| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. уд̣̇д̣̇зсавибхан̇г̇асуд̇д̇аван̣н̣анаа
8. Uddesavibhaṅgasuttavaṇṇanā
313. звам̣ мз суд̇анд̇и уд̣̇д̣̇зсавибхан̇г̇асуд̇д̇ам̣. д̇ад̇т̇а уд̣̇д̣̇зсавибхан̇г̇анд̇и уд̣̇д̣̇зсан̃жа вибхан̇г̇ан̃жа, маад̇иган̃жа вибхаж̇анан̃жаад̇и ад̇т̇о. убабаригкзяяаад̇и д̇улзяяа д̇ийрзяяа бариг̇г̇ан̣хзяяа барижчинд̣̇зяяа. б̣ахид̣̇д̇хаад̇и б̣ахид̣̇д̇хаааарамман̣зсу. авигкид̇д̇ам̣ ависаданд̇и ниганд̇ивасзна аарамман̣з д̇идтамаанам̣ вигкид̇д̇ам̣ висадам̣ наама ход̇и, д̇ам̣ бадисзд̇хзнд̇о звамааха. аж̇жхад̇д̇ам̣ асан̣тид̇анд̇и г̇ожараж̇жхад̇д̇з ниганд̇ивасзна асан̣тид̇ам̣. анубаад̣̇ааяа на барид̇ассзяяаад̇и анубаад̣̇ияид̇ваа аг̇г̇ахзд̇ваа д̇ам̣ вин̃н̃аан̣ам̣ на барид̇ассзяяа. яат̇аа вин̃н̃аан̣ам̣ б̣ахид̣̇д̇хаа авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа, звам̣ бхигку убабаригкзяяаад̇и вуд̇д̇ам̣ ход̇и. ж̇аад̇иж̇араамаран̣ад̣̇угкасамуд̣̇аяасамбхавод̇и ж̇аад̇иж̇араамаран̣асса жзва авасзсасса жа д̣̇угкасса ниб̣б̣ад̇д̇и на ход̇ийд̇и ад̇т̇о.
313.Evaṃme sutanti uddesavibhaṅgasuttaṃ. Tattha uddesavibhaṅganti uddesañca vibhaṅgañca, mātikañca vibhajanañcāti attho. Upaparikkheyyāti tuleyya tīreyya pariggaṇheyya paricchindeyya. Bahiddhāti bahiddhāārammaṇesu. Avikkhittaṃ avisaṭanti nikantivasena ārammaṇe tiṭṭhamānaṃ vikkhittaṃ visaṭaṃ nāma hoti, taṃ paṭisedhento evamāha. Ajjhattaṃ asaṇṭhitanti gocarajjhatte nikantivasena asaṇṭhitaṃ. Anupādāya na paritasseyyāti anupādiyitvā aggahetvā taṃ viññāṇaṃ na paritasseyya. Yathā viññāṇaṃ bahiddhā avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya, evaṃ bhikkhu upaparikkheyyāti vuttaṃ hoti. Jātijarāmaraṇadukkhasamudayasambhavoti jātijarāmaraṇassa ceva avasesassa ca dukkhassa nibbatti na hotīti attho.
316. руубанимид̇д̇аанусаарийд̇и руубанимид̇д̇ам̣ ануссарад̇и ануд̇хаавад̇ийд̇и руубанимид̇д̇аанусаарий.
316.Rūpanimittānusārīti rūpanimittaṃ anussarati anudhāvatīti rūpanimittānusārī.
318. звам̣ ко, аавусо, аж̇жхад̇д̇ам̣ асан̣тид̇анд̇и ниганд̇ивасзна асан̣тид̇ам̣. ниганд̇ивасзна хи ад̇идтамаанам̣ хаанабхааг̇ияам̣ на ход̇и, висзсабхааг̇ияамзва ход̇и.
318.Evaṃ kho, āvuso, ajjhattaṃ asaṇṭhitanti nikantivasena asaṇṭhitaṃ. Nikantivasena hi atiṭṭhamānaṃ hānabhāgiyaṃ na hoti, visesabhāgiyameva hoti.
320. анубаад̣̇аа барид̇ассанаад̇и сад̇т̇аараа канд̇хияаваг̇г̇з ‘‘убаад̣̇аабарид̇ассанан̃жа во, бхигкавз, д̣̇зсзссаами анубаад̣̇ааабарид̇ассанан̃жаа’’д̇и (сам̣. ни. 3.7) звам̣ г̇ахзд̇ваа барид̇ассанаа, аг̇г̇ахзд̇ваава абарид̇ассанаа жа гат̇ид̇аа, д̇ам̣ махаат̇зро убаад̣̇аабарид̇ассанамзва анубаад̣̇аабарид̇ассананд̇и гад̇ваа д̣̇ассзнд̇о звамааха. гат̇ам̣ банзсаа анубаад̣̇аабарид̇ассанаа ход̇ийд̇и. убаад̣̇аад̇аб̣б̣асса абхаавад̇о. яад̣̇и хи гожи сан̇кааро нижжо ваа д̇хуво ваа ад̇д̇аа ваа ад̇д̇анияо ваад̇и г̇ахзд̇аб̣б̣аяуд̇д̇аго абхависса, аяам̣ барид̇ассанаа убаад̣̇аабарид̇ассанаава асса. яасмаа бана звам̣ убаад̣̇аад̇аб̣б̣о сан̇кааро наама над̇т̇и, д̇асмаа руубам̣ ад̇д̇аад̇иаад̣̇инаа наязна руубаад̣̇аяо убаад̣̇иннааби анубаад̣̇иннаава хонд̇и. звамзсаа д̣̇идтивасзна убаад̣̇аабарид̇ассанааби самаанаа ад̇т̇ад̇о анубаад̣̇аабарид̇ассанааязва наама ход̇ийд̇и взд̣̇ид̇аб̣б̣аа.
320.Anupādā paritassanāti satthārā khandhiyavagge ‘‘upādāparitassanañca vo, bhikkhave, desessāmi anupādāaparitassanañcā’’ti (saṃ. ni. 3.7) evaṃ gahetvā paritassanā, aggahetvāva aparitassanā ca kathitā, taṃ mahāthero upādāparitassanameva anupādāparitassananti katvā dassento evamāha. Kathaṃ panesā anupādāparitassanā hotīti. Upādātabbassa abhāvato. Yadi hi koci saṅkhāro nicco vā dhuvo vā attā vā attaniyo vāti gahetabbayuttako abhavissa, ayaṃ paritassanā upādāparitassanāva assa. Yasmā pana evaṃ upādātabbo saṅkhāro nāma natthi, tasmā rūpaṃ attātiādinā nayena rūpādayo upādinnāpi anupādinnāva honti. Evamesā diṭṭhivasena upādāparitassanāpi samānā atthato anupādāparitassanāyeva nāma hotīti veditabbā.
ан̃н̃ат̇аа ход̇ийд̇и баривад̇д̇ад̇и багад̇иж̇аханзна нассад̇и, руубавибарин̣аамаанубаривад̇д̇ийд̇и ‘‘мама руубам̣ вибарин̣ад̇а’’нд̇и ваа, ‘‘яам̣ аху, д̇ам̣ вад̇а мз над̇т̇ий’’д̇и ваа аад̣̇инаа (ма. ни. 1.242) наязна гаммавин̃н̃аан̣ам̣ руубасса бхзд̣̇аанубаривад̇д̇и ход̇и. вибарин̣аамаанубаривад̇д̇аж̇аад̇и вибарин̣аамасса анубаривад̇д̇анад̇о вибарин̣аамаарамман̣ажид̇д̇ад̇о ж̇аад̇аа. барид̇ассанаа д̇хаммасамуббаад̣̇аад̇и д̇ан̣хаабарид̇ассанаа жа агусалад̇хаммасамуббаад̣̇аа жа. жид̇д̇ам̣ барияаад̣̇ааяа д̇идтанд̇ийд̇и гусалажид̇д̇ам̣ барияаад̣̇ияид̇ваа г̇ахзд̇ваа кзбзд̇ваа д̇идтанд̇и. уд̇д̇аасаваад̇и бхаяад̇аасзнаби сауд̇д̇аасо д̇ан̣хаад̇аасзнаби сауд̇д̇аасо. вигхаад̇аваад̇и савигхаад̇о сад̣̇угко. абзгкаваад̇и саалаяо сасинзхо. звам̣ ко, аавусо, анубаад̣̇аа барид̇ассанаа ход̇ийд̇и звам̣ ман̣игаран̣д̣агасан̃н̃ааяа д̇ужчагаран̣д̣агам̣ г̇ахзд̇ваа д̇асмим̣ надтз бажчаа вигхаад̇ам̣ аабаж̇ж̇анд̇асса вияа бажчаа аг̇г̇ахзд̇ваа барид̇ассанаа ход̇и.
Aññathā hotīti parivattati pakatijahanena nassati, rūpavipariṇāmānuparivattīti ‘‘mama rūpaṃ vipariṇata’’nti vā, ‘‘yaṃ ahu, taṃ vata me natthī’’ti vā ādinā (ma. ni. 1.242) nayena kammaviññāṇaṃ rūpassa bhedānuparivatti hoti. Vipariṇāmānuparivattajāti vipariṇāmassa anuparivattanato vipariṇāmārammaṇacittato jātā. Paritassanā dhammasamuppādāti taṇhāparitassanā ca akusaladhammasamuppādā ca. Cittaṃ pariyādāya tiṭṭhantīti kusalacittaṃ pariyādiyitvā gahetvā khepetvā tiṭṭhanti. Uttāsavāti bhayatāsenapi sauttāso taṇhātāsenapi sauttāso. Vighātavāti savighāto sadukkho. Apekkhavāti sālayo sasineho. Evaṃ kho, āvuso, anupādā paritassanā hotīti evaṃ maṇikaraṇḍakasaññāya tucchakaraṇḍakaṃ gahetvā tasmiṃ naṭṭhe pacchā vighātaṃ āpajjantassa viya pacchā aggahetvā paritassanā hoti.
321. на жа руубавибарин̣аамаанубаривад̇д̇ийд̇и кийн̣аасавасса гаммавин̃н̃аан̣амзва над̇т̇и, д̇асмаа руубабхзд̣̇аанубаривад̇д̇и на ход̇и. сзсам̣ саб̣б̣ад̇т̇а уд̇д̇аанамзваад̇и.
321.Naca rūpavipariṇāmānuparivattīti khīṇāsavassa kammaviññāṇameva natthi, tasmā rūpabhedānuparivatti na hoti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
уд̣̇д̣̇зсавибхан̇г̇асуд̇д̇аван̣н̣анаа нидтид̇аа.
Uddesavibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. уд̣̇д̣̇зсавибхан̇г̇асуд̇д̇ам̣ • 8. Uddesavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. уд̣̇д̣̇зсавибхан̇г̇асуд̇д̇аван̣н̣анаа • 8. Uddesavibhaṅgasuttavaṇṇanā
