| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. уд̣̇д̣̇зсавибхан̇г̇асуд̇д̇аван̣н̣анаа
8. Uddesavibhaṅgasuttavaṇṇanā
313. д̣̇зсзд̇аб̣б̣асса ад̇т̇асса уд̣̇д̣̇исанам̣ уд̣̇д̣̇зсо, вибхаж̇анам̣ вибхан̇г̇од̇и ааха – ‘‘маад̇иган̃жа вибхаж̇анан̃жаа’’д̇и д̇улзяяаад̇иаад̣̇ийни жад̇д̇аариби бад̣̇аани бан̃н̃аавзважанаани. ат̇а ваа д̇улзяяаад̇и д̇уланабхууд̇ааяа бан̃н̃ааяа д̇асса д̇хаммасса баг̇г̇ахаад̣̇ивид̇хинаа барид̇улзяяа. д̇ийрзяяаад̇и д̇ийран̣абхууд̇ааяа бан̃н̃ааяа д̇ад̇т̇а н̃аан̣агирияаасамаабанавасзна д̇ийрзяяа. бариг̇г̇ан̣хзяяаад̇и д̇ат̇аасамаабанно аанисам̣сз ассаад̣̇ааад̣̇ийнавз жа вижинзяяа. барижчинд̣̇зяяаад̇и барижчинд̣̇абхууд̇зна н̃аан̣зна ад̇т̇ам̣ барижчинд̣̇ид̇ваа ж̇аанзяяа. аарамман̣зсууд̇и руубаад̣̇ибут̇уд̇д̇аарамман̣зсу. ниганд̇ивасзнаад̇и нигааманавасзна абзгкаавасзна. д̇идтамаананд̇и бавад̇д̇амаанам̣. г̇ожараж̇жхад̇д̇зд̇и жхаанаарамман̣абхууд̇з. д̇ан̃хи бхааванаажид̇д̇знаабхибхуяяа ависсаж̇ж̇ид̇ваа г̇аяхамаанам̣ аж̇жхад̇д̇ам̣ вияа ход̇ийд̇и ‘‘г̇ожараж̇жхад̇д̇а’’нд̇и вужжад̇и. бхааванам̣ аарад̣̇д̇хасса бхигкуно яад̣̇и бхааванаарамман̣з ниганд̇и уббаж̇ж̇зяяа, д̇ааяа ниганд̇ияаа убари бхааванам̣ виссаж̇ж̇зд̇ваа жид̇д̇асам̣гожавасзна сан̣тид̇ам̣ наама, д̇ад̣̇абхаавзна асан̣тид̇ам̣ наама ход̇ийд̇и, ‘‘аж̇жхад̇д̇ам̣ асан̣тид̇а’’нд̇и вуд̇д̇анд̇и д̣̇ассзнд̇о, ‘‘г̇ожараж̇жхад̇д̇з ниганд̇ивасзна асан̣тид̇а’’нд̇и ааха. д̇ат̇аа хи вагкад̇и – ‘‘ниганд̇ивасзна хи ад̇идтамаанам̣ хаанабхааг̇ияам̣ на ход̇и, висзсабхааг̇ияамзва ход̇ий’’д̇и. аг̇г̇ахзд̇ваад̇и руубаад̣̇ийсу гин̃жи д̇ан̣хаад̣̇иг̇г̇аахавасзна аг̇г̇ахзд̇ваа. д̇ат̇аа аг̇г̇ахан̣знзва хи д̇ан̣хаабарид̇аасаад̣̇ивасзна на барид̇ассзяяа. авасзсасса жа д̣̇угкассаад̇и согаад̣̇ид̣̇угкасса. авасзсасса жа д̣̇угкассаад̇и ваа ж̇аад̇иж̇араамаран̣асийсзна вибаагад̣̇угкасса г̇ахид̇ад̇д̇аа гилзсад̣̇угкасса жзва сам̣саарад̣̇угкасса жаад̇и ад̇т̇о.
313. Desetabbassa atthassa uddisanaṃ uddeso, vibhajanaṃ vibhaṅgoti āha – ‘‘mātikañca vibhajanañcā’’ti tuleyyātiādīni cattāripi padāni paññāvevacanāni. Atha vā tuleyyāti tulanabhūtāya paññāya tassa dhammassa paggahādividhinā parituleyya. Tīreyyāti tīraṇabhūtāya paññāya tattha ñāṇakiriyāsamāpanavasena tīreyya. Pariggaṇheyyāti tathāsamāpanno ānisaṃse assādaādīnave ca vicineyya. Paricchindeyyāti paricchindabhūtena ñāṇena atthaṃ paricchinditvā jāneyya. Ārammaṇesūti rūpādiputhuttārammaṇesu. Nikantivasenāti nikāmanavasena apekkhāvasena. Tiṭṭhamānanti pavattamānaṃ. Gocarajjhatteti jhānārammaṇabhūte. Tañhi bhāvanācittenābhibhuyya avissajjitvā gayhamānaṃ ajjhattaṃ viya hotīti ‘‘gocarajjhatta’’nti vuccati. Bhāvanaṃ āraddhassa bhikkhuno yadi bhāvanārammaṇe nikanti uppajjeyya, tāya nikantiyā upari bhāvanaṃ vissajjetvā cittasaṃkocavasena saṇṭhitaṃ nāma, tadabhāvena asaṇṭhitaṃ nāma hotīti, ‘‘ajjhattaṃ asaṇṭhita’’nti vuttanti dassento, ‘‘gocarajjhatte nikantivasena asaṇṭhita’’nti āha. Tathā hi vakkhati – ‘‘nikantivasena hi atiṭṭhamānaṃ hānabhāgiyaṃ na hoti, visesabhāgiyameva hotī’’ti. Aggahetvāti rūpādīsu kiñci taṇhādiggāhavasena aggahetvā. Tathā aggahaṇeneva hi taṇhāparitāsādivasena na paritasseyya. Avasesassa ca dukkhassāti sokādidukkhassa. Avasesassa ca dukkhassāti vā jātijarāmaraṇasīsena vipākadukkhassa gahitattā kilesadukkhassa ceva saṃsāradukkhassa cāti attho.
316. руубамзва гилзсуббад̇д̇ияаа гааран̣абхаавад̇о руубанимид̇д̇ам̣. рааг̇аад̣̇ивасзна д̇ам̣ ануд̇хаавад̇ийд̇и руубанимид̇д̇аанусаарий.
316. Rūpameva kilesuppattiyā kāraṇabhāvato rūpanimittaṃ. Rāgādivasena taṃ anudhāvatīti rūpanimittānusārī.
318. ниганд̇ивасзна асан̣тид̇анд̇и абзгкаавасзна сан̣тид̇ам̣ ниганд̇им̣ бахааяа бавад̇д̇амаанам̣ убари висзсаавахад̇од̇и. д̇знааха ‘‘ниганд̇ивасзна хий’’д̇иаад̣̇и.
318.Nikantivasena asaṇṭhitanti apekkhāvasena saṇṭhitaṃ nikantiṃ pahāya pavattamānaṃ upari visesāvahatoti. Tenāha ‘‘nikantivasena hī’’tiādi.
320. аг̇г̇ахзд̇ваа абарид̇ассанаад̇и бан̃жубаад̣̇аанагканд̇хз, ‘‘зд̇ам̣ мамаа’’д̇иаад̣̇инаа д̇ан̣хаад̣̇иг̇г̇аахавасзна убаад̣̇ияид̇ваа д̇ан̣хаабарид̇аасаад̣̇ивасзна барид̇ассанаа, вуд̇д̇авибарияааязна аг̇г̇ахзд̇ваа абарид̇ассанаа взд̣̇ид̇аб̣б̣аа. гат̇ам̣ банзсаа анубаад̣̇аабарид̇ассанаа ход̇ийд̇и махаат̇зрасса ад̇хиббааяам̣ виварид̇ум̣ жод̣̇анам̣ самудтабзд̇и? убаад̣̇аад̇аб̣б̣асса абхаавад̇од̇и д̇асса анубаад̣̇аабарид̇ассанаабхаавз гааран̣аважанам̣. яад̣̇и хийд̇иаад̣̇и д̇асса самад̇т̇анам̣. убаад̣̇аабарид̇ассанаава асса д̇ат̇аа убаад̣̇аад̇аб̣б̣асса д̇ат̇зва убаад̣̇иннад̇д̇аа. званд̇и нижжаад̣̇иаагаарзна. убаад̣̇иннаабийд̇и г̇ахид̇абараамадтааби. анубаад̣̇иннаава хонд̇и аяонисо г̇ахид̇ад̇д̇аа, вин̃н̃уусу ниссааяа ж̇аанид̇аб̣б̣ад̇д̇аа жа. д̣̇идтивасзнаад̇и мижчаад̣̇идтияаа г̇ахан̣аагааравасзна, д̇асса бана аяат̇аабхууд̇аг̇аахид̇ааяа барамад̇т̇ад̇о жа абхаавад̇о. ад̇т̇ад̇од̇и барамад̇т̇ад̇о. анубаад̣̇аабарид̇ассанааязва наама ход̇и убаад̣̇аад̇аб̣б̣аагаарасса абхаавзна д̇ам̣ анубаад̣̇ияид̇ваа зва барид̇ассанаад̇и гад̇ваа.
320.Aggahetvā aparitassanāti pañcupādānakkhandhe, ‘‘etaṃ mamā’’tiādinā taṇhādiggāhavasena upādiyitvā taṇhāparitāsādivasena paritassanā, vuttavipariyāyena aggahetvā aparitassanā veditabbā. Kathaṃ panesā anupādāparitassanā hotīti mahātherassa adhippāyaṃ vivarituṃ codanaṃ samuṭṭhapeti? Upādātabbassa abhāvatoti tassa anupādāparitassanābhāve kāraṇavacanaṃ. Yadi hītiādi tassa samatthanaṃ. Upādāparitassanāva assa tathā upādātabbassa tatheva upādinnattā. Evanti niccādiākārena. Upādinnāpīti gahitaparāmaṭṭhāpi. Anupādinnāva honti ayoniso gahitattā, viññūsu nissāya jānitabbattā ca. Diṭṭhivasenāti micchādiṭṭhiyā gahaṇākāravasena, tassa pana ayathābhūtagāhitāya paramatthato ca abhāvato. Atthatoti paramatthato. Anupādāparitassanāyeva nāma hoti upādātabbākārassa abhāvena taṃ anupādiyitvā eva paritassanāti katvā.
баривад̇д̇ад̇ийд̇и на д̇ад̣̇зва руубам̣ ан̃н̃ат̇аа бавад̇д̇ам̣ баривад̇д̇ад̇и, ат̇а ко багад̇иж̇аханзна сабхаававиг̇амзна нассад̇и бхиж̇ж̇ад̇и. вибарин̣ад̇анд̇и ан̃н̃ат̇ад̇д̇ам̣ г̇ад̇ам̣ винадтам̣. гаммавин̃н̃аан̣анд̇и абхисан̇кааравин̃н̃аан̣ам̣. ‘‘руубам̣ ад̇д̇аа’’д̇иаад̣̇и мижчааг̇аахавасзна вин̃н̃аан̣асса руубабхзд̣̇зна вуд̇д̇асса бхзд̣̇аанубаривад̇д̇и ход̇и. вибарин̣аамам̣ ануг̇анд̇ваа вибаривад̇д̇анад̇ам̣ аараб̣бха бавад̇д̇ам̣ вибарин̣аамаанубаривад̇д̇ам̣; д̇ад̇о самуббаннаа барид̇ассанаа вибарин̣аамаанубаривад̇д̇аж̇аа барид̇ассанаад̇и д̣̇ассзнд̇о ааха – ‘‘вибарин̣аамасса…бз… барид̇ассанаа’’д̇и. агусалад̇хаммасамуббаад̣̇аа жаад̇и, ‘‘яам̣ аху вад̇а мз, д̇ам̣ вад̇а мз над̇т̇ий’’д̇иаад̣̇инаа бавад̇д̇аа агусалажид̇д̇уббаад̣̇ад̇хаммаа. кзбзд̇ваад̇и бавад̇д̇ид̇ум̣ аббад̣̇аанавасзна ануббад̇д̇инимид̇д̇ад̇ааяа кзбзд̇ваа. бхаяад̇аасзнаад̇и бхааяанавасзнаби жид̇д̇уд̇раасзна. д̇ан̣хаад̇аасзнаад̇и д̇ассанзна. савигхаад̇од̇и жид̇д̇авигхаад̇анавигхаад̇зна савигхаад̇о. д̇ад̇о зва жзд̇од̣̇угкзна сад̣̇угко. ман̣игаран̣д̣агасан̃н̃ааяаад̇и рид̇д̇агаран̣д̣ам̣язва ман̣ибарибун̣н̣агаран̣д̣од̇и уббаннасан̃н̃ааяа. аг̇г̇ахзд̇ваа барид̇ассанаад̇и г̇ахзд̇аб̣б̣асса абхаавзна г̇ахан̣амби авиж̇ж̇амаанабагкияамзваад̇и аг̇г̇ахзд̇ваа барид̇ассанаа наама ход̇и.
Parivattatīti na tadeva rūpaṃ aññathā pavattaṃ parivattati, atha kho pakatijahanena sabhāvavigamena nassati bhijjati. Vipariṇatanti aññathattaṃ gataṃ vinaṭṭhaṃ. Kammaviññāṇanti abhisaṅkhāraviññāṇaṃ. ‘‘Rūpaṃ attā’’tiādi micchāgāhavasena viññāṇassa rūpabhedena vuttassa bhedānuparivatti hoti. Vipariṇāmaṃ anugantvā viparivattanataṃ ārabbha pavattaṃ vipariṇāmānuparivattaṃ; tato samuppannā paritassanā vipariṇāmānuparivattajā paritassanāti dassento āha – ‘‘vipariṇāmassa…pe… paritassanā’’ti. Akusaladhammasamuppādā cāti, ‘‘yaṃ ahu vata me, taṃ vata me natthī’’tiādinā pavattā akusalacittuppādadhammā. Khepetvāti pavattituṃ appadānavasena anuppattinimittatāya khepetvā. Bhayatāsenāti bhāyanavasenapi cittutrāsena. Taṇhātāsenāti tassanena. Savighātoti cittavighātanavighātena savighāto. Tato eva cetodukkhena sadukkho. Maṇikaraṇḍakasaññāyāti rittakaraṇḍaṃyeva maṇiparipuṇṇakaraṇḍoti uppannasaññāya. Aggahetvā paritassanāti gahetabbassa abhāvena gahaṇampi avijjamānapakkhiyamevāti aggahetvā paritassanā nāma hoti.
321. гаммавин̃н̃аан̣амзва над̇т̇и сад̇и гаммавин̃н̃аан̣з руубабхзд̣̇аанубаривад̇д̇и сияаад̇и гаммавин̃н̃аан̣аабхаавад̣̇ассанамукзна кийн̣аасавасса саб̣б̣асо гилзсаабхаавам̣ д̣̇ассзд̇и. сзсам̣ сувин̃н̃зяяамзва.
321.Kammaviññāṇameva natthi sati kammaviññāṇe rūpabhedānuparivatti siyāti kammaviññāṇābhāvadassanamukhena khīṇāsavassa sabbaso kilesābhāvaṃ dasseti. Sesaṃ suviññeyyameva.
уд̣̇д̣̇зсавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Uddesavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. уд̣̇д̣̇зсавибхан̇г̇асуд̇д̇ам̣ • 8. Uddesavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. уд̣̇д̣̇зсавибхан̇г̇асуд̇д̇аван̣н̣анаа • 8. Uddesavibhaṅgasuttavaṇṇanā
