| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๓. อุคฺคหสุตฺตวณฺณนา
3. Uggahasuttavaṇṇanā
๓๓. ตติเย สพฺพปฐมํ อุฎฺฐานสีลาติ รตฺติยา วิภายนเวลาย สามิเก ปริชเน เสยฺยาย อวุฎฺฐิเต สพฺพปฐมํ อุฎฺฐานสีลาฯ สามิกํ ทิสฺวา นิสินฺนาสนโต อคฺคิทฑฺฒา วิย ปฐมเมว วุฎฺฐหนฺตีติ วา ปุพฺพุฎฺฐายินิโยฯ กิํการนฺติ กิํกรณียํ, กิํกรณภาเวน ปุจฺฉิตฺวา กาตพฺพเวยฺยาวจฺจนฺติ อโตฺถฯ ตํ ปฎิสฺสุณนฺตา วิจรนฺตีติ กิํการปฺปฎิสฺสาวินิโยฯ มนาปํเยว กิริยํ กโรนฺติ สีเลนาติ มนาปจารินิโยฯ ปิยเมว วทนฺติ สีเลนาติ ปิยวาทินิโยฯ
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
ตตฺรุปายายาติ ตตฺร กเมฺม สาเธตพฺพอุปายภูตาย วีมํสายฯ เตนาห ‘‘ตสฺมิํ อุณฺณากปฺปาสสํวิธาเน’’ติอาทิฯ อลํ กาตุนฺติ กาตุํ สมตฺถาฯ อลํ สํวิธาตุนฺติ วิจาเรตุํ สมตฺถาฯ เตนาห ‘‘อลํ กาตุํ อลํ สํวิธาตุนฺติ อตฺตนา กาตุมฺปิ ปเรหิ การาเปตุมฺปี’’ติอาทิฯ เสสเมตฺถ สุวิเญฺญยฺยเมวฯ
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
อุคฺคหสุตฺตวณฺณนา นิฎฺฐิตาฯ
Uggahasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. อุคฺคหสุตฺตํ • 3. Uggahasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓. อุคฺคหสุตฺตวณฺณนา • 3. Uggahasuttavaṇṇanā
