| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩. উগ্গহসুত্তৰণ্ণনা
3. Uggahasuttavaṇṇanā
৩৩. ততিযে সব্বপঠমং উট্ঠানসীলাতি রত্তিযা ৰিভাযনৰেলায সামিকে পরিজনে সেয্যায অৰুট্ঠিতে সব্বপঠমং উট্ঠানসীলা। সামিকং দিস্ৰা নিসিন্নাসনতো অগ্গিদড্ঢা ৰিয পঠমমেৰ ৰুট্ঠহন্তীতি ৰা পুব্বুট্ঠাযিনিযো। কিংকারন্তি কিংকরণীযং, কিংকরণভাৰেন পুচ্ছিত্ৰা কাতব্বৰেয্যাৰচ্চন্তি অত্থো। তং পটিস্সুণন্তা ৰিচরন্তীতি কিংকারপ্পটিস্সাৰিনিযো। মনাপংযেৰ কিরিযং করোন্তি সীলেনাতি মনাপচারিনিযো। পিযমেৰ ৰদন্তি সীলেনাতি পিযৰাদিনিযো।
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
তত্রুপাযাযাতি তত্র কম্মে সাধেতব্বউপাযভূতায ৰীমংসায। তেনাহ ‘‘তস্মিং উণ্ণাকপ্পাসসংৰিধানে’’তিআদি। অলং কাতুন্তি কাতুং সমত্থা। অলং সংৰিধাতুন্তি ৰিচারেতুং সমত্থা। তেনাহ ‘‘অলং কাতুং অলং সংৰিধাতুন্তি অত্তনা কাতুম্পি পরেহি কারাপেতুম্পী’’তিআদি। সেসমেত্থ সুৰিঞ্ঞেয্যমেৰ।
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
উগ্গহসুত্তৰণ্ণনা নিট্ঠিতা।
Uggahasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. উগ্গহসুত্তং • 3. Uggahasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. উগ্গহসুত্তৰণ্ণনা • 3. Uggahasuttavaṇṇanā
