| Library / Tipiṭaka / തിപിടക • Tipiṭaka / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā |
൨. ഉജ്ജഗ്ഘികവഗ്ഗവണ്ണനാ
2. Ujjagghikavaggavaṇṇanā
൫൮൬. ഉജ്ജഗ്ഘികായാതി മഹാഹസിതം ഹസന്തോ. വുത്തനയേനേവേത്ഥ കരണവചനം.
586.Ujjagghikāyāti mahāhasitaṃ hasanto. Vuttanayenevettha karaṇavacanaṃ.
൫൮൮. അപ്പസദ്ദോ അന്തരഘരേതി ഏത്ഥ കിത്താവതാ അപ്പസദ്ദോ ഹോതി? ദ്വാദസഹത്ഥേ ഗേഹേ ആദിമ്ഹി സങ്ഘത്ഥേരോ, മജ്ഝേ ദുതിയത്ഥേരോ, അന്തേ തതിയത്ഥേരോതി ഏവം നിസിന്നേസു സങ്ഘത്ഥേരോ ദുതിയേന സദ്ധിം മന്തേതി, ദുതിയത്ഥേരോ തസ്സ സദ്ദഞ്ചേവ സുണാതി, കഥഞ്ച വവത്ഥപേതി. തതിയത്ഥേരോ പന സദ്ദമേവ സുണാതി, കഥം ന വവത്ഥപേതി. ഏത്താവതാ അപ്പസദ്ദോ ഹോതി. സചേ പന തതിയത്ഥേരോ കഥം വവത്ഥപേതി, മഹാസദ്ദോ നാമ ഹോതി.
588.Appasaddo antaraghareti ettha kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesu saṅghatthero dutiyena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hoti. Sace pana tatiyatthero kathaṃ vavatthapeti, mahāsaddo nāma hoti.
൫൯൦. കായം പഗ്ഗഹേത്വാതി നിച്ചലം കത്വാ ഉജുകേന കായേന സമേന ഇരിയാപഥേന ഗന്തബ്ബഞ്ചേവ നിസീദിതബ്ബഞ്ച.
590.Kāyaṃpaggahetvāti niccalaṃ katvā ujukena kāyena samena iriyāpathena gantabbañceva nisīditabbañca.
൫൯൨. ബാഹും പഗ്ഗഹേത്വാതി നിച്ചലം കത്വാ.
592.Bāhuṃ paggahetvāti niccalaṃ katvā.
൫൯൪. സീസം പഗ്ഗഹേത്വാതി നിച്ചലം ഉജും ഠപയിത്വാ.
594.Sīsaṃ paggahetvāti niccalaṃ ujuṃ ṭhapayitvā.
ദുതിയോ വഗ്ഗോ.
Dutiyo vaggo.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൨. ഉജ്ജഗ്ഘികവഗ്ഗോ • 2. Ujjagghikavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨. ഉജ്ജഗ്ഘികവഗ്ഗ-അത്ഥയോജനാ • 2. Ujjagghikavagga-atthayojanā
