| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. อุทุมฺพรผลทายกเตฺถรอปทานํ
3. Udumbaraphaladāyakattheraapadānaṃ
๑๕.
15.
‘‘วินตานทิยา ตีเร, วิหาสิ ปุริสุตฺตโม;
‘‘Vinatānadiyā tīre, vihāsi purisuttamo;
อทฺทสํ วิรชํ พุทฺธํ, เอกคฺคํ สุสมาหิตํฯ
Addasaṃ virajaṃ buddhaṃ, ekaggaṃ susamāhitaṃ.
๑๖.
16.
‘‘ตสฺมิํ ปสนฺนมานโส, กิเลสมลโธวเน;
‘‘Tasmiṃ pasannamānaso, kilesamaladhovane;
อุทุมฺพรผลํ คยฺห, พุทฺธเสฎฺฐสฺสทาสหํฯ
Udumbaraphalaṃ gayha, buddhaseṭṭhassadāsahaṃ.
๑๗.
17.
‘‘เอกนวุติโต กเปฺป, ยํ ผลมททิํ ตทา;
‘‘Ekanavutito kappe, yaṃ phalamadadiṃ tadā;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๑๘.
18.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๑๙.
19.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๒๐.
20.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อุทุมฺพรผลทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā udumbaraphaladāyako thero imā gāthāyo abhāsitthāti.
อุทุมฺพรผลทายกเตฺถรสฺสาปทานํ ตติยํฯ
Udumbaraphaladāyakattherassāpadānaṃ tatiyaṃ.
