| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
уд̣̇д̣̇зсабхад̇д̇агат̇ааван̣н̣анаа
Uddesabhattakathāvaṇṇanā
бхож̇анасаалааяаад̇и бхад̇д̇уд̣̇д̣̇зсадтаанам̣ санд̇хааяа вуд̇д̇ам̣. згавал̣ан̃ж̇анд̇и згад̣̇ваарзна вал̣ан̃ж̇ид̇аб̣б̣ам̣. наанаанивзсанзсууд̇и наанаагуласса наануубажаарзсу нивзсанзсу.
Bhojanasālāyāti bhattuddesaṭṭhānaṃ sandhāya vuttaṃ. Ekavaḷañjanti ekadvārena vaḷañjitabbaṃ. Nānānivesanesūti nānākulassa nānūpacāresu nivesanesu.
нисиннассаби нид̣̇д̣̇ааяанд̇ассабийд̇и анаад̣̇арз саамиважанам̣, вуд̣дхад̇арз нид̣̇д̣̇ааяанд̇з навагасса г̇аахид̇ам̣ суг̇г̇ахид̇анд̇и ад̇т̇о.
Nisinnassapi niddāyantassapīti anādare sāmivacanaṃ, vuḍḍhatare niddāyante navakassa gāhitaṃ suggahitanti attho.
виссадтад̣̇ууд̇од̇и яат̇ааружи вад̇д̇ум̣ лабханад̇о нираасан̇гад̣̇ууд̇о. бужчаасабхааг̇знаад̇и бужчааважанабадибхааг̇зна. ‘‘згаа гуудадтид̇игаа наамаа’’д̇и вуд̇д̇амзвад̇т̇ам̣ вибхаавзд̇ум̣ ‘‘ран̃н̃о ваа хий’’д̇иаад̣̇и вуд̇д̇ам̣.
Vissaṭṭhadūtoti yathāruci vattuṃ labhanato nirāsaṅkadūto. Pucchāsabhāgenāti pucchāvacanapaṭibhāgena. ‘‘Ekā kūṭaṭṭhitikā nāmā’’ti vuttamevatthaṃ vibhāvetuṃ ‘‘rañño vā hī’’tiādi vuttaṃ.
саб̣б̣ам̣ бад̇д̇ассаамигасса ход̇ийд̇и жийвараад̣̇игамби саб̣б̣ам̣ бад̇д̇ассаамигассзва ход̇и, маяаа бхад̇д̇амзва санд̇хааяа вуд̇д̇ам̣, на жийвараад̣̇инд̇и вад̇ваа г̇ахзд̇ум̣ на ваддад̇ийд̇и ад̇т̇о.
Sabbaṃ pattassāmikassa hotīti cīvarādikampi sabbaṃ pattassāmikasseva hoti, mayā bhattameva sandhāya vuttaṃ, na cīvarādinti vatvā gahetuṃ na vaṭṭatīti attho.
агад̇абхааг̇онаамаад̇и ааг̇анд̇угабхааг̇о наама, ад̣̇иннабуб̣б̣абхааг̇од̇и ад̇т̇о.
Akatabhāgonāmāti āgantukabhāgo nāma, adinnapubbabhāgoti attho.
гим̣ аахарийяад̇ийд̇и авад̇ваад̇и ‘‘гад̇арабхад̇д̇ам̣ ваа д̇аяаа аахарийяад̇ий’’д̇и д̣̇ааяагам̣ абужчид̇ваа. багад̇идтид̇игааяаад̇и уд̣̇д̣̇зсабхад̇д̇адтид̇игааяа.
Kiṃ āharīyatīti avatvāti ‘‘katarabhattaṃ vā tayā āharīyatī’’ti dāyakaṃ apucchitvā. Pakatiṭṭhitikāyāti uddesabhattaṭṭhitikāya.
уд̣̇д̣̇зсабхад̇д̇агат̇ааван̣н̣анаа нидтид̇аа.
Uddesabhattakathāvaṇṇanā niṭṭhitā.
