| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਉਦ੍ਦੇਸਭਤ੍ਤਕਥਾવਣ੍ਣਨਾ
Uddesabhattakathāvaṇṇanā
ਭੋਜਨਸਾਲਾਯਾਤਿ ਭਤ੍ਤੁਦ੍ਦੇਸਟ੍ਠਾਨਂ ਸਨ੍ਧਾਯ વੁਤ੍ਤਂ। ਏਕવਲ਼ਞ੍ਜਨ੍ਤਿ ਏਕਦ੍વਾਰੇਨ વਲ਼ਞ੍ਜਿਤਬ੍ਬਂ। ਨਾਨਾਨਿવੇਸਨੇਸੂਤਿ ਨਾਨਾਕੁਲਸ੍ਸ ਨਾਨੂਪਚਾਰੇਸੁ ਨਿવੇਸਨੇਸੁ।
Bhojanasālāyāti bhattuddesaṭṭhānaṃ sandhāya vuttaṃ. Ekavaḷañjanti ekadvārena vaḷañjitabbaṃ. Nānānivesanesūti nānākulassa nānūpacāresu nivesanesu.
ਨਿਸਿਨ੍ਨਸ੍ਸਪਿ ਨਿਦ੍ਦਾਯਨ੍ਤਸ੍ਸਪੀਤਿ ਅਨਾਦਰੇ ਸਾਮਿવਚਨਂ, વੁਡ੍ਢਤਰੇ ਨਿਦ੍ਦਾਯਨ੍ਤੇ ਨવਕਸ੍ਸ ਗਾਹਿਤਂ ਸੁਗ੍ਗਹਿਤਨ੍ਤਿ ਅਤ੍ਥੋ।
Nisinnassapi niddāyantassapīti anādare sāmivacanaṃ, vuḍḍhatare niddāyante navakassa gāhitaṃ suggahitanti attho.
વਿਸ੍ਸਟ੍ਠਦੂਤੋਤਿ ਯਥਾਰੁਚਿ વਤ੍ਤੁਂ ਲਭਨਤੋ ਨਿਰਾਸਙ੍ਕਦੂਤੋ। ਪੁਚ੍ਛਾਸਭਾਗੇਨਾਤਿ ਪੁਚ੍ਛਾવਚਨਪਟਿਭਾਗੇਨ। ‘‘ਏਕਾ ਕੂਟਟ੍ਠਿਤਿਕਾ ਨਾਮਾ’’ਤਿ વੁਤ੍ਤਮੇવਤ੍ਥਂ વਿਭਾવੇਤੁਂ ‘‘ਰਞ੍ਞੋ વਾ ਹੀ’’ਤਿਆਦਿ વੁਤ੍ਤਂ।
Vissaṭṭhadūtoti yathāruci vattuṃ labhanato nirāsaṅkadūto. Pucchāsabhāgenāti pucchāvacanapaṭibhāgena. ‘‘Ekā kūṭaṭṭhitikā nāmā’’ti vuttamevatthaṃ vibhāvetuṃ ‘‘rañño vā hī’’tiādi vuttaṃ.
ਸਬ੍ਬਂ ਪਤ੍ਤਸ੍ਸਾਮਿਕਸ੍ਸ ਹੋਤੀਤਿ ਚੀવਰਾਦਿਕਮ੍ਪਿ ਸਬ੍ਬਂ ਪਤ੍ਤਸ੍ਸਾਮਿਕਸ੍ਸੇવ ਹੋਤਿ, ਮਯਾ ਭਤ੍ਤਮੇવ ਸਨ੍ਧਾਯ વੁਤ੍ਤਂ, ਨ ਚੀવਰਾਦਿਨ੍ਤਿ વਤ੍વਾ ਗਹੇਤੁਂ ਨ વਟ੍ਟਤੀਤਿ ਅਤ੍ਥੋ।
Sabbaṃ pattassāmikassa hotīti cīvarādikampi sabbaṃ pattassāmikasseva hoti, mayā bhattameva sandhāya vuttaṃ, na cīvarādinti vatvā gahetuṃ na vaṭṭatīti attho.
ਅਕਤਭਾਗੋਨਾਮਾਤਿ ਆਗਨ੍ਤੁਕਭਾਗੋ ਨਾਮ, ਅਦਿਨ੍ਨਪੁਬ੍ਬਭਾਗੋਤਿ ਅਤ੍ਥੋ।
Akatabhāgonāmāti āgantukabhāgo nāma, adinnapubbabhāgoti attho.
ਕਿਂ ਆਹਰੀਯਤੀਤਿ ਅવਤ੍વਾਤਿ ‘‘ਕਤਰਭਤ੍ਤਂ વਾ ਤਯਾ ਆਹਰੀਯਤੀ’’ਤਿ ਦਾਯਕਂ ਅਪੁਚ੍ਛਿਤ੍વਾ। ਪਕਤਿਟ੍ਠਿਤਿਕਾਯਾਤਿ ਉਦ੍ਦੇਸਭਤ੍ਤਟ੍ਠਿਤਿਕਾਯ।
Kiṃ āharīyatīti avatvāti ‘‘katarabhattaṃ vā tayā āharīyatī’’ti dāyakaṃ apucchitvā. Pakatiṭṭhitikāyāti uddesabhattaṭṭhitikāya.
ਉਦ੍ਦੇਸਭਤ੍ਤਕਥਾવਣ੍ਣਨਾ ਨਿਟ੍ਠਿਤਾ।
Uddesabhattakathāvaṇṇanā niṭṭhitā.
