| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၂. ဥဇ္ဇဂ္ဃိကဝဂ္ဂဝဏ္ဏနာ
2. Ujjagghikavaggavaṇṇanā
၅၈၆. ဟသနီယသ္မိန္တိ ဟေတ္ဝတ္ထေ ဘုမ္မံ, ဟသိတဗ္ဗဝတ္ထုကာရဏာတိ အတ္ထော။ အန္တရဃရေ ဥစ္စာသဒ္ဒေန အနုမောဒနာဒိံ ကရောန္တသ္သ အနာပတ္တိ ကိရ။ တထာ ဟိ မဟိန္ဒတ္ထေရောပိ ဟတ္ထိသာလာဒီသု မဟာဇနသ္သ ကထေသိ။
586.Hasanīyasminti hetvatthe bhummaṃ, hasitabbavatthukāraṇāti attho. Antaraghare uccāsaddena anumodanādiṃ karontassa anāpatti kira. Tathā hi mahindattheropi hatthisālādīsu mahājanassa kathesi.
၅၉၁. ကေစိ ဘိက္ခူ ‘‘ပရိက္ခာရဋ္ဌပနမတ္တေန ဝာသူပဂတော ဟောတီ’’တိ ဝဒန္တိ, တံ တေသံ မတိမတ္တမေဝ။ ဘိက္ခုနိယော စေ ဝာသူပဂာ ဟောန္တိ, ဘိက္ခုနုပသ္သယောဝ ကပ္ပိယဘူမိ။ ‘‘ယတ္ထ ဘိက္ခုနိယော ဧကရတ္တမ္ပိ ဝသန္တိ, အယံ ဘိက္ခုနုပသ္သယော’’တိ (ပာစိ. ၁၆၁) ဝစနတော တာသံ သမီပံ ဝာ တာဟိ ဂဟိတဝာသာဂာရံ ဝာ ‘‘ဂစ္ဆာမီ’’တိ ဂစ္ဆတော ယထာသုခံ ဂန္တုံ ဝဋ္ဋတိ။ န ဟိ တာဝတာ တံ ဃရံ အန္တရဃရသင္ခ္ယံ ဂစ္ဆတီတိ နော တက္ကောတိ အာစရိယော။
591. Keci bhikkhū ‘‘parikkhāraṭṭhapanamattena vāsūpagato hotī’’ti vadanti, taṃ tesaṃ matimattameva. Bhikkhuniyo ce vāsūpagā honti, bhikkhunupassayova kappiyabhūmi. ‘‘Yattha bhikkhuniyo ekarattampi vasanti, ayaṃ bhikkhunupassayo’’ti (pāci. 161) vacanato tāsaṃ samīpaṃ vā tāhi gahitavāsāgāraṃ vā ‘‘gacchāmī’’ti gacchato yathāsukhaṃ gantuṃ vaṭṭati. Na hi tāvatā taṃ gharaṃ antaragharasaṅkhyaṃ gacchatīti no takkoti ācariyo.
ဥဇ္ဇဂ္ဃိကဝဂ္ဂဝဏ္ဏနာ နိဋ္ဌိတာ။
Ujjagghikavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဥဇ္ဇဂ္ဃိကဝဂ္ဂော • 2. Ujjagghikavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. ဥဇ္ဇဂ္ဃိကဝဂ္ဂဝဏ္ဏနာ • 2. Ujjagghikavaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. ဥဇ္ဇဂ္ဃိကဝဂ္ဂ-အတ္ထယောဇနာ • 2. Ujjagghikavagga-atthayojanā
