| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
২. উজ্জগ্ঘিকৰগ্গৰণ্ণনা
2. Ujjagghikavaggavaṇṇanā
৫৮৬. উজ্জগ্ঘিকাযাতি মহাহসিতং হসন্তো। ৰুত্তনযেনেৰেত্থ করণৰচনং।
586.Ujjagghikāyāti mahāhasitaṃ hasanto. Vuttanayenevettha karaṇavacanaṃ.
৫৮৮. অপ্পসদ্দো অন্তরঘরেতি এত্থ কিত্তাৰতা অপ্পসদ্দো হোতি? দ্ৰাদসহত্থে গেহে আদিম্হি সঙ্ঘত্থেরো, মজ্ঝে দুতিযত্থেরো, অন্তে ততিযত্থেরোতি এৰং নিসিন্নেসু সঙ্ঘত্থেরো দুতিযেন সদ্ধিং মন্তেতি, দুতিযত্থেরো তস্স সদ্দঞ্চেৰ সুণাতি, কথঞ্চ ৰৰত্থপেতি। ততিযত্থেরো পন সদ্দমেৰ সুণাতি, কথং ন ৰৰত্থপেতি। এত্তাৰতা অপ্পসদ্দো হোতি। সচে পন ততিযত্থেরো কথং ৰৰত্থপেতি, মহাসদ্দো নাম হোতি।
588.Appasaddo antaraghareti ettha kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
৫৯০. কাযং পগ্গহেত্ৰাতি নিচ্চলং কত্ৰা উজুকেন কাযেন সমেন ইরিযাপথেন গন্তব্বঞ্চেৰ নিসীদিতব্বঞ্চ।
590.Kāyaṃpaggahetvāti niccalaṃ katvā ujukena kāyena samena iriyāpathena gantabbañceva nisīditabbañca.
৫৯২. বাহুং পগ্গহেত্ৰাতি নিচ্চলং কত্ৰা।
592.Bāhuṃ paggahetvāti niccalaṃ katvā.
৫৯৪. সীসং পগ্গহেত্ৰাতি নিচ্চলং উজুং ঠপযিত্ৰা।
594.Sīsaṃ paggahetvāti niccalaṃ ujuṃ ṭhapayitvā.
দুতিযো ৰগ্গো।
Dutiyo vaggo.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. উজ্জগ্ঘিকৰগ্গো • 2. Ujjagghikavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. উজ্জগ্ঘিকৰগ্গৰণ্ণনা • 2. Ujjagghikavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. উজ্জগ্ঘিকৰগ্গৰণ্ণনা • 2. Ujjagghikavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. উজ্জগ্ঘিকৰগ্গৰণ্ণনা • 2. Ujjagghikavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. উজ্জগ্ঘিকৰগ্গ-অত্থযোজনা • 2. Ujjagghikavagga-atthayojanā
