| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
2. уд̣̇д̣̇зсаваараван̣н̣анаа
2. Uddesavāravaṇṇanā
1. звам̣ сан̇г̇ахаваарзна сан̇кзбад̇о д̣̇ассид̇з хаараад̣̇аяо ид̣̇аани вибхааг̇зна д̣̇ассзд̇ум̣ ‘‘д̇ад̇т̇а гад̇амз сол̣аса хаараа’’д̇иаад̣̇ид̣̇зсанаа аарад̣̇д̇хаа. д̇ад̇т̇а д̇ад̇т̇аад̇и яам̣ вуд̇д̇ам̣ – ‘‘сол̣асахаараа нзд̇д̇ий’’д̇и, д̇асмим̣ важанз, д̇иссам̣ ваа г̇аат̇ааяам̣, яаани хааранаяамуулабад̣̇аани уд̣̇д̇хадаани, д̇зсууд̇и ад̇т̇о. гад̇амзд̇и бужчааважанам̣. бужчаа жа наамзсаа бан̃жавид̇хаа ад̣̇идтаж̇од̇анаабужчаа д̣̇идтасам̣санд̣̇анаабужчаа вимад̇ижчзд̣̇анаабужчаа анумад̇ибужчаа гат̇зд̇угамяад̇аабужчаад̇и. д̇аасу аяам̣ гат̇зд̇угамяад̇аабужчаа. сол̣асаад̇и г̇ан̣анавасзна барижчзд̣̇о. д̇зна нзсам̣ на д̇ад̇о уд̣̇д̇хам̣ ад̇хо жаад̇и зд̇абарамад̇ам̣ д̣̇ассзд̇и. саа жзд̇абарамад̇аа барад̇о аави бхависсад̇и. хаараад̇и г̇ан̣анавасзна барижчиннаанам̣ сааман̃н̃ад̇о д̣̇ассанам̣. д̣̇зсанаа вижаяод̇иаад̣̇и саруубад̣̇ассанам̣.
1. Evaṃ saṅgahavārena saṅkhepato dassite hārādayo idāni vibhāgena dassetuṃ ‘‘tattha katame soḷasa hārā’’tiādidesanā āraddhā. Tattha tatthāti yaṃ vuttaṃ – ‘‘soḷasahārā nettī’’ti, tasmiṃ vacane, tissaṃ vā gāthāyaṃ, yāni hāranayamūlapadāni uddhaṭāni, tesūti attho. Katameti pucchāvacanaṃ. Pucchā ca nāmesā pañcavidhā adiṭṭhajotanāpucchā diṭṭhasaṃsandanāpucchā vimaticchedanāpucchā anumatipucchā kathetukamyatāpucchāti. Tāsu ayaṃ kathetukamyatāpucchā. Soḷasāti gaṇanavasena paricchedo. Tena nesaṃ na tato uddhaṃ adho cāti etaparamataṃ dasseti. Sā cetaparamatā parato āvi bhavissati. Hārāti gaṇanavasena paricchinnānaṃ sāmaññato dassanaṃ. Desanā vicayotiādi sarūpadassanaṃ.
д̇ад̇т̇а гзнадтзна хаараа? харийяанд̇и зд̇зхи, зд̇т̇а ваа суд̇д̇аг̇зяяаад̣̇ивисаяаа ан̃н̃аан̣асам̣саяавибаллаасаад̇и хаараа, харанд̇и ваа саяам̣ д̇аани, харан̣амад̇д̇амзва ваад̇и хаараа палуубажаарзна. ат̇а ваа харийяанд̇и вохарийяанд̇и д̇хаммасам̣ван̣н̣агад̇хаммабадиг̇г̇аахагзхи д̇хаммасса д̣̇аанаг̇г̇ахан̣авасзнаад̇и хаараа. ат̇а ваа хаараа вияаад̇и хаараа. яат̇аа хи анзгарад̇анаавалисамуухо хаарасан̇каад̇о ад̇д̇ано аваяавабхууд̇арад̇анасампассзхи самуббаж̇ж̇анийяамаанахилаад̣̇асуко худ̇ваа д̇ад̣̇убабхог̇ийж̇анасарийрасанд̇аабам̣ нид̣̇аагхабарил̣аахубаж̇анид̇ам̣ вуубасамзд̇и, звамзд̇зби наанаавид̇хабарамад̇т̇арад̇анаббаб̣анд̇хаа сам̣ван̣н̣анаависзсаа ад̇д̇ано аваяавабхууд̇абарамад̇т̇арад̇анаад̇хиг̇амзна самуббаад̣̇ияамаананиб̣б̣уд̇исукаа д̇хаммабадиг̇г̇аахагаж̇анахад̣̇аяабарид̇аабам̣ гаамарааг̇аад̣̇игилзсахзд̇угам̣ вуубасамзнд̇ийд̇и. ат̇а ваа хаараяанд̇и ан̃н̃аан̣аад̣̇ийнам̣ хаарам̣ абаг̇амам̣ гаронд̇и аажигканд̇ийд̇и ваа хаараа. ат̇а ваа сод̇уж̇анажид̇д̇асса харан̣ад̇о раман̣ад̇о жа хаараа нируд̇д̇инаязна, яат̇аа – ‘‘бхавзсу ванд̇аг̇амано бхаг̇аваа’’д̇и (висуд̣̇д̇хи. 1.144; баараа. адта. 1.1 взран̃ж̇аган̣д̣аван̣н̣анаа). аяам̣ д̇аава хаараанам̣ саад̇хааран̣ад̇о ад̇т̇о.
Tattha kenaṭṭhena hārā? Harīyanti etehi, ettha vā suttageyyādivisayā aññāṇasaṃsayavipallāsāti hārā, haranti vā sayaṃ tāni, haraṇamattameva vāti hārā phalūpacārena. Atha vā harīyanti voharīyanti dhammasaṃvaṇṇakadhammapaṭiggāhakehi dhammassa dānaggahaṇavasenāti hārā. Atha vā hārā viyāti hārā. Yathā hi anekaratanāvalisamūho hārasaṅkhāto attano avayavabhūtaratanasamphassehi samuppajjanīyamānahilādasukho hutvā tadupabhogījanasarīrasantāpaṃ nidāghapariḷāhupajanitaṃ vūpasameti, evametepi nānāvidhaparamattharatanappabandhā saṃvaṇṇanāvisesā attano avayavabhūtaparamattharatanādhigamena samuppādiyamānanibbutisukhā dhammapaṭiggāhakajanahadayaparitāpaṃ kāmarāgādikilesahetukaṃ vūpasamentīti. Atha vā hārayanti aññāṇādīnaṃ hāraṃ apagamaṃ karonti ācikkhantīti vā hārā. Atha vā sotujanacittassa haraṇato ramaṇato ca hārā niruttinayena, yathā – ‘‘bhavesu vantagamano bhagavā’’ti (visuddhi. 1.144; pārā. aṭṭha. 1.1 verañjakaṇḍavaṇṇanā). Ayaṃ tāva hārānaṃ sādhāraṇato attho.
асаад̇хааран̣ад̇о бана д̣̇зсийяад̇и сам̣ван̣н̣ийяад̇и зд̇ааяа суд̇д̇ад̇т̇од̇и д̣̇зсанаа, д̣̇зсанаасахажаран̣ад̇о ваа д̣̇зсанаа. нану жа ан̃н̃зби хаараа д̣̇зсанаасан̇каад̇асса суд̇д̇асса ад̇т̇асам̣ван̣н̣анад̇о д̣̇зсанаасахажаариноваад̇и? сажжамзд̇ам̣, аяам̣ бана хааро язбхуяязна яат̇ааруд̇авасзнзва вин̃н̃ааяамаано д̣̇зсанааяа саха жарад̇ийд̇и вад̇д̇аб̣б̣ад̇ам̣ арахад̇и, на д̇ат̇аа барз. на хи ассаад̣̇аад̣̇ийнаваниссаран̣аад̣̇исанд̣̇ассанарахид̇аа суд̇д̇ад̣̇зсанаа ад̇т̇и. ассаад̣̇аад̣̇исанд̣̇ассанавибхааваналагкан̣о жааяам̣ хаарод̇и.
Asādhāraṇato pana desīyati saṃvaṇṇīyati etāya suttatthoti desanā, desanāsahacaraṇato vā desanā. Nanu ca aññepi hārā desanāsaṅkhātassa suttassa atthasaṃvaṇṇanato desanāsahacārinovāti? Saccametaṃ, ayaṃ pana hāro yebhuyyena yathārutavaseneva viññāyamāno desanāya saha caratīti vattabbataṃ arahati, na tathā pare. Na hi assādādīnavanissaraṇādisandassanarahitā suttadesanā atthi. Assādādisandassanavibhāvanalakkhaṇo cāyaṃ hāroti.
вижияанд̇и зд̇зна, зд̇т̇а ваа бад̣̇абан̃хаад̣̇аяо, вижид̇и зва ваа д̇зсанд̇и вижаяо. баал̣ияам̣ бана вижинад̇ийд̇и вижаяод̇и аяамад̇т̇о д̣̇ассид̇о.
Viciyanti etena, ettha vā padapañhādayo, viciti eva vā tesanti vicayo. Pāḷiyaṃ pana vicinatīti vicayoti ayamattho dassito.
яуд̇д̇ийд̇и убабад̇д̇исаад̇ханаяуд̇д̇и, ид̇ха бана яуд̇д̇ивижааран̣аа яуд̇д̇и уд̇д̇арабад̣̇алобзна ‘‘руубабхаво рууба’’нд̇и яат̇аа, яуд̇д̇исахажаран̣ад̇о ваа. ид̇хааби д̣̇зсанаахаарз вуд̇д̇анаязна ад̇т̇о вид̇т̇аарзд̇аб̣б̣о.
Yuttīti upapattisādhanayutti, idha pana yuttivicāraṇā yutti uttarapadalopena ‘‘rūpabhavo rūpa’’nti yathā, yuttisahacaraṇato vā. Idhāpi desanāhāre vuttanayena attho vitthāretabbo.
бад̣̇адтаананд̇и аасаннагааран̣ам̣, ид̇хааби бад̣̇адтаанавижааран̣аад̇иаад̣̇и вуд̇д̇анаязнзва взд̣̇ид̇аб̣б̣ам̣.
Padaṭṭhānanti āsannakāraṇaṃ, idhāpi padaṭṭhānavicāraṇātiādi vuttanayeneva veditabbaṃ.
лагкийяанд̇и зд̇зна, зд̇т̇а ваа згалагкан̣аа д̇хаммаа авуд̇д̇ааби згаважанзнаад̇и лагкан̣ам̣.
Lakkhīyanti etena, ettha vā ekalakkhaṇā dhammā avuttāpi ekavacanenāti lakkhaṇaṃ.
вияуухийяанд̇и вибхааг̇зна бин̣д̣ийяанд̇и зд̇зна, зд̇т̇а ваад̇и б̣яуухо. ниб̣б̣ажанаад̣̇ийнам̣ суд̇д̇з д̣̇ассияамаанаанам̣ жад̇уннам̣ б̣яууход̇и жад̇уб̣яуухо, жад̇уннам̣ ваа б̣яуухо зд̇т̇аад̇и жад̇уб̣яуухо.
Viyūhīyanti vibhāgena piṇḍīyanti etena, ettha vāti byūho. Nibbacanādīnaṃ sutte dassiyamānānaṃ catunnaṃ byūhoti catubyūho, catunnaṃ vā byūho etthāti catubyūho.
ааваддийяанд̇и зд̇зна, зд̇т̇а ваа сабхааг̇аа висабхааг̇аа жа д̇хаммаа, д̇зсам̣ ваа ааваддананд̇и ааваддо.
Āvaṭṭīyanti etena, ettha vā sabhāgā visabhāgā ca dhammā, tesaṃ vā āvaṭṭananti āvaṭṭo.
вибхаж̇ийяанд̇и зд̇зна, зд̇т̇а ваа саад̇хааран̣аасаад̇хааран̣аанам̣ сам̣гилзсавод̣̇аанад̇хаммаанам̣ бхуумияод̇и вибхад̇д̇и, вибхаж̇анам̣ ваа зд̇зсам̣ бхуумияаад̇и вибхад̇д̇и.
Vibhajīyanti etena, ettha vā sādhāraṇāsādhāraṇānaṃ saṃkilesavodānadhammānaṃ bhūmiyoti vibhatti, vibhajanaṃ vā etesaṃ bhūmiyāti vibhatti.
бадибагкавасзна баривад̇д̇ийяанд̇и иминаа, зд̇т̇а ваа суд̇д̇з вуд̇д̇ад̇хаммаа, баривад̇д̇анам̣ ваа д̇зсанд̇и баривад̇д̇ано.
Paṭipakkhavasena parivattīyanti iminā, ettha vā sutte vuttadhammā, parivattanaṃ vā tesanti parivattano.
вивид̇хам̣ важанам̣ згассзвад̇т̇асса ваажагамзд̇т̇аад̇и виважанам̣, виважанамзва взважанам̣, вивид̇хам̣ вужжад̇и зд̇зна ад̇т̇од̇и ваа виважанам̣. сзсам̣ вуд̇д̇анаяамзва.
Vividhaṃ vacanaṃ ekassevatthassa vācakametthāti vivacanaṃ, vivacanameva vevacanaṃ, vividhaṃ vuccati etena atthoti vā vivacanaṃ. Sesaṃ vuttanayameva.
багаарзхи бабхзд̣̇ад̇о ваа н̃аабийяанд̇и иминаа, зд̇т̇а ваа ад̇т̇аад̇и бан̃н̃ад̇д̇и.
Pakārehi pabhedato vā ñāpīyanti iminā, ettha vā atthāti paññatti.
од̇аарийяанд̇и ануббавзсийяанд̇и зд̇зна, зд̇т̇а ваа суд̇д̇ааг̇ад̇аа д̇хаммаа бадижжасамуббаад̣̇аад̣̇ийсууд̇и од̇аран̣о.
Otārīyanti anuppavesīyanti etena, ettha vā suttāgatā dhammā paṭiccasamuppādādīsūti otaraṇo.
сод̇хийяанд̇и самаад̇хийяанд̇и зд̇зна, зд̇т̇а ваа суд̇д̇з бад̣̇абад̣̇ад̇т̇абан̃хаарамбхаад̇и сод̇хано.
Sodhīyanti samādhīyanti etena, ettha vā sutte padapadatthapañhārambhāti sodhano.
ад̇хидтийяанд̇и анубавад̇д̇ийяанд̇и зд̇зна, зд̇т̇а ваа сааман̃н̃ависзсабхууд̇аа д̇хаммаа винаа вигаббзнаад̇и ад̇хидтаано.
Adhiṭṭhīyanti anupavattīyanti etena, ettha vā sāmaññavisesabhūtā dhammā vinā vikappenāti adhiṭṭhāno.
баригарод̇и абхисан̇карод̇и паланд̇и баригкааро, хзд̇у бажжаяо жа, баригкаарам̣ аажигкад̇ийд̇и баригкааро, хааро, баригкаарависаяад̇д̇аа баригкаарасахажаран̣ад̇о ваа баригкааро.
Parikaroti abhisaṅkharoti phalanti parikkhāro, hetu paccayo ca, parikkhāraṃ ācikkhatīti parikkhāro, hāro, parikkhāravisayattā parikkhārasahacaraṇato vā parikkhāro.
самааробийяанд̇и зд̇зна, зд̇т̇а ваа бад̣̇адтаанаад̣̇имукзна д̇хаммаад̇и самааробано. саб̣б̣ад̇т̇а жа бхаавасаад̇ханавасзнааби ад̇т̇о самбхавад̇ийд̇и д̇ассааби васзна яож̇зд̇аб̣б̣ам̣.
Samāropīyanti etena, ettha vā padaṭṭhānādimukhena dhammāti samāropano. Sabbattha ca bhāvasādhanavasenāpi attho sambhavatīti tassāpi vasena yojetabbaṃ.
д̇ассаад̇и яат̇аавуд̇д̇асса хааруд̣̇д̣̇зсасса. ануг̇ийд̇ийд̇и вуд̇д̇ассзвад̇т̇асса сукаг̇г̇ахан̣ад̇т̇ам̣ анубажчаа г̇ааяанаг̇аат̇аа, д̇аасу осаанаг̇аат̇ааяа ад̇т̇ад̇о асам̣гин̣н̣аад̇и бад̣̇ад̇т̇зна сан̇гарарахид̇аа, д̇зна яад̣̇иби гзжи хаараа ан̃н̃аман̃н̃ам̣ ависидтаа вияа д̣̇иссанд̇и, д̇ат̇ааби д̇зсам̣ ад̇т̇ад̇о сан̇гаро над̇т̇ийд̇и д̣̇ассзд̇и. со жа нзсам̣ асан̇гаро лагкан̣анид̣̇д̣̇зсз субаагадо ход̇и. зд̇зсан̃жзваад̇и зд̇зсам̣ сол̣асаннам̣ хаараанам̣. яат̇аа асан̇гаро, д̇ат̇аа жзва бхавад̇и. гим̣ бхавад̇и? вид̇т̇аарад̇аяаа вид̇т̇аарзна. наяавибхад̇д̇и наязна убааязна н̃ааязна вибхааг̇о. зд̇зна д̇ам̣ зва асан̇гин̣н̣ад̇ам̣ вибхаавзд̇и. гзжи ‘‘вид̇т̇ааранаяаа’’д̇и батанд̇и, д̇ам̣ на сунд̣̇арам̣, аяан̃жа г̇аат̇аа гзсужи бод̇т̇агзсу над̇т̇и.
Tassāti yathāvuttassa hāruddesassa. Anugītīti vuttassevatthassa sukhaggahaṇatthaṃ anupacchā gāyanagāthā, tāsu osānagāthāya atthato asaṃkiṇṇāti padatthena saṅkararahitā, tena yadipi keci hārā aññamaññaṃ avisiṭṭhā viya dissanti, tathāpi tesaṃ atthato saṅkaro natthīti dasseti. So ca nesaṃ asaṅkaro lakkhaṇaniddese supākaṭo hoti. Etesañcevāti etesaṃ soḷasannaṃ hārānaṃ. Yathā asaṅkaro, tathā ceva bhavati. Kiṃ bhavati? Vitthāratayā vitthārena. Nayavibhatti nayena upāyena ñāyena vibhāgo. Etena taṃ eva asaṅkiṇṇataṃ vibhāveti. Keci ‘‘vitthāranayā’’ti paṭhanti, taṃ na sundaraṃ, ayañca gāthā kesuci potthakesu natthi.
2. звам̣ хаарз уд̣̇д̣̇исид̇ваа ид̣̇аани наяз уд̣̇д̣̇исид̇ум̣ ‘‘д̇ад̇т̇а гад̇амз’’д̇иаад̣̇и вуд̇д̇ам̣. д̇ад̇т̇а наяанд̇и сам̣гилзсз вод̣̇аанаани жа вибхааг̇ад̇о н̃аабзнд̇ийд̇и наяаа, нийяанд̇и ваа д̇аани зд̇зхи , зд̇т̇а ваад̇и наяаа, наяанамад̇д̇амзва ваад̇и наяаа, нийяанд̇и ваа саяам̣ д̇хаммагат̇игзхи убанийяанд̇и суд̇д̇асса ад̇т̇абавижаяад̇т̇анд̇и наяаа. ат̇а ваа наяаа вияаад̇и наяаа. яат̇аа хи згад̇д̇аад̣̇аяо наяаа саммаа бадивиж̇жхияамаанаа бажжаяабажжаяуббаннад̇хаммаанам̣ яат̇ааггамам̣ самб̣анд̇хавибхааг̇аб̣яаабааравирахаануруубапалабхаавад̣̇ассанзна асан̇гарад̇о саммуд̇исажжабарамад̇т̇асажжаанам̣ сабхаавам̣ бавзд̣̇аяанд̇аа барамад̇т̇асажжаббадивзд̇хааяа сам̣вад̇д̇анд̇и, звамзд̇зби ган̣хасуггасаббадибхааг̇ад̇хаммавибхааг̇ад̣̇ассанзна авибарийд̇асуд̇д̇ад̇т̇ааваб̣од̇хааяа абхисамбхун̣анд̇аа взнзяяаанам̣ жад̇усажжаббадивзд̇хааяа сам̣вад̇д̇анд̇и. ат̇а ваа барияад̇д̇иад̇т̇асса наяанад̇о сам̣гилзсад̇о яаманад̇о жа наяаа нируд̇д̇инаязна.
2. Evaṃ hāre uddisitvā idāni naye uddisituṃ ‘‘tattha katame’’tiādi vuttaṃ. Tattha nayanti saṃkilese vodānāni ca vibhāgato ñāpentīti nayā, nīyanti vā tāni etehi , ettha vāti nayā, nayanamattameva vāti nayā, nīyanti vā sayaṃ dhammakathikehi upanīyanti suttassa atthapavicayatthanti nayā. Atha vā nayā viyāti nayā. Yathā hi ekattādayo nayā sammā paṭivijjhiyamānā paccayapaccayuppannadhammānaṃ yathākkamaṃ sambandhavibhāgabyāpāravirahānurūpaphalabhāvadassanena asaṅkarato sammutisaccaparamatthasaccānaṃ sabhāvaṃ pavedayantā paramatthasaccappaṭivedhāya saṃvattanti, evametepi kaṇhasukkasappaṭibhāgadhammavibhāgadassanena aviparītasuttatthāvabodhāya abhisambhuṇantā veneyyānaṃ catusaccappaṭivedhāya saṃvattanti. Atha vā pariyattiatthassa nayanato saṃkilesato yamanato ca nayā niruttinayena.
нанд̣̇ияааваддод̇иаад̣̇ийсу нанд̣̇ияааваддасса вияа ааваддо зд̇ассаад̇и нанд̣̇ияааваддо, яат̇аа хи нанд̣̇ияааваддо анд̇отид̇зна бад̇хаанааваяавзна б̣ахид̣̇д̇хаа ааваддад̇и, звамаяамби наяод̇и ад̇т̇о. ат̇а ваа нанд̣̇ияаа д̇ан̣хааяа бамод̣̇асса ваа ааваддо зд̇т̇аад̇и нанд̣̇ияааваддо. д̇ийхи аваяавзхи лобхаад̣̇ийхи сам̣гилзсабагкз алобхаад̣̇ийхи жа вод̣̇аанабагкз бугкало собханод̇и д̇ибугкало. асанд̇аасанаж̇авабараггамаад̣̇ивисзсаяог̇зна сийхо бхаг̇аваа, д̇асса виггийл̣ид̇ам̣ д̣̇зсанааважийгаммабхууд̇о вихаарод̇и гад̇ваа вибаллаасад̇аббадибагкабарид̣̇ийбанад̇о сийхасса виггийл̣ид̇ам̣ зд̇т̇аад̇и сийхавиггийл̣ид̇о, наяо. б̣алависзсаяог̇ад̣̇ийбанад̇о ваа сийхавиггийл̣ид̇асад̣̇исад̇д̇аа наяо сийхавиггийл̣ид̇о. б̣алависзсо жзд̇т̇а сад̣̇д̇хаад̣̇иб̣алам̣, д̣̇асаб̣алаани зва ваа. ад̇т̇анаяад̇д̇аяад̣̇исаабхаавзна гусалаад̣̇ид̇хаммаанам̣ ааложанам̣ д̣̇исааложанам̣. д̇ат̇аа ааложид̇аанам̣ д̇зсам̣ д̇хаммаанам̣ ад̇т̇анаяад̇д̇аяаяож̇анз самаанаяанад̇о ан̇гусо вияа ан̇гусо. г̇аат̇аасу лан̃ж̇зд̇и багаасзд̇и суд̇д̇ад̇т̇анд̇и лан̃ж̇аго, наяо жа со лан̃ж̇аго жаад̇и наяалан̃ж̇аго. г̇ад̇аад̇и н̃аад̇аа, мад̇аад̇и ад̇т̇о. со зва ваа баато. сзсам̣ вуд̇д̇анаязна взд̣̇ид̇аб̣б̣ам̣.
Nandiyāvaṭṭotiādīsu nandiyāvaṭṭassa viya āvaṭṭo etassāti nandiyāvaṭṭo, yathā hi nandiyāvaṭṭo antoṭhitena padhānāvayavena bahiddhā āvaṭṭati, evamayampi nayoti attho. Atha vā nandiyā taṇhāya pamodassa vā āvaṭṭo etthāti nandiyāvaṭṭo. Tīhi avayavehi lobhādīhi saṃkilesapakkhe alobhādīhi ca vodānapakkhe pukkhalo sobhanoti tipukkhalo. Asantāsanajavaparakkamādivisesayogena sīho bhagavā, tassa vikkīḷitaṃ desanāvacīkammabhūto vihāroti katvā vipallāsatappaṭipakkhaparidīpanato sīhassa vikkīḷitaṃ etthāti sīhavikkīḷito, nayo. Balavisesayogadīpanato vā sīhavikkīḷitasadisattā nayo sīhavikkīḷito. Balaviseso cettha saddhādibalaṃ, dasabalāni eva vā. Atthanayattayadisābhāvena kusalādidhammānaṃ ālocanaṃ disālocanaṃ. Tathā ālocitānaṃ tesaṃ dhammānaṃ atthanayattayayojane samānayanato aṅkuso viya aṅkuso. Gāthāsu lañjeti pakāseti suttatthanti lañjako, nayo ca so lañjako cāti nayalañjako. Gatāti ñātā, matāti attho. So eva vā pāṭho. Sesaṃ vuttanayena veditabbaṃ.
3. звам̣ наязби уд̣̇д̣̇исид̇ваа ид̣̇аани муулабад̣̇аани уд̣̇д̣̇исид̇ум̣ ‘‘д̇ад̇т̇а гад̇амааний’’д̇иаад̣̇и аарад̣̇д̇хам̣. д̇ад̇т̇а муулаани жа д̇аани наяаанам̣ бадтаанабхааг̇аанан̃жа бад̇идтаабхаавад̇о бад̣̇аани жа ад̇хиг̇амуубааяабхаавад̇о годтаасабхаавад̇о жаад̇и муулабад̣̇аани. госалласамбхууд̇адтзна, гужчид̇аанам̣ ваа баабад̇хаммаанам̣ саланад̇о вид̣̇д̇хам̣санад̇о, гусаанам̣ ваа рааг̇аад̣̇ийнам̣ лаванад̇о, гусаа вияа ваа лаванад̇о, гусзна ваа н̃аан̣зна лаад̇аб̣б̣ад̇о бавад̇д̇зд̇аб̣б̣ад̇о гусалаани, д̇аббадибагкад̇о агусалаанийд̇и бад̣̇ад̇т̇о взд̣̇ид̇аб̣б̣о.
3. Evaṃ nayepi uddisitvā idāni mūlapadāni uddisituṃ ‘‘tattha katamānī’’tiādi āraddhaṃ. Tattha mūlāni ca tāni nayānaṃ paṭṭhānabhāgānañca patiṭṭhābhāvato padāni ca adhigamūpāyabhāvato koṭṭhāsabhāvato cāti mūlapadāni. Kosallasambhūtaṭṭhena, kucchitānaṃ vā pāpadhammānaṃ salanato viddhaṃsanato, kusānaṃ vā rāgādīnaṃ lavanato, kusā viya vā lavanato, kusena vā ñāṇena lātabbato pavattetabbato kusalāni, tappaṭipakkhato akusalānīti padattho veditabbo.
звам̣ г̇ан̣анабарижчзд̣̇ад̇о ж̇аад̇ибхзд̣̇ад̇о жа муулабад̣̇аани д̣̇ассзд̇ваа ид̣̇аани саруубад̇о д̣̇ассзнд̇о сам̣гилзсабагкам̣язва батамам̣ уд̣̇д̣̇исад̇и ‘‘д̇ан̣хаа’’д̇иаад̣̇инаа. д̇ад̇т̇а д̇асад̇и барид̇асад̇ийд̇и д̇ан̣хаа. авинд̣̇ияам̣ винд̣̇ад̇и, винд̣̇ияам̣ на винд̣̇ад̇ийд̇и авиж̇ж̇аа, виж̇ж̇аабадибагкаад̇и ваа авиж̇ж̇аа. луб̣бханд̇и д̇зна, саяам̣ ваа луб̣бхад̇и, луб̣бханамад̇д̇амзва ваа сод̇и лобхо. д̣̇осамохзсуби зсзва наяо. асубхз ‘‘субха’’нд̇и бавад̇д̇аа сан̃н̃аа субхасан̃н̃аа. сукасан̃н̃аад̣̇ийсуби иминаава наязна ад̇т̇о взд̣̇ид̇аб̣б̣о. сан̇г̇аханд̇и г̇ан̣анам̣. самосаран̣анд̇и саморобанам̣.
Evaṃ gaṇanaparicchedato jātibhedato ca mūlapadāni dassetvā idāni sarūpato dassento saṃkilesapakkhaṃyeva paṭhamaṃ uddisati ‘‘taṇhā’’tiādinā. Tattha tasati paritasatīti taṇhā. Avindiyaṃ vindati, vindiyaṃ na vindatīti avijjā, vijjāpaṭipakkhāti vā avijjā. Lubbhanti tena, sayaṃ vā lubbhati, lubbhanamattameva vā soti lobho. Dosamohesupi eseva nayo. Asubhe ‘‘subha’’nti pavattā saññā subhasaññā. Sukhasaññādīsupi imināva nayena attho veditabbo. Saṅgahanti gaṇanaṃ. Samosaraṇanti samoropanaṃ.
бажжанийгад̇хаммз самзд̇ийд̇и самат̇о. анижжаад̣̇ийхи вивид̇хзхи аагаарзхи бассад̇ийд̇и вибассанаа. алобхаад̣̇аяо лобхаад̣̇ибадибагкад̇о взд̣̇ид̇аб̣б̣аа. асубхз ‘‘асубха’’нд̇и бавад̇д̇аа сан̃н̃аа асубхасан̃н̃аа, гааяаанубассанаасад̇ибадтаанам̣. сан̃н̃аасийсзна хи д̣̇зсанаа. д̣̇угкасан̃н̃аад̣̇ийсуби зсзва наяо.
Paccanīkadhamme sametīti samatho. Aniccādīhi vividhehi ākārehi passatīti vipassanā. Alobhādayo lobhādipaṭipakkhato veditabbā. Asubhe ‘‘asubha’’nti pavattā saññā asubhasaññā, kāyānupassanāsatipaṭṭhānaṃ. Saññāsīsena hi desanā. Dukkhasaññādīsupi eseva nayo.
ид̣̇ам̣ уд̣̇д̣̇аананд̇и ид̣̇ам̣ вуд̇д̇ассзва ад̇т̇асса виббагин̣н̣абхаавзна нассид̇ум̣ ад̣̇ад̇ваа уд̣̇д̇хам̣ д̣̇аанам̣ рагкан̣ам̣ уд̣̇д̣̇аанам̣, сан̇г̇ахаважананд̇и ад̇т̇о. ‘‘жад̇д̇ааро вибаллаасаа’’д̇иби баато. гилзсабхуумийд̇и сам̣гилзсабхууми саб̣б̣зсам̣ агусалад̇хаммаанам̣ самосаран̣адтаанад̇д̇аа. гусалаанам̣ яаани д̇ийн̣и муулаани. ‘‘гусалааний’’д̇иби батанд̇и. сад̇ибадтаанаад̇и асубхасан̃н̃аад̣̇аяо санд̇хааяааха. инд̣̇рияабхуумийд̇и сад̣̇д̇хаад̣̇ийнам̣ вимуд̇д̇ибарибаажанинд̣̇рияаанам̣ самосаран̣адтаанад̇д̇аа вуд̇д̇ам̣. яуж̇ж̇анд̇ийд̇и яож̇ийяанд̇и. код̇и бад̣̇абууран̣з, авад̇хааран̣ад̇т̇з ваа нибаад̇о. д̇зна зд̇з зваад̇и д̣̇ассзд̇и. адтаарасзваад̇и ваа. муулабад̣̇аад̇и муулабад̣̇аани, лин̇г̇авибаллаасо ваа.
Idaṃ uddānanti idaṃ vuttasseva atthassa vippakiṇṇabhāvena nassituṃ adatvā uddhaṃ dānaṃ rakkhaṇaṃ uddānaṃ, saṅgahavacananti attho. ‘‘Cattāro vipallāsā’’tipi pāṭho. Kilesabhūmīti saṃkilesabhūmi sabbesaṃ akusaladhammānaṃ samosaraṇaṭṭhānattā. Kusalānaṃ yāni tīṇi mūlāni. ‘‘Kusalānī’’tipi paṭhanti. Satipaṭṭhānāti asubhasaññādayo sandhāyāha. Indriyabhūmīti saddhādīnaṃ vimuttiparipācanindriyānaṃ samosaraṇaṭṭhānattā vuttaṃ. Yujjantīti yojīyanti. Khoti padapūraṇe, avadhāraṇatthe vā nipāto. Tena ete evāti dasseti. Aṭṭhārasevāti vā. Mūlapadāti mūlapadāni, liṅgavipallāso vā.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 2. уд̣̇д̣̇зсавааро • 2. Uddesavāro
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 2. уд̣̇д̣̇зсаваараван̣н̣анаа • 2. Uddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. уд̣̇д̣̇зсаваараад̇т̇авибхааванаа • 2. Uddesavāraatthavibhāvanā
