| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. ဥဂ္ဂသုတ္တဝဏ္ဏနာ
7. Uggasuttavaṇṇanā
၇. သတ္တမေ ဥဂ္ဂော ရာဇမဟာမတ္တောတိ ပသေနဒိကောသလသ္သ မဟာအမစ္စော။ ဥပသင္ကမီတိ ဘုတ္တပာတရာသော ဥပသင္ကမိ။ အဍ္ဎောတိ နိဓာနဂတေန ဓနေန အဍ္ဎော။ မိဂာရော ရောဟဏေယ္ယောတိ ရောဟဏသေဋ္ဌိနော နတ္တာရံ မိဂာရသေဋ္ဌိံ သန္ဓာယေဝမာဟ။ မဟဒ္ဓနောတိ ဝဠဉ္ဇနဓနေန မဟဒ္ဓနော။ မဟာဘောဂောတိ ဥပဘောဂပရိဘောဂဘဏ္ဍသ္သ မဟန္တတာယ မဟာဘောဂော။ ဟိရညသ္သာတိ သုဝဏ္ဏသ္သေဝ။ သုဝဏ္ဏာမေဝ ဟိသ္သ ကောဋိသင္ခ္ယံ အဟောသိ။ ရူပိယသ္သာတိ သေသသ္သ တဋ္ဋကသရကအတ္ထရဏပာဝုရဏာဒိနော ပရိဘောဂပရိက္ခာရသ္သ ပမာဏသင္ခာနေ ဝာဒောယေဝ နတ္ထိ။
7. Sattame uggo rājamahāmattoti pasenadikosalassa mahāamacco. Upasaṅkamīti bhuttapātarāso upasaṅkami. Aḍḍhoti nidhānagatena dhanena aḍḍho. Migārorohaṇeyyoti rohaṇaseṭṭhino nattāraṃ migāraseṭṭhiṃ sandhāyevamāha. Mahaddhanoti vaḷañjanadhanena mahaddhano. Mahābhogoti upabhogaparibhogabhaṇḍassa mahantatāya mahābhogo. Hiraññassāti suvaṇṇasseva. Suvaṇṇāmeva hissa koṭisaṅkhyaṃ ahosi. Rūpiyassāti sesassa taṭṭakasarakaattharaṇapāvuraṇādino paribhogaparikkhārassa pamāṇasaṅkhāne vādoyeva natthi.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ဥဂ္ဂသုတ္တံ • 7. Uggasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. ဓနဝဂ္ဂဝဏ္ဏနာ • 1. Dhanavaggavaṇṇanā
