| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
२. उज्जग्घिकवग्गवण्णना
2. Ujjagghikavaggavaṇṇanā
५८६. उज्जग्घिकायाति महाहसितं हसन्तो। वुत्तनयेनेवेत्थ करणवचनं।
586.Ujjagghikāyāti mahāhasitaṃ hasanto. Vuttanayenevettha karaṇavacanaṃ.
५८८. अप्पसद्दो अन्तरघरेति एत्थ कित्तावता अप्पसद्दो होति? द्वादसहत्थे गेहे आदिम्हि सङ्घत्थेरो, मज्झे दुतियत्थेरो, अन्ते ततियत्थेरोति एवं निसिन्नेसु सङ्घत्थेरो दुतियेन सद्धिं मन्तेति, दुतियत्थेरो तस्स सद्दञ्चेव सुणाति, कथञ्च ववत्थपेति। ततियत्थेरो पन सद्दमेव सुणाति, कथं न ववत्थपेति। एत्तावता अप्पसद्दो होति। सचे पन ततियत्थेरो कथं ववत्थपेति, महासद्दो नाम होति।
588.Appasaddo antaraghareti ettha kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
५९०. कायं पग्गहेत्वाति निच्चलं कत्वा उजुकेन कायेन समेन इरियापथेन गन्तब्बञ्चेव निसीदितब्बञ्च।
590.Kāyaṃpaggahetvāti niccalaṃ katvā ujukena kāyena samena iriyāpathena gantabbañceva nisīditabbañca.
५९२. बाहुं पग्गहेत्वाति निच्चलं कत्वा।
592.Bāhuṃ paggahetvāti niccalaṃ katvā.
५९४. सीसं पग्गहेत्वाति निच्चलं उजुं ठपयित्वा।
594.Sīsaṃ paggahetvāti niccalaṃ ujuṃ ṭhapayitvā.
दुतियो वग्गो।
Dutiyo vaggo.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / २. उज्जग्घिकवग्गो • 2. Ujjagghikavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / २. उज्जग्घिकवग्गवण्णना • 2. Ujjagghikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २. उज्जग्घिकवग्ग-अत्थयोजना • 2. Ujjagghikavagga-atthayojanā
