| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3-4. උග්‌ඝටිතඤ්‌ඤූසුත්‌තාදිවණ්‌ණනා
3-4. Ugghaṭitaññūsuttādivaṇṇanā
133-4. තතියෙ උග්‌ඝටිතඤ්‌ඤූති එත්‌ථ උග්‌ඝටනං නාම ඤාණුග්‌ඝටනං, ඤාණෙන උග්‌ඝටිතමත්‌තෙයෙව ජානාතීති අත්‌ථො. සහ උදාහටවෙලායාති උදාහාරෙ උදාහටමත්‌තෙයෙව. ධම්‌මාභිසමයො හොතීති චතුසච්‌චධම්‌මස්‌ස ඤාණෙන සද්‌ධිං අභිසමයො. අයං වුච්‌චතීති අයං ‘‘චත්‌තාරො සතිපට්‌ඨානා’’තිආදිනා (විභ. 355) නයෙන සංඛිත්‌තෙන මාතිකාය ඨපියමානාය දෙසනානුසාරෙන ඤාණං පෙසෙත්‌වා අරහත්‌තං ගණ්‌හිතුං සමත්‌ථො පුග්‌ගලො ‘‘උග්‌ඝටිතඤ්‌ඤූ’’ති වුච්‌චති. විපඤ්‌චිතං විත්‌ථාරිතමෙව අත්‌ථං ජානාතීති විපඤ්‌චිතඤ්‌ඤූ. අයං වුච්‌චතීති අයං සංඛිත්‌තෙන මාතිකං ඨපෙත්‌වා විත්‌ථාරෙන අත්‌ථෙ භාජියමානෙ අරහත්‌තං පාපුණිතුං සමත්‌ථො පුග්‌ගලො ‘‘විපඤ්‌චිතඤ්‌ඤූ’’ති වුච්‌චති . උද්‌දෙසාදීහි නෙතබ්‌බොති නෙය්‍යො. අනුපුබ්‌බෙන ධම්‌මාභිසමයොති අනුක්‌කමෙන අරහත්‌තප්‌පත්‌ති. බ්‍යඤ්‌ජනපදමෙව පරමං අස්‌සාති පදපරමො. න තාය ජාතියා ධම්‌මාභිසමයො හොතීති තෙන අත්‌තභාවෙන ඣානං වා විපස්‌සනං වා මග්‌ගං වා ඵලං වා නිබ්‌බත්‌තෙතුං න සක්‌කොතීති අත්‌ථො. චතුත්‌ථං උත්‌තානමෙව.
133-4. Tatiye ugghaṭitaññūti ettha ugghaṭanaṃ nāma ñāṇugghaṭanaṃ, ñāṇena ugghaṭitamatteyeva jānātīti attho. Saha udāhaṭavelāyāti udāhāre udāhaṭamatteyeva. Dhammābhisamayo hotīti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘‘cattāro satipaṭṭhānā’’tiādinā (vibha. 355) nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ‘‘ugghaṭitaññū’’ti vuccati. Vipañcitaṃ vitthāritameva atthaṃ jānātīti vipañcitaññū. Ayaṃ vuccatīti ayaṃ saṃkhittena mātikaṃ ṭhapetvā vitthārena atthe bhājiyamāne arahattaṃ pāpuṇituṃ samattho puggalo ‘‘vipañcitaññū’’ti vuccati . Uddesādīhi netabboti neyyo. Anupubbena dhammābhisamayoti anukkamena arahattappatti. Byañjanapadameva paramaṃ assāti padaparamo. Na tāya jātiyā dhammābhisamayo hotīti tena attabhāvena jhānaṃ vā vipassanaṃ vā maggaṃ vā phalaṃ vā nibbattetuṃ na sakkotīti attho. Catutthaṃ uttānameva.
උග්‌ඝටිතඤ්‌ඤූසුත්‌තාදිවණ්‌ණනා නිට්‌ඨිතා.
Ugghaṭitaññūsuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
3. උග්‌ඝටිතඤ්‌ඤූසුත්‌තං • 3. Ugghaṭitaññūsuttaṃ
4. උට්‌ඨානඵලසුත්‌තං • 4. Uṭṭhānaphalasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
3. උග්‌ඝටිතඤ්‌ඤූසුත්‌තවණ්‌ණනා • 3. Ugghaṭitaññūsuttavaṇṇanā
4. උට්‌ඨානඵලසුත්‌තවණ්‌ණනා • 4. Uṭṭhānaphalasuttavaṇṇanā
