| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. उग्गसुत्तवण्णना
7. Uggasuttavaṇṇanā
७. सत्तमे उग्गो राजमहामत्तोति पसेनदिकोसलस्स महाअमच्चो। उपसङ्कमीति भुत्तपातरासो उपसङ्कमि। अड्ढोति निधानगतेन धनेन अड्ढो। मिगारो रोहणेय्योति रोहणसेट्ठिनो नत्तारं मिगारसेट्ठिं सन्धायेवमाह। महद्धनोति वळञ्जनधनेन महद्धनो। महाभोगोति उपभोगपरिभोगभण्डस्स महन्तताय महाभोगो। हिरञ्ञस्साति सुवण्णस्सेव। सुवण्णामेव हिस्स कोटिसङ्ख्यं अहोसि। रूपियस्साति सेसस्स तट्टकसरकअत्थरणपावुरणादिनो परिभोगपरिक्खारस्स पमाणसङ्खाने वादोयेव नत्थि।
7. Sattame uggo rājamahāmattoti pasenadikosalassa mahāamacco. Upasaṅkamīti bhuttapātarāso upasaṅkami. Aḍḍhoti nidhānagatena dhanena aḍḍho. Migārorohaṇeyyoti rohaṇaseṭṭhino nattāraṃ migāraseṭṭhiṃ sandhāyevamāha. Mahaddhanoti vaḷañjanadhanena mahaddhano. Mahābhogoti upabhogaparibhogabhaṇḍassa mahantatāya mahābhogo. Hiraññassāti suvaṇṇasseva. Suvaṇṇāmeva hissa koṭisaṅkhyaṃ ahosi. Rūpiyassāti sesassa taṭṭakasarakaattharaṇapāvuraṇādino paribhogaparikkhārassa pamāṇasaṅkhāne vādoyeva natthi.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. उग्गसुत्तं • 7. Uggasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. धनवग्गवण्णना • 1. Dhanavaggavaṇṇanā
