| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
2. руубаган̣д̣ам̣
2. Rūpakaṇḍaṃ
уд̣̇д̣̇зсаван̣н̣анаа
Uddesavaṇṇanā
ид̣̇аани руубамаб̣яаагад̇ам̣ бхааж̇зд̇аб̣б̣ам̣, д̇ан̃жа гзнажи самаяававад̇т̇аанам̣ гад̇ваа на саггаа бхааж̇зд̇ум̣. на хи руубасса жид̇д̇уббаад̣̇зна самаяававад̇т̇аанам̣ саггаа гаад̇ум̣ ажид̇д̇асамудтаанасаб̣бхаавад̇о, жид̇д̇асамудтаанасса жа анзгажид̇д̇асамудтаанад̇ааяа руубасамудтаабагажид̇д̇аанан̃жа гзсан̃жи гад̇т̇ажи асамудтаабанад̇ааяа вавад̇т̇аанаабхаавад̇о, вин̃н̃ад̇д̇ид̣̇ваяаваж̇ж̇ид̇асса руубасса ажид̇д̇асахабхубхаавад̇о жа, на жа руубаанам̣ убасамбаж̇ж̇а вихаран̣зна самаяававад̇т̇аанам̣ яуж̇ж̇ад̇и махаг̇г̇ад̇аббамаан̣аанам̣ жхаанаанам̣ вияа руубаанам̣ убасамбаж̇ж̇а вихаад̇аб̣б̣ад̇аабхааваа, убаад̣̇ааруубзхи жа на яуж̇ж̇ад̇и д̇зсам̣ сахаж̇аад̇аад̣̇ибажжаяабхаавзна аббавад̇д̇анад̇о, нааби махаабхууд̇зхи яуж̇ж̇ад̇и гзсан̃жи махаабхууд̇аанам̣ гзхижи убаад̣̇ааруубзхи винаа бавад̇д̇ид̇о асамаанагаалаанан̃жа саб̣бхаавад̇о. на хи ‘‘яасмим̣ самаяз бат̇авийд̇хаад̇у уббаннаа ход̇и, д̇асмим̣ самаяз жагкааяад̇анам̣ ход̇ий’’д̇и саггаа вад̇д̇ум̣ сод̇аад̣̇иниссаяабхууд̇ааяа бат̇авияаа жид̇д̇аад̣̇исамудтаанааяа жа саха жагкааяад̇анасса абхааваа. звам̣ сод̇ааяад̇анаад̣̇ийсуби яож̇зд̇аб̣б̣ам̣.
Idāni rūpamabyākataṃ bhājetabbaṃ, tañca kenaci samayavavatthānaṃ katvā na sakkā bhājetuṃ. Na hi rūpassa cittuppādena samayavavatthānaṃ sakkā kātuṃ acittasamuṭṭhānasabbhāvato, cittasamuṭṭhānassa ca anekacittasamuṭṭhānatāya rūpasamuṭṭhāpakacittānañca kesañci katthaci asamuṭṭhāpanatāya vavatthānābhāvato, viññattidvayavajjitassa rūpassa acittasahabhubhāvato ca, na ca rūpānaṃ upasampajja viharaṇena samayavavatthānaṃ yujjati mahaggatappamāṇānaṃ jhānānaṃ viya rūpānaṃ upasampajja vihātabbatābhāvā, upādārūpehi ca na yujjati tesaṃ sahajātādipaccayabhāvena appavattanato, nāpi mahābhūtehi yujjati kesañci mahābhūtānaṃ kehici upādārūpehi vinā pavattito asamānakālānañca sabbhāvato. Na hi ‘‘yasmiṃ samaye pathavīdhātu uppannā hoti, tasmiṃ samaye cakkhāyatanaṃ hotī’’ti sakkā vattuṃ sotādinissayabhūtāya pathaviyā cittādisamuṭṭhānāya ca saha cakkhāyatanassa abhāvā. Evaṃ sotāyatanādīsupi yojetabbaṃ.
махаабхууд̇зхи асамаанагаалаани вин̃н̃ад̇д̇иубажаяаад̣̇ийниби д̇асмим̣ самаяз хонд̇ийд̇и на саггаа вад̇д̇унд̇и. згасмин̃жа гаалз анзгаани галаабасахассаани уббаж̇ж̇анд̇и бавад̇д̇анд̇и жа, на аруубад̇хаммаанам̣ вияа руубаанам̣ галаабад̣̇ваяасахаабхааво ад̇т̇и. згасмин̃жа галаабз вад̇д̇амаанз зва ан̃н̃асса нирод̇хо, ан̃н̃асса жуббад̇д̇и ход̇ийд̇и саб̣б̣ат̇аа руубааб̣яаагад̇ам̣ самаяававад̇т̇аанам̣ гад̇ваа на саггаа вибхаж̇ид̇ум̣. згагаад̣̇ийхи бана наязхи на хзд̇уаад̣̇инаа сабхаавзна вибхаж̇ид̇ум̣ саггаад̇и д̇ат̇аа вибхаж̇анад̇т̇ам̣ жид̇д̇уббаад̣̇аган̣д̣з д̇аава авибхад̇д̇ам̣ аб̣яаагад̇ам̣ ад̇т̇ийд̇и д̣̇ассзд̇ум̣ самаяававад̇т̇аанзна винаа аб̣яаагад̇асса сабхаавад̇оязва нид̣̇д̣̇зсз згад̣̇зсам̣ нид̣̇д̣̇исид̇ваа ниг̇аманагаран̣асса анубабад̇д̇ид̇о жа вибхад̇д̇ан̃жа авибхад̇д̇ан̃жа саб̣б̣ам̣ сан̇г̇ан̣ханд̇о ааха ‘‘гад̇амз д̇хаммаа аб̣яаагад̇аа? гусалаа…бз… асан̇кад̇аа жа д̇хаад̇у. имз д̇хаммаа аб̣яаагад̇аа’’д̇и. авибхад̇д̇з хи вибхаж̇ид̇аб̣б̣з д̣̇ассид̇з вибхаж̇анам̣ яуд̇д̇ам̣ н̃аад̇ум̣ ижчааяа уббаад̣̇ид̇ааяаад̇и. зд̇т̇а бана вибаагагирияааб̣яаагад̇ам̣ вибхад̇д̇ад̇д̇аа на вибхаж̇ид̇аб̣б̣ам̣, асан̇кад̇аа жа д̇хаад̇у бхзд̣̇аабхаавад̇о. яам̣ банзд̇т̇а бхзд̣̇аяуд̇д̇ад̇д̇аа авибхад̇д̇ад̇д̇аа жа вибхаж̇ид̇аб̣б̣ам̣, д̇ам̣ вибхаж̇анд̇о ааха ‘‘д̇ад̇т̇а гад̇амам̣ саб̣б̣ам̣ рууба’’нд̇иаад̣̇и. аяамзд̇т̇а баал̣ияож̇анаа.
Mahābhūtehi asamānakālāni viññattiupacayādīnipi tasmiṃ samaye hontīti na sakkā vattunti. Ekasmiñca kāle anekāni kalāpasahassāni uppajjanti pavattanti ca, na arūpadhammānaṃ viya rūpānaṃ kalāpadvayasahābhāvo atthi. Ekasmiñca kalāpe vattamāne eva aññassa nirodho, aññassa cuppatti hotīti sabbathā rūpābyākataṃ samayavavatthānaṃ katvā na sakkā vibhajituṃ. Ekakādīhi pana nayehi na hetuādinā sabhāvena vibhajituṃ sakkāti tathā vibhajanatthaṃ cittuppādakaṇḍe tāva avibhattaṃ abyākataṃ atthīti dassetuṃ samayavavatthānena vinā abyākatassa sabhāvatoyeva niddese ekadesaṃ niddisitvā nigamanakaraṇassa anupapattito ca vibhattañca avibhattañca sabbaṃ saṅgaṇhanto āha ‘‘katame dhammā abyākatā? Kusalā…pe… asaṅkhatā ca dhātu. Ime dhammā abyākatā’’ti. Avibhatte hi vibhajitabbe dassite vibhajanaṃ yuttaṃ ñātuṃ icchāya uppāditāyāti. Ettha pana vipākakiriyābyākataṃ vibhattattā na vibhajitabbaṃ, asaṅkhatā ca dhātu bhedābhāvato. Yaṃ panettha bhedayuttattā avibhattattā ca vibhajitabbaṃ, taṃ vibhajanto āha ‘‘tattha katamaṃ sabbaṃ rūpa’’ntiādi. Ayamettha pāḷiyojanā.
наяам̣ д̣̇ассзд̇ваад̇и зд̇т̇а хздтаа г̇ахан̣амзва наяад̣̇ассанам̣. д̇ам̣ вибаагзсу гад̇ваа вин̃н̃аад̇ад̇д̇аа гирияааб̣яаагад̇зсу ниссадтам̣. гаамааважараад̣̇ибхаавзна вад̇д̇аб̣б̣асса гирияааб̣яаагад̇асса ваа д̣̇ассанам̣, д̇ам̣ гад̇ваа гаамааважараад̇иаад̣̇игам̣ г̇ахзд̇ваа вуд̇д̇ад̇д̇аа ниссадтам̣. бан̃жавийсад̇и руубаанийд̇и баал̣ияам̣ вуд̇д̇аани д̣̇асааяад̇анаани бан̃жад̣̇аса жа сукумаруубаани, убажаяасанд̇ад̇ияо ваа зганд̇и гад̇ваа хад̣̇аяавад̇т̇ун̃жа. чаннавуд̇ийд̇и жагкаад̣̇ид̣̇асагаа сад̇д̇а уд̇усамудтаанаад̣̇аяо д̇аяо адтагаа уд̇ужид̇д̇аж̇аа д̣̇вз сад̣̇д̣̇аа жа. галаабабхаавзна бавад̇д̇аруубаруубаани ‘‘руубагодтаасаа’’д̇и вуд̇д̇аани руубагалаабагодтаасабхаавад̇о. годтаасаад̇и жа ам̣саа, аваяаваад̇и ад̇т̇о. годтанд̇и ваа сарийрам̣, д̇асса ам̣саа гзсаад̣̇аяо годтаасаад̇и ан̃н̃зби аваяаваа годтаасаа вияа годтаасаа. ниб̣б̣аанам̣ ниббад̣̇зсад̇о г̇ахид̇анд̇и собаад̣̇исзсанирубаад̣̇исзсарааг̇агкаяаад̣̇иасан̇кад̇аад̣̇иважанийяабхаавзна бхиннам̣ ниббад̣̇зсад̇о г̇ахид̇ам̣. ад̇т̇ад̇о хи згаава асан̇кад̇аа д̇хаад̇ууд̇и.
Nayaṃ dassetvāti ettha heṭṭhā gahaṇameva nayadassanaṃ. Taṃ vipākesu katvā viññātattā kiriyābyākatesu nissaṭṭhaṃ. Kāmāvacarādibhāvena vattabbassa kiriyābyākatassa vā dassanaṃ, taṃ katvā kāmāvacarātiādikaṃ gahetvā vuttattā nissaṭṭhaṃ. Pañcavīsati rūpānīti pāḷiyaṃ vuttāni dasāyatanāni pañcadasa ca sukhumarūpāni, upacayasantatiyo vā ekanti katvā hadayavatthuñca. Channavutīti cakkhādidasakā satta utusamuṭṭhānādayo tayo aṭṭhakā utucittajā dve saddā ca. Kalāpabhāvena pavattarūparūpāni ‘‘rūpakoṭṭhāsā’’ti vuttāni rūpakalāpakoṭṭhāsabhāvato. Koṭṭhāsāti ca aṃsā, avayavāti attho. Koṭṭhanti vā sarīraṃ, tassa aṃsā kesādayo koṭṭhāsāti aññepi avayavā koṭṭhāsā viya koṭṭhāsā. Nibbānaṃ nippadesato gahitanti sopādisesanirupādisesarāgakkhayādiasaṅkhatādivacanīyabhāvena bhinnaṃ nippadesato gahitaṃ. Atthato hi ekāva asaṅkhatā dhātūti.
584. саб̣б̣анд̇и сагалам̣ жаггаваал̣ам̣. бариман̣д̣алам̣ бариман̣д̣аласан̣таанам̣, баригкзбад̇о чад̇д̇им̣са сад̇асахассаани д̣̇аса жзва сахассаани ад̣дхажад̇уд̇т̇аани жа яож̇анасад̇аани хонд̇ийд̇и ад̇т̇о. зд̇т̇а жа ваддам̣ ‘‘бариман̣д̣ала’’нд̇и вуд̇д̇ам̣. жад̇д̇аари нахуд̇аанийд̇и жад̇д̇аалийса сахассаани. наг̇авхаяаад̇и наг̇аад̇и авхаад̇аб̣б̣аа наг̇асад̣̇д̣̇анаамаад̇и ад̇т̇о.
584. Sabbanti sakalaṃ cakkavāḷaṃ. Parimaṇḍalaṃ parimaṇḍalasaṇṭhānaṃ, parikkhepato chattiṃsa satasahassāni dasa ceva sahassāni aḍḍhacatutthāni ca yojanasatāni hontīti attho. Ettha ca vaṭṭaṃ ‘‘parimaṇḍala’’nti vuttaṃ. Cattāri nahutānīti cattālīsa sahassāni. Nagavhayāti nagāti avhātabbā nagasaddanāmāti attho.
д̣̇звад̣̇аанаваад̣̇ийнам̣ д̇иг̇аавуд̇аад̣̇исарийравасзна маханд̇аани баад̇убхууд̇аани. д̇ад̇т̇ааяам̣ важанад̇т̇о – бхууд̇аани ж̇аад̇аани ниб̣б̣ад̇д̇аани маханд̇аани махаабхууд̇аанийд̇и. анзгажчарияад̣̇ассанзна анзгаабхууд̇ависзсад̣̇ассанавасзна жа мааяаагааро маханд̇о бхууд̇од̇и махаабхууд̇о. яагкаад̣̇аяо ж̇аад̇ивасзнзва маханд̇аа бхууд̇аад̇и махаабхууд̇аа. нирул̣хо ваа аяам̣ махаабхууд̇асад̣̇д̣̇о д̇зсу д̣̇адтаб̣б̣о. бат̇авияаад̣̇аяо бана махаабхууд̇аа вияа махаабхууд̇аа. бхууд̇асад̣̇д̣̇асса убхаяалин̇г̇ад̇д̇аа набум̣сагад̇аа гад̇аа. махаабарихаарад̇од̇и зд̇т̇а важанад̇т̇ам̣ вад̣̇анд̇о ааха ‘‘маханд̇зхи бхууд̇аани, махаабарихаараани ваа бхууд̇ааний’’д̇и. д̇ад̇т̇а бажчимад̇т̇з буримабад̣̇з уд̇д̇арабад̣̇асса барихаарасад̣̇д̣̇асса лобам̣ гад̇ваа ‘‘махаабхууд̇ааний’’д̇и вужжанд̇и.
Devadānavādīnaṃ tigāvutādisarīravasena mahantāni pātubhūtāni. Tatthāyaṃ vacanattho – bhūtāni jātāni nibbattāni mahantāni mahābhūtānīti. Anekacchariyadassanena anekābhūtavisesadassanavasena ca māyākāro mahanto bhūtoti mahābhūto. Yakkhādayo jātivaseneva mahantā bhūtāti mahābhūtā. Niruḷho vā ayaṃ mahābhūtasaddo tesu daṭṭhabbo. Pathaviyādayo pana mahābhūtā viya mahābhūtā. Bhūtasaddassa ubhayaliṅgattā napuṃsakatā katā. Mahāparihāratoti ettha vacanatthaṃ vadanto āha ‘‘mahantehi bhūtāni, mahāparihārānivā bhūtānī’’ti. Tattha pacchimatthe purimapade uttarapadassa parihārasaddassa lopaṃ katvā ‘‘mahābhūtānī’’ti vuccanti.
ажжимад̇од̇и аг̇г̇исса. годисад̇асахассам̣ згам̣ годисад̇асахассзгам̣. жаггаваал̣анд̇и д̇ам̣ саб̣б̣ам̣ аан̣аагкзд̇д̇авасзна згам̣ гад̇ваа вохаранд̇и. вилийяад̇и каарод̣̇агзна. вигийрад̇ийд̇и вид̣̇д̇хам̣сад̇и. убаад̣̇иннагзсу вигаарам̣ д̣̇ассзнд̇о ‘‘бад̇т̇ад̣̇д̇хо’’д̇иаад̣̇имааха. гадтамукзна ваад̇и ваа-сад̣̇д̣̇о убамад̇т̇о. яат̇аа гадтамукасаббзна д̣̇адто бад̇т̇ад̣̇д̇хо ход̇и, звам̣ бат̇авийд̇хаад̇уббагобзна со гааяо гадтамукзва ход̇и, гадтамукамукаг̇ад̇о вияа бад̇т̇ад̣̇д̇хо ход̇ийд̇и ад̇т̇о. ат̇а ваа ваа-сад̣̇д̣̇о звасад̣̇д̣̇ассад̇т̇з. ‘‘бат̇авийд̇хаад̇уббагобзнаа’’д̇и зд̇асса жа барад̇о аахарид̇ваа взд̣̇ид̇аб̣б̣о. д̇ад̇рааяамад̇т̇о – ‘‘гадтамукзна д̣̇адтоби гааяо бат̇авийд̇хаад̇уббагобзнзва бад̇т̇ад̣̇д̇хо ход̇и, д̇асмаа бат̇авийд̇хаад̇уяаа авияуд̇д̇о со гааяо саб̣б̣ад̣̇аа гадтамукамукаг̇ад̇о вияа ход̇ий’’д̇и. ат̇а ваа анияамад̇т̇о ваа-сад̣̇д̣̇о. д̇ад̇рааяамад̇т̇о – ‘‘гадтамукзна д̣̇адто гааяо бад̇т̇ад̣̇д̇хо ход̇и ваа на ваа ход̇и манд̇ааг̇ад̣̇авасзна, бат̇авийд̇хаад̇уббагобзна бана манд̇ааг̇ад̣̇арахид̇о со гааяо гадтамукамукаг̇ад̇о вияа ход̇и зганд̇абад̇т̇ад̣̇д̇хо’’д̇и. бууд̇ияод̇и гут̇ид̇о. махаавигаараани бхууд̇аанийд̇и махаавигаараани ж̇аад̇аани, виж̇ж̇амаанаанийд̇и ваа ад̇т̇о. зд̇т̇а жа буримабад̣̇з уд̇д̇арабад̣̇асса вигаарасад̣̇д̣̇асса лобам̣ гад̇ваа ‘‘махаабхууд̇ааний’’д̇и вуд̇д̇аани.
Accimatoti aggissa. Koṭisatasahassaṃ ekaṃ koṭisatasahassekaṃ. Cakkavāḷanti taṃ sabbaṃ āṇākkhettavasena ekaṃ katvā voharanti. Vilīyati khārodakena. Vikīratīti viddhaṃsati. Upādinnakesu vikāraṃ dassento ‘‘patthaddho’’tiādimāha. Kaṭṭhamukhena vāti vā-saddo upamattho. Yathā kaṭṭhamukhasappena daṭṭho patthaddho hoti, evaṃ pathavīdhātuppakopena so kāyo kaṭṭhamukheva hoti, kaṭṭhamukhamukhagato viya patthaddho hotīti attho. Atha vā vā-saddo evasaddassatthe. ‘‘Pathavīdhātuppakopenā’’ti etassa ca parato āharitvā veditabbo. Tatrāyamattho – ‘‘kaṭṭhamukhena daṭṭhopi kāyo pathavīdhātuppakopeneva patthaddho hoti, tasmā pathavīdhātuyā aviyutto so kāyo sabbadā kaṭṭhamukhamukhagato viya hotī’’ti. Atha vā aniyamattho vā-saddo. Tatrāyamattho – ‘‘kaṭṭhamukhena daṭṭho kāyo patthaddho hoti vā na vā hoti mantāgadavasena, pathavīdhātuppakopena pana mantāgadarahito so kāyo kaṭṭhamukhamukhagato viya hoti ekantapatthaddho’’ti. Pūtiyoti kuthito. Mahāvikārāni bhūtānīti mahāvikārāni jātāni, vijjamānānīti vā attho. Ettha ca purimapade uttarapadassa vikārasaddassa lopaṃ katvā ‘‘mahābhūtānī’’ti vuttāni.
бат̇авийд̇иаад̣̇инаа саб̣б̣алогасса баагадааниби вибаллаасам̣ мун̃жид̇ваа яат̇аасабхаавад̇о бариг̇г̇аяхамаанаани маханд̇зна вааяаамзна винаа на бариг̇г̇аяханд̇ийд̇и баагадааниби д̣̇увин̃н̃зяяасабхаавад̇д̇аа ‘‘маханд̇ааний’’д̇и вужжанд̇и. д̇аани хи сувин̃н̃зяяаани амаханд̇аанийд̇и г̇ахзд̇ваа тид̇о д̇зсам̣ д̣̇уббариг̇г̇ахид̇ад̇ам̣ д̣̇исваа ‘‘ахо маханд̇аани зд̇ааний’’д̇и баж̇аанаад̇и. убаад̣̇ааяаад̇и зд̇зна вин̃н̃ааяамаанаа бажчимагаалагирияаа бавад̇д̇ийд̇и гад̇ваа ‘‘бавад̇д̇арууба’’нд̇и вуд̇д̇ам̣. зван̃хи ‘‘убаад̣̇ааяаа’’д̇и зд̇зна бадижжасамуббаннад̇аа вуд̇д̇аа ход̇ийд̇и. ат̇а ваа убаад̣̇ааяад̇и ниссаяад̇ийд̇и убаад̣̇ааяам̣, убаад̣̇ааяамзва руубам̣ убаад̣̇ааяаруубам̣, ан̃н̃аниссаяасса зганд̇аниссид̇асса руубассзд̇ам̣ ад̇хиважанам̣. д̇ам̣ бана на сад̇д̇асса, нааби взд̣̇анаад̣̇ино д̇ад̣̇абхаавзби бхаавад̇од̇и д̣̇ассзд̇ум̣ ‘‘жад̇уннам̣ махаабхууд̇аана’’нд̇иаад̣̇имааха. бхавад̇и хи ниссаяаруубаанам̣ саамибхаавод̇и.
Pathavītiādinā sabbalokassa pākaṭānipi vipallāsaṃ muñcitvā yathāsabhāvato pariggayhamānāni mahantena vāyāmena vinā na pariggayhantīti pākaṭānipi duviññeyyasabhāvattā ‘‘mahantānī’’ti vuccanti. Tāni hi suviññeyyāni amahantānīti gahetvā ṭhito tesaṃ duppariggahitataṃ disvā ‘‘aho mahantāni etānī’’ti pajānāti. Upādāyāti etena viññāyamānā pacchimakālakiriyā pavattīti katvā ‘‘pavattarūpa’’nti vuttaṃ. Evañhi ‘‘upādāyā’’ti etena paṭiccasamuppannatā vuttā hotīti. Atha vā upādāyati nissayatīti upādāyaṃ, upādāyameva rūpaṃ upādāyarūpaṃ, aññanissayassa ekantanissitassa rūpassetaṃ adhivacanaṃ. Taṃ pana na sattassa, nāpi vedanādino tadabhāvepi bhāvatoti dassetuṃ ‘‘catunnaṃ mahābhūtāna’’ntiādimāha. Bhavati hi nissayarūpānaṃ sāmibhāvoti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / маад̇игаа • Mātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / уд̣̇д̣̇зсаван̣н̣анаа • Uddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / уд̣̇д̣̇зсаван̣н̣анаа • Uddesavaṇṇanā
