| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. уд̣̇осид̇асигкаабад̣̇аван̣н̣анаа
2. Udositasikkhāpadavaṇṇanā
471. санд̇аруд̇д̇арзна ж̇анабад̣̇ажааригам̣ баггаманд̇и. гасмаа? гин̃жааби ‘‘на, бхигкавз, санд̇аруд̇д̇арзна г̇аамо бависид̇аб̣б̣о, яо бависзяяа, аабад̇д̇и д̣̇уггадассаа’’д̇и (махаава. 362) батамам̣ вуд̇д̇ам̣. бажчаа бана ‘‘бан̃жимз, бхигкавз, бажжаяаа сан̇гхаадияаа нигкзбааяа, уд̇д̇араасан̇г̇асса, анд̇араваасагасса нигкзбааяа г̇илаано ваа ход̇и, вассигасан̇гзд̇ам̣ ваа, над̣̇ийбаарам̣ г̇анд̇ум̣ ваа, аг̇г̇ал̣аг̇уд̇д̇ивихааро ваа, ад̇т̇ад̇агат̇инам̣ ваа ход̇ий’’д̇и вуд̇д̇ад̇д̇аа, адтагат̇ааяамбисса ‘‘бан̃жасу бзд̇зсу аг̇г̇ал̣аг̇уд̇д̇и зва бамаан̣ам̣. г̇уд̇д̇з зва хи вихаарз нигкибид̇ваа б̣ахи г̇анд̇ум̣ ваддад̇и, нааг̇уд̇д̇з’’д̇и вуд̇д̇ад̇д̇аа абан̃н̃ад̇д̇зби гат̇инз ‘‘д̇з бхигкуу аг̇г̇ал̣аг̇уд̇д̇ивихаарз табзт̇аа’’д̇и вад̇ваа сабхааг̇аанам̣ хад̇т̇з жийварам̣ нигкибид̇ваа санд̇аруд̇д̇арзна г̇аамаббавзсз лад̣̇д̇хагаббияаа ж̇анабад̣̇ажааригам̣ баггаамим̣сууд̇и взд̣̇ид̇аб̣б̣ам̣.
471. Santaruttarena janapadacārikaṃ pakkamanti. Kasmā? Kiñcāpi ‘‘na, bhikkhave, santaruttarena gāmo pavisitabbo, yo paviseyya, āpatti dukkaṭassā’’ti (mahāva. 362) paṭhamaṃ vuttaṃ. Pacchā pana ‘‘pañcime, bhikkhave, paccayā saṅghāṭiyā nikkhepāya, uttarāsaṅgassa, antaravāsakassa nikkhepāya gilāno vā hoti, vassikasaṅketaṃ vā, nadīpāraṃ gantuṃ vā, aggaḷaguttivihāro vā, atthatakathinaṃ vā hotī’’ti vuttattā, aṭṭhakathāyampissa ‘‘pañcasu petesu aggaḷagutti eva pamāṇaṃ. Gutte eva hi vihāre nikkhipitvā bahi gantuṃ vaṭṭati, nāgutte’’ti vuttattā apaññattepi kathine ‘‘te bhikkhū aggaḷaguttivihāre ṭhapethā’’ti vatvā sabhāgānaṃ hatthe cīvaraṃ nikkhipitvā santaruttarena gāmappavese laddhakappiyā janapadacārikaṃ pakkāmiṃsūti veditabbaṃ.
473. авиббаваасасаммуд̇инд̇и авиббаваасад̇т̇ам̣, виббаваасабажжаяаа яаа аабад̇д̇и, д̇ад̣̇абхаавад̇т̇ам̣ ваа саммуд̇им̣ д̣̇аад̇унд̇и ад̇т̇о. д̇ад̇о бадтааяа ваддад̇и. гид̇д̇агам̣ гаалам̣ ваддад̇ийд̇и? маасам̣ ваа ад̇ирзгам̣ ваа яаава г̇аманз сауссаахо, д̇аава ваддад̇и. д̇зна вуд̇д̇ам̣ ‘‘д̇хуранигкзбам̣ гаронд̇зна бажжуд̣̇д̇харид̇аб̣б̣а’’нд̇и. буна саммуд̇ид̣̇аанагижжам̣ над̇т̇ийд̇и сажз д̣̇ваад̣̇асаннам̣ вассаанам̣ ажжаязна ан̃н̃о рог̇о ход̇и, ваддад̇и, убасамбад̣̇агаммам̣ вияа яааваж̇ийвам̣ згаасаммуд̇и ваддад̇ийд̇и жа.
473.Avippavāsasammutinti avippavāsatthaṃ, vippavāsapaccayā yā āpatti, tadabhāvatthaṃ vā sammutiṃ dātunti attho. Tato paṭṭhāya vaṭṭati. Kittakaṃ kālaṃ vaṭṭatīti? Māsaṃ vā atirekaṃ vā yāva gamane saussāho, tāva vaṭṭati. Tena vuttaṃ ‘‘dhuranikkhepaṃ karontena paccuddharitabba’’nti. Puna sammutidānakiccaṃ natthīti sace dvādasannaṃ vassānaṃ accayena añño rogo hoti, vaṭṭati, upasampadakammaṃ viya yāvajīvaṃ ekāsammuti vaṭṭatīti ca.
‘‘гад̇ам̣ ваа ход̇ий’’д̇иаад̣̇и имасмим̣ сигкаабад̣̇з на вад̇д̇аб̣б̣ам̣, гасмаа? гаран̣абалиб̣од̇хз убажчиннзби анад̇хидтид̇ажийварад̇о виббаваасабажжаяаа аабад̇д̇ияаа асамбхавад̇о, д̇асмаа ‘‘нидтид̇ажийварасминд̇и бхигкуно жийварам̣ ад̇хидтид̇ам̣ ход̇ий’’д̇и зд̇д̇агамзва вад̇д̇аб̣б̣анд̇и жз? на, д̇ад̣̇ааяад̇д̇ад̇д̇аа . ад̇хидтаанан̃хи гаран̣абалиб̣од̇хасса нидтаабанааяад̇д̇ам̣, д̇асмаа ‘‘гад̇ам̣ ваад̇иаад̣̇и вуд̇д̇а’’нд̇и жа вуд̇д̇ам̣. д̇ад̇т̇а гад̇анд̇и буб̣б̣з вуд̇д̇амзва.
‘‘Kataṃ vā hotī’’tiādi imasmiṃ sikkhāpade na vattabbaṃ, kasmā? Karaṇapalibodhe upacchinnepi anadhiṭṭhitacīvarato vippavāsapaccayā āpattiyā asambhavato, tasmā ‘‘niṭṭhitacīvarasminti bhikkhuno cīvaraṃ adhiṭṭhitaṃ hotī’’ti ettakameva vattabbanti ce? Na, tadāyattattā . Adhiṭṭhānañhi karaṇapalibodhassa niṭṭhāpanāyattaṃ, tasmā ‘‘kataṃ vātiādi vutta’’nti ca vuttaṃ. Tattha katanti pubbe vuttameva.
477-8. авиббаваасалагкан̣ававад̇т̇аабанад̇т̇анд̇и зд̇т̇а ‘‘анд̇ог̇аамз жийварам̣ нигкибид̇ваа анд̇ог̇аамз вад̇т̇аб̣б̣а’’нд̇иаад̣̇иважанад̇о авиббаваасалагкан̣ам̣ вавад̇т̇аабид̇ам̣, д̇аб̣б̣ибарийд̇анаязна виббаваасалагкан̣ам̣ взд̣̇ид̇аб̣б̣ам̣. г̇аамо згуубажаарод̇иаад̣̇имхи бана табзд̇ваа сад̇т̇ам̣, ругкамуулам̣, аж̇жхогаасан̃жа сзсзсу баригкзбаабаригкзбавасзна згуубажааранаануубажаарад̇аа взд̣̇ид̇аб̣б̣аа. яасмаа бана сад̇т̇ам̣ д̣̇увид̇хам̣ нивидтам̣, анивидтан̃жа, д̇зсу анивидтам̣ згагуласса ваа наанаагуласса ваа абаригкид̇д̇амзва ход̇и, нивидтам̣ сияаа баригкид̇д̇ам̣, сияаа абаригкид̇д̇ам̣, д̇асмаа д̇ад̇т̇а баригкзбаад̣̇ивасзна ад̣̇ассзд̇ваа аб̣бханд̇аравасзна вуд̇д̇о. д̇ат̇аа аб̣бхогаасз. ругкамуулз чааяаавасзна. ан̃н̃ат̇аа ‘‘сад̇т̇о згуубажааро наануубажааро’’д̇иаад̣̇и уд̣̇д̣̇зсавирод̇хо сияаа вибхан̇г̇з ад̣̇ассид̇ад̇д̇аа, д̇асмаа сад̇т̇асса бурад̇о жа бажчад̇о жа сад̇д̇аб̣бханд̇араа, бассад̇о жа згаб̣бханд̇аранд̇и аяамзгуубажааро, д̇ад̇о барам̣ наануубажааро. д̇ат̇аа ругкамууласса яад̇т̇а маж̇жханхигз гаалз чааяаа парад̇и, аяам̣ згуубажааро. ид̇аро наануубажааро. гасмаа? д̇ад̇т̇а хи баригкзбо аббамаан̣ам̣. чааяаава бамаан̣ам̣. аж̇жхогаасасса баал̣ияам̣ вуд̇д̇ова. ‘‘сад̇т̇аад̣̇ийнам̣ згагуласанд̇агавасзна згуубажаарад̇аа’’д̇и ликид̇ам̣, д̇асмаа нивзсанз, уд̣̇осид̇з жа вуд̇д̇абарижчзд̣̇ова аддаад̣̇ийсууд̇и гад̇ваа сам̣кид̇д̇ам̣. д̇ад̇о барам̣ кзд̇д̇ад̇хан̃н̃агаран̣ааараамавихаарзсу бана баригкид̇д̇аабаригкид̇д̇а-бад̣̇ам̣ буна уд̣̇д̇хадам̣ сад̇т̇авибхан̇г̇зна ад̇хигаарасса бажчиннад̇д̇аа. ‘‘наанааг̇аб̣бхаа’’д̇иаад̣̇иважанам̣ бана асамбхавад̇о кзд̇д̇ад̇хан̃н̃агаран̣ааараамзсу на уд̣̇д̇хадам̣. вихаарз самбхаванд̇амби д̇ад̇т̇а бажчиннад̇д̇аа на уд̣̇д̇хадам̣. гулам̣ вужжад̇и саамиго, д̇асмаа ‘‘згагуласса наанаагулассаа’’д̇и иминаа г̇аамаад̣̇ийнам̣ жуд̣̇д̣̇асаннам̣ жийваранигкзбадтаанаанам̣ саад̇хааран̣аасаад̇хааран̣абхаавам̣ д̣̇ийбзд̇и. аж̇жхогаасасса бана асамбхавад̇о на вуд̇д̇ам̣. яасмаа банзд̇т̇а згагуласса, наанаагуласса жа абаригкид̇д̇зсу г̇аамаад̣̇ийсу барихаарависзсо гин̃жааби над̇т̇и, баригкид̇д̇зсу бана ад̇т̇и, д̇асмаа зганаанаагулаг̇г̇ахан̣ам̣, зганаануубажаараг̇г̇ахан̣ан̃жа саад̇т̇аганд̇и взд̣̇ид̇аб̣б̣ам̣. д̇ад̇т̇аби аяам̣ висзсо – сад̇т̇з, ругкамуулз жа гулабхзд̣̇ад̇ова бхзд̣̇о, нобажаарабхзд̣̇ад̇о. аж̇жхогаасз убажаарабхзд̣̇ад̇о жа, со бана баал̣ияам̣ на д̣̇ассид̇од̇и. ‘‘д̇ам̣ бамаан̣ам̣ ад̇иггамид̇ваад̇и важанад̇о аагаасзби ад̣дхад̇зяяарад̇анаббамаан̣з д̣̇осо над̇т̇ий’’д̇и вад̣̇анд̇и.
477-8.Avippavāsalakkhaṇavavatthāpanatthanti ettha ‘‘antogāme cīvaraṃ nikkhipitvā antogāme vatthabba’’ntiādivacanato avippavāsalakkhaṇaṃ vavatthāpitaṃ, tabbiparītanayena vippavāsalakkhaṇaṃ veditabbaṃ. Gāmo ekūpacārotiādimhi pana ṭhapetvā satthaṃ, rukkhamūlaṃ, ajjhokāsañca sesesu parikkhepāparikkhepavasena ekūpacāranānūpacāratā veditabbā. Yasmā pana satthaṃ duvidhaṃ niviṭṭhaṃ, aniviṭṭhañca, tesu aniviṭṭhaṃ ekakulassa vā nānākulassa vā aparikkhittameva hoti, niviṭṭhaṃ siyā parikkhittaṃ, siyā aparikkhittaṃ, tasmā tattha parikkhepādivasena adassetvā abbhantaravasena vutto. Tathā abbhokāse. Rukkhamūle chāyāvasena. Aññathā ‘‘sattho ekūpacāro nānūpacāro’’tiādi uddesavirodho siyā vibhaṅge adassitattā, tasmā satthassa purato ca pacchato ca sattabbhantarā, passato ca ekabbhantaranti ayamekūpacāro, tato paraṃ nānūpacāro. Tathā rukkhamūlassa yattha majjhanhike kāle chāyā pharati, ayaṃ ekūpacāro. Itaro nānūpacāro. Kasmā? Tattha hi parikkhepo appamāṇaṃ. Chāyāva pamāṇaṃ. Ajjhokāsassa pāḷiyaṃ vuttova. ‘‘Satthādīnaṃ ekakulasantakavasena ekūpacāratā’’ti likhitaṃ, tasmā nivesane, udosite ca vuttaparicchedova aṭṭādīsūti katvā saṃkhittaṃ. Tato paraṃ khettadhaññakaraṇaārāmavihāresu pana parikkhittāparikkhitta-padaṃ puna uddhaṭaṃ satthavibhaṅgena adhikārassa pacchinnattā. ‘‘Nānāgabbhā’’tiādivacanaṃ pana asambhavato khettadhaññakaraṇaārāmesu na uddhaṭaṃ. Vihāre sambhavantampi tattha pacchinnattā na uddhaṭaṃ. Kulaṃ vuccati sāmiko, tasmā ‘‘ekakulassa nānākulassā’’ti iminā gāmādīnaṃ cuddasannaṃ cīvaranikkhepaṭṭhānānaṃ sādhāraṇāsādhāraṇabhāvaṃ dīpeti. Ajjhokāsassa pana asambhavato na vuttaṃ. Yasmā panettha ekakulassa, nānākulassa ca aparikkhittesu gāmādīsu parihāraviseso kiñcāpi natthi, parikkhittesu pana atthi, tasmā ekanānākulaggahaṇaṃ, ekanānūpacāraggahaṇañca sātthakanti veditabbaṃ. Tatthapi ayaṃ viseso – satthe, rukkhamūle ca kulabhedatova bhedo, nopacārabhedato. Ajjhokāse upacārabhedato ca, so pana pāḷiyaṃ na dassitoti. ‘‘Taṃ pamāṇaṃ atikkamitvāti vacanato ākāsepi aḍḍhateyyaratanappamāṇe doso natthī’’ti vadanti.
479. ‘‘сабхаа’’д̇и ид̇т̇илин̇г̇ам̣. ‘‘сабхааяа’’нд̇и набум̣сагалин̇г̇ам̣, д̇зна вуд̇д̇ам̣ ‘‘лин̇г̇аб̣яад̇д̇анаязнаа’’д̇и. набум̣сагалин̇г̇ад̣̇ассанад̇т̇ам̣ гира ‘‘сабхааяа’’нд̇и бажжад̇д̇авасзна нид̣̇д̣̇идтам̣, д̇асса анубаяог̇ад̇д̇аа ‘‘д̣̇ваарамуула’’нд̇иби. ад̇д̇ано нигкид̇д̇адтаанз анигкид̇д̇ад̇д̇аа вийт̇ихад̇т̇абаасо на рагкад̇и, яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз вад̇т̇аб̣б̣ам̣. ‘‘сабхааяз ваа вад̇т̇аб̣б̣ам̣ д̣̇ваарамуулз ваа, хад̇т̇абаасаа ваа на виж̇ахид̇аб̣б̣а’’нд̇и хи вуд̇д̇ам̣. ‘‘хад̇т̇абаасзязва арун̣ам̣ удтабзд̇аб̣б̣а’’нд̇и нияамид̇ад̇д̇аа ж̇аанид̇ум̣ на саггаад̇и жз? анд̇огхарз на саггаа, д̇ат̇аа д̇ат̇аа вуд̇д̇ад̇д̇аа, д̇асмаа ‘‘яуд̇д̇и бамаан̣а’’нд̇и вуд̇д̇ам̣. аяамад̇т̇о адтагат̇ааяамби багаасид̇о, бунаби куд̣̇д̣̇агаг̇аамз саб̣б̣асаад̇хааран̣аг̇аамад̣̇вааравасзна. сажз д̇асса д̣̇ваарад̣̇ваяам̣ ход̇и, маж̇жхз жа гхарасабхааяам̣, яад̇т̇ижчад̇и, д̇ад̇т̇а васид̇аб̣б̣а’’нд̇и.
479. ‘‘Sabhā’’ti itthiliṅgaṃ. ‘‘Sabhāya’’nti napuṃsakaliṅgaṃ, tena vuttaṃ ‘‘liṅgabyattanayenā’’ti. Napuṃsakaliṅgadassanatthaṃ kira ‘‘sabhāya’’nti paccattavasena niddiṭṭhaṃ, tassa anupayogattā ‘‘dvāramūla’’ntipi. Attano nikkhittaṭṭhāne anikkhittattā vīthihatthapāso na rakkhati, yasmiṃ ghare cīvaraṃ nikkhittaṃ hoti, tasmiṃ ghare vatthabbaṃ. ‘‘Sabhāye vā vatthabbaṃ dvāramūle vā, hatthapāsā vā na vijahitabba’’nti hi vuttaṃ. ‘‘Hatthapāseyeva aruṇaṃ uṭṭhapetabba’’nti niyamitattā jānituṃ na sakkāti ce? Antoghare na sakkā, tathā tathā vuttattā, tasmā ‘‘yutti pamāṇa’’nti vuttaṃ. Ayamattho aṭṭhakathāyampi pakāsito, punapi khuddakagāme sabbasādhāraṇagāmadvāravasena. Sace tassa dvāradvayaṃ hoti, majjhe ca gharasabhāyaṃ, yatthicchati, tattha vasitabba’’nti.
480-1. яаани нивзсанаад̣̇ийни г̇аамасан̇кяам̣ на г̇ажчанд̇и, д̇аани нивзсанаад̣̇ийнийд̇и ад̇хиббзд̇аани. аж̇жхогаасз абарисан̇гид̇амби жийварам̣ ад̇ирзгасад̇д̇аб̣бханд̇арз нигкид̇д̇ам̣ ниссаг̇г̇ияам̣ ход̇и, зд̇т̇а анд̇осиймад̇аа на рагкад̇и, сад̇т̇з бана рагкад̇и. ‘‘над̣̇ийбарихааро жа лаб̣бхад̇ий’’д̇и важанад̇о уд̣̇агугкзбасиймааяам̣ барихааро лаб̣бхад̇ийд̇и сид̣̇д̇хам̣. сааманд̇авихааро жз згасиймо, жийварам̣ на ниссаг̇г̇ияам̣.
480-1. Yāni nivesanādīni gāmasaṅkhyaṃ na gacchanti, tāni nivesanādīnīti adhippetāni. Ajjhokāse aparisaṅkitampi cīvaraṃ atirekasattabbhantare nikkhittaṃ nissaggiyaṃ hoti, ettha antosīmatā na rakkhati, satthe pana rakkhati. ‘‘Nadīparihāro ca labbhatī’’ti vacanato udakukkhepasīmāyaṃ parihāro labbhatīti siddhaṃ. Sāmantavihāro ce ekasīmo, cīvaraṃ na nissaggiyaṃ.
ид̣̇аани –
Idāni –
‘‘чиннам̣ д̇худ̇ан̇г̇ам̣ саасан̇га-саммад̇о санд̇аруд̇д̇арам̣;
‘‘Chinnaṃ dhutaṅgaṃ sāsaṅka-sammato santaruttaraṃ;
ажийварассаанаабад̇д̇и, бажжуд̣̇д̇хаараад̣̇исид̣̇д̇хид̇о’’д̇и. –
Acīvarassānāpatti, paccuddhārādisiddhito’’ti. –
ид̣̇ам̣ багин̣н̣агам̣, д̇ад̇т̇ааяам̣ жод̣̇анаабуб̣б̣ан̇г̇амо винижчаяо – гзжи ‘‘д̣̇иг̇ун̣ам̣ сан̇гхаади’’нд̇и (махаава. 348) важанад̇о ‘‘згажжигаа сан̇гхаадиби наад̇хидтаад̇аб̣б̣аа. сажз ад̇хидтаад̇и на рухад̇ий’’д̇и вад̇ваа убасамбад̣̇аабзгкаанамби д̣̇иг̇ун̣амзва сан̇гхаадим̣ д̣̇ад̇ваа убасамбаад̣̇знд̇и, д̇з иминаа суд̇д̇алзсзна сан̃н̃аабзд̇аб̣б̣аа. бхаг̇авад̇аа хи ‘‘чиннагам̣ сан̇гхаадим̣ чиннагам̣ уд̇д̇араасан̇г̇ам̣ чиннагам̣ анд̇араваасага’’нд̇и батамам̣ анун̃н̃аад̇ам̣. д̇ад̇о ‘‘ан̃н̃ад̇арасса бхигкуно д̇ижийварз гарияамаанз саб̣б̣ам̣ чиннагам̣ наббаход̇и. д̣̇вз чиннагаани згам̣ ажчиннагам̣ наббаход̇и. д̣̇вз ажчиннагаани згам̣ чиннагам̣ наббаход̇ий’’д̇и имасмим̣ вад̇т̇усмим̣ ‘‘ануж̇аанаами, бхигкавз, анваад̇хигамби ааробзд̇у’’нд̇и (махаава. 360) анун̃н̃аад̇ам̣, д̇асмаа згажжигааби сан̇гхаади ваддад̇ийд̇и сид̣̇д̇хам̣. яаа чиж̇ж̇амаанаа наббаход̇и, д̇ассаа гуд̇о д̣̇иг̇ун̣ад̇аад̇и. адтагат̇ааяамбисса вуд̇д̇ам̣ ‘‘анваад̇хигамби ааробзд̇унд̇и ааг̇анд̇угабад̇д̇амби д̣̇аад̇ум̣. ид̣̇ам̣ бана аббахонагз ааробзд̇аб̣б̣ам̣. сажз баход̇и, ааг̇анд̇угабад̇д̇ам̣ на ваддад̇и, чинд̣̇ид̇аб̣б̣амзваа’’д̇и (махаава. адта. 360). гат̇инам̣ бана чиннагамзва ваддад̇и аавзн̣игалагкан̣ад̇д̇аа , ‘‘чиннагам̣ д̣̇иг̇ун̣ам̣ наббаход̇ий’’д̇и важанаабхаавад̇о жаад̇и саннидтаанамзд̇т̇а г̇анд̇аб̣б̣ам̣.
Idaṃ pakiṇṇakaṃ, tatthāyaṃ codanāpubbaṅgamo vinicchayo – keci ‘‘diguṇaṃ saṅghāṭi’’nti (mahāva. 348) vacanato ‘‘ekaccikā saṅghāṭipi nādhiṭṭhātabbā. Sace adhiṭṭhāti na ruhatī’’ti vatvā upasampadāpekkhānampi diguṇameva saṅghāṭiṃ datvā upasampādenti, te iminā suttalesena saññāpetabbā. Bhagavatā hi ‘‘chinnakaṃ saṅghāṭiṃ chinnakaṃ uttarāsaṅgaṃ chinnakaṃ antaravāsaka’’nti paṭhamaṃ anuññātaṃ. Tato ‘‘aññatarassa bhikkhuno ticīvare kariyamāne sabbaṃ chinnakaṃ nappahoti. Dve chinnakāni ekaṃ acchinnakaṃ nappahoti. Dve acchinnakāni ekaṃ chinnakaṃ nappahotī’’ti imasmiṃ vatthusmiṃ ‘‘anujānāmi, bhikkhave, anvādhikampi āropetu’’nti (mahāva. 360) anuññātaṃ, tasmā ekaccikāpi saṅghāṭi vaṭṭatīti siddhaṃ. Yā chijjamānā nappahoti, tassā kuto diguṇatāti. Aṭṭhakathāyampissa vuttaṃ ‘‘anvādhikampi āropetunti āgantukapattampi dātuṃ. Idaṃ pana appahonake āropetabbaṃ. Sace pahoti, āgantukapattaṃ na vaṭṭati, chinditabbamevā’’ti (mahāva. aṭṭha. 360). Kathinaṃ pana chinnakameva vaṭṭati āveṇikalakkhaṇattā , ‘‘chinnakaṃ diguṇaṃ nappahotī’’ti vacanābhāvato cāti sanniṭṭhānamettha gantabbaṃ.
д̇худ̇ан̇г̇анд̇и анубасамбаннаанам̣ д̇зжийваригад̇худ̇ан̇г̇аабхаавад̇о д̇ижийварзнзва д̇зжийваригод̇и. д̇зсам̣ ад̇хидтаанаабхаавад̇о ‘‘ад̇хидтид̇знзваа’’д̇и вад̇д̇аб̣б̣ам̣ ход̇ууд̇и жз? на, д̇худ̇ан̇г̇абхзд̣̇зна вирод̇хаббасан̇г̇ад̇о. жад̇уд̇т̇ажийварасаад̣̇ияанзна хи д̇худ̇ан̇г̇абхзд̣̇о, на д̇ижийваравиббаваасзна, нааби ад̇ирзгажийварасаад̣̇ияанзна, нааби ад̇ирзгажийварад̇хааран̣зна. яасмаа бана бхигкуунам̣язва бхаг̇авад̇аа ад̇хидтаанавасзна нава жийвараани анун̃н̃аад̇аани, ж̇аад̇ивасзна жа вуд̇д̇аани, на звам̣ анубасамбаннаанам̣. д̇асмаа д̇зсам̣ жийваранияамаабхааваа на д̇ам̣ д̇худ̇ан̇г̇ам̣ анун̃н̃аад̇ам̣ г̇ахадтаанам̣ вияа, д̇асмаа д̇асса самаад̣̇аанавид̇хаанз аважанад̇о жа саннидтаанамзд̇т̇а г̇анд̇аб̣б̣ам̣.
Dhutaṅganti anupasampannānaṃ tecīvarikadhutaṅgābhāvato ticīvareneva tecīvarikoti. Tesaṃ adhiṭṭhānābhāvato ‘‘adhiṭṭhitenevā’’ti vattabbaṃ hotūti ce? Na, dhutaṅgabhedena virodhappasaṅgato. Catutthacīvarasādiyanena hi dhutaṅgabhedo, na ticīvaravippavāsena, nāpi atirekacīvarasādiyanena, nāpi atirekacīvaradhāraṇena. Yasmā pana bhikkhūnaṃyeva bhagavatā adhiṭṭhānavasena nava cīvarāni anuññātāni, jātivasena ca vuttāni, na evaṃ anupasampannānaṃ. Tasmā tesaṃ cīvaraniyamābhāvā na taṃ dhutaṅgaṃ anuññātaṃ gahaṭṭhānaṃ viya, tasmā tassa samādānavidhāne avacanato ca sanniṭṭhānamettha gantabbaṃ.
саасан̇гасаммад̇од̇и ган̇каавид̇аран̣ияам̣ саасан̇гасигкаабад̣̇з висум̣ ан̇г̇аани на вуд̇д̇аани, ‘‘сзсамзд̇т̇а жийвараваг̇г̇асса д̣̇уд̇ияасигкаабад̣̇з вуд̇д̇анаязна взд̣̇ид̇аб̣б̣а’’нд̇и (ган̇каа. адта. саасан̇гасигкаабад̣̇аван̣н̣анаа) вуд̇д̇ам̣, на жа банзд̇ам̣ вуд̇д̇ам̣. д̇ад̇т̇а рад̇д̇ивиббаваасо жад̇уд̇т̇ам̣ ан̇г̇ам̣, ид̇ха чаарад̇д̇авиббаваасо, аяамзд̇т̇а висзсод̇и, д̇асмаа ан̇г̇асааман̃н̃ад̇о, саммуд̇исааман̃н̃ад̇о жа саасан̇гасигкаабад̣̇амзва вад̣̇анд̇и. ид̣̇ам̣ ниббад̣̇зсам̣, д̇ам̣ саббад̣̇зсам̣ маасабарамад̇д̇аа. д̇ад̇т̇а б̣ахиг̇аамзби г̇аамасиймам̣ оггамид̇ваа васид̇ваа баггаманд̇асса анаабад̇д̇и, ид̇ха на д̇ат̇аа, ид̇ха ананд̇арз ананд̇арз арун̣уг̇г̇аманз ниссаг̇г̇ияам̣, д̇ад̇т̇а сад̇д̇амзд̇и аяам̣ имзсам̣ д̣̇виннам̣ висзсо. ан̇г̇аани бана жийваранигкзбан̇г̇асамбад̇д̇ид̇о вибарияааязна, ид̇ха вуд̇д̇анаязна жа сид̣̇д̇хад̇д̇аа на вуд̇д̇аани. д̇аани гаамам̣ на вуд̇д̇аани, д̇ат̇ааби жад̇уд̇т̇аман̇г̇ам̣ висзсид̇аб̣б̣ам̣, на бана висзсид̇ам̣. гим̣гааран̣аа? ид̇ха вуд̇д̇аниссаж̇ж̇анаггамзна ниссаж̇ж̇зд̇ваа аабад̇д̇ид̣̇зсанад̇о, д̇ад̇т̇аабаннаабад̇д̇ивимогкад̣̇ийбанад̇т̇ам̣. сам̣важчаравиббавуд̇т̇амби рад̇д̇ивиббавуд̇т̇амзва, баг̇зва чаарад̇д̇ам̣ виббавуд̇т̇ам̣. звам̣ санд̇зби д̇ад̇т̇а яат̇аавуд̇д̇аан̇г̇асамбад̇д̇ияаа сад̇и д̇ад̇т̇а вуд̇д̇анаязнзва ниссаж̇ж̇ид̇аб̣б̣ам̣. хзманд̇з ваа г̇имхз ваа ниссаж̇ж̇ад̇и жз? ид̇ха вуд̇д̇анаязнааби ниссаж̇ж̇ид̇ум̣ ваддад̇ийд̇и н̃аабанад̇т̇ам̣ жад̇уд̇т̇ам̣ ан̇г̇ам̣ на висзсид̇анд̇и но д̇аггод̇и аажарияо. маасаад̇игганд̇амби жийварам̣ ‘‘д̣̇асаахаад̇игганд̇а’’нд̇и вад̇ваа ниссадтамзва. д̣̇ваязна уунамаасам̣ худ̇ваа ‘‘д̣̇асаахаад̇игганд̇а’’нд̇и вад̇ваа маасаад̇игганд̇анд̇и згз. д̇ат̇ааби сажз бажжаасаажийварам̣ ход̇и, ниссаг̇г̇ияам̣ ‘‘д̣̇асаахаад̇игганд̇а’’нд̇и вад̇ваа, муулажийварам̣ бана ‘‘маасаад̇игганд̇а’’нд̇и вад̇ваа ниссаж̇ж̇ид̇аб̣б̣ам̣.
Sāsaṅkasammatoti kaṅkhāvitaraṇiyaṃ sāsaṅkasikkhāpade visuṃ aṅgāni na vuttāni, ‘‘sesamettha cīvaravaggassa dutiyasikkhāpade vuttanayena veditabba’’nti (kaṅkhā. aṭṭha. sāsaṅkasikkhāpadavaṇṇanā) vuttaṃ, na ca panetaṃ vuttaṃ. Tattha rattivippavāso catutthaṃ aṅgaṃ, idha chārattavippavāso, ayamettha visesoti, tasmā aṅgasāmaññato, sammutisāmaññato ca sāsaṅkasikkhāpadameva vadanti. Idaṃ nippadesaṃ, taṃ sappadesaṃ māsaparamattā. Tattha bahigāmepi gāmasīmaṃ okkamitvā vasitvā pakkamantassa anāpatti, idha na tathā, idha anantare anantare aruṇuggamane nissaggiyaṃ, tattha sattameti ayaṃ imesaṃ dvinnaṃ viseso. Aṅgāni pana cīvaranikkhepaṅgasampattito vipariyāyena, idha vuttanayena ca siddhattā na vuttāni. Tāni kāmaṃ na vuttāni, tathāpi catutthamaṅgaṃ visesitabbaṃ, na pana visesitaṃ. Kiṃkāraṇā? Idha vuttanissajjanakkamena nissajjetvā āpattidesanato, tatthāpannāpattivimokkhadīpanatthaṃ. Saṃvaccharavippavutthampi rattivippavutthameva, pageva chārattaṃ vippavutthaṃ. Evaṃ santepi tattha yathāvuttaaṅgasampattiyā sati tattha vuttanayeneva nissajjitabbaṃ. Hemante vā gimhe vā nissajjati ce? Idha vuttanayenāpi nissajjituṃ vaṭṭatīti ñāpanatthaṃ catutthaṃ aṅgaṃ na visesitanti no takkoti ācariyo. Māsātikkantampi cīvaraṃ ‘‘dasāhātikkanta’’nti vatvā nissaṭṭhameva. Dvayena ūnamāsaṃ hutvā ‘‘dasāhātikkanta’’nti vatvā māsātikkantanti eke. Tathāpi sace paccāsācīvaraṃ hoti, nissaggiyaṃ ‘‘dasāhātikkanta’’nti vatvā, mūlacīvaraṃ pana ‘‘māsātikkanta’’nti vatvā nissajjitabbaṃ.
‘‘санд̇аруд̇д̇ара’’нд̇и ваа ‘‘сан̇гхаади’’нд̇и ваа ‘‘жийвара’’нд̇и ваа гим̣ д̇ижийварам̣, уд̣̇ааху ан̃н̃амбийд̇и . гин̃жзд̇т̇а – яад̣̇и д̇ижийварамзва бадисид̣̇д̇хам̣, барияаабаннавасзна ажчиннажийваражчинд̣̇анад̇ховаабанавин̃н̃ад̇д̇иаад̣̇ивирод̇хо. ат̇а ан̃н̃амби, ‘‘нидтид̇ажийварасми’’нд̇и звамаад̣̇инаа вирод̇ход̇и? вужжад̇з – на нияамад̇о взд̣̇ид̇аб̣б̣ам̣ яат̇аасамбхавам̣ г̇ахзд̇аб̣б̣ад̇о. д̇ат̇аа хи ‘‘жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманд̇ий’’д̇и (баараа. 471) звамаад̣̇ийсу д̇ижийварамзва. ‘‘на, бхигкавз, санд̇аруд̇д̇арзна г̇аамо бависид̇аб̣б̣о, санд̇аруд̇д̇арабарамам̣ д̇ад̇о жийварам̣ саад̇хид̇аб̣б̣а’’нд̇и звамаад̣̇ийсу яам̣гин̃жи, д̇ат̇аа саг̇ун̣ам̣ гад̇ваа сан̇гхаадияо д̣̇аад̇аб̣б̣аа, ниваасанам̣ д̣̇аад̇аб̣б̣ам̣, сан̇гхаади д̣̇аад̇аб̣б̣аа, ханд̣̇а д̇з, аавусо, сан̇гхаади, д̣̇зхи мз баданд̇иаад̣̇ийсу. вуд̇д̇ан̃хзд̇ам̣ ‘‘саб̣б̣ан̃хи жийварам̣ сан̇гхадид̇адтзна ‘сан̇гхаадий’д̇и вужжад̇ий’’д̇и. д̇ат̇аа ‘‘нидтид̇ажийварасми’’нд̇и зд̇т̇аабийд̇и згз. анд̇осамаяз хи яаавад̣̇ад̇т̇ам̣ жийварам̣ анун̃н̃аад̇ам̣, д̇ам̣ саб̣б̣ам̣ гарияамаанам̣ гад̣̇аа нидтаанам̣ г̇ажчиссад̇и, д̇асмаа д̇ижийварамзваад̇и згз. ажийварассаанаабад̇д̇и бажжуд̣̇д̇хаараад̣̇исид̣̇д̇хид̇од̇и гим̣ вуд̇д̇ам̣ ход̇и? уд̣̇осид̇асигкаабад̣̇асса ниббаяож̇анабхааваббасан̇г̇ад̇о д̇ижийваравиббаваасз д̇зжийварасса аабад̇д̇ийд̇и згз. д̇ад̇т̇зд̇ам̣ вужжад̇и на ход̇и аабад̇д̇и бажжуд̣̇д̇хаараад̣̇исид̣̇д̇хид̇о. ‘‘анаабад̇д̇и анд̇оарун̣з бажжуд̣̇д̇харад̇и, виссаж̇ж̇зд̇ий’’д̇и хи вуд̇д̇ам̣. ан̃н̃ат̇аа бажжуд̣̇д̇харанд̇асса, анд̇оарун̣з виссаж̇ж̇знд̇асса жа яаава ан̃н̃о наад̇хидтаад̇и, д̇аава аабад̇д̇им̣ аабаж̇ж̇ад̇и яат̇аавуд̇д̇анаязна. ан̃н̃ат̇аа сад̇д̇аб̣бханд̇арзна виббаваасассаад̇и виббаваасад̇о яат̇ааруд̇ам̣язва сад̇и виббаваасз виббаваасад̇о авиббаваасз сад̇и авиббаваасад̇од̇и.
‘‘Santaruttara’’nti vā ‘‘saṅghāṭi’’nti vā ‘‘cīvara’’nti vā kiṃ ticīvaraṃ, udāhu aññampīti . Kiñcettha – yadi ticīvarameva paṭisiddhaṃ, pariyāpannavasena acchinnacīvaracchindanadhovāpanaviññattiādivirodho. Atha aññampi, ‘‘niṭṭhitacīvarasmi’’nti evamādinā virodhoti? Vuccate – na niyamato veditabbaṃ yathāsambhavaṃ gahetabbato. Tathā hi ‘‘cīvaraṃ nikkhipitvā santaruttarena janapadacārikaṃ pakkamantī’’ti (pārā. 471) evamādīsu ticīvarameva. ‘‘Na, bhikkhave, santaruttarena gāmo pavisitabbo, santaruttaraparamaṃ tato cīvaraṃ sādhitabba’’nti evamādīsu yaṃkiñci, tathā saguṇaṃ katvā saṅghāṭiyo dātabbā, nivāsanaṃ dātabbaṃ, saṅghāṭi dātabbā, handa te, āvuso, saṅghāṭi, dehi me paṭantiādīsu. Vuttañhetaṃ ‘‘sabbañhi cīvaraṃ saṅghaṭitaṭṭhena ‘saṅghāṭī’ti vuccatī’’ti. Tathā ‘‘niṭṭhitacīvarasmi’’nti etthāpīti eke. Antosamaye hi yāvadatthaṃ cīvaraṃ anuññātaṃ, taṃ sabbaṃ kariyamānaṃ kadā niṭṭhānaṃ gacchissati, tasmā ticīvaramevāti eke. Acīvarassānāpatti paccuddhārādisiddhitoti kiṃ vuttaṃ hoti? Udositasikkhāpadassa nippayojanabhāvappasaṅgato ticīvaravippavāse tecīvarassa āpattīti eke. Tatthetaṃ vuccati na hoti āpatti paccuddhārādisiddhito. ‘‘Anāpatti antoaruṇe paccuddharati, vissajjetī’’ti hi vuttaṃ. Aññathā paccuddharantassa, antoaruṇe vissajjentassa ca yāva añño nādhiṭṭhāti, tāva āpattiṃ āpajjati yathāvuttanayena. Aññathā sattabbhantarena vippavāsassāti vippavāsato yathārutaṃyeva sati vippavāse vippavāsato avippavāse sati avippavāsatoti.
уд̣̇осид̇асигкаабад̣̇аван̣н̣анаа нидтид̇аа.
Udositasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. уд̣̇осид̇асигкаабад̣̇ам̣ • 2. Udositasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
