| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3-4. உக்³க⁴டிதஞ்ஞூஸுத்தாதி³வண்ணனா
3-4. Ugghaṭitaññūsuttādivaṇṇanā
133-4. ததியே உக்³க⁴டிதஞ்ஞூதி எத்த² உக்³க⁴டனங் நாம ஞாணுக்³க⁴டனங், ஞாணேன உக்³க⁴டிதமத்தேயேவ ஜானாதீதி அத்தோ². ஸஹ உதா³ஹடவேலாயாதி உதா³ஹாரே உதா³ஹடமத்தேயேவ. த⁴ம்மாபி⁴ஸமயோ ஹோதீதி சதுஸச்சத⁴ம்மஸ்ஸ ஞாணேன ஸத்³தி⁴ங் அபி⁴ஸமயோ. அயங் வுச்சதீதி அயங் ‘‘சத்தாரோ ஸதிபட்டா²னா’’திஆதி³னா (விப⁴॰ 355) நயேன ஸங்கி²த்தேன மாதிகாய ட²பியமானாய தே³ஸனானுஸாரேன ஞாணங் பேஸெத்வா அரஹத்தங் க³ண்ஹிதுங் ஸமத்தோ² புக்³க³லோ ‘‘உக்³க⁴டிதஞ்ஞூ’’தி வுச்சதி. விபஞ்சிதங் வித்தா²ரிதமேவ அத்த²ங் ஜானாதீதி விபஞ்சிதஞ்ஞூ. அயங் வுச்சதீதி அயங் ஸங்கி²த்தேன மாதிகங் ட²பெத்வா வித்தா²ரேன அத்தே² பா⁴ஜியமானே அரஹத்தங் பாபுணிதுங் ஸமத்தோ² புக்³க³லோ ‘‘விபஞ்சிதஞ்ஞூ’’தி வுச்சதி . உத்³தே³ஸாதீ³ஹி நேதப்³போ³தி நெய்யோ. அனுபுப்³பே³ன த⁴ம்மாபி⁴ஸமயோதி அனுக்கமேன அரஹத்தப்பத்தி. ப்³யஞ்ஜனபத³மேவ பரமங் அஸ்ஸாதி பத³பரமோ. ந தாய ஜாதியா த⁴ம்மாபி⁴ஸமயோ ஹோதீதி தேன அத்தபா⁴வேன ஜா²னங் வா விபஸ்ஸனங் வா மக்³க³ங் வா ப²லங் வா நிப்³ப³த்தேதுங் ந ஸக்கோதீதி அத்தோ². சதுத்த²ங் உத்தானமேவ.
133-4. Tatiye ugghaṭitaññūti ettha ugghaṭanaṃ nāma ñāṇugghaṭanaṃ, ñāṇena ugghaṭitamatteyeva jānātīti attho. Saha udāhaṭavelāyāti udāhāre udāhaṭamatteyeva. Dhammābhisamayo hotīti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘‘cattāro satipaṭṭhānā’’tiādinā (vibha. 355) nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ‘‘ugghaṭitaññū’’ti vuccati. Vipañcitaṃ vitthāritameva atthaṃ jānātīti vipañcitaññū. Ayaṃ vuccatīti ayaṃ saṃkhittena mātikaṃ ṭhapetvā vitthārena atthe bhājiyamāne arahattaṃ pāpuṇituṃ samattho puggalo ‘‘vipañcitaññū’’ti vuccati . Uddesādīhi netabboti neyyo. Anupubbena dhammābhisamayoti anukkamena arahattappatti. Byañjanapadameva paramaṃ assāti padaparamo. Na tāya jātiyā dhammābhisamayo hotīti tena attabhāvena jhānaṃ vā vipassanaṃ vā maggaṃ vā phalaṃ vā nibbattetuṃ na sakkotīti attho. Catutthaṃ uttānameva.
உக்³க⁴டிதஞ்ஞூஸுத்தாதி³வண்ணனா நிட்டி²தா.
Ugghaṭitaññūsuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
3. உக்³க⁴டிதஞ்ஞூஸுத்தங் • 3. Ugghaṭitaññūsuttaṃ
4. உட்டா²னப²லஸுத்தங் • 4. Uṭṭhānaphalasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
3. உக்³க⁴டிதஞ்ஞூஸுத்தவண்ணனா • 3. Ugghaṭitaññūsuttavaṇṇanā
4. உட்டா²னப²லஸுத்தவண்ணனா • 4. Uṭṭhānaphalasuttavaṇṇanā
