| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. уд̣̇осид̇асигкаабад̣̇аван̣н̣анаа
2. Udositasikkhāpadavaṇṇanā
бхигкунаад̇и бхигкуссаад̇и ад̇т̇о, саамиад̇т̇з жзд̇ам̣ гаран̣аважанам̣. д̇знааха ‘‘буримасигкаабад̣̇з вияаа’’д̇иаад̣̇и. ат̇а гасмаа гаран̣авасзнзва гаран̣аважанасса ад̇т̇ам̣ аг̇г̇ахзд̇ваа саамивасзна ад̇т̇о взд̣̇ид̇аб̣б̣од̇и ааха ‘‘гаран̣авасзна хий’’д̇иаад̣̇и. хийд̇и гааран̣ад̇т̇з нибаад̇о. чиннабалиб̣од̇ход̇и чиннажийварааваасабалиб̣од̇хо. згаава рад̇д̇и згарад̇д̇ам̣, самаасанд̇аг̇ад̇асса ад̇т̇ам̣. д̇ин̣н̣ам̣ жийвараанам̣ самаахаарод̇и д̇ижийварам̣. д̇зна д̇ижийварзна, д̇ийхи жийварзхийд̇и ад̇т̇о. згзна виббавуд̇т̇оби (баараа. адта. 2.475-476) хи д̇ижийварзна виббавуд̇т̇о наама ход̇и бадисид̣̇д̇хабарияаабаннзна виббавуд̇т̇ад̇д̇аа, аваяавзби ваа самуд̣̇ааяавохаарад̇о. д̇знааха ‘‘д̇ижийвараад̇хидтаананаязнаа’’д̇иаад̣̇и.
Bhikkhunāti bhikkhussāti attho, sāmiatthe cetaṃ karaṇavacanaṃ. Tenāha ‘‘purimasikkhāpade viyā’’tiādi. Atha kasmā karaṇavaseneva karaṇavacanassa atthaṃ aggahetvā sāmivasena attho veditabboti āha ‘‘karaṇavasena hī’’tiādi. Hīti kāraṇatthe nipāto. Chinnapalibodhoti chinnacīvarāvāsapalibodho. Ekāva ratti ekarattaṃ, samāsantagatassa atthaṃ. Tiṇṇaṃ cīvarānaṃ samāhāroti ticīvaraṃ. Tena ticīvarena, tīhi cīvarehīti attho. Ekena vippavutthopi (pārā. aṭṭha. 2.475-476) hi ticīvarena vippavuttho nāma hoti paṭisiddhapariyāpannena vippavutthattā, avayavepi vā samudāyavohārato. Tenāha ‘‘ticīvarādhiṭṭhānanayenā’’tiādi.
ид̣̇аани виббаваасалагкан̣ававад̇т̇аабанад̇т̇ам̣ ‘‘г̇аамо згуубажааро’’д̇иаад̣̇имааха. д̇ад̇т̇а нивзсананд̇и уд̣̇осид̇аад̣̇ийнам̣ васзна агад̇ааяа бад̇иссаяавигад̇ияаа ад̇хиважанам̣. уд̣̇осид̇од̇и (баараа. адта. 2.482-487) яаанаад̣̇ийнам̣ бхан̣д̣аанам̣ саалаа. яо ‘‘уд̣̇авасид̇о’’д̇иби вужжад̇и. аддод̇и бадирааж̇аад̣̇ибадиб̣ааханад̇т̇ам̣ идтагаахи гад̇о б̣ахалабхид̇д̇иго жад̇убан̃жабхуумиго бад̇иссаяависзсо. ‘‘аддод̇и б̣ахалабхид̇д̇игаг̇зхам̣, яасса г̇обаанасияо аг̇г̇ахзд̇ваа идтагаахи зва чад̣̇анам̣ ход̇ий’’д̇и абарз. ‘‘аддаагаарзна гарийяад̇ий’’д̇иби вад̣̇анд̇и. маал̣од̇и згагуудасан̇г̇ахид̇о жад̇урассабаасаад̣̇о, згагуудасан̇г̇ахид̇о ваа анзгагон̣аванд̇о бад̇иссаяависзсо. ‘‘маал̣од̇и ваддаагаарзна гад̇асзнаасана’’нд̇и абарз. баасаад̣̇од̇и д̣̇ийгхабаасаад̣̇о, ад̣дхаяог̇аад̣̇ибхзд̣̇о аддамаал̣ахаммияаваж̇ж̇ид̇о саб̣б̣о ваа баасаад̣̇о. хаммияанд̇и мун̣д̣ажчад̣̇анабаасаад̣̇о. ‘‘жанд̣̇ияан̇г̇ан̣аяуд̇д̇а’’нд̇и абарз. нааваад̇и т̇аладтауд̣̇агадтавасзна д̣̇вид̇хаа нааваа. сад̇т̇од̇и ж̇ан̇гхасад̇т̇о, сагадасад̇т̇о ваа. д̇хан̃н̃агаран̣анд̇и (баараа. адта. 2.491-494) калам̣ вужжад̇и. аараамод̇и бубпаараамо, палаараамо ваа. вихаарод̇и сабаригкид̇д̇о ваа абаригкид̇д̇о ваа сагало ааваасо. ‘‘г̇зхамбий’’д̇и гзжи. нивзсанаад̣̇ийни жзд̇т̇а г̇аамад̇о б̣ахи нивидтаани г̇ахид̇аани. анд̇ог̇аамз тид̇аанам̣ бана г̇аамаг̇г̇ахан̣знзва г̇ахид̇ад̇д̇аа г̇аамабарихаароязваад̇и. ‘‘нивзсанаад̣̇аяо хаммияабарияосаанаа г̇аамабаригкзбад̇о б̣ахи нивидтаа’’д̇и абарз. хад̇т̇абаасаад̇иггамзд̇и зд̇т̇а хад̇т̇абаасо наама ад̣дхад̇зяяарад̇анаббамаан̣о бад̣̇зсо, д̇асса ад̇иггамо хад̇т̇абаасаад̇иггамо, д̇асмим̣ хад̇т̇абаасаад̇иггамз. хад̇т̇абаасаб̣бханд̇арз бана вад̇т̇ум̣ ваддад̇и. д̇ам̣ бамаан̣ам̣ ад̇иггамид̇ваа сажзби ид̣̇д̇химаа бхигку аагаасз арун̣ам̣ удтаабзд̇и, ниссаг̇г̇ияамзва ход̇и.
Idāni vippavāsalakkhaṇavavatthāpanatthaṃ ‘‘gāmo ekūpacāro’’tiādimāha. Tattha nivesananti udositādīnaṃ vasena akatāya patissayavikatiyā adhivacanaṃ. Udositoti (pārā. aṭṭha. 2.482-487) yānādīnaṃ bhaṇḍānaṃ sālā. Yo ‘‘udavasito’’tipi vuccati. Aṭṭoti paṭirājādipaṭibāhanatthaṃ iṭṭhakāhi kato bahalabhittiko catupañcabhūmiko patissayaviseso. ‘‘Aṭṭoti bahalabhittikagehaṃ, yassa gopānasiyo aggahetvā iṭṭhakāhi eva chadanaṃ hotī’’ti apare. ‘‘Aṭṭākārena karīyatī’’tipi vadanti. Māḷoti ekakūṭasaṅgahito caturassapāsādo, ekakūṭasaṅgahito vā anekakoṇavanto patissayaviseso. ‘‘Māḷoti vaṭṭākārena katasenāsana’’nti apare. Pāsādoti dīghapāsādo, aḍḍhayogādibhedo aṭṭamāḷahammiyavajjito sabbo vā pāsādo. Hammiyanti muṇḍacchadanapāsādo. ‘‘Candiyaṅgaṇayutta’’nti apare. Nāvāti thalaṭṭhaudakaṭṭhavasena dvidhā nāvā. Satthoti jaṅghasattho, sakaṭasattho vā. Dhaññakaraṇanti (pārā. aṭṭha. 2.491-494) khalaṃ vuccati. Ārāmoti pupphārāmo, phalārāmo vā. Vihāroti saparikkhitto vā aparikkhitto vā sakalo āvāso. ‘‘Gehampī’’ti keci. Nivesanādīni cettha gāmato bahi niviṭṭhāni gahitāni. Antogāme ṭhitānaṃ pana gāmaggahaṇeneva gahitattā gāmaparihāroyevāti. ‘‘Nivesanādayo hammiyapariyosānā gāmaparikkhepato bahi niviṭṭhā’’ti apare. Hatthapāsātikkameti ettha hatthapāso nāma aḍḍhateyyaratanappamāṇo padeso, tassa atikkamo hatthapāsātikkamo, tasmiṃ hatthapāsātikkame. Hatthapāsabbhantare pana vatthuṃ vaṭṭati. Taṃ pamāṇaṃ atikkamitvā sacepi iddhimā bhikkhu ākāse aruṇaṃ uṭṭhāpeti, nissaggiyameva hoti.
аяам̣ банзд̇т̇а винижчаяо – сажз (баараа. адта. 2.477-478) г̇аамо згасса ран̃н̃о ваа бхож̇агасса ваа васзна згагуласса ход̇и, баагаараад̣̇инаа баригкид̇д̇ад̇д̇аа згуубажааро жа, зваруубз г̇аамз жийварам̣ нигкибид̇ваа д̇асмим̣ г̇аамаб̣бханд̇арз яат̇ааружид̇адтаанз васид̇аб̣б̣ам̣, сажз абаригкид̇д̇о, яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз васид̇аб̣б̣ам̣, д̇асса гхарасса саманд̇ад̇о хад̇т̇абаасаа ваа на виж̇ахид̇аб̣б̣ам̣.
Ayaṃ panettha vinicchayo – sace (pārā. aṭṭha. 2.477-478) gāmo ekassa rañño vā bhojakassa vā vasena ekakulassa hoti, pākārādinā parikkhittattā ekūpacāro ca, evarūpe gāme cīvaraṃ nikkhipitvā tasmiṃ gāmabbhantare yathārucitaṭṭhāne vasitabbaṃ, sace aparikkhitto, yasmiṃ ghare cīvaraṃ nikkhittaṃ hoti, tasmiṃ ghare vasitabbaṃ, tassa gharassa samantato hatthapāsā vā na vijahitabbaṃ.
сажз г̇аамо взсаалигусинаараад̣̇аяо вияа наанаарааж̇уунам̣ ваа бхож̇агаанам̣ ваа ход̇и, вуд̇д̇аббагаарзна баригкид̇д̇о жа, зваруубз г̇аамз яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз ваа вад̇т̇аб̣б̣ам̣, д̇асса гхарасса хад̇т̇абаасаа ваа на виж̇ахид̇аб̣б̣ам̣. яассаа вийт̇ияаа гхарам̣ ход̇и, д̇ассаа вийт̇ияаа д̇асса гхарасса саммукаадтаанз сабхааяам̣ ваа гхарад̣̇ваарз ваа вад̇т̇аб̣б̣ам̣, д̇зсам̣ сабхаад̣̇ваараанам̣ хад̇т̇абаасаа ваа на виж̇ахид̇аб̣б̣ам̣.
Sace gāmo vesālikusinārādayo viya nānārājūnaṃ vā bhojakānaṃ vā hoti, vuttappakārena parikkhitto ca, evarūpe gāme yasmiṃ ghare cīvaraṃ nikkhittaṃ hoti, tasmiṃ ghare vā vatthabbaṃ, tassa gharassa hatthapāsā vā na vijahitabbaṃ. Yassā vīthiyā gharaṃ hoti, tassā vīthiyā tassa gharassa sammukhāṭṭhāne sabhāyaṃ vā gharadvāre vā vatthabbaṃ, tesaṃ sabhādvārānaṃ hatthapāsā vā na vijahitabbaṃ.
сажз со г̇аамо абаригкид̇д̇о, яасмим̣ гхарз жийварам̣ нигкид̇д̇ам̣, д̇ад̇т̇а ваа д̇асса хад̇т̇абаасз ваа вад̇т̇аб̣б̣ам̣. нивзсанз бана сажз згагуласса нивзсанам̣ ход̇и, баригкид̇д̇ан̃жа, анд̇онивзсанз жийварам̣ нигкибид̇ваа анд̇онивзсанз вад̇т̇аб̣б̣ам̣. абаригкид̇д̇ам̣ жз ход̇и, яасмим̣ г̇аб̣бхз жийварам̣ нигкид̇д̇ам̣, д̇асмим̣ вад̇т̇аб̣б̣ам̣, д̇асса г̇аб̣бхасса хад̇т̇абаасаа ваа на виж̇ахид̇аб̣б̣ам̣.
Sace so gāmo aparikkhitto, yasmiṃ ghare cīvaraṃ nikkhittaṃ, tattha vā tassa hatthapāse vā vatthabbaṃ. Nivesane pana sace ekakulassa nivesanaṃ hoti, parikkhittañca, antonivesane cīvaraṃ nikkhipitvā antonivesane vatthabbaṃ. Aparikkhittaṃ ce hoti, yasmiṃ gabbhe cīvaraṃ nikkhittaṃ, tasmiṃ vatthabbaṃ, tassa gabbhassa hatthapāsā vā na vijahitabbaṃ.
сажз наанаагуласса нивзсанам̣ ход̇и, баригкид̇д̇ан̃жа, яасмим̣ г̇аб̣бхз жийварам̣ нигкид̇д̇ам̣, д̇асмим̣ г̇аб̣бхз вад̇т̇аб̣б̣ам̣, саб̣б̣зсам̣ саад̇хааран̣ад̣̇ваарамуулз ваа д̇зсам̣ г̇аб̣бхад̣̇ваарамуулаанам̣ хад̇т̇абаасаа ваа на виж̇ахид̇аб̣б̣ам̣. абаригкид̇д̇ам̣ жз, яасмим̣ г̇аб̣бхз жийварам̣ нигкид̇д̇ам̣, д̇асмим̣ г̇аб̣бхз вад̇т̇аб̣б̣ам̣, д̇асса г̇аб̣бхасса хад̇т̇абаасаа ваа на виж̇ахид̇аб̣б̣ам̣. зса наяо уд̣̇осид̇аад̣̇ийсуби.
Sace nānākulassa nivesanaṃ hoti, parikkhittañca, yasmiṃ gabbhe cīvaraṃ nikkhittaṃ, tasmiṃ gabbhe vatthabbaṃ, sabbesaṃ sādhāraṇadvāramūle vā tesaṃ gabbhadvāramūlānaṃ hatthapāsā vā na vijahitabbaṃ. Aparikkhittaṃ ce, yasmiṃ gabbhe cīvaraṃ nikkhittaṃ, tasmiṃ gabbhe vatthabbaṃ, tassa gabbhassa hatthapāsā vā na vijahitabbaṃ. Esa nayo udositādīsupi.
сад̇т̇о бана ж̇ан̇гхасад̇т̇о ваа ход̇у, сагадасад̇т̇о ваа. сажз згагуласса сад̇т̇о ход̇и, сад̇т̇з жийварам̣ нигкибид̇ваа бурад̇о ваа бажчад̇о ваа сад̇д̇аб̣бханд̇араа на виж̇ахид̇аб̣б̣аа, бассад̇о аб̣бханд̇арам̣ на виж̇ахид̇аб̣б̣ам̣. сажз (баараа. адта. 2.489) сад̇т̇о г̇ажчанд̇о г̇аамам̣ ваа над̣̇им̣ ваа барияаад̣̇ияид̇ваа д̇идтад̇и, анд̇обавидтзна сад̣̇д̇хим̣ згааб̣ад̣̇д̇хо худ̇ваа оран̃жа бааран̃жа парид̇ваа тид̇о ход̇и, сад̇т̇абарихаарова лаб̣бхад̇и. ат̇а г̇аамз ваа над̣̇ияаа ваа барияаабанно ход̇и анд̇обавидто, г̇аамабарихааро жзва над̣̇ибарихааро жа лаб̣бхад̇и. сажз вихаарасиймам̣ ад̇иггамид̇ваа д̇идтад̇и, анд̇осиймааяа жа жийварам̣ ход̇и, вихаарам̣ г̇анд̇ваа васид̇аб̣б̣ам̣. сажз б̣ахисиймааяа жийварам̣ ход̇и, сад̇т̇асамийбзязва васид̇аб̣б̣ам̣. сажз г̇ажчанд̇о сагадз ваа бхаг̇г̇з, г̇он̣з ваа надтз анд̇араа чиж̇ж̇ад̇и, яасмим̣ годтаасз жийварам̣ нигкид̇д̇ам̣, д̇ад̇т̇а васид̇аб̣б̣ам̣.
Sattho pana jaṅghasattho vā hotu, sakaṭasattho vā. Sace ekakulassa sattho hoti, satthe cīvaraṃ nikkhipitvā purato vā pacchato vā sattabbhantarā na vijahitabbā, passato abbhantaraṃ na vijahitabbaṃ. Sace (pārā. aṭṭha. 2.489) sattho gacchanto gāmaṃ vā nadiṃ vā pariyādiyitvā tiṭṭhati, antopaviṭṭhena saddhiṃ ekābaddho hutvā orañca pārañca pharitvā ṭhito hoti, satthaparihārova labbhati. Atha gāme vā nadiyā vā pariyāpanno hoti antopaviṭṭho, gāmaparihāro ceva nadiparihāro ca labbhati. Sace vihārasīmaṃ atikkamitvā tiṭṭhati, antosīmāya ca cīvaraṃ hoti, vihāraṃ gantvā vasitabbaṃ. Sace bahisīmāya cīvaraṃ hoti, satthasamīpeyeva vasitabbaṃ. Sace gacchanto sakaṭe vā bhagge, goṇe vā naṭṭhe antarā chijjati, yasmiṃ koṭṭhāse cīvaraṃ nikkhittaṃ, tattha vasitabbaṃ.
кзд̇д̇зби (баараа. адта. 2.490) сажз згагуласса кзд̇д̇ам̣ ход̇и, баригкид̇д̇ан̃жа, анд̇окзд̇д̇з жийварам̣ нигкибид̇ваа анд̇окзд̇д̇з вад̇т̇аб̣б̣ам̣. сажз абаригкид̇д̇ам̣, хад̇т̇абаасаа жийварам̣ на виж̇ахид̇аб̣б̣ам̣. сажз наанаагуласса кзд̇д̇ам̣ ход̇и, баригкид̇д̇ан̃жа, анд̇окзд̇д̇з жийварам̣ нигкибид̇ваа кзд̇д̇ад̣̇ваарамуулз ваа вад̇т̇аб̣б̣ам̣, д̇асса хад̇т̇абаасаа ваа на виж̇ахид̇аб̣б̣ам̣. сажз абаригкид̇д̇ам̣, жийварам̣ хад̇т̇абаасаа на виж̇ахид̇аб̣б̣ам̣. зса наяо д̇хан̃н̃агаран̣аараамзсу д̣̇вийсуби. вихаарз бана нивзсанз вуд̇д̇асад̣̇исова винижчаяо.
Khettepi (pārā. aṭṭha. 2.490) sace ekakulassa khettaṃ hoti, parikkhittañca, antokhette cīvaraṃ nikkhipitvā antokhette vatthabbaṃ. Sace aparikkhittaṃ, hatthapāsā cīvaraṃ na vijahitabbaṃ. Sace nānākulassa khettaṃ hoti, parikkhittañca, antokhette cīvaraṃ nikkhipitvā khettadvāramūle vā vatthabbaṃ, tassa hatthapāsā vā na vijahitabbaṃ. Sace aparikkhittaṃ, cīvaraṃ hatthapāsā na vijahitabbaṃ. Esa nayo dhaññakaraṇārāmesu dvīsupi. Vihāre pana nivesane vuttasadisova vinicchayo.
ругкамуулз бана яам̣ маж̇жханхигз гаалз саманд̇аа чааяаа парад̇и, д̇асмим̣ таанз авирал̣з бад̣̇зсз д̇асса чааяааяа пудтогаасасса анд̇оязва нигкибид̇аб̣б̣ам̣. сажз вирал̣асаакасса ругкасса аад̇абзна пудтогаасз табзд̇и, арун̣уг̇г̇аманз жа со бхигку д̇асса хад̇т̇абаасз на ход̇и, ан̃н̃асмим̣ таанз д̇асса чааяааяаби ход̇и, ниссаг̇г̇ияам̣ ход̇и. сажз наанаагуласса ругко ход̇и, жийварасса хад̇т̇абаасаа на виж̇ахид̇аб̣б̣ам̣.
Rukkhamūle pana yaṃ majjhanhike kāle samantā chāyā pharati, tasmiṃ ṭhāne aviraḷe padese tassa chāyāya phuṭṭhokāsassa antoyeva nikkhipitabbaṃ. Sace viraḷasākhassa rukkhassa ātapena phuṭṭhokāse ṭhapeti, aruṇuggamane ca so bhikkhu tassa hatthapāse na hoti, aññasmiṃ ṭhāne tassa chāyāyapi hoti, nissaggiyaṃ hoti. Sace nānākulassa rukkho hoti, cīvarassa hatthapāsā na vijahitabbaṃ.
аж̇жхогаасз бана вин̃жхаадавиаад̣̇ийсу аран̃н̃зсуби самуд̣̇д̣̇амаж̇жхз мажчаб̣анд̇хаанам̣ аг̇аманабат̇ад̣̇ийбагзсуби жийварам̣ табзд̇ваа д̇ад̇о саманд̇аа сад̇д̇аб̣бханд̇арз бад̣̇зсз яад̇т̇а гад̇т̇ажи васид̇аб̣б̣ам̣, ид̇о ан̃н̃ад̇т̇а васанд̇о виббавуд̇т̇о наама ход̇ийд̇и д̣̇адтаб̣б̣ам̣.
Ajjhokāse pana viñjhāṭaviādīsu araññesupi samuddamajjhe macchabandhānaṃ agamanapathadīpakesupi cīvaraṃ ṭhapetvā tato samantā sattabbhantare padese yattha katthaci vasitabbaṃ, ito aññattha vasanto vippavuttho nāma hotīti daṭṭhabbaṃ.
имасса бана вид̇т̇аарасса ид̇ха авуд̇д̇ад̇д̇аа, саманд̇абаасаад̣̇игааяан̃жа вуд̇д̇ад̇д̇аа ‘‘аяамзд̇т̇а сан̇кзбо’’д̇иаад̣̇и вуд̇д̇ам̣. зд̇т̇аад̇и ‘‘д̇ижийварзна виббавасзяяаа’’д̇и зд̇асмим̣ бад̣̇з. сан̇кзбод̇и сан̇кзбаван̣н̣анаа. зд̇т̇а бана баал̣ияам̣ (баараа. 477) ‘‘г̇аамо згуубажааро наануубажааро’’д̇иаад̣̇инаа ависзсзна маад̇игам̣ нигкибид̇вааби г̇ааманивзсанауд̣̇осид̇акзд̇д̇ад̇хан̃н̃агаран̣ааараамавихаараанам̣ згуубажааранаануубажаарад̇аа ‘‘г̇аамо згуубажааро наама згагуласса г̇аамо ход̇и баригкид̇д̇о жа абаригкид̇д̇о жаа’’д̇иаад̣̇инаа (баараа. 478) баригкид̇д̇аабаригкид̇д̇авасзна вибхад̇д̇аа. аддамаал̣абаасаад̣̇ахаммияанааваасад̇т̇аругкамуулааж̇жхогаасаанам̣ бана звам̣ авад̇ваа ‘‘згагуласса аддо ход̇и, наанаагуласса аддо ход̇ий’’д̇иаад̣̇инаа (баараа. 484) наязна згагуланаанаагулавасзна жа анд̇з ‘‘аж̇жхогаасо згуубажааро наама аг̇аамагз аран̃н̃з саманд̇аа сад̇д̇аб̣бханд̇араа згуубажааро, д̇ад̇о барам̣ наануубажаарод̇и (баараа. 494) жа звам̣ згуубажааранаануубажаарад̇аа вибхад̇д̇аа. д̇асмаа г̇аамаад̣̇ийсу баригкид̇д̇ам̣ згуубажаарам̣, абаригкид̇д̇ам̣ наануубажааранд̇и жа, аддаад̣̇ису яам̣ згагуласса, д̇ам̣ згуубажаарам̣, яам̣ наанаагуласса, д̇ам̣ наануубажааранд̇и жа г̇ахзд̇аб̣б̣ам̣. аж̇жхогаасз вуд̇д̇анаязна г̇ахзд̇аб̣б̣ам̣. убажаарод̇и хи ‘‘г̇аамо згуубажааро наануубажааро’’д̇иаад̣̇ийсу д̣̇ваарам̣, ‘‘аж̇жхогаасо згуубажааро’’д̇и зд̇т̇а саманд̇аа сад̇д̇аб̣бханд̇арасан̇каад̇ам̣ бамаан̣анд̇и абарз.
Imassa pana vitthārassa idha avuttattā, samantapāsādikāyañca vuttattā ‘‘ayamettha saṅkhepo’’tiādi vuttaṃ. Etthāti ‘‘ticīvarena vippavaseyyā’’ti etasmiṃ pade. Saṅkhepoti saṅkhepavaṇṇanā. Ettha pana pāḷiyaṃ (pārā. 477) ‘‘gāmo ekūpacāro nānūpacāro’’tiādinā avisesena mātikaṃ nikkhipitvāpi gāmanivesanaudositakhettadhaññakaraṇaārāmavihārānaṃ ekūpacāranānūpacāratā ‘‘gāmo ekūpacāro nāma ekakulassa gāmo hoti parikkhitto ca aparikkhitto cā’’tiādinā (pārā. 478) parikkhittāparikkhittavasena vibhattā. Aṭṭamāḷapāsādahammiyanāvāsattharukkhamūlaajjhokāsānaṃ pana evaṃ avatvā ‘‘ekakulassa aṭṭo hoti, nānākulassa aṭṭo hotī’’tiādinā (pārā. 484) nayena ekakulanānākulavasena ca ante ‘‘ajjhokāso ekūpacāro nāma agāmake araññe samantā sattabbhantarā ekūpacāro, tato paraṃ nānūpacāroti (pārā. 494) ca evaṃ ekūpacāranānūpacāratā vibhattā. Tasmā gāmādīsu parikkhittaṃ ekūpacāraṃ, aparikkhittaṃ nānūpacāranti ca, aṭṭādisu yaṃ ekakulassa, taṃ ekūpacāraṃ, yaṃ nānākulassa, taṃ nānūpacāranti ca gahetabbaṃ. Ajjhokāse vuttanayena gahetabbaṃ. Upacāroti hi ‘‘gāmo ekūpacāro nānūpacāro’’tiādīsu dvāraṃ, ‘‘ajjhokāso ekūpacāro’’ti ettha samantā sattabbhantarasaṅkhātaṃ pamāṇanti apare.
ан̃н̃ад̇ра бхигкусаммуд̇ияаад̇и бхигкуно сан̇гхзна д̣̇иннаа саммуд̇и бхигкусаммуд̇и, д̇ам̣ винаад̇и ад̇т̇о. д̇знааха ‘‘яам̣ сан̇гхо’’д̇иаад̣̇и. авиббаваасасаммуд̇им̣ д̣̇зд̇ийд̇и авиббаваасаа саммуд̇и, авиббаваасааяа ваа саммуд̇и авиббаваасасаммуд̇и, д̇ам̣ н̃ад̇д̇ид̣̇уд̇иязна гаммзна д̣̇зд̇ийд̇и ад̇т̇о.
Aññatra bhikkhusammutiyāti bhikkhuno saṅghena dinnā sammuti bhikkhusammuti, taṃ vināti attho. Tenāha ‘‘yaṃ saṅgho’’tiādi. Avippavāsasammutiṃ detīti avippavāsā sammuti, avippavāsāya vā sammuti avippavāsasammuti, taṃ ñattidutiyena kammena detīti attho.
санд̇аруд̇д̇арзнаад̇и ‘‘анд̇ара’’нд̇и анд̇араваасаго вужжад̇и, ‘‘уд̇д̇ара’’нд̇и уд̇д̇араасан̇г̇о, саха анд̇арзна уд̇д̇арам̣ санд̇аруд̇д̇арам̣, д̇зна санд̇аруд̇д̇арзна, саха анд̇араваасагзна уд̇д̇араасан̇г̇знаад̇и ад̇т̇о. анд̇оарун̣з бажжуд̣̇д̇хадзд̇и нивад̇д̇ид̇ваа самбаабун̣ид̇умасаггонд̇зна д̇ад̇т̇зва тад̇ваа анд̇о арун̣з бажжуд̣̇д̇хадз. бажжааг̇анд̇аб̣б̣анд̇и яат̇аа рог̇о на губбад̇и, д̇ат̇аа буна жийварасса табид̇адтаанам̣ ааг̇анд̇аб̣б̣ам̣. яад̇о бадтааяа хи сад̇т̇ам̣ ваа бариязсад̇и, ‘‘г̇ажчаамий’’д̇и аабхог̇ам̣ ваа гарод̇и, д̇ад̇о бадтааяа ваддад̇и. ‘‘на д̣̇аани г̇амиссаамий’’д̇и звам̣ бана д̇хуранигкзбам̣ гаронд̇зна бажжуд̣̇д̇харид̇аб̣б̣ам̣ ‘‘ад̇ирзгажийварадтаанз тассад̇ий’’д̇и. д̇знааха ‘‘д̇ад̇т̇зва ваа тид̇зна бажжуд̣̇д̇харид̇аб̣б̣а’’нд̇и. сод̇и яасса саммуд̇и д̣̇иннаа, со рог̇о. лад̣̇д̇хагаббияамзва буна саммуд̇ид̣̇аанагижжам̣ над̇т̇ийд̇и ад̇хиббааяо.
Santaruttarenāti ‘‘antara’’nti antaravāsako vuccati, ‘‘uttara’’nti uttarāsaṅgo, saha antarena uttaraṃ santaruttaraṃ, tena santaruttarena, saha antaravāsakena uttarāsaṅgenāti attho. Antoaruṇe paccuddhaṭeti nivattitvā sampāpuṇitumasakkontena tattheva ṭhatvā anto aruṇe paccuddhaṭe. Paccāgantabbanti yathā rogo na kuppati, tathā puna cīvarassa ṭhapitaṭṭhānaṃ āgantabbaṃ. Yato paṭṭhāya hi satthaṃ vā pariyesati, ‘‘gacchāmī’’ti ābhogaṃ vā karoti, tato paṭṭhāya vaṭṭati. ‘‘Na dāni gamissāmī’’ti evaṃ pana dhuranikkhepaṃ karontena paccuddharitabbaṃ ‘‘atirekacīvaraṭṭhāne ṭhassatī’’ti. Tenāha ‘‘tattheva vā ṭhitena paccuddharitabba’’nti. Soti yassa sammuti dinnā, so rogo. Laddhakappiyameva puna sammutidānakiccaṃ natthīti adhippāyo.
ад̇хидтид̇ажийварад̇аад̇и д̇ижийвараад̇хидтаананаязна ад̇хидтид̇ажийварад̇аа. виббаваасо наама яад̣̇и б̣ад̣̇д̇хасиймааяам̣ жийварам̣ ход̇и, д̇ад̇о б̣ахи арун̣удтаабанам̣. ат̇а аб̣ад̣̇д̇хасиймааяам̣, яат̇аавуд̇д̇аг̇аамаад̣̇ийнам̣ б̣ахи хад̇т̇абаасаад̇иггамз арун̣удтаабанам̣. б̣ад̣̇д̇хасиймааяам̣ бана яад̇т̇а гад̇т̇ажи жийварам̣ табзд̇ваа анд̇осиймааяамзва яад̇т̇а гад̇т̇ажи васид̇ум̣ ваддад̇и. ид̇ха абажжуд̣̇д̇харан̣ам̣ агирияаад̇и самб̣анд̇хо.
Adhiṭṭhitacīvaratāti ticīvarādhiṭṭhānanayena adhiṭṭhitacīvaratā. Vippavāso nāma yadi baddhasīmāyaṃ cīvaraṃ hoti, tato bahi aruṇuṭṭhāpanaṃ. Atha abaddhasīmāyaṃ, yathāvuttagāmādīnaṃ bahi hatthapāsātikkame aruṇuṭṭhāpanaṃ. Baddhasīmāyaṃ pana yattha katthaci cīvaraṃ ṭhapetvā antosīmāyameva yattha katthaci vasituṃ vaṭṭati. Idha apaccuddharaṇaṃ akiriyāti sambandho.
уд̣̇осид̇асигкаабад̣̇аван̣н̣анаа нидтид̇аа.
Udositasikkhāpadavaṇṇanā niṭṭhitā.
