исзсам̣ д̣̇угкаманубхаванд̇з мануссз жа, д̇ат̇аа висаяависабарибхог̇авигкид̇д̇ажид̇д̇ад̇ааяа рааг̇аад̣̇ибарил̣аахзна д̣аяхамаанз ваад̇авзг̇асамудтид̇аж̇аалаасамид̣̇д̇хасугкагадтасаннибаад̇з аг̇г̇игканд̇хз вияа анубасанд̇абарил̣аахавуд̇д̇игз анубасанд̇анихад̇абараад̇хийнз гаамааважарад̣̇звз жа, махад̇аа вааяаамзна вид̣̇уурамаагаасам̣ виг̇аахид̇асагунд̇аа вияа б̣алавад̇аа д̣̇уурз баан̣инаа кид̇д̇асараа вияа жа, сад̇иби жираббавад̇д̇ияам̣ анижжанд̇игад̇ааяа баад̇абарияосаанаа анад̇игганд̇аж̇аад̇иж̇араамаран̣аа зваад̇и руубааруубааважарад̣̇звз жа бассанд̇зна маханд̇ам̣ сам̣взг̇ам̣ бажжубадтабзд̇ваа мзд̇д̇ааяа гарун̣ааяа жа анод̇хисо сад̇д̇аа парид̇аб̣б̣аа. звам̣ гааязна ваажааяа манасаа жа б̣од̇хисамбхаарз ниранд̇арам̣ убажинанд̇зна яат̇аа баарамияо баарибуурим̣ г̇ажчанд̇и, звам̣ саггажжагааринаа саад̇ажжагааринаа анолийнавуд̇д̇инаа уссаахо бавад̇д̇зд̇аб̣б̣о, вийрияабаарамий барибуурзд̇аб̣б̣аа.

    Samāhitabhūmiyaṃ pana patiṭṭhito attanā yathānubhūtaṃ visesādhigamanibbattaṃ pītiṃ passaddhiṃ sukhaṃ samādhiṃ yathābhūtañāṇañca sattesu adhimuccanto upasaṃharati pariṇāmeti. Tathā mahati saṃsāradukkhe tassa ca nimittabhūte kilesābhisaṅkhāradukkhe nimuggaṃ sattanikāyaṃ disvā tatrāpi chedanabhedanaphālanapiṃsanaggisantāpādijanitā dukkhā tibbā kharā kaṭukā vedanā nirantaraṃ cirakālaṃ vediyante nārake, aññamaññaṃ kujjhanasantāpanaviheṭhanahiṃsanaparādhīnatādīhi mahādukkhaṃ anubhavante tiracchānagate, jotimālākulasarīre khuppipāsāvātātapādīhi ḍayhamāne ca visussamāne ca vantakheḷādiāhāre uddhabāhuṃ viravante nijjhāmataṇhikādike mahādukkhaṃ vediyamāne pete ca, pariyeṭṭhimūlakaṃ mahantaṃ anayabyasanaṃ pāpuṇante hatthacchedādikāraṇāyogena dubbaṇṇaduddasikadaliddādibhāvena khuppipāsādiābādhayogena balavantehi abhibhavanīyato paresaṃ vahanato parādhīnato ca, nārake pete tiracchānagate ca, atisayante apāyadukkhanibbisesaṃ dukkhamanubhavante manusse ca, tathā visayavisaparibhogavikkhittacittatāya rāgādipariḷāhena ḍayhamāne vātavegasamuṭṭhitajālāsamiddhasukkhakaṭṭhasannipāte aggikkhandhe viya anupasantapariḷāhavuttike anupasantanihataparādhīne kāmāvacaradeve ca, mahatā vāyāmena vidūramākāsaṃ vigāhitasakuntā viya balavatā dūre pāṇinā khittasarā viya ca, satipi cirappavattiyaṃ aniccantikatāya pātapariyosānā anatikkantajātijarāmaraṇā evāti rūpārūpāvacaradeve ca passantena mahantaṃ saṃvegaṃ paccupaṭṭhapetvā mettāya karuṇāya ca anodhiso sattā pharitabbā. Evaṃ kāyena vācāya manasā ca bodhisambhāre nirantaraṃ upacinantena yathā pāramiyo pāripūriṃ gacchanti, evaṃ sakkaccakārinā sātaccakārinā anolīnavuttinā ussāho pavattetabbo, vīriyapāramī paripūretabbā.

    аби жа ажинд̇зяяаабаримзяяавибулол̣ааравималанирубаманируубаггилзсаг̇ун̣анижаяанид̇хаанабхууд̇асса б̣уд̣̇д̇хабхаавасса уссаггид̇ваа самбахам̣санаяог̇г̇ам̣ вийрияам̣ наама ажинд̇зяяаанубхаавамзва, яам̣ на бажураж̇анаа сод̇умби саггун̣анд̇и, баг̇зва бадибаж̇ж̇ид̇ум̣. д̇ат̇аа хи д̇ивид̇хаа абхинийхааражид̇д̇уббад̇д̇и, жад̇ассо б̣уд̣̇д̇хабхуумияо, жад̇д̇аари сан̇г̇ахавад̇т̇ууни, гарун̣згарасад̇аа, б̣уд̣̇д̇хад̇хаммзсу сажчигаран̣зна висзсаббажжаяо ниж̇жхаанаканд̇и, саб̣б̣ад̇хаммзсу нирубалзбо, саб̣б̣асад̇д̇зсу бияабуд̇д̇асан̃н̃аа, сам̣саарад̣̇угкзхи абарикзд̣̇о, саб̣б̣ад̣̇зяяад̇хаммабарижжааг̇о, д̇зна жа нирад̇имаанад̇аа, ад̇хисийлаад̣̇иад̇хидтаанам̣, д̇ад̇т̇а жа ажан̃жалад̇аа, гусалагирияаасу бийд̇ибаамож̇ж̇ам̣, вивзганиннажид̇д̇ад̇аа, жхаанаануяог̇о, анаваж̇ж̇ад̇хаммзна ад̇ид̇д̇и, яат̇аасуд̇асса д̇хаммасса барзсам̣ хид̇аж̇жхаасаязна д̣̇зсанаа, сад̇д̇аанам̣ н̃ааяз нивзсанаа, аарамбхад̣̇ал̣хад̇аа, д̇хийравийрабхааво, бараабаваад̣̇абараабагаарзсу вигаараабхааво, сажжаад̇хидтаанам̣, самаабад̇д̇ийсу васийбхааво, абхин̃н̃аасу б̣алаббад̇д̇и, лагкан̣ад̇д̇аяааваб̣од̇хо, сад̇ибадтаанаад̣̇ийсу яог̇агаммаабхияог̇зна логуд̇д̇арамаг̇г̇асамбхаарасамбхаран̣ам̣, навалогуд̇д̇араавагганд̇ийд̇и звамаад̣̇игаа саб̣б̣ааби б̣од̇хисамбхаарабадибад̇д̇и вийрияаанубхаавзнзва самиж̇жхад̇ийд̇и абхинийхаарад̇о яаава махааб̣од̇хи аноссаж̇ж̇анд̇зна саггажжам̣ ниранд̇арам̣ вийрияам̣ яат̇аа убаруубари висзсаавахам̣ ход̇и, звам̣ самбаад̣̇зд̇аб̣б̣ам̣. самбаж̇ж̇амаанз жа яат̇аавуд̇д̇з вийрияз канд̇исажжаад̇хидтаанаад̣̇аяо жа д̣̇аанасийлаад̣̇аяо жа саб̣б̣зби б̣од̇хисамбхаараа д̇ад̣̇ад̇хийнавуд̇д̇ид̇ааяа самбаннаа зва хонд̇ийд̇и канд̇иаад̣̇ийсуби иминаава наязна бадибад̇д̇и взд̣̇ид̇аб̣б̣аа.

    Api ca acinteyyāparimeyyavipuloḷāravimalanirupamanirūpakkilesaguṇanicayanidhānabhūtassa buddhabhāvassa ussakkitvā sampahaṃsanayoggaṃ vīriyaṃ nāma acinteyyānubhāvameva, yaṃ na pacurajanā sotumpi sakkuṇanti, pageva paṭipajjituṃ. Tathā hi tividhā abhinīhāracittuppatti, catasso buddhabhūmiyo, cattāri saṅgahavatthūni, karuṇekarasatā, buddhadhammesu sacchikaraṇena visesappaccayo nijjhānakhanti, sabbadhammesu nirupalepo, sabbasattesu piyaputtasaññā, saṃsāradukkhehi aparikhedo, sabbadeyyadhammapariccāgo, tena ca niratimānatā, adhisīlādiadhiṭṭhānaṃ, tattha ca acañcalatā, kusalakiriyāsu pītipāmojjaṃ, vivekaninnacittatā, jhānānuyogo, anavajjadhammena atitti, yathāsutassa dhammassa paresaṃ hitajjhāsayena desanā, sattānaṃ ñāye nivesanā, ārambhadaḷhatā, dhīravīrabhāvo, parāpavādaparāpakāresu vikārābhāvo, saccādhiṭṭhānaṃ, samāpattīsu vasībhāvo, abhiññāsu balappatti, lakkhaṇattayāvabodho, satipaṭṭhānādīsu yogakammābhiyogena lokuttaramaggasambhārasambharaṇaṃ, navalokuttarāvakkantīti evamādikā sabbāpi bodhisambhārapaṭipatti vīriyānubhāveneva samijjhatīti abhinīhārato yāva mahābodhi anossajjantena sakkaccaṃ nirantaraṃ vīriyaṃ yathā uparūpari visesāvahaṃ hoti, evaṃ sampādetabbaṃ. Sampajjamāne ca yathāvutte vīriye khantisaccādhiṭṭhānādayo ca dānasīlādayo ca sabbepi bodhisambhārā tadadhīnavuttitāya sampannā eva hontīti khantiādīsupi imināva nayena paṭipatti veditabbā.

    ид̇и сад̇д̇аанам̣ сукуубагаран̣абарижжааг̇зна б̣ахуд̇хаа ануг̇г̇ахагаран̣ам̣ д̣̇аанзна бадибад̇д̇и, сийлзна д̇зсам̣ ж̇ийвид̇асаабад̇зяяад̣̇аарарагкааабхзд̣̇абияахид̇аважанаавихим̣саад̣̇игааран̣аани, нзгкаммзна д̇зсам̣ аамисабадиг̇г̇ахан̣ад̇хаммад̣̇аанаад̣̇инаа анзгавид̇хаа хид̇ажарияаа, бан̃н̃ааяа д̇зсам̣ хид̇агаран̣уубааяагосаллам̣, вийриязна д̇ад̇т̇а уссаахаарамбхаасам̣хийраани, канд̇ияаа д̇ад̣̇абараад̇хасаханам̣, сажжзна нзсам̣ аван̃жанад̇ад̣̇убагаарагирияаасамаад̣̇аанаависам̣ваад̣̇анаад̣̇и, ад̇хидтаанзна д̇ад̣̇убагаарагаран̣з анад̇т̇асамбаад̇зби ажаланам̣, мзд̇д̇ааяа нзсам̣ хид̇асукаанужинд̇анам̣, убзгкааяа нзсам̣ убагаараабагаарзсу вигаараанаабад̇д̇ийд̇и звам̣ абаримаан̣з сад̇д̇з аараб̣бха анугамбид̇асаб̣б̣асад̇д̇асса махааб̣од̇хисад̇д̇асса бут̇уж̇ж̇анзхи асаад̇хааран̣о абаримзяяо бун̃н̃ан̃аан̣асамбхааруубажаяо зд̇т̇а бадибад̇д̇ийд̇и взд̣̇ид̇аб̣б̣ам̣. яо жзд̇аасам̣ бажжаяо вуд̇д̇о, д̇асса жа саггажжам̣ самбаад̣̇анам̣.

    Iti sattānaṃ sukhūpakaraṇapariccāgena bahudhā anuggahakaraṇaṃ dānena paṭipatti, sīlena tesaṃ jīvitasāpateyyadārarakkhāabhedapiyahitavacanāvihiṃsādikāraṇāni, nekkhammena tesaṃ āmisapaṭiggahaṇadhammadānādinā anekavidhā hitacariyā, paññāya tesaṃ hitakaraṇūpāyakosallaṃ, vīriyena tattha ussāhārambhaasaṃhīrāni, khantiyā tadaparādhasahanaṃ, saccena nesaṃ avañcanatadupakārakiriyāsamādānāvisaṃvādanādi, adhiṭṭhānena tadupakārakaraṇe anatthasampātepi acalanaṃ, mettāya nesaṃ hitasukhānucintanaṃ, upekkhāya nesaṃ upakārāpakāresu vikārānāpattīti evaṃ aparimāṇe satte ārabbha anukampitasabbasattassa mahābodhisattassa puthujjanehi asādhāraṇo aparimeyyo puññañāṇasambhārūpacayo ettha paṭipattīti veditabbaṃ. Yo cetāsaṃ paccayo vutto, tassa ca sakkaccaṃ sampādanaṃ.

    го вибхааг̇од̇и? д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇д̇им̣сабаарамияо. д̇ад̇т̇а гад̇аабхинийхаарасса б̣од̇хисад̇д̇асса барахид̇агаран̣аабхининнаасаяабаяог̇асса ган̣хад̇хаммавогин̣н̣аа суггад̇хаммаа баарамияо зва, д̇зхи авогин̣н̣аа суггад̇хаммаа убабаарамияо, аган̣хаасуггаа барамад̇т̇абаарамияод̇и гзжи. самуд̣̇ааг̇аманагаалзсу ваа буурияамаанаа баарамияо, б̣од̇хисад̇д̇абхуумияам̣ бун̣н̣аа убабаарамияо, б̣уд̣̇д̇хабхуумияам̣ саб̣б̣аагаарабарибун̣н̣аа барамад̇т̇абаарамияо. б̣од̇хисад̇д̇абхуумияам̣ ваа барахид̇агаран̣ад̇о баарамияо, ад̇д̇ахид̇агаран̣ад̇о убабаарамияо, б̣уд̣̇д̇хабхуумияам̣ б̣алавзсаараж̇ж̇асамад̇хиг̇амзна убхаяахид̇абарибууран̣ад̇о барамад̇т̇абаарамияо.

    Ko vibhāgoti? Dasa pāramiyo, dasa upapāramiyo, dasa paramatthapāramiyoti samattiṃsapāramiyo. Tattha katābhinīhārassa bodhisattassa parahitakaraṇābhininnāsayapayogassa kaṇhadhammavokiṇṇā sukkadhammā pāramiyo eva, tehi avokiṇṇā sukkadhammā upapāramiyo, akaṇhaasukkā paramatthapāramiyoti keci. Samudāgamanakālesu vā pūriyamānā pāramiyo, bodhisattabhūmiyaṃ puṇṇā upapāramiyo, buddhabhūmiyaṃ sabbākāraparipuṇṇā paramatthapāramiyo. Bodhisattabhūmiyaṃ vā parahitakaraṇato pāramiyo, attahitakaraṇato upapāramiyo, buddhabhūmiyaṃ balavesārajjasamadhigamena ubhayahitaparipūraṇato paramatthapāramiyo.

    звам̣ аад̣̇имаж̇жхабарияосаанзсу бан̣ид̇хаанаарамбхабаринидтаанзсу д̇зсам̣ вибхааг̇од̇и абарз. д̣̇осуубасамагарун̣аабагад̇игаанам̣ бхавасукавимуд̇д̇исукабарамасукаббад̇д̇аанам̣ бун̃н̃уубажаяабхзд̣̇ад̇о д̇аб̣б̣ибхааг̇од̇и ан̃н̃з. лаж̇ж̇аасад̇имаанаабассаяаанам̣ логуд̇д̇арад̇хаммаад̇хибад̇ийнам̣ сийласамаад̇хибан̃н̃ааг̇аругаанам̣ д̇аарид̇ад̇арид̇ад̇аараяид̇уунам̣ ануб̣уд̣̇д̇хабажжзгаб̣уд̣̇д̇хасаммаасамб̣уд̣̇д̇хаанам̣ баарамий, убабаарамий, барамад̇т̇абаарамийд̇и б̣од̇хисад̇д̇ассуббад̇д̇ид̇о яат̇аавуд̇д̇авибхааг̇од̇и гзжи. жид̇д̇абан̣ид̇хид̇о яаава важийбан̣ид̇хи, д̇аава бавад̇д̇аа самбхаараа баарамияо, важийбан̣ид̇хид̇о яаава гааяабан̣ид̇хи, д̇аава бавад̇д̇аа убабаарамияо, гааяабан̣ид̇хид̇о бабхуд̇и барамад̇т̇абаарамияод̇и абарз. ан̃н̃з бана ‘‘барабун̃н̃аанумод̣̇анавасзна бавад̇д̇аа самбхаараа баарамияо, барзсам̣ гаараабанавасзна бавад̇д̇аа убабаарамияо, саяам̣гаран̣авасзна бавад̇д̇аа барамад̇т̇абаарамияо’’д̇и вад̣̇анд̇и.

    Evaṃ ādimajjhapariyosānesu paṇidhānārambhapariniṭṭhānesu tesaṃ vibhāgoti apare. Dosūpasamakaruṇāpakatikānaṃ bhavasukhavimuttisukhaparamasukhappattānaṃ puññūpacayabhedato tabbibhāgoti aññe. Lajjāsatimānāpassayānaṃ lokuttaradhammādhipatīnaṃ sīlasamādhipaññāgarukānaṃ tāritataritatārayitūnaṃ anubuddhapaccekabuddhasammāsambuddhānaṃ pāramī, upapāramī, paramatthapāramīti bodhisattassuppattito yathāvuttavibhāgoti keci. Cittapaṇidhito yāva vacīpaṇidhi, tāva pavattā sambhārā pāramiyo, vacīpaṇidhito yāva kāyapaṇidhi, tāva pavattā upapāramiyo, kāyapaṇidhito pabhuti paramatthapāramiyoti apare. Aññe pana ‘‘parapuññānumodanavasena pavattā sambhārā pāramiyo, paresaṃ kārāpanavasena pavattā upapāramiyo, sayaṃkaraṇavasena pavattā paramatthapāramiyo’’ti vadanti.

    д̇ат̇аа бхавасукаавахо бун̃н̃ан̃аан̣асамбхааро баарамий, ад̇д̇ано ниб̣б̣аанасукаавахо убабаарамий, барзсам̣ д̇ад̣̇убхаяасукаавахо барамад̇т̇абаарамийд̇и згз. буд̇д̇ад̣̇аарад̇ханаад̣̇иубагаран̣абарижжааг̇о бана д̣̇аанабаарамий, ан̇г̇абарижжааг̇о д̣̇аанаубабаарамий, ад̇д̇ано ж̇ийвид̇абарижжааг̇о д̣̇аанабарамад̇т̇абаарамийд̇и. д̇ат̇аа буд̇д̇ад̣̇аараад̣̇игасса д̇ивид̇хассааби хзд̇у авийд̇иггаманавасзна д̇иссо сийлабаарамияо, д̇зсу зва д̇ивид̇хзсу вад̇т̇уусу аалаяам̣ убажчинд̣̇ид̇ваа нигкаманавасзна д̇иссо нзгкаммабаарамияо, убагаран̣ан̇г̇аж̇ийвид̇ад̇ан̣хам̣ самууханид̇ваа сад̇д̇аанам̣ хид̇аахид̇авинижчаяагаран̣авасзна д̇иссо бан̃н̃аабаарамияо. яат̇аавуд̇д̇абхзд̣̇аанам̣ барижжааг̇аад̣̇ийнам̣ вааяаманавасзна д̇иссо вийрияабаарамияо, убагаран̣ан̇г̇аж̇ийвид̇анд̇арааяагараанам̣ каманавасзна д̇иссо канд̇ибаарамияо, убагаран̣ан̇г̇аж̇ийвид̇ахзд̇у сажжаабарижжааг̇авасзна д̇иссо сажжабаарамияо, д̣̇аанаад̣̇ибаарамияо агуббаад̇хидтаанавасзнзва самиж̇жханд̇ийд̇и, убагаран̣аад̣̇ивинаасзби ажалаад̇хидтаанавасзна д̇иссо ад̇хидтаанабаарамияо, убагаран̣аад̣̇иубагхаад̇агзсуби сад̇д̇зсу мзд̇д̇ааяа авиж̇аханавасзна д̇иссо мзд̇д̇аабаарамияо, яат̇аавуд̇д̇авад̇т̇уд̇д̇аяасса убагаараабагаарзсу сад̇д̇асан̇каарзсу маж̇жхад̇д̇ад̇аабадилаабхавасзна д̇иссо убзгкаабаарамияод̇и звамаад̣̇инаа зд̇аасам̣ вибхааг̇о взд̣̇ид̇аб̣б̣аад̇и.

    Tathā bhavasukhāvaho puññañāṇasambhāro pāramī, attano nibbānasukhāvaho upapāramī, paresaṃ tadubhayasukhāvaho paramatthapāramīti eke. Puttadāradhanādiupakaraṇapariccāgo pana dānapāramī, aṅgapariccāgo dānaupapāramī, attano jīvitapariccāgo dānaparamatthapāramīti. Tathā puttadārādikassa tividhassāpi hetu avītikkamanavasena tisso sīlapāramiyo, tesu eva tividhesu vatthūsu ālayaṃ upacchinditvā nikkhamanavasena tisso nekkhammapāramiyo, upakaraṇaṅgajīvitataṇhaṃ samūhanitvā sattānaṃ hitāhitavinicchayakaraṇavasena tisso paññāpāramiyo. Yathāvuttabhedānaṃ pariccāgādīnaṃ vāyamanavasena tisso vīriyapāramiyo, upakaraṇaṅgajīvitantarāyakarānaṃ khamanavasena tisso khantipāramiyo, upakaraṇaṅgajīvitahetu saccāpariccāgavasena tisso saccapāramiyo, dānādipāramiyo akuppādhiṭṭhānavaseneva samijjhantīti, upakaraṇādivināsepi acalādhiṭṭhānavasena tisso adhiṭṭhānapāramiyo, upakaraṇādiupaghātakesupi sattesu mettāya avijahanavasena tisso mettāpāramiyo, yathāvuttavatthuttayassa upakārāpakāresu sattasaṅkhāresu majjhattatāpaṭilābhavasena tisso upekkhāpāramiyoti evamādinā etāsaṃ vibhāgo veditabbāti.

    го сан̇г̇аход̇и? зд̇т̇а бана яат̇аа зд̇аа вибхааг̇ад̇о д̇им̣савид̇хааби д̣̇аанабаарамиаад̣̇ибхаавад̇о д̣̇асавид̇хаа, звам̣ д̣̇аанасийлаканд̇ивийрияажхаанабан̃н̃аасабхаавзна чаб̣б̣ид̇хаа. зд̇аасу хи нзгкаммабаарамий сийлабаарамияаа сан̇г̇ахид̇аа, д̇ассаа баб̣б̣аж̇ж̇аабхаавз, нийваран̣авивзгабхаавз бана жхаанабаарамияаа гусалад̇хаммабхаавз чахиби сан̇г̇ахид̇аа. сажжабаарамий сийлабаарамияаа згад̣̇зсо зва важийвирад̇исажжабагкз, н̃аан̣асажжабагкз бана бан̃н̃аабаарамияаа сан̇г̇ахид̇аа. мзд̇д̇аабаарами жхаанабаарамияаа зва. убзгкаабаарамий жхаанабан̃н̃аабаарамийхи. ад̇хидтаанабаарамий саб̣б̣аахиби сан̇г̇ахид̇аад̇и.

    Ko saṅgahoti? Ettha pana yathā etā vibhāgato tiṃsavidhāpi dānapāramiādibhāvato dasavidhā, evaṃ dānasīlakhantivīriyajhānapaññāsabhāvena chabbidhā. Etāsu hi nekkhammapāramī sīlapāramiyā saṅgahitā, tassā pabbajjābhāve, nīvaraṇavivekabhāve pana jhānapāramiyā kusaladhammabhāve chahipi saṅgahitā. Saccapāramī sīlapāramiyā ekadeso eva vacīviratisaccapakkhe, ñāṇasaccapakkhe pana paññāpāramiyā saṅgahitā. Mettāpārami jhānapāramiyā eva. Upekkhāpāramī jhānapaññāpāramīhi. Adhiṭṭhānapāramī sabbāhipi saṅgahitāti.

    зд̇зсан̃жа д̣̇аанаад̣̇ийнам̣ чаннам̣ г̇ун̣аанам̣ ан̃н̃аман̃н̃асамб̣анд̇хаанам̣ бан̃жад̣̇асаяуг̇алаад̣̇ийни бан̃жад̣̇асаяуг̇алаад̣̇исаад̇хагаани хонд̇и. сзяяат̇ид̣̇ам̣ – д̣̇аанасийлаяуг̇алзна барахид̇аахид̇аанам̣ гаран̣аагаран̣аяуг̇аласид̣̇д̇хи, д̣̇аанаканд̇ияуг̇алзна алобхаад̣̇осаяуг̇аласид̣̇д̇хи, д̣̇аанавийрияаяуг̇алзна жааг̇асуд̇аяуг̇аласид̣̇д̇хи, д̣̇аанажхаанаяуг̇алзна гаамад̣̇осаббахаанаяуг̇аласид̣̇д̇хи. д̣̇аанабан̃н̃ааяуг̇алзна арияаяаанад̇хураяуг̇аласид̣̇д̇хи, сийлаканд̇ид̣̇ваязна баяог̇аасаяасуд̣̇д̇хид̣̇ваяасид̣̇д̇хи, сийлавийрияад̣̇ваязна бхааванаад̣̇ваяасид̣̇д̇хи, сийлажхаанад̣̇ваязна д̣̇уссийляабарияудтаанаббахаанад̣̇ваяасид̣̇д̇хи, сийлабан̃н̃аад̣̇ваязна д̣̇аанад̣̇ваяасид̣̇д̇хи, канд̇ивийрияаяуг̇алзна камаад̇зж̇ад̣̇ваяасид̣̇д̇хи, канд̇ижхаанаяуг̇алзна вирод̇хаанурод̇хаббахаанаяуг̇аласид̣̇д̇хи, канд̇ибан̃н̃ааяуг̇алзна сун̃н̃ад̇ааканд̇ибадивзд̇хад̣̇угасид̣̇д̇хи, вийрияажхаанад̣̇угзна баг̇г̇ахаавигкзбад̣̇угасид̣̇д̇хи, вийрияабан̃н̃аад̣̇угзна саран̣ад̣̇угасид̣̇д̇хи, жхаанабан̃н̃аад̣̇угзна яаанад̣̇угасид̣̇д̇хи , д̣̇аанасийлаканд̇ид̇д̇игзна лобхад̣̇осамохаббахаанад̇д̇игасид̣̇д̇хи, д̣̇аанасийлавийрияад̇д̇игзна бхог̇аж̇ийвид̇агааяасаараад̣̇аанад̇д̇игасид̣̇д̇хи, д̣̇аанасийлажхаанад̇д̇игзна бун̃н̃агирияавад̇т̇уд̇д̇игасид̣̇д̇хи, д̣̇аанасийлабан̃н̃аад̇игзна аамисаабхаяад̇хаммад̣̇аанад̇д̇игасид̣̇д̇хийд̇и. звам̣ ид̇арзхиби д̇игзхи жад̇уггаад̣̇ийхи жа яат̇аасамбхавам̣ д̇игаани жа жад̇уггаад̣̇ийни жа яож̇зд̇аб̣б̣аани.

    Etesañca dānādīnaṃ channaṃ guṇānaṃ aññamaññasambandhānaṃ pañcadasayugalādīni pañcadasayugalādisādhakāni honti. Seyyathidaṃ – dānasīlayugalena parahitāhitānaṃ karaṇākaraṇayugalasiddhi, dānakhantiyugalena alobhādosayugalasiddhi, dānavīriyayugalena cāgasutayugalasiddhi, dānajhānayugalena kāmadosappahānayugalasiddhi. Dānapaññāyugalena ariyayānadhurayugalasiddhi, sīlakhantidvayena payogāsayasuddhidvayasiddhi, sīlavīriyadvayena bhāvanādvayasiddhi, sīlajhānadvayena dussīlyapariyuṭṭhānappahānadvayasiddhi, sīlapaññādvayena dānadvayasiddhi, khantivīriyayugalena khamātejadvayasiddhi, khantijhānayugalena virodhānurodhappahānayugalasiddhi, khantipaññāyugalena suññatākhantipaṭivedhadukasiddhi, vīriyajhānadukena paggahāvikkhepadukasiddhi, vīriyapaññādukena saraṇadukasiddhi, jhānapaññādukena yānadukasiddhi , dānasīlakhantittikena lobhadosamohappahānattikasiddhi, dānasīlavīriyattikena bhogajīvitakāyasārādānattikasiddhi, dānasīlajhānattikena puññakiriyavatthuttikasiddhi, dānasīlapaññātikena āmisābhayadhammadānattikasiddhīti. Evaṃ itarehipi tikehi catukkādīhi ca yathāsambhavaṃ tikāni ca catukkādīni ca yojetabbāni.

    звам̣ чаб̣б̣ид̇хаанамби бана имаасам̣ баарамийнам̣ жад̇уухи ад̇хидтаанзхи сан̇г̇ахо взд̣̇ид̇аб̣б̣о. саб̣б̣абаарамийнам̣ самуухасан̇г̇ахад̇о хи жад̇д̇аари ад̇хидтаанаани, сзяяат̇ид̣̇ам̣ – сажжаад̇хидтаанам̣, жааг̇аад̇хидтаанам̣, убасамаад̇хидтаанам̣, бан̃н̃аад̇хидтаананд̇и. д̇ад̇т̇а ад̇хид̇идтад̇и зд̇зна, зд̇т̇а ваа ад̇хид̇идтад̇и, ад̇хидтаанамад̇д̇амзва ваа д̇анд̇и ад̇хидтаанам̣, сажжан̃жа д̇ам̣ ад̇хидтаанан̃жа, сажжасса ваа ад̇хидтаанам̣, сажжам̣ ад̇хидтаанамзд̇ассаад̇и ваа сажжаад̇хидтаанам̣. звам̣ сзсзсуби. д̇ад̇т̇а ависзсад̇о д̇аава логуд̇д̇араг̇ун̣з гад̇аабхинийхаарасса анугамбид̇асаб̣б̣асад̇д̇асса махаасад̇д̇асса бадин̃н̃аануруубам̣ саб̣б̣абаарамибариг̇г̇ахад̇о сажжаад̇хидтаанам̣. д̇аасам̣ бадибагкабарижжааг̇ад̇о жааг̇аад̇хидтаанам̣ . саб̣б̣абаарамид̇ааг̇ун̣зхи убасамад̇о убасамаад̇хидтаанам̣. д̇зхи зва барахид̇обааяагосаллад̇о бан̃н̃аад̇хидтаанам̣.

    Evaṃ chabbidhānampi pana imāsaṃ pāramīnaṃ catūhi adhiṭṭhānehi saṅgaho veditabbo. Sabbapāramīnaṃ samūhasaṅgahato hi cattāri adhiṭṭhānāni, seyyathidaṃ – saccādhiṭṭhānaṃ, cāgādhiṭṭhānaṃ, upasamādhiṭṭhānaṃ, paññādhiṭṭhānanti. Tattha adhitiṭṭhati etena, ettha vā adhitiṭṭhati, adhiṭṭhānamattameva vā tanti adhiṭṭhānaṃ, saccañca taṃ adhiṭṭhānañca, saccassa vā adhiṭṭhānaṃ, saccaṃ adhiṭṭhānametassāti vā saccādhiṭṭhānaṃ. Evaṃ sesesupi. Tattha avisesato tāva lokuttaraguṇe katābhinīhārassa anukampitasabbasattassa mahāsattassa paṭiññānurūpaṃ sabbapāramipariggahato saccādhiṭṭhānaṃ. Tāsaṃ paṭipakkhapariccāgato cāgādhiṭṭhānaṃ . Sabbapāramitāguṇehi upasamato upasamādhiṭṭhānaṃ. Tehi eva parahitopāyakosallato paññādhiṭṭhānaṃ.

    висзсад̇о бана яаажагаж̇анам̣ ависам̣ваад̣̇зд̇ваа д̣̇ассаамийд̇и бадиж̇аананад̇о бадин̃н̃ам̣ ависам̣ваад̣̇зд̇ваа д̣̇аанад̇о д̣̇аанам̣ ависам̣ваад̣̇зд̇ваа анумод̣̇анад̇о мажчарияаад̣̇ибадибагкабарижжааг̇ад̇о д̣̇зяяад̇хаммабадиг̇г̇аахагад̣̇аанад̣̇зяяад̇хаммагкаязсу лобхад̣̇осамохабхаяавуубасамад̇о яат̇аарахам̣ яат̇аагаалам̣ яат̇аавид̇хаанан̃жа д̣̇аанад̇о бан̃н̃уд̇д̇арад̇о жа гусалад̇хаммаанам̣ жад̇урад̇хидтаанабад̣̇адтаанам̣ д̣̇аанам̣. д̇ат̇аа сам̣варасамаад̣̇аанасса авийд̇иггаманад̇о д̣̇уссийляабарижжааг̇ад̇о д̣̇ужжарид̇авуубасаманад̇о бан̃н̃уд̇д̇арад̇о жа жад̇урад̇хидтаанабад̣̇адтаанам̣ сийлам̣. яат̇аабадин̃н̃ам̣ каманад̇о, бараабараад̇хавигаббабарижжааг̇ад̇о, год̇хабарияудтаанавуубасаманад̇о, бан̃н̃уд̇д̇арад̇о, жа жад̇урад̇хидтаанабад̣̇адтаанаа канд̇и. бадин̃н̃аануруубам̣ барахид̇агаран̣ад̇о, висад̣̇абарижжааг̇ад̇о, агусалавуубасаманад̇о, бан̃н̃уд̇д̇арад̇о жа жад̇урад̇хидтаанабад̣̇адтаанам̣ вийрияам̣. бадин̃н̃аануруубам̣ логахид̇аанужинд̇анад̇о, нийваран̣абарижжааг̇ад̇о, жид̇д̇авуубасаманад̇о, бан̃н̃уд̇д̇арад̇о жа жад̇урад̇хидтаанабад̣̇адтаанам̣ жхаанам̣. яат̇аабадин̃н̃ам̣ барахид̇уубааяагосаллад̇о, анубааяагирияаабарижжааг̇ад̇о, мохаж̇абарил̣аахавуубасаманад̇о, саб̣б̣ан̃н̃уд̇аабадилаабхад̇о жа жад̇урад̇хидтаанабад̣̇адтаанаа бан̃н̃аа.

    Visesato pana yācakajanaṃ avisaṃvādetvā dassāmīti paṭijānanato paṭiññaṃ avisaṃvādetvā dānato dānaṃ avisaṃvādetvā anumodanato macchariyādipaṭipakkhapariccāgato deyyadhammapaṭiggāhakadānadeyyadhammakkhayesu lobhadosamohabhayavūpasamato yathārahaṃ yathākālaṃ yathāvidhānañca dānato paññuttarato ca kusaladhammānaṃ caturadhiṭṭhānapadaṭṭhānaṃ dānaṃ. Tathā saṃvarasamādānassa avītikkamanato dussīlyapariccāgato duccaritavūpasamanato paññuttarato ca caturadhiṭṭhānapadaṭṭhānaṃ sīlaṃ. Yathāpaṭiññaṃ khamanato, parāparādhavikappapariccāgato, kodhapariyuṭṭhānavūpasamanato, paññuttarato, ca caturadhiṭṭhānapadaṭṭhānā khanti. Paṭiññānurūpaṃ parahitakaraṇato, visadapariccāgato, akusalavūpasamanato, paññuttarato ca caturadhiṭṭhānapadaṭṭhānaṃ vīriyaṃ. Paṭiññānurūpaṃ lokahitānucintanato, nīvaraṇapariccāgato, cittavūpasamanato, paññuttarato ca caturadhiṭṭhānapadaṭṭhānaṃ jhānaṃ. Yathāpaṭiññaṃ parahitūpāyakosallato, anupāyakiriyāpariccāgato, mohajapariḷāhavūpasamanato, sabbaññutāpaṭilābhato ca caturadhiṭṭhānapadaṭṭhānā paññā.

    д̇ад̇т̇а н̃зяяабадин̃н̃аанувид̇хаанзхи сажжаад̇хидтаанам̣. вад̇т̇угаамагилзсагаамабарижжааг̇зхи жааг̇аад̇хидтаанам̣. д̣̇осад̣̇угкавуубасамзхи убасамаад̇хидтаанам̣. ануб̣од̇хабадивзд̇хзхи бан̃н̃аад̇хидтаанам̣. д̇ивид̇хасажжабариг̇г̇ахид̇ам̣ д̣̇осад̇д̇аяавирод̇хи сажжаад̇хидтаанам̣. д̇ивид̇хажааг̇абариг̇г̇ахид̇ам̣ д̣̇осад̇д̇аяавирод̇хи жааг̇аад̇хидтаанам̣. д̇ивид̇хавуубасамабариг̇г̇ахид̇ам̣ д̣̇осад̇д̇аяавирод̇хи убасамаад̇хидтаанам̣. д̇ивид̇хан̃аан̣абариг̇г̇ахид̇ам̣ д̣̇осад̇д̇аяавирод̇хи бан̃н̃аад̇хидтаанам̣. сажжаад̇хидтаанабариг̇г̇ахид̇аани жааг̇уубасамабан̃н̃аад̇хидтаанаани ависам̣ваад̣̇анад̇о бадин̃н̃аанувид̇хаанад̇о жа, жааг̇аад̇хидтаанабариг̇г̇ахид̇аани сажжуубасамабан̃н̃аад̇хидтаанаани бадибагкабарижжааг̇ад̇о саб̣б̣абарижжааг̇апалад̇д̇аа жа, убасамаад̇хидтаанабариг̇г̇ахид̇аани сажжажааг̇абан̃н̃аад̇хидтаанаани гилзсабарил̣аахавуубасаманад̇о гаамуубасаманад̇о гаамабарил̣аахавуубасаманад̇о жа, бан̃н̃аад̇хидтаанабариг̇г̇ахид̇аани сажжажааг̇уубасамаад̇хидтаанаани н̃аан̣абуб̣б̣ан̇г̇амад̇о н̃аан̣аанубаривад̇д̇анад̇о жаад̇и звам̣ саб̣б̣ааби баарамияо сажжаббабхаавид̇аа жааг̇абариб̣яан̃ж̇ид̇аа убасамобаб̣руухид̇аа бан̃н̃аабарисуд̣̇д̇хаа. сажжан̃хи зд̇аасам̣ ж̇анагахзд̇у. жааг̇о бариг̇г̇аахагахзд̇у, убасамо баривуд̣̇д̇хихзд̇у, бан̃н̃аа баарисуд̣̇д̇хихзд̇у. д̇ат̇аа аад̣̇имхи сажжаад̇хидтаанам̣ сажжабадин̃н̃ад̇д̇аа, маж̇жхз жааг̇аад̇хидтаанам̣ гад̇абан̣ид̇хаанасса барахид̇ааяа ад̇д̇абарижжааг̇ад̇о. анд̇з убасамаад̇хидтаанам̣ саб̣б̣уубасамабарияосаанад̇д̇аа. аад̣̇имаж̇жхабарияосаанзсу бан̃н̃аад̇хидтаанам̣ д̇асмим̣ сад̇и самбхавад̇о асад̇и абхаавад̇о яат̇аабадин̃н̃ан̃жа бхаавад̇о.

    Tattha ñeyyapaṭiññānuvidhānehi saccādhiṭṭhānaṃ. Vatthukāmakilesakāmapariccāgehi cāgādhiṭṭhānaṃ. Dosadukkhavūpasamehi upasamādhiṭṭhānaṃ. Anubodhapaṭivedhehi paññādhiṭṭhānaṃ. Tividhasaccapariggahitaṃ dosattayavirodhi saccādhiṭṭhānaṃ. Tividhacāgapariggahitaṃ dosattayavirodhi cāgādhiṭṭhānaṃ. Tividhavūpasamapariggahitaṃ dosattayavirodhi upasamādhiṭṭhānaṃ. Tividhañāṇapariggahitaṃ dosattayavirodhi paññādhiṭṭhānaṃ. Saccādhiṭṭhānapariggahitāni cāgūpasamapaññādhiṭṭhānāni avisaṃvādanato paṭiññānuvidhānato ca, cāgādhiṭṭhānapariggahitāni saccūpasamapaññādhiṭṭhānāni paṭipakkhapariccāgato sabbapariccāgaphalattā ca, upasamādhiṭṭhānapariggahitāni saccacāgapaññādhiṭṭhānāni kilesapariḷāhavūpasamanato kāmūpasamanato kāmapariḷāhavūpasamanato ca, paññādhiṭṭhānapariggahitāni saccacāgūpasamādhiṭṭhānāni ñāṇapubbaṅgamato ñāṇānuparivattanato cāti evaṃ sabbāpi pāramiyo saccappabhāvitā cāgaparibyañjitā upasamopabrūhitā paññāparisuddhā. Saccañhi etāsaṃ janakahetu. Cāgo pariggāhakahetu, upasamo parivuddhihetu, paññā pārisuddhihetu. Tathā ādimhi saccādhiṭṭhānaṃ saccapaṭiññattā, majjhe cāgādhiṭṭhānaṃ katapaṇidhānassa parahitāya attapariccāgato. Ante upasamādhiṭṭhānaṃ sabbūpasamapariyosānattā. Ādimajjhapariyosānesu paññādhiṭṭhānaṃ tasmiṃ sati sambhavato asati abhāvato yathāpaṭiññañca bhāvato.

    д̇ад̇т̇а махаабурисаа сад̇ад̇амад̇д̇ахид̇абарахид̇агарзхи г̇арубияабхаавагарзхи сажжажааг̇аад̇хидтаанзхи г̇ихибхууд̇аа аамисад̣̇аанзна барз ануг̇г̇ан̣ханд̇и. д̇ат̇аа ад̇д̇ахид̇абарахид̇агарзхи г̇арубияабхаавагарзхи убасамабан̃н̃аад̇хидтаанзхи жа баб̣б̣аж̇ид̇абхууд̇аа д̇хаммад̣̇аанзна барз ануг̇г̇ан̣ханд̇и.

    Tattha mahāpurisā satatamattahitaparahitakarehi garupiyabhāvakarehi saccacāgādhiṭṭhānehi gihibhūtā āmisadānena pare anuggaṇhanti. Tathā attahitaparahitakarehi garupiyabhāvakarehi upasamapaññādhiṭṭhānehi ca pabbajitabhūtā dhammadānena pare anuggaṇhanti.

    д̇ад̇т̇а анд̇имабхавз б̣од̇хисад̇д̇асса жад̇урад̇хидтаанабарибууран̣ам̣. барибун̣н̣ажад̇урад̇хидтаанасса хи жаримагабхавуубабад̇д̇ийд̇и згз. д̇ад̇ра хи г̇аб̣бхогганд̇итид̇иабхинигкаманзсу бан̃н̃аад̇хидтаанасамуд̣̇ааг̇амзна сад̇о самбаж̇аано сажжаад̇хидтаанабаарибуурияаа самбад̇иж̇аад̇о уд̇д̇араабхимуко сад̇д̇абад̣̇авийд̇ихаарзна г̇анд̇ваа саб̣б̣аа д̣̇исаа ологзд̇ваа сажжаанубаривад̇д̇инаа важасаа – ‘‘аг̇г̇охамасми логасса, ж̇здтохамасми логасса, сздтохамасми логассаа’’д̇и (д̣̇ий. ни. 2.31; ма. ни. 3.207) д̇игкад̇д̇ум̣ сийханаад̣̇ам̣ над̣̇и.

    Tattha antimabhave bodhisattassa caturadhiṭṭhānaparipūraṇaṃ. Paripuṇṇacaturadhiṭṭhānassa hi carimakabhavūpapattīti eke. Tatra hi gabbhokkantiṭhitiabhinikkhamanesu paññādhiṭṭhānasamudāgamena sato sampajāno saccādhiṭṭhānapāripūriyā sampatijāto uttarābhimukho sattapadavītihārena gantvā sabbā disā oloketvā saccānuparivattinā vacasā – ‘‘aggohamasmi lokassa, jeṭṭhohamasmi lokassa, seṭṭhohamasmi lokassā’’ti (dī. ni. 2.31; ma. ni. 3.207) tikkhattuṃ sīhanādaṃ nadi.

    убасамаад̇хидтаанасамуд̣̇ааг̇амзна ж̇ин̣н̣аад̇урамад̇абаб̣б̣аж̇ид̇ад̣̇ассаавино жад̇уд̇хаммабад̣̇зсаговид̣̇асса яоб̣б̣анаарог̇яаж̇ийвид̇асамбад̇д̇имад̣̇аанам̣ убасамо. жааг̇аад̇хидтаанасамуд̣̇ааг̇амзна махад̇о н̃аад̇ибариваддасса хад̇т̇аг̇ад̇асса жа жаггавад̇д̇ираж̇ж̇асса анабзгкабарижжааг̇од̇и.

    Upasamādhiṭṭhānasamudāgamena jiṇṇāturamatapabbajitadassāvino catudhammapadesakovidassa yobbanārogyajīvitasampattimadānaṃ upasamo. Cāgādhiṭṭhānasamudāgamena mahato ñātiparivaṭṭassa hatthagatassa ca cakkavattirajjassa anapekkhapariccāgoti.

    д̣̇уд̇ияз таанз абхисамб̣од̇хияам̣ жад̇урад̇хидтаанам̣ барибун̣н̣анд̇и гзжи. д̇ад̇т̇а хи яат̇аабадин̃н̃ам̣ сажжаад̇хидтаанасамуд̣̇ааг̇амзна жад̇уннам̣ арияасажжаанам̣ абхисамаяо, д̇ад̇о хи сажжаад̇хидтаанам̣ барибун̣н̣ам̣. жааг̇аад̇хидтаанасамуд̣̇ааг̇амзна саб̣б̣агилзсуубаггилзсабарижжааг̇о, д̇ад̇о хи жааг̇аад̇хидтаанам̣ барибун̣н̣ам̣. убасамаад̇хидтаанасамуд̣̇ааг̇амзна барамуубасамаббад̇д̇и, д̇ад̇о хи убасамаад̇хидтаанам̣ барибун̣н̣ам̣. бан̃н̃аад̇хидтаанасамуд̣̇ааг̇амзна анааваран̣ан̃аан̣абадилаабхо, д̇ад̇о хи бан̃н̃аад̇хидтаанам̣ барибун̣н̣анд̇и. д̇ам̣ асид̣̇д̇хам̣, абхисамб̣од̇хияааби барамад̇т̇абхаавад̇о.

    Dutiye ṭhāne abhisambodhiyaṃ caturadhiṭṭhānaṃ paripuṇṇanti keci. Tattha hi yathāpaṭiññaṃ saccādhiṭṭhānasamudāgamena catunnaṃ ariyasaccānaṃ abhisamayo, tato hi saccādhiṭṭhānaṃ paripuṇṇaṃ. Cāgādhiṭṭhānasamudāgamena sabbakilesūpakkilesapariccāgo, tato hi cāgādhiṭṭhānaṃ paripuṇṇaṃ. Upasamādhiṭṭhānasamudāgamena paramūpasamappatti, tato hi upasamādhiṭṭhānaṃ paripuṇṇaṃ. Paññādhiṭṭhānasamudāgamena anāvaraṇañāṇapaṭilābho, tato hi paññādhiṭṭhānaṃ paripuṇṇanti. Taṃ asiddhaṃ, abhisambodhiyāpi paramatthabhāvato.

    д̇ад̇ияз таанз д̇хаммажаггаббавад̇д̇анз жад̇урад̇хидтаанам̣ барибун̣н̣анд̇и ан̃н̃з. д̇ад̇т̇а хи сажжаад̇хидтаанасамуд̣̇ааг̇ад̇асса д̣̇ваад̣̇асахи аагаарзхи арияасажжад̣̇зсанааяа сажжаад̇хидтаанам̣ барибун̣н̣ам̣. жааг̇аад̇хидтаанасамуд̣̇ааг̇ад̇асса сад̣̇д̇хаммамахааяааг̇агаран̣зна жааг̇аад̇хидтаанам̣ барибун̣н̣ам̣. убасамаад̇хидтаанасамуд̣̇ааг̇ад̇асса саяам̣ убасанд̇асса барзсам̣ убасаманзна убасамаад̇хидтаанам̣ барибун̣н̣ам̣. бан̃н̃аад̇хидтаанасамуд̣̇ааг̇ад̇асса взнзяяаанам̣ аасаяаад̣̇ибариж̇аананзна бан̃н̃аад̇хидтаанам̣ барибун̣н̣анд̇и. д̇ад̣̇аби асид̣̇д̇хам̣, абарияосид̇ад̇д̇аа б̣уд̣̇д̇хагижжасса.

    Tatiye ṭhāne dhammacakkappavattane caturadhiṭṭhānaṃ paripuṇṇanti aññe. Tattha hi saccādhiṭṭhānasamudāgatassa dvādasahi ākārehi ariyasaccadesanāya saccādhiṭṭhānaṃ paripuṇṇaṃ. Cāgādhiṭṭhānasamudāgatassa saddhammamahāyāgakaraṇena cāgādhiṭṭhānaṃ paripuṇṇaṃ. Upasamādhiṭṭhānasamudāgatassa sayaṃ upasantassa paresaṃ upasamanena upasamādhiṭṭhānaṃ paripuṇṇaṃ. Paññādhiṭṭhānasamudāgatassa veneyyānaṃ āsayādiparijānanena paññādhiṭṭhānaṃ paripuṇṇanti. Tadapi asiddhaṃ, apariyositattā buddhakiccassa.

    жад̇уд̇т̇з таанз бариниб̣б̣аанз жад̇урад̇хидтаанам̣ барибун̣н̣анд̇и абарз. д̇ад̇ра хи бариниб̣б̣уд̇ад̇д̇аа барамад̇т̇асажжасамбад̇д̇ияаа сажжаад̇хидтаанам̣ барибун̣н̣ам̣. саб̣б̣уубад̇хибадиниссаг̇г̇зна жааг̇аад̇хидтаанам̣ барибун̣н̣ам̣. саб̣б̣асан̇кааруубасамзна убасамаад̇хидтаанам̣ барибун̣н̣ам̣. бан̃н̃аабаяож̇анабаринидтаанзна бан̃н̃аад̇хидтаанам̣ барибун̣н̣анд̇и. д̇ад̇ра махаабурисасса висзсзна мзд̇д̇аакзд̇д̇з абхиж̇аад̇ияам̣ сажжаад̇хидтаанасамуд̣̇ааг̇ад̇асса сажжаад̇хидтаанабарибууран̣амабхиб̣яад̇д̇ам̣, висзсзна гарун̣аакзд̇д̇з абхисамб̣од̇хияам̣ бан̃н̃аад̇хидтаанасамуд̣̇ааг̇ад̇асса бан̃н̃аад̇хидтаанабарибууран̣амабхиб̣яад̇д̇ам̣, висзсзна муд̣̇ид̇аакзд̇д̇з д̇хаммажаггаббавад̇д̇анз жааг̇аад̇хидтаанасамуд̣̇ааг̇ад̇асса жааг̇аад̇хидтаанабарибууран̣амабхиб̣яад̇д̇ам̣, висзсзна убзгкаакзд̇д̇з бариниб̣б̣аанз убасамаад̇хидтаанасамуд̣̇ааг̇ад̇асса убасамаад̇хидтаанабарибууран̣амабхиб̣яад̇д̇анд̇и д̣̇адтаб̣б̣ам̣.

    Catutthe ṭhāne parinibbāne caturadhiṭṭhānaṃ paripuṇṇanti apare. Tatra hi parinibbutattā paramatthasaccasampattiyā saccādhiṭṭhānaṃ paripuṇṇaṃ. Sabbūpadhipaṭinissaggena cāgādhiṭṭhānaṃ paripuṇṇaṃ. Sabbasaṅkhārūpasamena upasamādhiṭṭhānaṃ paripuṇṇaṃ. Paññāpayojanapariniṭṭhānena paññādhiṭṭhānaṃ paripuṇṇanti. Tatra mahāpurisassa visesena mettākhette abhijātiyaṃ saccādhiṭṭhānasamudāgatassa saccādhiṭṭhānaparipūraṇamabhibyattaṃ, visesena karuṇākhette abhisambodhiyaṃ paññādhiṭṭhānasamudāgatassa paññādhiṭṭhānaparipūraṇamabhibyattaṃ, visesena muditākhette dhammacakkappavattane cāgādhiṭṭhānasamudāgatassa cāgādhiṭṭhānaparipūraṇamabhibyattaṃ, visesena upekkhākhette parinibbāne upasamādhiṭṭhānasamudāgatassa upasamādhiṭṭhānaparipūraṇamabhibyattanti daṭṭhabbaṃ.

    д̇ад̇ра сажжаад̇хидтаанасамуд̣̇ааг̇ад̇асса сам̣ваасзна сийлам̣ взд̣̇ид̇аб̣б̣ам̣. жааг̇аад̇хидтаанасамуд̣̇ааг̇ад̇асса сам̣вохаарзна сожзяяам̣ взд̣̇ид̇аб̣б̣ам̣. убасамаад̇хидтаанасамуд̣̇ааг̇ад̇асса аабад̣̇аасу т̇аамо взд̣̇ид̇аб̣б̣о. бан̃н̃аад̇хидтаанасамуд̣̇ааг̇ад̇асса саагажчааяа бан̃н̃аа взд̣̇ид̇аб̣б̣аа. звам̣ сийлааж̇ийважид̇д̇ад̣̇идтивисуд̣̇д̇хияо взд̣̇ид̇аб̣б̣аа. д̇ат̇аа сажжаад̇хидтаанасамуд̣̇ааг̇амзна д̣̇осааг̇ад̇им̣ на г̇ажчад̇и ависам̣ваад̣̇анад̇о. жааг̇аад̇хидтаанасамуд̣̇ааг̇амзна лобхааг̇ад̇им̣ на г̇ажчад̇и анабхисан̇г̇ад̇о. убасамаад̇хидтаанасамуд̣̇ааг̇амзна бхаяааг̇ад̇им̣ на г̇ажчад̇и анабараад̇хад̇о. бан̃н̃аад̇хидтаанасамуд̣̇ааг̇амзна мохааг̇ад̇им̣ на г̇ажчад̇и яат̇аа бхууд̇ааваб̣од̇хад̇о.

    Tatra saccādhiṭṭhānasamudāgatassa saṃvāsena sīlaṃ veditabbaṃ. Cāgādhiṭṭhānasamudāgatassa saṃvohārena soceyyaṃ veditabbaṃ. Upasamādhiṭṭhānasamudāgatassa āpadāsu thāmo veditabbo. Paññādhiṭṭhānasamudāgatassa sākacchāya paññā veditabbā. Evaṃ sīlājīvacittadiṭṭhivisuddhiyo veditabbā. Tathā saccādhiṭṭhānasamudāgamena dosāgatiṃ na gacchati avisaṃvādanato. Cāgādhiṭṭhānasamudāgamena lobhāgatiṃ na gacchati anabhisaṅgato. Upasamādhiṭṭhānasamudāgamena bhayāgatiṃ na gacchati anaparādhato. Paññādhiṭṭhānasamudāgamena mohāgatiṃ na gacchati yathā bhūtāvabodhato.

    д̇ат̇аа батамзна ад̣̇удто ад̇хиваасзд̇и, д̣̇уд̇иязна алуд̣̇д̇хо бадисзвад̇и, д̇ад̇иязна абхийд̇о бариваж̇ж̇зд̇и, жад̇уд̇т̇зна асаммуул̣хо винод̣̇зд̇и. батамзна нзгкаммасукаббад̇д̇и, ид̇арзхи бавивзгаубасамасамб̣од̇хисукаббад̇д̇ияо хонд̇ийд̇и д̣̇адтаб̣б̣аа. д̇ат̇аа вивзгаж̇абийд̇исукасамаад̇хиж̇абийд̇исукаабийд̇иж̇агааяасукасад̇ибаарисуд̣̇д̇хиж̇а- убзгкаасукаббад̇д̇ияо зд̇зхи жад̇уухи яат̇ааггамам̣ хонд̇и. зваманзгаг̇ун̣аануб̣анд̇хзхи жад̇уухи ад̇хидтаанзхи саб̣б̣абаарамисамуухасан̇г̇ахо взд̣̇ид̇аб̣б̣о. яат̇аа жа жад̇уухи ад̇хидтаанзхи саб̣б̣абаарамисан̇г̇ахо, звам̣ гарун̣аабан̃н̃аахибийд̇и д̣̇адтаб̣б̣ам̣. саб̣б̣оби хи б̣од̇хисамбхааро гарун̣аабан̃н̃аахи сан̇г̇ахид̇о. гарун̣аабан̃н̃аабариг̇г̇ахид̇аа хи д̣̇аанаад̣̇иг̇ун̣аа махааб̣од̇хисамбхаараа бхаванд̇и б̣уд̣̇д̇хад̇д̇асид̣̇д̇хибарияосаанаад̇и. звамзд̇аасам̣ сан̇г̇ахо взд̣̇ид̇аб̣б̣о.

    Tathā paṭhamena aduṭṭho adhivāseti, dutiyena aluddho paṭisevati, tatiyena abhīto parivajjeti, catutthena asammūḷho vinodeti. Paṭhamena nekkhammasukhappatti, itarehi pavivekaupasamasambodhisukhappattiyo hontīti daṭṭhabbā. Tathā vivekajapītisukhasamādhijapītisukhaapītijakāyasukhasatipārisuddhija- upekkhāsukhappattiyo etehi catūhi yathākkamaṃ honti. Evamanekaguṇānubandhehi catūhi adhiṭṭhānehi sabbapāramisamūhasaṅgaho veditabbo. Yathā ca catūhi adhiṭṭhānehi sabbapāramisaṅgaho, evaṃ karuṇāpaññāhipīti daṭṭhabbaṃ. Sabbopi hi bodhisambhāro karuṇāpaññāhi saṅgahito. Karuṇāpaññāpariggahitā hi dānādiguṇā mahābodhisambhārā bhavanti buddhattasiddhipariyosānāti. Evametāsaṃ saṅgaho veditabbo.

    го самбаад̣̇ануубааяод̇и? сагалассааби бун̃н̃аад̣̇исамбхаарасса саммаасамб̣од̇хим̣ уд̣̇д̣̇исса анавасзсасамбхаран̣ам̣ авзгаллагаарид̇ааяог̇зна, д̇ад̇т̇а жа саггажжагаарид̇аа аад̣̇араб̣ахумаанаяог̇зна, саад̇ажжагаарид̇аа ниранд̇араяог̇зна, жирагаалаад̣̇ияог̇о жа анд̇араа авосаанаабаж̇ж̇анзнаад̇и. д̇ам̣ банасса гаалабаримаан̣ам̣ барад̇о аави бхависсад̇и. ид̇и жад̇уран̇г̇аяог̇о зд̇аасам̣ баарамийнам̣ самбаад̣̇ануубааяо. д̇ат̇аа махаасад̇д̇зна б̣од̇хааяа бадибаж̇ж̇анд̇зна саммаасамб̣од̇хааяа б̣уд̣̇д̇хаанам̣ бурзд̇арамзва ад̇д̇аа нияяаад̇зд̇аб̣б̣о – ‘‘имаахам̣ ад̇д̇абхаавам̣ б̣уд̣̇д̇хаанам̣ нияяаад̇змий’’д̇и. д̇ам̣д̇ам̣бариг̇г̇ахавад̇т̇ун̃жа бадилаабхад̇о бурзд̇арамзва д̣̇аанамукз ниссаж̇ж̇ид̇аб̣б̣ам̣. ‘‘яам̣ гин̃жи маяхам̣ уббаж̇ж̇анагам̣ ж̇ийвид̇абаригкаараж̇аад̇ам̣, саб̣б̣ам̣ д̇ам̣ сад̇и яаажагз д̣̇ассаами, д̇зсам̣ бана д̣̇иннаавасзсам̣ зва маяаа барибхун̃ж̇ид̇аб̣б̣а’’нд̇и.

    Ko sampādanūpāyoti? Sakalassāpi puññādisambhārassa sammāsambodhiṃ uddissa anavasesasambharaṇaṃ avekallakāritāyogena, tattha ca sakkaccakāritā ādarabahumānayogena, sātaccakāritā nirantarayogena, cirakālādiyogo ca antarā avosānāpajjanenāti. Taṃ panassa kālaparimāṇaṃ parato āvi bhavissati. Iti caturaṅgayogo etāsaṃ pāramīnaṃ sampādanūpāyo. Tathā mahāsattena bodhāya paṭipajjantena sammāsambodhāya buddhānaṃ puretarameva attā niyyātetabbo – ‘‘imāhaṃ attabhāvaṃ buddhānaṃ niyyātemī’’ti. Taṃtaṃpariggahavatthuñca paṭilābhato puretarameva dānamukhe nissajjitabbaṃ. ‘‘Yaṃ kiñci mayhaṃ uppajjanakaṃ jīvitaparikkhārajātaṃ, sabbaṃ taṃ sati yācake dassāmi, tesaṃ pana dinnāvasesaṃ eva mayā paribhuñjitabba’’nti.

    звам̣ хисса саммад̣̇зва барижжааг̇ааяа гад̇з жид̇д̇аабхисан̇каарз яам̣ уббаж̇ж̇ад̇и бариг̇г̇ахавад̇т̇у авин̃н̃аан̣агам̣ савин̃н̃аан̣агам̣ ваа, д̇ад̇т̇а яз имз буб̣б̣з д̣̇аанз агад̇абарижаяо, бариг̇г̇ахавад̇т̇усса барид̇д̇абхааво, ул̣аараманун̃н̃ад̇аа, баригкаяажинд̇аад̇и жад̇д̇ааро д̣̇аанавиниб̣анд̇хаа, д̇зсу яад̣̇аа махааб̣од̇хисад̇д̇асса сам̣виж̇ж̇амаанзсу д̣̇зяяад̇хаммзсу бажжубадтид̇з жа яаажагаж̇анз д̣̇аанз жид̇д̇ам̣ на багканд̣̇ад̇и на гамад̇и. д̇зна нидтамзд̇т̇а г̇анд̇аб̣б̣ам̣ ‘‘ад̣̇д̇хаахам̣ д̣̇аанз буб̣б̣з агад̇абарижаяо, д̇зна мз зд̇арахи д̣̇аад̇угамяад̇аа жид̇д̇з на сан̣таад̇ий’’д̇и. со звам̣ мз ид̇о барам̣ д̣̇аанаабхирад̇ам̣ жид̇д̇ам̣ бхависсад̇и, ханд̣̇аахам̣ ид̇о бадтааяа д̣̇аанам̣ д̣̇ассаами, нану маяаа бадигажжзва бариг̇г̇ахавад̇т̇у яаажагаанам̣ барижжад̇д̇анд̇и д̣̇аанам̣ д̣̇зд̇и муд̇д̇ажааг̇о баяад̇абаан̣ий восаг̇г̇арад̇о яаажаяог̇о д̣̇аанасам̣вибхааг̇арад̇о. звам̣ махаасад̇д̇асса батамо д̣̇аанавиниб̣анд̇хо хад̇о ход̇и вихад̇о самужчинно.

    Evaṃ hissa sammadeva pariccāgāya kate cittābhisaṅkhāre yaṃ uppajjati pariggahavatthu aviññāṇakaṃ saviññāṇakaṃ vā, tattha ye ime pubbe dāne akataparicayo, pariggahavatthussa parittabhāvo, uḷāramanuññatā, parikkhayacintāti cattāro dānavinibandhā, tesu yadā mahābodhisattassa saṃvijjamānesu deyyadhammesu paccupaṭṭhite ca yācakajane dāne cittaṃ na pakkhandati na kamati. Tena niṭṭhamettha gantabbaṃ ‘‘addhāhaṃ dāne pubbe akataparicayo, tena me etarahi dātukamyatā citte na saṇṭhātī’’ti. So evaṃ me ito paraṃ dānābhirataṃ cittaṃ bhavissati, handāhaṃ ito paṭṭhāya dānaṃ dassāmi, nanu mayā paṭikacceva pariggahavatthu yācakānaṃ pariccattanti dānaṃ deti muttacāgo payatapāṇī vosaggarato yācayogo dānasaṃvibhāgarato. Evaṃ mahāsattassa paṭhamo dānavinibandho hato hoti vihato samucchinno.

    д̇ат̇аа махаасад̇д̇о д̣̇зяяад̇хаммасса барид̇д̇абхаавз сад̇и взгаллз жа ид̇и бадисан̃жигкад̇и – ‘‘ахам̣ ко буб̣б̣з ад̣̇аанасийлад̇ааяа зд̇арахи звам̣ бажжаяавигало ж̇аад̇о , д̇асмаа ид̣̇аани маяаа барид̇д̇зна ваа хийнзна ваа яат̇аалад̣̇д̇хзна д̣̇зяяад̇хаммзна ад̇д̇аанам̣ бийл̣зд̇вааби д̣̇аанамзва д̣̇аад̇аб̣б̣ам̣, язнаахам̣ ааяад̇имби д̣̇аанабаарамим̣ мад̇т̇агам̣ баабзссаамий’’д̇и. со ид̇арийд̇арзна д̇ам̣ д̣̇аанам̣ д̣̇зд̇и муд̇д̇ажааг̇о баяад̇абаан̣ий восаг̇г̇арад̇о яаажаяог̇о д̣̇аанасам̣вибхааг̇арад̇о. звам̣ махаасад̇д̇асса д̣̇уд̇ияо д̣̇аанавиниб̣анд̇хо хад̇о ход̇и вихад̇о самужчинно.

    Tathā mahāsatto deyyadhammassa parittabhāve sati vekalle ca iti paṭisañcikkhati – ‘‘ahaṃ kho pubbe adānasīlatāya etarahi evaṃ paccayavikalo jāto , tasmā idāni mayā parittena vā hīnena vā yathāladdhena deyyadhammena attānaṃ pīḷetvāpi dānameva dātabbaṃ, yenāhaṃ āyatimpi dānapāramiṃ matthakaṃ pāpessāmī’’ti. So itarītarena taṃ dānaṃ deti muttacāgo payatapāṇī vosaggarato yācayogo dānasaṃvibhāgarato. Evaṃ mahāsattassa dutiyo dānavinibandho hato hoti vihato samucchinno.

    д̇ат̇аа махаасад̇д̇о д̣̇зяяад̇хаммасса ул̣аараманун̃н̃ад̇ааяа ад̣̇аад̇угамяад̇аажид̇д̇з уббаж̇ж̇амаанз ид̇и бадисан̃жигкад̇и – ‘‘нану д̇аяаа саббуриса ул̣аарад̇амаа саб̣б̣асздтаа саммаасамб̣од̇хи абхибад̇т̇ид̇аа, д̇асмаа д̇ад̣̇ад̇т̇ам̣ д̇аяаа ул̣аараманун̃н̃з зва д̣̇зяяад̇хаммз д̣̇аад̇ум̣ яуд̇д̇арууба’’нд̇и. со ул̣аарам̣ манун̃н̃ан̃жа д̣̇зд̇и муд̇д̇ажааг̇о баяад̇абаан̣ий воссаг̇г̇арад̇о яаажаяог̇о д̣̇аанасам̣вибхааг̇арад̇о. звам̣ махаабурисасса д̇ад̇ияо д̣̇аанавиниб̣анд̇хо хад̇о ход̇и вихад̇о самужчинно.

    Tathā mahāsatto deyyadhammassa uḷāramanuññatāya adātukamyatācitte uppajjamāne iti paṭisañcikkhati – ‘‘nanu tayā sappurisa uḷāratamā sabbaseṭṭhā sammāsambodhi abhipatthitā, tasmā tadatthaṃ tayā uḷāramanuññe eva deyyadhamme dātuṃ yuttarūpa’’nti. So uḷāraṃ manuññañca deti muttacāgo payatapāṇī vossaggarato yācayogo dānasaṃvibhāgarato. Evaṃ mahāpurisassa tatiyo dānavinibandho hato hoti vihato samucchinno.

    д̇ат̇аа махаасад̇д̇о д̣̇аанам̣ д̣̇знд̇о яад̣̇аа д̣̇зяяад̇хаммасса баригкаяам̣ бассад̇и, со ид̇и бадисан̃жигкад̇и – ‘‘аяам̣ ко бхог̇аанам̣ сабхааво, яад̣̇ид̣̇ам̣ каяад̇хаммад̇аа ваяад̇хаммад̇аа жа. аби жа мз буб̣б̣з д̇аад̣̇исасса д̣̇аанасса агад̇ад̇д̇аа звам̣ бхог̇аанам̣ баригкаяо д̣̇иссад̇и, ханд̣̇аахам̣ яат̇аалад̣̇д̇хзна д̣̇зяяад̇хаммзна барид̇д̇зна ваа вибулзна ваа д̣̇аанамзва д̣̇ад̣̇зяяам̣, язнаахам̣ ааяад̇им̣ д̣̇аанабаарамияаа мад̇т̇агам̣ баабун̣иссаамий’’д̇и. со яат̇аалад̣̇д̇хзна д̣̇аанам̣ д̣̇зд̇и муд̇д̇ажааг̇о баяад̇абаан̣ий восаг̇г̇арад̇о яаажаяог̇о д̣̇аанасам̣вибхааг̇арад̇о. звам̣ махаасад̇д̇асса жад̇уд̇т̇о д̣̇аанавиниб̣анд̇хо хад̇о ход̇и вихад̇о самужчинно. звам̣ яз яз д̣̇аанабаарамияаа виниб̣анд̇хабхууд̇аа анад̇т̇аа, д̇зсам̣ д̇зсам̣ яат̇аарахам̣ бажжавзгкид̇ваа бадивинод̣̇анам̣ убааяо. яат̇аа жа д̣̇аанабаарамияаа, звам̣ сийлабаарамиаад̣̇ийсуби д̣̇адтаб̣б̣ам̣.

    Tathā mahāsatto dānaṃ dento yadā deyyadhammassa parikkhayaṃ passati, so iti paṭisañcikkhati – ‘‘ayaṃ kho bhogānaṃ sabhāvo, yadidaṃ khayadhammatā vayadhammatā ca. Api ca me pubbe tādisassa dānassa akatattā evaṃ bhogānaṃ parikkhayo dissati, handāhaṃ yathāladdhena deyyadhammena parittena vā vipulena vā dānameva dadeyyaṃ, yenāhaṃ āyatiṃ dānapāramiyā matthakaṃ pāpuṇissāmī’’ti. So yathāladdhena dānaṃ deti muttacāgo payatapāṇī vosaggarato yācayogo dānasaṃvibhāgarato. Evaṃ mahāsattassa catuttho dānavinibandho hato hoti vihato samucchinno. Evaṃ ye ye dānapāramiyā vinibandhabhūtā anatthā, tesaṃ tesaṃ yathārahaṃ paccavekkhitvā paṭivinodanaṃ upāyo. Yathā ca dānapāramiyā, evaṃ sīlapāramiādīsupi daṭṭhabbaṃ.

    аби жа яам̣ махаасад̇д̇асса б̣уд̣̇д̇хаанам̣ ад̇д̇асаннияяаад̇анам̣, д̇ам̣ саммад̣̇зва саб̣б̣абаарамийнам̣ самбаад̣̇ануубааяо. б̣уд̣̇д̇хаанан̃хи ад̇д̇аанам̣ нияяаад̇зд̇ваа тид̇о махаабурисо д̇ад̇т̇а д̇ад̇т̇а б̣од̇хисамбхаарабаарибуурияаа гхадзнд̇о вааяаманд̇о сарийрасса сукуубагаран̣аанан̃жа убажчзд̣̇агзсу д̣̇уссахзсуби гижчзсу д̣̇урабхисамбхавзсуби сад̇д̇асан̇каарасамубанийд̇зсу анад̇т̇зсу д̇иб̣б̣зсу баан̣ахарзсу ‘‘аяам̣ маяаа ад̇д̇абхааво б̣уд̣̇д̇хаанам̣ барижжад̇д̇о, яам̣ ваа д̇ам̣ ваа зд̇т̇а ход̇уу’’д̇и д̇ам̣нимид̇д̇ам̣ на гамбад̇и на взд̇хад̇и, ийсагамби ан̃н̃ат̇ад̇д̇ам̣ на г̇ажчад̇и, гусалаарамбхз ан̃н̃ад̣̇ад̇т̇у ажалаад̇хидтаанова ход̇и, звам̣ ад̇д̇асаннияяаад̇анамби зд̇аасам̣ самбаад̣̇ануубааяо.

    Api ca yaṃ mahāsattassa buddhānaṃ attasanniyyātanaṃ, taṃ sammadeva sabbapāramīnaṃ sampādanūpāyo. Buddhānañhi attānaṃ niyyātetvā ṭhito mahāpuriso tattha tattha bodhisambhārapāripūriyā ghaṭento vāyamanto sarīrassa sukhūpakaraṇānañca upacchedakesu dussahesupi kicchesu durabhisambhavesupi sattasaṅkhārasamupanītesu anatthesu tibbesu pāṇaharesu ‘‘ayaṃ mayā attabhāvo buddhānaṃ pariccatto, yaṃ vā taṃ vā ettha hotū’’ti taṃnimittaṃ na kampati na vedhati, īsakampi aññathattaṃ na gacchati, kusalārambhe aññadatthu acalādhiṭṭhānova hoti, evaṃ attasanniyyātanampi etāsaṃ sampādanūpāyo.

    аби жа самаасад̇о гад̇аабхинийхаарасса ад̇д̇ани синзхасса барисосанам̣ барзсу жа синзхасса баривад̣дханам̣ зд̇аасам̣ самбаад̣̇ануубааяо. саммаасамб̣од̇хисамад̇хиг̇амааяа хи гад̇амахаабан̣ид̇хаанасса махаасад̇д̇асса яаат̇аавад̇о бариж̇аананзна саб̣б̣зсу д̇хаммзсу анубалид̇д̇асса ад̇д̇ани синзхо баригкаяам̣ барияаад̣̇аанам̣ г̇ажчад̇и, махаагарун̣аасамаасзванзна бана бияабуд̇д̇з вияа саб̣б̣асад̇д̇з самбассамаанасса д̇зсу мзд̇д̇аагарун̣аасинзхо баривад̣дхад̇и, д̇ад̇о жа д̇ам̣д̇ад̣̇авад̇т̇аануруубам̣ ад̇д̇абарасанд̇аанзсу лобхад̣̇осамохавиг̇амзна вид̣̇уурийгад̇амажчарияаад̣̇иб̣од̇хисамбхаарабадибагко махаабурисо д̣̇аанабияаважанаад̇т̇ажарияаасамаанад̇д̇ад̇аасан̇каад̇зхи жад̇уухи сан̇г̇ахавад̇т̇уухи жад̇урад̇хидтаанаануг̇ад̇зхи ажжанд̇ам̣ ж̇анасса сан̇г̇ахагаран̣зна убари яаанад̇д̇аяз авад̇ааран̣ам̣ барибаажанан̃жа гарод̇и.

    Api ca samāsato katābhinīhārassa attani sinehassa parisosanaṃ paresu ca sinehassa parivaḍḍhanaṃ etāsaṃ sampādanūpāyo. Sammāsambodhisamadhigamāya hi katamahāpaṇidhānassa mahāsattassa yāthāvato parijānanena sabbesu dhammesu anupalittassa attani sineho parikkhayaṃ pariyādānaṃ gacchati, mahākaruṇāsamāsevanena pana piyaputte viya sabbasatte sampassamānassa tesu mettākaruṇāsineho parivaḍḍhati, tato ca taṃtadavatthānurūpaṃ attaparasantānesu lobhadosamohavigamena vidūrīkatamacchariyādibodhisambhārapaṭipakkho mahāpuriso dānapiyavacanaatthacariyāsamānattatāsaṅkhātehi catūhi saṅgahavatthūhi caturadhiṭṭhānānugatehi accantaṃ janassa saṅgahakaraṇena upari yānattaye avatāraṇaṃ paripācanañca karoti.

    махаасад̇д̇аанан̃хи махаагарун̣аа махаабан̃н̃аа жа д̣̇аанзна алан̇гад̇аа, д̣̇аанам̣ бияаважанзна, бияаважанам̣ ад̇т̇ажарияааяа, ад̇т̇ажарияаа самаанад̇д̇ад̇ааяа алан̇гад̇аа сан̇г̇ахид̇аа жа. д̇зсам̣ саб̣б̣зби сад̇д̇з ад̇д̇анаа ниб̣б̣исзсз гад̇ваа б̣од̇хисамбхаарзсу бадибаж̇ж̇анд̇аанам̣ саб̣б̣ад̇т̇а самаанасукад̣̇угкад̇ааяа самаанад̇д̇ад̇ааяа сид̣̇д̇хи. б̣уд̣̇д̇хабхууд̇аанамби жа д̇зхзва жад̇уухи сан̇г̇ахавад̇т̇уухи жад̇урад̇хидтаанабарибуурид̇аабхивуд̣̇д̇хзхи ж̇анасса ажжанд̇игасан̇г̇ахагаран̣зна абхивинаяанам̣ сиж̇жхад̇и. д̣̇аанан̃хи саммаасамб̣уд̣̇д̇хаанам̣ жааг̇аад̇хидтаанзна барибуурид̇аабхивуд̣̇д̇хам̣, бияаважанам̣ сажжаад̇хидтаанзна, ад̇т̇ажарияаа бан̃н̃аад̇хидтаанзна, самаанад̇д̇ад̇аа убасамаад̇хидтаанзна барибуурид̇аабхивуд̣̇д̇хаа. д̇ат̇ааг̇ад̇аанан̃хи саб̣б̣асаавагабажжзгаб̣уд̣̇д̇хзхи самаанад̇д̇ад̇аа бариниб̣б̣аанз. д̇ад̇ра хи нзсам̣ ависзсад̇о згийбхааво. д̇знзвааха ‘‘над̇т̇и вимуд̇д̇ияаа наанад̇д̇а’’нд̇и. хонд̇и жзд̇т̇а –

    Mahāsattānañhi mahākaruṇā mahāpaññā ca dānena alaṅkatā, dānaṃ piyavacanena, piyavacanaṃ atthacariyāya, atthacariyā samānattatāya alaṅkatā saṅgahitā ca. Tesaṃ sabbepi satte attanā nibbisese katvā bodhisambhāresu paṭipajjantānaṃ sabbattha samānasukhadukkhatāya samānattatāya siddhi. Buddhabhūtānampi ca teheva catūhi saṅgahavatthūhi caturadhiṭṭhānaparipūritābhivuddhehi janassa accantikasaṅgahakaraṇena abhivinayanaṃ sijjhati. Dānañhi sammāsambuddhānaṃ cāgādhiṭṭhānena paripūritābhivuddhaṃ, piyavacanaṃ saccādhiṭṭhānena, atthacariyā paññādhiṭṭhānena, samānattatā upasamādhiṭṭhānena paripūritābhivuddhā. Tathāgatānañhi sabbasāvakapaccekabuddhehi samānattatā parinibbāne. Tatra hi nesaṃ avisesato ekībhāvo. Tenevāha ‘‘natthi vimuttiyā nānatta’’nti. Honti cettha –

    ‘‘сажжо жааг̇ий убасанд̇о, бан̃н̃аваа анугамбаго;

    ‘‘Sacco cāgī upasanto, paññavā anukampako;

    самбхад̇асаб̣б̣асамбхааро, гам̣ наамад̇т̇ам̣ на саад̇хаяз.

    Sambhatasabbasambhāro, kaṃ nāmatthaṃ na sādhaye.

    ‘‘махаагаарун̣иго сад̇т̇аа, хид̇зсий жа убзгкаго;

    ‘‘Mahākāruṇiko satthā, hitesī ca upekkhako;

    нирабзгко жа саб̣б̣ад̇т̇а, ахо ажчарияо ж̇ино.

    Nirapekkho ca sabbattha, aho acchariyo jino.

    ‘‘вирад̇д̇о саб̣б̣ад̇хаммзсу, сад̇д̇зсу жа убзгкаго;

    ‘‘Viratto sabbadhammesu, sattesu ca upekkhako;

    сад̣̇аа сад̇д̇ахид̇з яуд̇д̇о, ахо ажчарияо ж̇ино.

    Sadā sattahite yutto, aho acchariyo jino.

    ‘‘саб̣б̣ад̣̇аа саб̣б̣асад̇д̇аанам̣, хид̇ааяа жа сукааяа жа;

    ‘‘Sabbadā sabbasattānaṃ, hitāya ca sukhāya ca;

    уяяуд̇д̇о агилаасуу жа, ахо ажчарияо ж̇ино’’д̇и.

    Uyyutto akilāsū ca, aho acchariyo jino’’ti.

    гид̇д̇агзна гаалзна самбаад̣̇ананд̇и? хздтимзна д̇аава барижчзд̣̇зна жад̇д̇аари асан̇кязяяаани махаагаббаанам̣ сад̇асахассан̃жа, маж̇жхимзна адта асан̇кязяяаани махаагаббаанам̣ сад̇асахассан̃жа, убаримзна бана сол̣аса асан̇кязяяаани махаагаббаанам̣ сад̇асахассан̃жа. зд̇з жа бхзд̣̇аа яат̇ааггамам̣ бан̃н̃аад̇хигасад̣̇д̇хаад̇хигавийрияаад̇хигавасзна н̃аад̇аб̣б̣аа. бан̃н̃аад̇хигаанан̃хи сад̣̇д̇хаа манд̣̇аа ход̇и бан̃н̃аа д̇игкаа, сад̣̇д̇хаад̇хигаанам̣ бан̃н̃аа маж̇жхимаа ход̇и, вийрияаад̇хигаанам̣ бан̃н̃аа манд̣̇аа, бан̃н̃аанубхаавзна жа саммаасамб̣од̇хи ад̇хиг̇анд̇аб̣б̣аад̇и адтагат̇ааяам̣ вуд̇д̇ам̣.

    Kittakena kālena sampādananti? Heṭṭhimena tāva paricchedena cattāri asaṅkhyeyyāni mahākappānaṃ satasahassañca, majjhimena aṭṭha asaṅkhyeyyāni mahākappānaṃ satasahassañca, uparimena pana soḷasa asaṅkhyeyyāni mahākappānaṃ satasahassañca. Ete ca bhedā yathākkamaṃ paññādhikasaddhādhikavīriyādhikavasena ñātabbā. Paññādhikānañhi saddhā mandā hoti paññā tikkhā, saddhādhikānaṃ paññā majjhimā hoti, vīriyādhikānaṃ paññā mandā, paññānubhāvena ca sammāsambodhi adhigantabbāti aṭṭhakathāyaṃ vuttaṃ.

    абарз бана ‘‘вийрияасса д̇игкамаж̇жхимамуд̣̇убхаавзна б̣од̇хисад̇д̇аанам̣ аяам̣ гаалавибхааг̇о’’д̇и вад̣̇анд̇и. ависзсзна бана вимуд̇д̇ибарибаажанийяаанам̣ д̇хаммаанам̣ д̇игкамаж̇жхимамуд̣̇убхаавзна яат̇аавуд̇д̇агаалабхзд̣̇зна б̣од̇хисамбхаараа д̇зсам̣ баарибуурим̣ г̇ажчанд̇ийд̇и д̇аяобзд̇з гаалабхзд̣̇аа яуд̇д̇аад̇иби вад̣̇анд̇и. звам̣ д̇ивид̇хаа хи б̣од̇хисад̇д̇аа абхинийхаарагкан̣з бхаванд̇и уг̇гхахадид̇ан̃н̃уувибан̃жид̇ан̃н̃уунзяяабхзд̣̇зна. д̇зсу яо уг̇гхадид̇ан̃н̃уу, со саммаасамб̣уд̣̇д̇хасса саммукаа жад̇уббад̣̇игам̣ г̇аат̇ам̣ сун̣анд̇о г̇аат̇ааяа д̇ад̇ияабад̣̇з абарияосид̇з зва чахи абхин̃н̃аахи саха бадисамбхид̣̇аахи арахад̇д̇ам̣ ад̇хиг̇анд̇ум̣ самад̇т̇уубаниссаяо ход̇и, сажз саавагаб̣од̇хияам̣ ад̇химуд̇д̇о сияаа.

    Apare pana ‘‘vīriyassa tikkhamajjhimamudubhāvena bodhisattānaṃ ayaṃ kālavibhāgo’’ti vadanti. Avisesena pana vimuttiparipācanīyānaṃ dhammānaṃ tikkhamajjhimamudubhāvena yathāvuttakālabhedena bodhisambhārā tesaṃ pāripūriṃ gacchantīti tayopete kālabhedā yuttātipi vadanti. Evaṃ tividhā hi bodhisattā abhinīhārakkhaṇe bhavanti ugghahaṭitaññūvipañcitaññūneyyabhedena. Tesu yo ugghaṭitaññū, so sammāsambuddhassa sammukhā catuppadikaṃ gāthaṃ suṇanto gāthāya tatiyapade apariyosite eva chahi abhiññāhi saha paṭisambhidāhi arahattaṃ adhigantuṃ samatthūpanissayo hoti, sace sāvakabodhiyaṃ adhimutto siyā.

    д̣̇уд̇ияо бхаг̇авад̇о саммукаа жад̇уббад̣̇игам̣ г̇аат̇ам̣ сун̣анд̇о абарияосид̇з зва г̇аат̇ааяа жад̇уд̇т̇абад̣̇з чахи абхин̃н̃аахи арахад̇д̇ам̣ ад̇хиг̇анд̇ум̣ самад̇т̇уубаниссаяо ход̇и, яад̣̇и саавагаб̣од̇хияам̣ ад̇химуд̇д̇о сияаа.

    Dutiyo bhagavato sammukhā catuppadikaṃ gāthaṃ suṇanto apariyosite eva gāthāya catutthapade chahi abhiññāhi arahattaṃ adhigantuṃ samatthūpanissayo hoti, yadi sāvakabodhiyaṃ adhimutto siyā.

    ид̇аро бана бхаг̇авад̇о саммукаа жад̇уббад̣̇игам̣ г̇аат̇ам̣ суд̇ваа барияосид̇ааяа г̇аат̇ааяа чахи абхин̃н̃аахи арахад̇д̇ам̣ бад̇д̇ум̣ самад̇т̇уубаниссаяо ход̇и.

    Itaro pana bhagavato sammukhā catuppadikaṃ gāthaṃ sutvā pariyositāya gāthāya chahi abhiññāhi arahattaṃ pattuṃ samatthūpanissayo hoti.

    д̇аяобзд̇з винаа гаалабхзд̣̇зна гад̇аабхинийхааро б̣уд̣̇д̇хаанам̣ санд̇игз лад̣̇д̇хаб̣яаагаран̣аа жа ануггамзна баарамияо барибуурзнд̇аа яат̇ааггамам̣ яат̇аавуд̇д̇абхзд̣̇зна гаалзна саммаасамб̣од̇хим̣ баабун̣анд̇и. д̇зсу д̇зсу бана гаалабхзд̣̇зсу абарибун̣н̣зсу д̇з д̇з махаасад̇д̇аа д̣̇ивасз д̣̇ивасз взссанд̇арад̣̇аанасад̣̇исам̣ махаад̣̇аанам̣ д̣̇знд̇ааби д̇ад̣̇ануруубз сийлаад̣̇исаб̣б̣абаарамид̇хаммз аажинанд̇ааби бан̃жа махаабарижжааг̇з барижжаж̇анд̇ааби н̃аад̇ад̇т̇ажарияаа логад̇т̇ажарияаа б̣уд̣̇д̇хад̇т̇ажарияаа барамагодим̣ баабзнд̇ааби анд̇араа жа саммаасамб̣уд̣̇д̇хаа бхависсанд̇ийд̇и нзд̇ам̣ таанам̣ виж̇ж̇ад̇и. гасмаа? н̃аан̣асса абарибажжанад̇о б̣уд̣̇д̇хагаарагад̇хаммаанам̣ абаринидтаанад̇о. барижчиннагааланибпаад̣̇ид̇ам̣ вияа хи сассам̣ яат̇аавуд̇д̇агаалабарижчзд̣̇зна баринибпаад̣̇ид̇аа саммаасамб̣од̇хи д̇ад̣̇ананд̇араа саб̣б̣уссаахзна вааяаманд̇знааби на саггаа ад̇хиг̇анд̇унд̇и баарамибаарибуури яат̇аавуд̇д̇агаалависзсзна самбаж̇ж̇ад̇ийд̇и взд̣̇ид̇аб̣б̣ам̣.

    Tayopete vinā kālabhedena katābhinīhāro buddhānaṃ santike laddhabyākaraṇā ca anukkamena pāramiyo paripūrentā yathākkamaṃ yathāvuttabhedena kālena sammāsambodhiṃ pāpuṇanti. Tesu tesu pana kālabhedesu aparipuṇṇesu te te mahāsattā divase divase vessantaradānasadisaṃ mahādānaṃ dentāpi tadanurūpe sīlādisabbapāramidhamme ācinantāpi pañca mahāpariccāge pariccajantāpi ñātatthacariyā lokatthacariyā buddhatthacariyā paramakoṭiṃ pāpentāpi antarā ca sammāsambuddhā bhavissantīti netaṃ ṭhānaṃ vijjati. Kasmā? Ñāṇassa aparipaccanato buddhakārakadhammānaṃ apariniṭṭhānato. Paricchinnakālanipphāditaṃ viya hi sassaṃ yathāvuttakālaparicchedena parinipphāditā sammāsambodhi tadanantarā sabbussāhena vāyamantenāpi na sakkā adhigantunti pāramipāripūri yathāvuttakālavisesena sampajjatīti veditabbaṃ.

    го аанисам̣сод̇и? яз д̇з гад̇аабхинийхаараанам̣ б̣од̇хисад̇д̇аанам̣ –

    Ko ānisaṃsoti? Ye te katābhinīhārānaṃ bodhisattānaṃ –

    ‘‘звам̣ саб̣б̣ан̇г̇асамбаннаа, б̣од̇хияаа нияад̇аа нараа;

    ‘‘Evaṃ sabbaṅgasampannā, bodhiyā niyatā narā;

    сам̣сарам̣ д̣̇ийгхамад̣̇д̇хаанам̣, габбагодисад̇зхиби.

    Saṃsaraṃ dīghamaddhānaṃ, kappakoṭisatehipi.

    ‘‘авийжимхи нуббаж̇ж̇анд̇и, д̇ат̇аа логанд̇арзсу жа;

    ‘‘Avīcimhi nuppajjanti, tathā lokantaresu ca;

    ниж̇жхаамад̇ан̣хаа куббибаасаа, на хонд̇и гаалаган̃ж̇игаа.

    Nijjhāmataṇhā khuppipāsā, na honti kālakañjikā.

    ‘‘на хонд̇и куд̣̇д̣̇агаа баан̣аа, убабаж̇ж̇анд̇ааби д̣̇уг̇г̇ад̇им̣;

    ‘‘Na honti khuddakā pāṇā, upapajjantāpi duggatiṃ;

    ж̇ааяамаанаа мануссзсу, ж̇ажжанд̇хаа на бхаванд̇и д̇з.

    Jāyamānā manussesu, jaccandhā na bhavanti te.

    ‘‘сод̇авзгаллад̇аа над̇т̇и, на бхаванд̇и мууг̇абагкигаа;

    ‘‘Sotavekallatā natthi, na bhavanti mūgapakkhikā;

    ид̇т̇ибхаавам̣ на г̇ажчанд̇и, убхад̇об̣яан̃ж̇анабан̣д̣агаа.

    Itthibhāvaṃ na gacchanti, ubhatobyañjanapaṇḍakā.

    ‘‘на бхаванд̇и барияаабаннаа, б̣од̇хияаа нияад̇аа нараа;

    ‘‘Na bhavanti pariyāpannā, bodhiyā niyatā narā;

    муд̇д̇аа аананд̇аригзхи, саб̣б̣ад̇т̇а суд̣̇д̇хаг̇ожараа.

    Muttā ānantarikehi, sabbattha suddhagocarā.

    ‘‘мижчаад̣̇идтим̣ на сзванд̇и, гаммагирияад̣̇ассанаа;

    ‘‘Micchādiṭṭhiṃ na sevanti, kammakiriyadassanā;

    васамаанааби саг̇г̇зсу, асан̃н̃ам̣ нуубабаж̇ж̇арз.

    Vasamānāpi saggesu, asaññaṃ nūpapajjare.

    ‘‘суд̣̇д̇хааваасзсу д̣̇звзсу, хзд̇у наама на виж̇ж̇ад̇и;

    ‘‘Suddhāvāsesu devesu, hetu nāma na vijjati;

    нзгкамманиннаа саббурисаа, висам̣яуд̇д̇аа бхаваабхавз;

    Nekkhammaninnā sappurisā, visaṃyuttā bhavābhave;

    жаранд̇и логад̇т̇ажарияааяо, буурзнд̇и саб̣б̣абаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Caranti lokatthacariyāyo, pūrenti sabbapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ сам̣ван̣н̣ид̇аа аанисам̣саа. яз жа ‘‘сад̇о самбаж̇аано, аананд̣̇а, б̣од̇хисад̇д̇о д̇усид̇аа гааяаа жавид̇ваа маад̇угужчим̣ оггамад̇ий’’д̇иаад̣̇инаа (ма. ни. 3.200; д̣̇ий. ни. 2.17) сол̣аса ажчарияаб̣бхуд̇ад̇хаммаббагаараа, яз жа ‘‘сийд̇ам̣ б̣яабаг̇ад̇ам̣ ход̇и, ун̣хан̃жа убасаммад̇ий’’д̇иаад̣̇инаа (б̣у. вам̣. 2.83) ‘‘ж̇ааяамаанз ко, саарибуд̇д̇а, б̣од̇хисад̇д̇з аяам̣ д̣̇асасахассий логад̇хаад̇у сан̇гамбад̇и самбагамбад̇и самбавзд̇хад̇ий’’д̇иаад̣̇инаа (ма. ни. 3.201; д̣̇ий. ни. 2.32) жа д̣̇вад̇д̇им̣са буб̣б̣анимид̇д̇аббагаараа, яз ваа банан̃н̃зби б̣од̇хисад̇д̇аанам̣ ад̇хиббааяасамиж̇жханам̣ гаммаад̣̇ийсу васийбхаавод̇и звамаад̣̇аяо д̇ад̇т̇а д̇ад̇т̇а ж̇аад̇агаб̣уд̣̇д̇хавам̣саад̣̇ийсу д̣̇ассид̇аагаараа аанисам̣саа, д̇з саб̣б̣зби зд̇аасам̣ аанисам̣саа. д̇ат̇аа яат̇аанид̣̇ассид̇абхзд̣̇аа алобхаад̣̇осаад̣̇иг̇ун̣аяуг̇алаад̣̇аяо жаад̇и взд̣̇ид̇аб̣б̣аа.

    Evaṃ saṃvaṇṇitā ānisaṃsā. Ye ca ‘‘sato sampajāno, ānanda, bodhisatto tusitā kāyā cavitvā mātukucchiṃ okkamatī’’tiādinā (ma. ni. 3.200; dī. ni. 2.17) soḷasa acchariyabbhutadhammappakārā, ye ca ‘‘sītaṃ byapagataṃ hoti, uṇhañca upasammatī’’tiādinā (bu. vaṃ. 2.83) ‘‘jāyamāne kho, sāriputta, bodhisatte ayaṃ dasasahassī lokadhātu saṅkampati sampakampati sampavedhatī’’tiādinā (ma. ni. 3.201; dī. ni. 2.32) ca dvattiṃsa pubbanimittappakārā, ye vā panaññepi bodhisattānaṃ adhippāyasamijjhanaṃ kammādīsu vasībhāvoti evamādayo tattha tattha jātakabuddhavaṃsādīsu dassitākārā ānisaṃsā, te sabbepi etāsaṃ ānisaṃsā. Tathā yathānidassitabhedā alobhādosādiguṇayugalādayo cāti veditabbā.

    аби жа яасмаа б̣од̇хисад̇д̇о абхинийхаарад̇о бадтааяа саб̣б̣асад̇д̇аанам̣ бид̇усамо ход̇и хид̇зсид̇ааяа, д̣̇агкин̣зяяаго г̇ару бхааванийяо бараман̃жа бун̃н̃агкзд̇д̇ам̣ ход̇и г̇ун̣ависзсаяог̇зна. язбхуяязна жа мануссаанам̣ бияо ход̇и, амануссаанам̣ бияо ход̇и, д̣̇звад̇аахи анубаалийяад̇и, мзд̇д̇аагарун̣аабарибхаавид̇асанд̇аанад̇ааяа ваал̣амиг̇аад̣̇ийхи жа анабхибхаванийяо ход̇и, яасмим̣ яасмин̃жа сад̇д̇анигааяз бажжааж̇ааяад̇и, д̇асмим̣ д̇асмим̣ ул̣аарзна ван̣н̣зна ул̣аарзна яасзна ул̣аарзна сукзна ул̣аарзна б̣алзна ул̣аарзна аад̇хибад̇зяязна ан̃н̃з сад̇д̇з абхибхавад̇и бун̃н̃ависзсаяог̇ад̇о.

    Api ca yasmā bodhisatto abhinīhārato paṭṭhāya sabbasattānaṃ pitusamo hoti hitesitāya, dakkhiṇeyyako garu bhāvanīyo paramañca puññakkhettaṃ hoti guṇavisesayogena. Yebhuyyena ca manussānaṃ piyo hoti, amanussānaṃ piyo hoti, devatāhi anupālīyati, mettākaruṇāparibhāvitasantānatāya vāḷamigādīhi ca anabhibhavanīyo hoti, yasmiṃ yasmiñca sattanikāye paccājāyati, tasmiṃ tasmiṃ uḷārena vaṇṇena uḷārena yasena uḷārena sukhena uḷārena balena uḷārena ādhipateyyena aññe satte abhibhavati puññavisesayogato.

    аббааб̣аад̇хо ход̇и аббаад̇ан̇го, сувисуд̣̇д̇хаа жасса сад̣̇д̇хаа ход̇и сувисад̣̇аа, сувисуд̣̇д̇хам̣ вийрияам̣, сад̇исамаад̇хибан̃н̃аа сувисад̣̇аа, манд̣̇агилзсо ход̇и манд̣̇ад̣̇арат̇о манд̣̇абарил̣аахо, гилзсаанам̣ манд̣̇абхаавзнзва суважо ход̇и бад̣̇агкин̣аг̇г̇аахий, камо ход̇и сорад̇о, сакило ход̇и бадисант̇аарагусало, аггод̇хано ход̇и анубанаахий, амагкий ход̇и абал̣аасий, аниссугий ход̇и амажчарий, асато ход̇и амааяаавий, ат̇ад̣̇д̇хо ход̇и анад̇имааний, асаарад̣̇д̇хо ход̇и аббамад̇д̇о, барад̇о убад̇аабасахо ход̇и барзсам̣ анубад̇аабий, яасмин̃жа г̇аамакзд̇д̇з бадивасад̇и, д̇ад̇т̇а сад̇д̇аанам̣ бхаяаад̣̇аяо убад̣̇д̣̇аваа язбхуяязна ануббаннаа нуббаж̇ж̇анд̇и, уббаннаа жа вуубасамманд̇и, язсу жа абааязсу уббаж̇ж̇ад̇и, на д̇ад̇т̇а бажураж̇ано вияа д̣̇угкзна ад̇химад̇д̇ам̣ бийл̣ийяад̇и, бхияяосомад̇д̇ааяа сам̣взг̇амаабаж̇ж̇ад̇и. д̇асмаа махаабурисасса яат̇аарахам̣ д̇асмим̣ д̇асмим̣ бхавз лаб̣бхамаанаа зд̇з сад̇д̇аанам̣ бид̇усамад̇аад̣̇агкин̣зяяад̇аад̣̇аяо г̇ун̣ависзсаа аанисам̣саад̇и взд̣̇ид̇аб̣б̣аа.

    Appābādho hoti appātaṅko, suvisuddhā cassa saddhā hoti suvisadā, suvisuddhaṃ vīriyaṃ, satisamādhipaññā suvisadā, mandakileso hoti mandadaratho mandapariḷāho, kilesānaṃ mandabhāveneva suvaco hoti padakkhiṇaggāhī, khamo hoti sorato, sakhilo hoti paṭisanthārakusalo, akkodhano hoti anupanāhī, amakkhī hoti apaḷāsī, anissukī hoti amaccharī, asaṭho hoti amāyāvī, athaddho hoti anatimānī, asāraddho hoti appamatto, parato upatāpasaho hoti paresaṃ anupatāpī, yasmiñca gāmakhette paṭivasati, tattha sattānaṃ bhayādayo upaddavā yebhuyyena anuppannā nuppajjanti, uppannā ca vūpasammanti, yesu ca apāyesu uppajjati, na tattha pacurajano viya dukkhena adhimattaṃ pīḷīyati, bhiyyosomattāya saṃvegamāpajjati. Tasmā mahāpurisassa yathārahaṃ tasmiṃ tasmiṃ bhave labbhamānā ete sattānaṃ pitusamatādakkhiṇeyyatādayo guṇavisesā ānisaṃsāti veditabbā.

    д̇ат̇аа ааяусамбад̣̇аа руубасамбад̣̇аа гуласамбад̣̇аа иссарияасамбад̣̇аа аад̣̇зяяаважанад̇аа махаанубхаавад̇аад̇и зд̇зби махаабурисасса баарамийнам̣ аанисам̣саад̇и взд̣̇ид̇аб̣б̣аа. д̇ад̇т̇а ааяусамбад̣̇аа наама д̇ассам̣ д̇ассам̣ убабад̇д̇ияам̣ д̣̇ийгхааяугад̇аа жирадтид̇игад̇аа, д̇ааяа яат̇аарад̣̇д̇хаани гусаласамаад̣̇аанаани барияосаабзд̇и, б̣ахун̃жа гусалам̣ убажинод̇и. руубасамбад̣̇аа наама абхируубад̇аа д̣̇ассанийяад̇аа баасаад̣̇игад̇аа, д̇ааяа руубаббамаан̣аанам̣ сад̇д̇аанам̣ басаад̣̇аавахо ход̇и самбхааванийяо. гуласамбад̣̇аа наама ул̣аарзсу гулзсу абхиниб̣б̣ад̇д̇и, д̇ааяа ж̇аад̇имад̣̇аад̣̇имад̣̇амад̇д̇аанамби убасан̇гаманийяо ход̇и баяирубаасанийяо, д̇зна д̇з ниб̣б̣исзванз гарод̇и. иссарияасамбад̣̇аа наама махаавибхавад̇аа махзсагкад̇аа махаабариваарад̇аа жа, д̇аахи сан̇г̇ан̣хид̇аб̣б̣з жад̇уухи сан̇г̇ахавад̇т̇уухи сан̇г̇ан̣хид̇ум̣, ниг̇г̇ахзд̇аб̣б̣з д̇хаммзна ниг̇г̇ахзд̇ун̃жа самад̇т̇о ход̇и.

    Tathā āyusampadā rūpasampadā kulasampadā issariyasampadā ādeyyavacanatā mahānubhāvatāti etepi mahāpurisassa pāramīnaṃ ānisaṃsāti veditabbā. Tattha āyusampadā nāma tassaṃ tassaṃ upapattiyaṃ dīghāyukatā ciraṭṭhitikatā, tāya yathāraddhāni kusalasamādānāni pariyosāpeti, bahuñca kusalaṃ upacinoti. Rūpasampadā nāma abhirūpatā dassanīyatā pāsādikatā, tāya rūpappamāṇānaṃ sattānaṃ pasādāvaho hoti sambhāvanīyo. Kulasampadā nāma uḷāresu kulesu abhinibbatti, tāya jātimadādimadamattānampi upasaṅkamanīyo hoti payirupāsanīyo, tena te nibbisevane karoti. Issariyasampadā nāma mahāvibhavatā mahesakkhatā mahāparivāratā ca, tāhi saṅgaṇhitabbe catūhi saṅgahavatthūhi saṅgaṇhituṃ, niggahetabbe dhammena niggahetuñca samattho hoti.

    аад̣̇зяяаважанад̇аа наама сад̣̇д̇хзяяад̇аа бажжаяигад̇аа, д̇ааяа сад̇д̇аанам̣ бамаан̣абхууд̇о ход̇и, алан̇гханийяаа жасса аан̣аа ход̇и. махаанубхаавад̇аа наама аанубхаавамаханд̇ад̇аа, д̇ааяа барзхи на абхибхууяад̇и, саяамзва бана барз ан̃н̃ад̣̇ад̇т̇у абхибхавад̇и д̇хаммзна самзна яат̇аабхууд̇аг̇ун̣зхи жа, звамзд̇з ааяусамбад̣̇аад̣̇аяо махаабурисасса баарамийнам̣ аанисам̣саа, саяан̃жа абаримаан̣асса бун̃н̃асамбхаарасса баривуд̣дхихзд̇убхууд̇аа яаанад̇д̇аяз сад̇д̇аанам̣ авад̇ааран̣асса барибаажанасса жа гааран̣абхууд̇аад̇и взд̣̇ид̇аб̣б̣аа.

    Ādeyyavacanatā nāma saddheyyatā paccayikatā, tāya sattānaṃ pamāṇabhūto hoti, alaṅghanīyā cassa āṇā hoti. Mahānubhāvatā nāma ānubhāvamahantatā, tāya parehi na abhibhūyati, sayameva pana pare aññadatthu abhibhavati dhammena samena yathābhūtaguṇehi ca, evamete āyusampadādayo mahāpurisassa pāramīnaṃ ānisaṃsā, sayañca aparimāṇassa puññasambhārassa parivuḍḍhihetubhūtā yānattaye sattānaṃ avatāraṇassa paripācanassa ca kāraṇabhūtāti veditabbā.

    гим̣ паланд̇и? самаасад̇о д̇аава саммаасамб̣уд̣̇д̇хабхааво зд̇аасам̣ палам̣, вид̇т̇аарад̇о бана д̣̇вад̇д̇им̣самахаабурисалагкан̣аасийд̇иануб̣яан̃ж̇анаб̣яаамаббабхаад̣̇ианзгаг̇ун̣аг̇ан̣асамуж̇ж̇аларуубагааяасамбад̇д̇и- ад̇хидтаанасаб̣алажад̇увзсаараж̇ж̇ачаасаад̇хааран̣ан̃аан̣аадтаарасаавзн̣ига- б̣уд̣̇д̇хад̇хаммаббабхуд̇иананд̇аабаримаан̣а г̇ун̣асамуд̣̇аяобасобхиний д̇хаммагааяасирий. яаавад̇аа бана б̣уд̣̇д̇хаг̇ун̣аа яз анзгзхиби габбзхи саммаасамб̣уд̣̇д̇хзнааби ваажааяа барияосаабзд̇ум̣ на саггаа, ид̣̇амзд̇аасам̣ палам̣. вуд̇д̇ан̃жзд̇ам̣ –

    Kiṃphalanti? Samāsato tāva sammāsambuddhabhāvo etāsaṃ phalaṃ, vitthārato pana dvattiṃsamahāpurisalakkhaṇaasītianubyañjanabyāmappabhādianekaguṇagaṇasamujjalarūpakāyasampatti- adhiṭṭhānasabalacatuvesārajjachaasādhāraṇañāṇaaṭṭhārasāveṇika- buddhadhammappabhutianantāparimāṇa guṇasamudayopasobhinī dhammakāyasirī. Yāvatā pana buddhaguṇā ye anekehipi kappehi sammāsambuddhenāpi vācāya pariyosāpetuṃ na sakkā, idametāsaṃ phalaṃ. Vuttañcetaṃ –

    ‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣, габбамби жз ан̃н̃амабхаасамаано;

    ‘‘Buddhopi buddhassa bhaṇeyya vaṇṇaṃ, kappampi ce aññamabhāsamāno;

    кийязт̇а габбо жирад̣̇ийгхаманд̇арз, ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; ма. ни. адта. 2.425; уд̣̇аа. адта. 53; жарияаа. адта. нид̣̇аанагат̇аа);

    Khīyetha kappo ciradīghamantare, vaṇṇo na khīyetha tathāgatassā’’ti. (dī. ni. aṭṭha. 1.304; 3.141; ma. ni. aṭṭha. 2.425; udā. aṭṭha. 53; cariyā. aṭṭha. nidānakathā);

    звамзд̇т̇а баарамийсу багин̣н̣агагат̇аа взд̣̇ид̇аб̣б̣аа.

    Evamettha pāramīsu pakiṇṇakakathā veditabbā.

    яам̣ бана баал̣ияам̣ ‘‘д̣̇ад̇ваа д̣̇аад̇аб̣б̣агам̣ д̣̇аана’’нд̇иаад̣̇инаа саб̣б̣ааби баарамий згаж̇жхам̣ д̣̇ассзд̇ваа барад̇о ‘‘госаж̇ж̇ам̣ бхаяад̇о д̣̇исваа’’д̇иаад̣̇инаа барияосаанаг̇аат̇аад̣̇ваяам̣ вуд̇д̇ам̣, д̇ам̣ язхи вийрияаарамбхамзд̇д̇аабхааванаа аббамаад̣̇авихаарзхи яат̇аавуд̇д̇аа б̣уд̣̇д̇хагаарагад̇хаммаа висад̣̇абхаавам̣ г̇ад̇аа саммаасамб̣од̇хисан̇каад̇аа жа ад̇д̇ано вимуд̇д̇и барибаажид̇аа, д̇зхи взнзяяаанамби вимуд̇д̇ибарибаажанааяа оваад̣̇ад̣̇аанад̇т̇ам̣ вуд̇т̇ам̣.

    Yaṃ pana pāḷiyaṃ ‘‘datvā dātabbakaṃ dāna’’ntiādinā sabbāpi pāramī ekajjhaṃ dassetvā parato ‘‘kosajjaṃ bhayato disvā’’tiādinā pariyosānagāthādvayaṃ vuttaṃ, taṃ yehi vīriyārambhamettābhāvanā appamādavihārehi yathāvuttā buddhakārakadhammā visadabhāvaṃ gatā sammāsambodhisaṅkhātā ca attano vimutti paripācitā, tehi veneyyānampi vimuttiparipācanāya ovādadānatthaṃ vutthaṃ.

    д̇ад̇т̇а госаж̇ж̇ам̣ бхаяад̇о д̣̇исваа, вийрияаарамбхан̃жа кзмад̇од̇и иминаа бадибагкз аад̣̇ийнавад̣̇ассанамукзна вийрияаарамбхз аанисам̣сам̣ д̣̇ассзд̇и. аарад̣̇д̇хавийрияаа хот̇аад̇и иминаа вийрияаарамбхз нияож̇зд̇и. яасмаа жа –

    Tattha kosajjaṃ bhayato disvā, vīriyārambhañca khematoti iminā paṭipakkhe ādīnavadassanamukhena vīriyārambhe ānisaṃsaṃ dasseti. Āraddhavīriyā hothāti iminā vīriyārambhe niyojeti. Yasmā ca –

    ‘‘саб̣б̣абаабасса агаран̣ам̣, гусаласса убасамбад̣̇аа;

    ‘‘Sabbapāpassa akaraṇaṃ, kusalassa upasampadā;

    сажид̇д̇абарияод̣̇абанам̣, зд̇ам̣ б̣уд̣̇д̇хаана саасана’’нд̇и. (д̇ха. ба. 183; д̣̇ий. ни. 2.90; нзд̇д̇и. 30, 50) –

    Sacittapariyodapanaṃ, etaṃ buddhāna sāsana’’nti. (dha. pa. 183; dī. ni. 2.90; netti. 30, 50) –

    сан̇кзбад̇о . вид̇т̇аарад̇о бана сагалзна б̣уд̣̇д̇хаважанзна багаасид̇аа саб̣б̣ааби самбад̇д̇ияо зганд̇знзва саммаббад̇хаанаад̇хийнаа, д̇асмаа бхаг̇аваа вийрияаарамбхз нияож̇зд̇ваа ‘‘зсаа б̣уд̣̇д̇хаанусаасаний’’д̇и ааха.

    Saṅkhepato . Vitthārato pana sakalena buddhavacanena pakāsitā sabbāpi sampattiyo ekanteneva sammappadhānādhīnā, tasmā bhagavā vīriyārambhe niyojetvā ‘‘esā buddhānusāsanī’’ti āha.

    д̇ад̇рааяам̣ сан̇кзбад̇т̇о – явааяам̣ саб̣б̣асам̣гилзсамуулабхаавад̇о саб̣б̣аанад̇т̇авид̇хааяаганд̇и госаж̇ж̇ам̣ бхаяад̇о д̇аббадибагкад̇о жад̇уухи яог̇зхи анубад̣̇д̣̇авабхаавасаад̇ханад̇о вийрияаарамбхан̃жа кзмад̇о д̣̇исваа ад̇хисийласигкаад̣̇исамбаад̣̇анавасзна вийрияасса аарамбхо саммаббад̇хаанаануяог̇о, д̇ад̇т̇а яам̣ саммад̣̇зва нияож̇ана, ‘‘аарад̣̇д̇хавийрияаа хот̇аа’’д̇и, зсаа б̣уд̣̇д̇хаанам̣ бхаг̇аванд̇аанам̣ анусаасаний анусидти оваад̣̇од̇и. сзсаг̇аат̇аасуби иминаава наязна ад̇т̇о взд̣̇ид̇аб̣б̣о.

    Tatrāyaṃ saṅkhepattho – yvāyaṃ sabbasaṃkilesamūlabhāvato sabbānatthavidhāyakanti kosajjaṃ bhayato tappaṭipakkhato catūhi yogehi anupaddavabhāvasādhanato vīriyārambhañca khemato disvā adhisīlasikkhādisampādanavasena vīriyassa ārambho sammappadhānānuyogo, tattha yaṃ sammadeva niyojana, ‘‘āraddhavīriyā hothā’’ti, esā buddhānaṃ bhagavantānaṃ anusāsanī anusiṭṭhi ovādoti. Sesagāthāsupi imināva nayena attho veditabbo.

    аяам̣ бана висзсо – виваад̣̇анд̇и вируд̣̇д̇хаваад̣̇ам̣, чавиваад̣̇авад̇т̇увасзна вивад̣̇ананд̇и ад̇т̇о. авиваад̣̇анд̇и виваад̣̇абадибагкам̣ мзд̇д̇ааважийгаммам̣, мзд̇д̇аабхааванам̣ ваа. ат̇а ваа авиваад̣̇анд̇и авиваад̣̇ахзд̇убхууд̇ам̣ чаб̣б̣ид̇хам̣ сааран̣ийяад̇хаммам̣. самаг̇г̇аад̇и аваг̇г̇аа, гааязна жзва жид̇д̇зна жа сахид̇аа авирамид̇аа авияуд̇д̇аад̇и ад̇т̇о. сакилаад̇и саггийлаа муд̣̇усийлаа, ан̃н̃аман̃н̃амхи муд̣̇ухад̣̇аяаад̇и ад̇т̇о. зсаа б̣уд̣̇д̇хаанусаасанийд̇и зд̇т̇а саб̣б̣зна саб̣б̣ам̣ виваад̣̇аманубаг̇амма яад̣̇ид̣̇ам̣ часааран̣ийяад̇хаммабарибууран̣авасзна самаг̇г̇аваасз нияож̇анам̣, зсаа б̣уд̣̇д̇хаанам̣ анусидтийд̇и яож̇зд̇аб̣б̣ам̣. самаг̇г̇аваасан̃хи васамаанаа сийлад̣̇идтисааман̃н̃аг̇ад̇аа авивад̣̇амаанаа сукзнзва д̇иссо сигкаа барибуурзссанд̇ийд̇и сад̇т̇аа самаг̇г̇аваасз нияож̇анам̣ ад̇д̇ано саасананд̇и д̣̇ассзси.

    Ayaṃ pana viseso – vivādanti viruddhavādaṃ, chavivādavatthuvasena vivadananti attho. Avivādanti vivādapaṭipakkhaṃ mettāvacīkammaṃ, mettābhāvanaṃ vā. Atha vā avivādanti avivādahetubhūtaṃ chabbidhaṃ sāraṇīyadhammaṃ. Samaggāti avaggā, kāyena ceva cittena ca sahitā aviramitā aviyuttāti attho. Sakhilāti sakkīlā mudusīlā, aññamaññamhi muduhadayāti attho. Esā buddhānusāsanīti ettha sabbena sabbaṃ vivādamanupagamma yadidaṃ chasāraṇīyadhammaparipūraṇavasena samaggavāse niyojanaṃ, esā buddhānaṃ anusiṭṭhīti yojetabbaṃ. Samaggavāsañhi vasamānā sīladiṭṭhisāmaññagatā avivadamānā sukheneva tisso sikkhā paripūressantīti satthā samaggavāse niyojanaṃ attano sāsananti dassesi.

    бамаад̣̇анд̇и бамаж̇ж̇анам̣, гусалаанам̣ д̇хаммаанам̣ бамуссанам̣ агусалзсу жа д̇хаммзсу жид̇д̇авоссаг̇г̇ам̣. вуд̇д̇ан̃хзд̇ам̣ – ‘‘д̇ад̇т̇а гад̇амо бамаад̣̇о, гааяад̣̇ужжарид̇з ваа важийд̣̇ужжарид̇з ваа манод̣̇ужжарид̇з ваа бан̃жасу ваа гаамаг̇ун̣зсу жид̇д̇асса восаг̇г̇о восаг̇г̇аануббад̣̇аанам̣ гусалаанам̣ ваа д̇хаммаанам̣ бхааванааяа асаггажжагирияад̇аа, асаад̇ажжагирияад̇аа, анадтид̇агирияад̇аа, олийнавуд̇д̇ид̇аа, нигкид̇д̇ачанд̣̇ад̇аа, нигкид̇д̇ад̇хурад̇аа анаасзванаа абхааванаа аб̣ахулийгаммам̣…бз… яо зваруубо бамаад̣̇о бамаж̇ж̇анаа бамаж̇ж̇ид̇ад̇д̇ам̣, аяам̣ вужжад̇и бамаад̣̇о’’д̇и (вибха. 846).

    Pamādanti pamajjanaṃ, kusalānaṃ dhammānaṃ pamussanaṃ akusalesu ca dhammesu cittavossaggaṃ. Vuttañhetaṃ – ‘‘tattha katamo pamādo, kāyaduccarite vā vacīduccarite vā manoduccarite vā pañcasu vā kāmaguṇesu cittassa vosaggo vosaggānuppadānaṃ kusalānaṃ vā dhammānaṃ bhāvanāya asakkaccakiriyatā, asātaccakiriyatā, anaṭṭhitakiriyatā, olīnavuttitā, nikkhittachandatā, nikkhittadhuratā anāsevanā abhāvanā abahulīkammaṃ…pe… yo evarūpo pamādo pamajjanā pamajjitattaṃ, ayaṃ vuccati pamādo’’ti (vibha. 846).

    аббамаад̣̇анд̇и аббамаж̇ж̇анам̣. д̇ам̣ бамаад̣̇асса бадибагкад̇о взд̣̇ид̇аб̣б̣ам̣. ад̇т̇ад̇о хи аббамаад̣̇о наама сад̇ияаа авиббаваасо, ‘‘сад̇ияаа авиббаваасо’’д̇и жа нижжам̣ убадтид̇ааяа сад̇ияаа звзд̇ам̣ наамам̣. абарз бана ‘‘сад̇исамбаж̇ан̃н̃аббад̇хаанаа д̇ат̇аа бавад̇д̇аа жад̇д̇ааро аруубино канд̇хаа аббамаад̣̇о’’д̇и вад̣̇анд̇и. яасмаа бана аббамаад̣̇абхааванаа наама висум̣ згаа бхааванаа над̇т̇и. яаа хи гаажи бун̃н̃агирияаа гусалагирияаа, саб̣б̣аа саа аббамаад̣̇абхааванаад̇взва взд̣̇ид̇аб̣б̣аа.

    Appamādanti appamajjanaṃ. Taṃ pamādassa paṭipakkhato veditabbaṃ. Atthato hi appamādo nāma satiyā avippavāso, ‘‘satiyā avippavāso’’ti ca niccaṃ upaṭṭhitāya satiyā evetaṃ nāmaṃ. Apare pana ‘‘satisampajaññappadhānā tathā pavattā cattāro arūpino khandhā appamādo’’ti vadanti. Yasmā pana appamādabhāvanā nāma visuṃ ekā bhāvanā natthi. Yā hi kāci puññakiriyā kusalakiriyā, sabbā sā appamādabhāvanātveva veditabbā.

    висзсад̇о бана виваддуубаниссаяам̣ саран̣аг̇аманам̣ гааяигаваажасигасам̣варан̃жа убаад̣̇ааяа саб̣б̣аа сийлабхааванаа, саб̣б̣аа самаад̇хибхааванаа, саб̣б̣аа бан̃н̃аабхааванаа, саб̣б̣аа гусалабхааванаа, анаваж̇ж̇абхааванаа , аббамаад̣̇абхааванаа. ‘‘аббамаад̣̇о’’д̇и хи ид̣̇ам̣ бад̣̇ам̣ маханд̇ам̣ ад̇т̇ам̣ д̣̇ийбзд̇и, маханд̇ам̣ ад̇т̇ам̣ бариг̇г̇ахзд̇ваа д̇идтад̇и, сагаламби д̇збидагам̣ б̣уд̣̇д̇хаважанам̣ аахарид̇ваа аббамаад̣̇абад̣̇асса ад̇т̇ам̣ гад̇ваа гат̇знд̇о д̇хаммагат̇иго ‘‘ад̇ид̇т̇зна багканд̣̇о’’д̇и на вад̇д̇аб̣б̣о. гасмаа? аббамаад̣̇абад̣̇асса маханд̇абхаавад̇о. д̇ат̇аа хи саммаасамб̣уд̣̇д̇хо гусинаарааяам̣ яамагасаалаанаманд̇арз бариниб̣б̣аанасамаяз нибанно абхисамб̣од̇хид̇о бадтааяа бан̃жажад̇д̇аалийсааяа вассзсу ад̇д̇анаа бхаасид̇ам̣ д̇хаммам̣ згзнзва бад̣̇зна сан̇г̇ахзд̇ваа д̣̇ассзнд̇о ‘‘аббамаад̣̇зна самбаад̣̇зт̇аа’’д̇и (д̣̇ий. ни. 2.218) бхигкуунам̣ оваад̣̇амад̣̇ааси. д̇ат̇аа жааха – ‘‘сзяяат̇ааби, бхигкавз, яаани гаанижи ж̇ан̇г̇амаанам̣ баан̣аанам̣ бад̣̇аж̇аад̇аани, саб̣б̣аани д̇аани хад̇т̇ибад̣̇з самод̇хаанам̣ г̇ажчанд̇и, хад̇т̇ибад̣̇ам̣ д̇зсам̣ аг̇г̇амагкааяад̇и яад̣̇ид̣̇ам̣ маханд̇ад̇д̇зна, звамзва ко, бхигкавз, яз гзжи гусалаа д̇хаммаа, саб̣б̣з д̇з аббамаад̣̇амуулагаа аббамаад̣̇асамосаран̣аа, аббамаад̣̇о д̇зсам̣ аг̇г̇амагкааяад̇ий’’д̇и (ма. ни. 1.300 т̇огам̣ висад̣̇исам̣). д̇ад̇т̇а аббамаад̣̇абхааванам̣ сикааббад̇д̇ам̣ д̣̇ассзнд̇о сад̇т̇аа ‘‘бхаавзт̇адтан̇г̇игам̣ маг̇г̇а’’нд̇и ааха.

    Visesato pana vivaṭṭūpanissayaṃ saraṇagamanaṃ kāyikavācasikasaṃvarañca upādāya sabbā sīlabhāvanā, sabbā samādhibhāvanā, sabbā paññābhāvanā, sabbā kusalabhāvanā, anavajjabhāvanā , appamādabhāvanā. ‘‘Appamādo’’ti hi idaṃ padaṃ mahantaṃ atthaṃ dīpeti, mahantaṃ atthaṃ pariggahetvā tiṭṭhati, sakalampi tepiṭakaṃ buddhavacanaṃ āharitvā appamādapadassa atthaṃ katvā kathento dhammakathiko ‘‘atitthena pakkhando’’ti na vattabbo. Kasmā? Appamādapadassa mahantabhāvato. Tathā hi sammāsambuddho kusinārāyaṃ yamakasālānamantare parinibbānasamaye nipanno abhisambodhito paṭṭhāya pañcacattālīsāya vassesu attanā bhāsitaṃ dhammaṃ ekeneva padena saṅgahetvā dassento ‘‘appamādena sampādethā’’ti (dī. ni. 2.218) bhikkhūnaṃ ovādamadāsi. Tathā cāha – ‘‘seyyathāpi, bhikkhave, yāni kānici jaṅgamānaṃ pāṇānaṃ padajātāni, sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati yadidaṃ mahantattena, evameva kho, bhikkhave, ye keci kusalā dhammā, sabbe te appamādamūlakā appamādasamosaraṇā, appamādo tesaṃ aggamakkhāyatī’’ti (ma. ni. 1.300 thokaṃ visadisaṃ). Tattha appamādabhāvanaṃ sikhāppattaṃ dassento satthā ‘‘bhāvethaṭṭhaṅgikaṃ magga’’nti āha.

    д̇ассад̇т̇о – яо зса сийлаад̣̇иканд̇хад̇д̇аяасан̇г̇ахо саммаад̣̇идтибуб̣б̣ан̇г̇амо саммаад̣̇идтиаад̣̇ийнам̣язва адтаннам̣ ан̇г̇аанам̣ васзна адтан̇г̇иго арияамаг̇г̇о, д̇ам̣ бхаавзт̇а ад̇д̇ано санд̇аанз уббаад̣̇зт̇а. д̣̇ассанамаг̇г̇амад̇д̇з атад̇ваа убари д̇ин̣н̣ам̣ маг̇г̇аанам̣ уббаад̣̇анавасзна вад̣дхзт̇а, звам̣ во аббамаад̣̇абхааванаа сикааббад̇д̇аа бхависсад̇ийд̇и. зсаа б̣уд̣̇д̇хаанусаасанийд̇и яад̣̇ид̣̇ам̣ гусалзсу д̇хаммзсу аббамаж̇ж̇анам̣, д̇ан̃жа уссуггаабзд̇ваа арияамаг̇г̇асса бхааванаа зсаа б̣уд̣̇д̇хаанам̣ бхаг̇аванд̇аанам̣ анусидти оваад̣̇од̇и.

    Tassattho – yo esa sīlādikhandhattayasaṅgaho sammādiṭṭhipubbaṅgamo sammādiṭṭhiādīnaṃyeva aṭṭhannaṃ aṅgānaṃ vasena aṭṭhaṅgiko ariyamaggo, taṃ bhāvetha attano santāne uppādetha. Dassanamaggamatte aṭhatvā upari tiṇṇaṃ maggānaṃ uppādanavasena vaḍḍhetha, evaṃ vo appamādabhāvanā sikhāppattā bhavissatīti. Esā buddhānusāsanīti yadidaṃ kusalesu dhammesu appamajjanaṃ, tañca ussukkāpetvā ariyamaggassa bhāvanā esā buddhānaṃ bhagavantānaṃ anusiṭṭhi ovādoti.

    ид̇и бхаг̇аваа арахад̇д̇анигуудзнзва жарияаабидагад̣̇зсанам̣ нидтаабзси. ид̇т̇ам̣ суд̣̇анд̇иаад̣̇ийсу ид̇т̇анд̇и габбз жа сад̇асахассзд̇иаад̣̇инаа (жарияаа. 1.1) багаарзна. суд̣̇анд̇и нибаад̇амад̇д̇ам̣. бхаг̇аваад̇и бхааг̇яаванд̇ад̇аад̣̇ийхи гааран̣зхи бхаг̇аваа. ад̇д̇ано буб̣б̣ажарияанд̇и буримаасу агид̇д̇ибан̣д̣ид̇аад̣̇иж̇аад̇ийсу ад̇д̇ано бадибад̇д̇ид̣̇уггарагирияам̣. самбхааваяамаанод̇и хад̇т̇ад̇алз аамалагам̣ вияа саммад̣̇зва багаасзнд̇о. б̣уд̣̇д̇хаабад̣̇аанияам̣ наамаад̇и б̣уд̣̇д̇хаанам̣ бураад̇анагаммам̣ бораан̣ам̣ д̣̇уггарагирияам̣ ад̇хигижжа бавад̇д̇ад̇д̇аа д̣̇зсид̇ад̇д̇аа б̣уд̣̇д̇хаабад̣̇аанияанд̇и звам̣наамагам̣. д̇хаммабарияааяанд̇и д̇хаммад̣̇зсанам̣ д̇хаммабхууд̇ам̣ ваа гааран̣ам̣. абхаасид̇т̇аад̇и авожа. яам̣ банзд̇т̇а на вуд̇д̇ам̣, д̇ам̣ хздтаа вуд̇д̇анаяад̇д̇аа уд̇д̇аанад̇т̇ад̇д̇аа жа на вуд̇д̇анд̇и взд̣̇ид̇аб̣б̣ам̣.

    Iti bhagavā arahattanikūṭeneva cariyāpiṭakadesanaṃ niṭṭhāpesi. Itthaṃ sudantiādīsu itthanti kappe ca satasahassetiādinā (cariyā. 1.1) pakārena. Sudanti nipātamattaṃ. Bhagavāti bhāgyavantatādīhi kāraṇehi bhagavā. Attano pubbacariyanti purimāsu akittipaṇḍitādijātīsu attano paṭipattidukkarakiriyaṃ. Sambhāvayamānoti hatthatale āmalakaṃ viya sammadeva pakāsento. Buddhāpadāniyaṃ nāmāti buddhānaṃ purātanakammaṃ porāṇaṃ dukkarakiriyaṃ adhikicca pavattattā desitattā buddhāpadāniyanti evaṃnāmakaṃ. Dhammapariyāyanti dhammadesanaṃ dhammabhūtaṃ vā kāraṇaṃ. Abhāsitthāti avoca. Yaṃ panettha na vuttaṃ, taṃ heṭṭhā vuttanayattā uttānatthattā ca na vuttanti veditabbaṃ.

    ниг̇аманагат̇аа

    Nigamanakathā

    зд̇д̇аавад̇аа жа –

    Ettāvatā ca –

    висуд̣̇д̇хажарид̇о сад̇т̇аа, б̣уд̣̇д̇хижарияааяа баараг̇уу;

    Visuddhacarito satthā, buddhicariyāya pāragū;

    саб̣б̣ажарияаасу гусало, логаажарияо ануд̇д̇аро.

    Sabbacariyāsu kusalo, lokācariyo anuttaro.

    яам̣ ажчарияад̇хаммаанам̣, саб̣б̣амажчарияаад̇иг̇о;

    Yaṃ acchariyadhammānaṃ, sabbamacchariyātigo;

    ад̇д̇ано буб̣б̣ажарияаанам̣, аанубхаававибхааванам̣.

    Attano pubbacariyānaṃ, ānubhāvavibhāvanaṃ.

    д̣̇зсзси наат̇о жарияаа-бидагам̣ яан̃жа д̇аад̣̇ино;

    Desesi nātho cariyā-piṭakaṃ yañca tādino;

    д̇хаммасан̇г̇аахагаа т̇зраа, сан̇г̇ааяим̣су д̇ат̇зва жа.

    Dhammasaṅgāhakā therā, saṅgāyiṃsu tatheva ca.

    д̇асса ад̇т̇ам̣ багаасзд̇ум̣, бораан̣адтагат̇аанаяам̣;

    Tassa atthaṃ pakāsetuṃ, porāṇaṭṭhakathānayaṃ;

    ниссааяа яаа самаарад̣̇д̇хаа, ад̇т̇асам̣ван̣н̣анаа маяаа.

    Nissāya yā samāraddhā, atthasaṃvaṇṇanā mayā.

    яаа д̇ад̇т̇а барамад̇т̇аанам̣, нид̣̇д̇хаарзд̇ваа яат̇аарахам̣;

    Yā tattha paramatthānaṃ, niddhāretvā yathārahaṃ;

    багаасанаа барамад̇т̇а-д̣̇ийбаний наама наамад̇о.

    Pakāsanā paramattha-dīpanī nāma nāmato.

    самбад̇д̇аа баринидтаанам̣, анаагулавинижчаяаа;

    Sampattā pariniṭṭhānaṃ, anākulavinicchayā;

    саад̇хигааяадтавийсааяа, баал̣ияаа бхаан̣аваарад̇о.

    Sādhikāyaṭṭhavīsāya, pāḷiyā bhāṇavārato.

    ид̇и д̇ам̣ сан̇каронд̇зна, яам̣ д̇ам̣ ад̇хиг̇ад̇ам̣ маяаа;

    Iti taṃ saṅkharontena, yaṃ taṃ adhigataṃ mayā;

    бун̃н̃ам̣ д̇ассаанубхаавзна, логанаат̇асса саасанам̣.

    Puññaṃ tassānubhāvena, lokanāthassa sāsanaṃ.

    ог̇аахзд̇ваа висуд̣̇д̇хааяа, сийлаад̣̇ибадибад̇д̇ияаа;

    Ogāhetvā visuddhāya, sīlādipaṭipattiyā;

    саб̣б̣зби д̣̇зхино хонд̇у, вимуд̇д̇ирасабхааг̇ино.

    Sabbepi dehino hontu, vimuttirasabhāgino.

    жирам̣ д̇идтад̇у логасмим̣, саммаасамб̣уд̣̇д̇хасаасанам̣;

    Ciraṃ tiṭṭhatu lokasmiṃ, sammāsambuddhasāsanaṃ;

    д̇асмим̣ саг̇аараваа нижжам̣, хонд̇у саб̣б̣зби баан̣ино.

    Tasmiṃ sagāravā niccaṃ, hontu sabbepi pāṇino.

    саммаа вассад̇у гаалзна, д̣̇звоби ж̇аг̇ад̇ийбад̇и;

    Sammā vassatu kālena, devopi jagatīpati;

    сад̣̇д̇хамманирад̇о логам̣, д̇хаммзнзва басаасад̇ууд̇и.

    Saddhammanirato lokaṃ, dhammeneva pasāsatūti.

    ид̇и б̣ад̣̇арад̇ид̇т̇авихаараваасинаа аажарияад̇хаммабаалзна

    Iti badaratitthavihāravāsinā ācariyadhammapālena

    гад̇аа

    Katā

    жарияаабидагаван̣н̣анаа нидтид̇аа.

    Cariyāpiṭakavaṇṇanā niṭṭhitā.


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact