| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
2. уд̣̇д̣̇зсавааро
2. Uddesavāro
1. д̇ад̇т̇а гад̇амз сол̣аса хаараа? д̣̇зсанаа вижаяо яуд̇д̇и бад̣̇адтаано лагкан̣о жад̇уб̣яуухо ааваддо вибхад̇д̇и баривад̇д̇ано взважано бан̃н̃ад̇д̇и од̇аран̣о сод̇хано ад̇хидтаано баригкааро самааробано ид̇и.
1. Tattha katame soḷasa hārā? Desanā vicayo yutti padaṭṭhāno lakkhaṇo catubyūho āvaṭṭo vibhatti parivattano vevacano paññatti otaraṇo sodhano adhiṭṭhāno parikkhāro samāropano iti.
д̇ассаануг̇ийд̇и
Tassānugīti
д̣̇зсанаа вижаяо яуд̇д̇и, бад̣̇адтаано жа лагкан̣о;
Desanā vicayo yutti, padaṭṭhāno ca lakkhaṇo;
жад̇уб̣яуухо жа ааваддо, вибхад̇д̇и баривад̇д̇ано.
Catubyūho ca āvaṭṭo, vibhatti parivattano.
взважано жа бан̃н̃ад̇д̇и, од̇аран̣о жа сод̇хано;
Vevacano ca paññatti, otaraṇo ca sodhano;
зд̇з сол̣аса хаараа, багид̇д̇ид̇аа ад̇т̇ад̇о асам̣гин̣н̣аа;
Ete soḷasa hārā, pakittitā atthato asaṃkiṇṇā;
зд̇зсан̃жзва бхавад̇и, вид̇т̇аарад̇аяаа наяавибхад̇д̇ийд̇и.
Etesañceva bhavati, vitthāratayā nayavibhattīti.
2. д̇ад̇т̇а гад̇амз бан̃жа наяаа? нанд̣̇ияааваддо д̇ибугкало сийхавиггийл̣ид̇о д̣̇исааложано ан̇гусо ид̇и.
2. Tattha katame pañca nayā? Nandiyāvaṭṭo tipukkhalo sīhavikkīḷito disālocano aṅkuso iti.
д̇ассаануг̇ийд̇и
Tassānugīti
батамо нанд̣̇ияааваддо, д̣̇уд̇ияо жа д̇ибугкало;
Paṭhamo nandiyāvaṭṭo, dutiyo ca tipukkhalo;
д̣̇исааложанамаахам̣су , жад̇уд̇т̇ам̣ наяамуд̇д̇амам̣;
Disālocanamāhaṃsu , catutthaṃ nayamuttamaṃ;
бан̃жамо ан̇гусо наама, саб̣б̣з бан̃жа наяаа г̇ад̇аад̇и.
Pañcamo aṅkuso nāma, sabbe pañca nayā gatāti.
3. д̇ад̇т̇а гад̇амаани адтаараса муулабад̣̇аани? нава бад̣̇аани гусалаани нава бад̣̇аани агусалаани. д̇ад̇т̇а гад̇амаани нава бад̣̇аани агусалаани, д̇ан̣хаа авиж̇ж̇аа лобхо д̣̇осо мохо субхасан̃н̃аа сукасан̃н̃аа нижжасан̃н̃аа ад̇д̇асан̃н̃аад̇и, имаани нава бад̣̇аани агусалаани, яад̇т̇а саб̣б̣о агусалабагко сан̇г̇ахам̣ самосаран̣ам̣ г̇ажчад̇и.
3. Tattha katamāni aṭṭhārasa mūlapadāni? Nava padāni kusalāni nava padāni akusalāni. Tattha katamāni nava padāni akusalāni, taṇhā avijjā lobho doso moho subhasaññā sukhasaññā niccasaññā attasaññāti, imāni nava padāni akusalāni, yattha sabbo akusalapakkho saṅgahaṃ samosaraṇaṃ gacchati.
д̇ад̇т̇а гад̇амаани нава бад̣̇аани гусалаани? самат̇о вибассанаа алобхо ад̣̇осо амохо асубхасан̃н̃аа д̣̇угкасан̃н̃аа анижжасан̃н̃аа анад̇д̇асан̃н̃аад̇и, имаани нава бад̣̇аани гусалаани, яад̇т̇а саб̣б̣о гусалабагко сан̇г̇ахам̣ самосаран̣ам̣ г̇ажчад̇и.
Tattha katamāni nava padāni kusalāni? Samatho vipassanā alobho adoso amoho asubhasaññā dukkhasaññā aniccasaññā anattasaññāti, imāni nava padāni kusalāni, yattha sabbo kusalapakkho saṅgahaṃ samosaraṇaṃ gacchati.
д̇ад̇рид̣̇ам̣ уд̣̇д̣̇аанам̣
Tatridaṃ uddānaṃ
д̇ан̣хаа жа авиж̇ж̇ааби жа, лобхо д̣̇осо д̇ат̇зва мохо жа;
Taṇhā ca avijjāpi ca, lobho doso tatheva moho ca;
жад̇уро жа вибаллаасаа, гилзсабхуумий нава бад̣̇аани.
Caturo ca vipallāsā, kilesabhūmī nava padāni.
самат̇о жа вибассанаа жа, гусалаани жа яаани д̇ийн̣и муулаани;
Samatho ca vipassanā ca, kusalāni ca yāni tīṇi mūlāni;
жад̇уро сад̇ибадтаанаа, инд̣̇рияабхуумий нава бад̣̇аани.
Caturo satipaṭṭhānā, indriyabhūmī nava padāni.
навахи жа бад̣̇зхи гусалаа, навахи жа яуж̇ж̇анд̇и агусалабагкаа;
Navahi ca padehi kusalā, navahi ca yujjanti akusalapakkhā;
зд̇з ко муулабад̣̇аа, бхаванд̇и адтаараса бад̣̇аанийд̇и.
Ete kho mūlapadā, bhavanti aṭṭhārasa padānīti.
уд̣̇д̣̇зсавааро.
Uddesavāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 2. уд̣̇д̣̇зсаваараван̣н̣анаа • 2. Uddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 2. уд̣̇д̣̇зсаваараван̣н̣анаа • 2. Uddesavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 2. уд̣̇д̣̇зсаваараад̇т̇авибхааванаа • 2. Uddesavāraatthavibhāvanā
