| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
2. уд̣̇осид̇асигкаабад̣̇аван̣н̣анаа
2. Udositasikkhāpadavaṇṇanā
473. д̣̇уд̇ияз авиббаваасзд̇и авиббаваасз нибпаад̣̇зд̇аб̣б̣з, виббаваасад̣̇осаабхаавз саад̇хзд̇аб̣б̣з гад̇д̇аб̣б̣аа саммуд̇ийд̇и ад̇т̇о.
473. Dutiye avippavāseti avippavāse nipphādetabbe, vippavāsadosābhāve sādhetabbe kattabbā sammutīti attho.
475. бадисид̣̇д̇хабарияаабаннзнаад̇и виббавасид̇ум̣ бадисид̣̇д̇хзсу д̇ийсу жийварзсу анд̇ог̇ад̇хзна, згзна жа аваяавз самуд̣̇ааяобажаарам̣ д̣̇ассзд̇и.
475.Paṭisiddhapariyāpannenāti vippavasituṃ paṭisiddhesu tīsu cīvaresu antogadhena, ekena ca avayave samudāyopacāraṃ dasseti.
478-9. зд̇д̇аавад̇аад̇и ‘‘баригкид̇д̇о’’д̇и иминаа. ‘‘сабхааязд̇и лин̇г̇аб̣яад̇д̇аязна сабхаа вуд̇д̇аа’’д̇и вад̇ваа буна саяамби ‘‘сабхааяз’’д̇и иминаа вохаранд̇о сабхаа-сад̣̇д̣̇асса барияааяо сабхааяа-сад̣̇д̣̇о набум̣сагалин̇г̇аяуд̇д̇о ад̇т̇ийд̇и д̣̇ассзд̇и. ‘‘сабхааяанд̇и лин̇г̇аб̣яад̇д̇аязна сабхаа вуд̇д̇аа’’д̇и ваа баато. лин̇г̇аб̣яад̇д̇аязна сабхаад̇и жа лин̇г̇анд̇араяуд̇д̇о сабхаасад̣̇д̣̇абарияааяо сабхааяасад̣̇д̣̇од̇и ад̇т̇о.
478-9.Ettāvatāti ‘‘parikkhitto’’ti iminā. ‘‘Sabhāyeti liṅgabyattayena sabhā vuttā’’ti vatvā puna sayampi ‘‘sabhāye’’ti iminā voharanto sabhā-saddassa pariyāyo sabhāya-saddo napuṃsakaliṅgayutto atthīti dasseti. ‘‘Sabhāyanti liṅgabyattayena sabhā vuttā’’ti vā pāṭho. Liṅgabyattayena sabhāti ca liṅgantarayutto sabhāsaddapariyāyo sabhāyasaddoti attho.
сабхааяам̣ г̇ажчад̇ийд̇и сабхам̣ г̇ажчад̇и. васид̇аб̣б̣ам̣ над̇т̇ийд̇и жийварахад̇т̇абаасзязва васид̇аб̣б̣ам̣ над̇т̇ийд̇и ад̇т̇о. д̇ассаад̇и вийт̇ияаа. сабхааяасса жа д̣̇ваарасса жа хад̇т̇абаасаа на виж̇ахид̇аб̣б̣анд̇и зд̇т̇а сабхааяад̣̇ваараанаманд̇арз вийт̇и г̇зхааби г̇ахид̇аа зва хонд̇и аад̣̇ибарияосаанаанам̣ г̇ахид̇ад̇д̇аа. зд̇т̇а жа д̣̇вааравийт̇игхарзсу васанд̇зна г̇аамаббавзсанасахасзяяаад̣̇ид̣̇осам̣ барихарид̇ваа субадижчаннад̇аад̣̇ияуд̇д̇знзва бхавид̇аб̣б̣ам̣ , сабхаа бана яад̣̇и саб̣б̣зсам̣ васанад̇т̇ааяа саалаасад̣̇исаа гад̇аа, анд̇араараамз вияа яат̇аасукам̣ васид̇ум̣ ваддад̇ийд̇и взд̣̇ид̇аб̣б̣ам̣. баригкид̇д̇ад̇ааяа жа згуубажаарад̇ам̣, абаригкид̇д̇ад̇ааяа наануубажаарад̇ан̃жа нивзсанаад̣̇ийсуби ад̇ид̣̇исанд̇о ааха ‘‘зд̇знзвуубааязнаа’’д̇иаад̣̇и. нивзсанаад̣̇ийни б̣ахиг̇аамад̇о саннивидтаани г̇ахид̇аани анд̇ог̇аамз тид̇аанам̣ г̇аамаг̇г̇ахан̣знзва г̇ахид̇ад̇д̇аа. саб̣б̣ад̇т̇аад̇и г̇ааманиг̇аманивзсанаад̣̇ийсу баннарасасу. баригкзбаад̣̇ийд̇и аад̣̇и-сад̣̇д̣̇зна абаригкзбассзва г̇ахан̣ам̣, на згагулаад̣̇ийнамби д̇зсам̣ згуубажаарад̇аанаануубажаарад̇аанимид̇д̇ад̇аабхааваа. зд̇т̇а жа сад̇т̇асса гад̇ибаахам̣ гад̇т̇ажи нивидтассзва баригкзбо ход̇и, на г̇ажчанд̇асса.
Sabhāyaṃ gacchatīti sabhaṃ gacchati. Vasitabbaṃ natthīti cīvarahatthapāseyeva vasitabbaṃ natthīti attho. Tassāti vīthiyā. Sabhāyassa ca dvārassa ca hatthapāsā na vijahitabbanti ettha sabhāyadvārānamantare vīthi gehāpi gahitā eva honti ādipariyosānānaṃ gahitattā. Ettha ca dvāravīthigharesu vasantena gāmappavesanasahaseyyādidosaṃ pariharitvā supaṭicchannatādiyutteneva bhavitabbaṃ , sabhā pana yadi sabbesaṃ vasanatthāya sālāsadisā katā, antarārāme viya yathāsukhaṃ vasituṃ vaṭṭatīti veditabbaṃ. Parikkhittatāya ca ekūpacārataṃ, aparikkhittatāya nānūpacāratañca nivesanādīsupi atidisanto āha ‘‘etenevūpāyenā’’tiādi. Nivesanādīni bahigāmato sanniviṭṭhāni gahitāni antogāme ṭhitānaṃ gāmaggahaṇeneva gahitattā. Sabbatthāti gāmanigamanivesanādīsu pannarasasu. Parikkhepādīti ādi-saddena aparikkhepasseva gahaṇaṃ, na ekakulādīnampi tesaṃ ekūpacāratānānūpacāratānimittatābhāvā. Ettha ca satthassa katipāhaṃ katthaci niviṭṭhasseva parikkhepo hoti, na gacchantassa.
482-7. г̇аамад̇о б̣ахи иссараанам̣ самуд̣̇д̣̇ад̇ийраад̣̇ийсу гад̇абхан̣д̣асаалаа уд̣̇осид̇од̇и ааха ‘‘яаанаад̣̇ийна’’нд̇иаад̣̇и. мун̣д̣ажчад̣̇анабаасаад̣̇од̇и наад̇иужжо жанд̣̇иган̇г̇ан̣аяуд̇д̇о сикарагуудамаалаад̣̇ивирахид̇о баасаад̣̇о.
482-7. Gāmato bahi issarānaṃ samuddatīrādīsu katabhaṇḍasālā udositoti āha ‘‘yānādīna’’ntiādi. Muṇḍacchadanapāsādoti nātiucco candikaṅgaṇayutto sikharakūṭamālādivirahito pāsādo.
489. барияаад̣̇ияид̇ваад̇и аж̇жход̇т̇арид̇ваа. над̣̇ийбарихаарод̇и висум̣г̇аамаад̣̇ийнам̣ вияа над̣̇ийбарихаарасса авуд̇д̇ад̇д̇аа жийварахад̇т̇абаасо зваад̇и вад̣̇анд̇и, ан̃н̃з бана ‘‘иминаа адтагат̇ааважанзна над̣̇ийбарихаароби висум̣ сид̣̇д̇хо, над̣̇ияаа хад̇т̇абаасо на виж̇ахид̇аб̣б̣о’’д̇и вад̣̇анд̇и. вихаарасийманд̇и авиббаваасасиймам̣ санд̇хааяааха. зд̇т̇а жа вихаарасса наанаагуласанд̇агабхаавзби авиббаваасасиймаабарижчзд̣̇аб̣бханд̇арз саб̣б̣ад̇т̇а жийвараавиббаваасасамбхавад̇о д̇ассаа бад̇хаанад̇д̇аа д̇ад̇т̇а сад̇т̇абарихааро на лаб̣бхад̇ийд̇и ‘‘вихаарам̣ г̇анд̇ваа васид̇аб̣б̣а’’нд̇и вуд̇д̇ам̣. ‘‘сад̇т̇асамийбз’’д̇и ид̣̇ам̣ яат̇аавуд̇д̇ам̣ аб̣бханд̇арабарижчзд̣̇авасзна вуд̇д̇ам̣. баал̣ияам̣ наанаагуласса сад̇т̇о ход̇и, сад̇т̇з жийварам̣ нигкибид̇ваа хад̇т̇абаасаа на виж̇ахид̇аб̣б̣анд̇и зд̇т̇а сад̇т̇ахад̇т̇абаасо г̇ахид̇о.
489.Pariyādiyitvāti ajjhottharitvā. Nadīparihāroti visuṃgāmādīnaṃ viya nadīparihārassa avuttattā cīvarahatthapāso evāti vadanti, aññe pana ‘‘iminā aṭṭhakathāvacanena nadīparihāropi visuṃ siddho, nadiyā hatthapāso na vijahitabbo’’ti vadanti. Vihārasīmanti avippavāsasīmaṃ sandhāyāha. Ettha ca vihārassa nānākulasantakabhāvepi avippavāsasīmāparicchedabbhantare sabbattha cīvaraavippavāsasambhavato tassā padhānattā tattha satthaparihāro na labbhatīti ‘‘vihāraṃ gantvā vasitabba’’nti vuttaṃ. ‘‘Satthasamīpe’’ti idaṃ yathāvuttaṃ abbhantaraparicchedavasena vuttaṃ. Pāḷiyaṃ nānākulassa sattho hoti, satthe cīvaraṃ nikkhipitvā hatthapāsā na vijahitabbanti ettha satthahatthapāso gahito.
490. згагуласса кзд̇д̇зд̇и абаригкид̇д̇ам̣ санд̇хааяа вад̣̇ад̇и.
490.Ekakulassa khetteti aparikkhittaṃ sandhāya vadati.
491-4. вихааро наама убажаарасиймаа. д̇ад̇т̇а яасмим̣ вихаарзд̇и д̇асса анд̇обаривзн̣аад̣̇им̣ санд̇хааяа вуд̇д̇ам̣, згагулаад̣̇исанд̇агад̇аа жзд̇т̇а гаараабагаанам̣ васзна. чааяааяа пудтогаасассаад̇и уж̇угам̣ авагкид̇д̇алзд̣д̣убаад̇аб̣бханд̇арам̣ санд̇хааяа вад̣̇ад̇и.
491-4.Vihāro nāma upacārasīmā. Tattha yasmiṃ vihāreti tassa antopariveṇādiṃ sandhāya vuttaṃ, ekakulādisantakatā cettha kārāpakānaṃ vasena. Chāyāya phuṭṭhokāsassāti ujukaṃ avakkhittaleḍḍupātabbhantaraṃ sandhāya vadati.
аг̇аманабат̇зд̇и д̇ад̣̇ахзва г̇анд̇ваа нивад̇д̇зд̇ум̣ на саггун̣зяяагз самуд̣̇д̣̇амаж̇жхз яз д̣̇ийбагаа, д̇зсууд̇и яож̇анаа. ид̇арасминд̇и бурад̇т̇имад̣̇исааяа жийварз. ‘‘убосат̇агаалз…бз… вад̣дхад̇ий’’д̇и иминаа жийваравиббаваасасад̇д̇аб̣бханд̇арад̇о самаанасам̣ваасааяа сад̇д̇аб̣бханд̇арасиймааяа ажжанд̇ависад̣̇исад̇ам̣ д̣̇ассзд̇и . д̇ат̇аа хи б̣ахуусу бхигкуусу згад̇о нисийд̣̇ид̇ваа саманд̇аа сад̇д̇аб̣бханд̇арабарижчзд̣̇зсу яат̇аасагам̣ жийварам̣ табзд̇ваа барихаранд̇зсу згзгасса бхигкуно нисинногаасад̇о бадтааяа бажжзгам̣ сад̇д̇аб̣бханд̇арасса барижчзд̣̇о ан̃н̃аман̃н̃ависад̣̇исо анзгавид̇хо ход̇и, на зго барисабарияанд̇ад̇о бадтааяа анимид̇аб̣б̣ад̇д̇аа. д̇знзва д̇ад̇т̇а барисавасзна вуд̣дхи, хаани ваа на ход̇и, на звам̣ сад̇д̇аб̣бханд̇арасиймааяа. саа хи яож̇анигааяаби барисабарияанд̇ад̇ова бадтааяа саманд̇аа сад̇д̇аб̣бханд̇арабаажчиннаа згаава ход̇и. д̇знзва саа барисавасзна вад̣дхад̇и, хааяад̇и жа, д̇асмаа ан̃н̃аава сад̇д̇аб̣бханд̇арасиймаа ан̃н̃о сад̇д̇аб̣бханд̇арад̇о барижчинно жийваравиббаваасабарихааро аб̣бхогаасод̇и взд̣̇ид̇аб̣б̣ам̣. яан̃жзд̇т̇а вад̇д̇аб̣б̣ам̣, д̇ам̣ канд̇хагз сиймаагат̇ааяамзва (махаава. 143) вагкаама.
Agamanapatheti tadaheva gantvā nivattetuṃ na sakkuṇeyyake samuddamajjhe ye dīpakā, tesūti yojanā. Itarasminti puratthimadisāya cīvare. ‘‘Uposathakāle…pe… vaḍḍhatī’’ti iminā cīvaravippavāsasattabbhantarato samānasaṃvāsāya sattabbhantarasīmāya accantavisadisataṃ dasseti . Tathā hi bahūsu bhikkhūsu ekato nisīditvā samantā sattabbhantaraparicchedesu yathāsakaṃ cīvaraṃ ṭhapetvā pariharantesu ekekassa bhikkhuno nisinnokāsato paṭṭhāya paccekaṃ sattabbhantarassa paricchedo aññamaññavisadiso anekavidho hoti, na eko parisapariyantato paṭṭhāya animitabbattā. Teneva tattha parisavasena vuḍḍhi, hāni vā na hoti, na evaṃ sattabbhantarasīmāya. Sā hi yojanikāyapi parisapariyantatova paṭṭhāya samantā sattabbhantarapaacchinnā ekāva hoti. Teneva sā parisavasena vaḍḍhati, hāyati ca, tasmā aññāva sattabbhantarasīmā añño sattabbhantarato paricchinno cīvaravippavāsaparihāro abbhokāsoti veditabbaṃ. Yañcettha vattabbaṃ, taṃ khandhake sīmākathāyameva (mahāva. 143) vakkhāma.
495. над̣̇им̣ од̇арад̇ийд̇и хад̇т̇абаасам̣ мун̃жид̇ваа од̇арад̇и. б̣ахиг̇аамз табзд̇ваад̇и абаарубид̇аб̣б̣ад̇ааяа вуд̇д̇ам̣. винаяагаммам̣ гаад̇аб̣б̣анд̇и уд̇д̇араасан̇г̇з жа б̣ахиг̇аамз табид̇асан̇гхаадияан̃жа батамам̣ винаяагаммам̣ гад̇ваа бажчаа уд̇д̇араасан̇г̇ам̣ ниваасзд̇ваа анд̇араваасагз гаад̇аб̣б̣ам̣. зд̇т̇а жа б̣ахиг̇аамз табид̇ассааби винаяагаммаважанад̇о бараммукааби тид̇ам̣ виссаж̇ж̇ид̇ум̣, ниссадтам̣ д̣̇аад̇ун̃жа ваддад̇ийд̇и взд̣̇ид̇аб̣б̣ам̣. д̣̇ахараанам̣ г̇аманз сауссаахад̇д̇аа ‘‘ниссаяо бана на бадиббассамбхад̇ий’’д̇и вуд̇д̇ам̣. мухуд̇д̇ам̣…бз… бадиббассамбхад̇ийд̇и сауссаахад̇д̇з г̇аманасса убажчиннад̇д̇аа вуд̇д̇ам̣. д̇зсам̣ бана бураарун̣аава удтахид̇ваа сауссаахзна г̇ажчанд̇аанам̣ арун̣з анд̇араа удтид̇зби на бадиббассамбхад̇и ‘‘яаава арун̣уг̇г̇аманаа саяанд̇ий’’д̇и вуд̇д̇ад̇д̇аа. д̇знзва ‘‘г̇аамам̣ бависид̇ваа…бз… на бадиббассамбхад̇ий’’д̇и вуд̇д̇ам̣. ан̃н̃аман̃н̃асса важанам̣ аг̇г̇ахзд̇ваад̇иаад̣̇имхи сауссаахад̇д̇аа г̇аманагкан̣з бадиббассад̣̇д̇хи на вуд̇д̇аа. д̇хзнубхаязнаад̇и д̇арун̣аважчаг̇аавийнам̣ абхид̇хаавид̇ваа син̇г̇зна бахаран̣абхаязна. ниссаяо жа бадиббассамбхад̇ийд̇и зд̇т̇а д̇хзнубхаяаад̣̇ийхи тид̇аанам̣ яаава бхаяавуубасамаа таад̇аб̣б̣ад̇о ‘‘анд̇оарун̣зязва г̇амиссаамий’’д̇и нияамзд̇ум̣ асаггун̣зяяад̇д̇аа вуд̇д̇ам̣. яад̇т̇а бана звам̣ нияамзд̇ум̣ саггаа, д̇ад̇т̇а анд̇араарун̣з уг̇г̇ад̇зби ниссаяо на бадиббассамбхад̇и бхзсаж̇ж̇ад̇т̇ааяа г̇аамаббавидтад̣̇ахараанам̣ вияа. анд̇осиймааяам̣ г̇ааманд̇и авиббаваасасиймаасаммуд̇ид̇о бажчаа бад̇идтаабид̇аг̇аамам̣ санд̇хааяа вад̣̇ад̇и г̇ааман̃жа г̇аамуубажааран̃жа табзд̇ваа самманнид̇аб̣б̣ад̇о. бавидтаананд̇и аажарияанд̇зваасигаанам̣ висум̣ висум̣ г̇ад̇аанам̣ авиббаваасасиймад̇д̇аа нзва жийвараани ниссаг̇г̇ияаани хонд̇и, сауссаахад̇ааяа ниссаяо на бадиббассамбхад̇и. анд̇араамаг̇г̇зд̇и д̇хаммам̣ суд̇ваа ааг̇ажчанд̇аанам̣ анд̇араамаг̇г̇з.
495.Nadiṃotaratīti hatthapāsaṃ muñcitvā otarati. Bahigāme ṭhapetvāti apārupitabbatāya vuttaṃ. Vinayakammaṃ kātabbanti uttarāsaṅge ca bahigāme ṭhapitasaṅghāṭiyañca paṭhamaṃ vinayakammaṃ katvā pacchā uttarāsaṅgaṃ nivāsetvā antaravāsake kātabbaṃ. Ettha ca bahigāme ṭhapitassāpi vinayakammavacanato parammukhāpi ṭhitaṃ vissajjituṃ, nissaṭṭhaṃ dātuñca vaṭṭatīti veditabbaṃ. Daharānaṃ gamane saussāhattā ‘‘nissayo pana na paṭippassambhatī’’ti vuttaṃ. Muhuttaṃ…pe… paṭippassambhatīti saussāhatte gamanassa upacchinnattā vuttaṃ. Tesaṃ pana purāruṇāva uṭṭhahitvā saussāhena gacchantānaṃ aruṇe antarā uṭṭhitepi na paṭippassambhati ‘‘yāva aruṇuggamanā sayantī’’ti vuttattā. Teneva ‘‘gāmaṃ pavisitvā…pe… na paṭippassambhatī’’ti vuttaṃ. Aññamaññassa vacanaṃ aggahetvātiādimhi saussāhattā gamanakkhaṇe paṭippassaddhi na vuttā. Dhenubhayenāti taruṇavacchagāvīnaṃ abhidhāvitvā siṅgena paharaṇabhayena. Nissayo ca paṭippassambhatīti ettha dhenubhayādīhi ṭhitānaṃ yāva bhayavūpasamā ṭhātabbato ‘‘antoaruṇeyeva gamissāmī’’ti niyametuṃ asakkuṇeyyattā vuttaṃ. Yattha pana evaṃ niyametuṃ sakkā, tattha antarāruṇe uggatepi nissayo na paṭippassambhati bhesajjatthāya gāmappaviṭṭhadaharānaṃ viya. Antosīmāyaṃ gāmanti avippavāsasīmāsammutito pacchā patiṭṭhāpitagāmaṃ sandhāya vadati gāmañca gāmūpacārañca ṭhapetvā sammannitabbato. Paviṭṭhānanti ācariyantevāsikānaṃ visuṃ visuṃ gatānaṃ avippavāsasīmattā neva cīvarāni nissaggiyāni honti, saussāhatāya nissayo na paṭippassambhati. Antarāmaggeti dhammaṃ sutvā āgacchantānaṃ antarāmagge.
‘‘ид̇ха абажжуд̣̇д̇харан̣а’’нд̇и иминаа ад̇хидтаанавигаббанаани вияа бажжуд̣̇д̇харан̣амби гааязна ваа ваажааяа ваа гад̇д̇аб̣б̣анд̇и д̣̇ассзд̇и. гааяаваажаахи гад̇д̇аб̣б̣асса агаран̣ад̇од̇и ид̣̇ам̣ гааяаваажаасамудтаанам̣ вуд̇д̇ам̣. ад̇хидтид̇ад̇ижийварад̇аа, анад̇т̇ад̇агат̇инад̇аа, алад̣̇д̇хасаммуд̇ид̇аа, рад̇д̇ивиббаваасод̇и имаанзд̇т̇а жад̇д̇аари ан̇г̇аани.
‘‘Idha apaccuddharaṇa’’nti iminā adhiṭṭhānavikappanāni viya paccuddharaṇampi kāyena vā vācāya vā kattabbanti dasseti. Kāyavācāhi kattabbassa akaraṇatoti idaṃ kāyavācāsamuṭṭhānaṃ vuttaṃ. Adhiṭṭhitaticīvaratā, anatthatakathinatā, aladdhasammutitā, rattivippavāsoti imānettha cattāri aṅgāni.
уд̣̇осид̇асигкаабад̣̇аван̣н̣анаа нидтид̇аа.
Udositasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. уд̣̇осид̇асигкаабад̣̇ам̣ • 2. Udositasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уд̣̇осид̇асигкаабад̣̇аван̣н̣анаа • 2. Udositasikkhāpadavaṇṇanā
