| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. уд̣̇осид̇асигкаабад̣̇аван̣н̣анаа
2. Udositasikkhāpadavaṇṇanā
471-473. д̣̇уд̇ияз ат̇аананд̣̇ад̇т̇зро гат̇ам̣ огаасам̣ бадилабхад̇и, гим̣ гаронд̇о жа аахин̣д̣ад̇ийд̇и ааха ‘‘т̇зро гираа’’д̇иаад̣̇и. авиббаваасзд̇и нимид̇д̇ад̇т̇з бхуммам̣, авиббаваасад̇т̇анд̇и ад̇т̇о, виббаваасабажжаяаа яаа аабад̇д̇и, д̇ад̣̇абхаавад̇т̇анд̇и вуд̇д̇ам̣ ход̇и.
471-473. Dutiye athānandatthero kathaṃ okāsaṃ paṭilabhati, kiṃ karonto ca āhiṇḍatīti āha ‘‘thero kirā’’tiādi. Avippavāseti nimittatthe bhummaṃ, avippavāsatthanti attho, vippavāsapaccayā yā āpatti, tadabhāvatthanti vuttaṃ hoti.
475-476. звам̣ чиннабалиб̣од̇ход̇и звам̣ имзхи жийваранидтаанагат̇инуб̣бхаарзхи чиннабалиб̣од̇хо. ад̇хидтид̇зсууд̇и д̇ижийвараад̇хидтаананаязна ад̇хидтид̇зсу. д̇ижийварзна виббавуд̇т̇о ход̇ийд̇и ‘‘ругко чинно, бадо д̣̇ад̣дхо’’д̇иаад̣̇ийсу вияа аваяавзби самуд̣̇ааяавохааро лаб̣бхад̇ийд̇и вуд̇д̇ам̣.
475-476.Evaṃ chinnapalibodhoti evaṃ imehi cīvaraniṭṭhānakathinubbhārehi chinnapalibodho. Adhiṭṭhitesūti ticīvarādhiṭṭhānanayena adhiṭṭhitesu. Ticīvarena vippavuttho hotīti ‘‘rukkho chinno, paṭo daḍḍho’’tiādīsu viya avayavepi samudāyavohāro labbhatīti vuttaṃ.
477-478. барикааяа ваа баригкид̇д̇од̇и иминаа жа саманд̇аа над̣̇ийд̇ал̣аагаад̣̇иуд̣̇агзна баригкид̇д̇оби баригкид̇д̇оязваад̇и д̣̇ассзд̇и. зд̇д̇аавад̇аад̇и ‘‘баригкид̇д̇о’’д̇и иминаа важанзна. аагаасз арун̣ам̣ удтаабзд̇ийд̇и гхарасса убари аагаасз ад̣дхад̇зяяарад̇анаббамаан̣ам̣ ад̇иггамид̇ваа арун̣ам̣ удтаабзд̇и. гхарам̣ нивзсануд̣̇осид̇аад̣̇илагкан̣амзва, на бана баадиязггам̣ гхарам̣ наама ад̇т̇ийд̇и ааха ‘‘зд̇т̇а жаа’’д̇иаад̣̇и.
477-478.Parikhāyavā parikkhittoti iminā ca samantā nadītaḷākādiudakena parikkhittopi parikkhittoyevāti dasseti. Ettāvatāti ‘‘parikkhitto’’ti iminā vacanena. Ākāse aruṇaṃ uṭṭhāpetīti gharassa upari ākāse aḍḍhateyyaratanappamāṇaṃ atikkamitvā aruṇaṃ uṭṭhāpeti. Gharaṃ nivesanudositādilakkhaṇameva, na pana pāṭiyekkaṃ gharaṃ nāma atthīti āha ‘‘ettha cā’’tiādi.
479. баал̣ияам̣ вуд̇д̇анаязна ‘‘сабхааяз’’д̇и авад̇ваа ‘‘сабхааяа’’нд̇и бажжад̇д̇аважанам̣ сабхааяа-сад̣̇д̣̇асса набум̣сагалин̇г̇ад̇аавибхааванад̇т̇ам̣ вуд̇д̇ам̣. сабхаа-сад̣̇д̣̇абарияааяоби хи сабхааяа-сад̣̇д̣̇о набум̣сагалин̇г̇аяуд̇д̇о ид̇ха вуд̇д̇од̇и имамад̇т̇ам̣ д̣̇ассзнд̇о ‘‘лин̇г̇аб̣яад̇д̇аязна сабхаа вуд̇д̇аа’’д̇и ааха. жийварахад̇т̇абаасз васид̇аб̣б̣ам̣ над̇т̇ийд̇и жийварахад̇т̇абаасзязва васид̇аб̣б̣анд̇и над̇т̇и. яам̣ д̇ассаа…бз… на виж̇ахид̇аб̣б̣анд̇и зд̇т̇а д̇ассаа вийт̇ияаа саммукадтаанз сабхааяад̣̇ваараанам̣ г̇ахан̣знзва д̇ад̇т̇а саб̣б̣ааниби г̇зхаани саа жа анд̇аравийт̇и г̇ахид̇ааязва ход̇и. ад̇ихарид̇ваа гхарз нигкибад̇ийд̇и д̇ам̣ вийт̇им̣ мун̃жид̇ваа тид̇з ан̃н̃асмим̣ гхарз нигкибад̇и. бурад̇о ваа бажчад̇о ваа хад̇т̇абаасзд̇и гхарасса хад̇т̇абаасам̣ санд̇хааяа вад̣̇ад̇и.
479. Pāḷiyaṃ vuttanayena ‘‘sabhāye’’ti avatvā ‘‘sabhāya’’nti paccattavacanaṃ sabhāya-saddassa napuṃsakaliṅgatāvibhāvanatthaṃ vuttaṃ. Sabhā-saddapariyāyopi hi sabhāya-saddo napuṃsakaliṅgayutto idha vuttoti imamatthaṃ dassento ‘‘liṅgabyattayena sabhā vuttā’’ti āha. Cīvarahatthapāse vasitabbaṃ natthīti cīvarahatthapāseyeva vasitabbanti natthi. Yaṃ tassā…pe… na vijahitabbanti ettha tassā vīthiyā sammukhaṭṭhāne sabhāyadvārānaṃ gahaṇeneva tattha sabbānipi gehāni sā ca antaravīthi gahitāyeva hoti. Atiharitvā ghare nikkhipatīti taṃ vīthiṃ muñcitvā ṭhite aññasmiṃ ghare nikkhipati. Purato vā pacchato vā hatthapāseti gharassa hatthapāsaṃ sandhāya vadati.
нивзсанаад̣̇ийсу баригкид̇д̇ад̇ааяа згуубажаарад̇аа, абаригкид̇д̇ад̇ааяа наануубажаарад̇аа жа взд̣̇ид̇аб̣б̣аад̇и д̣̇ассзнд̇о ‘‘зд̇знзвубааязнаа’’д̇иаад̣̇имааха. нивзсанаад̣̇ийни г̇аамад̇о б̣ахи саннивидтаани г̇ахид̇аанийд̇и взд̣̇ид̇аб̣б̣ам̣. анд̇ог̇аамз тид̇аанан̃хи г̇аамаг̇г̇ахан̣зна г̇ахид̇ад̇д̇аа г̇аамабарихаароязваад̇и. саб̣б̣ад̇т̇аабийд̇и г̇аамаад̣̇ийсу аж̇жхогаасабарияанд̇зсу баннарасасу. баригкзбаад̣̇ивасзнаад̇и зд̇т̇а аад̣̇и-сад̣̇д̣̇зна абаригкзбассзва г̇ахан̣ам̣ взд̣̇ид̇аб̣б̣ам̣, на згагулаад̣̇ийнамби.
Nivesanādīsu parikkhittatāya ekūpacāratā, aparikkhittatāya nānūpacāratā ca veditabbāti dassento ‘‘etenevupāyenā’’tiādimāha. Nivesanādīni gāmato bahi sanniviṭṭhāni gahitānīti veditabbaṃ. Antogāme ṭhitānañhi gāmaggahaṇena gahitattā gāmaparihāroyevāti. Sabbatthāpīti gāmādīsu ajjhokāsapariyantesu pannarasasu. Parikkhepādivasenāti ettha ādi-saddena aparikkhepasseva gahaṇaṃ veditabbaṃ, na ekakulādīnampi.
480-487. овараго наама г̇аб̣бхасса аб̣бханд̇арз ан̃н̃о г̇аб̣бход̇иби вад̣̇анд̇и. мун̣д̣ажчад̣̇анабаасаад̣̇од̇и жанд̣̇иган̇г̇ан̣аяуд̇д̇о баасаад̣̇о.
480-487.Ovarako nāma gabbhassa abbhantare añño gabbhotipi vadanti. Muṇḍacchadanapāsādoti candikaṅgaṇayutto pāsādo.
489. сад̇т̇од̇и ж̇ан̇гхасад̇т̇о сагадасад̇т̇о ваа. барияаад̣̇ияид̇ваад̇и винивиж̇жхид̇ваа. вуд̇д̇амзвад̇т̇ам̣ вибхаавзд̇и ‘‘анд̇обавидтзна…бз… тид̇о ход̇ий’’д̇и. д̇ад̇т̇а анд̇обавидтзнаад̇и г̇аамасса над̣̇ияаа ваа анд̇обавидтзна. над̣̇ийбарихааро жа лаб̣бхад̇ийд̇и зд̇т̇а ‘‘висум̣ над̣̇ийбарихаарасса авуд̇д̇ад̇д̇аа г̇аамаад̣̇ийхи ан̃н̃ад̇т̇а вияа жийварахад̇т̇абаасоязва над̣̇ийбарихааро’’д̇и д̇ийсуби г̇ан̣тибад̣̇зсу вуд̇д̇ам̣. вихаарасийманд̇и авиббаваасасиймам̣ санд̇хааяааха. вихаарам̣ г̇анд̇ваа васид̇аб̣б̣анд̇и анд̇осиймааяа яад̇т̇а гад̇т̇ажи васид̇аб̣б̣ам̣. сад̇т̇асамийбзязваад̇и ид̣̇ам̣ яат̇аавуд̇д̇ааб̣бханд̇арабарижчзд̣̇авасзна вуд̇д̇ам̣. баал̣ияам̣ наанаагуласса сад̇т̇о ход̇и, сад̇т̇з жийварам̣ нигкибид̇ваа хад̇т̇абаасаа на виж̇ахид̇аб̣б̣анд̇и зд̇т̇а хад̇т̇абаасо наама сад̇т̇асса хад̇т̇абаасод̇и взд̣̇ид̇аб̣б̣ам̣.
489.Satthoti jaṅghasattho sakaṭasattho vā. Pariyādiyitvāti vinivijjhitvā. Vuttamevatthaṃ vibhāveti ‘‘antopaviṭṭhena…pe… ṭhito hotī’’ti. Tattha antopaviṭṭhenāti gāmassa nadiyā vā antopaviṭṭhena. Nadīparihāro ca labbhatīti ettha ‘‘visuṃ nadīparihārassa avuttattā gāmādīhi aññattha viya cīvarahatthapāsoyeva nadīparihāro’’ti tīsupi gaṇṭhipadesu vuttaṃ. Vihārasīmanti avippavāsasīmaṃ sandhāyāha. Vihāraṃ gantvā vasitabbanti antosīmāya yattha katthaci vasitabbaṃ. Satthasamīpeyevāti idaṃ yathāvuttaabbhantaraparicchedavasena vuttaṃ. Pāḷiyaṃ nānākulassasattho hoti, satthe cīvaraṃ nikkhipitvā hatthapāsā na vijahitabbanti ettha hatthapāso nāma satthassa hatthapāsoti veditabbaṃ.
490. згагуласса кзд̇д̇зд̇и абаригкид̇д̇ам̣ санд̇хааяа вад̣̇ад̇и. яасмаа ‘‘наанаагуласса баригкид̇д̇з кзд̇д̇з жийварам̣ нигкибид̇ваа кзд̇д̇ад̣̇ваарамуулз ваа д̇асса хад̇т̇абаасз ваа вад̇т̇аб̣б̣а’’нд̇и вуд̇д̇ам̣, д̇асмаа д̣̇ваарамуулад̇о ан̃н̃ад̇т̇а анд̇окзд̇д̇зби васанд̇зна жийварам̣ хад̇т̇абаасз гад̇вааязва васид̇аб̣б̣ам̣.
490.Ekakulassa khetteti aparikkhittaṃ sandhāya vadati. Yasmā ‘‘nānākulassa parikkhitte khette cīvaraṃ nikkhipitvā khettadvāramūle vā tassa hatthapāse vā vatthabba’’nti vuttaṃ, tasmā dvāramūlato aññattha antokhettepi vasantena cīvaraṃ hatthapāse katvāyeva vasitabbaṃ.
491-494. ‘‘вихааро наама сабаригкид̇д̇о ваа абаригкид̇д̇о ваа сагало ааваасо’’д̇и вад̣̇анд̇и. яасмим̣ вихаарзд̇и зд̇т̇а бана згам̣ г̇зхамзва вуд̇д̇ам̣. згагуланаанаагуласанд̇агад̇аа жзд̇т̇а гаараабагаанам̣ васзна взд̣̇ид̇аб̣б̣аа. чааяааяа пудтогаасасса анд̇о зваад̇и яад̣̇аа махаавийт̇ияам̣ уж̇угамзва г̇ажчанд̇ам̣ суурияаман̣д̣алам̣ маж̇жханхигам̣ баабун̣аад̇и, д̇ад̣̇аа яам̣ огаасам̣ чааяаа парад̇и, д̇ам̣ санд̇хааяа вуд̇д̇ам̣. аг̇аманабат̇зд̇и яам̣ д̇ад̣̇ахзва г̇анд̇ваа буна ааг̇анд̇ум̣ саггаа на ход̇и, д̇аад̣̇исам̣ санд̇хааяа вуд̇д̇ам̣.
491-494.‘‘Vihāro nāma saparikkhitto vā aparikkhitto vā sakalo āvāso’’ti vadanti. Yasmiṃ vihāreti ettha pana ekaṃ gehameva vuttaṃ. Ekakulanānākulasantakatā cettha kārāpakānaṃ vasena veditabbā. Chāyāya phuṭṭhokāsassa anto evāti yadā mahāvīthiyaṃ ujukameva gacchantaṃ sūriyamaṇḍalaṃ majjhanhikaṃ pāpuṇāti, tadā yaṃ okāsaṃ chāyā pharati, taṃ sandhāya vuttaṃ. Agamanapatheti yaṃ tadaheva gantvā puna āgantuṃ sakkā na hoti, tādisaṃ sandhāya vuttaṃ.
495. над̣̇им̣ од̇арад̇ийд̇и хад̇т̇абаасам̣ мун̃жид̇ваа од̇арад̇и. на аабаж̇ж̇ад̇ийд̇и барибхог̇абажжаяаа д̣̇уггадам̣ наабаж̇ж̇ад̇и. д̇знааха ‘‘со хий’’д̇иаад̣̇и. абарибхог̇аарахад̇д̇аад̇и иминаава ниссаг̇г̇ияажийварам̣ аниссаж̇ж̇зд̇ваа барибхун̃ж̇анд̇асса д̣̇уггадам̣ ажид̇д̇аганд̇и сид̣̇д̇хам̣. згам̣ баарубид̇ваа згам̣ ам̣сагуудз табзд̇ваа г̇анд̇аб̣б̣анд̇и ид̣̇ам̣ б̣ахуунам̣ сан̃жаарадтаанз звам̣ агад̇ваа г̇аманам̣ на сааруббанд̇и гад̇ваа вуд̇д̇ам̣. б̣ахиг̇аамз табзд̇ваа…бз… винаяагаммам̣ гаад̇аб̣б̣анд̇и вуд̇д̇ад̇д̇аа ад̇хидтаанз вияа бараммукаа тид̇амби ниссаг̇г̇ияам̣ жийварам̣ ниссаж̇ж̇ид̇ум̣ ниссадтажийваран̃жа д̣̇аад̇ум̣ ваддад̇ийд̇и взд̣̇ид̇аб̣б̣ам̣.
495.Nadiṃ otaratīti hatthapāsaṃ muñcitvā otarati. Na āpajjatīti paribhogapaccayā dukkaṭaṃ nāpajjati. Tenāha ‘‘so hī’’tiādi. Aparibhogārahattāti imināva nissaggiyacīvaraṃ anissajjetvā paribhuñjantassa dukkaṭaṃ acittakanti siddhaṃ. Ekaṃ pārupitvā ekaṃ aṃsakūṭe ṭhapetvā gantabbanti idaṃ bahūnaṃ sañcāraṭṭhāne evaṃ akatvā gamanaṃ na sāruppanti katvā vuttaṃ. Bahigāme ṭhapetvā…pe… vinayakammaṃ kātabbanti vuttattā adhiṭṭhāne viya parammukhā ṭhitampi nissaggiyaṃ cīvaraṃ nissajjituṃ nissaṭṭhacīvarañca dātuṃ vaṭṭatīti veditabbaṃ.
г̇аманз сауссаахад̇д̇аа ‘‘ниссаяо бана на бадиббассамбхад̇ий’’д̇и вуд̇д̇ам̣. мухуд̇д̇ам̣ саяид̇ваа…бз… ниссаяо жа бадиббассамбхад̇ийд̇и зд̇т̇а ‘‘уссаахз абарижжад̇д̇зби г̇аманасса убажчиннад̇д̇аа буна удтааяа сауссаахам̣ г̇ажчанд̇аанамби анд̇араа арун̣з удтид̇з ниссаяо бадиббассамбхад̇иязваа’’д̇и вад̣̇анд̇и. барад̇о мухуд̇д̇ам̣ тад̇ваад̇и зд̇т̇ааби зсзва наяо. ан̃н̃аман̃н̃асса важанам̣ аг̇г̇ахзд̇ваа г̇ад̇аад̇и зд̇т̇а сажз звам̣ г̇ажчанд̇аа ‘‘бураарун̣аа ан̃н̃аман̃н̃ам̣ бассиссаамаа’’д̇и уссаахам̣ винаава г̇ад̇аа хонд̇и, арун̣уг̇г̇аманз ниссаяабадиббассад̣̇д̇хи на вад̇д̇аб̣б̣аа батамад̇арам̣язва бадиббассамбханад̇о. ат̇а ‘‘бураарун̣аа бассиссаамаа’’д̇и сауссаахаава г̇ажчанд̇и, ниссаяабадиббассад̣̇д̇хиязва на вад̇д̇аб̣б̣аа. зван̃жа сад̇и ‘‘саха арун̣уг̇г̇аманаа ниссаяо бадиббассамбхад̇ий’’д̇и гасмаа вуд̇д̇ам̣? вужжад̇з – сауссахад̇д̇аа батамад̇арам̣ бадиббассад̣̇д̇хи на вуд̇д̇аа. сад̇иби жа уссаахабхаавз згад̇о г̇аманасса убажчиннад̇д̇аа ‘‘мухуд̇д̇ам̣ тад̇ваа’’д̇и зд̇т̇а вияа саха арун̣уг̇г̇аманаа бадиббассад̣̇д̇хиязва вуд̇д̇аа.
Gamane saussāhattā ‘‘nissayo pana na paṭippassambhatī’’ti vuttaṃ. Muhuttaṃ sayitvā…pe… nissayo ca paṭippassambhatīti ettha ‘‘ussāhe apariccattepi gamanassa upacchinnattā puna uṭṭhāya saussāhaṃ gacchantānampi antarā aruṇe uṭṭhite nissayo paṭippassambhatiyevā’’ti vadanti. Parato muhuttaṃ ṭhatvāti etthāpi eseva nayo. Aññamaññassa vacanaṃ aggahetvā gatāti ettha sace evaṃ gacchantā ‘‘purāruṇā aññamaññaṃ passissāmā’’ti ussāhaṃ vināva gatā honti, aruṇuggamane nissayapaṭippassaddhi na vattabbā paṭhamataraṃyeva paṭippassambhanato. Atha ‘‘purāruṇā passissāmā’’ti saussāhāva gacchanti, nissayapaṭippassaddhiyeva na vattabbā. Evañca sati ‘‘saha aruṇuggamanā nissayo paṭippassambhatī’’ti kasmā vuttaṃ? Vuccate – saussahattā paṭhamataraṃ paṭippassaddhi na vuttā. Satipi ca ussāhabhāve ekato gamanassa upacchinnattā ‘‘muhuttaṃ ṭhatvā’’ti ettha viya saha aruṇuggamanā paṭippassaddhiyeva vuttā.
анд̇осиймааяам̣ г̇ааманд̇и авиббаваасасиймаасаммуд̇ияаа бажчаа бад̇идтаабид̇аг̇аамам̣ санд̇хааяа вад̣̇ад̇и г̇аамам̣ анд̇о гад̇ваа авиббаваасасиймаасаммуд̇ияаа абхаавад̇о. нзва жийвараани ниссаг̇г̇ияаани хонд̇ийд̇и авиббаваасасиймаабхаавад̇о вуд̇д̇ам̣, на ниссаяо бадиббассамбхад̇ийд̇и сауссаахабхаавад̇о. анд̇араамаг̇г̇зязва жа нзсам̣ арун̣ам̣ уг̇г̇ажчад̇ийд̇и д̇хаммам̣ суд̇ваа ааг̇ажчанд̇аанам̣ арун̣ам̣ уг̇г̇ажчад̇и. ассад̇ияаа г̇ажчад̇ийд̇и ассад̇ияаа ад̇д̇ано жийварам̣ абажжуд̣̇д̇харид̇ваа т̇зрасса жийварам̣ абажжуд̣̇д̇хараабзд̇ваа г̇ажчад̇и. звам̣ г̇ад̇з д̇асмим̣ бажчаа т̇зрзна сарид̇ваа бадибаж̇ж̇ид̇аб̣б̣авид̇хим̣ д̣̇ассзд̇и ‘‘ад̇д̇ано жийварам̣ бажжуд̣̇д̇харид̇ваа д̣̇ахарасса жийварам̣ виссаасзна г̇ахзд̇ваа табзд̇аб̣б̣а’’нд̇и. г̇анд̇ваа вад̇д̇аб̣б̣од̇и ааг̇ад̇агижжам̣ нидтабзд̇ваа вихаарам̣ г̇ад̇зна бадибаж̇ж̇ид̇аб̣б̣авид̇хим̣ д̣̇ассзд̇и. анад̇хидтид̇ажийварад̇аа, анад̇т̇ад̇агат̇инад̇аа, алад̣̇д̇хасаммуд̇ид̇аа, рад̇д̇ивиббаваасод̇и имаанзд̇т̇а жад̇д̇аари ан̇г̇аани.
Antosīmāyaṃ gāmanti avippavāsasīmāsammutiyā pacchā patiṭṭhāpitagāmaṃ sandhāya vadati gāmaṃ anto katvā avippavāsasīmāsammutiyā abhāvato. Neva cīvarāni nissaggiyāni hontīti avippavāsasīmābhāvato vuttaṃ, na nissayo paṭippassambhatīti saussāhabhāvato. Antarāmaggeyeva ca nesaṃ aruṇaṃ uggacchatīti dhammaṃ sutvā āgacchantānaṃ aruṇaṃ uggacchati. Assatiyā gacchatīti assatiyā attano cīvaraṃ apaccuddharitvā therassa cīvaraṃ apaccuddharāpetvā gacchati. Evaṃ gate tasmiṃ pacchā therena saritvā paṭipajjitabbavidhiṃ dasseti ‘‘attano cīvaraṃ paccuddharitvā daharassa cīvaraṃ vissāsena gahetvā ṭhapetabba’’nti. Gantvā vattabboti āgatakiccaṃ niṭṭhapetvā vihāraṃ gatena paṭipajjitabbavidhiṃ dasseti. Anadhiṭṭhitacīvaratā, anatthatakathinatā, aladdhasammutitā, rattivippavāsoti imānettha cattāri aṅgāni.
уд̣̇осид̇асигкаабад̣̇аван̣н̣анаа нидтид̇аа.
Udositasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. уд̣̇осид̇асигкаабад̣̇ам̣ • 2. Udositasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
