| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. ཨུགྒསུཏྟཝཎྞནཱ
7. Uggasuttavaṇṇanā
༧. སཏྟམེ ཨུགྒོ རཱཛམཧཱམཏྟོཏི པསེནདིཀོསལསྶ མཧཱཨམཙྩོ། ཨུཔསངྐམཱིཏི བྷུཏྟཔཱཏརཱསོ ཨུཔསངྐམི། ཨཌྜྷོཏི ནིདྷཱནགཏེན དྷནེན ཨཌྜྷོ། མིགཱརོ རོཧཎེཡྻོཏི རོཧཎསེཊྛིནོ ནཏྟཱརཾ མིགཱརསེཊྛིཾ སནྡྷཱཡེཝམཱཧ། མཧདྡྷནོཏི ཝལ༹ཉྫནདྷནེན མཧདྡྷནོ། མཧཱབྷོགོཏི ཨུཔབྷོགཔརིབྷོགབྷཎྜསྶ མཧནྟཏཱཡ མཧཱབྷོགོ། ཧིརཉྙསྶཱཏི སུཝཎྞསྶེཝ། སུཝཎྞཱམེཝ ཧིསྶ ཀོཊིསངྑྱཾ ཨཧོསི། རཱུཔིཡསྶཱཏི སེསསྶ ཏཊྚཀསརཀཨཏྠརཎཔཱཝུརཎཱདིནོ པརིབྷོགཔརིཀྑཱརསྶ པམཱཎསངྑཱནེ ཝཱདོཡེཝ ནཏྠི།
7. Sattame uggo rājamahāmattoti pasenadikosalassa mahāamacco. Upasaṅkamīti bhuttapātarāso upasaṅkami. Aḍḍhoti nidhānagatena dhanena aḍḍho. Migārorohaṇeyyoti rohaṇaseṭṭhino nattāraṃ migāraseṭṭhiṃ sandhāyevamāha. Mahaddhanoti vaḷañjanadhanena mahaddhano. Mahābhogoti upabhogaparibhogabhaṇḍassa mahantatāya mahābhogo. Hiraññassāti suvaṇṇasseva. Suvaṇṇāmeva hissa koṭisaṅkhyaṃ ahosi. Rūpiyassāti sesassa taṭṭakasarakaattharaṇapāvuraṇādino paribhogaparikkhārassa pamāṇasaṅkhāne vādoyeva natthi.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. ཨུགྒསུཏྟཾ • 7. Uggasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. དྷནཝགྒཝཎྞནཱ • 1. Dhanavaggavaṇṇanā
