| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
уд̣̇д̣̇зсабхад̇д̇агат̇ааван̣н̣анаа
Uddesabhattakathāvaṇṇanā
ад̇д̇ано вихаарад̣̇ваарзд̇и вихаарасса д̣̇ваарагодтагасамийбам̣ санд̇хааяа вуд̇д̇ам̣. бхож̇анасаалааяаад̇и бхад̇д̇уд̣̇д̣̇зсадтаанабхууд̇ааяа бхож̇анасаалааяа. ‘‘д̣̇иннам̣ банаа’’д̇и вад̇ваа яат̇аа со д̣̇ааяаго д̣̇зд̇и, д̇ам̣ вид̇хим̣ д̣̇ассзд̇ум̣ ‘‘сан̇гхад̇о бханд̇з’’д̇иаад̣̇имааха. анд̇арагхарзд̇и анд̇ог̇зхз. анд̇оубажаараг̇ад̇аананд̇и зд̇т̇а г̇аамад̣̇вааравийт̇ижад̇уггзсу д̣̇ваад̣̇асахад̇т̇аб̣бханд̇арам̣ анд̇оубажааро наама. анд̇арагхарасса убажаарз бана лаб̣бхамаанависзсам̣ д̣̇ассзд̇ум̣ ‘‘гхаруубажааро жзд̇т̇аа’’д̇иаад̣̇имааха. згавал̣ан̃ж̇анд̇и згзна д̣̇ваарзна вал̣ан̃ж̇ид̇аб̣б̣ам̣. наанаанивзсанзсууд̇и наанаагуласса нивзсанзсу. лаж̇ж̇ий бзсало аг̇ад̇иг̇аманам̣ важ̇ж̇зд̇ваа мзд̇хаавий жа убабаригкид̇ваа уд̣̇д̣̇исиссад̇ийд̇и ааха ‘‘бзсало лаж̇ж̇ий мзд̇хаавий ижчид̇аб̣б̣о’’д̇и. нисиннассаби нид̣̇д̣̇ааяанд̇ассабийд̇и анаад̣̇арз саамиважанам̣. д̇ижийварабаривааранд̇и зд̇т̇а ‘‘уд̣̇агабад̇д̇алаабхий вияа ан̃н̃оби уд̣̇д̣̇зсабхад̇д̇ам̣ алабхид̇ваа вад̇т̇аад̣̇иманзгаббагаарагам̣ лабхад̇и жз, д̇ассзва д̇а’’нд̇и г̇ан̣тибад̣̇зсу вуд̇д̇ам̣. ад̇д̇ано руживасзна яам̣ гин̃жи вад̇ваа аахарид̇ум̣ виссаж̇ж̇ид̇ад̇д̇аа виссадтад̣̇ууд̇о наама. яам̣ ижчад̇ийд̇и ‘‘уд̣̇д̣̇зсабад̇д̇ам̣ д̣̇зт̇аа’’д̇иаад̣̇ийни вад̣̇анд̇о яам̣ ижчад̇и. бужчаасабхааг̇знаад̇и бужчаасад̣̇исзна.
Attano vihāradvāreti vihārassa dvārakoṭṭhakasamīpaṃ sandhāya vuttaṃ. Bhojanasālāyāti bhattuddesaṭṭhānabhūtāya bhojanasālāya. ‘‘Dinnaṃ panā’’ti vatvā yathā so dāyako deti, taṃ vidhiṃ dassetuṃ ‘‘saṅghato bhante’’tiādimāha. Antaraghareti antogehe. Antoupacāragatānanti ettha gāmadvāravīthicatukkesu dvādasahatthabbhantaraṃ antoupacāro nāma. Antaragharassa upacāre pana labbhamānavisesaṃ dassetuṃ ‘‘gharūpacāro cetthā’’tiādimāha. Ekavaḷañjanti ekena dvārena vaḷañjitabbaṃ. Nānānivesanesūti nānākulassa nivesanesu. Lajjī pesalo agatigamanaṃ vajjetvā medhāvī ca upaparikkhitvā uddisissatīti āha ‘‘pesalo lajjī medhāvī icchitabbo’’ti. Nisinnassapi niddāyantassapīti anādare sāmivacanaṃ. Ticīvaraparivāranti ettha ‘‘udakapattalābhī viya aññopi uddesabhattaṃ alabhitvā vatthādimanekappakārakaṃ labhati ce, tasseva ta’’nti gaṇṭhipadesu vuttaṃ. Attano rucivasena yaṃ kiñci vatvā āharituṃ vissajjitattā vissaṭṭhadūto nāma. Yaṃ icchatīti ‘‘uddesapattaṃ dethā’’tiādīni vadanto yaṃ icchati. Pucchāsabhāgenāti pucchāsadisena.
‘‘згаа гуудадтид̇игаа наама ход̇ий’’д̇и вад̇ваа д̇амзва тид̇игам̣ вибхаавзнд̇о ‘‘ран̃н̃о ваа хий’’д̇иаад̣̇имааха. ан̃н̃зхи уд̣̇д̣̇зсабхад̇д̇зхи амиссзд̇ваа висум̣язва тид̇игааяа г̇ахзд̇аб̣б̣ад̇д̇аа ‘‘згажааригабхад̇д̇ааний’’д̇и вуд̇д̇ам̣. т̇зяяааяа харанд̇ийд̇и бад̇д̇ахаарагаа харанд̇и. г̇ийваа ход̇ийд̇и аан̣аабагасса г̇ийваа ход̇и. ‘‘мануссаанам̣ важанам̣ гаад̇ум̣ ваддад̇ий’’д̇и г̇ажчанд̇ийд̇и ‘‘мануссаанам̣ важанам̣ гаад̇ум̣ ваддад̇ий’’д̇и д̇зна бхигкунаа вуд̇д̇аа г̇ажчанд̇и. агад̇абхааг̇о наамаад̇и ааг̇анд̇угабхааг̇о наама. ‘‘саб̣б̣о сан̇гхо барибхун̃ж̇ад̇уу’’д̇и вуд̇д̇зд̇и зд̇т̇а ‘‘батамамзва ‘саб̣б̣ам̣ сан̇гхигам̣ бад̇д̇ам̣ д̣̇зт̇аа’д̇и вад̇ваа бажчаа ‘саб̣б̣о сан̇гхо барибхун̃ж̇ад̇уу’д̇и авуд̇д̇зби бхааж̇зд̇ваава барибхун̃ж̇ид̇аб̣б̣а’’нд̇и г̇ан̣тибад̣̇зсу вуд̇д̇ам̣.
‘‘Ekā kūṭaṭṭhitikā nāma hotī’’ti vatvā tameva ṭhitikaṃ vibhāvento ‘‘rañño vā hī’’tiādimāha. Aññehi uddesabhattehi amissetvā visuṃyeva ṭhitikāya gahetabbattā ‘‘ekacārikabhattānī’’ti vuttaṃ. Theyyāya harantīti pattahārakā haranti. Gīvā hotīti āṇāpakassa gīvā hoti. ‘‘Manussānaṃ vacanaṃ kātuṃ vaṭṭatī’’ti gacchantīti ‘‘manussānaṃ vacanaṃ kātuṃ vaṭṭatī’’ti tena bhikkhunā vuttā gacchanti. Akatabhāgo nāmāti āgantukabhāgo nāma. ‘‘Sabbo saṅgho paribhuñjatū’’tivutteti ettha ‘‘paṭhamameva ‘sabbaṃ saṅghikaṃ pattaṃ dethā’ti vatvā pacchā ‘sabbo saṅgho paribhuñjatū’ti avuttepi bhājetvāva paribhuñjitabba’’nti gaṇṭhipadesu vuttaṃ.
