| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. อุคฺคสุตฺตวณฺณนา
7. Uggasuttavaṇṇanā
๗. สตฺตเม อุโคฺค ราชมหามโตฺตติ ปเสนทิโกสลสฺส มหาอมโจฺจฯ อุปสงฺกมีติ ภุตฺตปาตราโส อุปสงฺกมิฯ อโฑฺฒติ นิธานคเตน ธเนน อโฑฺฒฯ มิคาโร โรหเณโยฺยติ โรหณเสฎฺฐิโน นตฺตารํ มิคารเสฎฺฐิํ สนฺธาเยวมาหฯ มหทฺธโนติ วฬญฺชนธเนน มหทฺธโนฯ มหาโภโคติ อุปโภคปริโภคภณฺฑสฺส มหนฺตตาย มหาโภโคฯ หิรญฺญสฺสาติ สุวณฺณเสฺสวฯ สุวณฺณาเมว หิสฺส โกฎิสงฺขฺยํ อโหสิฯ รูปิยสฺสาติ เสสสฺส ตฎฺฎกสรกอตฺถรณปาวุรณาทิโน ปริโภคปริกฺขารสฺส ปมาณสงฺขาเน วาโทเยว นตฺถิฯ
7. Sattame uggo rājamahāmattoti pasenadikosalassa mahāamacco. Upasaṅkamīti bhuttapātarāso upasaṅkami. Aḍḍhoti nidhānagatena dhanena aḍḍho. Migārorohaṇeyyoti rohaṇaseṭṭhino nattāraṃ migāraseṭṭhiṃ sandhāyevamāha. Mahaddhanoti vaḷañjanadhanena mahaddhano. Mahābhogoti upabhogaparibhogabhaṇḍassa mahantatāya mahābhogo. Hiraññassāti suvaṇṇasseva. Suvaṇṇāmeva hissa koṭisaṅkhyaṃ ahosi. Rūpiyassāti sesassa taṭṭakasarakaattharaṇapāvuraṇādino paribhogaparikkhārassa pamāṇasaṅkhāne vādoyeva natthi.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. อุคฺคสุตฺตํ • 7. Uggasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. ธนวคฺควณฺณนา • 1. Dhanavaggavaṇṇanā
