| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೩. ಉಗ್ಗಹಸುತ್ತವಣ್ಣನಾ
3. Uggahasuttavaṇṇanā
೩೩. ತತಿಯೇ ಸಬ್ಬಪಠಮಂ ಉಟ್ಠಾನಸೀಲಾತಿ ರತ್ತಿಯಾ ವಿಭಾಯನವೇಲಾಯ ಸಾಮಿಕೇ ಪರಿಜನೇ ಸೇಯ್ಯಾಯ ಅವುಟ್ಠಿತೇ ಸಬ್ಬಪಠಮಂ ಉಟ್ಠಾನಸೀಲಾ। ಸಾಮಿಕಂ ದಿಸ್ವಾ ನಿಸಿನ್ನಾಸನತೋ ಅಗ್ಗಿದಡ್ಢಾ ವಿಯ ಪಠಮಮೇವ ವುಟ್ಠಹನ್ತೀತಿ ವಾ ಪುಬ್ಬುಟ್ಠಾಯಿನಿಯೋ। ಕಿಂಕಾರನ್ತಿ ಕಿಂಕರಣೀಯಂ, ಕಿಂಕರಣಭಾವೇನ ಪುಚ್ಛಿತ್ವಾ ಕಾತಬ್ಬವೇಯ್ಯಾವಚ್ಚನ್ತಿ ಅತ್ಥೋ। ತಂ ಪಟಿಸ್ಸುಣನ್ತಾ ವಿಚರನ್ತೀತಿ ಕಿಂಕಾರಪ್ಪಟಿಸ್ಸಾವಿನಿಯೋ। ಮನಾಪಂಯೇವ ಕಿರಿಯಂ ಕರೋನ್ತಿ ಸೀಲೇನಾತಿ ಮನಾಪಚಾರಿನಿಯೋ। ಪಿಯಮೇವ ವದನ್ತಿ ಸೀಲೇನಾತಿ ಪಿಯವಾದಿನಿಯೋ।
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
ತತ್ರುಪಾಯಾಯಾತಿ ತತ್ರ ಕಮ್ಮೇ ಸಾಧೇತಬ್ಬಉಪಾಯಭೂತಾಯ ವೀಮಂಸಾಯ। ತೇನಾಹ ‘‘ತಸ್ಮಿಂ ಉಣ್ಣಾಕಪ್ಪಾಸಸಂವಿಧಾನೇ’’ತಿಆದಿ। ಅಲಂ ಕಾತುನ್ತಿ ಕಾತುಂ ಸಮತ್ಥಾ। ಅಲಂ ಸಂವಿಧಾತುನ್ತಿ ವಿಚಾರೇತುಂ ಸಮತ್ಥಾ। ತೇನಾಹ ‘‘ಅಲಂ ಕಾತುಂ ಅಲಂ ಸಂವಿಧಾತುನ್ತಿ ಅತ್ತನಾ ಕಾತುಮ್ಪಿ ಪರೇಹಿ ಕಾರಾಪೇತುಮ್ಪೀ’’ತಿಆದಿ। ಸೇಸಮೇತ್ಥ ಸುವಿಞ್ಞೇಯ್ಯಮೇವ।
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
ಉಗ್ಗಹಸುತ್ತವಣ್ಣನಾ ನಿಟ್ಠಿತಾ।
Uggahasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೩. ಉಗ್ಗಹಸುತ್ತಂ • 3. Uggahasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೩. ಉಗ್ಗಹಸುತ್ತವಣ್ಣನಾ • 3. Uggahasuttavaṇṇanā
