| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. උද්‌ධච්‌චසුත්‌තං
10. Uddhaccasuttaṃ
116. ‘‘තයොමෙ , භික්‌ඛවෙ, ධම්‌මා. කතමෙ තයො? උද්‌ධච්‌චං, අසංවරො, පමාදො. ඉමෙ ඛො, භික්‌ඛවෙ, තයො ධම්‌මා. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය තයො ධම්‌මා භාවෙතබ්‌බා. කතමෙ තයො? උද්‌ධච්‌චස්‌ස පහානාය සමථො භාවෙතබ්‌බො, අසංවරස්‌ස පහානාය සංවරො භාවෙතබ්‌බො, පමාදස්‌ස පහානාය අප්‌පමාදො භාවෙතබ්‌බො. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය ඉමෙ තයො ධම්‌මා භාවෙතබ්‌බා’’ති. දසමං.
116. ‘‘Tayome , bhikkhave, dhammā. Katame tayo? Uddhaccaṃ, asaṃvaro, pamādo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Uddhaccassa pahānāya samatho bhāvetabbo, asaṃvarassa pahānāya saṃvaro bhāvetabbo, pamādassa pahānāya appamādo bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dasamaṃ.
තස්‌සුද්‌දානං –
Tassuddānaṃ –
රාගදුච්‌චරිතවිතක්‌ක, සඤ්‌ඤා ධාතූති වුච්‌චති;
Rāgaduccaritavitakka, saññā dhātūti vuccati;
අස්‌සාදඅරතිතුට්‌ඨි, දුවෙ ච උද්‌ධච්‌චෙන වග්‌ගොති.
Assādaaratituṭṭhi, duve ca uddhaccena vaggoti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. උද්‌ධච්‌චසුත්‌තවණ්‌ණනා • 10. Uddhaccasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
