| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. уд̣̇осид̇асигкаабад̣̇ам̣
2. Udositasikkhāpadaṃ
471. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкуу бхигкуунам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманд̇и. д̇аани жийвараани жирам̣ нигкид̇д̇аани ган̣н̣агид̇аани хонд̇и. д̇аани бхигкуу од̇аабзнд̇и. ад̣̇д̣̇асаа ко ааяасмаа аананд̣̇о сзнаасанажааригам̣ аахин̣д̣анд̇о д̇з бхигкуу д̇аани жийвараани од̇аабзнд̇з. д̣̇исваана язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘гассимаани, аавусо, жийвараани ган̣н̣агид̇ааний’’д̇и? ат̇а ко д̇з бхигкуу ааяасмад̇о аананд̣̇асса зд̇амад̇т̇ам̣ аарожзсум̣. ааяасмаа аананд̣̇о уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкуу бхигкуунам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггамиссанд̇ий’’д̇и! ат̇а ко ааяасмаа аананд̣̇о д̇з бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзси…бз… ‘‘сажжам̣ гира, бхигкавз, бхигкуу бхигкуунам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа бхигкуунам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггамиссанд̇и ! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
471. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamanti. Tāni cīvarāni ciraṃ nikkhittāni kaṇṇakitāni honti. Tāni bhikkhū otāpenti. Addasā kho āyasmā ānando senāsanacārikaṃ āhiṇḍanto te bhikkhū tāni cīvarāni otāpente. Disvāna yena te bhikkhū tenupasaṅkami; upasaṅkamitvā te bhikkhū etadavoca – ‘‘kassimāni, āvuso, cīvarāni kaṇṇakitānī’’ti? Atha kho te bhikkhū āyasmato ānandassa etamatthaṃ ārocesuṃ. Āyasmā ānando ujjhāyati khiyyati vipāceti – ‘‘kathañhi nāma bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamissantī’’ti! Atha kho āyasmā ānando te bhikkhū anekapariyāyena vigarahitvā bhagavato etamatthaṃ ārocesi…pe… ‘‘saccaṃ kira, bhikkhave, bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamissanti ! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
472. ‘‘нидтид̇ажийварасмим̣ бхигкунаа уб̣бхад̇асмим̣ гат̇инз згарад̇д̇амби жз бхигку д̇ижийварзна виббавасзяяа, ниссаг̇г̇ияам̣ баажид̇д̇ияа’’нд̇и.
472.‘‘Niṭṭhitacīvarasmiṃ bhikkhunā ubbhatasmiṃ kathine ekarattampi ce bhikkhu ticīvarena vippavaseyya, nissaggiyaṃ pācittiya’’nti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
473. д̇зна ко бана самаязна ан̃н̃ад̇аро бхигку госамб̣ияам̣ г̇илаано ход̇и. н̃аад̇агаа д̇асса бхигкуно санд̇игз д̣̇ууд̇ам̣ баахзсум̣ – ‘‘ааг̇ажчад̇у бхад̣̇анд̇о, маяам̣, убадтахиссаамаа’’д̇и. бхигкууби звамаахам̣су – ‘‘г̇ажчаавусо , н̃аад̇агаа д̇ам̣ убадтахиссанд̇ий’’д̇и. со звамааха – ‘‘бхаг̇авад̇аавусо, сигкаабад̣̇ам̣ бан̃н̃ад̇д̇ам̣ – ‘на д̇ижийварзна виббавасид̇аб̣б̣а’нд̇и. ахан̃жамхи г̇илаано. на саггоми д̇ижийварам̣ аад̣̇ааяа баггамид̇ум̣. наахам̣ г̇амиссаамий’’д̇и . бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанасса бхигкуно д̇ижийварзна авиббаваасасаммуд̇им̣ д̣̇аад̇ум̣. зван̃жа бана, бхигкавз, д̣̇аад̇аб̣б̣аа. д̇зна г̇илаанзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘ахам̣, бханд̇з, г̇илаано. на саггоми д̇ижийварам̣ аад̣̇ааяа баггамид̇ум̣. сохам̣, бханд̇з, сан̇гхам̣ д̇ижийварзна авиббаваасасаммуд̇им̣ яаажаамий’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
473. Tena kho pana samayena aññataro bhikkhu kosambiyaṃ gilāno hoti. Ñātakā tassa bhikkhuno santike dūtaṃ pāhesuṃ – ‘‘āgacchatu bhadanto, mayaṃ, upaṭṭhahissāmā’’ti. Bhikkhūpi evamāhaṃsu – ‘‘gacchāvuso , ñātakā taṃ upaṭṭhahissantī’’ti. So evamāha – ‘‘bhagavatāvuso, sikkhāpadaṃ paññattaṃ – ‘na ticīvarena vippavasitabba’nti. Ahañcamhi gilāno. Na sakkomi ticīvaraṃ ādāya pakkamituṃ. Nāhaṃ gamissāmī’’ti . Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānassa bhikkhuno ticīvarena avippavāsasammutiṃ dātuṃ. Evañca pana, bhikkhave, dātabbā. Tena gilānena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, gilāno. Na sakkomi ticīvaraṃ ādāya pakkamituṃ. Sohaṃ, bhante, saṅghaṃ ticīvarena avippavāsasammutiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
474. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку г̇илаано. на саггод̇и д̇ижийварам̣ аад̣̇ааяа баггамид̇ум̣. со сан̇гхам̣ д̇ижийварзна авиббаваасасаммуд̇им̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно д̇ижийварзна авиббаваасасаммуд̇им̣ д̣̇ад̣̇зяяа. зсаа н̃ад̇д̇и.
474. ‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti ticīvaraṃ ādāya pakkamituṃ. So saṅghaṃ ticīvarena avippavāsasammutiṃ yācati. Yadi saṅghassa pattakallaṃ, saṅgho itthannāmassa bhikkhuno ticīvarena avippavāsasammutiṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку г̇илаано. на саггод̇и д̇ижийварам̣ аад̣̇ааяа баггамид̇ум̣. со сан̇гхам̣ д̇ижийварзна авиббаваасасаммуд̇им̣ яаажад̇и. сан̇гхо ид̇т̇аннаамасса бхигкуно д̇ижийварзна авиббаваасасаммуд̇им̣ д̣̇зд̇и. яассааяасмад̇о камад̇и ид̇т̇аннаамасса бхигкуно д̇ижийварзна авиббаваасасаммуд̇ияаа д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti ticīvaraṃ ādāya pakkamituṃ. So saṅghaṃ ticīvarena avippavāsasammutiṃ yācati. Saṅgho itthannāmassa bhikkhuno ticīvarena avippavāsasammutiṃ deti. Yassāyasmato khamati itthannāmassa bhikkhuno ticīvarena avippavāsasammutiyā dānaṃ, so tuṇhassa; yassa nakkhamati, so bhāseyya.
‘‘д̣̇иннаа сан̇гхзна ид̇т̇аннаамасса бхигкуно д̇ижийварзна авиббаваасасаммуд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnā saṅghena itthannāmassa bhikkhuno ticīvarena avippavāsasammuti. Khamati saṅghassa, tasmā tuṇhī, evametaṃ dhārayāmī’’ti.
зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Evañca pana, bhikkhave, imaṃ sikkhāpadaṃ uddiseyyātha –
475. ‘‘нидтид̇ажийварасмим̣ бхигкунаа уб̣бхад̇асмим̣ гат̇инз згарад̇д̇амби жз бхигку д̇ижийварзна виббавасзяяа, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияа’’нд̇и.
475.‘‘Niṭṭhitacīvarasmiṃ bhikkhunā ubbhatasmiṃ kathine ekarattampi ce bhikkhu ticīvarena vippavaseyya, aññatra bhikkhusammutiyā, nissaggiyaṃ pācittiya’’nti.
476. ‘‘нидтид̇ажийварасминд̇и бхигкуно жийварам̣ гад̇ам̣ ваа ход̇и надтам̣ ваа винадтам̣ ваа д̣̇ад̣дхам̣ ваа жийвараасаа ваа убажчиннаа.
476.‘‘Niṭṭhitacīvarasminti bhikkhuno cīvaraṃ kataṃ vā hoti naṭṭhaṃ vā vinaṭṭhaṃ vā daḍḍhaṃ vā cīvarāsā vā upacchinnā.
уб̣бхад̇асмим̣ гат̇инзд̇и адтаннам̣ маад̇игаанам̣ ан̃н̃ад̇арааяа маад̇игааяа уб̣бхад̇ам̣ ход̇и, сан̇гхзна ваа анд̇араа уб̣бхад̇ам̣ ход̇и.
Ubbhatasmiṃkathineti aṭṭhannaṃ mātikānaṃ aññatarāya mātikāya ubbhataṃ hoti, saṅghena vā antarā ubbhataṃ hoti.
згарад̇д̇амби жз бхигку д̇ижийварзна виббавасзяяаад̇и сан̇гхаадияаа ваа уд̇д̇араасан̇г̇зна ваа анд̇араваасагзна ваа.
Ekarattampi ce bhikkhu ticīvarena vippavaseyyāti saṅghāṭiyā vā uttarāsaṅgena vā antaravāsakena vā.
ан̃н̃ад̇ра бхигкусаммуд̇ияаад̇и табзд̇ваа бхигкусаммуд̇им̣.
Aññatra bhikkhusammutiyāti ṭhapetvā bhikkhusammutiṃ.
ниссаг̇г̇ияам̣ ход̇ийд̇и саха арун̣уг̇г̇аманаа 1 ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з , жийварам̣ рад̇д̇ивиббавуд̇т̇ам̣ 2 ан̃н̃ад̇ра бхигкусаммуд̇ияаа ниссаг̇г̇ияам̣, имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Nissaggiyaṃ hotīti saha aruṇuggamanā 3 nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante , cīvaraṃ rattivippavutthaṃ 4 aññatra bhikkhusammutiyā nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
477. г̇аамо згуубажааро наануубажааро. нивзсанам̣ згуубажаарам̣ наануубажаарам̣. уд̣̇осид̇о згуубажааро наануубажааро. аддо згуубажааро наануубажааро. маал̣о згуубажааро наануубажааро. баасаад̣̇о згуубажааро наануубажааро. хаммияам̣ згуубажаарам̣ наануубажаарам̣. нааваа згуубажаараа наануубажаараа. сад̇т̇о згуубажааро наануубажааро. кзд̇д̇ам̣ згуубажаарам̣ наануубажаарам̣. д̇хан̃н̃агаран̣ам̣ згуубажаарам̣ наануубажаарам̣. аараамо згуубажааро наануубажааро. вихааро згуубажааро наануубажааро. ругкамуулам̣ згуубажаарам̣ наануубажаарам̣. аж̇жхогаасо згуубажааро наануубажааро.
477. Gāmo ekūpacāro nānūpacāro. Nivesanaṃ ekūpacāraṃ nānūpacāraṃ. Udosito ekūpacāro nānūpacāro. Aṭṭo ekūpacāro nānūpacāro. Māḷo ekūpacāro nānūpacāro. Pāsādo ekūpacāro nānūpacāro. Hammiyaṃ ekūpacāraṃ nānūpacāraṃ. Nāvā ekūpacārā nānūpacārā. Sattho ekūpacāro nānūpacāro. Khettaṃ ekūpacāraṃ nānūpacāraṃ. Dhaññakaraṇaṃ ekūpacāraṃ nānūpacāraṃ. Ārāmo ekūpacāro nānūpacāro. Vihāro ekūpacāro nānūpacāro. Rukkhamūlaṃ ekūpacāraṃ nānūpacāraṃ. Ajjhokāso ekūpacāro nānūpacāro.
478. г̇аамо згуубажааро наама згагуласса г̇аамо ход̇и баригкид̇д̇о жа . анд̇ог̇аамз жийварам̣ нигкибид̇ваа анд̇ог̇аамз вад̇т̇аб̣б̣ам̣. абаригкид̇д̇о ход̇и, яасмим̣ гхарз жийварам̣ нигкид̇д̇ам̣ ход̇и д̇асмим̣ гхарз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
478.Gāmo ekūpacāro nāma ekakulassa gāmo hoti parikkhitto ca . Antogāme cīvaraṃ nikkhipitvā antogāme vatthabbaṃ. Aparikkhitto hoti, yasmiṃ ghare cīvaraṃ nikkhittaṃ hoti tasmiṃ ghare vatthabbaṃ, hatthapāsā vā na vijahitabbaṃ.
479. наанаагуласса г̇аамо ход̇и баригкид̇д̇о жа. яасмим̣ гхарз жийварам̣ нигкид̇д̇ам̣ ход̇и д̇асмим̣ гхарз вад̇т̇аб̣б̣ам̣ сабхааяз ваа д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣. сабхааяам̣ г̇ажчанд̇зна хад̇т̇абаасз жийварам̣ нигкибид̇ваа сабхааяз ваа вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣. сабхааяз жийварам̣ нигкибид̇ваа сабхааяз ваа вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣. абаригкид̇д̇о ход̇и, яасмим̣ гхарз жийварам̣ нигкид̇д̇ам̣ ход̇и д̇асмим̣ гхарз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
479. Nānākulassa gāmo hoti parikkhitto ca. Yasmiṃ ghare cīvaraṃ nikkhittaṃ hoti tasmiṃ ghare vatthabbaṃ sabhāye vā dvāramūle vā, hatthapāsā vā na vijahitabbaṃ. Sabhāyaṃ gacchantena hatthapāse cīvaraṃ nikkhipitvā sabhāye vā vatthabbaṃ dvāramūle vā, hatthapāsā vā na vijahitabbaṃ. Sabhāye cīvaraṃ nikkhipitvā sabhāye vā vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti, yasmiṃ ghare cīvaraṃ nikkhittaṃ hoti tasmiṃ ghare vatthabbaṃ, hatthapāsā vā na vijahitabbaṃ.
480. згагуласса нивзсанам̣ ход̇и баригкид̇д̇ан̃жа, наанааг̇аб̣бхаа наанааоварагаа. анд̇онивзсанз жийварам̣ нигкибид̇ваа анд̇онивзсанз вад̇т̇аб̣б̣ам̣. абаригкид̇д̇ам̣ ход̇и, яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
480. Ekakulassa nivesanaṃ hoti parikkhittañca, nānāgabbhā nānāovarakā. Antonivesane cīvaraṃ nikkhipitvā antonivesane vatthabbaṃ. Aparikkhittaṃ hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
481. наанаагуласса нивзсанам̣ ход̇и баригкид̇д̇ан̃жа, наанааг̇аб̣бхаа наанааоварагаа. яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣ . абаригкид̇д̇ам̣ ход̇и, яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
481. Nānākulassa nivesanaṃ hoti parikkhittañca, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ . Aparikkhittaṃ hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
482. згагуласса уд̣̇осид̇о ход̇и баригкид̇д̇о жа, наанааг̇аб̣бхаа наанааоварагаа . анд̇оуд̣̇осид̇з жийварам̣ нигкибид̇ваа анд̇оуд̣̇осид̇з вад̇т̇аб̣б̣ам̣. абаригкид̇д̇о ход̇и, яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
482. Ekakulassa udosito hoti parikkhitto ca, nānāgabbhā nānāovarakā . Antoudosite cīvaraṃ nikkhipitvā antoudosite vatthabbaṃ. Aparikkhitto hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
483. наанаагуласса уд̣̇осид̇о ход̇и баригкид̇д̇о жа, наанааг̇аб̣бхаа наанааоварагаа. яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣. абаригкид̇д̇о ход̇и, яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
483. Nānākulassa udosito hoti parikkhitto ca, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
484. згагуласса аддо ход̇и, анд̇оаддз жийварам̣ нигкибид̇ваа анд̇оаддз вад̇т̇аб̣б̣ам̣. наанаагуласса аддо ход̇и, наанааг̇аб̣бхаа наанааоварагаа. яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣.
484. Ekakulassa aṭṭo hoti, antoaṭṭe cīvaraṃ nikkhipitvā antoaṭṭe vatthabbaṃ. Nānākulassa aṭṭo hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
485. згагуласса маал̣о ход̇и, анд̇омаал̣з жийварам̣ нигкибид̇ваа анд̇омаал̣з вад̇т̇аб̣б̣ам̣. наанаагуласса маал̣о ход̇и наанааг̇аб̣бхаа наанааоварагаа, яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣.
485. Ekakulassa māḷo hoti, antomāḷe cīvaraṃ nikkhipitvā antomāḷe vatthabbaṃ. Nānākulassa māḷo hoti nānāgabbhā nānāovarakā, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
486. згагуласса баасаад̣̇о ход̇и, анд̇обаасаад̣̇з жийварам̣ нигкибид̇ваа анд̇обаасаад̣̇з вад̇т̇аб̣б̣ам̣. наанаагуласса баасаад̣̇о ход̇и, наанааг̇аб̣бхаа наанааоварагаа. яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣.
486. Ekakulassa pāsādo hoti, antopāsāde cīvaraṃ nikkhipitvā antopāsāde vatthabbaṃ. Nānākulassa pāsādo hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
487. згагуласса хаммияам̣ ход̇и. анд̇охаммияз жийварам̣ нигкибид̇ваа анд̇охаммияз вад̇т̇аб̣б̣ам̣. наанаагуласса хаммияам̣ ход̇и, наанааг̇аб̣бхаа наанааоварагаа. яасмим̣ г̇аб̣бхз жийварам̣ нигкид̇д̇ам̣ ход̇и д̇асмим̣ г̇аб̣бхз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣.
487. Ekakulassa hammiyaṃ hoti. Antohammiye cīvaraṃ nikkhipitvā antohammiye vatthabbaṃ. Nānākulassa hammiyaṃ hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
488. згагуласса нааваа ход̇и. анд̇онаавааяа жийварам̣ нигкибид̇ваа анд̇онаавааяа вад̇т̇аб̣б̣ам̣ . наанаагуласса нааваа ход̇и наанааг̇аб̣бхаа наанааоварагаа. яасмим̣ оварагз жийварам̣ нигкид̇д̇ам̣ ход̇и д̇асмим̣ оварагз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
488. Ekakulassa nāvā hoti. Antonāvāya cīvaraṃ nikkhipitvā antonāvāya vatthabbaṃ . Nānākulassa nāvā hoti nānāgabbhā nānāovarakā. Yasmiṃ ovarake cīvaraṃ nikkhittaṃ hoti tasmiṃ ovarake vatthabbaṃ, hatthapāsā vā na vijahitabbaṃ.
489. згагуласса сад̇т̇о ход̇и. сад̇т̇з жийварам̣ нигкибид̇ваа бурад̇о ваа бажчад̇о ваа сад̇д̇аб̣бханд̇араа на виж̇ахид̇аб̣б̣аа, бассад̇о аб̣бханд̇арам̣ на виж̇ахид̇аб̣б̣ам̣. наанаагуласса сад̇т̇о ход̇и, сад̇т̇з жийварам̣ нигкибид̇ваа хад̇т̇абаасаа на виж̇ахид̇аб̣б̣ам̣.
489. Ekakulassa sattho hoti. Satthe cīvaraṃ nikkhipitvā purato vā pacchato vā sattabbhantarā na vijahitabbā, passato abbhantaraṃ na vijahitabbaṃ. Nānākulassa sattho hoti, satthe cīvaraṃ nikkhipitvā hatthapāsā na vijahitabbaṃ.
490. згагуласса кзд̇д̇ам̣ ход̇и баригкид̇д̇ан̃жа. анд̇окзд̇д̇з жийварам̣ нигкибид̇ваа анд̇окзд̇д̇з вад̇т̇аб̣б̣ам̣. абаригкид̇д̇ам̣ ход̇и, хад̇т̇абаасаа на виж̇ахид̇аб̣б̣ам̣. наанаагуласса кзд̇д̇ам̣ ход̇и баригкид̇д̇ан̃жа. анд̇окзд̇д̇з жийварам̣ нигкибид̇ваа д̣̇ваарамуулз ваа вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣. абаригкид̇д̇ам̣ ход̇и, хад̇т̇абаасаа на виж̇ахид̇аб̣б̣ам̣.
490. Ekakulassa khettaṃ hoti parikkhittañca. Antokhette cīvaraṃ nikkhipitvā antokhette vatthabbaṃ. Aparikkhittaṃ hoti, hatthapāsā na vijahitabbaṃ. Nānākulassa khettaṃ hoti parikkhittañca. Antokhette cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhittaṃ hoti, hatthapāsā na vijahitabbaṃ.
491. згагуласса д̇хан̃н̃агаран̣ам̣ ход̇и баригкид̇д̇ан̃жа. анд̇од̇хан̃н̃агаран̣з жийварам̣ нигкибид̇ваа анд̇од̇хан̃н̃агаран̣з вад̇т̇аб̣б̣ам̣. абаригкид̇д̇ам̣ ход̇и, хад̇т̇абаасаа на виж̇ахид̇аб̣б̣ам̣. наанаагуласса д̇хан̃н̃агаран̣ам̣ ход̇и баригкид̇д̇ан̃жа. анд̇од̇хан̃н̃агаран̣з жийварам̣ нигкибид̇ваа д̣̇ваарамуулз ваа вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣. абаригкид̇д̇ам̣ ход̇и, хад̇т̇абаасаа на виж̇ахид̇аб̣б̣ам̣.
491. Ekakulassa dhaññakaraṇaṃ hoti parikkhittañca. Antodhaññakaraṇe cīvaraṃ nikkhipitvā antodhaññakaraṇe vatthabbaṃ. Aparikkhittaṃ hoti, hatthapāsā na vijahitabbaṃ. Nānākulassa dhaññakaraṇaṃ hoti parikkhittañca. Antodhaññakaraṇe cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhittaṃ hoti, hatthapāsā na vijahitabbaṃ.
492. згагуласса аараамо ход̇и баригкид̇д̇о жа. анд̇оаараамз жийварам̣ нигкибид̇ваа анд̇оаараамз вад̇т̇аб̣б̣ам̣. абаригкид̇д̇о ход̇и, хад̇т̇абаасаа на виж̇ахид̇аб̣б̣ам̣. наанаагуласса аараамо ход̇и баригкид̇д̇о жа. анд̇оаараамз жийварам̣ нигкибид̇ваа д̣̇ваарамуулз ваа вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣. абаригкид̇д̇о ход̇и, хад̇т̇абаасаа на виж̇ахид̇аб̣б̣ам̣.
492. Ekakulassa ārāmo hoti parikkhitto ca. Antoārāme cīvaraṃ nikkhipitvā antoārāme vatthabbaṃ. Aparikkhitto hoti, hatthapāsā na vijahitabbaṃ. Nānākulassa ārāmo hoti parikkhitto ca. Antoārāme cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhitto hoti, hatthapāsā na vijahitabbaṃ.
493. згагуласса вихааро ход̇и баригкид̇д̇о жа. анд̇овихаарз жийварам̣ нигкибид̇ваа анд̇овихаарз вад̇т̇аб̣б̣ам̣. абаригкид̇д̇о ход̇и, яасмим̣ вихаарз жийварам̣ нигкид̇д̇ам̣ ход̇и д̇асмим̣ вихаарз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣. наанаагуласса вихааро ход̇и баригкид̇д̇о жа. яасмим̣ вихаарз жийварам̣ нигкид̇д̇ам̣ ход̇и д̇асмим̣ вихаарз вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣ам̣. абаригкид̇д̇о ход̇и , яасмим̣ вихаарз жийварам̣ нигкид̇д̇ам̣ ход̇и д̇асмим̣ вихаарз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
493. Ekakulassa vihāro hoti parikkhitto ca. Antovihāre cīvaraṃ nikkhipitvā antovihāre vatthabbaṃ. Aparikkhitto hoti, yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ, hatthapāsā vā na vijahitabbaṃ. Nānākulassa vihāro hoti parikkhitto ca. Yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti , yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ, hatthapāsā vā na vijahitabbaṃ.
494. згагуласса ругкамуулам̣ ход̇и, яам̣ маж̇жханхигз гаалз саманд̇аа чааяаа парад̇и, анд̇очааяааяа жийварам̣ нигкибид̇ваа анд̇очааяааяа вад̇т̇аб̣б̣ам̣. наанаагуласса ругкамуулам̣ ход̇и, хад̇т̇абаасаа на виж̇ахид̇аб̣б̣ам̣.
494. Ekakulassa rukkhamūlaṃ hoti, yaṃ majjhanhike kāle samantā chāyā pharati, antochāyāya cīvaraṃ nikkhipitvā antochāyāya vatthabbaṃ. Nānākulassa rukkhamūlaṃ hoti, hatthapāsā na vijahitabbaṃ.
аж̇жхогаасо згуубажааро наама аг̇аамагз аран̃н̃з саманд̇аа сад̇д̇аб̣бханд̇араа згуубажааро, д̇ад̇о барам̣ наануубажааро.
Ajjhokāso ekūpacāro nāma agāmake araññe samantā sattabbhantarā ekūpacāro, tato paraṃ nānūpacāro.
495. виббавуд̇т̇з виббавуд̇т̇асан̃н̃ий ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. виббавуд̇т̇з взмад̇иго, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. виббавуд̇т̇з авиббавуд̇т̇асан̃н̃ий, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. аббажжуд̣̇д̇хадз бажжуд̣̇д̇хадасан̃н̃ий…бз… ависсаж̇ж̇ид̇з виссаж̇ж̇ид̇асан̃н̃ий… анадтз надтасан̃н̃ий… авинадтз винадтасан̃н̃ий… ад̣̇ад̣дхз д̣̇ад̣дхасан̃н̃ий…бз… авилуд̇д̇з вилуд̇д̇асан̃н̃ий, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣.
495. Vippavutthe vippavutthasaññī aññatra bhikkhusammutiyā, nissaggiyaṃ pācittiyaṃ. Vippavutthe vematiko, aññatra bhikkhusammutiyā, nissaggiyaṃ pācittiyaṃ. Vippavutthe avippavutthasaññī, aññatra bhikkhusammutiyā, nissaggiyaṃ pācittiyaṃ. Appaccuddhaṭe paccuddhaṭasaññī…pe… avissajjite vissajjitasaññī… anaṭṭhe naṭṭhasaññī… avinaṭṭhe vinaṭṭhasaññī… adaḍḍhe daḍḍhasaññī…pe… avilutte viluttasaññī, aññatra bhikkhusammutiyā, nissaggiyaṃ pācittiyaṃ.
ниссаг̇г̇ияам̣ жийварам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса . авиббавуд̇т̇з виббавуд̇т̇асан̃н̃ий, аабад̇д̇и д̣̇уггадасса. авиббавуд̇т̇з взмад̇иго, аабад̇д̇и д̣̇уггадасса. авиббавуд̇т̇з авиббавуд̇т̇асан̃н̃ий, анаабад̇д̇и.
Nissaggiyaṃ cīvaraṃ anissajjitvā paribhuñjati, āpatti dukkaṭassa . Avippavutthe vippavutthasaññī, āpatti dukkaṭassa. Avippavutthe vematiko, āpatti dukkaṭassa. Avippavutthe avippavutthasaññī, anāpatti.
496. анаабад̇д̇и анд̇оарун̣з бажжуд̣̇д̇харад̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, бхигкусаммуд̇ияаа, уммад̇д̇агасса, аад̣̇игаммигассаад̇и.
496. Anāpatti antoaruṇe paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, bhikkhusammutiyā, ummattakassa, ādikammikassāti.
уд̣̇осид̇асигкаабад̣̇ам̣ нидтид̇ам̣ д̣̇уд̇ияам̣.
Udositasikkhāpadaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
