| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
2. уд̣̇умб̣аригасуд̇д̇аван̣н̣анаа
2. Udumbarikasuttavaṇṇanā
ниг̇род̇хабариб̣б̣ааж̇агавад̇т̇уван̣н̣анаа
Nigrodhaparibbājakavatthuvaṇṇanā
49. звам̣ мз суд̇анд̇и уд̣̇умб̣аригасуд̇д̇ам̣. д̇ад̇рааяамабуб̣б̣абад̣̇аван̣н̣анаа – бариб̣б̣ааж̇агод̇и чаннабариб̣б̣ааж̇аго. уд̣̇умб̣аригааяа бариб̣б̣ааж̇агаараамзд̇и уд̣̇умб̣аригааяа д̣̇звияаа санд̇агз бариб̣б̣ааж̇агаараамз. санд̇хаанод̇и д̇асса наамам̣. аяам̣ бана махаанубхааво бариваарзд̇ваа вижаранд̇аанам̣ бан̃жаннам̣ убаасагасад̇аанам̣ аг̇г̇абурисо анааг̇аамий бхаг̇авад̇аа махаабарисамаж̇жхз звам̣ сам̣ван̣н̣ид̇о –
49.Evaṃme sutanti udumbarikasuttaṃ. Tatrāyamapubbapadavaṇṇanā – paribbājakoti channaparibbājako. Udumbarikāya paribbājakārāmeti udumbarikāya deviyā santake paribbājakārāme. Sandhānoti tassa nāmaṃ. Ayaṃ pana mahānubhāvo parivāretvā vicarantānaṃ pañcannaṃ upāsakasatānaṃ aggapuriso anāgāmī bhagavatā mahāparisamajjhe evaṃ saṃvaṇṇito –
‘‘чахи, бхигкавз, ан̇г̇зхи саманнааг̇ад̇о санд̇хаано г̇ахабад̇и д̇ат̇ааг̇ад̇з нидтан̇г̇ад̇о сад̣̇д̇хаммз ирияад̇и. гад̇амзхи чахи? б̣уд̣̇д̇хз авзжжаббасаад̣̇зна д̇хаммз авзжжаббасаад̣̇зна сан̇гхз авзжжаббасаад̣̇зна ариязна сийлзна ариязна н̃аан̣зна арияааяа вимуд̇д̇ияаа. имзхи ко, бхигкавз, чахи ан̇г̇зхи саманнааг̇ад̇о санд̇хаано г̇ахабад̇и д̇ат̇ааг̇ад̇з нидтан̇г̇ад̇о сад̣̇д̇хаммз ирияад̇ий’’д̇и (а. ни. 6.120-139).
‘‘Chahi, bhikkhave, aṅgehi samannāgato sandhāno gahapati tathāgate niṭṭhaṅgato saddhamme iriyati. Katamehi chahi? Buddhe aveccappasādena dhamme aveccappasādena saṅghe aveccappasādena ariyena sīlena ariyena ñāṇena ariyāya vimuttiyā. Imehi kho, bhikkhave, chahi aṅgehi samannāgato sandhāno gahapati tathāgate niṭṭhaṅgato saddhamme iriyatī’’ti (a. ni. 6.120-139).
со баад̇оязва убосат̇ан̇г̇аани ад̇хидтааяа буб̣б̣ан̣хасамаяз б̣уд̣̇д̇хаббамукасса сан̇гхасса д̣̇аанам̣ д̣̇ад̇ваа бхигкуусу вихаарам̣ г̇ад̇зсу гхарз куд̣̇д̣̇агамахаллагаанам̣ д̣̇аарагаанам̣ сад̣̇д̣̇зна уб̣б̣аал̣хо сад̇т̇у санд̇игз ‘‘д̇хаммам̣ соссаамий’’д̇и нигканд̇о. д̇зна вуд̇д̇ам̣ д̣̇иваа д̣̇ивасса рааж̇аг̇ахаа нигкамийд̇и. д̇ад̇т̇а д̣̇иваа д̣̇ивассаад̇и д̣̇ивасасса д̣̇иваа наама маж̇жханхаад̇иггамо, д̇асмим̣ д̣̇ивасассааби д̣̇иваабхууд̇з ад̇игганд̇амад̇д̇з маж̇жханхигз нигкамийд̇и ад̇т̇о. бадисаллийнод̇и д̇ад̇о д̇ад̇о руубаад̣̇иг̇ожарад̇о жид̇д̇ам̣ бадисам̣харид̇ваа нилийно жхаанарад̇исзванаавасзна згийбхаавам̣ г̇ад̇о. манобхааванийяаананд̇и манавад̣дхагаанам̣. яз жа ааваж̇ж̇ад̇о манасигарод̇о жид̇д̇ам̣ винийваран̣ам̣ ход̇и уннамад̇и вад̣дхад̇и.
So pātoyeva uposathaṅgāni adhiṭṭhāya pubbaṇhasamaye buddhappamukhassa saṅghassa dānaṃ datvā bhikkhūsu vihāraṃ gatesu ghare khuddakamahallakānaṃ dārakānaṃ saddena ubbāḷho satthu santike ‘‘dhammaṃ sossāmī’’ti nikkhanto. Tena vuttaṃ divā divassa rājagahā nikkhamīti. Tattha divā divassāti divasassa divā nāma majjhanhātikkamo, tasmiṃ divasassāpi divābhūte atikkantamatte majjhanhike nikkhamīti attho. Paṭisallīnoti tato tato rūpādigocarato cittaṃ paṭisaṃharitvā nilīno jhānaratisevanāvasena ekībhāvaṃ gato. Manobhāvanīyānanti manavaḍḍhakānaṃ. Ye ca āvajjato manasikaroto cittaṃ vinīvaraṇaṃ hoti unnamati vaḍḍhati.
50. уннаад̣̇инияаад̇иаад̣̇ийни бодтабаад̣̇асуд̇д̇з вид̇т̇аарид̇анаязнзва взд̣̇ид̇аб̣б̣аани.
50.Unnādiniyātiādīni poṭṭhapādasutte vitthāritanayeneva veditabbāni.
51. яаавад̇аад̇и яад̇д̇агаа. аяам̣ д̇зсам̣ ан̃н̃ад̇арод̇и аяам̣ д̇зсам̣ аб̣бханд̇аро зго сааваго, бхаг̇авад̇о гира саавагаа г̇ихианааг̇ааминоязва бан̃жасад̇аа рааж̇аг̇ахз бадивасанд̇и. язсам̣ згзгасса бан̃жа бан̃жа убаасагасад̇аани бариваараа, д̇з санд̇хааяа ‘‘аяам̣ д̇зсам̣ ан̃н̃ад̇аро’’д̇и ааха. аббзва наамаад̇и д̇асса убасан̇гаманам̣ бад̇т̇аяамаано ааха. бад̇т̇анаагааран̣ам̣ бана бодтабаад̣̇асуд̇д̇з вуд̇д̇амзва.
51.Yāvatāti yattakā. Ayaṃ tesaṃ aññataroti ayaṃ tesaṃ abbhantaro eko sāvako, bhagavato kira sāvakā gihianāgāminoyeva pañcasatā rājagahe paṭivasanti. Yesaṃ ekekassa pañca pañca upāsakasatāni parivārā, te sandhāya ‘‘ayaṃ tesaṃ aññataro’’ti āha. Appeva nāmāti tassa upasaṅkamanaṃ patthayamāno āha. Patthanākāraṇaṃ pana poṭṭhapādasutte vuttameva.
52. зд̇ад̣̇авожаад̇и ааг̇ажчанд̇о анд̇араамаг̇г̇зязва д̇зсам̣ гат̇ааяа суд̇ад̇д̇аа зд̇ам̣ ан̃н̃ат̇аа ко имзд̇иаад̣̇иважанам̣ авожа. д̇ад̇т̇а ан̃н̃ад̇ид̇т̇ияаад̇и д̣̇ассанзнаби аагаббзнаби гуд̇д̇знаби аажаарзнаби вихаарзнаби ирияаабат̇знаби ан̃н̃з д̇ид̇т̇ияаад̇и ан̃н̃ад̇ид̇т̇ияаа. сан̇г̇амма самааг̇аммаад̇и сан̇г̇анд̇ваа самааг̇анд̇ваа рааси худ̇ваа нисиннадтаанз. аран̃н̃аванабад̇т̇аанийд̇и аран̃н̃аванабад̇т̇аани г̇аамуубажаарад̇о муд̇д̇аани д̣̇уурасзнаасанаани. банд̇аанийд̇и д̣̇уурад̇араани мануссуубажааравирахид̇аани. аббасад̣̇д̣̇аанийд̇и вихааруубажаарзна г̇ажчад̇о ад̣̇д̇хигаж̇анассаби сад̣̇д̣̇зна манд̣̇асад̣̇д̣̇аани. аббаниг̇гхосаанийд̇и авибхаавид̇ад̇т̇зна ниг̇гхосзна манд̣̇аниг̇гхосаани. виж̇анаваад̇аанийд̇и анд̇осан̃жаарино ж̇анасса ваад̇зна виг̇ад̇аваад̇аани. мануссараахассзяяагаанийд̇и мануссаанам̣ рахассагаран̣асса яуд̇д̇аани анужчавигаани. бадисаллаанасааруббаанийд̇и згийбхаавасса ануруубаани. ид̇и санд̇хаано г̇ахабад̇и ‘‘ахо мама сад̇т̇аа яо зваруубаани сзнаасанаани бадисзвад̇ий’’д̇и ан̃ж̇алим̣ баг̇г̇аяха уд̇д̇аман̇г̇з сирасмим̣ бад̇идтабзд̇ваа имам̣ уд̣̇аанам̣ уд̣̇аанзнд̇о нисийд̣̇и.
52.Etadavocāti āgacchanto antarāmaggeyeva tesaṃ kathāya sutattā etaṃ aññathā kho imetiādivacanaṃ avoca. Tattha aññatitthiyāti dassanenapi ākappenapi kuttenapi ācārenapi vihārenapi iriyāpathenapi aññe titthiyāti aññatitthiyā. Saṅgamma samāgammāti saṅgantvā samāgantvā rāsi hutvā nisinnaṭṭhāne. Araññavanapatthānīti araññavanapatthāni gāmūpacārato muttāni dūrasenāsanāni. Pantānīti dūratarāni manussūpacāravirahitāni. Appasaddānīti vihārūpacārena gacchato addhikajanassapi saddena mandasaddāni. Appanigghosānīti avibhāvitatthena nigghosena mandanigghosāni. Vijanavātānīti antosañcārino janassa vātena vigatavātāni. Manussarāhasseyyakānīti manussānaṃ rahassakaraṇassa yuttāni anucchavikāni. Paṭisallānasāruppānīti ekībhāvassa anurūpāni. Iti sandhāno gahapati ‘‘aho mama satthā yo evarūpāni senāsanāni paṭisevatī’’ti añjaliṃ paggayha uttamaṅge sirasmiṃ patiṭṭhapetvā imaṃ udānaṃ udānento nisīdi.
53. звам̣ вуд̇д̇зд̇и звам̣ санд̇хаанзна г̇ахабад̇инаа уд̣̇аанам̣ уд̣̇аанзнд̇зна вуд̇д̇з. ниг̇род̇хо бариб̣б̣ааж̇аго аяам̣ г̇ахабад̇и мама санд̇игз нисинноби ад̇д̇ано сад̇т̇аарам̣язва т̇омзд̇и уггам̣сад̇и, амхз бана ад̇т̇ийд̇иби на ман̃н̃ад̇и, зд̇асмим̣ уббаннагобам̣ саман̣асса г̇од̇амасса убари баад̇зссаамийд̇и санд̇хаанам̣ г̇ахабад̇им̣ зд̇ад̣̇авожа.
53.Evaṃ vutteti evaṃ sandhānena gahapatinā udānaṃ udānentena vutte. Nigrodho paribbājako ayaṃ gahapati mama santike nisinnopi attano satthāraṃyeva thometi ukkaṃsati, amhe pana atthītipi na maññati, etasmiṃ uppannakopaṃ samaṇassa gotamassa upari pātessāmīti sandhānaṃ gahapatiṃ etadavoca.
яаг̇гхзд̇и жод̣̇анад̇т̇з нибаад̇о. ж̇аанзяяаасийд̇и б̣уж̇жхзяяааси бассзяяааси. гзна саман̣о г̇од̇амо сад̣̇д̇хим̣ саллабад̇ийд̇и гзна гааран̣зна гзна буг̇г̇алзна сад̣̇д̇хим̣ саман̣о г̇од̇амо саллабад̇и вад̣̇ад̇и бхаасад̇и. гим̣ вуд̇д̇ам̣ ход̇и – ‘‘яад̣̇и гин̃жи саллаабагааран̣ам̣ бхавзяяа, яад̣̇и ваа гожи саман̣асса г̇од̇амасса санд̇игам̣ саллаабад̇т̇иго г̇ажчзяяа, саллабзяяа, на бана гааран̣ам̣ ад̇т̇и, на д̇асса санд̇игам̣ гожи г̇ажчад̇и, свааяам̣ гзна саман̣о г̇од̇амо сад̣̇д̇хим̣ саллабад̇и, асаллабанд̇о гат̇ам̣ уннаад̣̇ий бхависсад̇ий’’д̇и.
Yaggheti codanatthe nipāto. Jāneyyāsīti bujjheyyāsi passeyyāsi. Kena samaṇo gotamo saddhiṃ sallapatīti kena kāraṇena kena puggalena saddhiṃ samaṇo gotamo sallapati vadati bhāsati. Kiṃ vuttaṃ hoti – ‘‘yadi kiñci sallāpakāraṇaṃ bhaveyya, yadi vā koci samaṇassa gotamassa santikaṃ sallāpatthiko gaccheyya, sallapeyya, na pana kāraṇaṃ atthi, na tassa santikaṃ koci gacchati, svāyaṃ kena samaṇo gotamo saddhiṃ sallapati, asallapanto kathaṃ unnādī bhavissatī’’ti.
саагажчанд̇и сам̣санд̣̇анам̣. бан̃н̃аавзяяад̇д̇ияанд̇и уд̇д̇арабажжуд̇д̇аранаязна н̃аан̣аб̣яад̇д̇абхаавам̣. сун̃н̃ааг̇аарахад̇аад̇и сун̃н̃ааг̇аарзсу надтаа, саман̣зна хи г̇од̇амзна б̣од̇химуулз аббамад̇д̇игаа бан̃н̃аа ад̇хиг̇ад̇аа, саабисса сун̃н̃ааг̇аарзсу згагасса нисийд̣̇ад̇о надтаа. яад̣̇и бана маяам̣ вияа г̇ан̣асан̇г̇ан̣игам̣ гад̇ваа нисийд̣̇зяяа, наасса бан̃н̃аа нассзяяаад̇и д̣̇ассзд̇и. абарисааважарод̇и ависаарад̣̇ад̇д̇аа барисам̣ од̇арид̇ум̣ на саггод̇и. наалам̣ саллаабааяаад̇и на самад̇т̇о саллаабам̣ гаад̇ум̣. анд̇аманд̇аанзваад̇и гожи мам̣ бан̃хам̣ бужчзяяаад̇и бан̃хаабхийд̇о анд̇аманд̇аанзва банд̇асзнаасанаани сзвад̇и. г̇огаан̣аад̇и згагкихад̇аа гаан̣аг̇аавий. саа гира барияанд̇ажаариний ход̇и, анд̇аманд̇аанзва сзвад̇и. саа гира гаан̣агкибхаавзна вананд̇аабхимукийби на саггод̇и бхавид̇ум̣. гасмаа? яасмаа бад̇д̇зна ваа саакааяа ваа ган̣дагзна ваа бахаарасса бхааяад̇и. г̇уннам̣ абхимукийби на саггод̇и бхавид̇ум̣. гасмаа? яасмаа син̇г̇зна ваа ган̣н̣зна ваа ваалзна ваа бахаарасса бхааяад̇и. ин̇гхаад̇и жод̣̇анад̇т̇з нибаад̇о. сам̣саад̣̇зяяаамаад̇и згабан̃хабужчанзнзва сам̣саад̣̇анам̣ висаад̣̇амаабаннам̣ гарзяяаама. д̇ужчагумбхийва нанд̇и рид̇д̇агхадам̣ вияа нам̣. ород̇хзяяаамаад̇и винанд̇хзяяаама. буурид̇агхадо хи ид̇о жид̇о жа баривад̇д̇зд̇ваа на сувинанд̇ханийяо ход̇и. рид̇д̇аго яат̇ааружи баривад̇д̇зд̇ваа саггаа ход̇и винанд̇хид̇ум̣, звамзва хад̇абан̃н̃ад̇ааяа рид̇д̇агумбхисад̣̇исам̣ саман̣ам̣ г̇од̇амам̣ ваад̣̇авинанд̇ханзна саманд̇аа винанд̇хиссаамаад̇и вад̣̇ад̇и.
Sākacchanti saṃsandanaṃ. Paññāveyyattiyanti uttarapaccuttaranayena ñāṇabyattabhāvaṃ. Suññāgārahatāti suññāgāresu naṭṭhā, samaṇena hi gotamena bodhimūle appamattikā paññā adhigatā, sāpissa suññāgāresu ekakassa nisīdato naṭṭhā. Yadi pana mayaṃ viya gaṇasaṅgaṇikaṃ katvā nisīdeyya, nāssa paññā nasseyyāti dasseti. Aparisāvacaroti avisāradattā parisaṃ otarituṃ na sakkoti. Nālaṃ sallāpāyāti na samattho sallāpaṃ kātuṃ. Antamantānevāti koci maṃ pañhaṃ puccheyyāti pañhābhīto antamantāneva pantasenāsanāni sevati. Gokāṇāti ekakkhihatā kāṇagāvī. Sā kira pariyantacārinī hoti, antamantāneva sevati. Sā kira kāṇakkhibhāvena vanantābhimukhīpi na sakkoti bhavituṃ. Kasmā? Yasmā pattena vā sākhāya vā kaṇṭakena vā pahārassa bhāyati. Gunnaṃ abhimukhīpi na sakkoti bhavituṃ. Kasmā? Yasmā siṅgena vā kaṇṇena vā vālena vā pahārassa bhāyati. Iṅghāti codanatthe nipāto. Saṃsādeyyāmāti ekapañhapucchaneneva saṃsādanaṃ visādamāpannaṃ kareyyāma. Tucchakumbhīva nanti rittaghaṭaṃ viya naṃ. Orodheyyāmāti vinandheyyāma. Pūritaghaṭo hi ito cito ca parivattetvā na suvinandhanīyo hoti. Rittako yathāruci parivattetvā sakkā hoti vinandhituṃ, evameva hatapaññatāya rittakumbhisadisaṃ samaṇaṃ gotamaṃ vādavinandhanena samantā vinandhissāmāti vadati.
ид̇и бариб̣б̣ааж̇аго сад̇т̇у суван̣н̣аван̣н̣ам̣ налаадаман̣д̣алам̣ абассанд̇о д̣̇асаб̣аласса бараммукаа ад̇д̇ано б̣алам̣ д̣̇ийбзнд̇о асамбхиннам̣ кад̇д̇ияагумаарам̣ ж̇аад̇ияаа гхаддаяанд̇о жан̣д̣аалабуд̇д̇о вияа асамбхиннагзсарасийхам̣ миг̇арааж̇аанам̣ т̇аамзна гхаддзнд̇о ж̇арасин̇г̇аало вияа жа наанаббагаарам̣ д̇ужчаг̇аж̇ж̇ид̇ам̣ г̇аж̇ж̇и. убаасагоби жинд̇зси ‘‘аяам̣ бариб̣б̣ааж̇аго ад̇и вияа г̇аж̇ж̇ад̇и, авийжипусанад̇т̇ааяа баад̣̇ам̣, бхаваг̇г̇аг̇г̇ахан̣ад̇т̇ааяа хад̇т̇ам̣ басаараяанд̇о вияа нирад̇т̇агам̣ вааяамад̇и. сажз мз сад̇т̇аа имам̣ таанамааг̇ажчзяяа, имасса бариб̣б̣ааж̇агасса яаава бхаваг̇г̇аа уссид̇ам̣ маанад̣̇д̇хаж̇ам̣ таанасова обаад̇зяяаа’’д̇и.
Iti paribbājako satthu suvaṇṇavaṇṇaṃ nalāṭamaṇḍalaṃ apassanto dasabalassa parammukhā attano balaṃ dīpento asambhinnaṃ khattiyakumāraṃ jātiyā ghaṭṭayanto caṇḍālaputto viya asambhinnakesarasīhaṃ migarājānaṃ thāmena ghaṭṭento jarasiṅgālo viya ca nānappakāraṃ tucchagajjitaṃ gajji. Upāsakopi cintesi ‘‘ayaṃ paribbājako ati viya gajjati, avīciphusanatthāya pādaṃ, bhavaggaggahaṇatthāya hatthaṃ pasārayanto viya niratthakaṃ vāyamati. Sace me satthā imaṃ ṭhānamāgaccheyya, imassa paribbājakassa yāva bhavaggā ussitaṃ mānaddhajaṃ ṭhānasova opāteyyā’’ti.
54. бхаг̇авааби д̇зсам̣ д̇ам̣ гат̇аасаллаабам̣ ассосиязва. д̇зна вуд̇д̇ам̣ ‘‘ассоси ко имам̣ гат̇аасаллааба’’нд̇и.
54. Bhagavāpi tesaṃ taṃ kathāsallāpaṃ assosiyeva. Tena vuttaṃ ‘‘assosi kho imaṃ kathāsallāpa’’nti.
сумааг̇ад̇хааяаад̇и сумааг̇ад̇хаа наама богкаран̣ий, яассаа д̇ийрз нисинно ан̃н̃ад̇аро бурисо бад̣̇уманаал̣анд̇арзхи асурабхаванам̣ бависанд̇ам̣ асурасзнам̣ ад̣̇д̣̇аса. мораниваабод̇и ниваабо вужжад̇и бхад̇д̇ам̣, яад̇т̇а мораанам̣ абхаязна сад̣̇д̇хим̣ ниваабо д̣̇инно, д̇ам̣ таананд̇и ад̇т̇о. аб̣бхогаасзд̇и ан̇г̇ан̣адтаанз. ассаасабад̇д̇аад̇и д̇удтибад̇д̇аа соманассабад̇д̇аа. аж̇жхаасаяанд̇и уд̇д̇аманиссаяабхууд̇ам̣. аад̣̇иб̣рахмажарияанд̇и бураан̣аб̣рахмажарияасан̇каад̇ам̣ арияамаг̇г̇ам̣. ид̣̇ам̣ вуд̇д̇ам̣ ход̇и – ‘‘го наама со, бханд̇з, д̇хаммо язна бхаг̇авад̇аа саавагаа винийд̇аа аж̇жхаасаяаад̣̇иб̣рахмажарияабхууд̇ам̣ арияамаг̇г̇ам̣ буурзд̇ваа арахад̇д̇аад̇хиг̇амавасзна ассаасабад̇д̇аа бадиж̇аананд̇ий’’д̇и.
Sumāgadhāyāti sumāgadhā nāma pokkharaṇī, yassā tīre nisinno aññataro puriso padumanāḷantarehi asurabhavanaṃ pavisantaṃ asurasenaṃ addasa. Moranivāpoti nivāpo vuccati bhattaṃ, yattha morānaṃ abhayena saddhiṃ nivāpo dinno, taṃ ṭhānanti attho. Abbhokāseti aṅgaṇaṭṭhāne. Assāsapattāti tuṭṭhipattā somanassapattā. Ajjhāsayanti uttamanissayabhūtaṃ. Ādibrahmacariyanti purāṇabrahmacariyasaṅkhātaṃ ariyamaggaṃ. Idaṃ vuttaṃ hoti – ‘‘ko nāma so, bhante, dhammo yena bhagavatā sāvakā vinītā ajjhāsayādibrahmacariyabhūtaṃ ariyamaggaṃ pūretvā arahattādhigamavasena assāsapattā paṭijānantī’’ti.
д̇абож̇иг̇ужчааваад̣̇аван̣н̣анаа
Tapojigucchāvādavaṇṇanā
55. виббагад̇аад̇и мамааг̇аманабажжаяаа анидтид̇аа, ва худ̇ваа тид̇аа, гат̇зхи, ахамзд̇ам̣ нидтабзд̇ваа мад̇т̇агам̣ баабзд̇ваа д̣̇ассзмийд̇и саб̣б̣ан̃н̃убавааран̣ам̣ баваарзси.
55.Vippakatāti mamāgamanapaccayā aniṭṭhitā, va hutvā ṭhitā, kathehi, ahametaṃ niṭṭhapetvā matthakaṃ pāpetvā dassemīti sabbaññupavāraṇaṃ pavāresi.
56. д̣̇уж̇ж̇аанам̣ код̇и бхаг̇аваа бариб̣б̣ааж̇агасса важанам̣ суд̇ваа ‘‘аяам̣ бариб̣б̣ааж̇аго маяаа саавагаанам̣ д̣̇зсзд̇аб̣б̣ам̣ д̇хаммам̣ д̇зхи буурзд̇аб̣б̣ам̣ бадибад̇д̇им̣ бужчад̇и, сажассаахам̣ аад̣̇ид̇ова д̇ам̣ гат̇зссаами, гат̇ид̇амби нам̣ на ж̇ааниссад̇и, аяам̣ бана вийриязна баабаж̇иг̇ужчанаваад̣̇о, ханд̣̇аахам̣ зд̇ассзва висаяз бан̃хам̣ бужчаабзд̇ваа бут̇усаман̣аб̣раахман̣аанам̣ лад̣̇д̇хияаа нирад̇т̇агабхаавам̣ д̣̇ассзми. ат̇а бажчаа имам̣ бан̃хам̣ б̣яаагариссаамий’’д̇и жинд̇зд̇ваа д̣̇уж̇ж̇аанам̣ ко зд̇анд̇иаад̣̇имааха. д̇ад̇т̇а сагз аажарияагзд̇и ад̇д̇ано аажарияаваад̣̇з. ад̇хиж̇зг̇ужчзд̇и вийриязна баабаж̇иг̇ужчанабхаавз. гат̇ам̣ санд̇аад̇и гат̇ам̣ бхууд̇аа. д̇абож̇иг̇ужчаад̇и вийриязна баабаж̇иг̇ужчаа баабавиваж̇ж̇анаа. барибун̣н̣аад̇и барисуд̣̇д̇хаа. гат̇ам̣ абарибун̣н̣аад̇и гат̇ам̣ абарисуд̣̇д̇хаа ход̇ийд̇и звам̣ бужчаад̇и. яад̇ра хи наамаад̇и яо наама.
56.Dujjānaṃ khoti bhagavā paribbājakassa vacanaṃ sutvā ‘‘ayaṃ paribbājako mayā sāvakānaṃ desetabbaṃ dhammaṃ tehi pūretabbaṃ paṭipattiṃ pucchati, sacassāhaṃ āditova taṃ kathessāmi, kathitampi naṃ na jānissati, ayaṃ pana vīriyena pāpajigucchanavādo, handāhaṃ etasseva visaye pañhaṃ pucchāpetvā puthusamaṇabrāhmaṇānaṃ laddhiyā niratthakabhāvaṃ dassemi. Atha pacchā imaṃ pañhaṃ byākarissāmī’’ti cintetvā dujjānaṃ kho etantiādimāha. Tattha sake ācariyaketi attano ācariyavāde. Adhijeguccheti vīriyena pāpajigucchanabhāve. Kathaṃ santāti kathaṃ bhūtā. Tapojigucchāti vīriyena pāpajigucchā pāpavivajjanā. Paripuṇṇāti parisuddhā. Kathaṃaparipuṇṇāti kathaṃ aparisuddhā hotīti evaṃ pucchāti. Yatra hi nāmāti yo nāma.
57. аббасад̣̇д̣̇з гад̇ваад̇и ниравз аббасад̣̇д̣̇з гад̇ваа. со гира жинд̇зси – ‘‘саман̣о г̇од̇амо згам̣ бан̃хамби на гат̇зд̇и, саллаабагат̇аабисса ад̇иб̣ахугаа над̇т̇и, имз бана аад̣̇ид̇о бадтааяа саман̣ам̣ г̇од̇амам̣ анувад̇д̇анд̇и жзва басам̣санд̇и жа, ханд̣̇аахам̣ имз ниссад̣̇д̣̇з гад̇ваа саяам̣ гат̇змий’’д̇и. со д̇ат̇аа агааси. д̇зна вуд̇д̇ам̣ ‘‘аббасад̣̇д̣̇з гад̇ваа’’д̇и. ‘‘д̇абож̇иг̇ужчаваад̣̇аа’’д̇иаад̣̇ийсу д̇абож̇иг̇ужчам̣ вад̣̇аама, манасааби д̇амзва саарад̇о г̇ахзд̇ваа вижараама, гааязнабимхаа д̇амзва аллийнаа, наанаббагаарагам̣ ад̇д̇агиламат̇аануяог̇амануяуд̇д̇аа вихараамаад̇и ад̇т̇о.
57.Appasaddekatvāti nirave appasadde katvā. So kira cintesi – ‘‘samaṇo gotamo ekaṃ pañhampi na katheti, sallāpakathāpissa atibahukā natthi, ime pana ādito paṭṭhāya samaṇaṃ gotamaṃ anuvattanti ceva pasaṃsanti ca, handāhaṃ ime nissadde katvā sayaṃ kathemī’’ti. So tathā akāsi. Tena vuttaṃ ‘‘appasadde katvā’’ti. ‘‘Tapojigucchavādā’’tiādīsu tapojigucchaṃ vadāma, manasāpi tameva sārato gahetvā vicarāma, kāyenapimhā tameva allīnā, nānappakārakaṃ attakilamathānuyogamanuyuttā viharāmāti attho.
убаггилзсаван̣н̣анаа
Upakkilesavaṇṇanā
58. д̇абассийд̇и д̇абаниссид̇аго. ‘‘ажзлаго’’д̇иаад̣̇ийни сийханаад̣̇з (д̣̇ий. ни. адта. 1.393) вид̇т̇аарид̇анаязнзва взд̣̇ид̇аб̣б̣аани. д̇абам̣ самаад̣̇ияад̇ийд̇и ажзлагабхааваад̣̇игам̣ д̇абам̣ саммаа аад̣̇ияад̇и, д̣̇ал̣хам̣ г̇ан̣хаад̇и. ад̇д̇амано ход̇ийд̇и го ан̃н̃о маяаа сад̣̇исо имасмим̣ д̇абз ад̇т̇ийд̇и д̇удтамано ход̇и. барибун̣н̣асан̇габбод̇и аламзд̇д̇аавад̇аад̇и звам̣ барияосид̇асан̇габбо, ид̣̇ан̃жа д̇ид̇т̇ияаанам̣ васзна ааг̇ад̇ам̣. саасанааважарзнааби бана д̣̇ийбзд̇аб̣б̣ам̣. згажжо хи д̇худ̇ан̇г̇ам̣ самаад̣̇ияад̇и, со д̇знзва д̇худ̇ан̇г̇зна го ан̃н̃о маяаа сад̣̇исо д̇худ̇ан̇г̇ад̇харод̇и ад̇д̇амано ход̇и барибун̣н̣асан̇габбо. д̇абассино убаггилзсо ход̇ийд̇и д̣̇увид̇хассаабзд̇асса д̇абассино аяам̣ убаггилзсо ход̇и. зд̇д̇аавад̇ааяам̣ д̇або убаггилзсо ход̇ийд̇и вад̣̇аами.
58.Tapassīti tapanissitako. ‘‘Acelako’’tiādīni sīhanāde (dī. ni. aṭṭha. 1.393) vitthāritanayeneva veditabbāni. Tapaṃ samādiyatīti acelakabhāvādikaṃ tapaṃ sammā ādiyati, daḷhaṃ gaṇhāti. Attamano hotīti ko añño mayā sadiso imasmiṃ tape atthīti tuṭṭhamano hoti. Paripuṇṇasaṅkappoti alamettāvatāti evaṃ pariyositasaṅkappo, idañca titthiyānaṃ vasena āgataṃ. Sāsanāvacarenāpi pana dīpetabbaṃ. Ekacco hi dhutaṅgaṃ samādiyati, so teneva dhutaṅgena ko añño mayā sadiso dhutaṅgadharoti attamano hoti paripuṇṇasaṅkappo. Tapassino upakkileso hotīti duvidhassāpetassa tapassino ayaṃ upakkileso hoti. Ettāvatāyaṃ tapo upakkileso hotīti vadāmi.
ад̇д̇аануггам̣сзд̇ийд̇и ‘‘го маяаа сад̣̇исо ад̇т̇ий’’д̇и ад̇д̇аанам̣ уггам̣сад̇и угкибад̇и. барам̣ вамбхзд̇ийд̇и ‘‘аяам̣ на маад̣̇исо’’д̇и барам̣ сам̣хаарзд̇и авагкибад̇и.
Attānukkaṃsetīti ‘‘ko mayā sadiso atthī’’ti attānaṃ ukkaṃsati ukkhipati. Paraṃ vambhetīti ‘‘ayaṃ na mādiso’’ti paraṃ saṃhāreti avakkhipati.
маж̇ж̇ад̇ийд̇и маанамад̣̇агаран̣зна маж̇ж̇ад̇и. мужчад̇ийд̇и мужчид̇о ход̇и г̇ад̇хид̇о аж̇жхаабанно. бамаад̣̇амаабаж̇ж̇ад̇ийд̇и зд̇ад̣̇зва сааранд̇и бамаад̣̇амаабаж̇ж̇ад̇и. саасанз баб̣б̣аж̇ид̇оби д̇худ̇ан̇г̇асуд̣̇д̇хиго ход̇и, на гаммадтаанасуд̣̇д̇хиго. д̇худ̇ан̇г̇амзва арахад̇д̇ам̣ вияа саарад̇о бажжзд̇и.
Majjatīti mānamadakaraṇena majjati. Mucchatīti mucchito hoti gadhito ajjhāpanno. Pamādamāpajjatīti etadeva sāranti pamādamāpajjati. Sāsane pabbajitopi dhutaṅgasuddhiko hoti, na kammaṭṭhānasuddhiko. Dhutaṅgameva arahattaṃ viya sārato pacceti.
59. лаабхасаггаарасилоганд̇и зд̇т̇а жад̇д̇ааро бажжаяаа лаб̣бханд̇ийд̇и лаабхаа, д̇зязва судту гад̇ваа бадисан̇карид̇ваа лад̣̇д̇хаа саггааро, ван̣н̣абхан̣анам̣ силого. абхиниб̣б̣ад̇д̇зд̇ийд̇и ажзлагаад̣̇ибхаавам̣ д̇зрасад̇худ̇ан̇г̇асамаад̣̇аанам̣ ваа ниссааяа махаалаабхо уббаж̇ж̇ад̇и, д̇асмаа ‘‘абхиниб̣б̣ад̇д̇зд̇ий’’д̇и вуд̇д̇о. сзсамзд̇т̇а буримавааранаязнзва д̣̇увид̇хассааби д̇абассино васзна взд̣̇ид̇аб̣б̣ам̣.
59.Lābhasakkārasilokanti ettha cattāro paccayā labbhantīti lābhā, teyeva suṭṭhu katvā paṭisaṅkharitvā laddhā sakkāro, vaṇṇabhaṇanaṃ siloko. Abhinibbattetīti acelakādibhāvaṃ terasadhutaṅgasamādānaṃ vā nissāya mahālābho uppajjati, tasmā ‘‘abhinibbattetī’’ti vutto. Sesamettha purimavāranayeneva duvidhassāpi tapassino vasena veditabbaṃ.
60. вод̣̇аасам̣ аабаж̇ж̇ад̇ийд̇и д̣̇взбхааг̇ам̣ аабаж̇ж̇ад̇и, д̣̇вз бхааг̇з гарод̇и. камад̇ийд̇и ружжад̇и. нагкамад̇ийд̇и на ружжад̇и. саабзгко баж̇ахад̇ийд̇и сад̇ан̣хо баж̇ахад̇и. гат̇ам̣? баад̇ова кийрабхад̇д̇ам̣ бхуд̇д̇о ход̇и. ат̇асса мам̣сабхож̇анам̣ убанзд̇и. д̇асса звам̣ ход̇и ‘‘ид̣̇аани зваруубам̣ гад̣̇аа лабхиссаама, сажз ж̇аанзяяаама, баад̇ова кийрабхад̇д̇ам̣ на бхун̃ж̇зяяаама, гим̣ маяаа саггаа гаад̇ум̣, г̇ажча бхо, д̇вамзва бхун̃ж̇аа’’д̇и ж̇ийвид̇ам̣ барижжаж̇анд̇о вияа саабзгко баж̇ахад̇и. г̇ад̇хид̇од̇и г̇зд̇хаж̇аад̇о. мужчид̇од̇и б̣алавад̇ан̣хааяа мужчид̇о сам̣мудтассад̇ий худ̇ваа. аж̇жхаабаннод̇и аамисз ад̇илаг̇г̇о, ‘‘бхун̃ж̇иссат̇а, аавусо’’д̇и д̇хамманиманд̇анамад̇д̇амби агад̇ваа маханд̇з маханд̇з габ̣ал̣з гарод̇и. анаад̣̇ийнавад̣̇ассаавийд̇иаад̣̇ийнавамад̇д̇амби на бассад̇и. аниссаран̣абан̃н̃од̇и ид̇ха мад̇д̇ан̃н̃уд̇ааниссаран̣абажжавзгкан̣абарибхог̇амад̇д̇амби на гарод̇и. лаабхасаггаарасилоганиганд̇ихзд̇ууд̇и лаабхаад̣̇ийсу д̇ан̣хаахзд̇у.
60.Vodāsaṃ āpajjatīti dvebhāgaṃ āpajjati, dve bhāge karoti. Khamatīti ruccati. Nakkhamatīti na ruccati. Sāpekkho pajahatīti sataṇho pajahati. Kathaṃ? Pātova khīrabhattaṃ bhutto hoti. Athassa maṃsabhojanaṃ upaneti. Tassa evaṃ hoti ‘‘idāni evarūpaṃ kadā labhissāma, sace jāneyyāma, pātova khīrabhattaṃ na bhuñjeyyāma, kiṃ mayā sakkā kātuṃ, gaccha bho, tvameva bhuñjā’’ti jīvitaṃ pariccajanto viya sāpekkho pajahati. Gadhitoti gedhajāto. Mucchitoti balavataṇhāya mucchito saṃmuṭṭhassatī hutvā. Ajjhāpannoti āmise atilaggo, ‘‘bhuñjissatha, āvuso’’ti dhammanimantanamattampi akatvā mahante mahante kabaḷe karoti. Anādīnavadassāvītiādīnavamattampi na passati. Anissaraṇapaññoti idha mattaññutānissaraṇapaccavekkhaṇaparibhogamattampi na karoti. Lābhasakkārasilokanikantihetūti lābhādīsu taṇhāhetu.
61. сам̣бхагкзд̇ийд̇и сам̣каад̣̇ад̇и. асанивижагганд̇и вижаггасан̣таанаа асаниязва. ид̣̇ам̣ вуд̇д̇ам̣ ход̇и ‘‘асанивижаггам̣ имасса д̣̇анд̇агуудам̣ муулаб̣ийж̇аад̣̇ийсу на гин̃жи на сам̣бхун̃ж̇ад̇и. ат̇а жа бана нам̣ саман̣аббаваад̣̇зна саман̣од̇и сан̃ж̇аананд̇ий’’д̇и. звам̣ абасаад̣̇зд̇и авагкибад̇и. ид̣̇ам̣ д̇ид̇т̇ияавасзна ааг̇ад̇ам̣. бхигкувасзна банзд̇т̇а аяам̣ яож̇анаа, ад̇д̇анаа д̇худ̇ан̇г̇ад̇харо ход̇и, со ан̃н̃ам̣ звам̣ абасаад̣̇зд̇и ‘‘гим̣ саман̣аа наама имз саман̣амхаад̇и вад̣̇анд̇и, д̇худ̇ан̇г̇амад̇д̇амби над̇т̇и, уд̣̇д̣̇зсабхад̇д̇аад̣̇ийни бариязсанд̇аа бажжаяаб̣аахуллигаа вижаранд̇ий’’д̇и. луукааж̇ийвинд̇и ажзлагаад̣̇ивасзна ваа д̇худ̇ан̇г̇авасзна ваа луукааж̇ийвим̣. иссаамажчарияанд̇и барасса саггаараад̣̇исамбад̇д̇икийяаналагкан̣ам̣ иссам̣, саггаараад̣̇игаран̣аагкаманалагкан̣ам̣ мажчарияан̃жа.
61.Saṃbhakkhetīti saṃkhādati. Asanivicakkanti vicakkasaṇṭhānā asaniyeva. Idaṃ vuttaṃ hoti ‘‘asanivicakkaṃ imassa dantakūṭaṃ mūlabījādīsu na kiñci na saṃbhuñjati. Atha ca pana naṃ samaṇappavādena samaṇoti sañjānantī’’ti. Evaṃ apasādeti avakkhipati. Idaṃ titthiyavasena āgataṃ. Bhikkhuvasena panettha ayaṃ yojanā, attanā dhutaṅgadharo hoti, so aññaṃ evaṃ apasādeti ‘‘kiṃ samaṇā nāma ime samaṇamhāti vadanti, dhutaṅgamattampi natthi, uddesabhattādīni pariyesantā paccayabāhullikā vicarantī’’ti. Lūkhājīvinti acelakādivasena vā dhutaṅgavasena vā lūkhājīviṃ. Issāmacchariyanti parassa sakkārādisampattikhīyanalakkhaṇaṃ issaṃ, sakkārādikaraṇaakkhamanalakkhaṇaṃ macchariyañca.
62. аабаат̇аганисаад̣̇ий ход̇ийд̇и мануссаанам̣ аабаат̇з д̣̇ассанадтаанз нисийд̣̇ад̇и. яад̇т̇а д̇з бассанд̇и, д̇ад̇т̇а тид̇о ваг̇г̇уливад̇ам̣ жарад̇и, бан̃жаад̇абам̣ д̇аббад̇и, згабаад̣̇зна д̇идтад̇и, суурияам̣ намассад̇и. саасанз баб̣б̣аж̇ид̇оби самаад̣̇иннад̇худ̇ан̇г̇о саб̣б̣арад̇д̇им̣ саяид̇ваа мануссаанам̣ жагкубат̇з д̇абам̣ гарод̇и, махаасааяанхзязва жийварагудим̣ гарод̇и, суурияз уг̇г̇ад̇з бадисам̣харад̇и, мануссаанам̣ ааг̇ад̇абхаавам̣ н̃ад̇ваа гхан̣д̣им̣ бахарид̇ваа жийварам̣ мад̇т̇агз табзд̇ваа жан̇гамам̣ од̇арад̇и, саммун̃ж̇аним̣ г̇ахзд̇ваа вихааран̇г̇ан̣ам̣ саммаж̇ж̇ад̇и.
62.Āpāthakanisādīhotīti manussānaṃ āpāthe dassanaṭṭhāne nisīdati. Yattha te passanti, tattha ṭhito vaggulivataṃ carati, pañcātapaṃ tappati, ekapādena tiṭṭhati, sūriyaṃ namassati. Sāsane pabbajitopi samādinnadhutaṅgo sabbarattiṃ sayitvā manussānaṃ cakkhupathe tapaṃ karoti, mahāsāyanheyeva cīvarakuṭiṃ karoti, sūriye uggate paṭisaṃharati, manussānaṃ āgatabhāvaṃ ñatvā ghaṇḍiṃ paharitvā cīvaraṃ matthake ṭhapetvā caṅkamaṃ otarati, sammuñjaniṃ gahetvā vihāraṅgaṇaṃ sammajjati.
ад̇д̇аананд̇и ад̇д̇ано г̇ун̣ам̣ ад̣̇ассаяамаанод̇и зд̇т̇а а-гааро нибаад̇амад̇д̇ам̣, д̣̇ассаяамаанод̇и ад̇т̇о. ид̣̇амби мз д̇абасминд̇и ид̣̇амби гаммам̣ мамзва д̇абасмим̣, бажжад̇д̇з ваа бхуммам̣, ид̣̇амби мама д̇абод̇и ад̇т̇о. со хи асугасмим̣ таанз ажзлаго ад̇т̇и муд̇д̇аажаарод̇иаад̣̇ийни суд̇ваа амхаагам̣ зса д̇або, амхаагам̣ со анд̇зваасигод̇иаад̣̇ийни бхан̣ад̇и. асугасмим̣ ваа бана таанз бам̣сугуулиго бхигку ад̇т̇ийд̇иаад̣̇ийни суд̇ваа амхаагам̣ зса д̇або, амхаагам̣ со анд̇зваасигод̇иаад̣̇ийни бхан̣ад̇и.
Attānanti attano guṇaṃ adassayamānoti ettha a-kāro nipātamattaṃ, dassayamānoti attho. Idampi me tapasminti idampi kammaṃ mameva tapasmiṃ, paccatte vā bhummaṃ, idampi mama tapoti attho. So hi asukasmiṃ ṭhāne acelako atthi muttācārotiādīni sutvā amhākaṃ esa tapo, amhākaṃ so antevāsikotiādīni bhaṇati. Asukasmiṃ vā pana ṭhāne paṃsukūliko bhikkhu atthītiādīni sutvā amhākaṃ esa tapo, amhākaṃ so antevāsikotiādīni bhaṇati.
гин̃жид̣̇зваад̇и гин̃жи важ̇ж̇ам̣ д̣̇идтиг̇ад̇ам̣ ваа. бадижчаннам̣ сзвад̇ийд̇и яат̇аа ан̃н̃з на ж̇аананд̇и, звам̣ сзвад̇и. агкамамаанам̣ ааха камад̇ийд̇и аружжамаанам̣язва ружжад̇и мзд̇и вад̣̇ад̇и. ад̇д̇анаа гад̇ам̣ ад̇имаханд̇амби важ̇ж̇ам̣ аббамад̇д̇агам̣ гад̇ваа бан̃н̃абзд̇и, барзна гад̇ам̣ д̣̇уггадамад̇д̇ам̣ вийд̇иггамамби баарааж̇игасад̣̇исам̣ гад̇ваа д̣̇ассзд̇и. анун̃н̃зяяанд̇и ануж̇аанид̇аб̣б̣ам̣ анумод̣̇ид̇аб̣б̣ам̣.
Kiñcidevāti kiñci vajjaṃ diṭṭhigataṃ vā. Paṭicchannaṃ sevatīti yathā aññe na jānanti, evaṃ sevati. Akkhamamānaṃ āha khamatīti aruccamānaṃyeva ruccati meti vadati. Attanā kataṃ atimahantampi vajjaṃ appamattakaṃ katvā paññapeti, parena kataṃ dukkaṭamattaṃ vītikkamampi pārājikasadisaṃ katvā dasseti. Anuññeyyanti anujānitabbaṃ anumoditabbaṃ.
63. год̇хано ход̇и убанаахийд̇и гуж̇жханалагкан̣зна год̇хзна, взрааббадиниссаг̇г̇алагкан̣зна убанаахзна жа саманнааг̇ад̇о. магкий ход̇и бал̣аасийд̇и бараг̇ун̣амагканалагкан̣зна магкзна, яуг̇аг̇г̇аахалагкан̣зна бал̣аасзна жа саманнааг̇ад̇о.
63.Kodhanohoti upanāhīti kujjhanalakkhaṇena kodhena, veraappaṭinissaggalakkhaṇena upanāhena ca samannāgato. Makkhī hoti paḷāsīti paraguṇamakkhanalakkhaṇena makkhena, yugaggāhalakkhaṇena paḷāsena ca samannāgato.
иссугий ход̇и мажчарийд̇и барасаггаараад̣̇ийсу усууяаналагкан̣ааяа иссааяа, ааваасагулалаабхаван̣н̣ад̇хаммзсу мажчарааяаналагкан̣зна бан̃жавид̇хамажчзрзна жа саманнааг̇ад̇о ход̇и. сато ход̇и мааяаавийд̇и гзраадигалагкан̣зна саатзяязна, гад̇аббадижчаад̣̇аналагкан̣ааяа мааяааяа жа саманнааг̇ад̇о ход̇и. т̇ад̣̇д̇хо ход̇и ад̇имаанийд̇и ниссинзханиггарун̣ат̇ад̣̇д̇халагкан̣зна т̇амбхзна, ад̇иггамид̇ваа ман̃н̃аналагкан̣зна ад̇имаанзна жа саманнааг̇ад̇о ход̇и. баабижчо ход̇ийд̇и асанд̇асамбхааванабад̇т̇аналагкан̣ааяа баабижчад̇ааяа саманнааг̇ад̇о ход̇и. баабигаананд̇и д̇аасам̣язва лаамагаанам̣ ижчаанам̣ васам̣ г̇ад̇о. мижчаад̣̇идтигод̇и над̇т̇и д̣̇иннанд̇иаад̣̇инаяаббавад̇д̇ааяа аяаат̇аавад̣̇идтияаа убзд̇о. анд̇аг̇г̇аахигааяаад̇и сааязва д̣̇идти ужчзд̣̇анд̇асса г̇ахид̇ад̇д̇аа ‘‘анд̇аг̇г̇аахигаа’’д̇и вужжад̇и, д̇ааяа саманнааг̇ад̇од̇и ад̇т̇о. санд̣̇идтибараамаасийд̇иаад̣̇ийсу саяам̣ д̣̇идти санд̣̇идти, санд̣̇идтимзва бараамасад̇и г̇ахзд̇ваа вад̣̇ад̇ийд̇и санд̣̇идтибараамаасий. аад̇хаанам̣ вужжад̇и д̣̇ал̣хам̣ судту табид̇ам̣, д̇ат̇аа гад̇ваа г̇ан̣хаад̇ийд̇и аад̇хаанаг̇г̇аахий. аридто вияа на саггаа ход̇и бадиниссаж̇ж̇аабзд̇унд̇и д̣̇уббадиниссаг̇г̇ий. яад̣̇имзд̇и яад̣̇и имз.
Issukī hoti maccharīti parasakkārādīsu usūyanalakkhaṇāya issāya, āvāsakulalābhavaṇṇadhammesu maccharāyanalakkhaṇena pañcavidhamaccherena ca samannāgato hoti. Saṭho hoti māyāvīti kerāṭikalakkhaṇena sāṭheyyena, katappaṭicchādanalakkhaṇāya māyāya ca samannāgato hoti. Thaddhohoti atimānīti nissinehanikkaruṇathaddhalakkhaṇena thambhena, atikkamitvā maññanalakkhaṇena atimānena ca samannāgato hoti. Pāpiccho hotīti asantasambhāvanapatthanalakkhaṇāya pāpicchatāya samannāgato hoti. Pāpikānanti tāsaṃyeva lāmakānaṃ icchānaṃ vasaṃ gato. Micchādiṭṭhikoti natthi dinnantiādinayappavattāya ayāthāvadiṭṭhiyā upeto. Antaggāhikāyāti sāyeva diṭṭhi ucchedantassa gahitattā ‘‘antaggāhikā’’ti vuccati, tāya samannāgatoti attho. Sandiṭṭhiparāmāsītiādīsu sayaṃ diṭṭhi sandiṭṭhi, sandiṭṭhimeva parāmasati gahetvā vadatīti sandiṭṭhiparāmāsī. Ādhānaṃ vuccati daḷhaṃ suṭṭhu ṭhapitaṃ, tathā katvā gaṇhātīti ādhānaggāhī. Ariṭṭho viya na sakkā hoti paṭinissajjāpetunti duppaṭinissaggī. Yadimeti yadi ime.
барисуд̣̇д̇хабабадигаббад̇д̇агат̇ааван̣н̣анаа
Parisuddhapapaṭikappattakathāvaṇṇanā
64. ид̇ха, ниг̇род̇ха, д̇абассийд̇и звам̣ бхаг̇аваа ан̃н̃ад̇ид̇т̇иязхи г̇ахид̇алад̣̇д̇хим̣ д̇зсам̣ рагкид̇ам̣ д̇абам̣ саб̣б̣амзва сам̣гилидтанд̇и убаггилзсабаал̣им̣ д̣̇ассзд̇ваа ид̣̇аани барисуд̣̇д̇хабаал̣ид̣̇ассанад̇т̇ам̣ д̣̇зсанамаарабханд̇о ид̇ха, ниг̇род̇хаад̇иаад̣̇имааха. д̇ад̇т̇а ‘‘на ад̇д̇амано’’д̇иаад̣̇ийни вуд̇д̇авибагкавасзнзва взд̣̇ид̇аб̣б̣аани. саб̣б̣аваарзсу жа луукад̇абассино жзва д̇худ̇ан̇г̇ад̇харасса жа васзна яож̇анаа взд̣̇ид̇аб̣б̣аа. звам̣ со д̇асмим̣ таанз барисуд̣̇д̇хо ход̇ийд̇и звам̣ со д̇зна на ад̇д̇аманад̇аа на барибун̣н̣асан̇габбабхаавасан̇каад̇зна гааран̣зна барисуд̣̇д̇хо нирубаггилзсо ход̇и, уд̇д̇ари вааяамамаано гаммадтаанасуд̣̇д̇хиго худ̇ваа арахад̇д̇ам̣ баабун̣аад̇и. иминаа наязна саб̣б̣аваарзсу ад̇т̇о взд̣̇ид̇аб̣б̣о.
64.Idha, nigrodha, tapassīti evaṃ bhagavā aññatitthiyehi gahitaladdhiṃ tesaṃ rakkhitaṃ tapaṃ sabbameva saṃkiliṭṭhanti upakkilesapāḷiṃ dassetvā idāni parisuddhapāḷidassanatthaṃ desanamārabhanto idha, nigrodhātiādimāha. Tattha ‘‘na attamano’’tiādīni vuttavipakkhavaseneva veditabbāni. Sabbavāresu ca lūkhatapassino ceva dhutaṅgadharassa ca vasena yojanā veditabbā. Evaṃ so tasmiṃ ṭhāne parisuddho hotīti evaṃ so tena na attamanatā na paripuṇṇasaṅkappabhāvasaṅkhātena kāraṇena parisuddho nirupakkileso hoti, uttari vāyamamāno kammaṭṭhānasuddhiko hutvā arahattaṃ pāpuṇāti. Iminā nayena sabbavāresu attho veditabbo.
69. ад̣̇д̇хаа ко, бханд̇зд̇и бханд̇з звам̣ санд̇з згам̣сзнзва вийриязна баабаж̇иг̇ужчанаваад̣̇о барисуд̣̇д̇хо ход̇ийд̇и ануж̇аанаад̇и. ид̇о баран̃жа аг̇г̇абхаавам̣ ваа саарабхаавам̣ ваа аж̇аананд̇о аг̇г̇аббад̇д̇аа саараббад̇д̇аа жаад̇и ааха. ат̇асса бхаг̇аваа саараббад̇д̇абхаавам̣ бадисзд̇хзнд̇о на ко ниг̇род̇хаад̇иаад̣̇имааха . бабадигаббад̇д̇аа ход̇ийд̇и сааравад̇о ругкасса саарам̣ пзг̇г̇ум̣ д̇ажан̃жа ад̇иггамма б̣ахибабадигасад̣̇исаа ход̇ийд̇и д̣̇ассзд̇и.
69.Addhā kho, bhanteti bhante evaṃ sante ekaṃseneva vīriyena pāpajigucchanavādo parisuddho hotīti anujānāti. Ito parañca aggabhāvaṃ vā sārabhāvaṃ vā ajānanto aggappattā sārappattā cāti āha. Athassa bhagavā sārappattabhāvaṃ paṭisedhento na kho nigrodhātiādimāha . Papaṭikappattā hotīti sāravato rukkhassa sāraṃ phegguṃ tacañca atikkamma bahipapaṭikasadisā hotīti dasseti.
барисуд̣̇д̇хад̇ажаббад̇д̇аад̣̇игат̇ааван̣н̣анаа
Parisuddhatacappattādikathāvaṇṇanā
70. аг̇г̇ам̣ баабзд̇ууд̇и д̣̇зсанаавасзна аг̇г̇ам̣ баабзд̇ваа д̣̇зсзд̇у, саарам̣ баабзд̇ваа д̣̇зсзд̇ууд̇и д̣̇асаб̣алам̣ яаажад̇и. жаад̇уяаамасам̣варасам̣вуд̇од̇и жад̇уб̣б̣ид̇хзна сам̣варзна бихид̇о. на баан̣ам̣ ад̇ибаад̇зд̇ийд̇и баан̣ам̣ на ханад̇и. на бхаавид̇амаасийсад̇ийд̇и бхаавид̇ам̣ наама д̇зсам̣ сан̃н̃ааяа бан̃жа гаамаг̇ун̣аа, д̇з на аасийсад̇и на сзвад̇ийд̇и ад̇т̇о.
70.Aggaṃpāpetūti desanāvasena aggaṃ pāpetvā desetu, sāraṃ pāpetvā desetūti dasabalaṃ yācati. Cātuyāmasaṃvarasaṃvutoti catubbidhena saṃvarena pihito. Na pāṇaṃ atipātetīti pāṇaṃ na hanati. Na bhāvitamāsīsatīti bhāvitaṃ nāma tesaṃ saññāya pañca kāmaguṇā, te na āsīsati na sevatīti attho.
ад̣̇ум̣ жасса ход̇ийд̇и зд̇ан̃жасса ид̣̇аани вужжамаанам̣ ‘‘со абхихарад̇ий’’д̇иаад̣̇илагкан̣ам̣. д̇абассид̇ааяаад̇и д̇абассибхаавзна ход̇и. д̇ад̇т̇а со абхихарад̇ийд̇и со д̇ам̣ сийлам̣ абхихарад̇и, убаруубари вад̣дхзд̇и. сийлам̣ мз барибун̣н̣ам̣, д̇або аарад̣̇д̇хо, аламзд̇д̇аавад̇аад̇и на вийрияам̣ виссаж̇ж̇зд̇и. но хийнааяаавад̇д̇ад̇ийд̇и хийнааяа г̇ихибхаавад̇т̇ааяа на аавад̇д̇ад̇и. сийлад̇о уд̇д̇ари висзсаад̇хиг̇амад̇т̇ааяа вийрияам̣ гарод̇иязва, звам̣ гаронд̇о со вивид̇д̇ам̣ сзнаасанам̣ бхаж̇ад̇и. ‘‘аран̃н̃а’’нд̇иаад̣̇ийни сааман̃н̃апалз (д̣̇ий. ни. адта. 1.216) вид̇т̇аарид̇аанзва. ‘‘мзд̇д̇аасахаг̇ад̇знаа’’д̇иаад̣̇ийни висуд̣̇д̇химаг̇г̇з ван̣н̣ид̇аани. д̇ажаббад̇д̇аад̇и бабадигад̇о аб̣бханд̇арам̣ д̇ажам̣ бад̇д̇аа. пзг̇г̇уббад̇д̇аад̇и д̇ажад̇о аб̣бханд̇арам̣ пзг̇г̇ум̣ бад̇д̇аа, пзг̇г̇усад̣̇исаа ход̇ийд̇и ад̇т̇о.
Aduṃ cassa hotīti etañcassa idāni vuccamānaṃ ‘‘so abhiharatī’’tiādilakkhaṇaṃ. Tapassitāyāti tapassibhāvena hoti. Tattha so abhiharatīti so taṃ sīlaṃ abhiharati, uparūpari vaḍḍheti. Sīlaṃ me paripuṇṇaṃ, tapo āraddho, alamettāvatāti na vīriyaṃ vissajjeti. No hīnāyāvattatīti hīnāya gihibhāvatthāya na āvattati. Sīlato uttari visesādhigamatthāya vīriyaṃ karotiyeva, evaṃ karonto so vivittaṃ senāsanaṃ bhajati. ‘‘Arañña’’ntiādīni sāmaññaphale (dī. ni. aṭṭha. 1.216) vitthāritāneva. ‘‘Mettāsahagatenā’’tiādīni visuddhimagge vaṇṇitāni. Tacappattāti papaṭikato abbhantaraṃ tacaṃ pattā. Phegguppattāti tacato abbhantaraṃ phegguṃ pattā, pheggusadisā hotīti attho.
74. ‘‘зд̇д̇аавад̇аа, ко ниг̇род̇ха, д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жаа’’д̇и ид̣̇ам̣ бхаг̇аваа д̇ид̇т̇ияаанам̣ васзнааха. д̇ид̇т̇ияаанан̃хи лаабхасаггааро ругкасса саакаабалаасасад̣̇исо. бан̃жасийламад̇д̇агам̣ бабадигасад̣̇исам̣. адтасамаабад̇д̇имад̇д̇ам̣ д̇ажасад̣̇исам̣. буб̣б̣зниваасан̃аан̣аавасаанаа абхин̃н̃аа пзг̇г̇усад̣̇исаа. д̣̇иб̣б̣ажагкум̣ банзд̇з арахад̇д̇анд̇и г̇ахзд̇ваа вижаранд̇и. д̇зна нзсам̣ д̇ам̣ ругкасса саарасад̣̇исам̣. саасанз бана лаабхасаггааро саакаабалаасасад̣̇исо. сийласамбад̣̇аа бабадигасад̣̇исаа. жхаанасамаабад̇д̇ияо д̇ажасад̣̇исаа. логияаабхин̃н̃аа пзг̇г̇усад̣̇исаа. маг̇г̇апалам̣ сааро. ид̇и бхаг̇авад̇аа ад̇д̇ано саасанам̣ онад̇авинад̇апалабхаарабхарид̇аругкуубамааяа убамид̇ам̣. со д̣̇зсанаагусалад̇ааяа д̇ад̇о д̇ажасаарасамбад̇д̇ид̇о мама саасанам̣ уд̇д̇арид̇аран̃жзва бан̣ийд̇ад̇аран̃жа, д̇ам̣ д̇увам̣ гад̣̇аа ж̇ааниссасийд̇и ад̇д̇анод̣̇зсанааяа висзсабхаавам̣ д̣̇ассзд̇ум̣ ‘‘ид̇и ко ниг̇род̇хаа’’д̇и д̣̇зсанам̣ аарабхи . д̇з бариб̣б̣ааж̇агаад̇и д̇з д̇асса бариваараа д̇им̣сасад̇асан̇кяаа бариб̣б̣ааж̇агаа. зд̇т̇а маяам̣ анассаамаад̇и зд̇т̇а ажзлагабаал̣иаад̣̇ийсу, ид̣̇ам̣ вуд̇д̇ам̣ ход̇и ‘‘амхаагам̣ ажзлагабаал̣имад̇д̇амби над̇т̇и , гуд̇о барисуд̣̇д̇хабаал̣и. амхаагам̣ барисуд̣̇д̇хабаал̣имад̇д̇амби над̇т̇и, гуд̇о жаад̇уяаамасам̣вараад̣̇ийни. жаад̇уяаамасам̣вароби над̇т̇и, гуд̇о аран̃н̃аваасаад̣̇ийни. аран̃н̃аваасоби над̇т̇и, гуд̇о нийваран̣аббахаанаад̣̇ийни. нийваран̣аббахаанамби над̇т̇и, гуд̇о б̣рахмавихаараад̣̇ийни. б̣рахмавихаарамад̇д̇амби над̇т̇и, гуд̇о буб̣б̣зниваасаад̣̇ийни. буб̣б̣зниваасан̃аан̣амад̇д̇амби над̇т̇и, гуд̇о амхаагам̣ д̣̇иб̣б̣ажагку. зд̇т̇а маяам̣ сааажарияагаа надтаа’’д̇и. ид̇о бхияяо уд̇д̇арид̇аранд̇и ид̇о д̣̇иб̣б̣ажагкун̃аан̣аад̇хиг̇амад̇о бхияяо ан̃н̃ам̣ уд̇д̇арид̇арам̣ висзсаад̇хиг̇амам̣ маяам̣ суд̇ивасзнааби на ж̇аанаамаад̇и вад̣̇анд̇и.
74. ‘‘Ettāvatā, kho nigrodha, tapojigucchā aggappattā ca hoti sārappattā cā’’ti idaṃ bhagavā titthiyānaṃ vasenāha. Titthiyānañhi lābhasakkāro rukkhassa sākhāpalāsasadiso. Pañcasīlamattakaṃ papaṭikasadisaṃ. Aṭṭhasamāpattimattaṃ tacasadisaṃ. Pubbenivāsañāṇāvasānā abhiññā pheggusadisā. Dibbacakkhuṃ panete arahattanti gahetvā vicaranti. Tena nesaṃ taṃ rukkhassa sārasadisaṃ. Sāsane pana lābhasakkāro sākhāpalāsasadiso. Sīlasampadā papaṭikasadisā. Jhānasamāpattiyo tacasadisā. Lokiyābhiññā pheggusadisā. Maggaphalaṃ sāro. Iti bhagavatā attano sāsanaṃ onatavinataphalabhārabharitarukkhūpamāya upamitaṃ. So desanākusalatāya tato tacasārasampattito mama sāsanaṃ uttaritarañceva paṇītatarañca, taṃ tuvaṃ kadā jānissasīti attanodesanāya visesabhāvaṃ dassetuṃ ‘‘iti kho nigrodhā’’ti desanaṃ ārabhi . Te paribbājakāti te tassa parivārā tiṃsasatasaṅkhyā paribbājakā. Ettha mayaṃ anassāmāti ettha acelakapāḷiādīsu, idaṃ vuttaṃ hoti ‘‘amhākaṃ acelakapāḷimattampi natthi , kuto parisuddhapāḷi. Amhākaṃ parisuddhapāḷimattampi natthi, kuto cātuyāmasaṃvarādīni. Cātuyāmasaṃvaropi natthi, kuto araññavāsādīni. Araññavāsopi natthi, kuto nīvaraṇappahānādīni. Nīvaraṇappahānampi natthi, kuto brahmavihārādīni. Brahmavihāramattampi natthi, kuto pubbenivāsādīni. Pubbenivāsañāṇamattampi natthi, kuto amhākaṃ dibbacakkhu. Ettha mayaṃ saācariyakā naṭṭhā’’ti. Ito bhiyyo uttaritaranti ito dibbacakkhuñāṇādhigamato bhiyyo aññaṃ uttaritaraṃ visesādhigamaṃ mayaṃ sutivasenāpi na jānāmāti vadanti.
ниг̇род̇хассабаж̇жхааяанаван̣н̣анаа
Nigrodhassapajjhāyanavaṇṇanā
75. ат̇а ниг̇род̇хам̣ бариб̣б̣ааж̇аганд̇и звам̣ гирасса ахоси ‘‘имз бариб̣б̣ааж̇агаа ид̣̇аани бхаг̇авад̇о бхаасид̇ам̣ суссуусанд̇и, иминаа жа ниг̇род̇хзна бхаг̇авад̇о бараммукаа гагкал̣ам̣ д̣̇ураасад̣̇аважанам̣ вуд̇д̇ам̣, ид̣̇аани аяамби сод̇угаамо ж̇аад̇о, гаало д̣̇аани мз имасса маанад̣̇д̇хаж̇ам̣ нибаад̇зд̇ваа бхаг̇авад̇о саасанам̣ угкибид̇у’’нд̇и. ат̇а ниг̇род̇хам̣ бариб̣б̣ааж̇агам̣ зд̇ад̣̇авожа. абарамбисса ахоси ‘‘аяам̣ маяи агат̇знд̇з сад̇т̇аарам̣ на камаабзссад̇и, д̇ад̣̇асса анааг̇ад̇з ахид̇ааяа д̣̇угкааяа сам̣вад̇д̇иссад̇и, маяаа бана гат̇ид̇з камаабзссад̇и, д̇ад̣̇асса бхависсад̇и д̣̇ийгхарад̇д̇ам̣ хид̇ааяа сукааяаа’’д̇и. ат̇а ниг̇род̇хам̣ бариб̣б̣ааж̇агам̣ зд̇ад̣̇авожа. абарисааважарам̣ бана нам̣ гарот̇аад̇и зд̇т̇а банаад̇и нибаад̇о, ат̇а нам̣ абарисааважарам̣ гарот̇аад̇и ад̇т̇о. ‘‘абарисааважарзд̇а’’нд̇иби баато, абарисааважарам̣ ваа зд̇ам̣ гарот̇а, г̇огаан̣аад̣̇ийнам̣ ваа ан̃н̃ад̇аранд̇и ад̇т̇о.
75.Atha nigrodhaṃ paribbājakanti evaṃ kirassa ahosi ‘‘ime paribbājakā idāni bhagavato bhāsitaṃ sussūsanti, iminā ca nigrodhena bhagavato parammukhā kakkhaḷaṃ durāsadavacanaṃ vuttaṃ, idāni ayampi sotukāmo jāto, kālo dāni me imassa mānaddhajaṃ nipātetvā bhagavato sāsanaṃ ukkhipitu’’nti. Atha nigrodhaṃ paribbājakaṃ etadavoca. Aparampissa ahosi ‘‘ayaṃ mayi akathente satthāraṃ na khamāpessati, tadassa anāgate ahitāya dukkhāya saṃvattissati, mayā pana kathite khamāpessati, tadassa bhavissati dīgharattaṃ hitāya sukhāyā’’ti. Atha nigrodhaṃ paribbājakaṃ etadavoca. Aparisāvacaraṃ pana naṃ karothāti ettha panāti nipāto, atha naṃ aparisāvacaraṃ karothāti attho. ‘‘Aparisāvacareta’’ntipi pāṭho, aparisāvacaraṃ vā etaṃ karotha, gokāṇādīnaṃ vā aññataranti attho.
г̇огаан̣анд̇и зд̇т̇ааби г̇огаан̣ам̣ барияанд̇ажаариним̣ вияа гарот̇аад̇и ад̇т̇о. д̇ун̣хийбхууд̇од̇и д̇ун̣хийбхаавам̣ убаг̇ад̇о. ман̇губхууд̇од̇и нид̇д̇зж̇ад̇ам̣ аабанно. бад̇д̇агканд̇ход̇и онад̇аг̇ийво. ад̇хомукод̇и хздтаамуко.
Gokāṇanti etthāpi gokāṇaṃ pariyantacāriniṃ viya karothāti attho. Tuṇhībhūtoti tuṇhībhāvaṃ upagato. Maṅkubhūtoti nittejataṃ āpanno. Pattakkhandhoti onatagīvo. Adhomukhoti heṭṭhāmukho.
76. б̣уд̣̇д̇хо со бхаг̇аваа б̣од̇хааяаад̇и саяам̣ б̣уд̣̇д̇хо сад̇д̇аанамби жад̇усажжаб̣од̇хад̇т̇ааяа д̇хаммам̣ д̣̇зсзд̇и. д̣̇анд̇од̇и жагкуд̇оби д̣̇анд̇о…бз… манад̇оби д̣̇анд̇о. д̣̇амат̇ааяаад̇и ан̃н̃зсамби д̣̇аманад̇т̇ааяа зва, на ваад̣̇ад̇т̇ааяа. санд̇од̇и рааг̇асанд̇ад̇ааяа санд̇о, д̣̇осамохасанд̇ад̇ааяа саб̣б̣а агусаласаб̣б̣аабхисан̇каарасанд̇ад̇ааяа санд̇о. самат̇ааяаад̇и махааж̇анасса рааг̇аад̣̇исаманад̇т̇ааяа д̇хаммам̣ д̣̇зсзд̇и. д̇ин̣н̣од̇и жад̇д̇ааро огхз д̇ин̣н̣о. д̇аран̣ааяаад̇и махааж̇анасса огханид̇т̇аран̣ад̇т̇ааяа. бариниб̣б̣уд̇од̇и гилзсабариниб̣б̣аанзна бариниб̣б̣уд̇о. бариниб̣б̣аанааяаад̇и махааж̇анассааби саб̣б̣агилзсабариниб̣б̣аанад̇т̇ааяа д̇хаммам̣ д̣̇зсзд̇и.
76.Buddhoso bhagavā bodhāyāti sayaṃ buddho sattānampi catusaccabodhatthāya dhammaṃ deseti. Dantoti cakkhutopi danto…pe… manatopi danto. Damathāyāti aññesampi damanatthāya eva, na vādatthāya. Santoti rāgasantatāya santo, dosamohasantatāya sabba akusalasabbābhisaṅkhārasantatāya santo. Samathāyāti mahājanassa rāgādisamanatthāya dhammaṃ deseti. Tiṇṇoti cattāro oghe tiṇṇo. Taraṇāyāti mahājanassa oghanittharaṇatthāya. Parinibbutoti kilesaparinibbānena parinibbuto. Parinibbānāyāti mahājanassāpi sabbakilesaparinibbānatthāya dhammaṃ deseti.
б̣рахмажарияабарияосаанаад̣̇иван̣н̣анаа
Brahmacariyapariyosānādivaṇṇanā
77. ажжаяод̇иаад̣̇ийни сааман̃н̃апалз (д̣̇ий. ни. адта. 1.250) вуд̇д̇аани. уж̇уж̇аад̇игод̇и гааяаван̇гаад̣̇ивирахид̇о уж̇усабхааво. ахаманусаасаамийд̇и ахам̣ д̇аад̣̇исам̣ буг̇г̇алам̣ анусаасаами, д̇хаммам̣ асса д̣̇зсзми. сад̇д̇ааханд̇и сад̇д̇ад̣̇ивасаани, ид̣̇ам̣ саб̣б̣амби бхаг̇аваа д̣̇анд̇хабан̃н̃ам̣ буг̇г̇алам̣ санд̇хааяааха асато бана амааяаавий уж̇уж̇аад̇иго д̇ам̣мухуд̇д̇знзва арахад̇д̇ам̣ бад̇д̇ум̣ сагкиссад̇и. ид̇и бхаг̇аваа ‘‘асата’’нд̇иаад̣̇иважанзна сато хи ван̇гаван̇го, маяааби на саггаа анусаасид̇унд̇и д̣̇ийбзнд̇о бариб̣б̣ааж̇агам̣ баад̣̇зсу г̇ахзд̇ваа махаамзрубаад̣̇ад̇алз вияа кибид̇т̇а. гасмаа? аяан̃хи ад̇исато, гудилажид̇д̇о сад̇т̇ари звам̣ гат̇знд̇зби б̣уд̣̇д̇хад̇хаммасан̇гхзсу наад̇химужжад̇и, ад̇химужжанад̇т̇ааяа сод̇ам̣ на од̣̇ахад̇и, гохан̃н̃з тид̇о сад̇т̇аарам̣ камаабзд̇и. д̇асмаа бхаг̇аваа д̇ассаж̇жхаасаяам̣ вид̣̇ид̇ваа ‘‘зд̇у вин̃н̃уу бурисо асато’’д̇иаад̣̇имааха. сатам̣ банаахам̣ анусаасид̇ум̣ на саггомийд̇и.
77.Accayotiādīni sāmaññaphale (dī. ni. aṭṭha. 1.250) vuttāni. Ujujātikoti kāyavaṅkādivirahito ujusabhāvo. Ahamanusāsāmīti ahaṃ tādisaṃ puggalaṃ anusāsāmi, dhammaṃ assa desemi. Sattāhanti sattadivasāni, idaṃ sabbampi bhagavā dandhapaññaṃ puggalaṃ sandhāyāha asaṭho pana amāyāvī ujujātiko taṃmuhutteneva arahattaṃ pattuṃ sakkhissati. Iti bhagavā ‘‘asaṭha’’ntiādivacanena saṭho hi vaṅkavaṅko, mayāpi na sakkā anusāsitunti dīpento paribbājakaṃ pādesu gahetvā mahāmerupādatale viya khipittha. Kasmā? Ayañhi atisaṭho, kuṭilacitto satthari evaṃ kathentepi buddhadhammasaṅghesu nādhimuccati, adhimuccanatthāya sotaṃ na odahati, kohaññe ṭhito satthāraṃ khamāpeti. Tasmā bhagavā tassajjhāsayaṃ viditvā ‘‘etu viññū puriso asaṭho’’tiādimāha. Saṭhaṃ panāhaṃ anusāsituṃ na sakkomīti.
78. анд̇зваасигамяад̇аад̇и анд̇зваасигамяад̇ааяа, амхз анд̇зваасигз ижчанд̇о. звамаахаад̇и ‘‘зд̇у вин̃н̃убурисо’’д̇иаад̣̇имааха. яо зва во аажарияод̇и яо зва д̇умхаагам̣ багад̇ияаа аажарияо. уд̣̇д̣̇зсаа но жаавзд̇угаамод̇и ад̇д̇ано анусаасаним̣ г̇аахаабзд̇ваа амхз амхаагам̣ уд̣̇д̣̇зсад̇о жаавзд̇угаамо. со зва во уд̣̇д̣̇зсо ход̇ууд̇и яо д̇умхаагам̣ багад̇ияаа уд̣̇д̣̇зсо, со д̇умхаагам̣язва ход̇у , на маяам̣ д̇умхаагам̣ уд̣̇д̣̇зсзна ад̇т̇игаа. ааж̇ийваад̇и ааж̇ийвад̇о. агусаласан̇каад̇аад̇и агусалаад̇и годтаасам̣ бад̇д̇аа. агусалаа д̇хаммаад̇и д̣̇ваад̣̇аса агусалажид̇д̇уббаад̣̇ад̇хаммаа д̇ан̣хааязва ваа висзсзна. саа хи бунаб̣бхавагаран̣ад̇о ‘‘боноб̣бхавигаа’’д̇и вуд̇д̇аа. сад̣̇арат̇аад̇и гилзсад̣̇арат̇асамбаяуд̇д̇аа. ж̇аад̇иж̇араамаран̣ияаад̇и ж̇аад̇иж̇араамаран̣аанам̣ бажжаяабхууд̇аа. сам̣гилзсигаа д̇хаммаад̇и д̣̇ваад̣̇аса агусалажид̇д̇уббаад̣̇аа. вод̣̇аанияаад̇и, самат̇авибассанаа д̇хаммаа. д̇з хи сад̇д̇з вод̣̇аабзнд̇и, д̇асмаа ‘‘вод̣̇аанияаа’’д̇и вужжанд̇и. бан̃н̃аабаарибууринд̇и маг̇г̇абан̃н̃аабаарибуурим̣. взбуллад̇д̇ан̃жаад̇и палабан̃н̃аавзбуллад̇ам̣, убхоби ваа зд̇аани ан̃н̃аман̃н̃авзважанаанзва. ид̣̇ам̣ вуд̇д̇ам̣ ход̇и ‘‘д̇ад̇о д̇умхз маг̇г̇абан̃н̃ан̃жзва палабан̃н̃ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’’д̇и. звам̣ бхаг̇аваа бариб̣б̣ааж̇агз аараб̣бха ад̇д̇ано оваад̣̇аанусаасанияаа палам̣ д̣̇ассзнд̇о арахад̇д̇анигуудзна д̣̇зсанам̣ нидтабзси.
78.Antevāsikamyatāti antevāsikamyatāya, amhe antevāsike icchanto. Evamāhāti ‘‘etu viññupuriso’’tiādimāha. Yo eva vo ācariyoti yo eva tumhākaṃ pakatiyā ācariyo. Uddesā no cāvetukāmoti attano anusāsaniṃ gāhāpetvā amhe amhākaṃ uddesato cāvetukāmo. Soeva vo uddeso hotūti yo tumhākaṃ pakatiyā uddeso, so tumhākaṃyeva hotu , na mayaṃ tumhākaṃ uddesena atthikā. Ājīvāti ājīvato. Akusalasaṅkhātāti akusalāti koṭṭhāsaṃ pattā. Akusalā dhammāti dvādasa akusalacittuppādadhammā taṇhāyeva vā visesena. Sā hi punabbhavakaraṇato ‘‘ponobbhavikā’’ti vuttā. Sadarathāti kilesadarathasampayuttā. Jātijarāmaraṇiyāti jātijarāmaraṇānaṃ paccayabhūtā. Saṃkilesikā dhammāti dvādasa akusalacittuppādā. Vodāniyāti, samathavipassanā dhammā. Te hi satte vodāpenti, tasmā ‘‘vodāniyā’’ti vuccanti. Paññāpāripūrinti maggapaññāpāripūriṃ. Vepullattañcāti phalapaññāvepullataṃ, ubhopi vā etāni aññamaññavevacanāneva. Idaṃ vuttaṃ hoti ‘‘tato tumhe maggapaññañceva phalapaññañca diṭṭheva dhamme sayaṃ abhiññā sacchikatvā upasampajja viharissathā’’ti. Evaṃ bhagavā paribbājake ārabbha attano ovādānusāsaniyā phalaṃ dassento arahattanikūṭena desanaṃ niṭṭhapesi.
79. яат̇аа д̇ам̣ маарзнаад̇и яат̇аа маарзна барияудтид̇ажид̇д̇аа нисийд̣̇анд̇и звамзва д̇ун̣хийбхууд̇аа…бз… аббадибхаанаа нисиннаа.
79.Yathā taṃ mārenāti yathā mārena pariyuṭṭhitacittā nisīdanti evameva tuṇhībhūtā…pe… appaṭibhānā nisinnā.
мааро гира сад̇т̇аа ад̇ивияа г̇аж̇ж̇анд̇о б̣уд̣̇д̇хаб̣алам̣ д̣̇ийбзд̇ваа имзсам̣ бариб̣б̣ааж̇агаанам̣ д̇хаммам̣ д̣̇зсзд̇и, гад̣̇аажи д̇хаммаабхисамаяо бхавзяяа, ханд̣̇аахам̣ барияудтаамийд̇и со д̇зсам̣ жид̇д̇аани барияудтааси. аббахийнавибаллаасаанан̃хи жид̇д̇ам̣ маарасса яат̇аагаамагаран̣ийяам̣ ход̇и. д̇зби маарзна барияудтид̇ажид̇д̇аа т̇ад̣̇д̇хан̇г̇абажжан̇г̇аа вияа д̇ун̣хий аббадибхаанаа нисийд̣̇им̣су. ат̇а сад̇т̇аа имз бариб̣б̣ааж̇агаа ад̇ивияа нираваа худ̇ваа нисиннаа, гим̣ ну код̇и ааваж̇ж̇анд̇о маарзна барияудтид̇абхаавам̣ ан̃н̃ааси. сажз бана д̇зсам̣ маг̇г̇апалуббад̇д̇ихзд̇у бхавзяяа, маарам̣ бадиб̣аахид̇вааби бхаг̇аваа д̇хаммам̣ д̣̇зсзяяа, со бана д̇зсам̣ над̇т̇и. ‘‘саб̣б̣зби мз д̇ужчабурисаа’’д̇и ан̃н̃ааси. д̇зна вуд̇д̇ам̣ ‘‘ат̇а ко бхаг̇авад̇о зд̇ад̣̇ахоси саб̣б̣зби мз могхабурисаа’’д̇иаад̣̇и.
Māro kira satthā ativiya gajjanto buddhabalaṃ dīpetvā imesaṃ paribbājakānaṃ dhammaṃ deseti, kadāci dhammābhisamayo bhaveyya, handāhaṃ pariyuṭṭhāmīti so tesaṃ cittāni pariyuṭṭhāsi. Appahīnavipallāsānañhi cittaṃ mārassa yathākāmakaraṇīyaṃ hoti. Tepi mārena pariyuṭṭhitacittā thaddhaṅgapaccaṅgā viya tuṇhī appaṭibhānā nisīdiṃsu. Atha satthā ime paribbājakā ativiya niravā hutvā nisinnā, kiṃ nu khoti āvajjanto mārena pariyuṭṭhitabhāvaṃ aññāsi. Sace pana tesaṃ maggaphaluppattihetu bhaveyya, māraṃ paṭibāhitvāpi bhagavā dhammaṃ deseyya, so pana tesaṃ natthi. ‘‘Sabbepi me tucchapurisā’’ti aññāsi. Tena vuttaṃ ‘‘atha kho bhagavato etadahosi sabbepi me moghapurisā’’tiādi.
д̇ад̇т̇а пудтаа баабимад̇аад̇и баабимад̇аа маарзна пудтаа. яад̇ра хи наамаад̇и язсу наама. ан̃н̃аан̣ад̇т̇амбийд̇и ж̇аананад̇т̇амби. гим̣ гариссад̇и сад̇д̇ааход̇и саман̣зна г̇од̇амзна барижчиннасад̇д̇аахо амхаагам̣ гим̣ гариссад̇и. ид̣̇ам̣ вуд̇д̇ам̣ ход̇и ‘‘саман̣зна г̇од̇амзна ‘саяам̣ абхин̃н̃аа сажчигад̇ваа убасамбаж̇ж̇а вихариссад̇и сад̇д̇ааха’нд̇и вуд̇д̇ам̣, со сад̇д̇аахо амхаагам̣ гим̣ абпаасугам̣ гариссад̇и. ханд̣̇а маяам̣ сад̇д̇аахаб̣бханд̇арз зд̇ам̣ д̇хаммам̣ сажчигаад̇ум̣ саггаа, на саггаад̇и ан̃н̃аан̣ад̇т̇амби б̣рахмажарияам̣ жариссаамаа’’д̇и. ат̇а ваа ж̇аанаама д̇аавасса д̇хамманд̇и згад̣̇ивасз згаваарам̣ ан̃н̃аан̣ад̇т̇амби зд̇зсам̣ жид̇д̇ам̣ нуббаннам̣, сад̇д̇аахо бана зд̇зсам̣ гусийд̇аанам̣ гим̣ гариссад̇и, гим̣ сагкиссанд̇и д̇з сад̇д̇аахам̣ буурзд̇унд̇и аяамзд̇т̇а ад̇хиббааяо. сийханаад̣̇анд̇и бараваад̣̇абхинд̣̇анам̣ сагаваад̣̇асамуссаабанан̃жа абхийд̇анаад̣̇ам̣ над̣̇ид̇ваа. бажжубадтаасийд̇и бад̇идтид̇о. д̇аавад̣̇зваад̇и д̇асмин̃н̃зва кан̣з. рааж̇аг̇ахам̣ баависийд̇и рааж̇аг̇ахамзва бавидто. д̇зсам̣ бана бариб̣б̣ааж̇агаанам̣ гин̃жааби ид̣̇ам̣ суд̇д̇анд̇ам̣ суд̇ваа висзсо на ниб̣б̣ад̇д̇о, ааяад̇им̣ бана нзсам̣ ваасанааяа бажжаяо бхависсад̇ийд̇и. сзсам̣ саб̣б̣ад̇т̇а уд̇д̇аанамзваад̇и.
Tattha phuṭṭhā pāpimatāti pāpimatā mārena phuṭṭhā. Yatra hi nāmāti yesu nāma. Aññāṇatthampīti jānanatthampi. Kiṃ karissati sattāhoti samaṇena gotamena paricchinnasattāho amhākaṃ kiṃ karissati. Idaṃ vuttaṃ hoti ‘‘samaṇena gotamena ‘sayaṃ abhiññā sacchikatvā upasampajja viharissati sattāha’nti vuttaṃ, so sattāho amhākaṃ kiṃ apphāsukaṃ karissati. Handa mayaṃ sattāhabbhantare etaṃ dhammaṃ sacchikātuṃ sakkā, na sakkāti aññāṇatthampi brahmacariyaṃ carissāmā’’ti. Atha vā jānāma tāvassa dhammanti ekadivase ekavāraṃ aññāṇatthampi etesaṃ cittaṃ nuppannaṃ, sattāho pana etesaṃ kusītānaṃ kiṃ karissati, kiṃ sakkhissanti te sattāhaṃ pūretunti ayamettha adhippāyo. Sīhanādanti paravādabhindanaṃ sakavādasamussāpanañca abhītanādaṃ naditvā. Paccupaṭṭhāsīti patiṭṭhito. Tāvadevāti tasmiññeva khaṇe. Rājagahaṃ pāvisīti rājagahameva paviṭṭho. Tesaṃ pana paribbājakānaṃ kiñcāpi idaṃ suttantaṃ sutvā viseso na nibbatto, āyatiṃ pana nesaṃ vāsanāya paccayo bhavissatīti. Sesaṃ sabbattha uttānamevāti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
уд̣̇умб̣аригасуд̇д̇аван̣н̣анаа нидтид̇аа.
Udumbarikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 2. уд̣̇умб̣аригасуд̇д̇ам̣ • 2. Udumbarikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 2. уд̣̇умб̣аригасуд̇д̇аван̣н̣анаа • 2. Udumbarikasuttavaṇṇanā
