| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. උදුම්‌බරඵලදායකත්‌ථෙරඅපදානං
3. Udumbaraphaladāyakattheraapadānaṃ
15.
15.
‘‘විනතානදියා තීරෙ, විහාසි පුරිසුත්‌තමො;
‘‘Vinatānadiyā tīre, vihāsi purisuttamo;
අද්‌දසං විරජං බුද්‌ධං, එකග්‌ගං සුසමාහිතං.
Addasaṃ virajaṃ buddhaṃ, ekaggaṃ susamāhitaṃ.
16.
16.
‘‘තස්‌මිං පසන්‌නමානසො, කිලෙසමලධොවනෙ;
‘‘Tasmiṃ pasannamānaso, kilesamaladhovane;
උදුම්‌බරඵලං ගය්‌හ, බුද්‌ධසෙට්‌ඨස්‌සදාසහං.
Udumbaraphalaṃ gayha, buddhaseṭṭhassadāsahaṃ.
17.
17.
‘‘එකනවුතිතො කප්‌පෙ, යං ඵලමදදිං තදා;
‘‘Ekanavutito kappe, yaṃ phalamadadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
18.
18.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
19.
19.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
20.
20.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා උදුම්‌බරඵලදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā udumbaraphaladāyako thero imā gāthāyo abhāsitthāti.
උදුම්‌බරඵලදායකත්‌ථෙරස්‌සාපදානං තතියං.
Udumbaraphaladāyakattherassāpadānaṃ tatiyaṃ.
