| Library / Tipiṭaka / ติปิฎก • Tipiṭaka / มหาวิภงฺค-อฎฺฐกถา • Mahāvibhaṅga-aṭṭhakathā |
๒. อุชฺชคฺฆิกวคฺควณฺณนา
2. Ujjagghikavaggavaṇṇanā
๕๘๖. อุชฺชคฺฆิกายาติ มหาหสิตํ หสโนฺตฯ วุตฺตนเยเนเวตฺถ กรณวจนํฯ
586.Ujjagghikāyāti mahāhasitaṃ hasanto. Vuttanayenevettha karaṇavacanaṃ.
๕๘๘. อปฺปสโทฺท อนฺตรฆเรติ เอตฺถ กิตฺตาวตา อปฺปสโทฺท โหติ? ทฺวาทสหเตฺถ เคเห อาทิมฺหิ สงฺฆเตฺถโร, มเชฺฌ ทุติยเตฺถโร, อเนฺต ตติยเตฺถโรติ เอวํ นิสิเนฺนสุ สงฺฆเตฺถโร ทุติเยน สทฺธิํ มเนฺตติ, ทุติยเตฺถโร ตสฺส สทฺทเญฺจว สุณาติ, กถญฺจ ววตฺถเปติฯ ตติยเตฺถโร ปน สทฺทเมว สุณาติ, กถํ น ววตฺถเปติฯ เอตฺตาวตา อปฺปสโทฺท โหติฯ สเจ ปน ตติยเตฺถโร กถํ ววตฺถเปติ, มหาสโทฺท นาม โหติฯ
588.Appasaddo antaraghareti ettha kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
๕๙๐. กายํ ปคฺคเหตฺวาติ นิจฺจลํ กตฺวา อุชุเกน กาเยน สเมน อิริยาปเถน คนฺตพฺพเญฺจว นิสีทิตพฺพญฺจฯ
590.Kāyaṃpaggahetvāti niccalaṃ katvā ujukena kāyena samena iriyāpathena gantabbañceva nisīditabbañca.
๕๙๒. พาหุํ ปคฺคเหตฺวาติ นิจฺจลํ กตฺวาฯ
592.Bāhuṃ paggahetvāti niccalaṃ katvā.
๕๙๔. สีสํ ปคฺคเหตฺวาติ นิจฺจลํ อุชุํ ฐปยิตฺวาฯ
594.Sīsaṃ paggahetvāti niccalaṃ ujuṃ ṭhapayitvā.
ทุติโย วโคฺคฯ
Dutiyo vaggo.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๒. อุชฺชคฺฆิกวโคฺค • 2. Ujjagghikavaggo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. อุชฺชคฺฆิกวคฺควณฺณนา • 2. Ujjagghikavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. อุชฺชคฺฆิกวคฺควณฺณนา • 2. Ujjagghikavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. อุชฺชคฺฆิกวคฺควณฺณนา • 2. Ujjagghikavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒. อุชฺชคฺฆิกวคฺค-อตฺถโยชนา • 2. Ujjagghikavagga-atthayojanā
