| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๕. วิโมกฺขกถา
5. Vimokkhakathā
๑. อุเทฺทโส
1. Uddeso
๒๐๙. ปุริมนิทานํ ฯ ‘‘ตโยเม , ภิกฺขเว, วิโมกฺขาฯ กตเม ตโย? สุญฺญโต วิโมโกฺข, อนิมิโตฺต วิโมโกฺข, อปฺปณิหิโต วิโมโกฺข – อิเม โข, ภิกฺขเว, ตโย วิโมกฺขาฯ
209. Purimanidānaṃ . ‘‘Tayome , bhikkhave, vimokkhā. Katame tayo? Suññato vimokkho, animitto vimokkho, appaṇihito vimokkho – ime kho, bhikkhave, tayo vimokkhā.
‘‘อปิ จ, อฎฺฐสฎฺฐิ วิโมกฺขา – สุญฺญโต วิโมโกฺข, อนิมิโตฺต วิโมโกฺข, อปฺปณิหิโต วิโมโกฺข; อชฺฌตฺตวุฎฺฐาโน วิโมโกฺข, พหิทฺธาวุฎฺฐาโน วิโมโกฺข, ทุภโต วุฎฺฐาโน วิโมโกฺข; อชฺฌตฺตวุฎฺฐานา จตฺตาโร วิโมกฺขา, พหิทฺธาวุฎฺฐานา จตฺตาโร วิโมกฺขา, ทุภโต วุฎฺฐานา จตฺตาโร วิโมกฺขา; อชฺฌตฺตวุฎฺฐานานํ อนุโลมา จตฺตาโร วิโมกฺขา, พหิทฺธาวุฎฺฐานานํ อนุโลมา จตฺตาโร วิโมกฺขา, ทุภโต วุฎฺฐานานํ อนุโลมา จตฺตาโร วิโมกฺขา; อชฺฌตฺตวุฎฺฐานปฎิปฺปสฺสทฺธี 1 จตฺตาโร วิโมกฺขา, พหิทฺธาวุฎฺฐานปฎิปฺปสฺสทฺธี จตฺตาโร วิโมกฺขา, ทุภโต วุฎฺฐานปฎิปฺปสฺสทฺธี จตฺตาโร วิโมกฺขา; รูปี รูปานิ ปสฺสตีติ วิโมโกฺข, อชฺฌตฺตํ อรูปสญฺญี พหิทฺธา รูปานิ ปสฺสตีติ วิโมโกฺข, สุภํ เตว อธิมุโตฺต โหตีติ วิโมโกฺข; อากาสานญฺจายตนสมาปตฺติ วิโมโกฺข, วิญฺญาณญฺจายตนสมาปตฺติ วิโมโกฺข, อากิญฺจญฺญายตนสมาปตฺติ วิโมโกฺข; เนวสญฺญานาสญฺญายตนสมาปตฺติ วิโมโกฺข, สญฺญาเวทยิตนิโรธสมาปตฺติ วิโมโกฺข; สมยวิโมโกฺข, อสมยวิโมโกฺข; สามยิโก วิโมโกฺข, อสามยิโก วิโมโกฺข; กุโปฺป วิโมโกฺข, อกุโปฺป วิโมโกฺข; โลกิโย วิโมโกฺข, โลกุตฺตโร วิโมโกฺข; สาสโว วิโมโกฺข, อนาสโว วิโมโกฺข; สามิโส วิโมโกฺข, นิรามิโส วิโมโกฺข; นิรามิสานิรามิสตโร วิโมโกฺข, ปณิหิโต วิโมโกฺข, อปฺปณิหิโต วิโมโกฺข, ปณิหิตปฺปฎิปฺปสฺสทฺธิ วิโมโกฺข; สญฺญุโตฺต วิโมโกฺข, วิสญฺญุโตฺต วิโมโกฺข; เอกตฺตวิโมโกฺข, นานตฺตวิโมโกฺข , สญฺญาวิโมโกฺข, ญาณวิโมโกฺข; สีติสิยาวิโมโกฺข 2, ฌานวิโมโกฺข, อนุปาทาจิตฺตสฺส วิโมโกฺข’’ฯ
‘‘Api ca, aṭṭhasaṭṭhi vimokkhā – suññato vimokkho, animitto vimokkho, appaṇihito vimokkho; ajjhattavuṭṭhāno vimokkho, bahiddhāvuṭṭhāno vimokkho, dubhato vuṭṭhāno vimokkho; ajjhattavuṭṭhānā cattāro vimokkhā, bahiddhāvuṭṭhānā cattāro vimokkhā, dubhato vuṭṭhānā cattāro vimokkhā; ajjhattavuṭṭhānānaṃ anulomā cattāro vimokkhā, bahiddhāvuṭṭhānānaṃ anulomā cattāro vimokkhā, dubhato vuṭṭhānānaṃ anulomā cattāro vimokkhā; ajjhattavuṭṭhānapaṭippassaddhī 3 cattāro vimokkhā, bahiddhāvuṭṭhānapaṭippassaddhī cattāro vimokkhā, dubhato vuṭṭhānapaṭippassaddhī cattāro vimokkhā; rūpī rūpāni passatīti vimokkho, ajjhattaṃ arūpasaññī bahiddhā rūpāni passatīti vimokkho, subhaṃ teva adhimutto hotīti vimokkho; ākāsānañcāyatanasamāpatti vimokkho, viññāṇañcāyatanasamāpatti vimokkho, ākiñcaññāyatanasamāpatti vimokkho; nevasaññānāsaññāyatanasamāpatti vimokkho, saññāvedayitanirodhasamāpatti vimokkho; samayavimokkho, asamayavimokkho; sāmayiko vimokkho, asāmayiko vimokkho; kuppo vimokkho, akuppo vimokkho; lokiyo vimokkho, lokuttaro vimokkho; sāsavo vimokkho, anāsavo vimokkho; sāmiso vimokkho, nirāmiso vimokkho; nirāmisānirāmisataro vimokkho, paṇihito vimokkho, appaṇihito vimokkho, paṇihitappaṭippassaddhi vimokkho; saññutto vimokkho, visaññutto vimokkho; ekattavimokkho, nānattavimokkho , saññāvimokkho, ñāṇavimokkho; sītisiyāvimokkho 4, jhānavimokkho, anupādācittassa vimokkho’’.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๑. วิโมกฺขุเทฺทสวณฺณนา • 1. Vimokkhuddesavaṇṇanā
