| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сан̇гхабхад̇д̇аад̣̇иануж̇аананагат̇ааван̣н̣анаа
Saṅghabhattādianujānanakathāvaṇṇanā
уд̣̇д̣̇зсабхад̇д̇агат̇ааван̣н̣анаа
Uddesabhattakathāvaṇṇanā
325. яаа бхад̇д̇уд̣̇д̣̇зсадтаанабхууд̇ааяа бхож̇анасаалааяа багад̇итид̇игаа. д̣̇иннам̣ банаад̇и яат̇аа со д̣̇ааяаго д̣̇зд̇и, д̇ам̣ д̣̇ассзнд̇о ‘‘сан̇гхад̇о бханд̇з’’д̇иаад̣̇имааха. згавал̣ан̃ж̇анд̇и згад̣̇ваарзна вал̣ан̃ж̇ид̇аб̣б̣ам̣ . д̇ижийварабаривааранд̇и зд̇т̇а ‘‘уд̣̇агамад̇д̇алаабхий вияа ан̃н̃оби уд̣̇д̣̇зсабхад̇д̇ам̣ алабхид̇ваа вад̇т̇аад̣̇иманзгаббагаарам̣ лабхад̇и жз, д̇ассзва д̇а’’нд̇и ликид̇ам̣. ‘‘уд̣̇д̣̇зсабад̇д̇з д̣̇зт̇аа’д̇и вад̇ваа г̇ахзд̇ваа ааг̇ад̇абхаавзна сан̇гхасса барижжад̇д̇ам̣ на ход̇иязва д̇ассзва хад̇т̇з г̇ад̇ад̇д̇аа, д̇асмаа д̇зхи вуд̇д̇аггамзна саб̣б̣зхи бхааж̇зд̇ваа бхун̃ж̇ид̇аб̣б̣а’’нд̇и вуд̇д̇ам̣. бадибаадибад̇д̇ам̣ ваа тид̇игааяа тид̇абад̇д̇ам̣ ваа. ‘‘гуудадтид̇игаа наама аг̇г̇ахзд̇аб̣б̣аанамби г̇аахид̇ад̇д̇аа’’д̇и ликид̇ам̣, ‘‘бан̣ийд̇абхад̇д̇адтид̇иган̃жа аж̇аанид̇ваа миссзд̇ваа г̇аахид̇зби звамзва бадибаж̇ж̇ид̇аб̣б̣а’’нд̇и жа ликид̇ам̣. д̇ан̃жз т̇зяяааяа харанд̇и бад̇д̇ахаарагаа, аан̣аабагасса г̇ийваа ход̇и. ад̇игганд̇амби тид̇игам̣ табзд̇ваад̇и зд̇т̇а ‘‘д̇ам̣д̣̇ивасамзва жз бхигкаа лаб̣бхад̇и, абарад̣̇ивасад̇о бадтааяа на лаб̣бхад̇и гираа’’д̇и ликид̇ам̣. бажчаа ‘‘саб̣б̣о сан̇гхо барибхун̃ж̇ад̇уу’’д̇и авуд̇д̇зби бхааж̇зд̇ваа барибхун̃ж̇ид̇аб̣б̣ам̣. ‘‘зд̇д̇агз бхигкуу сан̇гхад̇о уд̣̇д̣̇исид̇ваа д̣̇зт̇аа’д̇и авад̇ваа ‘зд̇д̇агаанам̣ бхигкуунам̣ бхад̇д̇ам̣ г̇ан̣хат̇аа’д̇и д̣̇иннам̣ сан̇гхиганиманд̇анам̣ наамаа’’д̇и ликид̇ам̣.
325.Yā bhattuddesaṭṭhānabhūtāya bhojanasālāya pakatiṭhitikā. Dinnaṃ panāti yathā so dāyako deti, taṃ dassento ‘‘saṅghato bhante’’tiādimāha. Ekavaḷañjanti ekadvārena vaḷañjitabbaṃ . Ticīvaraparivāranti ettha ‘‘udakamattalābhī viya aññopi uddesabhattaṃ alabhitvā vatthādimanekappakāraṃ labhati ce, tasseva ta’’nti likhitaṃ. ‘‘Uddesapatte dethā’ti vatvā gahetvā āgatabhāvena saṅghassa pariccattaṃ na hotiyeva tasseva hatthe gatattā, tasmā tehi vuttakkamena sabbehi bhājetvā bhuñjitabba’’nti vuttaṃ. Paṭipāṭipattaṃ vā ṭhitikāya ṭhitapattaṃ vā. ‘‘Kūṭaṭṭhitikā nāma aggahetabbānampi gāhitattā’’ti likhitaṃ, ‘‘paṇītabhattaṭṭhitikañca ajānitvā missetvā gāhitepi evameva paṭipajjitabba’’nti ca likhitaṃ. Tañce theyyāya haranti pattahārakā, āṇāpakassa gīvā hoti. Atikkantampi ṭhitikaṃ ṭhapetvāti ettha ‘‘taṃdivasameva ce bhikkhā labbhati, aparadivasato paṭṭhāya na labbhati kirā’’ti likhitaṃ. Pacchā ‘‘sabbo saṅgho paribhuñjatū’’ti avuttepi bhājetvā paribhuñjitabbaṃ. ‘‘Ettake bhikkhū saṅghato uddisitvā dethā’ti avatvā ‘ettakānaṃ bhikkhūnaṃ bhattaṃ gaṇhathā’ti dinnaṃ saṅghikanimantanaṃ nāmā’’ti likhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сан̇гхабхад̇д̇аад̣̇иануж̇аананам̣ • Saṅghabhattādianujānanaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сан̇гхабхад̇д̇аад̣̇иануж̇аананагат̇аа • Saṅghabhattādianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхабхад̇д̇аад̣̇иануж̇аананагат̇ааван̣н̣анаа • Saṅghabhattādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сан̇гхабхад̇д̇аад̣̇иануж̇аананагат̇ааван̣н̣анаа • Saṅghabhattādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сан̇гхабхад̇д̇аад̣̇иануж̇аананагат̇аа • Saṅghabhattādianujānanakathā
