| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੭. ਉਗ੍ਗਹਨਿਦ੍ਦੇਸવਣ੍ਣਨਾ
37. Uggahaniddesavaṇṇanā
੨੮੧. ਦਸਭੇਦਮ੍ਪੀਤਿ ਸਚੇ ਕੇਨਚਿ ਹੇਟ੍ਠਾ ਦਸ੍ਸਿਤਂ ਦਸવਿਧਂ ਰਤਨਂ ਆਨੇਤ੍વਾ ‘‘ਇਦਂ ਸਙ੍ਘਸ੍ਸ વਾ ਚੇਤਿਯਸ੍ਸ વਾ ਨવਕਮ੍ਮਸ੍ਸ વਾ ਅਞ੍ਞਪੁਗ੍ਗਲਸ੍ਸ વਾ ਸੁਤ੍ਤਨ੍ਤਿਕਗਣਸ੍ਸ વਾ ਦਮ੍ਮੀ’’ਤਿ વੁਤ੍ਤੇ ‘‘ਸਾਧੂ’’ਤਿ ਸਮ੍ਪਟਿਚ੍ਛਨ੍ਤਸ੍ਸ ਦੁਕ੍ਕਟਂ ਹੋਤੀਤਿ ਅਤ੍ਥੋ।
281.Dasabhedampīti sace kenaci heṭṭhā dassitaṃ dasavidhaṃ ratanaṃ ānetvā ‘‘idaṃ saṅghassa vā cetiyassa vā navakammassa vā aññapuggalassa vā suttantikagaṇassa vā dammī’’ti vutte ‘‘sādhū’’ti sampaṭicchantassa dukkaṭaṃ hotīti attho.
੨੮੨-੩. ਤੇਸੁ ਦਸવਿਧੇਸੁ ਰਤਨੇਸੂਤਿ ਅਤ੍ਥੋ। ਦ੍વੀਸੂਤਿ ਰਜਤਜਾਤਰੂਪੇਸੁ। ਗਣਸਙ੍ਘਪੁਗ੍ਗਲੇ (ਪਾਰਾ॰ ਅਟ੍ਠ॰ ੨.੫੩੮-੫੩੯) ਅਨਾਮਸਿਤ੍વਾ ‘‘ਇਦਂ ਹਿਰਞ੍ਞਸੁવਣ੍ਣਂ ਚੇਤਿਯਸ੍ਸ ਦਮ੍ਮਿ, ਨવਕਮ੍ਮਸ੍ਸ ਦਮ੍ਮੀ’’ਤਿ વੁਤ੍ਤੇ ਨ ਪਟਿਕ੍ਖਿਪੇਤਿ ਅਤ੍ਥੋ। ਕਿਂ ਕਾਤਬ੍ਬਨ੍ਤਿ ਚੇ? ਤਂ ਦਸ੍ਸੇਤੁਂ ‘‘વਦੇ’’ਤਿਆਦਿ વੁਤ੍ਤਂ। ‘‘ਇਮੇ ਏવਂ વਦਨ੍ਤੀ’’ਤਿ ਕਪ੍ਪਿਯਕਾਰਾਨਂ ਆਚਿਕ੍ਖਿਤਬ੍ਬਨ੍ਤਿ ਅਤ੍ਥੋ।
282-3. Tesu dasavidhesu ratanesūti attho. Dvīsūti rajatajātarūpesu. Gaṇasaṅghapuggale (pārā. aṭṭha. 2.538-539) anāmasitvā ‘‘idaṃ hiraññasuvaṇṇaṃ cetiyassa dammi, navakammassa dammī’’ti vutte na paṭikkhipeti attho. Kiṃ kātabbanti ce? Taṃ dassetuṃ ‘‘vade’’tiādi vuttaṃ. ‘‘Ime evaṃ vadantī’’ti kappiyakārānaṃ ācikkhitabbanti attho.
੨੮੪. ਨ ਕੇવਲਂ ਹਿਰਞ੍ਞਸੁવਣ੍ਣਾਦਿਕਮੇવ, ਅਞ੍ਞਮ੍ਪਿ ਖੇਤ੍ਤવਤ੍ਥਾਦਿਕਂ ਅਕਪ੍ਪਿਯਂ ਨ ਸਮ੍ਪਟਿਚ੍ਛਿਤਬ੍ਬਨ੍ਤਿ ਤਂ ਦਸ੍ਸੇਤੁਂ ‘‘ਖੇਤ੍ਤਂ વਤ੍ਥੁ’’ਨ੍ਤਿਆਦਿਮਾਹ। ਦਾਸਪਸੁਆਦਿਕਂ ਦਾਸਪਸ੍વਾਦਿਕਂ। ਸਚੇ ਹਿ ਕੋਚਿ ‘‘ਮਯ੍ਹਂ ਸਸ੍ਸਸਮ੍ਪਾਦਕਂ ਮਹਾਤਲ਼ਾਕਂ ਅਤ੍ਥਿ, ਤਂ ਸਙ੍ਘਸ੍ਸ ਦਮ੍ਮੀ’’ਤਿ વਦਤਿ, ਤਞ੍ਚੇ ਸਙ੍ਘੋ ਸਮ੍ਪਟਿਚ੍ਛਤਿ। ਪਟਿਗ੍ਗਹਣੇਪਿ ਪਰਿਭੋਗੇਪਿ ਆਪਤ੍ਤਿਯੇવ। ਏવਂ ਸੇਸੇਸੁਪਿ।
284. Na kevalaṃ hiraññasuvaṇṇādikameva, aññampi khettavatthādikaṃ akappiyaṃ na sampaṭicchitabbanti taṃ dassetuṃ ‘‘khettaṃ vatthu’’ntiādimāha. Dāsapasuādikaṃ dāsapasvādikaṃ. Sace hi koci ‘‘mayhaṃ sassasampādakaṃ mahātaḷākaṃ atthi, taṃ saṅghassa dammī’’ti vadati, tañce saṅgho sampaṭicchati. Paṭiggahaṇepi paribhogepi āpattiyeva. Evaṃ sesesupi.
ਕਪ੍ਪਿਯੇਨ ਕਮੇਨ ਗਣ੍ਹੇਯ੍ਯਾਤਿ ਸਮ੍ਬਨ੍ਧੋ। ‘‘ਖੇਤ੍ਤਂ ਦਮ੍ਮੀ’’ਤਿ વੁਤ੍ਤੇ ‘‘ਨ વਟ੍ਟਤੀ’’ਤਿ ਪਟਿਕ੍ਖਿਪਿਤ੍વਾ ‘‘ਇਤੋ ਚਤ੍ਤਾਰੋ ਪਚ੍ਚਯੇ ਪਰਿਭੁਞ੍ਜਥਾ’’ਤਿ વਾ ‘‘ਚਤੁਪਚ੍ਚਯਪਰਿਭੋਗਤ੍ਥਾਯ ਦਮ੍ਮੀ’’ਤਿ વਾ વਦਤਿ ਚੇ, ਗਹੇਤਬ੍ਬਂ। વਤ੍ਥੁਮ੍ਹਿਪਿ ਏਸੇવ ਨਯੋ। ‘‘ਤਲ਼ਾਕਂ ਦਮ੍ਮੀ’’ਤਿ વੁਤ੍ਤੇ ਪਟਿਕ੍ਖਿਪਿਤ੍વਾ ‘‘ਚਤ੍ਤਾਰੋ ਪਚ੍ਚਯੇ ਪਰਿਭੁਞ੍ਜਥਾ’’ਤਿ વਾ ‘‘ਸਙ੍ਘੋ ਉਦਕਂ ਪਰਿਭੁਞ੍ਜਿਸ੍ਸਤਿ, ਭਣ੍ਡਕਂ ਧੋવਿਸ੍ਸਤੀ’’ਤਿ વਾ ਆਦਿਨਾ ਨਯੇਨ વੁਤ੍ਤੇ ਸਮ੍ਪਟਿਚ੍ਛਿਤਬ੍ਬਂ। ‘‘ਦਾਸਂ ਦਮ੍ਮੀ’’ਤਿ વੁਤ੍ਤੇ ਪਟਿਕ੍ਖਿਪਿਤ੍વਾ ‘‘ਆਰਾਮਿਕਂ, વੇਯ੍ਯਾવਚ੍ਚਕਰਂ, ਕਪ੍ਪਿਯਕਾਰਕਂ ਦਮ੍ਮੀ’’ਤਿ વੁਤ੍ਤੇ ਸਮ੍ਪਟਿਚ੍ਛਿਤਬ੍ਬਂ। ‘‘ਗੋਮਹਿਂਸਅਜੇਲ਼ਕਾਦਯੋ ਦਮ੍ਮੀ’’ਤਿ વੁਤ੍ਤੇ ਪਟਿਕ੍ਖਿਪਿਤ੍વਾ ‘‘ਪਞ੍ਚਗੋਰਸਪਰਿਭੋਗਤ੍ਥਾਯਾ’’ਤਿ વੁਤ੍ਤੇ ਸਮ੍ਪਟਿਚ੍ਛਿਤਬ੍ਬਂ। ਏਦਿਸਂ ਗਹਣਂ ਸਨ੍ਧਾਯ ‘‘ਪਟਿਕ੍ਖਿਪਿਤ੍વਾ ਗਣ੍ਹੇਯ੍ਯਾ’’ਤਿ વੁਤ੍ਤਂ।
Kappiyena kamena gaṇheyyāti sambandho. ‘‘Khettaṃ dammī’’ti vutte ‘‘na vaṭṭatī’’ti paṭikkhipitvā ‘‘ito cattāro paccaye paribhuñjathā’’ti vā ‘‘catupaccayaparibhogatthāya dammī’’ti vā vadati ce, gahetabbaṃ. Vatthumhipi eseva nayo. ‘‘Taḷākaṃ dammī’’ti vutte paṭikkhipitvā ‘‘cattāro paccaye paribhuñjathā’’ti vā ‘‘saṅgho udakaṃ paribhuñjissati, bhaṇḍakaṃ dhovissatī’’ti vā ādinā nayena vutte sampaṭicchitabbaṃ. ‘‘Dāsaṃ dammī’’ti vutte paṭikkhipitvā ‘‘ārāmikaṃ, veyyāvaccakaraṃ, kappiyakārakaṃ dammī’’ti vutte sampaṭicchitabbaṃ. ‘‘Gomahiṃsaajeḷakādayo dammī’’ti vutte paṭikkhipitvā ‘‘pañcagorasaparibhogatthāyā’’ti vutte sampaṭicchitabbaṃ. Edisaṃ gahaṇaṃ sandhāya ‘‘paṭikkhipitvā gaṇheyyā’’ti vuttaṃ.
੨੮੫-੬. ਨવਮਾਤਿਕਕੇਦਾਰਤਲ਼ਾਕਕਿਰਿਯਾ (ਪਾਰਾ॰ ਅਟ੍ਠ॰ ੨.੨੩੮-੨੩੯) ਚ ਅਨવੇ ਪੁਬ੍ਬੇ ਕਪ੍ਪਿਯવੋਹਾਰੇਨ ਪਟਿਕ੍ਖਿਪਿਤ੍વਾ ਗਹਿਤਤਲ਼ਾਕੇ ਮਤ੍ਤਿਕੁਦ੍ਧਰਣਞ੍ਚ ਭਿਨ੍ਨਟ੍ਠਾਨੇ ਪਾਲ਼ਿਬਨ੍ਧੋ ਚ ਦੁਬ੍ਬਲਟ੍ਠਾਨੇ ਆਲ਼ਿਯਾ ਥਿਰਕਾਰੋ ਚ ਅਨવੇ ਕੇਦਾਰੇ ਪੁਰਾਣਭਾਗਤੋ ਅਤਿਰੇਕਭਾਗਗ੍ਗਹਣਞ੍ਚ ਨવੇ ਕੇਦਾਰੇ ਅਪਰਿਚ੍ਛਿਨ੍ਨਭਾਗੇ ‘‘ਸਸ੍ਸੇ ਦੇਥ ਏਤ੍ਤਕੇ’’ਤਿ ਕਹਾਪਣੁਟ੍ਠਾਪਨਞ੍ਚਾਪੀਤਿ ਇਦਂ ਸਬ੍ਬਂ ਭਿਕ੍ਖੁਸ੍ਸ ਕਾਤੁਂ ਨ વਟ੍ਟਤਿ। ਸਚੇ ਕਰੋਤਿ, ਏવਮਾਦਿਕਂ ਸਬ੍ਬੇਸਮ੍ਪਿ ਅਕਪ੍ਪਿਯਨ੍ਤਿ ਅਤ੍ਥੋ।
285-6.Navamātikakedārataḷākakiriyā (pārā. aṭṭha. 2.238-239) ca anave pubbe kappiyavohārena paṭikkhipitvā gahitataḷāke mattikuddharaṇañca bhinnaṭṭhāne pāḷibandho ca dubbalaṭṭhāne āḷiyā thirakāro ca anave kedāre purāṇabhāgato atirekabhāgaggahaṇañca nave kedāre aparicchinnabhāge ‘‘sasse detha ettake’’ti kahāpaṇuṭṭhāpanañcāpīti idaṃ sabbaṃ bhikkhussa kātuṃ na vaṭṭati. Sace karoti, evamādikaṃ sabbesampi akappiyanti attho.
੨੮੭-੯. ਇਦਾਨਿ ਤਂਯੇવ ਅਕਪ੍ਪਿਯਂ ਦਸ੍ਸੇਤੁਂ ‘‘ਅવਤ੍વਾ’’ਤਿਆਦਿ વੁਤ੍ਤਂ। ਤਸ੍ਸਤ੍ਥੋ (ਪਾਰਾ॰ ਅਟ੍ਠ॰ ੨.੨੩੮-੨੩੯) – ਯੋ ਪਨ ‘‘ਕਸ, વਪ੍ਪ’’ ਇਚ੍ਚਾਦਿਕਂ ਅવਤ੍વਾ ‘‘ਏਤ੍ਤਿਕਾਯ ਭੂਮਿਯਾ ਏਤ੍ਤਕੋ ਭਾਗੋ ਦੇਯ੍ਯੋ’’ਤਿ ਭੂਮਿਂ વਾ ਪਤਿਟ੍ਠਾਪੇਤਿ, ‘‘ਏਤ੍ਤਕੇ ਭੂਮਿਭਾਗੇ ਸਸ੍ਸਂ ਕਤਂ, ਏਤ੍ਤਕਂ ਗਣ੍ਹਥਾ’’ਤਿ ਕਸ੍ਸਕੇ વਦਨ੍ਤੇ ਪਮਾਣਗਣ੍ਹਨਤ੍ਥਂ ਦਣ੍ਡਰਜ੍ਜੁਭਿ ਮਿਨਤਿ, ਖਲੇ ਠਤ੍વਾ ਰਕ੍ਖਣਾਦੀਨਿ ਕਰੋਤਿ, ਤਸ੍ਸੇવ ਅਕਪ੍ਪਿਯਨ੍ਤਿ।
287-9. Idāni taṃyeva akappiyaṃ dassetuṃ ‘‘avatvā’’tiādi vuttaṃ. Tassattho (pārā. aṭṭha. 2.238-239) – yo pana ‘‘kasa, vappa’’ iccādikaṃ avatvā ‘‘ettikāya bhūmiyā ettako bhāgo deyyo’’ti bhūmiṃ vā patiṭṭhāpeti, ‘‘ettake bhūmibhāge sassaṃ kataṃ, ettakaṃ gaṇhathā’’ti kassake vadante pamāṇagaṇhanatthaṃ daṇḍarajjubhi minati, khale ṭhatvā rakkhaṇādīni karoti, tasseva akappiyanti.
੨੯੦. ਭਣ੍ਡਾਗਾਰਿਕਸੀਸੇਨ ਪਿਤੁਸਨ੍ਤਕਮ੍ਪਿ ਸਚੇ ਪਟਿਸਾਮੇਯ੍ਯ, ਪਾਚਿਤ੍ਤਿਯਨ੍ਤਿ ਅਤ੍ਥੋ।
290. Bhaṇḍāgārikasīsena pitusantakampi sace paṭisāmeyya, pācittiyanti attho.
੨੯੧-੨. ਪਿਤੂਨਨ੍ਤਿ ਮਾਤਾਪਿਤੂਨਂ। ਸਾਟਕਾਦਿਕਪ੍ਪਿਯਂ વਤ੍ਥੁਂ। ‘‘ਪਟਿਸਾਮੇਤ੍વਾ ਦੇਹੀ’’ਤਿ વੁਤ੍ਤੇਤਿ ਸਮ੍ਬਨ੍ਧੋ। ਪਾਤੇਤ੍વਾਨ ਗਤੇ ਯਸ੍ਮਾ ਅਜ੍ਝਾਰਾਮਸਿਕ੍ਖਾਪਦવਸੇਨ (ਪਾਚਿ॰ ੫੦੫-੫੦੬) ਪਲਿਬੋਧੋ, ਤਸ੍ਮਾ ਗੋਪਿਤੁਂ ਲਬ੍ਭਨ੍ਤਿ ਅਤ੍ਥੋ।
291-2.Pitūnanti mātāpitūnaṃ. Sāṭakādikappiyaṃ vatthuṃ. ‘‘Paṭisāmetvā dehī’’ti vutteti sambandho. Pātetvāna gate yasmā ajjhārāmasikkhāpadavasena (pāci. 505-506) palibodho, tasmā gopituṃ labbhanti attho.
੨੯੩-੪. ਸਕਂ વਾਸਿਆਦਿਪਰਿਕ੍ਖਾਰਨ੍ਤਿ ਅਤ੍ਥੋ। ਇਦਂ ਠਾਨਂ ਗੁਤ੍ਤਨ੍ਤਿ ਦਸ੍ਸੇਤਬ੍ਬਂ। ‘‘ਏਤ੍ਥ ਠਪੇਥਾ’’ਤਿ ਪਨ ਨ વਤ੍ਤਬ੍ਬਂ।
293-4.Sakaṃ vāsiādiparikkhāranti attho. Idaṃ ṭhānaṃ guttanti dassetabbaṃ. ‘‘Ettha ṭhapethā’’ti pana na vattabbaṃ.
੨੯੫. ਏਤ੍ਥ ‘‘ਅਞ੍ਞੋ ਕੋਚਿ ਨ ਪવਿਸਤਿ, ਭਿਕ੍ਖੂਹਿ વਾ ਸਾਮਣੇਰੇਹਿ વਾ ਗਹਿਤਂ ਭવਿਸ੍ਸਤੀ’’ਤਿ ਸਙ੍ਕਨ੍ਤੀਤਿ ਅਤ੍ਥੋ। વਤ੍ਥੁਮ੍ਹੀਤਿ ਅਲਙ੍ਕਾਰਾਦਿવਤ੍ਥੁਮ੍ਹੀਤਿ ਅਤ੍ਥੋ। ਤਾਦਿਸੇਤਿ ਯਾਦਿਸੇ વਤ੍ਥੁਮ੍ਹਿ ਨਟ੍ਠੇ ਆਸਙ੍ਕਾ ਹੋਤਿ, ਤਾਦਿਸੇ વਤ੍ਥੁਮ੍ਹਿ ਨਟ੍ਠੇਤਿ ਸਮ੍ਬਨ੍ਧੋ।
295. Ettha ‘‘añño koci na pavisati, bhikkhūhi vā sāmaṇerehi vā gahitaṃ bhavissatī’’ti saṅkantīti attho. Vatthumhīti alaṅkārādivatthumhīti attho. Tādiseti yādise vatthumhi naṭṭhe āsaṅkā hoti, tādise vatthumhi naṭṭheti sambandho.
੨੯੬. ਇਦਾਨਿ ਅਸਙ੍ਕਿਤਬ੍ਬਟ੍ਠਾਨਂ ਦਸ੍ਸੇਤੁਂ ‘‘વਿਹਾਰਾવਸਥਸ੍ਸਨ੍ਤੋ’’ਤਿਆਦਿਮਾਹ। વਿਹਾਰਸ੍ਸ ਚ ਘਰਸ੍ਸ ਚਾਤਿ ਅਤ੍ਥੋ। ਰਤਨਨ੍ਤਿ ਦਸવਿਧਂ ਰਤਨਂ। ਰਤ੍ਨਸਮ੍ਮਤਨ੍ਤਿ ਸਾਟਕવੇਠਨਾਦਿਕਂ। ਗਹੇਤ੍વਾਨਾਤਿ ਕਪ੍ਪਿਯਕਾਰਕੇ ਅਸਤਿ ਅਤ੍ਤਨਾਪਿ ਗਹੇਤ੍વਾਨ ਨਿਕ੍ਖਿਪੇਯ੍ਯਾਤਿ ਅਤ੍ਥੋ। ਮਗ੍ਗੇਰਞ੍ਞੇਪੀਤਿ ਮਗ੍ਗੇਪਿ ਅਰਞ੍ਞੇਪਿ। ਤਾਦਿਸੇਤਿ ‘‘ਭਿਕ੍ਖੂਹਿ ਗਹਿਤਂ ਭવਿਸ੍ਸਤੀ’’ਤਿ ਆਸਙ੍ਕਿਤਬ੍ਬਟ੍ਠਾਨੇ। ਪਤਿਰੂਪਂ ਕਰੀਯਤੀਤਿ ਮਗ੍ਗੇ વਾ ਅਰਞ੍ਞੇ વਾ ਤਾਦਿਸਂ ਭਣ੍ਡਂ ਪਸ੍ਸਿਤ੍વਾ ਮਗ੍ਗਾ ਓਕ੍ਕਮ੍ਮ ਨਿਸੀਦਿਤਬ੍ਬਂ, ਸਾਮਿਕੇਸੁ ਆਗਤੇਸੁ ਤਂ ਠਾਨਂ ਆਚਿਕ੍ਖਿਤਬ੍ਬਂ। ਸਚੇ ਸਾਮਿਕੇ ਨ ਪਸ੍ਸਤਿ, ਰਤਨਸਮ੍ਮਤਂ ਪਂਸੁਕੂਲਂ ਗਹੇਤਬ੍ਬਂ। ਰਤਨਞ੍ਚੇ ਹੋਤਿ, ਤੁਣ੍ਹੀਭੂਤੇਨ ਗਨ੍ਤਬ੍ਬਨ੍ਤਿ ਅਤ੍ਥੋ। ਅਯਂ ਮਗ੍ਗਾਰਞ੍ਞਕੇਸੁ ਪਟਿਪਤ੍ਤਿ। વਿਹਾਰਾવਸਥਾਨਂ ਪਨ ਅਨ੍ਤੋ ਤਾਦਿਸਂ ਦਿਸ੍વਾ ਭਣ੍ਡਕਂ ਮੁਞ੍ਚਿਤ੍વਾ ‘‘ਏਤ੍ਥ ਏਤ੍ਤਕਾ ਕਹਾਪਣਾ’’ਤਿਆਦਿਨਾ ਨਯੇਨ ਰੂਪੇਨ વਾ ਲਞ੍ਛਨਾਯ વਾ ਪਿਲੋਤਿਕਾਯ વਾ ਸਞ੍ਞਾਣਂ ਕਤ੍વਾ ਨਿਕ੍ਖਿਪਿਤਬ੍ਬਂ, ਤਤੋ ਪਕ੍ਕਮਨ੍ਤੇਨ ਪਤਿਰੂਪਾਨਂ ਭਿਕ੍ਖੂਨਂ ਆਚਿਕ੍ਖਿਤਬ੍ਬਂ। ਉਗ੍ਗਹવਿਨਿਚ੍ਛਯੋ।
296. Idāni asaṅkitabbaṭṭhānaṃ dassetuṃ ‘‘vihārāvasathassanto’’tiādimāha. Vihārassa ca gharassa cāti attho. Ratananti dasavidhaṃ ratanaṃ. Ratnasammatanti sāṭakaveṭhanādikaṃ. Gahetvānāti kappiyakārake asati attanāpi gahetvāna nikkhipeyyāti attho. Maggeraññepīti maggepi araññepi. Tādiseti ‘‘bhikkhūhi gahitaṃ bhavissatī’’ti āsaṅkitabbaṭṭhāne. Patirūpaṃ karīyatīti magge vā araññe vā tādisaṃ bhaṇḍaṃ passitvā maggā okkamma nisīditabbaṃ, sāmikesu āgatesu taṃ ṭhānaṃ ācikkhitabbaṃ. Sace sāmike na passati, ratanasammataṃ paṃsukūlaṃ gahetabbaṃ. Ratanañce hoti, tuṇhībhūtena gantabbanti attho. Ayaṃ maggāraññakesu paṭipatti. Vihārāvasathānaṃ pana anto tādisaṃ disvā bhaṇḍakaṃ muñcitvā ‘‘ettha ettakā kahāpaṇā’’tiādinā nayena rūpena vā lañchanāya vā pilotikāya vā saññāṇaṃ katvā nikkhipitabbaṃ, tato pakkamantena patirūpānaṃ bhikkhūnaṃ ācikkhitabbaṃ. Uggahavinicchayo.
ਉਗ੍ਗਹਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Uggahaniddesavaṇṇanā niṭṭhitā.
