| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
2. руубаган̣д̣ам̣
2. Rūpakaṇḍaṃ
уд̣̇д̣̇зсаван̣н̣анаа
Uddesavaṇṇanā
гзнажийд̇и руубзна ваа аруубзна ваа. жид̇д̇уббаад̣̇зна д̇аава руубасса самаяававад̇т̇аанам̣ на саггаа гаад̇ум̣ аб̣яаабид̇ааяа анзганд̇игад̇ааяа жаад̇и имамад̇т̇ам̣ д̣̇ассзнд̇о ‘‘ажид̇д̇асамудтаанасаб̣бхаавад̇о’’д̇иаад̣̇имааха. д̇ад̇т̇а ажид̇д̇асамудтаанам̣ руубам̣ жид̇д̇асса д̇ийсу кан̣зсу уббаж̇ж̇ад̇ийд̇и имасмим̣ д̇аава ваад̣̇з жид̇д̇уббад̇д̇исамаязна руубуубабад̇д̇исамаяасса вавад̇т̇аанам̣ маа ход̇у, жид̇д̇асса уббаад̣̇агкан̣зязва саб̣б̣амби руубам̣ уббаж̇ж̇ад̇ийд̇и имасмим̣ бана ваад̣̇з гат̇анд̇и? зд̇т̇ааби ажид̇д̇асамудтаанам̣ руубам̣ жид̇д̇зна сахуббаад̣̇зби анинд̣̇рияаб̣ад̣̇д̇харуубам̣ вияа ажид̇д̇абади б̣анд̇хуббаад̣̇ад̇ааяа на жид̇д̇зна вавад̇т̇аабзд̇аб̣б̣асамаяанд̇и вуд̇д̇ам̣ ‘‘ажид̇д̇асамудтаанасаб̣бхаавад̇о’’д̇и. д̇зна жид̇д̇уббаад̣̇зна руубасса самаяававад̇т̇аанам̣ на б̣яаабийд̇и д̣̇ассзд̇и. анзгажид̇д̇асамудтаанад̇ааяа вавад̇т̇аанаабхаавад̇од̇и самб̣анд̇хо. нияад̇з хи самудтаабагажид̇д̇з жид̇д̇асамудтаанаруубасса сияаа вавад̇т̇аананд̇и.
Kenacīti rūpena vā arūpena vā. Cittuppādena tāva rūpassa samayavavatthānaṃ na sakkā kātuṃ abyāpitāya anekantikatāya cāti imamatthaṃ dassento ‘‘acittasamuṭṭhānasabbhāvato’’tiādimāha. Tattha acittasamuṭṭhānaṃ rūpaṃ cittassa tīsu khaṇesu uppajjatīti imasmiṃ tāva vāde cittuppattisamayena rūpūpapattisamayassa vavatthānaṃ mā hotu, cittassa uppādakkhaṇeyeva sabbampi rūpaṃ uppajjatīti imasmiṃ pana vāde kathanti? Etthāpi acittasamuṭṭhānaṃ rūpaṃ cittena sahuppādepi anindriyabaddharūpaṃ viya acittapaṭi bandhuppādatāya na cittena vavatthāpetabbasamayanti vuttaṃ ‘‘acittasamuṭṭhānasabbhāvato’’ti. Tena cittuppādena rūpassa samayavavatthānaṃ na byāpīti dasseti. Anekacittasamuṭṭhānatāya vavatthānābhāvatoti sambandho. Niyate hi samuṭṭhāpakacitte cittasamuṭṭhānarūpassa siyā vavatthānanti.
гзсан̃жийд̇и гаамааважарагусалаад̣̇ийнам̣. гад̇т̇ажийд̇и ааруббз. гзсан̃жийд̇и ваа гзсан̃жи бан̃жавогааравибаагаанам̣. гад̇т̇ажийд̇и бадисанд̇хигкан̣з жаримагкан̣з жа. ‘‘д̇асмим̣ самаяз пассо ход̇ий’’д̇иаад̣̇инаа (д̇ха. са. 1) жид̇д̇асахабхаавинам̣ зва жид̇д̇зна самаяававад̇т̇аанам̣ гад̇анд̇и вуд̇д̇ам̣ ‘‘ажид̇д̇асахабхубхаавад̇о’’д̇и. д̇зсанд̇и убаад̣̇ааруубаанам̣. яо яасса сахабхаавзна убагаараго, со зва д̇асса самаяававад̇т̇аабагабхаавзна вуд̇д̇од̇и ааха ‘‘сахаж̇аад̇а…бз… д̇д̇анад̇о’’д̇и. нааби махаабхууд̇зхийд̇иаад̣̇инаа вавад̇т̇аанаабхаавамзва д̣̇ассзд̇и. гзсан̃жийд̇и агаммаж̇аад̣̇ийнам̣. гзхижийд̇и гаммаж̇аад̣̇ийхи. бавад̇д̇ид̇од̇и бавад̇д̇анад̇о. сахаад̇и згасмим̣ гаалз. абхааваад̇и нияог̇ад̇о абхааваа.
Kesañcīti kāmāvacarakusalādīnaṃ. Katthacīti āruppe. Kesañcīti vā kesañci pañcavokāravipākānaṃ. Katthacīti paṭisandhikkhaṇe carimakkhaṇe ca. ‘‘Tasmiṃ samaye phasso hotī’’tiādinā (dha. sa. 1) cittasahabhāvinaṃ eva cittena samayavavatthānaṃ katanti vuttaṃ ‘‘acittasahabhubhāvato’’ti. Tesanti upādārūpānaṃ. Yo yassa sahabhāvena upakārako, so eva tassa samayavavatthāpakabhāvena vuttoti āha ‘‘sahajāta…pe… ttanato’’ti. Nāpi mahābhūtehītiādinā vavatthānābhāvameva dasseti. Kesañcīti akammajādīnaṃ. Kehicīti kammajādīhi. Pavattitoti pavattanato. Sahāti ekasmiṃ kāle. Abhāvāti niyogato abhāvā.
вин̃н̃ад̇д̇и …бз… на саггаа вад̇д̇ум̣ махаабхууд̇зхи самаяававад̇т̇аанз гарияамаанз д̇зхи аяаавабхаавид̇ад̇ааяаад̇и ад̇хиббааяо. згасмим̣ гаалзд̇иаад̣̇инааби махаабхууд̇зхи самаяанияаманз вавад̇т̇аанаабхаавамзва вибхаавзд̇и. ‘‘д̇ат̇аа вибхаж̇анад̇т̇а’’нд̇и, ‘‘авибхад̇д̇ам̣ аб̣яаагад̇ам̣ ад̇т̇ийд̇и д̣̇ассзд̇у’’нд̇и жа имзсам̣ бад̣̇аанам̣ ‘‘вибхад̇д̇ам̣ авибхад̇д̇ан̃жа саб̣б̣ам̣ сан̇г̇ан̣ханд̇о аахаа’’д̇и иминаа самб̣анд̇хо. самаяававад̇т̇аанам̣ гад̇ваа нид̣̇д̣̇исияамаанасса ниббад̣̇зсад̇ааяа асамбхавад̇о згад̣̇зсам̣ нид̣̇д̣̇исид̇ваа сааман̃н̃зна ниг̇аманам̣ яуд̇д̇ам̣, агад̇ваа бана самаяававад̇т̇аанам̣ саруубад̇о нид̣̇д̣̇исанзна д̇ат̇аад̇и имамад̇т̇ам̣ ааха ‘‘самаяававад̇т̇аанзнаа’’д̇иаад̣̇инаа. авибхад̇д̇зд̇и вибаагагирияааб̣яаагад̇ам̣ вияа на буб̣б̣з вибхад̇д̇з. вибхаж̇ид̇аб̣б̣зд̇и бхзд̣̇аванд̇ад̇ааяа вибхаж̇анаарахз. д̣̇ассид̇зд̇и уд̣̇д̣̇исанавасзна д̣̇ассид̇з. вуд̇д̇амзвад̇т̇ам̣ вид̇т̇аарад̇арзна д̣̇ассзд̇ум̣ ‘‘зд̇т̇а банаа’’д̇иаад̣̇имааха.
Viññatti…pe… na sakkā vattuṃ mahābhūtehi samayavavatthāne kariyamāne tehi ayāvabhāvitatāyāti adhippāyo. Ekasmiṃ kāletiādināpi mahābhūtehi samayaniyamane vavatthānābhāvameva vibhāveti. ‘‘Tathā vibhajanattha’’nti, ‘‘avibhattaṃ abyākataṃ atthīti dassetu’’nti ca imesaṃ padānaṃ ‘‘vibhattaṃ avibhattañca sabbaṃ saṅgaṇhanto āhā’’ti iminā sambandho. Samayavavatthānaṃ katvā niddisiyamānassa nippadesatāya asambhavato ekadesaṃ niddisitvā sāmaññena nigamanaṃ yuttaṃ, akatvā pana samayavavatthānaṃ sarūpato niddisanena tathāti imamatthaṃ āha ‘‘samayavavatthānenā’’tiādinā. Avibhatteti vipākakiriyābyākataṃ viya na pubbe vibhatte. Vibhajitabbeti bhedavantatāya vibhajanārahe. Dassiteti uddisanavasena dassite. Vuttamevatthaṃ vitthāratarena dassetuṃ ‘‘ettha panā’’tiādimāha.
вибаагаад̣̇ид̇хаммаанам̣ наяанам̣ наяо, сова д̣̇ассананд̇и наяад̣̇ассанам̣. ‘‘д̣̇зсанаа’’д̇и вуд̇д̇ам̣ хздтаа г̇ахан̣амзва наяад̣̇ассананд̇и. д̣̇уд̇ияавигаббз бана гаамааважараад̣̇ибхаавзна нийяад̇ийд̇и наяо, гирияааб̣яаагад̇ам̣. д̇асса д̣̇ассанам̣ наяад̣̇ассананд̇и яож̇зд̇аб̣б̣ам̣. д̣̇угаад̣̇ийсу нид̣̇д̣̇зсаваарз жа хад̣̇аяавад̇т̇уно анааг̇ад̇ад̇д̇аа д̇ам̣ аг̇г̇ахзд̇ваа батамавигаббо вуд̇д̇о, згагз бана вад̇т̇уби г̇ахид̇анд̇и ‘‘хад̣̇аяавад̇т̇ун̃жаа’’д̇и д̣̇уд̇ияавигаббз вуд̇д̇ам̣. гим̣ бана гааран̣ам̣ д̣̇угаад̣̇ийсу нид̣̇д̣̇зсаваарз жа хад̣̇аяавад̇т̇у на г̇ахид̇анд̇и? ид̇аравад̇т̇уухи асамаанаг̇ад̇игад̇д̇аа д̣̇зсанаабхзд̣̇ад̇о жа. яат̇аа хи жагкувин̃н̃аан̣аад̣̇ийни зганд̇ад̇о жагкаад̣̇иниссаяаани, на звам̣ мановин̃н̃аан̣ам̣ зганд̇ад̇о хад̣̇аяавад̇т̇униссаяам̣, ниссид̇амукзна жа вад̇т̇уд̣̇угаад̣̇ид̣̇зсанаа бавад̇д̇аа. яамби зганд̇ад̇о хад̣̇аяавад̇т̇униссаяам̣, д̇асса васзна ‘‘ад̇т̇и руубам̣ мановин̃н̃аан̣асса вад̇т̇уу’’д̇иаад̣̇инаа д̣̇угаад̣̇ийсу вужжамаанзсуби д̇ад̣̇анугуулааарамман̣ад̣̇угаад̣̇аяо на самбхаванд̇и. на хи ‘‘ад̇т̇и руубам̣ мановин̃н̃аан̣асса аарамман̣ам̣, ад̇т̇и руубам̣ на мановин̃н̃аан̣асса аарамман̣а’’нд̇иаад̣̇инаа саггаа вад̇д̇унд̇и вад̇т̇аарамман̣ад̣̇угад̣̇зсанаа бхиннаг̇ад̇игаа сияум̣, самаанаг̇ад̇игаа жа д̇аа д̣̇зсзд̇ум̣ бхаг̇авад̇о аж̇жхаасаяо. зсаа хи бхаг̇авад̇о д̣̇зсанаа багад̇и. д̇знзва хи нигкзбаган̣д̣з жид̇д̇уббаад̣̇авибхааг̇зна авужжамаанад̇д̇аа авид̇аггаавижаарабад̣̇ависсаж̇ж̇анз вижаарод̇и вад̇д̇ум̣ на саггаад̇и авид̇аггавижаарамад̇д̇абад̣̇ависсаж̇ж̇анз лаб̣бхамааноби вид̇агго на уд̣̇д̇хадо, ан̃н̃ат̇аа вид̇агго жаад̇и вад̇д̇аб̣б̣ам̣ сияаад̇и. звам̣ ид̇аравад̇т̇уухи асамаанаг̇ад̇игад̇д̇аа д̣̇зсанаабхзд̣̇ад̇о жа д̣̇угаад̣̇ийсу уд̣̇д̣̇зсз на г̇ахид̇ам̣. уд̣̇д̣̇идтассзва хи нид̣̇д̣̇исанад̇о нид̣̇д̣̇зсзби на г̇ахид̇ам̣ хад̣̇аяавад̇т̇ууд̇и вад̣̇анд̇и.
Vipākādidhammānaṃ nayanaṃ nayo, sova dassananti nayadassanaṃ. ‘‘Desanā’’ti vuttaṃ heṭṭhā gahaṇameva nayadassananti. Dutiyavikappe pana kāmāvacarādibhāvena nīyatīti nayo, kiriyābyākataṃ. Tassa dassanaṃ nayadassananti yojetabbaṃ. Dukādīsu niddesavāre ca hadayavatthuno anāgatattā taṃ aggahetvā paṭhamavikappo vutto, ekake pana vatthupi gahitanti ‘‘hadayavatthuñcā’’ti dutiyavikappe vuttaṃ. Kiṃ pana kāraṇaṃ dukādīsu niddesavāre ca hadayavatthu na gahitanti? Itaravatthūhi asamānagatikattā desanābhedato ca. Yathā hi cakkhuviññāṇādīni ekantato cakkhādinissayāni, na evaṃ manoviññāṇaṃ ekantato hadayavatthunissayaṃ, nissitamukhena ca vatthudukādidesanā pavattā. Yampi ekantato hadayavatthunissayaṃ, tassa vasena ‘‘atthi rūpaṃ manoviññāṇassa vatthū’’tiādinā dukādīsu vuccamānesupi tadanukūlaārammaṇadukādayo na sambhavanti. Na hi ‘‘atthi rūpaṃ manoviññāṇassa ārammaṇaṃ, atthi rūpaṃ na manoviññāṇassa ārammaṇa’’ntiādinā sakkā vattunti vatthārammaṇadukadesanā bhinnagatikā siyuṃ, samānagatikā ca tā desetuṃ bhagavato ajjhāsayo. Esā hi bhagavato desanā pakati. Teneva hi nikkhepakaṇḍe cittuppādavibhāgena avuccamānattā avitakkāvicārapadavissajjane vicāroti vattuṃ na sakkāti avitakkavicāramattapadavissajjane labbhamānopi vitakko na uddhaṭo, aññathā vitakko cāti vattabbaṃ siyāti. Evaṃ itaravatthūhi asamānagatikattā desanābhedato ca dukādīsu uddese na gahitaṃ. Uddiṭṭhasseva hi niddisanato niddesepi na gahitaṃ hadayavatthūti vadanti.
жагкаад̣̇ид̣̇асагаа сад̇д̇аад̇и жагкусод̇агхаанаж̇ивхаагааяаид̇т̇ибхаавабурисабхаавад̣̇асагаа сад̇д̇а, згасанд̇аанавасзна ваа жагкусод̇агхаанаж̇ивхаагааяабхаававад̇т̇уд̣̇асагаа сад̇д̇а. ниб̣б̣аанасса асад̇иби барамад̇т̇ад̇о бхзд̣̇з баригаббид̇абхзд̣̇оби бхзд̣̇оязва вохаарависаязд̇и гад̇ваа собаад̣̇исзсаад̣̇ибхзд̣̇о вуд̇д̇о.
Cakkhādidasakāsattāti cakkhusotaghānajivhākāyaitthibhāvapurisabhāvadasakā satta, ekasantānavasena vā cakkhusotaghānajivhākāyabhāvavatthudasakā satta. Nibbānassa asatipi paramatthato bhede parikappitabhedopi bhedoyeva vohāravisayeti katvā sopādisesādibhedo vutto.
584. гин̃жааби ан̃н̃ад̇т̇а гуггудан̣д̣асан̣таанз бариман̣д̣ала-сад̣̇д̣̇о д̣̇иссад̇и, жаггасан̣таанад̇аа бана ваддасан̣таанз жаггаваал̣з вужжамаано бариман̣д̣ала-сад̣̇д̣̇о ваддабарияааяо сияаа. анзгад̇т̇аа хи сад̣̇д̣̇аад̇и ад̇хиббааязнааха ‘‘ваддам̣ бариман̣д̣ала’’нд̇и. зд̇т̇а жа синзруяуг̇анд̇хараад̣̇ийнам̣ самуд̣̇д̣̇ад̇о убариад̇хобхааг̇аанам̣ васзна уб̣б̣зд̇хо вуд̇д̇о, ааяаамавид̇т̇аарзхиби синзру жад̇ураасийд̇ияож̇анасахассабаримаан̣ова. яат̇ааха ‘‘синзру, бхигкавз, баб̣б̣ад̇арааж̇аа жад̇ураасийд̇и яож̇анасахассаани ааяаамзна, жад̇ураасийд̇и яож̇анасахассаани вид̇т̇аарзнаа’’д̇и (а. ни. 7.66). синзрум̣ баагаарабаригкзбавасзна баригкибид̇ваа тид̇аа яуг̇анд̇хараад̣̇аяо, синзруяуг̇анд̇хараад̣̇ийнам̣ анд̇арзби сийд̇асамуд̣̇д̣̇аа наама. ‘‘д̇з висаалад̇о яат̇ааггамам̣ синзруаад̣̇ийнам̣ ажжуг̇г̇аманасамаанабаримаан̣аа’’д̇и вад̣̇анд̇и.
584. Kiñcāpi aññattha kukkuṭaṇḍasaṇṭhāne parimaṇḍala-saddo dissati, cakkasaṇṭhānatā pana vaṭṭasaṇṭhāne cakkavāḷe vuccamāno parimaṇḍala-saddo vaṭṭapariyāyo siyā. Anekatthā hi saddāti adhippāyenāha ‘‘vaṭṭaṃ parimaṇḍala’’nti. Ettha ca sineruyugandharādīnaṃ samuddato upariadhobhāgānaṃ vasena ubbedho vutto, āyāmavitthārehipi sineru caturāsītiyojanasahassaparimāṇova. Yathāha ‘‘sineru, bhikkhave, pabbatarājā caturāsīti yojanasahassāni āyāmena, caturāsīti yojanasahassāni vitthārenā’’ti (a. ni. 7.66). Sineruṃ pākāraparikkhepavasena parikkhipitvā ṭhitā yugandharādayo, sineruyugandharādīnaṃ antarepi sītasamuddā nāma. ‘‘Te visālato yathākkamaṃ sineruādīnaṃ accuggamanasamānaparimāṇā’’ti vadanti.
годисад̇асахассажаггаваал̣ассзва аан̣аакзд̇д̇абхааво д̣̇асасахассажаггаваал̣асса ж̇аад̇икзд̇д̇абхааво вияа д̇хаммад̇аавасзнзва взд̣̇ид̇аб̣б̣о. вигаббасамаанасамужжаяавибхааванзсу вияа авад̇хааран̣з анияамз жа ваа-сад̣̇д̣̇о вад̇д̇ад̇ийд̇и д̇ат̇аа яож̇анаа гад̇аа. анзгад̇т̇аа хи нибаад̇аад̇и. д̇ад̇т̇а анзганд̇игад̇т̇о анияамад̇т̇о.
Koṭisatasahassacakkavāḷasseva āṇākhettabhāvo dasasahassacakkavāḷassa jātikhettabhāvo viya dhammatāvaseneva veditabbo. Vikappasamānasamuccayavibhāvanesu viya avadhāraṇe aniyame ca vā-saddo vattatīti tathā yojanā katā. Anekatthā hi nipātāti. Tattha anekantikattho aniyamattho.
сийлаад̣̇ивисуд̣̇д̇хисамбаад̣̇анзна, жад̇уд̇хаад̇увавад̇т̇аанавасзнзва ваа махаагижжад̇ааяа маханд̇зна вааяаамзна. сад̇иби лагкан̣аад̣̇ибхзд̣̇з згасмим̣ зва гаалз згасмим̣ санд̇аанз анзгасад̇асахассагалаабавуд̇д̇ид̇о маханд̇аани б̣ахууни бхууд̇аани барамад̇т̇ад̇о виж̇ж̇амаанаанийд̇и ваа махаабхууд̇аани яат̇аа ‘‘махааж̇ано’’д̇и. званд̇и ‘‘убаад̣̇ааяа бавад̇д̇а’’нд̇и ад̇т̇з сад̇и бадижжасамуббаннад̇аа вуд̇д̇аа ход̇и бажжаяасамбхууд̇ад̇аад̣̇ийбанад̇о. убаад̣̇ааяад̇ийд̇и убаад̣̇ааяад̇и зваад̇и ад̇хиббааяо. д̇знзвааха ‘‘зганд̇аниссид̇ассаа’’д̇и. ‘‘бхавад̇и хи ниссаяаруубаанам̣ саамибхааво’’д̇и аад̇хаараад̇хзяяасамб̣анд̇хаважанижчааяа абхаавз аад̇хаарабхууд̇оби ад̇т̇о сам̣саамисамб̣анд̇хаважанижчааяа саамибхаавзна вужжад̇и яат̇аа ‘‘ругкасса саакаа’’д̇и ад̇хиббааяо.
Sīlādivisuddhisampādanena, catudhātuvavatthānavaseneva vā mahākiccatāya mahantena vāyāmena. Satipi lakkhaṇādibhede ekasmiṃ eva kāle ekasmiṃ santāne anekasatasahassakalāpavuttito mahantāni bahūni bhūtāni paramatthato vijjamānānīti vā mahābhūtāni yathā ‘‘mahājano’’ti. Evanti ‘‘upādāya pavatta’’nti atthe sati paṭiccasamuppannatā vuttā hoti paccayasambhūtatādīpanato. Upādāyatīti upādāyati evāti adhippāyo. Tenevāha ‘‘ekantanissitassā’’ti. ‘‘Bhavati hi nissayarūpānaṃ sāmibhāvo’’ti ādhārādheyyasambandhavacanicchāya abhāve ādhārabhūtopi attho saṃsāmisambandhavacanicchāya sāmibhāvena vuccati yathā ‘‘rukkhassa sākhā’’ti adhippāyo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / маад̇игаа • Mātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / уд̣̇д̣̇зсаван̣н̣анаа • Uddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / уд̣̇д̣̇зсаван̣н̣анаа • Uddesavaṇṇanā
