| Library / Tipiṭaka / तिपिटक • Tipiṭaka / उदानपाळि • Udānapāḷi |
२. उद्धतसुत्तं
2. Uddhatasuttaṃ
३२. एवं मे सुतं – एकं समयं भगवा कुसिनारायं विहरति उपवत्तने मल्लानं सालवने। तेन खो पन समयेन सम्बहुला भिक्खू भगवतो अविदूरे अरञ्ञकुटिकायं विहरन्ति उद्धता उन्नळा चपला मुखरा विकिण्णवाचा मुट्ठस्सतिनो असम्पजाना असमाहिता विब्भन्तचित्ता पाकतिन्द्रिया।
32. Evaṃ me sutaṃ – ekaṃ samayaṃ bhagavā kusinārāyaṃ viharati upavattane mallānaṃ sālavane. Tena kho pana samayena sambahulā bhikkhū bhagavato avidūre araññakuṭikāyaṃ viharanti uddhatā unnaḷā capalā mukharā vikiṇṇavācā muṭṭhassatino asampajānā asamāhitā vibbhantacittā pākatindriyā.
अद्दसा खो भगवा ते सम्बहुले भिक्खू अविदूरे अरञ्ञकुटिकायं विहरन्ते उद्धते उन्नळे चपले मुखरे विकिण्णवाचे मुट्ठस्सतिनो असम्पजाने असमाहिते विब्भन्तचित्ते पाकतिन्द्रिये।
Addasā kho bhagavā te sambahule bhikkhū avidūre araññakuṭikāyaṃ viharante uddhate unnaḷe capale mukhare vikiṇṇavāce muṭṭhassatino asampajāne asamāhite vibbhantacitte pākatindriye.
अथ खो भगवा एतमत्थं विदित्वा तायं वेलायं इमं उदानं उदानेसि –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘तस्मा रक्खितचित्तस्स, सम्मासङ्कप्पगोचरो।
‘‘Tasmā rakkhitacittassa, sammāsaṅkappagocaro;
सम्मादिट्ठिपुरेक्खारो, ञत्वान उदयब्बयं।
Sammādiṭṭhipurekkhāro, ñatvāna udayabbayaṃ;
थीनमिद्धाभिभू भिक्खु, सब्बा दुग्गतियो जहे’’ति॥ दुतियं।
Thīnamiddhābhibhū bhikkhu, sabbā duggatiyo jahe’’ti. dutiyaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / उदान-अट्ठकथा • Udāna-aṭṭhakathā / २. उद्धतसुत्तवण्णना • 2. Uddhatasuttavaṇṇanā
