| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨུདྡེསབྷཏྟཀཐཱཝཎྞནཱ
Uddesabhattakathāvaṇṇanā
བྷོཛནསཱལཱཡཱཏི བྷཏྟུདྡེསཊྛཱནཾ སནྡྷཱཡ ཝུཏྟཾ། ཨེཀཝལ༹ཉྫནྟི ཨེཀདྭཱརེན ཝལ༹ཉྫིཏབྦཾ། ནཱནཱནིཝེསནེསཱུཏི ནཱནཱཀུལསྶ ནཱནཱུཔཙཱརེསུ ནིཝེསནེསུ།
Bhojanasālāyāti bhattuddesaṭṭhānaṃ sandhāya vuttaṃ. Ekavaḷañjanti ekadvārena vaḷañjitabbaṃ. Nānānivesanesūti nānākulassa nānūpacāresu nivesanesu.
ནིསིནྣསྶཔི ནིདྡཱཡནྟསྶཔཱིཏི ཨནཱདརེ སཱམིཝཙནཾ, ཝུཌྜྷཏརེ ནིདྡཱཡནྟེ ནཝཀསྶ གཱཧིཏཾ སུགྒཧིཏནྟི ཨཏྠོ།
Nisinnassapi niddāyantassapīti anādare sāmivacanaṃ, vuḍḍhatare niddāyante navakassa gāhitaṃ suggahitanti attho.
ཝིསྶཊྛདཱུཏོཏི ཡཐཱརུཙི ཝཏྟུཾ ལབྷནཏོ ནིརཱསངྐདཱུཏོ། པུཙྪཱསབྷཱགེནཱཏི པུཙྪཱཝཙནཔཊིབྷཱགེན། ‘‘ཨེཀཱ ཀཱུཊཊྛིཏིཀཱ ནཱམཱ’’ཏི ཝུཏྟམེཝཏྠཾ ཝིབྷཱཝེཏུཾ ‘‘རཉྙོ ཝཱ ཧཱི’’ཏིཨཱདི ཝུཏྟཾ།
Vissaṭṭhadūtoti yathāruci vattuṃ labhanato nirāsaṅkadūto. Pucchāsabhāgenāti pucchāvacanapaṭibhāgena. ‘‘Ekā kūṭaṭṭhitikā nāmā’’ti vuttamevatthaṃ vibhāvetuṃ ‘‘rañño vā hī’’tiādi vuttaṃ.
སབྦཾ པཏྟསྶཱམིཀསྶ ཧོཏཱིཏི ཙཱིཝརཱདིཀམྤི སབྦཾ པཏྟསྶཱམིཀསྶེཝ ཧོཏི, མཡཱ བྷཏྟམེཝ སནྡྷཱཡ ཝུཏྟཾ, ན ཙཱིཝརཱདིནྟི ཝཏྭཱ གཧེཏུཾ ན ཝཊྚཏཱིཏི ཨཏྠོ།
Sabbaṃ pattassāmikassa hotīti cīvarādikampi sabbaṃ pattassāmikasseva hoti, mayā bhattameva sandhāya vuttaṃ, na cīvarādinti vatvā gahetuṃ na vaṭṭatīti attho.
ཨཀཏབྷཱགོནཱམཱཏི ཨཱགནྟུཀབྷཱགོ ནཱམ, ཨདིནྣཔུབྦབྷཱགོཏི ཨཏྠོ།
Akatabhāgonāmāti āgantukabhāgo nāma, adinnapubbabhāgoti attho.
ཀིཾ ཨཱཧརཱིཡཏཱིཏི ཨཝཏྭཱཏི ‘‘ཀཏརབྷཏྟཾ ཝཱ ཏཡཱ ཨཱཧརཱིཡཏཱི’’ཏི དཱཡཀཾ ཨཔུཙྪིཏྭཱ། པཀཏིཊྛིཏིཀཱཡཱཏི ཨུདྡེསབྷཏྟཊྛིཏིཀཱཡ།
Kiṃ āharīyatīti avatvāti ‘‘katarabhattaṃ vā tayā āharīyatī’’ti dāyakaṃ apucchitvā. Pakatiṭṭhitikāyāti uddesabhattaṭṭhitikāya.
ཨུདྡེསབྷཏྟཀཐཱཝཎྞནཱ ནིཊྛིཏཱ།
Uddesabhattakathāvaṇṇanā niṭṭhitā.
