| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
2. уд̣̇д̣̇зсаваараван̣н̣анаа
2. Uddesavāravaṇṇanā
1. вибхааг̇знаад̇и саруубавибхааг̇зна. ад̣̇идтам̣ ж̇од̇ийяад̇и зд̇ааяаад̇и ад̣̇идтаж̇од̇анаа. д̣̇идтам̣ сам̣санд̣̇ийяад̇и зд̇ааяаад̇и д̣̇идтасам̣санд̣̇анаа, сам̣санд̣̇анам̣ жзд̇т̇а саагажчаавасзна винижчаяагаран̣ам̣. вимад̇и чиж̇ж̇ад̇и зд̇ааяаад̇и вимад̇ижчзд̣̇анаа. анумад̇ияаа бужчаа анумад̇ибужчаа. ‘‘д̇ам̣ гим̣ ман̃н̃ат̇аа’’д̇и хи гаа д̇умхаагам̣ анумад̇ийд̇и анумад̇и бужчид̇аа. гат̇зд̇угамяад̇аад̇и гат̇зд̇угамяад̇ааяа.
1.Vibhāgenāti sarūpavibhāgena. Adiṭṭhaṃ jotīyati etāyāti adiṭṭhajotanā. Diṭṭhaṃ saṃsandīyati etāyāti diṭṭhasaṃsandanā, saṃsandanaṃ cettha sākacchāvasena vinicchayakaraṇaṃ. Vimati chijjati etāyāti vimaticchedanā. Anumatiyā pucchā anumatipucchā. ‘‘Taṃ kiṃ maññathā’’ti hi kā tumhākaṃ anumatīti anumati pucchitā. Kathetukamyatāti kathetukamyatāya.
‘‘харийяанд̇и зд̇зхий’’д̇иаад̣̇инаа гаран̣аад̇хигаран̣агад̇д̇убхаавагаммасаад̇ханаанам̣ васзна хаара-сад̣̇д̣̇асса ад̇т̇ам̣ вад̇ваа сад̣̇исагаббанаавасзна д̣̇ассзд̇ум̣ ‘‘хаараа вияаа’’д̇иаад̣̇и вуд̇д̇ам̣. буна г̇ант̇агаран̣аад̣̇иад̇т̇зна г̇ант̇аад̣̇исад̣̇д̣̇аанам̣ вияа хаарагаран̣аад̣̇иад̇т̇зна хаарасад̣̇д̣̇асид̣̇д̇хим̣ д̣̇ассзд̇ум̣ ‘‘хаараяанд̇ий’’д̇иаад̣̇имааха. ‘‘харан̣ад̇о, раман̣ад̇о жаа’’д̇и иминаа манохараа манорамаа жзд̇з сам̣ван̣н̣анаависзсаад̇и д̣̇ассзд̇и.
‘‘Harīyanti etehī’’tiādinā karaṇādhikaraṇakattubhāvakammasādhanānaṃ vasena hāra-saddassa atthaṃ vatvā sadisakappanāvasena dassetuṃ ‘‘hārā viyā’’tiādi vuttaṃ. Puna ganthakaraṇādiatthena ganthādisaddānaṃ viya hārakaraṇādiatthena hārasaddasiddhiṃ dassetuṃ ‘‘hārayantī’’tiādimāha. ‘‘Haraṇato, ramaṇato cā’’ti iminā manoharā manoramā cete saṃvaṇṇanāvisesāti dasseti.
убабад̇д̇исаад̇ханаяуд̇д̇ийд̇и лагкан̣ахзд̇у. вуд̇д̇анаязнаад̇и ‘‘нану жа ан̃н̃зби хаараа яуд̇д̇исахид̇аа зваа’’д̇иаад̣̇инаа д̣̇зсанаахаарз вуд̇д̇анаяаанусаарзна.
Upapattisādhanayuttīti lakkhaṇahetu. Vuttanayenāti ‘‘nanu ca aññepi hārā yuttisahitā evā’’tiādinā desanāhāre vuttanayānusārena.
жад̇уннам̣ б̣яуухо зд̇т̇аад̇и бхиннаад̇хигаран̣аанамби бад̣̇аанам̣ ан̃н̃абад̣̇ад̇т̇асамаасо лаб̣бхад̇и ‘‘урасиломо’’д̇иаад̣̇ийнам̣ (д̣̇ий. ни. дий. 3.54, 303) вияаад̇и вуд̇д̇ам̣.
Catunnaṃ byūho etthāti bhinnādhikaraṇānampi padānaṃ aññapadatthasamāso labbhati ‘‘urasilomo’’tiādīnaṃ (dī. ni. ṭī. 3.54, 303) viyāti vuttaṃ.
сзсанд̇и ‘‘виважанамзва взважана’’нд̇и звамаад̣̇и.
Sesanti ‘‘vivacanameva vevacana’’nti evamādi.
ануббавзсийяанд̇ийд̇и аваг̇аахийяанд̇и. самаад̇хийяанд̇ийд̇и барихарийяанд̇и. винаа вигаббзнаад̇и ж̇аад̇и сааман̃н̃ам̣, бхзд̣̇о сааман̃н̃ам̣, самб̣анд̇хо сааман̃н̃анд̇иаад̣̇инаа бад̣̇ад̇т̇анд̇арабхаававигаббанаманд̇арзна.
Anuppavesīyantīti avagāhīyanti. Samādhīyantīti pariharīyanti. Vinā vikappenāti jāti sāmaññaṃ, bhedo sāmaññaṃ, sambandho sāmaññantiādinā padatthantarabhāvavikappanamantarena.
бад̣̇адтаанаад̣̇имукзнаад̇и бад̣̇адтаанавзважанабхааванаабахаанамукзна. гзжийд̇и бад̣̇адтаанабаригкаараааваддабаривад̇д̇анабан̃н̃ад̇д̇иод̇аран̣з санд̇хааяа вад̣̇ад̇и.
Padaṭṭhānādimukhenāti padaṭṭhānavevacanabhāvanāpahānamukhena. Kecīti padaṭṭhānaparikkhāraāvaṭṭaparivattanapaññattiotaraṇe sandhāya vadati.
2. самб̣анд̇ход̇и хзд̇упалабхааваяог̇о. д̇ат̇аабхууд̇аанан̃хи д̇хаммаанам̣ згасанд̇аанасид̣̇д̇хад̇аа згад̇д̇анаяо. вибхааг̇о сад̇иби нзсам̣ хзд̇упалабхаавз вибхад̇д̇асабхаавад̇аа. ан̃н̃о зва хи хзд̇у, ан̃н̃ам̣ паланд̇и. б̣яаабааравирахо нирийхад̇аа. на хи хзд̇упалаанам̣ звам̣ ход̇и ‘‘ахам̣ имам̣ ниб̣б̣ад̇д̇зми, иминаахам̣ ниб̣б̣ад̇д̇о’’д̇и. ануруубапалад̇аа бажжаяуббаннаанам̣ бажжаяаанугуулад̇аа. самуухаад̣̇им̣ убаад̣̇ааяа логасан̇гзд̇асид̣̇д̇хаа вохаарамад̇д̇ад̇аа саммуд̇исабхааво. бат̇авийпассаад̣̇ийнам̣ гагкал̣апусанаад̣̇илагкан̣ам̣ барамад̇т̇асабхааво. аяан̃хзд̇т̇а сан̇кзбо – яасмим̣ бхиннз, ид̇араабохз ваа жид̇д̇зна гад̇зна д̇ат̇аа б̣уд̣̇д̇хи, ид̣̇ам̣ саммуд̇исажжам̣ яат̇аа гхадз, сасамбхаараж̇алз жа, д̇аб̣б̣ибарияааязна барамад̇т̇асажжанд̇и. барамад̇т̇асажжаббадивзд̇хааяаад̇и ниб̣б̣аанаад̇хиг̇амааяа.
2.Sambandhoti hetuphalabhāvayogo. Tathābhūtānañhi dhammānaṃ ekasantānasiddhatā ekattanayo. Vibhāgo satipi nesaṃ hetuphalabhāve vibhattasabhāvatā. Añño eva hi hetu, aññaṃ phalanti. Byāpāraviraho nirīhatā. Na hi hetuphalānaṃ evaṃ hoti ‘‘ahaṃ imaṃ nibbattemi, imināhaṃ nibbatto’’ti. Anurūpaphalatā paccayuppannānaṃ paccayānukūlatā. Samūhādiṃ upādāya lokasaṅketasiddhā vohāramattatā sammutisabhāvo. Pathavīphassādīnaṃ kakkhaḷaphusanādilakkhaṇaṃ paramatthasabhāvo. Ayañhettha saṅkhepo – yasmiṃ bhinne, itarāpohe vā cittena katena tathā buddhi, idaṃ sammutisaccaṃ yathā ghaṭe, sasambhārajale ca, tabbipariyāyena paramatthasaccanti. Paramatthasaccappaṭivedhāyāti nibbānādhigamāya.
анд̇од̇и аб̣бханд̇аро. бад̇хаанааваяавзнаад̇и муулабхаавзна. ‘‘нанд̣̇ий д̣̇угкасса муула’’нд̇иаад̣̇ийсу (ма. ни. 1.13) д̇ан̣хаа ‘‘нанд̣̇ий’’д̇и вуд̇д̇аа. ‘‘сан̇г̇аамз жа нанд̣̇им̣ жарад̇ий’’д̇иаад̣̇ийсу бамод̣̇од̇и ааха ‘‘д̇ан̣хааяа, бамод̣̇асса ваа’’д̇и.
Antoti abbhantaro. Padhānāvayavenāti mūlabhāvena. ‘‘Nandī dukkhassa mūla’’ntiādīsu (ma. ni. 1.13) taṇhā ‘‘nandī’’ti vuttā. ‘‘Saṅgāme ca nandiṃ caratī’’tiādīsu pamodoti āha ‘‘taṇhāya, pamodassa vā’’ti.
3. ж̇аад̇ибхзд̣̇ад̇од̇и гусалаа, агусалаад̇и имасмаа висзсаа. яуж̇ж̇анд̇ийд̇и зд̇т̇а хзд̇уад̇т̇о анд̇онийд̇о взд̣̇ид̇аб̣б̣од̇и ааха ‘‘яож̇ийяанд̇ий’’д̇и. гзхи яож̇ийяанд̇и? сам̣ван̣н̣анагзхийд̇и ад̇хиббааяо. яуж̇ж̇анд̇ийд̇и ваа яуд̇д̇аа хонд̇и, д̇зхи самаанаяог̇агкамаа д̇аг̇г̇ахан̣знзва г̇ахид̇аа хонд̇ийд̇и ад̇т̇о д̇ад̣̇згадтабхаавад̇о. имасмим̣ ад̇т̇з ‘‘навахи бад̣̇зхий’’д̇и сахаяог̇з гаран̣аважанам̣, буримасмим̣ гаран̣з. ‘‘зд̇з ко’’д̇и жа баато. д̇ад̇т̇а ко-сад̣̇д̣̇асса бад̣̇абууран̣ад̇аа, авад̇хааран̣ад̇т̇ад̇аа ваа взд̣̇ид̇аб̣б̣аа. зд̇з зваад̇и зд̇з д̇ан̣хаад̣̇аяо зва, на ид̇о ан̃н̃зд̇и ад̇т̇о. адтаарасзва на д̇ад̇о уд̣̇д̇хам̣, ад̇хо ваад̇и. буримасмим̣ багкз муулабад̣̇анд̇араабхааво, д̣̇уд̇ияасмим̣ д̇зсам̣ ануунаад̇хигад̇аа д̣̇ийбид̇аа ход̇и.
3.Jātibhedatoti kusalā, akusalāti imasmā visesā. Yujjantīti ettha hetuattho antonīto veditabboti āha ‘‘yojīyantī’’ti. Kehi yojīyanti? Saṃvaṇṇanakehīti adhippāyo. Yujjantīti vā yuttā honti, tehi samānayogakkhamā taggahaṇeneva gahitā hontīti attho tadekaṭṭhabhāvato. Imasmiṃ atthe ‘‘navahi padehī’’ti sahayoge karaṇavacanaṃ, purimasmiṃ karaṇe. ‘‘Ete kho’’ti ca pāṭho. Tattha kho-saddassa padapūraṇatā, avadhāraṇatthatā vā veditabbā. Ete evāti ete taṇhādayo eva, na ito aññeti attho. Aṭṭhāraseva na tato uddhaṃ, adho vāti. Purimasmiṃ pakkhe mūlapadantarābhāvo, dutiyasmiṃ tesaṃ anūnādhikatā dīpitā hoti.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 2. уд̣̇д̣̇зсавааро • 2. Uddesavāro
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 2. уд̣̇д̣̇зсаваараван̣н̣анаа • 2. Uddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. уд̣̇д̣̇зсаваараад̇т̇авибхааванаа • 2. Uddesavāraatthavibhāvanā
