| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩-৪. উগ্ঘটিতঞ্ঞূসুত্তাদিৰণ্ণনা
3-4. Ugghaṭitaññūsuttādivaṇṇanā
১৩৩-৪. ততিযে উগ্ঘটিতঞ্ঞূতি এত্থ উগ্ঘটনং নাম ঞাণুগ্ঘটনং, ঞাণেন উগ্ঘটিতমত্তেযেৰ জানাতীতি অত্থো। সহ উদাহটৰেলাযাতি উদাহারে উদাহটমত্তেযেৰ। ধম্মাভিসমযো হোতীতি চতুসচ্চধম্মস্স ঞাণেন সদ্ধিং অভিসমযো। অযং ৰুচ্চতীতি অযং ‘‘চত্তারো সতিপট্ঠানা’’তিআদিনা (ৰিভ॰ ৩৫৫) নযেন সংখিত্তেন মাতিকায ঠপিযমানায দেসনানুসারেন ঞাণং পেসেত্ৰা অরহত্তং গণ্হিতুং সমত্থো পুগ্গলো ‘‘উগ্ঘটিতঞ্ঞূ’’তি ৰুচ্চতি। ৰিপঞ্চিতং ৰিত্থারিতমেৰ অত্থং জানাতীতি ৰিপঞ্চিতঞ্ঞূ। অযং ৰুচ্চতীতি অযং সংখিত্তেন মাতিকং ঠপেত্ৰা ৰিত্থারেন অত্থে ভাজিযমানে অরহত্তং পাপুণিতুং সমত্থো পুগ্গলো ‘‘ৰিপঞ্চিতঞ্ঞূ’’তি ৰুচ্চতি । উদ্দেসাদীহি নেতব্বোতি নেয্যো। অনুপুব্বেন ধম্মাভিসমযোতি অনুক্কমেন অরহত্তপ্পত্তি। ব্যঞ্জনপদমেৰ পরমং অস্সাতি পদপরমো। ন তায জাতিযা ধম্মাভিসমযো হোতীতি তেন অত্তভাৰেন ঝানং ৰা ৰিপস্সনং ৰা মগ্গং ৰা ফলং ৰা নিব্বত্তেতুং ন সক্কোতীতি অত্থো। চতুত্থং উত্তানমেৰ।
133-4. Tatiye ugghaṭitaññūti ettha ugghaṭanaṃ nāma ñāṇugghaṭanaṃ, ñāṇena ugghaṭitamatteyeva jānātīti attho. Saha udāhaṭavelāyāti udāhāre udāhaṭamatteyeva. Dhammābhisamayo hotīti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘‘cattāro satipaṭṭhānā’’tiādinā (vibha. 355) nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ‘‘ugghaṭitaññū’’ti vuccati. Vipañcitaṃ vitthāritameva atthaṃ jānātīti vipañcitaññū. Ayaṃ vuccatīti ayaṃ saṃkhittena mātikaṃ ṭhapetvā vitthārena atthe bhājiyamāne arahattaṃ pāpuṇituṃ samattho puggalo ‘‘vipañcitaññū’’ti vuccati . Uddesādīhi netabboti neyyo. Anupubbena dhammābhisamayoti anukkamena arahattappatti. Byañjanapadameva paramaṃ assāti padaparamo. Na tāya jātiyā dhammābhisamayo hotīti tena attabhāvena jhānaṃ vā vipassanaṃ vā maggaṃ vā phalaṃ vā nibbattetuṃ na sakkotīti attho. Catutthaṃ uttānameva.
উগ্ঘটিতঞ্ঞূসুত্তাদিৰণ্ণনা নিট্ঠিতা।
Ugghaṭitaññūsuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৩. উগ্ঘটিতঞ্ঞূসুত্তং • 3. Ugghaṭitaññūsuttaṃ
৪. উট্ঠানফলসুত্তং • 4. Uṭṭhānaphalasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৩. উগ্ঘটিতঞ্ঞূসুত্তৰণ্ণনা • 3. Ugghaṭitaññūsuttavaṇṇanā
৪. উট্ঠানফলসুত্তৰণ্ণনা • 4. Uṭṭhānaphalasuttavaṇṇanā
