| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਉਦੋਸਿਤਸਿਕ੍ਖਾਪਦਂ
2. Udositasikkhāpadaṃ
੪੭੧. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਨ੍ਤਿ। ਤਾਨਿ ਚੀવਰਾਨਿ ਚਿਰਂ ਨਿਕ੍ਖਿਤ੍ਤਾਨਿ ਕਣ੍ਣਕਿਤਾਨਿ ਹੋਨ੍ਤਿ। ਤਾਨਿ ਭਿਕ੍ਖੂ ਓਤਾਪੇਨ੍ਤਿ। ਅਦ੍ਦਸਾ ਖੋ ਆਯਸ੍ਮਾ ਆਨਨ੍ਦੋ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤੇ ਭਿਕ੍ਖੂ ਤਾਨਿ ਚੀવਰਾਨਿ ਓਤਾਪੇਨ੍ਤੇ। ਦਿਸ੍વਾਨ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤੇ ਭਿਕ੍ਖੂ ਏਤਦવੋਚ – ‘‘ਕਸ੍ਸਿਮਾਨਿ, ਆવੁਸੋ, ਚੀવਰਾਨਿ ਕਣ੍ਣਕਿਤਾਨੀ’’ਤਿ? ਅਥ ਖੋ ਤੇ ਭਿਕ੍ਖੂ ਆਯਸ੍ਮਤੋ ਆਨਨ੍ਦਸ੍ਸ ਏਤਮਤ੍ਥਂ ਆਰੋਚੇਸੁਂ। ਆਯਸ੍ਮਾ ਆਨਨ੍ਦੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਿਸ੍ਸਨ੍ਤੀ’’ਤਿ! ਅਥ ਖੋ ਆਯਸ੍ਮਾ ਆਨਨ੍ਦੋ ਤੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸਿ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਨ੍ਤੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਭਿਕ੍ਖੂਨਂ ਹਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਿਸ੍ਸਨ੍ਤਿ ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
471. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamanti. Tāni cīvarāni ciraṃ nikkhittāni kaṇṇakitāni honti. Tāni bhikkhū otāpenti. Addasā kho āyasmā ānando senāsanacārikaṃ āhiṇḍanto te bhikkhū tāni cīvarāni otāpente. Disvāna yena te bhikkhū tenupasaṅkami; upasaṅkamitvā te bhikkhū etadavoca – ‘‘kassimāni, āvuso, cīvarāni kaṇṇakitānī’’ti? Atha kho te bhikkhū āyasmato ānandassa etamatthaṃ ārocesuṃ. Āyasmā ānando ujjhāyati khiyyati vipāceti – ‘‘kathañhi nāma bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamissantī’’ti! Atha kho āyasmā ānando te bhikkhū anekapariyāyena vigarahitvā bhagavato etamatthaṃ ārocesi…pe… ‘‘saccaṃ kira, bhikkhave, bhikkhū bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā bhikkhūnaṃ hatthe cīvaraṃ nikkhipitvā santaruttarena janapadacārikaṃ pakkamissanti ! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੪੭੨. ‘‘ਨਿਟ੍ਠਿਤਚੀવਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀવਰੇਨ વਿਪ੍ਪવਸੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
472.‘‘Niṭṭhitacīvarasmiṃ bhikkhunā ubbhatasmiṃ kathine ekarattampi ce bhikkhu ticīvarena vippavaseyya, nissaggiyaṃ pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੪੭੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੋਸਮ੍ਬਿਯਂ ਗਿਲਾਨੋ ਹੋਤਿ। ਞਾਤਕਾ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਤੁ ਭਦਨ੍ਤੋ, ਮਯਂ, ਉਪਟ੍ਠਹਿਸ੍ਸਾਮਾ’’ਤਿ। ਭਿਕ੍ਖੂਪਿ ਏવਮਾਹਂਸੁ – ‘‘ਗਚ੍ਛਾવੁਸੋ , ਞਾਤਕਾ ਤਂ ਉਪਟ੍ਠਹਿਸ੍ਸਨ੍ਤੀ’’ਤਿ। ਸੋ ਏવਮਾਹ – ‘‘ਭਗવਤਾવੁਸੋ, ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨ ਤਿਚੀવਰੇਨ વਿਪ੍ਪવਸਿਤਬ੍ਬ’ਨ੍ਤਿ। ਅਹਞ੍ਚਮ੍ਹਿ ਗਿਲਾਨੋ। ਨ ਸਕ੍ਕੋਮਿ ਤਿਚੀવਰਂ ਆਦਾਯ ਪਕ੍ਕਮਿਤੁਂ। ਨਾਹਂ ਗਮਿਸ੍ਸਾਮੀ’’ਤਿ । ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨਸ੍ਸ ਭਿਕ੍ਖੁਨੋ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਦਾਤੁਂ। ਏવਞ੍ਚ ਪਨ, ਭਿਕ੍ਖવੇ, ਦਾਤਬ੍ਬਾ। ਤੇਨ ਗਿਲਾਨੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘ਅਹਂ, ਭਨ੍ਤੇ, ਗਿਲਾਨੋ। ਨ ਸਕ੍ਕੋਮਿ ਤਿਚੀવਰਂ ਆਦਾਯ ਪਕ੍ਕਮਿਤੁਂ। ਸੋਹਂ, ਭਨ੍ਤੇ, ਸਙ੍ਘਂ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਯਾਚਾਮੀ’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
473. Tena kho pana samayena aññataro bhikkhu kosambiyaṃ gilāno hoti. Ñātakā tassa bhikkhuno santike dūtaṃ pāhesuṃ – ‘‘āgacchatu bhadanto, mayaṃ, upaṭṭhahissāmā’’ti. Bhikkhūpi evamāhaṃsu – ‘‘gacchāvuso , ñātakā taṃ upaṭṭhahissantī’’ti. So evamāha – ‘‘bhagavatāvuso, sikkhāpadaṃ paññattaṃ – ‘na ticīvarena vippavasitabba’nti. Ahañcamhi gilāno. Na sakkomi ticīvaraṃ ādāya pakkamituṃ. Nāhaṃ gamissāmī’’ti . Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānassa bhikkhuno ticīvarena avippavāsasammutiṃ dātuṃ. Evañca pana, bhikkhave, dātabbā. Tena gilānena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, gilāno. Na sakkomi ticīvaraṃ ādāya pakkamituṃ. Sohaṃ, bhante, saṅghaṃ ticīvarena avippavāsasammutiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
੪੭੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ। ਨ ਸਕ੍ਕੋਤਿ ਤਿਚੀવਰਂ ਆਦਾਯ ਪਕ੍ਕਮਿਤੁਂ। ਸੋ ਸਙ੍ਘਂ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਦਦੇਯ੍ਯ। ਏਸਾ ਞਤ੍ਤਿ।
474. ‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti ticīvaraṃ ādāya pakkamituṃ. So saṅghaṃ ticīvarena avippavāsasammutiṃ yācati. Yadi saṅghassa pattakallaṃ, saṅgho itthannāmassa bhikkhuno ticīvarena avippavāsasammutiṃ dadeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ। ਨ ਸਕ੍ਕੋਤਿ ਤਿਚੀવਰਂ ਆਦਾਯ ਪਕ੍ਕਮਿਤੁਂ। ਸੋ ਸਙ੍ਘਂ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਂ ਦੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿਯਾ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti ticīvaraṃ ādāya pakkamituṃ. So saṅghaṃ ticīvarena avippavāsasammutiṃ yācati. Saṅgho itthannāmassa bhikkhuno ticīvarena avippavāsasammutiṃ deti. Yassāyasmato khamati itthannāmassa bhikkhuno ticīvarena avippavāsasammutiyā dānaṃ, so tuṇhassa; yassa nakkhamati, so bhāseyya.
‘‘ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Dinnā saṅghena itthannāmassa bhikkhuno ticīvarena avippavāsasammuti. Khamati saṅghassa, tasmā tuṇhī, evametaṃ dhārayāmī’’ti.
ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Evañca pana, bhikkhave, imaṃ sikkhāpadaṃ uddiseyyātha –
੪੭੫. ‘‘ਨਿਟ੍ਠਿਤਚੀવਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀવਰੇਨ વਿਪ੍ਪવਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
475.‘‘Niṭṭhitacīvarasmiṃ bhikkhunā ubbhatasmiṃ kathine ekarattampi ce bhikkhu ticīvarena vippavaseyya, aññatra bhikkhusammutiyā, nissaggiyaṃ pācittiya’’nti.
੪੭੬. ‘‘ਨਿਟ੍ਠਿਤਚੀવਰਸ੍ਮਿਨ੍ਤਿ ਭਿਕ੍ਖੁਨੋ ਚੀવਰਂ ਕਤਂ વਾ ਹੋਤਿ ਨਟ੍ਠਂ વਾ વਿਨਟ੍ਠਂ વਾ ਦਡ੍ਢਂ વਾ ਚੀવਰਾਸਾ વਾ ਉਪਚ੍ਛਿਨ੍ਨਾ।
476.‘‘Niṭṭhitacīvarasminti bhikkhuno cīvaraṃ kataṃ vā hoti naṭṭhaṃ vā vinaṭṭhaṃ vā daḍḍhaṃ vā cīvarāsā vā upacchinnā.
ਉਬ੍ਭਤਸ੍ਮਿਂ ਕਥਿਨੇਤਿ ਅਟ੍ਠਨ੍ਨਂ ਮਾਤਿਕਾਨਂ ਅਞ੍ਞਤਰਾਯ ਮਾਤਿਕਾਯ ਉਬ੍ਭਤਂ ਹੋਤਿ, ਸਙ੍ਘੇਨ વਾ ਅਨ੍ਤਰਾ ਉਬ੍ਭਤਂ ਹੋਤਿ।
Ubbhatasmiṃkathineti aṭṭhannaṃ mātikānaṃ aññatarāya mātikāya ubbhataṃ hoti, saṅghena vā antarā ubbhataṃ hoti.
ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀવਰੇਨ વਿਪ੍ਪવਸੇਯ੍ਯਾਤਿ ਸਙ੍ਘਾਟਿਯਾ વਾ ਉਤ੍ਤਰਾਸਙ੍ਗੇਨ વਾ ਅਨ੍ਤਰવਾਸਕੇਨ વਾ।
Ekarattampi ce bhikkhu ticīvarena vippavaseyyāti saṅghāṭiyā vā uttarāsaṅgena vā antaravāsakena vā.
ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍વਾ ਭਿਕ੍ਖੁਸਮ੍ਮੁਤਿਂ।
Aññatra bhikkhusammutiyāti ṭhapetvā bhikkhusammutiṃ.
ਨਿਸ੍ਸਗ੍ਗਿਯਂ ਹੋਤੀਤਿ ਸਹ ਅਰੁਣੁਗ੍ਗਮਨਾ 1 ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ , ਚੀવਰਂ ਰਤ੍ਤਿવਿਪ੍ਪવੁਤ੍ਥਂ 2 ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Nissaggiyaṃ hotīti saha aruṇuggamanā 3 nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante , cīvaraṃ rattivippavutthaṃ 4 aññatra bhikkhusammutiyā nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੪੭੭. ਗਾਮੋ ਏਕੂਪਚਾਰੋ ਨਾਨੂਪਚਾਰੋ। ਨਿવੇਸਨਂ ਏਕੂਪਚਾਰਂ ਨਾਨੂਪਚਾਰਂ। ਉਦੋਸਿਤੋ ਏਕੂਪਚਾਰੋ ਨਾਨੂਪਚਾਰੋ। ਅਟ੍ਟੋ ਏਕੂਪਚਾਰੋ ਨਾਨੂਪਚਾਰੋ। ਮਾਲ਼ੋ ਏਕੂਪਚਾਰੋ ਨਾਨੂਪਚਾਰੋ। ਪਾਸਾਦੋ ਏਕੂਪਚਾਰੋ ਨਾਨੂਪਚਾਰੋ। ਹਮ੍ਮਿਯਂ ਏਕੂਪਚਾਰਂ ਨਾਨੂਪਚਾਰਂ। ਨਾવਾ ਏਕੂਪਚਾਰਾ ਨਾਨੂਪਚਾਰਾ। ਸਤ੍ਥੋ ਏਕੂਪਚਾਰੋ ਨਾਨੂਪਚਾਰੋ। ਖੇਤ੍ਤਂ ਏਕੂਪਚਾਰਂ ਨਾਨੂਪਚਾਰਂ। ਧਞ੍ਞਕਰਣਂ ਏਕੂਪਚਾਰਂ ਨਾਨੂਪਚਾਰਂ। ਆਰਾਮੋ ਏਕੂਪਚਾਰੋ ਨਾਨੂਪਚਾਰੋ। વਿਹਾਰੋ ਏਕੂਪਚਾਰੋ ਨਾਨੂਪਚਾਰੋ। ਰੁਕ੍ਖਮੂਲਂ ਏਕੂਪਚਾਰਂ ਨਾਨੂਪਚਾਰਂ। ਅਜ੍ਝੋਕਾਸੋ ਏਕੂਪਚਾਰੋ ਨਾਨੂਪਚਾਰੋ।
477. Gāmo ekūpacāro nānūpacāro. Nivesanaṃ ekūpacāraṃ nānūpacāraṃ. Udosito ekūpacāro nānūpacāro. Aṭṭo ekūpacāro nānūpacāro. Māḷo ekūpacāro nānūpacāro. Pāsādo ekūpacāro nānūpacāro. Hammiyaṃ ekūpacāraṃ nānūpacāraṃ. Nāvā ekūpacārā nānūpacārā. Sattho ekūpacāro nānūpacāro. Khettaṃ ekūpacāraṃ nānūpacāraṃ. Dhaññakaraṇaṃ ekūpacāraṃ nānūpacāraṃ. Ārāmo ekūpacāro nānūpacāro. Vihāro ekūpacāro nānūpacāro. Rukkhamūlaṃ ekūpacāraṃ nānūpacāraṃ. Ajjhokāso ekūpacāro nānūpacāro.
੪੭੮. ਗਾਮੋ ਏਕੂਪਚਾਰੋ ਨਾਮ ਏਕਕੁਲਸ੍ਸ ਗਾਮੋ ਹੋਤਿ ਪਰਿਕ੍ਖਿਤ੍ਤੋ ਚ । ਅਨ੍ਤੋਗਾਮੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਗਾਮੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
478.Gāmo ekūpacāro nāma ekakulassa gāmo hoti parikkhitto ca . Antogāme cīvaraṃ nikkhipitvā antogāme vatthabbaṃ. Aparikkhitto hoti, yasmiṃ ghare cīvaraṃ nikkhittaṃ hoti tasmiṃ ghare vatthabbaṃ, hatthapāsā vā na vijahitabbaṃ.
੪੭੯. ਨਾਨਾਕੁਲਸ੍ਸ ਗਾਮੋ ਹੋਤਿ ਪਰਿਕ੍ਖਿਤ੍ਤੋ ਚ। ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ વਤ੍ਥਬ੍ਬਂ ਸਭਾਯੇ વਾ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਸਭਾਯਂ ਗਚ੍ਛਨ੍ਤੇਨ ਹਤ੍ਥਪਾਸੇ ਚੀવਰਂ ਨਿਕ੍ਖਿਪਿਤ੍વਾ ਸਭਾਯੇ વਾ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਸਭਾਯੇ ਚੀવਰਂ ਨਿਕ੍ਖਿਪਿਤ੍વਾ ਸਭਾਯੇ વਾ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
479. Nānākulassa gāmo hoti parikkhitto ca. Yasmiṃ ghare cīvaraṃ nikkhittaṃ hoti tasmiṃ ghare vatthabbaṃ sabhāye vā dvāramūle vā, hatthapāsā vā na vijahitabbaṃ. Sabhāyaṃ gacchantena hatthapāse cīvaraṃ nikkhipitvā sabhāye vā vatthabbaṃ dvāramūle vā, hatthapāsā vā na vijahitabbaṃ. Sabhāye cīvaraṃ nikkhipitvā sabhāye vā vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti, yasmiṃ ghare cīvaraṃ nikkhittaṃ hoti tasmiṃ ghare vatthabbaṃ, hatthapāsā vā na vijahitabbaṃ.
੪੮੦. ਏਕਕੁਲਸ੍ਸ ਨਿવੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਨਾਨਾਗਬ੍ਭਾ ਨਾਨਾਓવਰਕਾ। ਅਨ੍ਤੋਨਿવੇਸਨੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਨਿવੇਸਨੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤਂ ਹੋਤਿ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
480. Ekakulassa nivesanaṃ hoti parikkhittañca, nānāgabbhā nānāovarakā. Antonivesane cīvaraṃ nikkhipitvā antonivesane vatthabbaṃ. Aparikkhittaṃ hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
੪੮੧. ਨਾਨਾਕੁਲਸ੍ਸ ਨਿવੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ । ਅਪਰਿਕ੍ਖਿਤ੍ਤਂ ਹੋਤਿ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
481. Nānākulassa nivesanaṃ hoti parikkhittañca, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ . Aparikkhittaṃ hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
੪੮੨. ਏਕਕੁਲਸ੍ਸ ਉਦੋਸਿਤੋ ਹੋਤਿ ਪਰਿਕ੍ਖਿਤ੍ਤੋ ਚ, ਨਾਨਾਗਬ੍ਭਾ ਨਾਨਾਓવਰਕਾ । ਅਨ੍ਤੋਉਦੋਸਿਤੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਉਦੋਸਿਤੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
482. Ekakulassa udosito hoti parikkhitto ca, nānāgabbhā nānāovarakā . Antoudosite cīvaraṃ nikkhipitvā antoudosite vatthabbaṃ. Aparikkhitto hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
੪੮੩. ਨਾਨਾਕੁਲਸ੍ਸ ਉਦੋਸਿਤੋ ਹੋਤਿ ਪਰਿਕ੍ਖਿਤ੍ਤੋ ਚ, ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
483. Nānākulassa udosito hoti parikkhitto ca, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ, hatthapāsā vā na vijahitabbaṃ.
੪੮੪. ਏਕਕੁਲਸ੍ਸ ਅਟ੍ਟੋ ਹੋਤਿ, ਅਨ੍ਤੋਅਟ੍ਟੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਅਟ੍ਟੇ વਤ੍ਥਬ੍ਬਂ। ਨਾਨਾਕੁਲਸ੍ਸ ਅਟ੍ਟੋ ਹੋਤਿ, ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
484. Ekakulassa aṭṭo hoti, antoaṭṭe cīvaraṃ nikkhipitvā antoaṭṭe vatthabbaṃ. Nānākulassa aṭṭo hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
੪੮੫. ਏਕਕੁਲਸ੍ਸ ਮਾਲ਼ੋ ਹੋਤਿ, ਅਨ੍ਤੋਮਾਲ਼ੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਮਾਲ਼ੇ વਤ੍ਥਬ੍ਬਂ। ਨਾਨਾਕੁਲਸ੍ਸ ਮਾਲ਼ੋ ਹੋਤਿ ਨਾਨਾਗਬ੍ਭਾ ਨਾਨਾਓવਰਕਾ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
485. Ekakulassa māḷo hoti, antomāḷe cīvaraṃ nikkhipitvā antomāḷe vatthabbaṃ. Nānākulassa māḷo hoti nānāgabbhā nānāovarakā, yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
੪੮੬. ਏਕਕੁਲਸ੍ਸ ਪਾਸਾਦੋ ਹੋਤਿ, ਅਨ੍ਤੋਪਾਸਾਦੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਪਾਸਾਦੇ વਤ੍ਥਬ੍ਬਂ। ਨਾਨਾਕੁਲਸ੍ਸ ਪਾਸਾਦੋ ਹੋਤਿ, ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
486. Ekakulassa pāsādo hoti, antopāsāde cīvaraṃ nikkhipitvā antopāsāde vatthabbaṃ. Nānākulassa pāsādo hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
੪੮੭. ਏਕਕੁਲਸ੍ਸ ਹਮ੍ਮਿਯਂ ਹੋਤਿ। ਅਨ੍ਤੋਹਮ੍ਮਿਯੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਹਮ੍ਮਿਯੇ વਤ੍ਥਬ੍ਬਂ। ਨਾਨਾਕੁਲਸ੍ਸ ਹਮ੍ਮਿਯਂ ਹੋਤਿ, ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
487. Ekakulassa hammiyaṃ hoti. Antohammiye cīvaraṃ nikkhipitvā antohammiye vatthabbaṃ. Nānākulassa hammiyaṃ hoti, nānāgabbhā nānāovarakā. Yasmiṃ gabbhe cīvaraṃ nikkhittaṃ hoti tasmiṃ gabbhe vatthabbaṃ dvāramūle vā, hatthapāsā vā na vijahitabbaṃ.
੪੮੮. ਏਕਕੁਲਸ੍ਸ ਨਾવਾ ਹੋਤਿ। ਅਨ੍ਤੋਨਾવਾਯ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਨਾવਾਯ વਤ੍ਥਬ੍ਬਂ । ਨਾਨਾਕੁਲਸ੍ਸ ਨਾવਾ ਹੋਤਿ ਨਾਨਾਗਬ੍ਭਾ ਨਾਨਾਓવਰਕਾ। ਯਸ੍ਮਿਂ ਓવਰਕੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਓવਰਕੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
488. Ekakulassa nāvā hoti. Antonāvāya cīvaraṃ nikkhipitvā antonāvāya vatthabbaṃ . Nānākulassa nāvā hoti nānāgabbhā nānāovarakā. Yasmiṃ ovarake cīvaraṃ nikkhittaṃ hoti tasmiṃ ovarake vatthabbaṃ, hatthapāsā vā na vijahitabbaṃ.
੪੮੯. ਏਕਕੁਲਸ੍ਸ ਸਤ੍ਥੋ ਹੋਤਿ। ਸਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਪੁਰਤੋ વਾ ਪਚ੍ਛਤੋ વਾ ਸਤ੍ਤਬ੍ਭਨ੍ਤਰਾ ਨ વਿਜਹਿਤਬ੍ਬਾ, ਪਸ੍ਸਤੋ ਅਬ੍ਭਨ੍ਤਰਂ ਨ વਿਜਹਿਤਬ੍ਬਂ। ਨਾਨਾਕੁਲਸ੍ਸ ਸਤ੍ਥੋ ਹੋਤਿ, ਸਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਹਤ੍ਥਪਾਸਾ ਨ વਿਜਹਿਤਬ੍ਬਂ।
489. Ekakulassa sattho hoti. Satthe cīvaraṃ nikkhipitvā purato vā pacchato vā sattabbhantarā na vijahitabbā, passato abbhantaraṃ na vijahitabbaṃ. Nānākulassa sattho hoti, satthe cīvaraṃ nikkhipitvā hatthapāsā na vijahitabbaṃ.
੪੯੦. ਏਕਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ। ਅਨ੍ਤੋਖੇਤ੍ਤੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਖੇਤ੍ਤੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ। ਨਾਨਾਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ। ਅਨ੍ਤੋਖੇਤ੍ਤੇ ਚੀવਰਂ ਨਿਕ੍ਖਿਪਿਤ੍વਾ ਦ੍વਾਰਮੂਲੇ વਾ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ।
490. Ekakulassa khettaṃ hoti parikkhittañca. Antokhette cīvaraṃ nikkhipitvā antokhette vatthabbaṃ. Aparikkhittaṃ hoti, hatthapāsā na vijahitabbaṃ. Nānākulassa khettaṃ hoti parikkhittañca. Antokhette cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhittaṃ hoti, hatthapāsā na vijahitabbaṃ.
੪੯੧. ਏਕਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ। ਅਨ੍ਤੋਧਞ੍ਞਕਰਣੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਧਞ੍ਞਕਰਣੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ। ਨਾਨਾਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ। ਅਨ੍ਤੋਧਞ੍ਞਕਰਣੇ ਚੀવਰਂ ਨਿਕ੍ਖਿਪਿਤ੍વਾ ਦ੍વਾਰਮੂਲੇ વਾ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ।
491. Ekakulassa dhaññakaraṇaṃ hoti parikkhittañca. Antodhaññakaraṇe cīvaraṃ nikkhipitvā antodhaññakaraṇe vatthabbaṃ. Aparikkhittaṃ hoti, hatthapāsā na vijahitabbaṃ. Nānākulassa dhaññakaraṇaṃ hoti parikkhittañca. Antodhaññakaraṇe cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhittaṃ hoti, hatthapāsā na vijahitabbaṃ.
੪੯੨. ਏਕਕੁਲਸ੍ਸ ਆਰਾਮੋ ਹੋਤਿ ਪਰਿਕ੍ਖਿਤ੍ਤੋ ਚ। ਅਨ੍ਤੋਆਰਾਮੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਆਰਾਮੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ। ਨਾਨਾਕੁਲਸ੍ਸ ਆਰਾਮੋ ਹੋਤਿ ਪਰਿਕ੍ਖਿਤ੍ਤੋ ਚ। ਅਨ੍ਤੋਆਰਾਮੇ ਚੀવਰਂ ਨਿਕ੍ਖਿਪਿਤ੍વਾ ਦ੍વਾਰਮੂਲੇ વਾ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ।
492. Ekakulassa ārāmo hoti parikkhitto ca. Antoārāme cīvaraṃ nikkhipitvā antoārāme vatthabbaṃ. Aparikkhitto hoti, hatthapāsā na vijahitabbaṃ. Nānākulassa ārāmo hoti parikkhitto ca. Antoārāme cīvaraṃ nikkhipitvā dvāramūle vā vatthabbaṃ, hatthapāsā vā na vijahitabbaṃ. Aparikkhitto hoti, hatthapāsā na vijahitabbaṃ.
੪੯੩. ਏਕਕੁਲਸ੍ਸ વਿਹਾਰੋ ਹੋਤਿ ਪਰਿਕ੍ਖਿਤ੍ਤੋ ਚ। ਅਨ੍ਤੋવਿਹਾਰੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋવਿਹਾਰੇ વਤ੍ਥਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ વਿਹਾਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ વਿਹਾਰੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਨਾਨਾਕੁਲਸ੍ਸ વਿਹਾਰੋ ਹੋਤਿ ਪਰਿਕ੍ਖਿਤ੍ਤੋ ਚ। ਯਸ੍ਮਿਂ વਿਹਾਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ વਿਹਾਰੇ વਤ੍ਥਬ੍ਬਂ ਦ੍વਾਰਮੂਲੇ વਾ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ। ਅਪਰਿਕ੍ਖਿਤ੍ਤੋ ਹੋਤਿ , ਯਸ੍ਮਿਂ વਿਹਾਰੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ વਿਹਾਰੇ વਤ੍ਥਬ੍ਬਂ, ਹਤ੍ਥਪਾਸਾ વਾ ਨ વਿਜਹਿਤਬ੍ਬਂ।
493. Ekakulassa vihāro hoti parikkhitto ca. Antovihāre cīvaraṃ nikkhipitvā antovihāre vatthabbaṃ. Aparikkhitto hoti, yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ, hatthapāsā vā na vijahitabbaṃ. Nānākulassa vihāro hoti parikkhitto ca. Yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ dvāramūle vā, hatthapāsā vā na vijahitabbaṃ. Aparikkhitto hoti , yasmiṃ vihāre cīvaraṃ nikkhittaṃ hoti tasmiṃ vihāre vatthabbaṃ, hatthapāsā vā na vijahitabbaṃ.
੪੯੪. ਏਕਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਯਂ ਮਜ੍ਝਨ੍ਹਿਕੇ ਕਾਲੇ ਸਮਨ੍ਤਾ ਛਾਯਾ ਫਰਤਿ, ਅਨ੍ਤੋਛਾਯਾਯ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਛਾਯਾਯ વਤ੍ਥਬ੍ਬਂ। ਨਾਨਾਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਹਤ੍ਥਪਾਸਾ ਨ વਿਜਹਿਤਬ੍ਬਂ।
494. Ekakulassa rukkhamūlaṃ hoti, yaṃ majjhanhike kāle samantā chāyā pharati, antochāyāya cīvaraṃ nikkhipitvā antochāyāya vatthabbaṃ. Nānākulassa rukkhamūlaṃ hoti, hatthapāsā na vijahitabbaṃ.
ਅਜ੍ਝੋਕਾਸੋ ਏਕੂਪਚਾਰੋ ਨਾਮ ਅਗਾਮਕੇ ਅਰਞ੍ਞੇ ਸਮਨ੍ਤਾ ਸਤ੍ਤਬ੍ਭਨ੍ਤਰਾ ਏਕੂਪਚਾਰੋ, ਤਤੋ ਪਰਂ ਨਾਨੂਪਚਾਰੋ।
Ajjhokāso ekūpacāro nāma agāmake araññe samantā sattabbhantarā ekūpacāro, tato paraṃ nānūpacāro.
੪੯੫. વਿਪ੍ਪવੁਤ੍ਥੇ વਿਪ੍ਪવੁਤ੍ਥਸਞ੍ਞੀ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। વਿਪ੍ਪવੁਤ੍ਥੇ વੇਮਤਿਕੋ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। વਿਪ੍ਪવੁਤ੍ਥੇ ਅવਿਪ੍ਪવੁਤ੍ਥਸਞ੍ਞੀ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਪ੍ਪਚ੍ਚੁਦ੍ਧਟੇ ਪਚ੍ਚੁਦ੍ਧਟਸਞ੍ਞੀ…ਪੇ॰… ਅવਿਸ੍ਸਜ੍ਜਿਤੇ વਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅવਿਨਟ੍ਠੇ વਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ…ਪੇ॰… ਅવਿਲੁਤ੍ਤੇ વਿਲੁਤ੍ਤਸਞ੍ਞੀ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
495. Vippavutthe vippavutthasaññī aññatra bhikkhusammutiyā, nissaggiyaṃ pācittiyaṃ. Vippavutthe vematiko, aññatra bhikkhusammutiyā, nissaggiyaṃ pācittiyaṃ. Vippavutthe avippavutthasaññī, aññatra bhikkhusammutiyā, nissaggiyaṃ pācittiyaṃ. Appaccuddhaṭe paccuddhaṭasaññī…pe… avissajjite vissajjitasaññī… anaṭṭhe naṭṭhasaññī… avinaṭṭhe vinaṭṭhasaññī… adaḍḍhe daḍḍhasaññī…pe… avilutte viluttasaññī, aññatra bhikkhusammutiyā, nissaggiyaṃ pācittiyaṃ.
ਨਿਸ੍ਸਗ੍ਗਿਯਂ ਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ । ਅવਿਪ੍ਪવੁਤ੍ਥੇ વਿਪ੍ਪવੁਤ੍ਥਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅવਿਪ੍ਪવੁਤ੍ਥੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅવਿਪ੍ਪવੁਤ੍ਥੇ ਅવਿਪ੍ਪવੁਤ੍ਥਸਞ੍ਞੀ, ਅਨਾਪਤ੍ਤਿ।
Nissaggiyaṃ cīvaraṃ anissajjitvā paribhuñjati, āpatti dukkaṭassa . Avippavutthe vippavutthasaññī, āpatti dukkaṭassa. Avippavutthe vematiko, āpatti dukkaṭassa. Avippavutthe avippavutthasaññī, anāpatti.
੪੯੬. ਅਨਾਪਤ੍ਤਿ ਅਨ੍ਤੋਅਰੁਣੇ ਪਚ੍ਚੁਦ੍ਧਰਤਿ, વਿਸ੍ਸਜ੍ਜੇਤਿ, ਨਸ੍ਸਤਿ, વਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍વਾ ਗਣ੍ਹਨ੍ਤਿ, વਿਸ੍ਸਾਸਂ ਗਣ੍ਹਨ੍ਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
496. Anāpatti antoaruṇe paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, bhikkhusammutiyā, ummattakassa, ādikammikassāti.
ਉਦੋਸਿਤਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ।
Udositasikkhāpadaṃ niṭṭhitaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਉਦੋਸਿਤਸਿਕ੍ਖਾਪਦવਣ੍ਣਨਾ • 2. Udositasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਉਦੋਸਿਤਸਿਕ੍ਖਾਪਦવਣ੍ਣਨਾ • 2. Udositasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਉਦੋਸਿਤਸਿਕ੍ਖਾਪਦવਣ੍ਣਨਾ • 2. Udositasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਉਦੋਸਿਤਸਿਕ੍ਖਾਪਦવਣ੍ਣਨਾ • 2. Udositasikkhāpadavaṇṇanā
