| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. อุทฺธจฺจสุตฺตํ
10. Uddhaccasuttaṃ
๑๑๖. ‘‘ตโยเม , ภิกฺขเว, ธมฺมาฯ กตเม ตโย? อุทฺธจฺจํ, อสํวโร, ปมาโทฯ อิเม โข, ภิกฺขเว, ตโย ธมฺมาฯ อิเมสํ โข, ภิกฺขเว, ติณฺณํ ธมฺมานํ ปหานาย ตโย ธมฺมา ภาเวตพฺพาฯ กตเม ตโย? อุทฺธจฺจสฺส ปหานาย สมโถ ภาเวตโพฺพ, อสํวรสฺส ปหานาย สํวโร ภาเวตโพฺพ, ปมาทสฺส ปหานาย อปฺปมาโท ภาเวตโพฺพฯ อิเมสํ โข, ภิกฺขเว, ติณฺณํ ธมฺมานํ ปหานาย อิเม ตโย ธมฺมา ภาเวตพฺพา’’ติฯ ทสมํฯ
116. ‘‘Tayome , bhikkhave, dhammā. Katame tayo? Uddhaccaṃ, asaṃvaro, pamādo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Uddhaccassa pahānāya samatho bhāvetabbo, asaṃvarassa pahānāya saṃvaro bhāvetabbo, pamādassa pahānāya appamādo bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dasamaṃ.
ตสฺสุทฺทานํ –
Tassuddānaṃ –
ราคทุจฺจริตวิตกฺก, สญฺญา ธาตูติ วุจฺจติ;
Rāgaduccaritavitakka, saññā dhātūti vuccati;
อสฺสาทอรติตุฎฺฐิ, ทุเว จ อุทฺธเจฺจน วโคฺคติฯ
Assādaaratituṭṭhi, duve ca uddhaccena vaggoti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. อุทฺธจฺจสุตฺตวณฺณนา • 10. Uddhaccasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๑. ปาตุภาวสุตฺตาทิวณฺณนา • 1-11. Pātubhāvasuttādivaṇṇanā
