| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၂. ဥဇ္ဇဂ္ဃိကဝဂ္ဂဝဏ္ဏနာ
2. Ujjagghikavaggavaṇṇanā
၅၈၆. ဥဇ္ဇဂ္ဃိကာယာတိ မဟာဟသိတံ ဟသန္တော။ ဝုတ္တနယေနေဝေတ္ထ ကရဏဝစနံ။
586.Ujjagghikāyāti mahāhasitaṃ hasanto. Vuttanayenevettha karaṇavacanaṃ.
၅၈၈. အပ္ပသဒ္ဒော အန္တရဃရေတိ ဧတ္ထ ကိတ္တာဝတာ အပ္ပသဒ္ဒော ဟောတိ? ဒ္ဝာဒသဟတ္ထေ ဂေဟေ အာဒိမ္ဟိ သင္ဃတ္ထေရော, မဇ္ဈေ ဒုတိယတ္ထေရော, အန္တေ တတိယတ္ထေရောတိ ဧဝံ နိသိန္နေသု သင္ဃတ္ထေရော ဒုတိယေန သဒ္ဓိံ မန္တေတိ, ဒုတိယတ္ထေရော တသ္သ သဒ္ဒဉ္စေဝ သုဏာတိ, ကထဉ္စ ဝဝတ္ထပေတိ။ တတိယတ္ထေရော ပန သဒ္ဒမေဝ သုဏာတိ, ကထံ န ဝဝတ္ထပေတိ။ ဧတ္တာဝတာ အပ္ပသဒ္ဒော ဟောတိ။ သစေ ပန တတိယတ္ထေရော ကထံ ဝဝတ္ထပေတိ, မဟာသဒ္ဒော နာမ ဟောတိ။
588.Appasaddo antaraghareti ettha kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
၅၉၀. ကာယံ ပဂ္ဂဟေတ္ဝာတိ နိစ္စလံ ကတ္ဝာ ဥဇုကေန ကာယေန သမေန ဣရိယာပထေန ဂန္တဗ္ဗဉ္စေဝ နိသီဒိတဗ္ဗဉ္စ။
590.Kāyaṃpaggahetvāti niccalaṃ katvā ujukena kāyena samena iriyāpathena gantabbañceva nisīditabbañca.
၅၉၂. ဗာဟုံ ပဂ္ဂဟေတ္ဝာတိ နိစ္စလံ ကတ္ဝာ။
592.Bāhuṃ paggahetvāti niccalaṃ katvā.
၅၉၄. သီသံ ပဂ္ဂဟေတ္ဝာတိ နိစ္စလံ ဥဇုံ ဌပယိတ္ဝာ။
594.Sīsaṃ paggahetvāti niccalaṃ ujuṃ ṭhapayitvā.
ဒုတိယော ဝဂ္ဂော။
Dutiyo vaggo.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဥဇ္ဇဂ္ဃိကဝဂ္ဂော • 2. Ujjagghikavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. ဥဇ္ဇဂ္ဃိကဝဂ္ဂ-အတ္ထယောဇနာ • 2. Ujjagghikavagga-atthayojanā
