| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi |
੨. ਉਦ੍ਦੇਸવਾਰੋ
2. Uddesavāro
੧. ਤਤ੍ਥ ਕਤਮੇ ਸੋਲ਼ਸ ਹਾਰਾ? ਦੇਸਨਾ વਿਚਯੋ ਯੁਤ੍ਤਿ ਪਦਟ੍ਠਾਨੋ ਲਕ੍ਖਣੋ ਚਤੁਬ੍ਯੂਹੋ ਆવਟ੍ਟੋ વਿਭਤ੍ਤਿ ਪਰਿવਤ੍ਤਨੋ વੇવਚਨੋ ਪਞ੍ਞਤ੍ਤਿ ਓਤਰਣੋ ਸੋਧਨੋ ਅਧਿਟ੍ਠਾਨੋ ਪਰਿਕ੍ਖਾਰੋ ਸਮਾਰੋਪਨੋ ਇਤਿ।
1. Tattha katame soḷasa hārā? Desanā vicayo yutti padaṭṭhāno lakkhaṇo catubyūho āvaṭṭo vibhatti parivattano vevacano paññatti otaraṇo sodhano adhiṭṭhāno parikkhāro samāropano iti.
ਤਸ੍ਸਾਨੁਗੀਤਿ
Tassānugīti
ਦੇਸਨਾ વਿਚਯੋ ਯੁਤ੍ਤਿ, ਪਦਟ੍ਠਾਨੋ ਚ ਲਕ੍ਖਣੋ।
Desanā vicayo yutti, padaṭṭhāno ca lakkhaṇo;
ਚਤੁਬ੍ਯੂਹੋ ਚ ਆવਟ੍ਟੋ, વਿਭਤ੍ਤਿ ਪਰਿવਤ੍ਤਨੋ॥
Catubyūho ca āvaṭṭo, vibhatti parivattano.
વੇવਚਨੋ ਚ ਪਞ੍ਞਤ੍ਤਿ, ਓਤਰਣੋ ਚ ਸੋਧਨੋ।
Vevacano ca paññatti, otaraṇo ca sodhano;
ਏਤੇ ਸੋਲ਼ਸ ਹਾਰਾ, ਪਕਿਤ੍ਤਿਤਾ ਅਤ੍ਥਤੋ ਅਸਂਕਿਣ੍ਣਾ।
Ete soḷasa hārā, pakittitā atthato asaṃkiṇṇā;
ਏਤੇਸਞ੍ਚੇવ ਭવਤਿ, વਿਤ੍ਥਾਰਤਯਾ ਨਯવਿਭਤ੍ਤੀਤਿ॥
Etesañceva bhavati, vitthāratayā nayavibhattīti.
੨. ਤਤ੍ਥ ਕਤਮੇ ਪਞ੍ਚ ਨਯਾ? ਨਨ੍ਦਿਯਾવਟ੍ਟੋ ਤਿਪੁਕ੍ਖਲੋ ਸੀਹવਿਕ੍ਕੀਲ਼ਿਤੋ ਦਿਸਾਲੋਚਨੋ ਅਙ੍ਕੁਸੋ ਇਤਿ।
2. Tattha katame pañca nayā? Nandiyāvaṭṭo tipukkhalo sīhavikkīḷito disālocano aṅkuso iti.
ਤਸ੍ਸਾਨੁਗੀਤਿ
Tassānugīti
ਪਠਮੋ ਨਨ੍ਦਿਯਾવਟ੍ਟੋ, ਦੁਤਿਯੋ ਚ ਤਿਪੁਕ੍ਖਲੋ।
Paṭhamo nandiyāvaṭṭo, dutiyo ca tipukkhalo;
ਦਿਸਾਲੋਚਨਮਾਹਂਸੁ , ਚਤੁਤ੍ਥਂ ਨਯਮੁਤ੍ਤਮਂ।
Disālocanamāhaṃsu , catutthaṃ nayamuttamaṃ;
ਪਞ੍ਚਮੋ ਅਙ੍ਕੁਸੋ ਨਾਮ, ਸਬ੍ਬੇ ਪਞ੍ਚ ਨਯਾ ਗਤਾਤਿ॥
Pañcamo aṅkuso nāma, sabbe pañca nayā gatāti.
੩. ਤਤ੍ਥ ਕਤਮਾਨਿ ਅਟ੍ਠਾਰਸ ਮੂਲਪਦਾਨਿ? ਨવ ਪਦਾਨਿ ਕੁਸਲਾਨਿ ਨવ ਪਦਾਨਿ ਅਕੁਸਲਾਨਿ। ਤਤ੍ਥ ਕਤਮਾਨਿ ਨવ ਪਦਾਨਿ ਅਕੁਸਲਾਨਿ, ਤਣ੍ਹਾ ਅવਿਜ੍ਜਾ ਲੋਭੋ ਦੋਸੋ ਮੋਹੋ ਸੁਭਸਞ੍ਞਾ ਸੁਖਸਞ੍ਞਾ ਨਿਚ੍ਚਸਞ੍ਞਾ ਅਤ੍ਤਸਞ੍ਞਾਤਿ, ਇਮਾਨਿ ਨવ ਪਦਾਨਿ ਅਕੁਸਲਾਨਿ, ਯਤ੍ਥ ਸਬ੍ਬੋ ਅਕੁਸਲਪਕ੍ਖੋ ਸਙ੍ਗਹਂ ਸਮੋਸਰਣਂ ਗਚ੍ਛਤਿ।
3. Tattha katamāni aṭṭhārasa mūlapadāni? Nava padāni kusalāni nava padāni akusalāni. Tattha katamāni nava padāni akusalāni, taṇhā avijjā lobho doso moho subhasaññā sukhasaññā niccasaññā attasaññāti, imāni nava padāni akusalāni, yattha sabbo akusalapakkho saṅgahaṃ samosaraṇaṃ gacchati.
ਤਤ੍ਥ ਕਤਮਾਨਿ ਨવ ਪਦਾਨਿ ਕੁਸਲਾਨਿ? ਸਮਥੋ વਿਪਸ੍ਸਨਾ ਅਲੋਭੋ ਅਦੋਸੋ ਅਮੋਹੋ ਅਸੁਭਸਞ੍ਞਾ ਦੁਕ੍ਖਸਞ੍ਞਾ ਅਨਿਚ੍ਚਸਞ੍ਞਾ ਅਨਤ੍ਤਸਞ੍ਞਾਤਿ, ਇਮਾਨਿ ਨવ ਪਦਾਨਿ ਕੁਸਲਾਨਿ, ਯਤ੍ਥ ਸਬ੍ਬੋ ਕੁਸਲਪਕ੍ਖੋ ਸਙ੍ਗਹਂ ਸਮੋਸਰਣਂ ਗਚ੍ਛਤਿ।
Tattha katamāni nava padāni kusalāni? Samatho vipassanā alobho adoso amoho asubhasaññā dukkhasaññā aniccasaññā anattasaññāti, imāni nava padāni kusalāni, yattha sabbo kusalapakkho saṅgahaṃ samosaraṇaṃ gacchati.
ਤਤ੍ਰਿਦਂ ਉਦ੍ਦਾਨਂ
Tatridaṃ uddānaṃ
ਤਣ੍ਹਾ ਚ ਅવਿਜ੍ਜਾਪਿ ਚ, ਲੋਭੋ ਦੋਸੋ ਤਥੇવ ਮੋਹੋ ਚ।
Taṇhā ca avijjāpi ca, lobho doso tatheva moho ca;
ਚਤੁਰੋ ਚ વਿਪਲ੍ਲਾਸਾ, ਕਿਲੇਸਭੂਮੀ ਨવ ਪਦਾਨਿ॥
Caturo ca vipallāsā, kilesabhūmī nava padāni.
ਸਮਥੋ ਚ વਿਪਸ੍ਸਨਾ ਚ, ਕੁਸਲਾਨਿ ਚ ਯਾਨਿ ਤੀਣਿ ਮੂਲਾਨਿ।
Samatho ca vipassanā ca, kusalāni ca yāni tīṇi mūlāni;
ਚਤੁਰੋ ਸਤਿਪਟ੍ਠਾਨਾ, ਇਨ੍ਦ੍ਰਿਯਭੂਮੀ ਨવ ਪਦਾਨਿ॥
Caturo satipaṭṭhānā, indriyabhūmī nava padāni.
ਨવਹਿ ਚ ਪਦੇਹਿ ਕੁਸਲਾ, ਨવਹਿ ਚ ਯੁਜ੍ਜਨ੍ਤਿ ਅਕੁਸਲਪਕ੍ਖਾ।
Navahi ca padehi kusalā, navahi ca yujjanti akusalapakkhā;
ਏਤੇ ਖੋ ਮੂਲਪਦਾ, ਭવਨ੍ਤਿ ਅਟ੍ਠਾਰਸ ਪਦਾਨੀਤਿ॥
Ete kho mūlapadā, bhavanti aṭṭhārasa padānīti.
ਉਦ੍ਦੇਸવਾਰੋ।
Uddesavāro.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ੨. ਉਦ੍ਦੇਸવਾਰવਣ੍ਣਨਾ • 2. Uddesavāravaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā / ੨. ਉਦ੍ਦੇਸવਾਰવਣ੍ਣਨਾ • 2. Uddesavāravaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੨. ਉਦ੍ਦੇਸવਾਰਅਤ੍ਥવਿਭਾવਨਾ • 2. Uddesavāraatthavibhāvanā
