| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
२. उज्जग्घिकवग्ग-अत्थयोजना
2. Ujjagghikavagga-atthayojanā
५८६. उच्चासद्दं कत्वा जग्घनं हसनं उज्जग्घो, सोयेव उज्जग्घिका, ताय। इति इममत्थं दस्सेन्तो आह ‘‘महाहसितं हसन्तो’’ति। एत्थाति ‘‘उज्जग्घिकाया’’तिपदे।
586. Uccāsaddaṃ katvā jagghanaṃ hasanaṃ ujjaggho, soyeva ujjagghikā, tāya. Iti imamatthaṃ dassento āha ‘‘mahāhasitaṃ hasanto’’ti. Etthāti ‘‘ujjagghikāyā’’tipade.
५८८. कित्तावताति कित्तकेन पमाणेन, एवं निसिन्नेसु थेरेसूति सम्बन्धो, निद्धारणे चेतं भुम्मवचनं। ववत्थपेतीति इदञ्चीदञ्च कथेतीति ववत्थपेति। एत्तावताति एत्तकेन पमाणेन।
588.Kittāvatāti kittakena pamāṇena, evaṃ nisinnesu theresūti sambandho, niddhāraṇe cetaṃ bhummavacanaṃ. Vavatthapetīti idañcīdañca kathetīti vavatthapeti. Ettāvatāti ettakena pamāṇena.
५९०. निच्चलं कत्वा कायस्स उजुट्ठपनं कायपग्गहो नामाति आह ‘‘निच्चलं कत्वा’’तिआदि। एसेव नयो बाहुपग्गहसीसपग्गहेसुपीति। दुतियो वग्गो।
590. Niccalaṃ katvā kāyassa ujuṭṭhapanaṃ kāyapaggaho nāmāti āha ‘‘niccalaṃ katvā’’tiādi. Eseva nayo bāhupaggahasīsapaggahesupīti. Dutiyo vaggo.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / २. उज्जग्घिकवग्गो • 2. Ujjagghikavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
